Lornado in'ektsiya uchun eritma tayyorlash uchun liofilizatlangan kukun erituvchi bilan majmuada 8мг №1

Preparatning savdo nomi

Lornado
Ta'sir etuvchi modda (XPN) Lornoksikam

Dori shakli

In'ektsiya uchun eritma tayyorlash uchun liofilizatlangan kukun erituvchi bilan majmuada.

Tarkibi

1 flakon liofilizatlangan kukun solingan quyidagilarni saqlaydi
faol modda lornoksikam – 8 mg;
yordamchi moddalar mannit, trometamol, dinatriy edetati;
erituvchi in'ektsiya uchun suv 2 ml.
Ta'rifi sariq rangli liofilizatlangan kukun;
erituvchi tiniq rangsiz suyuqlik.

Farmakoterapevtik guruhi

nosteroid yallig‘lanishga qarshi va revmatizmga qarshi vositalar, oksikamlar.
ATX kodi M01AS05
Farmakologik hususiyatlari

Farmakodinamika

Lornado – nosteroid yallig‘lanishga qarshi preparat (NYaQP) bo‘lib, yaqqol ifodalangan og‘riq qoldiruvchi va yallig‘lanishga qarshi ta'sir ko‘rsatadi, oksikamlar sinfiga kiradi. Lornoksikam (preparatning faol moddasi) ning ta'sir mexanizmi asosan prostaglandinlar sintezini ingibitsiya (TSOG fermentini ingibitsiya) bo‘lishi bilan bog‘liq, bu periferik og‘riq retseptorlarini desensibilizatsiyasiga va yallig‘lanishni ingibitsiya bo‘lishiga olib keladi. Shuningdek yallig‘lanishga qarshi ta'siri bilan bog‘liq bo‘lmagan og‘riq retseptorlariga markaziy ta'siri deb taxmin qilinadi.
Lornoksikam organizmning hayotiy muhim ko‘rsatkichlari (masalan, tana xarorati, nafas olishlar soni, yurak qisqarishlari soni, arterial bosim, EKG, spirometriya) ga ta'sir qilmaydi. Lornoksikamning og‘riq qoldiruvchi hususiyatlari preparatni yaratish jarayonida bir qancha klinik tadqiqotlarda muvaffaqiyatli namoyish etilgan.
Me'da-ichak yo‘llari (MIY) ni mahalliy ta'sirlanishi va prostaglandinlar sintezini ingibitsiya bo‘lishi bilan bog‘liq tizimli ultserogen ta'siri tufayli, lornoksikam va boshqa NYaQP ni qo‘llash ko‘pincha ovqat hazm qilish yo‘llari tomonidan asoratlarni rivojlanishiga olib keladi.

Farmakokinetikasi

So‘rilishi
8 mg lornoksikam saqlovchi in'ektsiya uchun eritma tayyorlash uchun kukun vena ichiga va mushak ichiga yuborish uchun mo‘ljallangan. Mushak ichiga in'ektsiya qilinganidan so‘ng faol modda qon plazmasida maksimal kontsentratsiyasiga taxminan 0,4 soat davomida erishadi. Mushak ichiga yuborilganidan so‘ng mutloq biokiraolishligi (AUC asosida hisoblangan) 97% ni tashkil etadi.
Taqsimlanishi
Lornoksikam qon plazmasida o‘zgarmagan shaklda va gidroksillangan metabolit shaklida aniqlanadi. Lornoksikamni plazma oqsillari bilan bog‘lanishi 99% ni tashkil etadi va kontsentratsiyasiga bog‘liq emas.
Biotransformatsiyasi
Lornoksikam jigarda gidroksillanish yo‘li bilan asosan nofaol 5-gidroksilornoksikam-gacha ekstensiv metabolizmga uchraydi. Lornoksikamning biotransformatsiyasida CYP2C9 fermenti ishtirok etadi. Genetik polimorfizm tufayli, ushbu fermentning, faol moddani sekin va ekstensiv metabolizmga uchrashiga ta'sir qiluvchi izoformalari mavjud, bu holat metabolizmi sekin kechuvchi shaxslarda qon plazmasida lornoksikamning darajasini ahamiyatli darajada oshishiga olib kelishi mumkin. Gidroksillangan metaboliti farmakologik faollikni namoyon qilmaydi. Lornoksikam butunlay metabolizmga uchraydi; dozaning 2/3 jigar orqali, 1/3 qismi – buyraklar orqali nofaol modda shaklida chiqariladi.
Hayvonlarning modellarida o‘tkazilgan tadqiqotlarda lornoksikam jigar fermentlarini induktsiyasini chaqirmagan. Klinik tadqiqotlarning natijalari lornoksikam tavsiya etilgan dozalarda ko‘p marotaba qo‘llanganida uni to‘planishidan dalolat beradi. Ushbu natija 1 yil davom etgan tadqiqot jarayoni monitoringi natijasida olingan ma'lumotlar bilan tasdiqlanadi.
Chiqarilishi
Dastlabki moddani o‘rtacha yarim chiqarilish davri 3-4 soatni tashkil etadi. Peroral qabul qilinganidan so‘ng dozaning taxminan 50% axlat bilan, 42% - buyraklar orqali, asosan 
5-gidroksilornoksikam shaklida chiqariladi. Preparat sutkada 1 yoki 2 marta parenteral yuborilganidan so‘ng 5-gidroksilornoksikamni yarim chiqarilish davri taxminan 9 soatni tashkil etadi.
65 yoshdan oshgan keksa yoshdagi patsiyentlarda faol moddani chiqarilishi 30-40% ga pasayadi. Keksa yoshdagi patsiyentlarda lornoksikamning kinetik profilini, chiqarilishini pasayishidan tashqari, o‘zgarishi kuzatilmaydi.
Buyrak yoki jigar yetishmovchiligi bo‘lgan patsiyentlarda lornoksikamning kinetik profilini ahamiyatli o‘zgarishi kuzatilmaydi, jigarning surunkali kasalligi bo‘lgan patsiyentlarda 12 mg va 16 mg sutkalik dozalarda 7 kun davomida davolangandan keyin lornoksikamni to‘planishi bundan mustasno.

