Eksforj tab. 5/160mg №14

Preparatning savdo nomi

Eksforj
Ta'sir etuvchi moddalar (XPN) amlodipin besilati va valsartan;

Dori shakli

plyonka qobiq bilan qoplangan tabletkalar.

Tarkibi

1 tabletka quyidagilarni saqlaydi
faol moddalar 5 mg amlodipinga qayta hisoblaganda 6,94 mg amlodipin besilati va
80 mg valsartan yoki 5 mg amlodipinga qayta hisoblaganda 6,94 mg amlodipin besilati va 160 mg valsartan yoki 10 mg amlodipinga qayta hisoblaganda 13,87 mg amlodipin besilati va 160 mg valsartan saqlaydi;
yordamchi moddalar mikrokristall sellyuloza, krospovidon, magniy stearati, suvsiz kolloid kremniy dioksidi, polietilenglikol (makrogol) 4000, tal'k, gipromelloza, titan dioksidi (E 171), temir II oksidi (E 172), temir III oksidi (E 172) (faqat 10/160 mg doza uchun).
Ta'rifi
tabletkalar 5 mg/80 mg to‘q-sariq, dumaloq shaklli, plyonka qobiq bilan qoplangan, chetlari qiya, bir tomonida ”NVR“ va boshqa tomonida -“NV“ yozuvi bor;
tabletkalar 5 mg/160 mg to‘q-sariq, oval, plyonka qobiq bilan qoplangan, chetlari qiya, bir tomonida ”NVR“ va boshqa tomonida - “ESE“ yozuvi bor;
tabletkalar10 mg/160 mg och-sariq, oval, plyonka qobiq bilan qoplangan, chetlari qiya, bir tomonida ”NVR“ va boshqa tomonida - “UIC“ yozuvi bor.

Farmakoterapevtik guruhi

angiotenzin II ingibitorlarining majmuaviy preparatlari.
ATX kodi C09DB01.

