Preparatning savdo nomi
Bisoprolol-SANTO Ta'sir etuvchi modda (XPN) Bisoprolol
Dori shakli
Qobiq bilan qoplangan tabletkalar
Tarkibi
Bir tabletka quyidagilarni saqlaydi faol modda 2,5 mg bisoprolol fumarati; yordamchi moddalar silikatlashtirilgan mikrokristall sellyuloza (PROSOLV EASYtab SP), kroskarmelloza natriysi, A turi natriy kraxmali glikolyati, magniy stearati; qobiq tarkibi oq rangli opadray moddasi tarkibi gipromelloza, titan dioksidi (E171), polietilenglikol/makrogol Ta'rifi Dumaloq, yuzasi ikki tomonlama qavariq, oq yoki deyarli oq rangli qobiq bilan qoplangan tabletkalar.
Farmakoterapevtik guruhi
Yurak-qon tomirlar tizimi. Beta-adrenoblokatorlar. Selektiv beta-adrenoblokatorlar. Bisoprolol. ATX kodi C07AB07
Farmakologik xususiyatlari

Farmakodinamika
Ta'sir mexanizmi Bisoprolol – yuqori selektiv β1-adrenoblokator bo‘lib, ichki simpatomimetik va membrana barqarorlashtiruvchi faollikka ega emas. Bronxlar va qon tomirlar silliq muskullarining β2-retseptorlari va fermentativ metabolik boshqaruvining β2-retseptorlari bilan juda past darajali o‘xshashligiga ega. Shunday qilib, Bisoprolol preparati, qoida bo‘yicha, nafas yo‘llarining qarshiligiga va β2-vositachiligidagi metabolik jarayonlarga ta'sir qilmaydi. Uning β1-selektivligi terapevtik dozalar doirasidan tashqariga chiqadi. Klinik samaradorligi va xavfsizligi CIBIS II tadqiqotida umumiy xisobda 2647 nafar bemor ro‘yxatga olingan. 83% (n = 2202) NYHA tasnifi bo‘yicha III sinfga va 17% (n = 445) NYHA tasnifi bo‘yicha IV sinfga kiritilgan. Bemorlarga barqaror simptomatik sistolik yurak yetishmovchiligi tashhisi qo‘yilgan (exokardiografiya ma'lumotlari asosiga ko‘ra yurakdan otilib chiqayotgan qon hajmi ≤ 35%). Umumiy o‘lim darajasi 17,3% dan 11,8% gacha kamaygan (nisbiy kamayish 34% ni tashkil etgan). To‘satdan o‘lim holatlarining kamayishi (6,3% ga nisbatan 3,6% ga, nisbiy kamayish 44% ga teng bo‘lgan) va kasalxonaga yotqizishni talab qiladigan yurak yetishmovchiligi epizodlari sonining kamayishiga (17,6% ga nisbatan 12% ga, nisbiy kamayish 36% ga teng bo‘lgan) kuzatilgan. Bundan tashqari, NYHA tasnifiga ko‘ra funktsional holatning sezilarli darajada yaxshilanishi kuzatilgan. Davolash kursi boshida va bisoprololni titrlash vaqtida bradikardiya (0,53%), arterial gipotenziya (0,23%) va o‘tkir dekompensatsiya (4,97%) sababli kasalxonaga yotqizish holatlari belgilangan, ammo ular platsebo guruhi (0%, 0,3% va 6,74%) bilan solishtirganda ko‘p bo‘lmagan. Tadqiqot davri davomida nogironlik va o‘limga olib keladigan darajada insultlar soni bisoprolol guruhida 20 ta, platsebo guruhida 15 tani tashkil etgan. CIBIS III tadqiqotiga 65 yoshdan yuqori bo‘lgan1010ta bemorlar kiritilgan bo‘lib, ular yengil va o‘rta darajada surunkali yurak yetishmovchiligi (SYuE; NYHA tasnifi bo‘yicha II yoki III sinf) va chap qorincha chiqarish fraktsiyasi ≤ 35% bo‘lgan, ilgari angiotenzin aylantiruvchi ferment (AAF) ingibitorlari, angiotenzin retseptori blokatorlari yoki beta blokatorlar olmagan bemorlardir. Bemorlar davolashning dastlabki 6 oyligidan keyin 6 dan 24 oygacha bo‘lgan davrda bisoprolol