Qo‘llanilishi

Operatsiyadan keyinshgi o‘rtacha darajadagi og‘riqni qisqa muddatli davolash uchun qo‘llanadi.

Qo‘llash usuli va dozalari

Ushbu dori shakli og‘riqni tezda qoldirish talab etilgan yoki preparatning peroral yoki suppozitoriy shakllarini qo‘llash mumkin bo‘lmagan holatlardagina qo‘llanishi kerak. Davolash faqat davolashni boshlash uchun bir martalik in'ektsiyadan tarkib topishi kerak.
Barcha patsiyentlar uchun dozalash tartibi davolashga nisbatan individual javob reaktsiyasiga asoslanishi kerak.
Og‘riq
Tavsiya etilgan dozasi 8 mg dan vena ichiga yoki mushak ichiga yuboriladi. Sutkalik dozasi 16 mg dan oshmasligi lozim. Ayrim patsiyentlar uchun dastlabki 24 soat davomida qo‘shimcha 8 mg dozani yuborish talab etilishi mumkin.
Qo‘llash usuli vena ichiga yoki mushak ichiga in'ektsiya holida yuboriladi.
Vena ichiga in'ektsiya holida yuborilganida in'ektsiya davomiyligi kamida 15 sekundni, mushak ichiga yuborilganida in'ektsiya davomiyligi – kamida 5 sekundni tashkil etishi kerak.
Eritma tayyorlangandan so‘ng ignani o‘zgartirish kerak. Mushak ichiga in'ektsiya qilish uchun yetarlicha uzun igna ishlatiladi.
Preparat faqat bir marta qo‘llash uchun mo‘ljallangan.
In'ektsiya uchun eritma bevosita ishlatishdan oldin bitta flakonning ichidagisi 2 ml in'ektsiya uchun suvda eritish yo‘li bilan tyyorlanadi.
Tayyor eritma ko‘zga ko‘rinadigan zarrachalardan holi bo‘lgan yashimtir-sariq rangli tiniq eritmadir. Dori vositasini ko‘z bilan seziladigan zararlanish belgilari aniqlanganida mahsulot mahalliy talablarga muvofiq ravishda utilizatsiya qilinishi lozim.
Tayyor eritmaning kimyoviy va fizikaviy barqarorligi 21ºC (±2°C) haroratda 24 soat davomida ko‘rsatilgan.
Mikrobiologik nuqtai nazaridan tayyor eritmani tayyorlangan zahoti ishlatish kerak. Agar eritma bevosita tayyorlangan zahoti ishlatilmasa, ishlatilgungacha saqlash vaqtiga va saqlash sharoitiga javobgarlik iste'molchiga yuklanadi, saqlash davomiyligi 2-8°C xaroratda 24 soatdan oshmasligi kerak, preparatni eritish/suyultirish (va h.) nazoratli va validatsiya qilingan sharoitlarda o‘tkazilgan holatlar bundan istisno.
Lornoksikam 0,9% li natriya xloridi eritmasi, 5% li dekstroza (glyukoza) eritmasi va Ringer eritmasi bilan mutanosibdir.
Patsiyentlarning maxsus guruhlari
Bolalar
Lornoksikamning havfsizligi va samaradorligi yuzasidan ma'lumotlar yo‘qligi tufayli, uni 18 yoshgacha bo‘lgan bolalar va o‘smirlarda qo‘llash tavsiya etilmagan.
Keksa patsiyentlar
Buyrak yoki jigar funktsiyasini buzilishi bo‘lmaganida 65 yoshdan oshgan patsiyentlar uchun dozaga tuzatish kiritish talab etilmaydi, ammo MIY tomonidan noxush reaktsiyalar rivojlanishi mumkinligi tufayli, lornoksikamni ehtiyotkorlik bilan qo‘llash kerak.
Buyrak funktsiyasini buzilishi
Buyrak funktsiyasini yengil yoki o‘rtacha darajada buzilishi bo‘lgan patsiyentlar uchun dozani pasaytirish maqsadga muvofiqligini ko‘rib chiqish kerak.
Jigar funktsiyasini buzilishi
Jigar funktsiyasini o‘rtacha darajada buzilishi bo‘lgan patsiyentlar uchun dozani pasaytirish maqsadga muvofiqligini ko‘rib chiqish kerak.
Kasallikning simptomlarini nazorat qilish uchun kerak bo‘ladigan minimal vaqt davomida, minimal samarali dozasini qo‘llash orqali noxush samaralarni rivojlanishini minimal darajaga yetkazish mumkin.
Nojo‘ya ta'sirlari
Eng ko‘p kuzatiladigan noxush reaktsiyalar bo‘lib MIY tomonidan buzilishlar hisoblanadi. Peptik yaralar, me'da-ichak yo‘llarini perforatsiyasi yoki qon ketishlari, ayniqsa keksa yoshdagi patsiyentlarda o‘limga olib keluvchi holatlar rivojlanishi mumkin. Ko‘ngil aynishi, qusish, diareya, meteorizm, qabziyat, dispepsiya, qorinda og‘riq, melena, qon aralash qusish, yarali stomatit, kolitni zo‘rayishi va Kron kasalligi NYaQP qo‘llanganidan keyin qayd etilgan.
Lornoksikam qabul qilgan patsiyentlarning taxminan 20% da noxush reaktsiyalar rivojlanishi mumkin deb hisoblanadi.
Lornoksikam qabul qilinganida eng ko‘p kuzatiladigan noxush reaktsiyalarga ko‘ngil aynishi, dispepsiya, me'dani buzilishi, qorinda og‘riq, qusish, diareya kiradi. Ushbu simptomlar odatda tadqiqotda ishtirok etgan patsiyentlarning 10% dan kamroq qismida kuzatilgan.
NYaQP bilan davolanganda shishlar, gipertoniya va yurak yetishmovchiligini rivojlanganligi xaqida xabar berilgan.