Farmakologik xususiyatlari

Farmakodinamika

si
Eksforj essentsial gipertenziyasi bo‘lgan patsiyentlarda arterial bosimning nazoratini qo‘shimcha mexanizmlari bo‘lgan ikki antigipertenziv komponentlar saqlaydi amlodipin kaltsiy antagonistlari sinfiga, valsartan esa - angiotenzin II antagonistlari sinfiga kiradi. Bu ikki ingridiyentlarning majmuasi, alohida xar bir komponentga qaraganda kattaroq darajada arterial bosimni pasaytirib, additiv antigipertenziv samaraga ega.
Amlodipin
Amlodipin yurak va tomirlarning silliq mushaklariga kaltsiy ionlarini membrana orqali kirishini susaytiradi. Amlodipinning antigipertenziv ta'sir mexanizmi tomirlarning silliq mushaklariga bevosita bo‘shashtiruvchi ta'siri bilan bog‘liq, bu periferik tomirlar qarshiligini kamayishiga sabab bo‘ladi va arterial bosimni pasayishiga olib keladi. Eksperimental ma'lumotlar amlodipinni digidropiridinli va nodigidropiridinli bog‘lanish joylari bilan bog‘lanishini tasdiqlaydi. Yurak mushagi va tomirlarning silliq mushaklarini qisqaruvchanlik jarayonlari xujayradan tashqari kaltsiyni bu xujayralarga spetsifik ion kanallari orqali kirishiga bog‘liq.
Essentsial gipertenziyasi bo‘lgan patsiyentlarga terapevtik dozalar yuborilganidan keyin amlodipin vazodilatatsiyani chaqiradi, bu yotgan va turgan holatlarda arterial bosimni pasayishini chaqiradi. Davomli dozalashda arterial bosimni bunday pasayishi yurak qisqarishlari tezligini yoki plazmadani katexolaminlarning darajalarini ahamiyatli o‘zgarishlari bilan birga kechmaydi.
Samara yoshlar va keksa patsiyentlarda plazmadagi kontsentratsiyalari bilan korrelyatsiya qiladi.
Buyrak faoliyati normal bo‘lgan patsiyentlarda amlodipinning terapevtik dozalari buyrak tomirlarining qarshiligini pasayishiga va glomerulyar filtratsiyaning darajasini oshishiga, shuningdek filtrlanayotgan fraktsiyani yoki proteinuriyani o‘zgarishisiz plazmani buyrak bo‘ylab samarali oqishiga olib keladi.
Amlodipin bilan davolangan, yurak qorinchalari faoliyati normal bo‘lgan patsiyentlarda tinchlik va yuklamada yurak faoliyatining gemodinamikasini o‘zgarishlari, umuman dp/dt yoki yurak chap qorinchasi va diastolik bosim yoki xajmga ahamiyatli ta'sirsiz, yurak indeksini biroz oshishini ko‘rsatadi. Gemodinamik tekshirishlarda amlodipin intakt xayvonlar va odamlarda, hatto beta-blokatorlar bilan yuborilganida ham, manfiy inotrop samara ko‘rsatmagan.
Amlodipin sog‘lom xayvonlar yoki odamda sinus-bo‘lmacha tugunini yoki bo‘lmacha-qorincha o‘tkazuchanlik faoliyatini o‘zgartirmaydi. Essentsial gipertenziyasi yoki stenokardiyasi bo‘lgan patsiyentlarda amlodipin beta-blokatorlar bilan majmuada qo‘llangan klinik tadqiqotlarda, elektrokardiogramma ko‘rsatkichlarini o‘zgarishlari aniqlanmagan.
Surunkali stabil stenokardiyasi, vazospastik stenokardiyasi va ishemik kasalligi bo‘lgan patsiyentlarda amlodipinni angiografik tasdiqlangan ijobiy klinik samaralari kuzatilgan.
Valsartan
Valsartan ichga qo‘llash uchun mo‘ljallangan angiotenzin II retseptorlarining faol va spetsifik antagonisti hisoblanadi. U kam tarqalgan va angiotenzin II ning samaralariga javobgar bo‘lgan kichik tur AT1 retseptorlariga tanlab ta'sir qiladi. Valsartan tomonidan AT1-retseptorlarining blokadasi oqibatida angiotenzin II ning yuqori darajalari erkin AT2-retseptorlarini rag‘batlantiraolmaydi, bu AT1-retseptorlarining samaralarini tenglashtiradi. Valsartan AT1-retseptorlariga nisbatan agonistni biron-bir qisman faolligiga ega emas va AT2-retseptorlariga nisbatan AT1-retseptorlari bilan ancha katta (taxminan 20000 marta) yaqinlikka ega.
Valsartan angiotenzin I ni angiotenzin II ga aylantiradigan va bradikininni parchalaydigan, shuningdek kinaza II nomi bilan ma'lum bo‘lgan AAF ni susaytiradi. Valsartan AAF ingibitori bilan solishtirilgan klinik tadqiqotlarda, quruq yo‘tal xollarining tez-tezligi valsartan bilan davolangan patsiyentlarda, AAF ingibitorini qabul qilgan patsiyentlarga qaraganda ahamiyatli kam (R<0,05) bo‘lgan (muvofiq 7,9% bilan solishtirganda 2,6%). Ilgari AAF ingibitori bilan davolangan patsiyentlarda quruq yo‘tal rivojlangan, valsartan bilan davolashda bu asorat 19,5% hollarda, tiazidli diuretik bilan davolashda esa - 19% hollarda, ayni vaqtda esa AAF ingibitorlari bilan davolangan patsiyentlar guruhida yo‘tal 68,5% xollarda kuzatilgan (R<0,05). Valsartan yurak-tomir tizimining faoliyatini boshqarilishida muhim rol o‘ynovchi boshqa gormonlarning retseptorlari yoki kaltsiy kanallari bilan o‘zaro ta'sirga kirishmaydi va bloklamaydi.
Arterial gipertenziyasi bo‘lgan patsiyentlarga valsartanni buyurish, pulsning tez-tezligiga ta'sir qilmasdan, arterial bosimni pasayishiga olib keladi.
Preparatning bir martalik dozasi ichga buyurilganidan keyin ko‘pchilik patsiyentlarda antigipertenziv faollikni boshlanishi 2 soat chegaralarida aniqlanadi, arterial bosimni maksimal pasayishiga esa 4-6 soatlar chegarasida erishiladi.
Bir martalik doza qabul qilinganidan keyin antigipertenziv samara 24 soatdan ko‘proq saqlanadi. Preparatni muntazam qo‘llash sharoitida maksimal terapevtik samaraga odatda 2-4 hafta davomida erishiladi va davomli davolash davomida erishilgan darajada tutib turiladi. Valsartanni birdan bekor qilish arterial gipertenziyani qaytalanishiga yoki boshqa nojo‘ya klinik ko‘rinishlarga olib kelmaydi.
Surunkali yurak yetishmovchiligi (NYHA II-IV sinfi) bo‘lgan patsiyentlarda gospitalizatsiya darajasini axamiyatli pasaytirishi aniqlangan. AAF ingibitorlarini yoki beta-blokatorlarni qabul qilmagan patsiyentlarda ahamiyatliroq samaraga erishilgan. Shuningdek chap qorincha patologiyasi yoki miokard infarktidan keyingi chap qorincha disfunktsiyasi bo‘lgan klinik turg‘un patsiyentlarda, valsartanni yurak-tomir o‘limini pasaytirishi ham aniqlangan.
Valsartan/Amlodipin
Ikki platsebo-nazoratli tadqiqotlarda arterial gipertenziyasi bo‘lgan 1400 dan ko‘proq patsiyentlar Eksforjni sutkada 1 marta qabul qilganlar. Preparatning yakka dozasini antigipertenziv samarasi taxminan 24 soat davom etgan.
Eksforj (amlodipin besilati/valsartan)gipertenziyasi va diastolik bosimi ≥ 95 mmHg va <110 mmHg bo‘lgan patsiyentlarda ikki platsebo-nazoratlitadqiqotlarda o‘rganilgan. Tadqiqotning birinchi bosqichida (boshlang‘ich arterial bosim 153/99 mmHg) Eksforj 5/80 mg, 5/160 mg va 5/320 mg dozalarda arterial bosimni platsebo uchun 7/7 mmHg bilan solishtirganda 20-23/14-16 mmHg ga pasaytirgan. Tadqiqotning ikkinchi bosqichida (boshlang‘ich arterial bosim 157/99 mmHg) Eksforj 10/160 mg va 10/320 mg dozalarda arterial bosimni platsebo uchun 13/9 mmHg bilan solishtirganda 28/18-19 mmHg ga pasaytirgan.
Ko‘p markazli, randomizatsiyalangan, ikki tomonlama yashirin, faol nazorat qilingan tadqiqotlarda parallel guruxlarda arterial bosimni normallashishi, faqat 10 mg amlodipin qo‘llashni davom ettirayotgan patsiyentlardagi 67% bilan solishtirganda,
10 mg/160 mg amlodipin/valsartan qo‘llangan 75% patsiyentlarda aniqlangan (sinovning oxirida diastolik bosim < 90 mmHg gacha kelishi bilan). 160 mg valsartanni qo‘shish, faqat 10 mg amlodipin qo‘llangan patsiyentlar bilan solishtirganda sistolik/diastolik bosimni 2,9/2,1 mmHg ga qo‘shimcha pasayishini sababi bo‘lgan.
Eksforj diastolik bosimi ≥110 mmHg va <120 mmHg bo‘lgan essentsial gipertenziyasi bo‘lgan 130 patsiyentlarda faol nazoratli tadqiqotlarda o‘rganilgan. Bu tadqiqotda (boshlang‘ich arterial bosim 171/113 mmHg) Eksforjni 5 mg/160 mg dan 10 mg/160 mg gacha dozalash tartibida, lizinapril/gidroxlortiazidni 10 mg/12,5 mg dan20 mg/12,5 mg gacha dozalash tartibi qo‘llanganidagi 32/28 mmHg bilan solishtirganda, doimiy arterial bosimni 36/29 mmHg ga pasaytirgan.
Ikki uzoq muddatli tadqiqotlarda Eksforjning samarasini bir yildan ko‘proq saqlanishi isbotlangan. Preparatni birdan bekor qilish, arterial bosimni tez oshishiga olib kelmagan.
Arterial bosimi amlodipin bilan adekvat nazorat qilinadigan patsiyentlarda, to‘g‘ri kelmaydigan shishlarda majmuaviy davolash, shishlar kamayganida arterial bosimni o‘xshash nazoratini ta'minlashi mumkin.

