Nebivorld tab. 5mg №28

Preparatning savdo nomi

Nebivorld, Nebiworld
Ta'sir etuvchi modda (XPN) Nebivolol, Nebivolol

Dori shakli

Tabletkalar.

Tarkibi

Tabletka quyidagilarni saqlaydi
faol modda nebivolol (nebivolol gidroxlorid shaklida) 2,5 mg yoki 5 mg;
yordamchi moddalar mikrokristall sellyuloza, laktoza monogidrati, makkajo‘xori kraxmali, natriy kroskarmelloza, gipromelloza, suvsiz kolloidli kremniy dioksidi, magniy stearati.
Ta'rifi
Nebivorld 2,5 mg dumaloq shaklli, ikki tomonlama qavariq, oq yoki deyarli oq rangli tabletkalar.
Nebivorld 5 mg dumaloq shaklli, ikki tomonlama qavariq, bir tomonida hojsimon riskasi bo‘lgan oq yoki deyarli oq rangli tabletkalar.

Farmakoterapevtik guruhi

Yurak-qon tomir tizimiga ta'sir etuvchi vositalar. Selektiv β-blokatorlar.
ATX kodi C07AB12

Farmakologik xususiyatlari

Farmakodinamika

Nebivolol β-adrenoretseptorlar blokatori bo‘lib hisoblanadi. Metabolizmi tez amalga oshadigan shaxslarda (odamlarning ko‘pchiligi) va 10 mg va kamroq dozalarda qo‘llanganida nebivolol asosan selektiv β1-adrenoblokator bo‘lib hisoblanadi, metabolizmi sekin amalga oshadigan shaxslarda va yuqoriroq dozalarda qo‘llanganida nebivolol ham β1-, va ham β2-adrenoretseptorlarni bloklaydi. Davolash kontsentratsiyalarida u ichki simpatomimetik va membranani barqarorlashtiruvchi, shuningdek α1-adrenoretseptorlarni bloklovchi faollikni namoyon qilmaydi. Nebivololning turli metabolitlari, shu jumladan glyukuronidlar β-adrenobloklovchi xususiyatga ega.
Ta'sir mexanizmi
Nebivololning gipotenziv ta'sirini mexanizmi aniq belgilanmagan; u quyidagi omillar orqali ifodalanishi mumkin yurak qisqarishlari sonini kamayishi, miokardni qisqaruvchanligi xususiyatini pasayishi, bosh miya vazomotor markazlarining periferiyaga bo‘lgan tonik simpatik ta'sirini pasayishi, renin faolligini pasayishi, qon-tomirlarni kengayishi va periferik qon-tomirlar rezistentligini pasayishi.