Klinik tadqiqotlar va emidemiologik ma'lumotlar, NYaQP ni (ayniqsa yuqori dozalarda va uzoq muddat qo‘llash) ishlatish arterial trombotik ko‘rinishlar (masalan, miokard infarkti yoki insult) ni rivojlanish havfini oshishi bilan bog‘liq bo‘lishi mumkinligini ko‘rsatadi.
Istisno tarzida suvchechakni kechishi vaqtida teri va yumshoq to‘qimalar tomonidan jiddiy infektsion asoratlarni rivojlanganligi xaqida xabar berilgan.
Noxush reaktsiyalarni uchrash tezligini ko‘rsatkichlari quyidagi tarzda aniqlanadi juda tez-tez (≥ 1/10); tez-tez (≥ 1/100, ammo < 1/10); tez-tez emas (≥ 1/1000, ammo < 1/100); kam hollarda (≥ 1/10000, ammo < 1/1000); juda kam hollarda (< 1/10000); uchrash tezligi noma'lum (mavjud ma'lumotlar asosida baholash mumkin emas).
Infektsiyalar va invaziyalar kam hollarda – faringit.
Qon va limfa tizimlari tomonidan kam hollarda – anemiya, trombotsitopeniya, leykopeniya, qon ketishi vaqtini uzayishi; juda kam hollarda – ekximoz (NYaQP neytropeniya, agranulotsitoz, gipoplastik va gemolitik anemiya kabi og‘ir darajadagi gematologik buzilishlarni yuzaga keltirishi mumkinligi to‘g‘risida ma'lumotlar bor).
Immun tizimi tomonidan kam hollarda – o‘ta yuqori sezuvchanlik reaktsiyalari, anafilaktoid reaktsiyalar, anafilaksiya.
Moddalar almashinuvi va oziqlantirish tomonidan tez-tez emas – anoreksiya, tana vaznini o‘zgarishi.
Ruhiyatni buzilishlari tez-tez emas – uyqusizlik, depressiya; kam hollarda – ongni chalkashishi, asabiylik, qo‘zg‘aluvchanlik.
Nerv tizimi tomonidan tez-tez – yengil qisqa muddatli bosh og‘rig‘i, bosh aylanishi; kam hollarda – uyquchanlik, paresteziyalar, disgevziya, tremor, migren; juda kam hollarda – tizimli qizil yugurik va biriktiruvchi to‘qimani aralash kasalliklari bo‘lgan patsiyentlarda aseptik meningit.
Ko‘rish a'zolari tomonidan tez-tez emas – kon'yunktivit; kam hollarda – ko‘rishni buzilishi.
Eshitish va muvozanat a'zolari tomonidan tez-tez emas – vertigo, quloqlarda shovqin.
Yurak tomonidan tez-tez – yurak urishini his etish, taxikardiya, shish, yurak yetishmovchiligi.
Qon-tomirlari tomonidan tez-tez emas – yuzni qizarishi, shish; kam hollarda – arterial gipertenziya (AG), qizib ketish hissi, qon quyilishlar, gematomalar.
Nafas tizimi, ko‘krak qafasi va ko‘ks oralig‘i a'zolari tomonidan tez-tez emas – rinit; kam hollarda – hansirash, yo‘tal, bronxospazm.
MIY tomonidan tez-tez – ko‘ngil aynishi, qorinda og‘riq, dispepsiya, diareya, qusish; tez-tez emas – qabziyat, meteorizm, kekirish, og‘izni qurishi, gastrit, me'da va o‘n ikki barmoq ichak yara kasalligi, qorinda og‘riq, yarali stomatit; kam hollarda – melena, qon aralash qusish, stomatit, ezofagit, gastroezofageal reflyuks kasalligi, disfagiya, aftoz stomatit, glossit, peptik yaralarni perforatsiyasi, me'da-ichakdan qon ketishlari.
Jigar va o‘t chiqarish yo‘llari tomonidan tez-tez emas – jigar transaminazalari (AlAT, AsAT) ning darajasini oshishi; juda kam hollarda – jigarga toksik ta'siri, natijada jigar yetishmovchiligi, gepatit, sariqlik, xolestaz rivojlanishi mumkin.
Teri va teri osti to‘qimalari tomonidan tez-tez emas – toshma, qichishish, kuchli terlash, eritematoz toshmalar, eshakemi va angionevrotik shish, alopetsiya; kam hollarda – dermatit, ekzema, purpura; juda kam hollarda – shish va bullyoz reaktsiyalar, Stivens-Djonson sindromi, toksik epidermal nekroliz.
Skelet-mushak va biriktiruvchi to‘qimalar tomonidan tez-tez emas – artralgiya; kam hollarda – suyaklarda va belda og‘riq hissi, mushak spazmlari, mushaklarni bo‘shligi, mialgiya.
Buyrak va siydik chiqarish yo‘llari tomonidan kam hollarda – nikturiya, siyishni buzilishi, qonda mochevina azoti va kreatininning darajasini oshishi; juda kam hollarda – lornoksikam buyrak kasalliklari oldindan bo‘lgan patsiyentlarda o‘tkir buyrak yetishmovchiligini chaqirishi mumkin. NYaQP ni qo‘llash oqibatida yuzaga kelgan nefrit, nefrotik sindrom, papillyar nekrozni rivojlanganlik holatlari ma'lum.
Umumiy buzilishlar tez-tez emas – lohaslik, yuzni shishi; kam hollarda – asteniya.
Shubha qilingan noxush reaktsiyalar bo‘yicha xabarlar
Dori vositasi ro‘yxatdan o‘tkazilgandan keyin shubha qilingan noxush reaktsiyalar bo‘yicha xabarlar muhim hisoblanadilar. Patsiyentda dori vositasiga nisbatan jiddiy noxush reaktsiya aniqlanganida yoki ushbu bo‘limda ta'riflanmagan yangi noxush reaktsiya paydo bo‘lganida, Milliy farmakologik nazorat tizimiga muvofiq xabar berishingizni so‘raymiz.

