Trombonet tab. 75mg №30 Farmak

Preparatning savdo nomi

Trombonet
Ta'sir etuvchi modda (XPN) klopidogrel

Dori shakli

plyonka qobiq bilan qoplangan tabletkalar.

Tarkibi

1 tabletka quyidagilarni saqlaydi
faol modda 75 mg klopidogrelga qayta hisoblaganda 97,875 mg klopidogrel bisulfati (klopidogrel gidrosulfati);
yordamchi moddalar laktoza monogidrati, mikrokristall sellyuloza (E 101), makkajo‘xori kraxmali, gidrogenlangan kanakunjut moyi, makrogol 6000, magniy stearati;
qobig‘i gidroksipropilmetiltsellyuloza (5), titan dioksidi (E 171), makrogol 6000, kandurin (kumush yaltirog‘i), temir (III) oksidi (E 172).
Ta'rifi dumaloq shakli, ikki tomoni qavariq, yaltiroq tusli to‘q pushti rangli plyonka qobiq bilan qoplangan tabletkalar.

Farmakoterapevtik guruhi

antitrombotik vositalar.
ATX kodi V01AS04.

Farmakologik xususiyatlari

Farmakodinamika

si.
Ta'sir mexanizmi. Klopidogrel adenozindifosfatni (ADF) trombotsitlarning yuzasidagi retseptorlar bilan bog‘lanishini va ADF ta'siri ostidaGPIIb/IIIa kompleksini keyingi faollashuvini selektiv susaytiradi va shu orqali trombotsitlar agregatsiyasini susaytiradi. Trombotsitlar agregatsiyasini faol ingibitsiyasini hosil bo‘lishi uchun klopidogrelning biotransformatsiyasi zarur. Klopidogrel shuningdek boshqa agonistlar chaqirgan agregatsiyani, ADF dan halos bo‘lgan trombotsitlarning faolligini oshishini blokada qilish yo‘li bilan susaytiradi. Klopidogrel Trombotsitning ADF retseptorlarini qaytmas modifikatsiya qiladi. Shunday qilib, klopidogrel bilan o‘zaro ta'sirlashgan trombotsitlar ularning hayotining oxirigacha o‘zgaradi. Trombotsitlarning normal faoliyati trombotsitlarni yangilanish tezligiga mos tezlikda tiklanadi.
Farmakodinamik samaralari. Preparatni 75 mg takroriy sutkalik dozada qo‘llashning birinchi kunidan ADF-induktsiyalangan trombotsitlarning agregatsiyasini ahamiyatli sekinlashishi kuzatiladi. Bu 3 va 7 kunlar orasida jadal kuchayadi va barqarorlashadi. Barqaror holatda 75 mg sutkalik doza ta'siri ostida agragatsiyasini susaytirishning o‘rtacha darajasi 40% dan 60% gachani tashkil etadi. Trombotsitlar agregatsiyasi va qon ketish davomiyligi davolash to‘xtatilgandan keyin o‘rtacha 5 kundan keyin dastlabki darajaga qaytadi.