va enalapril kombinatsiyasi bilan, shuningdek, yoki bisoprolol, yoki enalapril bilan davolangan. Bisoprololni dastlabki 6 oylik davolash sifatida qo‘llaganida, surunkali yurak yetishmovchiligining kuchayishi tendentsiyasi yuqori bo‘lgan. Bisoprolol bilan davolanishning dastlabki bosqichida enalapril bilan taqqoslaganda samaradorligi kamligi isbotlanmagan bo‘lsa-da, protokolga muvofiq olingan ma'lumotlarni tahlil qilish bisoprolol bilan dastlabki monoterapiyaning afzalligini ko‘rsatmagan, ammo ikkala strategiyada ham surunkali yurak yetishmovchiligini davolashni boshlash tadqiqotning yakunida o‘lim va kasalxonaga yotqizilgan birlamchi birlashtirilgan so‘nggi ma'lumotlarning natijalari o‘xshashligini isbotlagan (bisoprolol guruhida 32,4%, tadqiqot protokoliga kiritilgan enalapril guruhi populyatsiyasida 33,1%). Tadqiqotlar shuni ko‘rsatadiki, bisoprolol yengil va o‘rtacha darajadagi surunkali yurak yetishmovchiligi bo‘lgan keksa bemorlar uchun xam qo‘llanilishi mumkin. Shuningdek, Bisoprolol gipertenziya va stenokardiyani davolash uchun ishlatiladi. Surunkali yurak yetishmovchiligi belgilarisiz yurak ishemik kasalligi (YuIK) bilan xastalangan bemorlarda bir marta qo‘llanganda bisoprolol yurak qisqarishlar sonini va yurak zarb xajmini kamaytiradi va buning natijasida yurakdan otilib chiqadigan qon xajmi va kislorodga bo‘lgan ehtiyojni pasaytiradi. Uzoq muddat qo‘llanilganda oldindan oshgan periferik qon tomirlar qarshiligi pasayadi.
Farmakokinetikasi
Absorbtsiyasi Ichga qabul qilinganidan so‘ng bisoprolol deyarli to‘liq so‘riladi va uning biologik o‘zlashtirilishi taxmiman 90% ni tashkil etadi. Taqsimlanishi Taqsimlanish hajmi 3,5 l/kg ni tashkil etadi. Plazma oqsillari bilan bog‘lanish darajasi taxmiman 30% ni tashkil etadi. Biotransformatsiyasi va eliminatsiyasi Bisoprolol tanadan ikki yo‘l bilan chiqarib yuboriladi. Preparatning 50% jigarda nofaol metabolitlarning hosil bo‘lishi bilan metabolizmga uchraydi, so‘ngra ular buyraklar orqali chiqariladi. Qolgan 50% siydik bilan o‘zgarmagan holda chiqariladi. Bisoprololning umumiy klirensi 15 l / soatni tashkil qiladi. Plazmadagi yarim chiqarilish davri 10-12 soat, bu bir martalik kunlik dozasi qabul qilingandan so‘ng 24 soat davomida ta'sir qilinishini ta'minlaydi. To‘g‘ri proportsionallik Bisoprololning kinetikasi to‘g‘ri chiziqli hisoblanadi va bemorning yoshiga bog‘liq emas. Bemorlarning alohida guruhi Buyraklar va jigar orqali chiqarib yuborish bir xil darajada sodir bo‘lganligi sababli, jigar faoliyati buzilgan yoki buyrak yetishmovchiligi bo‘lgan bemorlarda dozaga tuzatish kiritish talab qilinmaydi. Surunkali turg‘un yurak yetishmovchiligi bo‘lgan va jigar yoki buyrak faoliyati buzilgan bemorlarda preparatning farmakokinetikasi o‘rganilmagan. Surunkali yurak yetishmovchiligi bo‘lgan bemorlarda (NYHA, III bosqich) qon plazmasida bisoprololning darajasi yuqori va yarim chiqarilish davri sog‘lom ko‘ngillilarga nisbatan uzoqroq. Plazmadagi maksimal kontsentratsiya barqaror xolatda kunlik 10 mg dozada 64 ± 21 ng/ml ni, yarim chiqarilish davri 17 ± 5 soatni tashkil qiladi.