Farmakokinetikasi

To‘g‘ri chiziqlilik
Valsartan va amlodipin farmakokinetikani to‘g‘ri chiziqliligini namoyon qiladi.
Amlodipin
So‘rilishi. Amlodipin terapevtik dozalarda ichga qo‘llanganidan keyin, uning plazmadagi cho‘qqi kontsentratsiyasiga 6-12 soat davomida erishiladi. Hisoblangan mutloq biokiraolishligi 64% dan 80% gachani tashkil qiladi. Ovqat amlodipinning biokiraolishligiga ahamiyatsiz ta'sir qiladi.
Taqsimlanishi. Taqsimlanish xajmi taxminan 21 l/kg ni tashkil qiladi. Amlodipinning in vitro sharoitdagi tekshirishlarida essentsial gipertenziyasi bo‘lgan patsiyentlarda aylanib yuruvchi preparatning taxminan 97,6% plazma oqsillari bilan bog‘lanishi isbotlangan.
Biotransformatsiyasi. Amlodipin jigarda jadal (taxminan 90%) nofaol metabolitlarigacha metabolizmga uchraydi.
Chiqarilishi. Amlodipinni plazmadan chiqarilishi taxminan 30-50 soat yarim chiqarilish davri bilan ikki fazali. Plazmadagi muvozanat darajalariga 7-8 kun davomida doimo yuborilganidan keyin erishiladi. Boshlang‘ich amlodipinni 10% va amlodipinning metabolitlarini 60% siydik bilan chiqariladi.
Valsartan
So‘rilishi. Valsartan ichga qabul qilinganidan keyin, valsartanning plazmadagi cho‘qqi kontsentratsiyasiga 2-4 soat davomida erishiladi. Preparatning mutloq biokiraolishligini o‘rtacha kattaligi 23% ni tashkil qiladi. Valsartanning farmakokinetik egri chizig‘i pastga tushuvchi multieksponentsial xarakterga ega (yarim chiqarilish vaqti T1/2ά < 1 soat va T1/2β taxminan 9 soat). AUC (plazmadagi kontsentratsiya-vaqt) ko‘rsatilishicha ovqat valsartanning ekspozitsiyasini bo‘yicha taxminan 40% ga, plazmadagi kontsentratsiyasini cho‘qqisi (Smax) esa - 50% ga pasaytiradi, garchi qo‘llanganidan keyin 8 soat o‘tgach plazmadagi valsartanning kontsentratsiyasi, preparatni och qoringa qabul qilgan guruxlar va preparatni ovqatdan keyin qabul qilgan patsiyentlar guruxlar uchun bir xil bo‘lgan. AUC ni pasayishi terapevtik samarasini klinik ahamiyatli pasayishi bilan birga kechmaydi, shuning uchun valsartanni ovqat qabul qilishdan qat'iy nazar qabul qilish mumkin.
Taqsimlanishi. Vena ichiga yuborilganidan keyin valsartanni taqsimlanishining muvozanat xajmi taxminan 17 l ni tashkil qiladi, bu valsartanni to‘qimalarda jadal bo‘lmagan taqsimlanishini ko‘rsatadi. Valsartan plazma oqsillari bilan, asosan zardob albumini bilan mustahkam bog‘lanadi.
Biotransformatsiyasi. Valsartan ahamiyatli darajada transformatsiya qilmaydi, chunki dozaning faqat 20% metabolitlariga o‘tadi. Plazmada past kontsentratsiyalarda (valsartanning AUC dan 10% dan kamroq) gidroksimetaboliti aniqlangan, u farmakologik faol emas.
Chiqarilishi. Valsartan asosan o‘zgarmagan holda axlat bilan (dozaning taxminan 83%) va siydik bilan (dozaning taxminan 13%) chiqariladi. Vena ichiga yuborilganidan keyin valsartanning plazmadagi klirensi taxminan soatiga 2 l, uning buyrak klirensi esa – taxminan soatiga 0,62 l (umumiy klirensidan taxminan 30%) tashkil qiladi. Valsartanning yarim chiqarilish davri - 6 soat.
Valsartan/Amlodipin
Eksforj peroral qabul qilinganidan keyin plazmadagi valsartan va amlodipinning cho‘qqi kontsentratsiyalariga muvofiq 3 va 6-8 soatlarda erishiladi. Eksforjni so‘rilish tezligi va darajasi valsartan va amlodipinning biokiraolishligiga ekvivalent.
Buyrak yetishmovchiligi.
Buyrak faoliyatini buzilishi amlodipinning farmakokinetikasiga ahamiyatli ta'sir qilmaydi. Buyrak faoliyatini turli darajali buzilishlari bo‘lgan patsiyentlarda, buyrak faoliyatining holati (kreatinin klirensi bo‘yicha o‘lchanadi) va ekspozitsiyasi (AUC bo‘yicha aniqlanadi) orasida real korrelyatsiya yo‘q. Shuning uchun buyrak faoliyatini kuchsiz va o‘rtacha buzilishlari bo‘lgan patsiyentlar odatda boshlang‘ich dozani qabul qiladilar.
Jigar faoliyatini buzilishi.
Jigar yetishmovchiligi bo‘lgan patsiyentlarda amlodipinning klirensi pasayadi, bu AUC ni taxminan 40-60% ga oshishiga olib keladi. Jigarning kuchsiz va o‘rtacha surunkali kasalliklari bo‘lgan patsiyentlarda valsartanning ekspozitsiyasi (AUC qiymatlari bo‘yicha aniqlangan) sog‘lom ko‘ngillilardagidan o‘rtacha ikki marta yuqori (yosh, jins va tana vazni bo‘yicha tanlab olingan). Jigar kasalliklari bo‘lgan patsiyentlarda preparat qo‘llanganida ehtiyotkorlikka rioya qilish kerak.