Farmakokinetikasi

.
So‘rilishi. 75 mg bir martalik va ko‘p martalik dozalarini peroral qabul qilinganidan keyin klopidogrel tez so‘riladi. O‘zgarmagan klopidogrelning plazmadagi o‘rtacha cho‘qqi kontsentratsiyalariga (peroral 75 mg bir martalik dozadan keyin taxminan 2,2-2,5 ng/ml) qabul qilinganidan keyin taxminan 45 minut o‘tgach erishilgan. Klopidogrelning metabolitlarini siydik bilan chiqarilishi ma'lumotlari bo‘yicha, so‘rilishi 50% dan kamroqni tashkil qiladi.
Taqsimlanishi. Klopidogrel va qonda aylanib yuruvchi asosiy (faol bo‘lmagan) metaboliti, in vitro sharoitda odamning plazma oqsillari bilan qaytuvchan bog‘lanadi (muvofiq 98% va 94%). Bu bog‘lanish in vitro sharoitida kontsentratsiyalarning keng diapazoni chegarasida to‘yinmagan holda qoladi.
Metabolizmi. Klopidogrel jigarda jadal metabolizmga uchraydi. In vitro va in vivo sharoitlarda uning metabolizmini ikki asosiy yo‘li mavjud biri esterazalar ishtirokida amalga oshiriladi va karbon kislotasining faol bo‘lmagan metabolitini hosil bo‘lishi (u plazmada aylanib yurgan barcha metabolitlarning 85% ni tashkil qiladi) gidroliziga olib keladi, boshqasida esa sitoxrom R450 tizimining fermentlari ishtirok etadi. Avval klopidogrel oraliq metabolit 2-okso-klopidogrelga aylanadi. 2-okso-klopidogrelning keyingi metabolizmi natijasida tiol hosilasi – faol metabolit hosil bo‘ladi. In vitro sharoitida bu metabolik yo‘l CYP3A4, CYP2C19, CYP1A2 va CYP2V6 fermentlari yordamida amalga oshadi. In vitro sharoitda ajratib oligan klopidogrelning faol metaboliti (tiol hosilasi) trombotsitlardagi retseptorlar bilan tez va qaytmas bog‘lanadi, shu bilan trombotsitlarning agregatsiyasini oldini oladi.
Chiqarilishi. Nishonlangan 14S-klopidogrel ichga qabul qilinganidan keyin 120 soat o‘tgach odamda taxminan 50% nishon siydik bilan va taxminan 46% - ahlat bilan chiqarilgan. 75 mg bir martalik doza peroral qabul qilinganidan keyin klopidogrelning yarim chiqarilish davri taxminan 6 soatni tashqil qiladi. Qondagi aylanib yurgan asosiy (faol bo‘lmagan) metabolitning yarim chiqarilish davri, preparat bir marta va ko‘p marta yuborilganidan keyin 8 soatni tashqil qiladi.
Farmakogenetikasi. CYP2C19 ham faol metaboliti, ham oraliq metabolit 2-okso-klopidogrelni hosil bo‘lishida ishtirok etadi. Klopidogrelning faol metabolitining farmakokinetikasi va ex vivo sharoitidagi trombotsitlarning agregatsiyasini o‘lchash ma'lumotlari bo‘yicha antrombotsitar samaralari CYP2C19 ning genotipiga qarab farq qiladi. CYP2C19*1 alleli to‘liq faoliyat ko‘rsatayotgan metabolizmga muvofiq keladi, ayni vaqtda CYP2C19*2 va CYP2C19*3 allellari faoliyat ko‘rsatmaydigan metabolizmga muvofiq keladi. CYP2C19*2 va CYP2C19*3 allellari metabolizmi susaygan yevropeoid (85%) va mongoloid (99%) irqqa mansub patsiyentlarda faoliyatni pasaytiruvchi ko‘pchilik allellar uchun mas'ul. Faoliyat ko‘rsatmaydigan yoki pasaygan metabolizmi bilan assotsiyatsiyalangan boshqa allellar nisbatan kam uchraydi. Ularga CYP2C19*4, *5, *6, *7 va *8 kiradi. Metabolizmi susaygan patsiyentlar yuqorida ko‘rsatilganidek faoliyat ko‘rsatmaydigan ikkita allelga ega. Chop etilgan ma'lumotlarga ko‘ra, metabolizmni susayishiga mos keluvchi CYP2C19 genotiplari yevropeoid irqqa mansub 4% patsiyentlarda va xitoy millatiga mansub 14% patsiyentlarda uchraydi. CYP2C19 genotipini aniqlash imkoniyatini beruvchi testlar mavjud.
Alohida toifadagi patsiyentlar
Klopidogrelning faol metabolitining farmakokinetikasi quyidagi maxsus toifa patsiyentlada o‘rganilmagan.
Buyrak yetishmovchiligi. Og‘ir buyrak yetishmovchiligi (kreatinin klirensi minutiga
5-15 ml) bo‘lgan patsiyentlar tomonidan sutkada 75 mg klopidogrel muntazam qabul qilinganidan keyin trombotsitlaning ADF induktsiyalangan agregatsiyasini ingibitsiya qilinishi, sog‘lom ko‘ngillilardagi xuddi shunday samaraga nisbatan kamroq (25%) namoyon bo‘lgan, qon ketish vaqti esa, sutkada 75 mg klopidogrel qabul qilgan sog‘lom ko‘ngillilarda bo‘lgani kabi, deyarli xuddi shunday oshgan. Klinik o‘zlashtiraolinishi barcha patsiyentlarda yaxshi bo‘lgan.
Jigar yetishmovchiligi. Og‘ir jigar yetishmovchiligi bo‘lgan patsiyentlar tomonidan 10 kun davomida sutkada 75 mg klopidogrel muntazam qabul qilinganidan keyin, trombotsitlarning ADF induktsiyalangan agregatsiyasini ingibitsiya qilinishi sog‘lom shaxslarnikidek bo‘lgan. Qon ketish vaqtini o‘rtacha oshishi ham ikkala guruhda bir xil bo‘lgan.
Irqiy mansublik. CYP2C19 ning o‘rtacha va kuchsiz metabolik faolligiga mas'ul bo‘lgan CYP2C19 allellarini tarqalganligi irqiy/etnik mansublikka qarab farq qiladi. Mongoloid irqqa mansub patsiyentlar yuzasidan, klinik natijalar nuqtai nazaridan CYP genotiplanishning klinik ko‘rsatkichlarini baholashga imkon beruvchi ma'lumotlar cheklangan.