Qo‘llanilishi
Chap qorincha sistolik funktsiyasi pasaygan surunkali turg‘un yurak yetishmovchiligini davolashda AAF ingibitorlariga va diuretiklarga, shuningdek, yurak glikozidlariga qo‘shimcha sifatida qo‘llaniladi.
Qo‘llash usuli va dozalari
Surunkali yurak yetishmovchiligining standart davolash tizimi AAF ingibitori (yoki AAF ingibitorlari yaxshi o‘zlashtirilmasa angiotenzin II retseptori antagonistlari), beta blokator, diuretiklar va kerak bo‘lganda yurak glikozidlaridan foydalanishni o‘z ichiga oladi. Bisoprolol bilan davolanishni boshlashda bemorlar turg‘un holatda bo‘lishi kerak (o‘tkir yurak yetishmovchiligi bo‘lishi kerak emas). Davolovchi shifokor surunkali yurak yetishmovchiligini davolash tajribasiga ega bo‘lishi tavsiya etiladi. Titrlash bosqichi vaqtida yoki undan keyin yurak yetishmovchiligi, arterial gipotenziya yoki bradikardiya kechishi vaqtincha sodir bo‘lishi mumkin. Dozalash rejimi Titrlash bosqichi Surunkali yurak yetishmovchiligini bisoprolol bilan davolash majburiy titrlash bosqichini talab qiladi. Bisoprolol bilan davolashni quyidagi bosqichlarga muvofiq dozani bosqichma-bosqich oshirish bilan boshlash kerak 1,25 mg dan kuniga 1 marta 1 hafta davomida, agar preparat yaxshi o‘zlashtirilsa keyingi hafta davomida kuniga bir marta 2,5 mg ga oshiriladi, agar yaxshi o‘zlashtirilsa, keyingi hafta davomida kuniga bir marta 3,75 mg ga oshiriladi, agar yaxshi o‘zlashtirilsa, keyingi 4 hafta davomida kuniga bir marta 5 mg ga oshiriladi, agar yaxshi o‘zlashtirilsa keyingi 4 hafta davomida kuniga bir marta 7,5 mg ga oshiriladi, agar yaxshi o‘zlashtirilsa, ta'minot (quvvatlovchi) terapiyasi sifatida kuniga bir marta 10 mg. Tavsiya etilgan maksimal doza – kuniga bir marta 10 mg. Titrlash bosqichida hayotiy ko‘rsatkichlar (yurak urishlari soni, arterial qon bosimi) va yurak yetishmovchiligining rivojlanish belgilarini diqqat bilan kuzatib borish zarur. Simptomlar terapiyani boshlaganidan keyin birinchi kun mobaynida paydo bo‘lishi mumkin. Davolashni to‘g‘rilash Agar tavsiya etilgan maksimal doza yaxshi o‘zlashtirilmasa, dozani bosqichma-bosqich (birdaniga emas) kamaytirishni ko‘rib chiqish zarur. Yurak yetishmovchiligi kechishi vaqtincha yomonlashganda, arterial gipotenziya yoki bradikardiya yuzaga kelganda, davolovchi yondosh dorilarning dozalarini qayta ko‘rib chiqish tavsiya etiladi. Shuningdek, bemorga bisoprolol dozasini vaqtincha kamaytirish yoki bekor qilish zarur bo‘lishi mumkin. Bemorning axvoli barqarorlashgandan so‘ng bisoprololni qayta tavsiya etish va/yoki bisoprolol dozasini titrlash orqali oshirish imkoniyatini doimo ko‘rib chiqilishi kerak. Preparatni qo‘llashni to‘xtatish to‘g‘risida qaror qabul qilinganda, dozani bosqichma-bosqich kamaytirish tavsiya etiladi, chunki to‘satdan bekor qilish bemorning ahvolini keskin o‘zgarishiga olib kelishi mumkin. Surunkali yurak yetishmovchiligini bisoprolol bilan davolash odatda uzoq muddatli bo‘ladi. Bemorlarning maxsus guruhlari Jigar yoki buyraklar faoliyati buzilishlari bo‘lgan bemorlar Yondosh jigar yoki buyrak faoliyati buzilishlari, surunkali yurak yetishmovchiligi bo‘lgan bemorlarda bisoprololning farmakokinetikasi to‘g‘risida ma'lumot yo‘q. Shu sababli, ushbu guruhdagi bemorlarda dozani oshirish qo‘shimcha ehtiyotkorlik bilan amalga oshirilishi kerak. Keksalik yoshidagi patsiyentlar Dozaga tuzatish kiritish talab etilmaydi. Bolalar Bisoprololni pediatriya amaliyotida qo‘llash bo‘yicha