Qo‘llanilishi

Monopreparat bilan arterial bosimi boshqarilmaydigan patsiyentlardagi essentsial gipertenziyani davolashda qo‘llanadi.

Qo‘llash usuli va dozalari

Amlodipin yoki valsartan monopreparatlari bilan arterial bosimi noadekvat boshqariladigan patsiyentlar, Eksforj preparati bilan majmuaviy davolashga o‘tkazilishlari mumkin. Tavsiya etilgan doza - sutkada 1 tabletkani tashkil etadi. Eksforjni suv bilan birga qabul qilish tavsiya etiladi.
Valsartan va amlodipinni alohida qabul qilayotgan patsiyentlarni, komponentlarning xuddi shunday dozalarini saqlovchi Eksforjga o‘tkazish mumkin.
Arterial bosimni kerakli darajasiga erishish uchun bir necha preparatlarni qo‘llash kerak bo‘lgan patsiyentlarga, Eksforjni birinchi qator davolash sifatida buyurish mumkin. Essentsial gipertenziyani davolash uchun birinchi qator davolash sifatida Eksforjni tanlashda, preparatni qo‘llashdan xavf/foyda nisbatini baholash kerak.
Sutkalik doza - 1 tabletka Eksforj 5 mg/80 mg, yoki 1 tabletka Eksforj 5 mg/160 mg yoki 1 tabletka Eksforj 10 mg/160 mgni tashkil etadi. Doza 1 yoki 2 hafta davolashdan keyin maksimal 10 mg/160 mg gacha oshirilishi mumkin.
Preparatning komponentlarini maksimal yo‘l qo‘yiladigan dozalari - amlodipinni saqlanishi bo‘yicha 10 mg, valsartanni saqlanishi bo‘yicha 320 mg.
Keksa patsiyentlarda dozaga tuzatish kiritish talab qilinmaydi.
Nojo‘ya ta'sirlari
Quyida keltirilgan nojo‘ya reaktsiyalari a'zolar, tizimlar va paydo bo‘lishini tez-tezligi bo‘yicha tasniflanadi,bunda eng tarqalganlari birinchi ko‘rsatilgan. Nojo‘ya reaktsiyalar paydo bo‘lish tez-tezligini baholashda quyidagi mezonlar ishlatilgan juda tez-tez (≥1/10), tez-tez (≥1/100, ≤1/10), tez-tez emas (≥1/1000, ≤1/100), kam hollarda (≥1/10000, ≤1/1000), juda kam (≤1/10000), shu jumladan. Xar bir tez-tezlik uchun guruxda nojo‘ya reaktsiyalar jiddiyligini kamayib borishi tartibida joylashgan.
Infektsiyalar
Tez-tez
Nazofaringit, grippsimon simptomlar
Immun tizimi tomonidan buzilishlar
Kam hollarda
O‘ta yuqori sezuvchanlik
Ko‘rish a'zolari tomonidan buzilishlar
Kam hollarda
Ko‘rishni buzilishi
Ruxiyat tomonidan buzilishlar
Kam hollarda
Qo‘zg‘alish
Nerv tizimi tomonidan buzilishlar
Tez-tez
Tez-tez emas
Bosh og‘rig‘i
Bosh aylanishi, uyquchanlik, postural bosh aylanishi, parasteziya
Eshitish a'zosi tomonidan
Tez-tez emas
Kam hollarda
Vertigo
Quloqlarda shovqin
Yurak tomonidan buzilishlar
Tez-tez emas
Kam hollarda
Taxikardiya, yurakni tez urishi
Xushdan ketish
Tomirlar tomonidan buzilishlar
Tez-tez emas
Kam hollarda
Ortostatik gipotenziya
Arterial gipotenziya
Nafas tizimi tomonidan buzilishlar
Tez-tez emas
Yo‘tal, tomoq va xalqumda og‘riq
Gastrointestinal buzilishlar
Tez-tez emas
Diareya, ko‘ngil aynishi, qorin og‘rig‘i, qabziyat, og‘izni qurishi
Teri va teri osti to‘qimalari tomonidan buzilishlar
Tez-tez emas
Kam hollarda
Toshmalar, eritema
Ko‘p terlash, ekzantema, qichishish
Suyak-mushak tizimi tomonidan buzilishlar
Tez-tez emas
Kam hollarda
Bo‘g‘imlarni shishi, belda og‘riq, artralgiya
Mushak tirishishlari, og‘irlik xissi
Buyrak va siydik chiqarish tizimi tomonidan buzilishlar
Kam hollarda
Siyishni tezlashishi, siydikni chiqishini ko‘payishi, mochevina azotini ko‘payishi
Reproduktiv tizimining buzilishlari
Kam hollarda
Erektil faoliyatni buzilishi
Umumiy buzilishlar
Kam hollarda
Shishlar, yengil shish, yuzni shishi, oyoqlarning shishi, toliqish, oqib kelishlar, asteniya, “issiq” oqib kelishlar
Komponentlari bo‘yicha qo‘shimcha ma'lumot
Eksforj xatto agar klinik sinovlarda bunday reaktsiyalar kuzatilmagan bo‘lsa ham, komponentlardan biri uchun ilgari aniqlangan nojo‘ya reaktsiyalarni chaqirishi mumkin.
Amlodipin
Amlodipin bilan monoterapiyadagi klinik sinovlarda aniqlangan, o‘rganilgan preparat bilan sabab-oqibat aloqasidan qat'iy nazar, qo‘shimcha nojo‘ya reaktsiyalari quyidagi jadvalda keltirilgan.