Qo‘llash mumkin bo‘lmagan holatlar

• lornoksikamga yoki preparatning komponentlariga o‘ta yuqori sezuvchanlik;
• boshqa NYaQP ga, jumladan atsetilsalitsil kislotasiga yuqori sezuvchanlik (bronxial astma, rinit, angionevrotik shish yoki eshakemida kuzatiladigan simptomlarga o‘xshash simptomlar);
• trombotsitopeniya;
• yurak yetishmovchiligining og‘ir shakli;
• me'da-ichak yo‘llaridan qon ketishlar, serebrovaskulyar qon ketishlar yoki boshqa gematologik buzilishlar;
• anamnezida NYaQP ni ilgari qo‘llash bilan bog‘liq me'da-ichak yo‘llaridan qon ketishi yoki perforatsiya;
• faol peptik yara yoki anamnezida me'da-ichak yarasi / qon ketishlarini qaytalanishlari (me'da-ichak yarasi yoki qon ketishlarini ≥ 2 isbotlangan hurujlari);
• jigar yetishmovchiligini og‘ir shakli;
• buyrak yetishmovchiligini og‘ir shakli (plazmadagi kreatininning darajasi > 700 mkmol/l);
• homiladorlikning uchinchi uch oyligida qo‘llash mumkin emas.
Dorilarning o‘zaro ta'siri
Simetidin lornoksikamning qon plazmasidagi kontsentratsiyasini oshiradi (lornoksikam va ranitidin o‘rtasida yoki lornoksikam va antatsidlar o‘rtasida o‘zaro ta'sirlar aniqlanmagan).
NYaQP antikoagulyantlar, masalan, varfarinning ta'sirini oshirishi mumkin. XNN ni sinchkov monitoringini o‘tkazish kerak.
Lornoksikam fenprokumon bilan bir vaqtda qo‘llanganida fenprokumon bilan davolash samaradorligi pasayadi.
NYaQP orqa miya yoki epidural anesteziyada geparin bilan bir vaqtda qo‘llanganida orqa miya/epidural gematomalarni rivojlanish havfini oshiradi.
NYaQP lar AAF ingibitorlarining ta'sirini yaqqolligini kamatirishi mumkin.
Lornoksikam va diuretiklarni bir vaqtda qo‘llash xalqali, tiazid va kaliyni saqlovchi diuretiklarning diuretik va gipotenziya samaralarini susayishiga olib keladi.
β-adrenoretseptorlarning blokatorlari va angiotenzin II retseptorlarining blokatorlari bir vaqtda qo‘llanganida gipotenziya samarasini pasayishi kuzatiladi.
NYaQP digoksinning buyrak klirensini pasaytiradi.
Kortikosteroidlar bilan birga qo‘llanganida me'da-ichak yo‘llari yaralari va qon ketishini rivojlanish havfi oshadi.
Lornoksikam bilan bir vaqtda qo‘llanganida
• xinolonlar guruhiga mansub antibakterial vositalar epileptik ko‘rinishlarni rivojlanish havfini oshiradilar;
• antitrombotsitor preparatlar me'da-ichak yo‘llaridan qon ketishlarni yuzaga kelish havfini oshiradilar.
• boshqa NYaQP me'da-ichak yo‘llaridan qon ketishlarini yuzaga kelish havfini oshiradilar;
• serotoninni qayta qamrab olinishini ingibitorlari me'da-ichak yo‘llaridan qon ketishlarini yuzaga kelish havfini oshiradilar.
• sulfonilmochevina hosilalari (masalan, glibenklamid) gipoglikemik samarasini kuchaytirishi mumkin;
• qon zardobida siklosporinning kontsentratsiyasini oshishi kuzatiladi. Ehtimol siklosporinning nefrotoksikligi oshishi mumkin, bu buyrak prostaglandinlari sabab bo‘lgan samaralari bilan bog‘liq bo‘lishi mumkin. Majmuaviy davolashda buyrak funktsiyasini nazorat qilish lozim.
NYaQP litiyning buyrak klirensini pasaytiradi, shu orqali, zardobdagi litiyning kontsentratsiyasi zaharlanish bo‘sag‘asini oshirishi mumkin. Ayniqsa davolashni boshlanishida, dozaga tuzatish kiritilganida va davolash to‘xtatilganida qon zardobidagi litiyning darajasini nazorat qilish kerak. Lornoksikam metotreksat bilan bir vaqtda qo‘llanganida qon zardobidagi metotreksatning kontsentratsiyasini oshishi kuzatiladi, bu holat uning toksikligini oshishiga olib keladi. Shuning uchun sinchkov monitoring o‘tkazish kerak.
Lornoksikam (tsitoxrom R450 2S9 (CYP2C9 izofermenti) ga bog‘liq boshqa NYaQP kabi) CYP2C9 izofermentlarining ma'lum induktorlari va ingibitorlari bilan o‘zaro ta'sir qiladi.
NYaQP va takrolimusni bir vaqtda qo‘llash buyraklarda prostatsiklin sintezini susayishi oqibatida nefrotoksiklik havfini oshiradi. Bunday maxmuaviy davolashda buyrak funktsiyasini sinchiklab nazorat qilish kerak.
NYaQP pemetreksedning buyrak klirensini pasaytirishi mumkin, natijada buyrak va me'da-ichak tizimini zaharlanishi, miyelosupressiya oshadi.