Qo‘llanilishi

Kattalarda aterotromboz ko‘rinishlarining oldini olish
• miokard infarkti (davolashning boshlanishi - bir necha kundan keyin, lekin paydo bo‘lganidan keyin kechi bilan 35 kundan keyin), ishemik insult (davolashning boshlanishi - 7 kundan keyin, lekin paydo bo‘lganidan keyin kechi bilan 6 oydan keyin) o‘tkazgan yoki periferik arteriyalarning kasalliklari (arteriyalarni shikastlanishi va oyoq qon tomirlarining aterotrombozi) diagnostika qilingan bemorlarda;
• o‘tkir koronar sindromi bo‘lgan bemorlarda
-ST segmentini ko‘tarilishisiz o‘tkir koronar sindromi (nostabil stenokardiya yoki Q tishisiz miokard infarkti), shu jumladan teri orqali koronar angioplastikani o‘tkazish davomida stent qo‘yilgan bemorlarda, atsetilsalitsil kislotasi bilan majmuada;
-ST segmentini ko‘tarilishi bilan kechuvchi o‘tkir miokard infarktida, atsetilsalitsil kislotasi bilan majmuada (standart medikamentoz davolanayotgan va trombolitik davolash ko‘rsatilgan bemorlarda) qo‘llanadi.
Yurak bo‘lmachalari fibrillyatsiyasida aterotrombotik va tromboembolik hodisalarning oldini olish.
Klopidogrel ASK bilan majmuada K vitamini antagonistlari (KVA) bilan davolash mumkin bo‘lmagan va qon ketishi paydo bo‘lishi xavfi past bo‘lgan qon tomir hodisalarini paydo bo‘lishining kamida bitta xavf omiliga ega yurak bo‘lmachalari fibrillyatsiyasi bo‘lgan patsiyentlarda aterotrombotik va tromboembolik hodisalar, shu jumladan insultni oldini olish uchun ko‘rsatilgan.

Qo‘llash usuli va dozalari

Kattalar va keksa yoshdagi bemorlar. Trombonet ovqat qabul qilishdan qat'iy nazar,
75 mg dan sutkada 1 marta buyuriladi.
ST segmentini ko‘tarilishisiz o‘tkir koronar sindromi bo‘lgan bemorlarda (nostabil stenokardiya yoki EKG da Q tishisiz miokard infarkti) klopidogrel bilan davolash
300 mg bir martalik yuklama doza bilan boshlanadi, keyin esa sutkada bir marta 75 mg dozada (sutkada 75-325 mg doza atsetilsalitsil kislotasi (ASK) bilan) davom ettiriladi. ASKning yuqoriroq dozalarini qo‘llash qon ketishining yuqori xavfi bilan bog‘liqligi tufayli, atsetilsalitsil kislotasining dozasini 100 mg dan oshirmaslik tavsiya etiladi. Davolashning optimal davomiyligi rasmiy belgilanmagan. Klinik tadqiqotlarning natijalari preparatni 12 oygacha qo‘llash foydasiga guvohlik beradi, maksimal samara esa 3 oy davomidan keyin kuzatiladi.
ST segmentini ko‘tarilishi bilan o‘tkir miokard infarkti bo‘lgan bemorlarda klopidogrel 75 mg dan sutkada 1 marta, ASK bilan majmuada, trombolitik preparatlarni qo‘llash bilan yoki ularsiz, 300 mg bir martalik yuklama dozasidan boshlab buyuriladi. 75 yoshdan oshgan bemorlarni davolash klopidogrelning yuklama dozasiz boshlanadi. Majmuaviy davolashni simptomlar namoyon bo‘lganidan keyin iloji boricha ertaroq boshlash va kamida 4 hafta davom ettirish kerak. Klopidogrelni ASK bilan majmuada qo‘llashdan kutiladigan foyda, bu kasallikda to‘rt haftadan ortiqo‘rganilmagan.
Yurak bo‘lmachalari fibrillyatsiyasi bo‘lgan patsiyentlarda klopidogrel sutkada 75 mg bir martalik dozada qo‘llanadi. Klopidogrel bilan birga ASK ni (sutkada 75-100 mg dozada) qo‘llashni boshlash va davolash ettirish kerak.
Doza o‘tkazib yuborilgan hollarda
-agar navbatdagi dozani qabul qilish kerak bo‘lgan vaqtdan 12 soatdan kamroq vaqt o‘tgan bo‘lsa patsiyent o‘tkazib yuborilgan dozani darhol qabul qilishi kerak, keyingi dozani esa odatdagi vaqtda qabul qilishi kerak;
-agar 12 soatdan ko‘proq vaqt o‘tgan bo‘lsa, patsiyent odatdagi vaqtda keyingi navbatdagi dozani qabul qilishi kerak va o‘tkazib yuborilgan dozani o‘rnini to‘ldirish uchun dozani ikki marta qabul qilmasligi kerak.
Buyrak yetishmovchiligi. Buyrak yetishmovchiligi bo‘lgan patsiyentlarda klopidogrelni qo‘llashning terapevik tajribasi cheklangan, shuning uchun preparatni patsiyentlarga ehtiyotkorlik bilan buyurish kerak (“