Amlodipinning klinik sinovlari keng doira variatsiyalar sharoitida o‘tkazilganligi tufayli, preparatni klinik sinovlarida kuzatilgan nojo‘ya reaktsiyalari haqidagi ma'lumotlar, boshqa preparat klinik sinovlarini ma'lumotlari bilan bevosita qiyoslash mumkin emas va amaliyotda kuzatilgan ma'lumotlarga muvofiq kelmasligi mumkin.
Amlodipin bilan monoterapiyadagi nojo‘ya reaktsiyalar haqidagi ma'lumotlar
Ko‘rish tomonidan buzilishlar
Tez-tez emasDiplopiya
Qon va limfatik tizimi tomonidan buzilishlar
Juda kam hollardaTrombotsitopeniya, leykotsitopeniya
Immun tizimi tomonidan buzilishlar
Juda kam hollardaAllergik reaktsiyalar
Metabolizm va ovqatlanish tomonidan buzilishlar
Juda kam hollardaGiperglikemiya
Ruxiy buzilishlar
Tez-tez emasUyqusizlik, kayfiyatni o‘zgarishlari
Nerv tizimi tomonidan buzilishlar
Tez-tez emasTremor, gipoyesteziya, disgveziya
Juda kam hollardaPeriferik nevropatiya, gipertoniya
Kardiologik buzilishlar
Juda kam hollardaAritmiya, bradikardiya, yurak bo‘lmachalarining fibrillyatsiyasi, yurak qorinchasi taxikardiyasi, miokard infarkti
Tomirli buzilishlar
Juda kam hollardaVaskulit
Nafas, ko‘krak qafasi va ko‘ks oralig‘i a'zolari tomonidan buzilishlar
Tez-tez emasXansirash, rinit
Me'da-ichak yo‘llari tomonidan buzilishlar
Tez-tez emasQusish, dispepsiya
Juda kam hollardaPankreatit, gastrit, milklarning giperplaziyasi
Gepatobiliar tizimi tomonidan
Juda kam hollardaGepatit, sariqlik
Teri va teri osti to‘qimalari tomonidan
Tez-tez emasAlopetsiya, purpura, teri rangini o‘zgarishi, fotosensibilizatsiya
Juda kam hollardaAngionevrotik shish, eshakemi, ko‘p shaklli eritema, Stivens-Djonson sindromi
Suyak-mushak tizimi va biriktiruvchi to‘qima tomonidan buzilishlar
Tez-tez emasMialgiya
Buyrak va siydik chiqarish tizimi tomonidan buzilishlar
Tez-tez emas Siyishni buzilishi, nikturiya
Reproduktiv tizimi va sut bezlari tomonidan buzilishlar
Tez-tez emasGinekomastiya
Umumiy buzilishlar va yuborilgan joyning xolati
Tez-tez emasOg‘riq, lohaslik, ko‘krakda og‘riq
Tekshirishlarning ma'lumotlari bo‘yicha buzilishlar
Tez-tez emasTana vaznini kamayishi, tana vaznini oshishi
Juda kam hollardaJigar fermentlarini oshishi (ko‘pincha xolestaz oqibatida)
Valsartan
Valsartan bilan klinik sinovlarda, o‘rganilayotgan preparat bilan sabab-oqibat aloqasidan qat'iy nazar, aniqlangan qo‘shimcha nojo‘ya ko‘rinishlar quyidagi jadvalda keltirilgan.
Post-marketing tadqiqotlarda qayd qilingan va laboratoriya ko‘rsatgichlari bo‘yicha barcha nojo‘ya reaktsiyalar uchun, nojo‘ya reaktsiyalarning biron-bir tez-tezligining ko‘rsatishni iloji yo‘q va demak, bunday reaktsiyalar “noma'lum” tez-tezlik bilan ko‘rsatiladi.
Valsartan bilan monoterapiyadagi preparatga nojo‘ya reaktsiyalar
Qon va limfatik tizimi tomonidan buzilishlar
Noma'lumGemoglobinni pasayishi, gematokritni pasayishi, neytropeniya, trombotsitopeniya
Immun tizimi tomonidan buzilishlar
Noma'lumO‘ta yuqori sezuvchanlik, shu jumladan zardob kasalligi
Metabolizm va ovqatlanish tomonidan buzilishlar
Noma'lumQon zardobida kaliyning darajasini oshishi
Tomirli buzilishlar
Noma'lumVaskulit
Gepatobiliar tizimi tomonidan buzilishlar
Noma'lumJigar faoliyatining ko‘rsatgichlarini oshishi, shu jumladan qon zardobidagi bilirubinni oshishi
Teri va teri osti to‘qimalari tomonidan buzilishlar
Noma'lumAngionevrotik shish, bullyoz dermatit
Suyak-mushak tizimi va biriktiruvchi to‘qima tomonidan buzilishlar
Noma'lumMialgiya
Buyrak va siydik chiqarish yo‘llari tomonidan buzilishlar
Tez tez emasBuyrak yetishmovchiligi va buyrak faoliyatini yomonlashishi, qon zardobida kreatininning darajasini oshishi
Tekshirilayotgan preparat bilan ularni sabab aloqasidan qat'iy nazar, gipertoniya kasalligi bo‘lgan patsiyentlarda klinik sinovlar vaqtida shuningdek, quyidagi nojo‘ya reaktsiyalar ham kuzatilgan uyqusizlik, libidoni pasayishi, faringit, rinit, sinusit, yuqori nafas yo‘llarining infektsiyalari, virusli infektsiyalar.

