Festal tabletkalar №20

Tabletki festal No20

Preparatning savdo nomi

Festal®

Dori shakli

Ichakda eruvchi qobiq bilan qoplangan tabletkalar

Tarkibi

Yadroning tarkibi
faol moddalar pankreatin – 192 mg (amilaza – 4500 FIP TB, lipaza – 6000 FIP TB, proteaza – 300 FIP TB) ga ekvivalent; gemitsellyulaza – 50 mg; safro komponentlari –
25 mg;
yordamchi moddalar natriy xloridi.
Qobig‘ining tarkibi
yordamchi moddalar sellatsefat (sellyuloza atsetatftalati), etilvanilin, kanakunjut moyi, saxaroza, metilparagidroksibenzoat (metilparaben), propilparagidroksibenzoat (propilparaben), jelatin, suyuq dekstroza (suyuq glyukoza), talk, kalsiy karbonati, akatsiya kamedi, glitserol (glitserin), makrogol (polietilenglikol 6000), titan dioksidi.
Ta’rifi oq, yaltiroq, kuchsiz vanilin hidli, dumaloq ichakda eruvchi qobiq bilan qoplangan tabletkalar.

Farmakoterapevtik guruhi

ovqat hazm qiluvchi ferment vosita.
ATK kodi A09AA02.
Фармакологик хусусиятлари
Препарат панкреатин ҳисобига меъда ости безининг ташқи секретор функциясининг етишмовчилигини ва сафро компоненти ҳисобига жигарнинг сафро ажратиш функциясининг етишмовчилигини тўлдиради. Фестал протеолитик, амилолитик ва липолитик таъсир кўрсатади. Панкреатиннинг таркибига кирувчи ферментлар амилаза, липаза ва протеаза углеводлар, ёғлар ва оқсилларнинг ҳазм бўлишини енгиллаштиради, бу уларни ингичка ичакда тўлиқроқ сўрилишига ёрдам беради. Бу борада Фестал бошқа фермент препаратларидан деярли фарқ қилмайди. Фесталда ўт кислоталарини борлиги сурункали панкреатитга тез-тез олиб келувчи билиар етишмовчиликни тўғрилаш учун препаратга қўшимча имкониятларни беради. Сафро экстракти ўт ҳайдовчи таъсир қилади, ёғлар ва ёғда эрувчи А, Е ва К витаминларининг сўрилишини енгиллаштиради, меъда ости бези томонидан липазани ажралишига ёрдам беради. Гемицеллюлоза ферменти ўсимлик клетчаткаларини парчаланишига ёрдам беради, шунингдек овқат ҳазм қилиш жараёнларини яхшилайди, ichakda gaz hosil bo‘lishini kamaytiradi.

Qo‘llanilishi

Klinik jihatdan ovqat hazm bo‘lishni buzilishi, meteorizm, qabziyatga moyillik bilan namoyon bo‘luvchi turli patologik holatlar natijasida biliar yetishmovchilik bilan birga surunkali pankreatitda me’da osti bezining tashqi sekretor funksiyasining yetishmovchiligini majmuaviy davolash tarkibida
• jigarning diffuz kasalliklari, jigarning alkogolli va toksik shikastlanishlari, jigar sirrozi;
• o‘t kislotalarini ko‘p yo‘qotilishi (xoletsistoektomiyadan keyingi patsiyentlarda);
• o‘t chiqarish yo‘llarining diskineziyasi, disbakteriozlar, malabsorbsiyada kuzatiluvchi o‘t kislotalarining sirkulyatsiyasini buzilishi;
• me’da-ichak yo‘llarining surunkali kasalliklarida surunkali gastrit, surunkali duodenit, surunkali xoletsistitda o‘t hosil bo‘lishi va o‘t ajralishi jarayonlarining neyrogumoral boshqaruvini buzilishi.
Me’da-ichak yo‘llarining faoliyati normal bo‘lgan patsiyentlarda ovqat iste’mol qilishni xatoliklarida, shuningdek chaynash faoliyati buzilganida, davomli majburiy immobilizatsiyada, kam harakatli hayot tarzida ovqat hazm qilishni yaxshilash uchun qo‘llanadi. Qorin bo‘shlig‘i a’zolarini rentgenologik va ultratovush tekshiruviga tayyorlashda qo‘llanadi.