Qo‘llash usuli va dozalari

” bo‘limiga qarang).
Jigar yetishmovchiligi. O‘rtacha og‘irlik darajasidagi jigar kasalligi va gemorragik diatez rivojlanishi mumkin bo‘lgan patsiyentlarda preparatni qo‘llash tajribasi cheklangan, shuning uchun bunday bemorlarga klopidogrelni ehtiyotkorlik bilan buyurish kerak (“

Qo‘llash usuli va dozalari

” bo‘limiga qarang).
Bolalar va o‘smirlar. Klopidogrelni bolalarda qo‘llash mumkin emas, chunki bu yosh toifasidagilarda preparatning samaradorligi haqida ma'lumotlar yo‘q.
Nojo‘ya ta'sirlari
Nerv tizimi tomonidan bosh aylanishi, bosh og‘rig‘i, paresteziyalar, bosh miya ichki qon quyilishlari (ayrim hollarda o‘lim bilan yakunlanuvchi), ta'm sezishni o‘zgarishi.
Ruhiy buzilishlar gallyutsinatsiyalar, ongni chalkashishi.
Ko‘rish a'zosi tomonidan ko‘z sohasida qon ketishlar (kon'yunktival, okulyar, retinal).
Eshitish a'zosi va labirint tomonidan vertigo.
Qon-tomir tizimi tomonidan gematoma, og‘ir qon quyilishlari, operatsiya jarohatidan qon ketishi, vaskulit, arterial gipotenziya.
Respitator, torakal va mediastinal buzilishlar burundan qon ketishi, respirator yo‘llardan qon ketishi (qon tuflash, o‘pkadan qon ketishi), bronxospazm, interstitsial pnevmonit, eozinofil pnevmoniya.
Me'da-ichak yo‘llari tomonidan me'da-ichakdan qon ketishlar, diareya, abdominal og‘riq, dispepsiya, me'da va o‘n ikki barmoq ichak yarasi, gastrit, qusish, ko‘ngil aynishi, qabziyat, meteorizm, retroparatoneal qon quyilishlar, o‘lim bilan yakunlanuvchi me'da-ichakdan va retroperitoneal qon ketishlar, panreatit, kolit (xususan yarali yoki limfotsitar), stomatit.
Gepatobiliar tizimi tomonidan o‘tkir jigar yetishmovchiligi, gepatit, jigar faoliyati ko‘rsatkichlarining anomal natijalari.
Teri va teri osti kletchatkasi tomonidan teri ostiga qon quyilishlar, toshma, qichishish, teri ichiga qon quyilishlari (purpura), bullyoz dermatit (toksik epidermal nekroliz, Stivens-Djonson sindromi, ko‘p shaklli eritema), angionevrotik shish, makulopapullyoz, eritematoz yoki eksfoliativ toshma, eshakemi, medikamentoz o‘ta yuqori sezuvchanlik reaktsiyasi, eozinofiliya va tizimli ko‘rinishlar (DRESS sindromi) bilan kechuvchi medikamentoz toshma, ekzema, yassi temiratki.
Skelet-mushak va biriktiruvchi to‘qima tomonidan suyak-mushak qon quyilishlari (gemartroz), artrit, artralgiya, mialgiya.
Qon va limfatik tizim tomonidan trombotsitopeniya, leykotsitopeniya, eozinofiliya, neytropeniya, shu jumladan og‘ir neytropeniya; trombotik trombotsitopenik purpura (TTP) (“

Maxsus ko‘rsatmalar

” bo‘limiga qarang), aplastik anemiya, pantsitopeniya, agranulotsitoz, og‘ir trombotsitopeniya, granulotsitopeniya, anemiya, orttirilgan gemofiliya A.
Immun tizimi tomondan zardob kasalligi, anafilaktoid reaktsiyalar, tiyenopiridinlar (tiklopidin, prasugel kabi) orasida kesishgan o‘ta yuqori sezuvchanlik (“

Maxsus ko‘rsatmalar

” bo‘limiga qarang).
Buyrak va siydik chiqarish tizimi tomonidan gematuriya, glomerulonefrit, qonda kreatinin darajasini oshishi.
Umumiy buzilishlar va mahalliy reaktsiyalar in'ektsiya joyidan qon ketishlari, isitma.
Laboratoriya ko‘rsatkichlari qon ketishi vaqtini uzayishi, neytrofillar va trombotsitlar sonini kamayishi.