Qo‘llash mumkin bo‘lmagan holatlar

Amlodipinga, valsartanga yoki yordamchi moddalardan birontasiga yuqori sezuvchanlik.
Angiotenzin retseptorlarining antagonistlarini, shu jumladan valsartanni yoki angiotenzinga-aylantiruvchi ferment (AAF) ingibitorlarini aliksiren bilan II tur qandli diabeti bo‘lgan patsiyentlarda bir vaqtda qo‘llash mumkin emas.
Dorilarning o‘zaro ta'siri
Amlodipin
Amlodipin bilan monoterapiyada quyidagi preparatlar bilan klinik ahamiyatli o‘zaro ta'siri aniqlanmagan tiazidli diuretiklar, beta-blokatorlar, AAF ingibitorlari, davomli ta'sirli nitratlar, sublingval nitroglitserin, digoksin, varfarin, atorvastatin, sildenafil, maaloks (alyuminiy gidroksidi geli, magniy gidroksidi, simetikon), simetidin, NYaQV, antibiotiklar, peroral gipoglikemik vositalar.
Simvastatin Amlodipinning 10 mg va simvastatinning 80 mg ko‘p martalik dozalarini birga yuborish, bir simvastatinni yuborish bilan solishtirganda, simvastatinning ekspozitsiyasini 77% oshishiga olib kelgan. Amlodipin qabul qilayotgan patsiyentlarda simvastatinning dozasini 20 mg gacha cheklash tavsiya etiladi.
CYP3A4 ingibitorlari Diltiazemning 180 mg sutkalik va amlodipinning 5 mg dozalarini gipertoniya kasalligi bo‘lgan keksa patsiyentlarga birga yuborish, amlodipinning tizimli ekspozitsiyasini 1,6 marta oshishiga olib kelgan. Shunga qaramasdan, CYP3A4 ning kuchli ingibitorlari (masalan, ketokonazol, itrakonazol, ritonavir), qon plazmasidagi amlodipinning kontsentratsiyasini, diltiazemga qaraganda kattaroq darajada oshirishi mumkin. Shuning uchun, amlodipin CYP3A4 ingibitorlari bilan birga qo‘llanganida ehtiyotkorlik ko‘rsatish kerak.
CYP3A4 induktorlari CYP3A4 induktorlarini amlodipinga nisbatan miqdoriy samaralari haqida ma'lumotldar yo‘q. Amlodipin CYP3A4 induktorlari bilan bir vaqtda qo‘llanganida patsiyentlarni adekvat klinik samaraga nisbatan nazorat qilish kerak.
Litiy Litiy AAF ingibitorlari yoki angiotenzin II retseptorlarining antagonistlari bilan birga qo‘llanganida litiyning zardobdagi kontsentratsiyasini va toksikligi ko‘rinishlarini qaytuvchan oshishi haqida xabar berilgan. Demak, birga qo‘llanganida litiyning zardobdagi kontsentratsiyalarini sinchiklab monitoring qilish tavsiya etiladi. Xatto diuretik qo‘llanganida, litiyning toksikligini xavfi Eksforj preparati bilan ehtimol oshishi mumkin.
Valsartan
Angiotenzin retseptorlarining antagonistlari, AAF ingibitorlari yoki aliksiren tomonidan renin-angiotenzin tizimini (RAT) ikkilangan blokadasi angiotenzin retseptorlarining antagonistlarini, shu jumladan valsartanni RAT ga ta'sir qiluvchi boshqa moddalar bilan bir vaqtda qo‘llash, monoterapiya bilan solishtirganda gipotenziyalar, giperkaliyemiyalar va buyrak faoliyatini o‘zgarishlari xollari miqdorini oshishi bilan bog‘liq. Eksforj va RAT ga ta'sir qiluvchi boshqa moddalarni qabul qilayotgan bemorlarda arterial bosim, buyrak faoliyati va elektrolitlar darajasini nazorat qilish kerak.
Og‘ir buyrak yetishmovchiligi (kreatinin klirensi <30 ml/min) bo‘lgan bemorlarda angiotenzin retseptorlarining antagonistlari, shu jumladan valsartan yoki AAF ingibitorlarini aliksiren bilan bir vaqtda qo‘llashdan saqlanish kerak.
Valsartan bilan monoterapiyada quyidagi preparatlar bilan klinik ahamiyatli o‘zaro ta'siri aniqlanmagan simetidin, varfarin, furosemid, digoksin, atenolol, indometatsin, gidroxlortiazid, amlodipin, glibenklamid.
Kaliyli qo‘shimchalar, kaliyni tejovchi diuretiklar, kaliy saqlovchi tuzlar o‘rnini bosuvchi yoki kaliyning darajasini oshirishi mumkin bo‘lgan boshqa preparatlar (geparin va boshqalar) bir vaqtda qo‘llanganida, ehtiyotkorlik talab qilinadi. Kaliyning miqdori darajalarini tez-tez nazorat qilishni ko‘zda tutish kerak.
Nosteroid yallig‘lanishga qarshi vositalar (NYaQV), shu jumladan siklooksigenaza-2 ning (TSOG 2 ingibitorlari) selektiv ingibitorlari angiotenzin II antagonistlari NYaQV bilan bir vaqtda yuborilganida, antigipertenziv samarasini susayishi kuzatilishi mumkin. Bundan tashqari, suyuqlikning xajmi pasaygan (shu jumladan diuretiklar bilan davolashda bo‘lgan patsiyentlarda) yoki buyrak faoliyatini buzilishi bo‘lgan keksa yoshli patsiyentlarda angiotenzin II antagonistlari va NYaQV ni bir vaqtda qo‘llash, buyrak faoliyatini yomonlashishini yuqori xavfiga olib kelishi mumkin. Shunday qilib, bir vaqtda NYaQV qabul qilayotgan valsartan bilan davolanayotgan patsiyentlarda, boshida yoki davolash o‘zgartirilganida buyrak faoliyatini nazoratini o‘tkazish tavsiya etiladi.
Tashuvchilar odam jigari to‘qimasida in vitro sharoitda tadqiqotlar natijasi valsartanni jigar qamrab olish OAT1V1 transportyori substrati va jigardan oqib chiqish MRP2 transpartyori substrati hisoblanadi. Qamrab olish transpartyori ingibitorlari (rifampitsin, siklosporin) yoki oqib chiqish transpartyorini (ritonavir) bir vaqtda buyurish, valsartinning tizimli ta'sirini oshirishi mumkin.