tajribaning yetishmasligi tufayli uni bolalarda qo‘llash tavsiya etilmaydi. Yuborish usuli va yo‘llari Bisoprolol-SANTO preparatini ertalab nonushta paytida ozgina suyuqlik bilan, chaynamasdan ichish kerak. Dori vositasidan foydalanish usulini tushuntirish uchun tibbiyot xodimidan maslahat olish uchun tavsiyalar Ushbu dorini qabul qilishdan oldin davolovchi shifokor yoki farmatsevtdan maslahat so‘rang. Preparatni qo‘llash bo‘yicha mutaxassisdan maslahat olish bo‘yicha tavsiyalar Har qanday dori-darmonlarni qabul qilishdan oldin shifokorga murojaat qiling yoki maslahat so‘rang.
Nojo‘ya ta'sir
lari Tez-tez − bosh aylanishi*, bosh og‘rig‘i* − ko‘ngil aynishi, qusish, diareya, qabziyat − Qo‘l-oyoqda sovuq qotish yoki uvishish hissi − toliqish* Tez-tez emas − bradikardiya, atrioventrikulyar o‘tkazuvchanlikning buzilishi, mavjud yurak yetishmovchiligining kuchayishi − bronxial astma bilan kasallangan yoki anamnezda obstruktiv nafas olish kasalligi bo‘lgan bemorlarda bronxospazm − mushaklarning kuchsizligi, mushaklarning spazmlari − gipotenziya − asteniya − tushkunlik, uyquning buzilishi Kam xollarda − triglitseridlar miqdorining oshishi, jigar fermentlarining ko‘payishi (ALT, AST) − hushdan ketish − ko‘z yosh bezlari faoliyatining kamayishi (kontakt linzalardan foydalanadigan bemorlarda hisobga olinishi kerak) − eshitish qobiliyatining buzilishi − allergik rinit − qichishish, qizarish, toshma kabi yuqori sezuvchanlik reaktsiyalari − gepatit − jinsiy maylning buzilishi − qo‘rqinchli tushlar, gallyutsinatsiyalar Juda kam xollarda − kon'yunktivit − sochlar to‘kilishi. Beta-blokatorlar psoriaz kasalligini qo‘zg‘ashi yoki kuchaytirishi, yoxud psoriaz turidagi toshmalar chaqirishi mumkin. * Ushbu alomatlar davolanishning boshida tez-tez uchraydi. Ular odatda kuchsiz yaqqolikda bo‘ladi va odatda 1–2 xaftadan keyin o‘tib ketadi. Shubhali nojo‘ya ta'sirlar haqida xabar berish juda muhimdir. Bu bemorga preparatning foyda / xavf nisbati profilini doimiy ravishda kuzatib borish imkoniyatini beradi.. Nojo‘ya reaktsiyalar haqida xabar berish Dori vositasining salbiy ta'sirlari ro‘y berganda, sog‘liqni saqlash mutaxassisi, farmatsevt bilan bog‘lanish yoki dori vositalarining nojo‘ya reaktsiyalari (ta'sirlari), shu jumladan dori vositasining samarasizligi haqida xabarnomalar to‘g‘risidagi ma'lumotlar bazasiga to‘g‘ridan-to‘g‘ri murojaat qilish zarur. Qozog‘iston Respublikasi Sog‘liqni saqlash vazirligi Tibbiyot va farmatsevtika nazorati qo‘mitasi "Dori vositalari va tibbiyot buyumlarini ekspertiza qilish milliy markazi" REM. http//www.ndda.kz
Qo‘llash mumkin bo‘lmagan holatlar
− faol modda bisoprololga yoki biron bir yordamchi moddalarga yuqori sezuvchanlik − o‘tkir yurak yetishmovchiligi yoki vena ichiga inotrop terapiya talab qiladigan darajadagi dekompensatsiya bosqichida yurak yetishmovchiligi − kardiogen shok − II va III darajali atrioventrikulyar blokada (yurak stimulyatorisiz) − sinus tugunining zaifligi sindromi − sinoatrial blokada − simptomatik bradikardiya − simptomatik gipotenziya − o‘tkir bronxial astma − periferik arterial obliteratsiyalanuvchi kasalligi yoki Reyno kasalligining rivojlangan (kech) bosqichlari − davolanmagan feoxromotsitoma − metabolik atsidoz − bisoprololga yoki preparatning har qanday tarkibiy qismlariga yuqori sezuvchanlik − 18 yoshgacha bo‘lgan bolalar (samaradorligi va xavfsizligi aniqlanmagan) − homiladorlik va laktatsiya davrida qo‘llash mumkin emas.