Maxsus ko‘rsatmalar

Buyraklarda qon oqimini tutib turishda prostaglandinlarning roli muhim bo‘lganligi tufayli, yengil darajadagi buyrak yetishmovchiligi (zardobdagi kreatininning darajasi 150-300 mkmol/l) va o‘rtacha darajadagi buyrak yetishmovchiligi (zardobdagi kreatininning darajasi 300-700 mkmol/l) bo‘lgan patsiyentlarga lornoksikamni ehtiyotkorlik bilan qo‘llash kerak. Preparatni davolashdan kutiladigan foyda va kuzatilishi mumkin bo‘lgan havf yaxshilab baholangandan keyingina buyurish kerak. Buyrak funktsiyasi yomonlashganida preparat bilan davolashni to‘xtatish kerak.
Yirik jarrohlik aralashuvlaridan keyin, diuretiklar yoki buyrakni shikastlantirishi mumkin bo‘lgan vositalarni qabul qilayotgan yurak yetishmovchiligi bo‘lgan patsiyentlarda buyrak funktsiyasini yaxshilab nazorat qilish kerak.
Qon ivishini buzilishi bo‘lgan patsiyentlarga sinchkov klinik tekshiruv o‘tkazish va laborator ko‘rsatkichlarni (masalan, qisman trombin vaqtini) baholash tavsiya etiladi, chunki lornoksikam trombotsitlar agregatsiyasini susaytirib, qon ivishi vaqtini uzaytiradi.
Jigar yetishmovchiligi (masalan, jigar sirrozi) bo‘lgan patsiyentlarga preparatni sutkada 12-16 mg dozada qo‘llagandan keyin organizmda lornoksikam to‘planishi (AUC oshishi) mumkinligi tufayli laborator sinamalarini o‘tkazish tavsiya etiladi. Ammo buyrak yetishmovchiligi bo‘lgan patsiyentlarda farmakokinetik ko‘rsatkichlarni sog‘lom ko‘ngillilarga nisbatan o‘zgarishlari aniqlanmagan.
Preparat bilan uzoq muddat (3 oydan ortiq) davolanganda qonning holatini baholash (gemoglobinni aniqlash), buyrak funktsiyasini baholash (kreatininni aniqlash) va jigar fermentlarini bahoshash tavsiya etiladi.
Keksa yoshdagi (65 yoshdan oshgan) patsiyentlarda buyrak va jigar funktsiyasini nazorat qilish va jarrohlik aralashuvlaridan keyin preparatni ehtiyotkorlik bilan qo‘llash tavsiya etiladi. Lornoksikamni boshqa NYaQP, shu jumladan SOG-2 ning selektiv ingibitorlari bilan bir vaqtda qo‘llashdan saqlanish kerak.
Preparatni, kasallikning simptomlarini nazorat qilish uchun kerak bo‘ladigan minimal samarali dozada minimal vaqt davomida qo‘llash orqali noxush samaralarni minimal darajaga yetkazish mumkin.
Me'da-ichak yo‘llaridan, o‘limga olib kelishi mumkin bo‘lgan, qon ketishi, yaralarni hosil bo‘lishi yoki perforatsiya barcha NYaQP qabul qilganda, davolashning istalgan vaqtida, ogohlantiruvchi simptomlarni paydo bo‘lishi bilan yoki ularsiz va ilgari anamnezida me'da-ichak yo‘llarining jiddiy ko‘rinishlari kuzatilganligidan qat'iy nazar rivojlanishi mumkin.
Me'da-ichak yo‘llaridan qon ketishi, yaralarni hosil bo‘lishi yoki perforatsiya paydo bo‘lish havfi anamnezida me'da-ichak yaralari bo‘lgan, ayniqsa qon ketishlari yoki perforatsiya bilan asoratlangan patsiyentlarda, shuningdek keksa yoshdagi patsiyentlarda NYaQP ning dozasini oshirish bilan kuchayadi. Bunday patsiyentlarga preparat bilan davolashni maksimal kichik terapevtik dozalarda, juda ehtiyotkorlik bilan boshlash lozim.
Me'da-ichak yo‘larida yaralarni hosil bo‘lishi va qon ketishini rivojlanish havfini oshiruvchi preparatlarni parallel ravishda qabul qilayotgan patsiyentlarni davolash uchun, shuningdek atsetilsalitsil kislotasining kichik dozalarini yondosh qo‘llash zarur bo‘lgan patsiyentlarni davolash uchun Lornado preparatini ehtiyotkorlik bilan qo‘llash kerak. Bunday majmuada davolanishga ehtiyoj bo‘lgan patsiyentlar uchun davolashni himoya preparatlari (masalan, mizoprostol, proton pompa ingibitorlari) ni qabul qilish fonida o‘tkazish lozim. Muntazam vaqtlar oralig‘ida sinchkov klinik monitoring o‘tkazish tavsiya etiladi.
Anamnezida me'da-ichak yo‘llariga toksik ta'siri kuzatilgan patsiyentlar, ayniqsa keksa yoshdagi patsiyentlar, ayniqsa davolashning boshlang‘ich bosqichida odatda kuzatilmaydigan har qanday abdominal simptomlar (ayniqsa me'da-ichakdan qon ketishi) haqida xabar berishlari lozim.