Maxsus ko‘rsatmalar

Organizmida natriy va/yoki aylanayotgan qon xajmini tanqisligi bo‘lgan patsiyentlar
Angiotenzin-retseptorlarining blokatorlarini qabul qilayotgan, asoratlanmagan arterial gipertenziyasi bo‘lgan patsiyentlarda xaddan ziyod gipotenziya kuzatilgan. Renin-angiotenzin tizimi faollashgan patsiyentlarda (natriy va/yoki aylanayotgan qon xajmi past bo‘lgan va diuretiklarning yuqori dozalarini qabul qilayotgan), simptomatik gipotenziya paydo bo‘lishi mumkin. Eksforjni qo‘llashdan oldin bunday holatni to‘g‘rilash yoki davolashni boshida sinchkov tibbiy kuzatuv tavsiya etiladi. Eksforj qo‘llanganida arterial gipotenziya paydo bo‘lganida, patsiyentni chalqancha yotqizish va, agar kerak bo‘lsa, vena ichiga fiziologik eritmaning infuziyasini o‘tkazish lozim. Arterial bosim barqarorlashganidan keyin davolash davom ettirilishi mumkin.
Giperglikemiya
Kaliyli qo‘shimchalar, kaliy tejovchi diuretiklar, kaliy saqlovchi tuzlar o‘rnini bosuvchilar, yoki kaliyning darajasini oshirishi mumkin bo‘lgan boshqa preparatlar (geparin va boshqalar.) bilan bir vaqtda davolashni extiyotkorlik bilan o‘tkazish kerak, shuningdek qon zardobida kaliyning miqdorini ko‘proq nazorat qilishni ko‘zda tutish kerak.
Beta-blokatorlarni bekor qilish
Amlodipin beta-blokator emas va shuning uchun beta-blokatorlarni birdan bekor qilish xavfidan himoya qilmaydi, shuning uchun beta-blokatorning dozasini asta-sekin bekor qilish kerak.
Buyrak arteriyasining stenozi
Buyrak arteriyasining bir tomonlama yoki ikki tomonlama stenozi bo‘lgan patsiyentlarda Eksforjni qo‘llash bo‘yicha ma'lumotlar yo‘q.
Buyrakni ko‘chirib o‘tkazish
Yaqinda buyrak ko‘chirib o‘tkazilishini o‘tkazgan patsiyentlarda Eksforjni qo‘llashning xavfsizligini tajribasi yo‘q.
Jigar faoliyatini buzilishi
Valsartan asosan o‘zgarmagan holda safro bilan chiqariladi, amlodipin esa jigarda jadal metabolizmga uchraydi. Jigar faoliyatini buzilishi yoki o‘t qopini obstruktiv buzilishlari bo‘lgan patsiyentlarda Eksforj qo‘llanganida alohida ehtiyotkorlik kerak.
Buyrak faoliyatini buzilishi
Buyrak faoliyatini kuchsiz va o‘rtacha buzilishlari bo‘lgan patsiyentlar uchun Eksforjning dozasiga tuzatish kiritish zarurati yo‘q. Buyrak faoliyatini og‘ir buzilishlari (kreatinin klirensi minutiga 10 ml/ dan kam) bo‘lgan patsiyentlar uchun preparatni qo‘llash bo‘yicha ma'lumotlar yo‘q, shuning uchun ehtiyot bo‘lish tavsiya etiladi.
Og‘ir buyrak yetishmovchiligi (kreatinin klirensi <30 ml/min) bo‘lgan patsiyentlarda angiotenzin retseptorlarining antagonistlarini, shu jumladan valsartanni, yoki AAF ingibitorlarini aliksiren bilan bir vaqtda qo‘llashdan saqlanish kerak.
Aorta va mitral klapan klapan stenozi, obstruktiv gipertrofik kardiomiopatiya.
Boshqa vazodilatatrolar bilan davolashdagi kabi, aorta stenozi yoki mitral klapan stenozi bo‘lgan patsiyentlarda yoki obstruktiv gipertrofik kardiomiopatiyada aloxida extiyotkorlikka rioya qilish kerak.
Nostabil stenokardiyada preparatni ehtiyotkorlik bilan qo‘llash kerak.
Angionevrotik shish
Valsartan qabul qilgan patsiyentlarda nafas yo‘llarining obstruktsiyasiga va/yoki yuz, lablar, tomoq va/yoki tilni shishiga olib keluvchi xalqum va tovush yoriqlarining shishini o‘z ichiga oluvchi, angionevrotik shish haqida xabarlar bor. Bu patsiyentlardan ayrimlarining anamnezida boshqa preparatlar, shu jumladan AAF ingibitorlari chaqirgan angionevrotik shish rivojlanishi haqida ko‘rsatmalar bor. Angionevrotik shish rivojlanayotgan patsiyentlarda Eksforjni darxol bekor qilish kerak va bu preparatni qayta buyurish mumkin emas.
Yurak yetishmovchiligi bo‘lgan/o‘tkazilgan miokard infarktidan keyingi patsiyentlar
Umuman kaltsiy kanallarining blokatorlarini, shu jumladan amlodipin, jiddiy dimlangan yurak yetishmovchiligi (Nyu-York kardiologik assotsiatsiyasi (NYNA) tasnifi bo‘yicha III-IV funktsional sinfi) bo‘lgan patsiyentlarda extiyotkorlik bilan ishlatish kerak. Buyrak faoliyati renin-angiotenzin-aldosteron tizimining faolligiga bog‘liq bo‘lgan patsiyentlarda (masalan, og‘ir dimlangan yurak yetishmovchiligi), angiotenzinga-aylantiruvchi ferment ingibitorlari yoki angiotenzin retseptorlarining antagonistlari bilan davolash, oliguriya va/yoki progressiv azotemiya va kam hollarda o‘tkir buyrak yetishmovchiligi va/yokio‘lim bilan bog‘liq bo‘lgan. Yurak yetishmovchiligi bo‘lgan yoki o‘tkazilgan miokard infarktidan keyingi patsiyentlarni baholash, doimo buyrak faoliyatini baholashni o‘z ichiga olishi kerak.
O‘tkir miokard infarkti bo‘lgan patsiyentlar