Dorilarning o‘zaro ta'siri
Bir vaqtning o‘zida boshqa preparatlarni qo‘llash preparatning ta'siriga va o‘zlashtirilishiga ta'sir qilishi mumkin. Boshqa dorilarni qabul qilinganidan keyin juda oz vaqt o‘tgan bo‘lsa, xuddi shunday ta'sir o‘tkazish mumkin. Bemor boshqa dori-darmonlarni qabul qilayotgan bo‘lsa bu haqda davolovchi shifokoriga xabar berishi zarur. Quyidagi dori vositalari bilan bir vaqtda qo‘llash tavsiya etilmaydi Verapamil va ozroq darajada diltiazem kabi kaltsiy antagonistlari Bisoprolol-SANTO bilan bir vaqtda qo‘llanganda yurak muskuli qisqarishining pasayishiga va atrioventrikulyar impulslar o‘tkazilishining kechikishiga olib kelishi mumkin. Xususan, beta-blokatorlar terapiyasi olayotgan bemorlarga verapamilni vena ichiga yuborish chuqur gipotenziya va atrioventrikulyar blokadaga olib kelishi mumkin. Markaziy ta'sir ko‘rsatadigan antigipertenziv dorilar (masalan, klonidin, metildopa, moksonidin, rezerpin) yurak qisqarishlari soni va yurakdan otilib chiqadigan qon hajmining pasayishiga, shuningdek markaziy simpatik tonusning pasayishi tufayli vazodilatatsiyaga olib kelishi mumkin. To‘satdan bekor qilish, ayniqsa, beta-blokatorlarni bekor qilishdan oldin, “rikoshet” gipertenziya rivojlanish xavfini oshirishi mumkin. Quyidagi dorilar bilan birga ehtiyotkorlik bilan qo‘llang I sinf antiaritmik vositalar (masalan, xinidin, dizopiramid, lidokain, fenitoin, flekainid, propafenon) atrioventrikulyar o‘tkazuvchanlik vaqtiga ta'sir qiladi va salbiy inotrop ta'siri ham kuchayishi mumkin. Digidropiridin (masalan, nifedipin) kabi kaltsiy kanali blokatorlari bir vaqtda qo‘llash arterial gipotenziya xavfini oshirishi mumkin, yurak yetishmovchiligi bo‘lgan bemorlarda esa qorinchalar nasos funktsiyasining buzilishi istisno etilmaydi. III sinf aritmiyaga qarshi vositalar (masalan, amiodaron) atrioventrikulyar o‘tkazuvchanlik vaqtiga ta'sirini kuchaytirish mumkin. Parasimpatomimetiklar kombinatsion davolash atrioventrikulyar o‘tkazuvchanlik vaqtini oshirishi va bradikardiya xavfini kuchaytirishi mumkin. Beta-blokatorlarni mahalliy qo‘llash (masalan, glaukomani davolash uchun ko‘z tomchilari) bisoprololning tizimli ta'sirini kuchaytirishi mumkin. Qandni kamaytiradigan insulin va peroral diabetga qarshi vositalarning ta'siri kuchayishi mumkin. β -adrenoretseptorlar blokadasi gipoglikemiya simptomlarini yashirishi mumkin. Anestetik dorilar reflektor taxikardiyani kamaytiradi va gipotenziya xavfini oshiradi. Yurak glikozidlari yurak qisqarishlar tezligining pasayishi, atrioventrikulyar o‘tkazuvchanlik vaqtining ko‘payishi. Nosteroid yallig‘lanishga qarshi dorilar (NSYaQD) Bisoprolol-SANTOning gipotenziv ta'sirini kamaytirishi mumkin. β-simpatomimetiklar (masalan, dobutamin, ortsiprenalin) bisoprolol bilan birga qo‘llash har ikkala preparatning ta'sirini kamaytirishi mumkin. Allergik reaktsiyalarni davolash uchun adrenalin (epinefrin) ning yuqori dozalari kerak bo‘lishi