Peroral kortikosteroidlar, varfarin kabi antikoagulyantlar, serotoninni qayta qamrab olinishini selektiv ingibitorlari yoki atsetilsalitsil kislotasi kabi antitrombotsitar vositalar kabi me'da- ichak yo‘llarida yaralarni paydo bo‘lishi yoki qon ketishlari havfini oshirishi mumkin bo‘lgan preparatlarni bir vaqtda qabul qilayotgan patsiyentlarni davolashda ehtiyotkorlikka rioya qilish kerak.
Lornoksikam qabul qilayotgan patsiyentlarda me'da-ichak yo‘llaridan qon ketishi yoki yaralarni paydo bo‘lishi kuzatilganida davolash to‘xtatilishi kerak.
Anamnezida me'da-ichak yo‘llarining kasalliklari (yarali kolit, Kron kasalligi) bo‘lgan patsiyentlarda NYaQP qo‘llanganida ehtiyotkorlikka rioya qilish lozim, chunki ularning ahvoli og‘irlashishi mumkin.
Keksa yoshdagi patsiyentlarda ko‘pincha NYaQP ga nisbatan noxush reaktsiyalar, ayniqsa me'da-ichak yo‘llaridan qon ketishi va perforatsiya kuzatiladi, bu holat o‘limga olib kelishi mumkin.
AG (arterial gipertenziya) va/yoki yurak yetishmovchiligi bo‘lgan patsiyentlarga preparatni sinchiklab o‘tkazilgan tahlillardan keyin va ehtiyotkorlik bilan qo‘llash kerak, chunki NYaQPni qabul qilish oqibatida organizmda suyuqlikni ushlanib qolishi va shish paydo bo‘lishi mumkin.
Anamnezida AG va/yoki yengil va o‘rtacha og‘irlik darajasidagi dimlangan yurak yetishmovchiligi bo‘lgan patsiyentlarni kuzatish kerak, chunki NYaQP bilan davolash suyuqlikni ushlanib qolishi va shishlar kabi ko‘rinishlar bilan kechishi mumkin.
Klinik tadqiqotlarning natijalari va epidemiologik ma'lumotlar, ayrim NYaQP ni qo‘llash (xususan yuqori dozalarda va uzoq muddat davolanganda) arterial trombotik holatlar (masalan, miokard infarkti yoki insult) havfini biroz oshirishi mumkinligini ko‘rsatdi. Ushbu ma'lumotlar lornoksikam uchun shunday havf borligini istisno qilish uchun yetarli emas.
Nazorat qilib bo‘lmaydigan gipertenziya, dimlangan yurak yetishmovchiligi, aniqlangan yurak ishemik kasalligi, periferik arteriyalarni kasalliklari va/yoki serebrovaskulyar kasalligi bo‘lgan patsiyentlar vaziyat yaxshilab o‘rganilgandan keyingina lornoksikam bilan davolanishlari mumkin. Yurak-qon tomir kasalliklarini havf omillari (masalan, gipertenziya, giperlipidemiya, qandli diabet bilan xastalangan, chekadigan patsiyentlar) bo‘lgan patsiyentlarni uzoq muddat davolashni boshlashdan oldin shunday e'tibor talab etiladi.
Orqa miya yoki epidural anesteziya o‘tkazishda NYaQP va geparin bilan yondosh davolash orqa miya/epidural gematomalarni rivojlanish havfini oshiradi.
Kam hollarda, ayniqsa davolashni boshlanishida, teri qoplamlari tomonidan NYaQP ni qabul qilish bilan bog‘liq bo‘lgan jiddiy noxush reaktsiyalar, jumladan eksfoliativ dermatit, Stivens-Djonson sindromi va toksik epidermal nekroliz kuzatilgan, ularning ayrimlari o‘lim bilan tugagan. Patsiyentlarda, ehtimol, shunday reaktsiyalarni eng yuqori rivojlanish havfi davolashning erta bosqichlarida, ko‘pchilik hollarda davolashning birinchi oyi davomida kuzatiladi. Lornoksikamni qabul qilishni teri toshmalari, shilliq qavatlarni shikastlanishini dastlabki belgilari va o‘ta yuqori sezuvchanlikning boshqa ko‘rinishlari paydo bo‘lganida to‘xtatish kerak.
Bronxial astma bilan xastalangan, jumladan anamnezida bronxial astma bo‘lgan patsiyentlarga NYaQPni ehtiyotkorlik bilan qo‘llash kerak, chunki bronxospazmni rivojlanish holatlari ma'lum.
Tizimli qizil yugurik va biriktiruvchi to‘qimaning aralash kasalliklari bo‘lgan patsiyentlarda aseptik meningitni rivojlanish havfi oshadi.
Lornoksikam trombotsitlar agregatsiyasini susaytirib, qon ivishi vaqtini uzaytiradi. Qon ketishlarigi moyilligi bo‘lgan shaxslarga preparatni ehtiyotkorlik bilan buyurish lozim.
NYaQP va takrolimusni bir vaqtda qo‘llash buyraklarda prostatsiklin sintezini susayishi oqibatida nefrotoksiklikni rivojlanish havfini oshirishi mumkin. Bunday majmuaviy davolashda buyrak funktsiyasini sinchiklab nazorat qilish kerak.