Stenokardiyani yomonlashishi va o‘tkir miokard infarkti amlodipinning boshlang‘ich dozasini qabul qilgandan yoki uni oshirgandan keyin rivojlanishi mumkin, ayniqsa koronar arteriyalarning og‘ir obstruktiv kasalliklari bo‘lgan patsiyentlarda.
Renin-angiotenzin tizimini (RAT) ikkilangan blokadasi.
Angiotenzin retseptorlarining antagonistlarini, shu jumladan valsartanni AAF ingibitorlari yoki aliksiren kabi RAT ni bloklovchi boshqa vositalar bilan birga qo‘llash vaqtida ehtiyotkorlikka rioya qilish kerak.
Homiladorlik yoki emizish davrida qo‘llanishi
Angiotenzin II antagonistlarining ta'sir mexanizmini hisobga olib, homila uchun xavfni istisno qilib bo‘lmaydi. Homilador ayollar tomonidan II va III uch oylikda angiotenzinga-aylantiruvchi ferment (AAF) ingibitorlarini (renin-angiotenzin-aldosteron (RAAS) tizimiga ta'sir qiluvchi preparatlarning spetsifik sinfi) qo‘llash, homilani shikastlanishi va nobud bo‘lishiga sabab bo‘lishi mumkinligi haqida xabar berilgan.
Bundan tashqari, bor bo‘lgan retrospektiv ma'lumotlar asosida IAAF ni I uch oyligida qo‘llashni homilada tug‘ma nuqsonlarni rivojlanishini potentsial xavfi bilan bog‘laydilar. Agar homilador ayol bilmasdan valsartan qabul qilgan bo‘lsa, spontan bola tashlashlar, kamsuvlik va yangi tug‘ilgan chaqaloqlarda buyrak faoliyatini buzilishlari haqida xabar berilgan. RAAS ga bevosita ta'sir qiluvchi xar qanday preparat kabi, Eksforj homiladorlikda yoki homiladorlikni rejalashtirayotgan ayollarda qo‘llanmaydi.
RAAS ga ta'sir qiluvchi xar qanday preparatlarni buyurayotgan shifokorlar, homiladorlikni rejalashtirayotgan ayolni, bu preparatlar qabul qilinganida kelajakdagi bolaga potentsial xavf haqida ogoxlantirishi kerak. Agar davolash jarayonida homiladorlik aniqlansa, Eksforjni qabul qilishni to‘xtatish kerak.
Valsartan va/yoki amlodipinniko‘krak sutiga o‘tishi noma'lum, shuning uchun preparatni emizish davrida qo‘llash tavsiya etilmaydi. Agar preparat bilan davolash ona uchun zarur bo‘lsa, emizishni to‘xtatish kerak.
Bolalar.
Bu preparat bilan 18 yoshgacha bo‘lgan bolalarni davolashni tekshirishlari o‘tkazilmagan. Shuning uchun to‘liqroq xajmda ma'lumot olinmagunigacha, Eksforjni bolalarni davolash uchun qo‘llash tavsiya etilmaydi.
Avtotransportni boshqarish yoki boshqa mexanizmlar bilan ishlashda reaktsiya tezligiga ta'sir qilish qobiliyati.
Avtotransportni boshqarish va potentsial xavfli mexanizmlar bilan ishlashga preparatni ta'siri bo‘yicha tekshirishlar o‘tkazilmagan. Lekin preparat qabul qilgandan keyin bosh aylanishi yoki kuchsizlik hissi paydo bo‘lgan patsiyentlar, avtotransportni boshqarish va potentsial xavfli mexanizmlar bilan ishlashdan saqlanishlari kerak.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Hozirgi vaqtda Eksforj preparatini dozasini oshirib yuborilishining o‘rganishni tajribasi yo‘q. Valsartanning dozasini oshirib yuborilishining asosiy simptomi, ehtimol, bosh aylanishi bilan yaqqol arterial gipotenziyadir. Amlodipinning dozasini oshirib yuborilishi o‘sib boruvchi periferik vazodilyatatsiyaga va, ehtimol reflektor taxikardiyaga olib kelishi mumkin. Xatto shok va o‘lim bilan yakunlanuvchi ahamiyatli va potentsial davomli tizimli gipotenziya haqida xabar berilgan.
Agar preparat yaqinda qabul qilingan bo‘lsa, qusishni chaqirish va me'dani yuvish kerak. Qabul qilinganidan keyin darxol yoki ikki soat davomida faollashtirilgan ko‘mirni qo‘llanganida amlodipinni so‘rilishi ahamiyatli pasayadi.
Eksforjning dozasini oshirib yuborilishi chaqirgan klinik ahamiyatli gipotenziya, yurak-qontomir tizimining holatini faol tutib turishni, shu jumladan yurak va nafas faoliyatini tez-tez nazorat qilishni, oyoqlarni ko‘tarishni, aylanayotgan qon xajmiga va siyishga e'tibor berishni, talab qiladi. Tomirlar tonusini va arterial bosimni tiklash uchun, uni qo‘llash uchun qarshi ko‘rsatmalar bo‘lmasa, tomirlarni toraytiruvchi preparat ishlatilishi mumkin. Kaltsiy kanallarining turg‘un blokadasini oqibati bo‘lgan arterial bosimni turg‘un pasayishida, kaltsiy glyukonatni vena ichiga yuborish maqsadga muvofiq bo‘lishi mumkin.
Kaltsiy kanallarining blokadasi asoratlarini yo‘qotish uchun, kaltsiy glyukonatini vena ichiga yuborish foydali bo‘lishi mumkin.

Chiqarilish shakli

14 yoki 28 tabletkadan o‘ramda.

Saqlash sharoiti

30oS dan yuqori bo‘lmagan haroratda, original o‘ramida, namlikdan himoyalangan saqlansin.

Yaroqlilik muddati

3 yil.

Dorixonalardan berish tartibi

Retsept bo‘yicha.

Ishlab chiqaruvchi

Novartis Farmasyutika S. A., Ispaniya.
Ronda de Santa Mariya 158, 08210 Barbera del Valles, Barselona, Ispaniya.