mumkin. α- va β-retseptorlarni faollashtiradigan simpatomimetiklar (masalan, adrenalin, noradrenalin) mavjud bo‘lgan qon bosimining ko‘tarilishi va ko‘chib yuruvchi oqsoqlikni kuchaytirishi mumkin. Bunday o‘zaro ta'sirlar noselektiv beta-blokatorlardan foydalanganda ko‘proq kuzatiladi. Tritsiklik antidepressantlar, barbituratlar, fenotiazinlar, shuningdek boshqa antigipertenziv vositalar kuchli gipotenziv ta'sir. Quyidagi dori-darmonlarni birgalikda qo‘llashda quyidagi eslatmalarni hisobga olish kerak Mefloxin bradikardiya xavfi ortadi. Monoaminoksidaza ingibitorlari (MAO-B ingibitorlaridan tashqari) beta-blokatorlarning gipotenziv ta'sirini kuchaytiradi, shuningdek, gipertonik kriz xavfi oshadi.
Maxsus ko‘rsatmalar
Bisoprolol-SANTO bilan surunkali turg‘un yurak yetishmovchiligini davolashni titrlash bosqichidan boshlash kerak. Yurak ishemik kasalligi mavjud bo‘lgan patsiyentlar o‘ta zarurat bo‘lmasa, bisoprolol bilan davolanishni keskin to‘xtatmasliklari kerak, chunki bu holatning vaqtincha yomonlashishiga olib kelishi mumkin. Bisoprolol-SANTO bilan davolanishni boshlash va to‘xtatish doimiy nazoratni talab qiladi. Hozirgi vaqtda quyidagi kasalliklar va patologik holatlarga ega bemorlarda surunkali yurak yetishmovchiligini davolashda terapevtik tajriba yetarli emas • 1 turdagi qandli diabet • buyraklar funktsiyasining og‘ir darajadagi buzilishi • jigar funktsiyasining og‘ir darajadagi buzilishi • restriktiv kardiomiopatiya • tug‘ma yurak nuqsonlari • yaqqol gemodinamik buzilishlar bilan yurak klapanlari nuqsoni • so‘nggi 3 oy davomida o‘tkazilgan miokard infarkti Bisoprolol-SANTO preparatini quyidagi hollarda bemorlarga ehtiyotkorlik bilan qo‘llash tavsiya etiladi • bronxospazm (bronxial astma, nafas yo‘llarining obstruktiv kasalliklarida) • qondagi glyukoza darajasining sezilarli o‘zgarishi bilan qandli diabet, gipoglikemiya belgilari yashiringan bo‘lishi mumkin • jiddiy parhez • desensibilizatsiyani amalga oshirish. Boshqa β-blokatorlar singari, Bisoprolol-SANTO ham allergenlarga sezgirlikni oshirishi va anafilaktik reaktsiyalarning og‘irligini kuchaytirishi mumkin. Bunday hollarda adrenalin bilan davolash har doim ham ijobiy terapevtik samara bermaydi. • I darajali blokada • Printsmetal stenokardiyasi • periferik arteriyalarning obliteratsiyalovchi kasalliklari (terapiyaning boshida shikoyatlar bo‘lishi mumkin) • umumiy anesteziya Umumiy anesteziya o‘tkazilishi rejalashtirilayotgan bemorlarda β-blokatorlardan foydalanish narkoz vaqtida, intubatsiya va operatsiyadan keyingi davrda aritmiya va miokard ishemiyasi holatlarini kamaytiradi. Intraoperativ davrda β-blokatorlardan foydalanishni davom ettirish tavsiya etiladi. Anesteziolog bradiaritmiya, reflektor taxikardiya va qon yo‘qotishining o‘rnini qoplash uchun reflektor mexanizmning imkoniyatlarining pasayishiga olib kelishi mumkin bo‘lgan dori vositalarining o‘zaro ta'sirini o‘rganib chiqishi kerak. Bisoprolol-SANTO