Boshqa NYaQP kabi, Lornado qon plazmasida transaminazalar, bilirubinning kontsentratsiyasini vaqti-vaqti bilan oshishini, shuningdek boshqa laborator ko‘rsatkichlarni normadan siljishi kabi, qonda mochevina va kreatininning kontsentratsiyasini oshishini chaqirishi mumkin. Agar laborator ko‘rsatkichlarni siljishi ahamiyatli darajada bo‘lsa va uzoq vaqt davomida kuzatilsa, davolashni to‘xtatish va kerakli tekshiruvlarni o‘tkazish kerak.
Lornoksikam, SOG sintezini susaytiruvchi boshqa preparatlar kabi, fertillikni susaytirishi mumkin. Homiladorlikni rejalashtirayotgan ayollarga preparatni qo‘llash tavsiya etilmaydi. Homilador bo‘lishda qiyinchilikni boshdan kechirayotgan yoki bepushtlik sababini aniqlash uchun tekshiruvlardan o‘tayotgan ayollarda lornoksikamni qo‘llashni bekor qilish masalasini ko‘rib chiqish kerak.
Ayrim holatlarda suvchechak teri va yumshoq to‘qimalarning og‘ir infektsion asoratlariga sabab bo‘lishi mumkin. Hozirgi kunda ushbu infektsiyalarni og‘irlashishida NYaQP ning rolini istisno qilish mumkin emas. Shunday ekan, suvchechak bilan xastalangan patsiyentlarga preparatni qo‘llash mumkin emas.
Yordamchi moddalari
Preparatning tarkibiga, yengil surgi ta'sir ko‘rsatishi mumkin bo‘lgan mannit kiradi.
Preparat bir dozasida 1 mmol dan kamroq natriy saqlaydi, ya'ni preparat amalda “tuzsiz” hisoblanadi.
Homiladorlik va laktatsiya davrida qo‘llanishi
Homiladorlik
Homiladorlikning uchinchi uch oyligida lornoksikamni qo‘llash mumkin emas. Homiladorlikning birinchi va ikkinchi uch oyliklarida va tug‘ruqlarda lornoksikamni qo‘llamagan afzal, chunki ushbu patsiyentlar toifasida preparatni qo‘llash bo‘yicha mavjud klinik ma'lumotlar yo‘q.
Homilador ayollarda lornoksikamni qo‘llash yuzasidan adekvat ma'lumotlar yo‘q. Hayvonlarda o‘tkazilgan tadqiqotlar reproduktiv toksiklikni ko‘rsatgan.
Prostaglandinlar sintezini ingibitsiya bo‘lishi homiladorlikka va/yoki homila/ embrionni rivojlanishiga salbiy ta'sir ko‘rsatishi mumkin.
Epidemiologik tadqiqotlarning ma'lumotlari homiladorlikning erta bosqichlarida prostaglandinlar sintezini ingibitorini qabul qilgandan keyin homila tashlash va yurak tug‘ma nuqsonlarini rivojlanish havfini oshganligini ko‘rsatadi. Preparatning dozasini oshishi va davolashning davomiyligi uzayishi bilan rivojlanish havfi ham oshadi. Hayvonlarning modellarida o‘tkazilgan tadqiqotlarning ma'lumotlari, prostaglandin sintezini ingibitorini yuborish embrionni bachadon ichga yuzasiga yopishish hususiyatini pasayishiga va embrion hamda homilani yo‘qotilishiga olib kelishini ko‘rsatadi. Homiladorlikning birinchi va ikkinchi uch oyliklarida prostaglandinlar sintezi ingibitorini qabul qilish mumkin emas, juda zarur bo‘lgan holatlar bundan istisno.
Homiladorlikning uchinchi uch oyligida yuborilgan prostaglandinlar sintezini ingibitorlari homilada yurak-qon tomir tizimiga toksik ta'sir qilishini (arterial qon oqimini muddatidan oldin yopilishini va o‘pka gipertenziyasini) va buyrak funktsiyasini buzilishini chaqirishi mumkin, bu esa buyrak yetishmovchiligiga va muvofiq holda, amniotik suyuqlikning miqdorini pasayishiga olib kelishi mumkin. Homiladorlikning kechki bosqichlarida prostaglandinlar sintezini ingibitorlari onaga va homilaga ta'sir ko‘rsatib, qon ketishi vaqtini uzayiradi va bachadonni qisqarishini pasaytiradi, bu esa tug‘ruqlarni kechikishiga olib keladi. Shunday qilib, homiladorlikning uchinchi uch oyligi davomida lornoksikamni qo‘llash mumkin emas.
Laktatsiya
Lornoksikamni ko‘krak sutiga ajralib chiqishi yuzasidan ma'lumotlar yo‘q. Lornoksikam emizadigan kalamushlarning sutiga nisbatan yuqori kontsentratsiyalarda ajralib chiqadi. Shuning uchun lornoksikamni emizadigan ayollarga qo‘llash mumkin emas
Pediatriyada qo‘llanilishi
Lornoksikamni 18 yoshdan kichik bo‘lgan bolalar va o‘smirlarda qo‘llash havfsizligi va samaradorligi yuzasidan ma'lumotlar yo‘qligi tufayli, uni qo‘llash tavsiya etilmagan.
Avtotransportni haydash va mexanizmlarni boshqarish qobiliyatiga ta'siri
Preparatni qabul qilgandan keyin bosh aylanishi va/yoki uyquchanlik rivojlanganida transport vositalarini boshqarish yoki boshqa mexanizmlar bilan ishlash mumkin emas.