Qo‘llash mumkin bo‘lmagan holatlar

Ta'sir etuvchi modda yoki preparatining biron-bir komponentiga yuqori sezuvchanlik. Og‘ir jigar yetishmovchiligi. O‘tkir qon ketishi (masalan, peptik yara yoki bosh miyaga qon quyilishi).
Dorilarning o‘zaro ta'siri
Peroral antikoagulyantlar. Trombonetni peroral antikoagulyantlar bilan bir vaqtda qo‘llash tavsiya qilinmaydi, chunki bunday majmua qon ketishi jadalligini kuchaytirishi mumkin Garchi klopidogrelni sutkada 75 mg dozada qo‘llash varfarin bilan uzoq vaqt davolanayotgan patsiyentlarda S-varfarinning farmakokinetik profilini yoki xalqaro normallashgan nisbat (XNN) ni o‘zgartirmaydi, klopidogrel va varfarinni bir vaqtda qo‘llash gemostazga mustaqil ta'sirini mavjudligi tufayli qon ketishi xavfini oshiradi.
IIb/IIIa glikoproteinning ingibitorlari. IIb/IIIa glikoproteinni qo‘llanayotgan patsiyentlarga klopidogrelni ehtiyotkorlik bilan buyurish kerak (“

Maxsus ko‘rsatmalar

” bo‘limiga qarang).
Atsetilsalitsil kislotasi (ASK). Atsetisalitsil kislotasi ADF-induktsiyalangan trombotsitlar agregatsiyasiga klopidogrelning ingibitorlik ta'sirini o‘zgartirmaydi, lekin kollagen tomonidan induktsiyalangan trombotsitlar agregatsiyasiga ASK ning ta'sirini kuchaytiradi. Lekin 500 mg ASK ni bir kun davomida sutkada 2 marta bir vaqtda qo‘llash, klopidogrelni qabul qilish oqibatida oshgan qon ketish vaqtini ahamiyatli oshishini chaqirmagan. Chunki klopidogrel bilan atsetilsalitsil kislotasi orasidagi farmakodinamik o‘zaro ta'siri qon ketishi xavfini oshishi bilan kechishi tufayli, bu preparatlarni bir vaqtda qo‘llash ehtiyotkorlikni talab qiladi (“

Maxsus ko‘rsatmalar

” bo‘limiga qarang). Bunga qaramasdan klopidogrel va ASK bir yilgacha vaqt davomida birga qabul qilingan.
Geparin. Klopidogrel bilan bir vaqtda qo‘llash geparinning dozasiga tuzatish kiriishni talab qilmagan va geparinning koagulyatsiyaga ta'sirini, trombotsitlar agregatsiyasiga klopidogrelning ingibitsiya qiluvchi ta'sirini o‘zgartirmagan. Klopidogrel va geparin o‘rtasida farmakodinamik o‘zaro ta'siri bo‘lishi mumkinligi tufayli, ularni bir vaqtda qo‘llash ehtiyotkorlikni talab qiladi.
Trombolitik vositalar. Klopidogrel, fibrinospetsifik yoki fibrinonospetsifik trombolitik agentlar va geparinni bir vaqtda qo‘llashning xavfsizligi o‘tkir miokard infarkti bo‘lgan bemorlarda tekshirilgan. Klinik ahamiyatli qon ketishlarining tez-tezligi, trombolik preparatlar va geparinni ASK bilan bir vaqtda qo‘llashda kuzatilgani bilan bir xil bo‘lgan.
Nosteroid yallig‘lanishga qarshi vositalar (NYaQV). Klopidogrel va naproksenni bir vaqtda qo‘llash me'da-ichak yo‘llaridan yashirin qon ketishlari sonini oshirgan. Lekin preparatni boshqa NYaQV bilan o‘zaro ta'siri yuzasidan tadqiqotlar o‘tkazilmaganligi tufayli, boshqa NYaQP bilan birga qo‘llanilganda me'da-ichakdan qon ketish xavfi oshishi hozirgi vaqtgacha noma'lum. Shuning uchun NYaQV, ayniqsa SOG-2 ingibitorlarini klopidogrel bilan bir vaqtda qo‘llashda ehtiyotkorlik kerak.
Boshqa preparatlarni bir vaqtda qo‘llash. Klopidogrel o‘zining faol metabolitiga qisman CYP2C19 ta'siri ostida aylanishi tufayli, bu fermentning faolligini susaytiruvchi preparatlarni qo‘llash ehtimol qon plazmasida klopidogrelning faol metabolitning kontsentratsiyasini pasayishiga olib keladi. Bu o‘zaro ta'sirning klinik ahamiyati noma'lum. Shuning uchun ehtiyotkorlik chorasi sifatida CYP2C19 ning kuchli va o‘rtacha ingibitorlarini bir vaqtda qo‘llashdan saqlanish kerak (“