Qo‘llash usuli va dozalari

Ichga buyuriladi.
Preparat ichga, chaynamasdan, ovqat vaqtida yoki ovqatdan so‘ng darhol, ko‘p bo‘lmagan miqdordagi suyuqlik bilan birga qabul qilinadi.
1-2 ichakda eruvchi qobiq bilan qoplangan tabletkalardan sutkada 3 marta buyuriladi. Yuqoriroq dozalari faqat shifokor tomonidan buyuriladi. Bolalarda dozani va dozalash tartibini shifokor belgilaydi. Davolashning davomiyligi bir necha kundan (parhezning o‘zgarishi natijasida ovqat hazm qilish jarayoni buzilganida) bir necha oy yoki yilgacha (zarurati bo‘lganida doimiy o‘rnini bosuvchi davolash) o‘zgarishi mumkin. Rentgenologik va ultratovush tekshiruvlaridan oldin 2 ichakda eruvchi qobiq bilan qoplangan tabletkalardan sutkada 2-3 marta tekshirishdan 2-3 kun oldin.
Nojo‘ya ta’sirlari
Allergik reaksiyalar (teri qoplamlari giperemiyasi, aksirish, ko‘z yoshini oqishi), anafilaktik reaksiyalar, jumladan eshakemi, angionevrotik shish.
Ko‘ngil aynishi, diareya, qorinda og‘riq (shu jumladan, ichak sanchig‘i), qusish; og‘iz bo‘shlig‘i shilliq qavatining ta’sirlanishi (shu jumladan, bolalarda).
Yuqori dozalarda uzoq muddat qo‘llanganida giperurikemiya, giperurikozuriya bo‘lishi mumkin.
Bolalarda (katta dozalarda qo‘llanganida) perianal ta’sirlanish rivojlanish mumkin.
Mukovissidozi bo‘lgan bolalarda (ayniqsa yuqori dozalarda qo‘llanganda) ileus va qabziyat rivojlanishi mumkin.

Qo‘llash mumkin bo‘lmagan holatlar

Preparatning komponentlariga yuqori sezuvchanlik, o‘tkir pankreatit, surunkali pankreatitning zo‘rayishi, jigar yetishmovchiligi, jigar komasi yoki koma oldi holati, gepatit, giperbilirubinemiya, mexanik sariqlik, o‘t-tosh kasalligi, o‘t pufagining empiyemasi, ichak tutilishi, diareyaga moyillik, 3 yoshgacha bo‘lgan bolalar (ushbu dori shakli uchun).
Ehtiyotkorlik bilan mukovissidoz, homiladorlik.

Qo‘llash mumkin bo‘lmagan holatlar

Preparatning komponentlariga yuqori sezuvchanlik, o‘tkir pankreatit, surunkali pankreatitning zo‘rayishi, jigar yetishmovchiligi, jigar komasi yoki koma oldi holati, gepatit, giperbilirubinemiya, mexanik sariqlik, o‘t-tosh kasalligi, o‘t pufagining empiyemasi, ichak tutilishi, diareyaga moyillik, 3 yoshgacha bo‘lgan bolalar (ushbu dori shakli uchun).
Ehtiyotkorlik bilan mukovissidoz, homiladorlik.
Dorilarning o‘zaro ta’siri
Festal® preparati bilan bir vaqtda qo‘llanganida PASK (p-aminosalitsil kislotasi), sulfanilamidlar, antibiotiklarning so‘rilishi kuchayadi.
Pankreatinni uzoq muddat qabul qilish temir preparatlarining so‘rilishini pasaytirishi mumkin.
Kalsiy karbonati va/yoki magniy gidroksidini saqlovchi antatsid vositalarni bir vaqtda qo‘llash, pankreatinning ta’sirini kamaytirishi mumkin.
Simetidin pankreatinning ta’sirini kuchaytirishi mumkin.
Pankreatin akarbozaning ta’sirini pasaytirishi mumkin, shuning uchun Festal® preparati va akarbozani bir vaqtda qo‘llash mumkin emas.
Pankreatin folat kislotasining so‘rilishini kamaytirishi mumkin.

Maxsus ko‘rsatmalar

Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.
Dozani oshirib yuborilishi
Dozani oshirib yuborilishini simptomlari – giperurikemiya, giperurikuriya. Dozani oshirib yuborilishi simptomlari paydo bo‘lganida – preparatni bekor qilish va simptomatik davolashni o‘tkazish kerak.

Saqlash sharoiti

25°S dan yuqori bo‘lmagan haroratda saqlansin.

Yaroqlilik muddati

3-yil.

Dorixonalardan berish tartibi

Retseptsiz.

Ishlab chiqaruvchi

Lactose (India) Limited,
Survey No.5&6, Vill. Poicha (Rania), Tal.-Savli, Dist.-Vadodara, Indiya
O‘zbekiston Respublikasi hududida dori vositalarining sifati bo‘yicha e’tirozlar(takliflar) ni qabul qiluvchi tashkilot nomi va manzili
“STADA SUBSIDIARY” MCHJ XK
100060, O‘zbekiston Respublikasi, Toshkent sh., Taras Shevchenko ko‘ch., 21A
Tel. (+998 78) 140-35-81
O‘zbekiston Respublikasi hududida raqamli markirovkalash tizimiga tegishli bo‘lgan savollar bo‘yicha mas’ul tashkilot nomi va manzili
“STADA SUBSIDIARY” MCHJ XK
100060, O‘zbekiston Respublikasi, Toshkent sh., Taras Shevchenko ko‘ch., 21A
Tel. (+998 78) 140-35-81