Dozani oshirib yuborilishi

Hozirga vaqtgacha dozani oshirib yuborilish holatlari aniqlanmagan, bu esa dozani oshirib yuborilishining oqibatlarini aniqlash yoki spetsifik davolashni tavsiya etish imkonini bermaydi. Biroq, lornoksikamning dozasi oshirib yuborilganida quyidagi simptomlar ko‘ngil aynishi, qusish, serebral simptomlar (bosh aylanishi, ko‘rishni buzilishi) kuzatilishi mumkin. Og‘ir simptomlarga, koma va tirishishlargacha olib kelishi mumkin bo‘lgan ataksiya, jigar va buyrakni shikastlanishi kiradi, shuningdek qon ivishini buzilishi ham bo‘lishi mumkin.

Dozani oshirib yuborilishi

aniq bo‘lganida yoki shubha qilinganida preparatni qabul qilishni to‘xtatish lozim. Yarim chiqarilish davri qisqa bo‘lganligi tufayli, lornoksikam organizmdan tez chiqariladi. Lornoksikam dializda chiqarilmaydi. Hozirgi vaqtda maxsus antidoti mavjud emas. Me'da-ichak tizimi tomonidan buzilishlar kuzatilganida, adekvat davolash, masalan, prostaglandin analoglari yoki ranitidin bilan davolash o‘tkazilishi kerak.

Chiqarilish shakli

In'ektsiya uchun eritma tayyorlash uchun liofilizatlangan kukun sariq rangli shisha flakonda, rezina tiqin va flip-off turidagi qalpoqcha berkitilgan, erituvchi bilan majmuada 2 ml dan rangsiz shisha ampulada.
Liofilizatlangan kukun solingan 1 flakon va erituvchi solingan 1 ampula tibbiyotda qo‘llanilishiga doir yo‘riqnomasi bilan birga karton bilan bo‘lingan karton qutiga joylangan.
Liofilizatlangan kukun solingan 3 flakon va erituvchi solingan 3 ampula kontur uyali o‘ramda. 1 kontur uyali o‘ram tibbiyotda qo‘llanilishiga doir yo‘riqnomasi bilan birga karton qutiga joylangan.

Saqlash sharoiti

Yorug‘likdan himoyalangan joyda 25°C dan yuqori bo‘lmagan haroratda saqlansin.
Bolalar ololmaydigan joyda saqlansin!

Yaroqlilik muddati

Ishlab chiqarilgan

sanadan boshlab 3 yil.

Yaroqlilik muddati

tugaganidan so‘ng qo‘llanilmasin.

Dorixonalardan berish tartibi

Retsept bo‘yicha.