Maxsus ko‘rsatmalar

” va “

Farmakokinetikasi

” bo‘limlariga qarang). CYP2C19 ning faolligini susaytiruvchi preparatlarga quyidagilar kiradi omeprazol, ezomeprazol, fluvoksamin, fluoksetin, moklobemid, vorikonazol, flukonazol, tiklopidin, siprofloksatsin, simetidin, karbamazepin, okskarbazepin va xloramfenikol.
Proton nasosining ingibitorlari (PNI). Omeprazol 80 mg dozada sutkada 1 marta klopidogrel bilan bir vaqtda yoki bu ikkala preparatlarni qabul qilish orasida 12 soat chegarasida qo‘llanilganda qonda faol metabolitning kontsentratsiyasini 45% (yuklama doza) va 40% (samarani bir maromda ushlab turuvchi doza) ga kamaytirgan. Bu kamayish trombotsitlar agregatsiyasini 39% (yuklama doza) va 21% (samarani bir maromda ushlab turuvchi doza) ga kamayishi bilan kechgan. Klopidogrel ezomeprazol bilan xuddi shunday o‘zaro ta'sirlashadi deb taxmin qilinadi.
Asosiy kardiovaskulyar hodisalarning rivojlanishi nuqtai nazardan bu farmakokinetik (FK) va farmakodinamik (FD) o‘zaro ta'sirlarning klinik oqibatlari yuzasidan turlicha fikrlar mavjud. Ehtiyotkorlik chorasi sifatida klopidogrelni omeprazol yoki ezomeprazol bilan bir vaqtda qo‘llash mumkin emas (“

Maxsus ko‘rsatmalar

” bo‘limiga qarang).
Pantaprozol yoki lansoprazolni qo‘llaganda qondagi metabolitning kontsentratsiyasini kamroq yaqqollikda kamayishi kuzatilgan.
Pantoprazolni 80 mg dozada sutkada 1 marta bir vaqtda qo‘llaganda plazmada faol metabolitning kontsentratsiyasi 20% (yuklama doza) va 14% (samarani bir maromda ushlab turuvchi doza) ga kamaygan. Bu kamayish trombotsitlar agregatsiyasini susayishini o‘rtacha ko‘rsatkichini muvofiq ravishda 15% va 11% ga kamayishi bilan kechgan. Olingan natijalar klopidogrel va pantoprazolni bir vaqtda qo‘llash mumkinligini bildiradi.
Me'dada kislotani ishlab chiqarilishini kamaytiruvchi, masalan, N2-blokatorlar yoki antatsidlar kabi boshqa dori vositalari (CYP2C19 ning ingibitori hisoblangan simetidindan tashqari) yoki antatsidlar klopidogrelning antitrombotsitar faolligiga ta'sir etishi to‘g‘risida dalillar yo‘q.
Boshqa dori vositalari bilan majmuasi. Klopidogrelni atenolol, nifedipin yoki ikkala preparatlar bilan bir vaqtda qo‘llaganda klinik ahamiyatli farmakodinamik o‘zaro ta'siri aniqlanmagan. Bundan tashqari, klopidogrelning farmakodinamik faolligi fenobarbital va estrogen bilan bir vaqtda qo‘llanganida deyarli o‘zgarmasdan qolgan.
Klopidogrel bilan bir vaqtda qo‘llanilganda digoksin yoki teofillinning farmakokinetik xususiyatlari o‘zgarmagan.
Antatsid vositalar klopidogrelning so‘rilish darajasiga ta'sir qilmagan.
Klopidogrelning karboksil metabolitlari sitoxrom R450 2S9 ning faolligini susaytirishi mumkin. Bu sitoxrom R450 2S9 yordamida metabolizmga uchraydigan fenitoin va tolbutamid hamda NYaQV kabi dori vositalarning plazmadagi darajasini potentsial oshirishi mumkin. Shunga qaramasdan, CAPRIE tadqiqotlarining natijalari fenitoin va tolbutamin klopidogrel bilan bir vaqtda qo‘llanganida xavfsiz ekanligidan dalolat beradi.
Klopidogrelni boshqa preparatlar, shu jumladan diuretiklar, beta-blokatorlar, angiotenzinga-aylantiruvchi ferment ingibitorlari, kaltsiy antagonistlari, xolesterinning darajasini pasaytiruvchi vositalar, koronar vazodilyatatorlar, antidiabetik vositalar (shu jumladan insulin), tutqanoqqa qarshi vositalar, GPIIb/IIIa antagonistlari bilan bir vaqtda qo‘llanganida, klinik ahamiyatli nojo‘ya samaralari kuzatilmagan.