ni operatsiyadan oldin to‘xtatish holatida dozani asta-sekin kamaytirish va umumiy narkozdan 48 soat oldin Bisoprolol-SANTO qo‘llashni to‘xtatish lozim. Bisoprolol-SANTO preparatining verapamil yoki diltiazem guruhi kaltsiy antagonistlari, I darajali aritmiyaga qarshi dorilar va markaziy ta'sir ko‘rsatadigan antigipertenziv dorilar bilan birga qo‘llanilishi tavsiya etilmaydi. Kardioselektiv β-blokatorlar (β1) noselektiv β-blokatorlarga qaraganda o‘pka faoliyatiga kamroq ta'sir etsa-da, barcha β-blokatorlarlar singari, nafas olish yo‘llarining obstruktiv kasalliklarida, agar terapiya o‘tkazish uchun jiddiy sabab bo‘lmasa, ulardan foydalanish tavsiya etilmaydi. Agar zarur bo‘lsa, Bisoprolol-SANTO preparatini ehtiyotkorlik bilan qo‘llash kerak. Obstruktiv nafas yo‘llari kasalligi bo‘lgan bemorlarda Bisoprolol-SANTO bilan davolanishni iloji boricha eng past dozadan boshlash kerak va bemorlardagi yangi simptomlar paydo bo‘lishini (masalan, nafas qisilishi, jismoniy mashqlarga toqat qilmaslik, yo‘tal) kuzatib borish kerak. Bronxial astma yoki boshqa surunkali obstruktiv o‘pka kasalliklarida bronxodilatatorlar bilan birgalikda davolash olib boriladi. Ba'zi hollarda, preparatni qabul qilish paytida bronxial astma mavjud bo‘lgan bemorlar nafas olish yo‘llarining tonusini ko‘payishi tufayli ß2-simpatomimetiklar dozasini oshirish talab qilinishi mumkin. Psoriaz mavjud bo‘lgan bemorlar (shu jumladan, anamnezda), foyda / xavf nisbatlarini sinchkovlik bilan baholagandan so‘ng, beta-blokatorlardan foydalanishlari kerak (masalan, bisoprolol). Feoxromotsitoma mavjud bo‘lgan bemorlarga Bisoprolol preparati faqat α-adrenoblokatorlar bilan dastlabki terapiya fonida buyuriladi. Preparatni qabul qilishda tireotoksikoz belgilari niqoblanishi mumkin. Bisoprolol-SANTO preparatini qo‘llash doping nazoratidan o‘tayotganda ijobiy natijalarga olib kelishi mumkin. Doping sifatida Bisoprolol-SANTO preparatidan foydalanish sog‘liq uchun zararli bo‘lishi mumkin. Maxsus ogohlik choralari Homiladorlik va laktatsiya davrida qo‘llanishi Bisoprololning farmakologik faolligi homiladorlik va / yoki homila / yangi tug‘ilgan chaqaloqqa salbiy ta'sir ko‘rsatishi mumkin. Umuman olganda, beta blokatorlar platsenta perfuziyasini kamaytiradi, bu esa bachadon ichi o‘sish-rivojlanishning sustlashishiga, bachadon ichi o‘limga, bola tushishiga yoki erta tug‘ilishga olib kelishi mumkin. Salbiy ta'sir (masalan, gipoglikemiya va bradikardiya) homila va yangi tug‘ilgan chaqaloqda paydo bo‘lishi mumkin. Agar beta-blokatorlar bilan davolash zarur bo‘lsa, β1-selektiv beta-blokatorlarga afzallik beriladi. Bisoprolol-SANTO ni homiladorlik paytida foydalanish tavsiya etilmaydi, faqat aniq zaruratli xolatlar bundan mustasno. Agar bisoprolol bilan davolash zarur deb hisoblansa, bachadon ichi platsenta qon oqimi va homila o‘sishini nazorat qilish kerak. Homiladorlik yoki homilaga zararli ta'sir ko‘rsatadigan