Maxsus ko‘rsatmalar

Qon ketishlar va gematologik buzilishlar. Qon ketishlari va gematologik nojo‘ya ta'sirlarini rivojlanish xavfi tufayli, agar preparatni qo‘llash vaqtida yuz berishi mumkin bo‘lgan qon ketishi to‘g‘risida dalolat beruvchi simptomlar kuzatilsa, darhol qonning kengaytirilgan tahlilini va/yoki boshqa tegishli testlarni o‘tkazish kerak. Boshqa antitrombotik vositalar kabi, klopidogrelni jarohat, jarrohlik aralashuvi yoki boshqa patologik holatlar oqibatida qon ketishlarining yuqori xavfi bo‘lgan patsiyentlarga, shuningdek patsiyentlar tomonidan ASK, geparin IIb/III glikoproteini ingibitorlarini yoki nosteroid yallig‘lanishga qarshi preparatlarni, xususan SOG-2 ingiborlarini qo‘llash holatlarida ehtiyotkorlik bilan qo‘llash kerak. Bemorlarda qon ketishi simptomlarini, shu jumladan yashirin qon ketishining ko‘rinishlarini, ayniqsa davolashning birinchi haftasida va/yoki yurakdagi invaziv muolajalar va jarrohlik aralashuvlaridan keyin diqqat bilan kuzatish kerak. Klopidogrelni peroral antikogulyantlar bilan bir vaqtda qo‘llash tavsiya etilmaydi, chunki bu qon ketish jadalligini kuchaytirishi mumkin (“Dorilarning o‘zaro ta'siri” bo‘limiga qarang).
Antitrombotsitar vositalarni vaqtinchalik talab qilmaydigan rejali jarrohlik aralashuvlari hollarida, klopidogrel bilan davolashni operatsiyadan 7 kun oldin to‘xtatish kerak. Patsiyentlar biron-bir operatsiya tayinlanishidan oldin yoki yangi dori vositasini qo‘llashdan oldin, ular klopidogrel qabul qilayotganliklari to‘g‘risida shifokorga (shu jumladan stomatologga) xabar berishlari kerak.
Klopidogrel qon ketishi vaqtini uzaytiradi, shuning uchun qon ketishi (ayniqsa me'da-ichak va ko‘z ichki qon ketishi) ning yuqori xavfi bo‘lgan patsiyentlarda uni ehtiyotkorlik bilan qo‘llash kerak. Klopidogrel bilan davolanish vaqtida (ayniqsa ASK bilan majmuada) qon ketishi odatdagidan kechroq to‘xtashi mumkin, va ular g‘ayritabiiy (joylashishi va davomiyligi bo‘yicha) qon ketishining har qanday holati to‘g‘risida shifokorga xabar berishlari lozimligi haqida bemorlarni ogohlantirib qo‘yish kerak.
Trombotik trombotsitopenik purpura (TTP). Klopidogrel qo‘llanganidan keyin, ba'zida xatto uni qisqa vaqt qo‘llanishidan keyin, juda kam hollarda trombotik trombotsitopenik purpura (TTP) hollari kuzatilgan. TTP nevrologik ko‘rinishlar, buyrak disfunktsiyasi yoki isitma bilan kechuvchi trombotsitopenik va mikroangiopatik gemolitik anemiya bilan namoyon bo‘ladi. TTP o‘limga olib kelishi mumkin bo‘lgan potentsial xavfli holatdir va shuning uchun shoshilinch davolashni, shu jumladan plazmaferezni o‘tkazishni talab etadi.
Orttirilgan gemofiliya. Klopidogrel qo‘llanilgandan keyin orttirilgan gemofiliya rivojlangan holatlar haqida xabar berilgan. Qon ketishi bilan kechuvchi yoki kechmaydigan faollashgan qisman tromboplastin vaqtini (FQTV) tasdiqlangan alohida oshishi holatlarida orttirilgan gemofiliya tashhisi masalasini ko‘rib chiqish kerak. Orttirilgan gemofiliya tashhisi tasdiqlangan patsiyentlar shifokor nazoratida bo‘lishlari va davolanishlari kerak, klopidogrelni qo‘llash to‘xtatilishi kerak.
Yaqinda o‘tkazilgan insult. Ma'lumotlar yetarli bo‘lmaganligi tufayli, klopidogrelni o‘tkir ishemik insultdan keyin birinchi 7 kun buyurish tavsiya qilinmaydi.
Sitoxrom R450 2S19 (CYP2C19). Farmakogenetikasi CYP2C19 ning genetik pasaygan faoliyati bo‘lgan patsiyentlarda, qon plazmasida klopidogrelning faol metabolitining pastroq kontsentratsiyasi va kamroq yaqqollikka ega antitrombotik samara kuzatiladi. Patsiyentda CYP2C19 genotipini aniqlash imkonini beruvchi testlar mavjud.
Klopidogrel o‘zining faol metabolitiga qisman CYP2C19 ta'siri ostida aylanishi tufayli, bu fermentning faolligini susaytiruvchi preparatlarni qo‘llash ehtimol qon plazmasida klopidogrelning faol metabolitning kontsentratsiyasini pasayishiga olib keladi. Lekin bu o‘zaro ta'sirning klinik ahamiyati noma'lum. Shuning uchun ehtiyotkorlik chorasi sifatida CYP2C19 ning kuchli va o‘rtacha ingibitorlarini bir vaqtda qo‘llashdan saqlanish kerak (“Dorilarning o‘zaro ta'siri” bo‘limiga qarang).
Tiyenopiridinlar orasida kesishgan reaktivlik. Patsiyentlarni anamnezida boshqa tiyenopiridinlarga (tiklopidin, prasugel kabi) o‘ta yuqori sezuvchanlik mavjudligini tekshirish kerak, chunki tiyenopiridinlar orasida kesishgan reaktivlik haqida xabar berilgan. Tiyenopiridinlarni qo‘llash toshma, Kvinke shishi kabi yengil darajadan og‘ir darajagacha allergik reaktsiyalarga yoki trombotsitopeniya va neytropeniya kabi gematologik reaktsiyalarga olib kelishi mumkin. Anamnezida bitta tiyenopiridinga allergik reaktsiyalar va/yoki gematologik reaktsiyalar kuzatilgan patsiyentlar boshqa tiyenopiridinga xuddi shu yoki boshqa reaktsiya rivojlanishining yuqori xavfiga ega bo‘lishlari mumkin. Kesishgan reaktivlikning monitoringi tavsiya etiladi.
Buyrak faoliyatini buzilishi. Buyrak yetishmovchiligi bo‘lgan patsiyentlarda klopidogrelni qo‘llashning terapevik tajribasi cheklangan, shuning uchun preparatni patsiyentlarga ehtiyotkorlik bilan buyurish kerak (“

Qo‘llash usuli va dozalari

” bo‘limiga qarang).
Jigar faoliyatini buzilishi. O‘rtacha og‘irlik darajasidagi jigar kasalligi va gemorragik diatez rivojlanishi mumkin bo‘lgan patsiyentlarda preparatni qo‘llash tajribasi cheklangan, shuning uchun bunday bemorlarga klopidogrelni ehtiyotkorlik bilan buyurish kerak (“

Qo‘llash usuli va dozalari

” bo‘limiga qarang).
Yordamchi moddalar. Trombonet laktoza saqlaganligi tufayli, galaktozani o‘zlashtiraolmaslik, Lapp laktaza tanqisligi yoki glyukozo-galaktoz malabsorbtsiyasi kabi kam uchraydigan naslik kasalliklari bo‘lgan patsiyentlar bu preparatlarni qabul qilmasliklari kerak.
Trombonet me'da tomonidan buzilishlar va diareya chaqirishi mumkin bo‘lgan gidrogenlangan kanakunjut moyi saqlaydi.
Homiladorlik va emizish davrida qo‘llanishi.
Klopidogrelni homiladorlik davrida qo‘llash bo‘yicha klinik ma'lumotlar yetarli bo‘lmaganligi tufayli, preparatni homilador ayollarda qo‘llamagan ma'qul (ehtiyotkorlik chorasi).
Hayvonlarda o‘tkazilgan tadqiqotlar homiladorlik, embrion/homilani rivojlanishi, tug‘ruq va postnatal rivojlanishga bevosita yoki bilvosita salbiy ta'sirlarni aniqlamagan.
Klopidogrel ko‘krak suti bilan ajralishi noma'lum. Hayvonlarda o‘tkazilgan tadqiqotlar, u ko‘krak suti bilan ajralishini namoyish qilgan, shuning uchun Trombonet preparati bilan davolash vaqtida emizishni to‘xtatish kerak.
Fertillik. Laborator hayvonlarda o‘tkazilgan tadqiqotlar vaqtida klopidogrelning fertillikka salbiy ta'siri aniqlanmagan.
Bolalar.
Klopidogrelni bolalarda qo‘llash mumkin emas, chunki bu yosh toifasidagilarda preparatning samaradorligi haqida ma'lumotlar yo‘q.
Avtotransportni boshqarish yoki boshqa mexanizmlar bilan ishlashda reaktsiya tezligiga ta'sir qilish qobiliyati.
Klopidogrel avtotransportni boshqarish yoki boshqa mexanizmlar bilan ishlashda reaktsiya tezligiga ta'sir qilmaydi yoki ahamiyatsiz ta'sir ko‘rsatadi.
Preparat bolalar ololmaydigan joyda saqlansin va o‘ramida ko‘rsatilgan yaroqlilik muddati o‘tganidan keyin qo‘llanmasin.

Dozani oshirib yuborilishi

.
Klopidogrelning dozasi oshirib yuborilganida keyinchalik asoratlar bilan kechuvchi qon ketishi vaqtini uzayishi kuzatilishi mumkin. Qon ketishi paydo bo‘lganida simptomatik davolash tavsiya qilinadi.
Davolash klopidogrelning farmakologik faolligining antidoti noma'lum. Uzaygan qon ketishi vaqtini tez to‘g‘rilashni zarurati bo‘lganida, klopidogrelning ta'sirini trombotsitar massani quyish yo‘li orqali bartaraf etish mumkin.

Chiqarilish shakli

10 tabletkadan blisterda. 1 yoki 3, yoki 6, yoki 8 blister qutida.

Saqlash sharoiti

Original o‘ramida, 25°S dan yuqori bo‘lmagan haroratda saqlansin.

Yaroqlilik muddati

2 yil.
Berish tartibi
Retsept bo‘yicha.

Ishlab chiqaruvchi

“Farmak” JAJ

Ishlab chiqaruvchi

ning manzili va uning faoliyat ko‘rsatish joyi manzili
Ukraina, 04080, Kiyev sh., Frunze ko‘ch., 74.