bo‘lsa, muqobil terapevtik choralar ko‘rib chiqilishi zarur. Yangi tug‘ilgan chaqaloqni diqqat bilan kuzatib borish kerak. Odatda gipoglikemiya va bradikardiya belgilari, qoidaga ko‘ra, hayotning dastlabki 3 kunida yuzaga kelishi mumkin. Bisoprololning ona sutiga o‘tishi yoki o‘tmasligi ma'lum emas. Shuning uchun, bisoprolol bilan davolash paytida emizish tavsiya etilmaydi. Avtomobilni va murakkab mexanizmlarni boshqarish qobiliyatiga ta'siri Bisoprolol yurak koronar tomirlari kasalligi mavjud bo‘lgan bemorlarda o‘tkazilgan tadqiqotlarda avtomobil boshqarish qobiliyatiga ta'sir ko‘rsatmagan. Biroq, individual reaktsiyalar tufayli avtomobilni boshqarish yoki texnik jihatdan murakkab mexanizmlar bilan ishlash qobiliyati buzilishi mumkin. Bunga davolanishning boshida, har safar dozani o‘zgartirgandan so‘ng, shuningdek spirtli ichimliklar bilan bir vaqtda iste'mol qilishda alohida e'tibor berish kerak. Doza oshirib yuborilishi Simptomlar Beta-blokatorlar dozasining oshib ketish holatlari bilan bog‘liq eng keng tarqalgan belgilar – bu bradikardiya, arterial gipotenziya, bronxospazm, o‘tkir yurak yetishmovchiligi va gipoglikemiya hisoblanadi. Davolash Dozani oshirib yuborilganda bisoprolol terapiyasini to‘xtatish va tegishli va simptomatik davolashni boshlash kerak. Cheklangan, ammo mavjud bo‘lgan ma'lumotlar bisoprololni dializ yordamida chiqarish mumkinligini ko‘rsatadi. Bradikardiya vena ichiga atropin kiritiladi. Agar javob yetarli bo‘lmasa, ortsiprenalin yoki ijobiy xronotrop xususiyatlarga ega bo‘lgan boshqa vositalardan ehtiyotkorlik bilan foydalanish mumkin. Ba'zi hollarda yurak stimulyatorining transvenoz implantatsiyasi zarur bo‘lishi mumkin. Gipotenziya vazopressorlarni vena ichiga yuborish tavsiya etiladi. Vena ichiga yuborilgan glyukagon ham samarali bo‘lishi mumkin. AV-blokada (ikkinchi yoki uchinchi daraja) Bemorlarni kuchli nazorat ostida bo‘lishi kerak, shuningdek ortsiprenalin infuzioni talab qilinishi mumkin. Agar kerak bo‘lsa, vaqtinchalik yurak stimulyatori joylashtirilishi kerak. Yurak yetishmovchiligining keskin yomonlashuvi vena ichiga diuretiklar, ijobiy inotrop vositalar va vazodilatatorlar kiritiladi. Bronxospazm Bronxodilatatorlar, masalan, ortsiprenalin, β2-simpatomimetiklar va/yoki aminofillin buyurish lozim. Gipoglikemiya vena ichiga glyukoza yuboriladi.
Chiqarilish shakli
Polivinildenxlorid plyonkadan va alyumin folgadan iborat kontur uyali blisterlarda 10 tabletkadan joylashtirilgan. 3 yoki 5 dona blister preparatni tibbiyotda qo‘llanilishiga doir davlat va rus tillarida tasdiqlangan yo‘riqnoma bilan birgalikda karton o‘ramga solingan. O‘ramlar karton qutilarga joylashtirilgan.
Saqlash sharoiti
Quruq, yorug‘likdan himoyalangan joyda, 25°C dan yuqori bo‘lmagan haroratda saqlansin. Bolalar ololmaydigan joyda saqlansin!
Yaroqlilik muddati
2 yil.
Yaroqlilik muddati
o‘tganidan so‘ng qo‘llanilmasin.
Dorixonalardan berish tartibi
Retsept bo‘yicha.