Farmakokinetikasi

Nebivololning biotransformatsiyasi jarayoni bir nechta metabolik yo‘llar bilan, shu jumladan CYP2D6 ishtirokidagi glyukuron kislotasini substratga birikishi va gidroksil guruhning organik moddaga birikishi bilan ta'minlanadi. CYP2D6 ga nisbatan metabolizmi tez amalga oshadigan shaxslarda (odamlarning ko‘pchiligi) faol izomerining (d-nebivolol) samarali yarim chiqarilish davri taxminan 12 soatni va metabolizmi sekin amalga oshadigan shaxslarda 19 soatni tashkil etadi, bunda metabolizmi sekin amalga oshadigan shaxslar qon plazmasida d-nebivolol kontsentratsiyasi ahamiyatli darajada yuqoriroq. Biroq bu holatning muhimligi odatdagidan kamroq, chunki nebivolol metabolitlari, shu jumladan gidrooksil metaboliti va glyukuronidlar (qonda aylanib yuruvchi asosiy metabolitlari) 
β-adrenobloklovchi xususiyatga ega.
Metabolizmi tez va sekin amalga oshadigan shaxslar qon plazmasida d-nebivolol darajalari, 20 mg gacha bo‘lgan dozalar diapazonida, dozaga proportsional ravishda oshadi. Qon plazmasida l-nebivolol kontsentratsiyasi d-nebivololga nisbatan yuqoriroq, biroq 
l-nebivolol samarasi preparatning faolligiga kam ta'sir qiladi, chunki d-nebivololni β-adrenoretseptorlarga o‘xshashligi, l-nebivololdan 1000 marta ortiqroq. Nebivololni bitta va xudi shunday dozasi metabolizmi sekin amalga oshadigan shaxslarda qo‘llanganida, dori preparatini qon plazmasidagi maksimal kontsentratsiyasi (Cmax) va egri chiziq ostidagi maydon “kontsentratsiya-vaqt” (AUC) qiymatlari, metabolizmi tez amalga oshadigan shaxslarning xuddi shunday ko‘rsatkichlaridan, muvofiq ravishda, 5 va 10 marta yuqoriroq. Metabolizmi sekin amalga oshadigan shaxslarda dori vositasi ko‘p marta qo‘llanganida (sutkada qabul qilish soni bir marta) organizmda d-nebivololni to‘planishi (taxminan 1,5 marata) qayd qilinadi.
So‘rilishi
Tabletka shaklining peoral qabul qilinishidagi nebivololni so‘rilish jarayoni eritma shaklining peroral qabul qilinishidagi xuddi shunday jaryonga o‘xshash. Dori vositasining mutlaqo biokiraolishligi aniqlanmagan. Preparat qabul qilinganidan keyin metabolizmi tez va sekin amalga oshadigan shaxslarda o‘rta Cmax ga taxminan 1,5-4 soatdan keyin erishiladi.
Ovqat nebivolol farmakokinetikasiga ta'sir ko‘rsatmaydi. Dori preparati ovqat bilan qabul qilinganda qonda nebivolol glyukuronidlarining kontsentratsiyasi ahamiyatsiz darajada pasayadi. Nebivorldni ovqat qabul qinishdan qat'iy nazar qabul qilish mumkin.
Taqsimlanishi
In vitro sharoitida o‘tkazilgan tadqiqotlarda nebivololni odam plazmasini oqsillari, asosan albuminlar bilan, bog‘lanish darajasi taxminan 98 % tashkil etadi va dori vositasining kontsentratsiyasiga bog‘liq bo‘lmaydi.
Metabolizmi
Nebivololni metabolizmga uchrashi, asosan dori vositasining bevosita glyukuronizatsiyalanish jarayoni, va kamroq darajada N-dezalkilizatsiya reaktsiyalari va R450 sitoxrom tizimidagi CYP2D6 izofermentining ishtirokidagi oksidlanish jarayoni orqali namoyon bo‘ladi. Nebivololning stereospetsifik metabolitlari farmakologik faollikka ega.
Chiqarilishi
14S-nebivolol bir marta peroral qabul qilinganidan keyin metabolizmi tez amalga oshadigan shaxslarda yuborilgan dozaning 38% siydik bilan va 44 % - me'da – ichak yo‘llari orqali chiqarilgan, metabolizmi sekin amalga oshadigan shaxslarda preparat yuborilgan dozaning 67 % siydik bilan, va 13 % me'da – ichak yo‘llari orqali chiqarilgan. Nebivolol deyarli butunlay organizmdan ko‘p sonli oksidlangan metabolitlari shaklida yoki ularni glyukoron kislotasi bilan tegishli kon'yugatsiya bo‘lgan shaklida chiqarilgan.
Dorilarning o‘zaro ta'siri
CYP2D6 ni ingibitsiya qluvchi dori vositalari qon plazmasida nebivolol kontsentratsiyasini oshirishi kutiladi. Nebivorldni yuqorida ko‘rsatilgan izofermentni ingibitorlari yoki induktorlari bilan bir vaqtda qo‘llaganda patsiyentlar monitoringini sichkovlik bilan o‘tkazish va arterial bosimni (AB) darajasiga bog‘liq ravishda nebivolol dozasiga tuzatish kiritish zarur. In vitro sharoitida o‘tkazilgan tadqiqotlarda d- va l-nebivolol davolash kontsentratsiyalarida P450 sitoxrom tizimining biron-bir izofermentini ingibitsiya qilmasligi aniqlangan.
Digoksin
14 nafar katta yoshdagi sog‘lom ko‘ngillilarda nebivolol (sutkada bir marta 10 mg) va digoksin (sutkada bir marta 0,25 mg) 10 kun davomida birgalikda qo‘llanganida dori vositalarning farmakokinetikasida ahamiyatga ega bo‘lgan o‘zgarishlar aniqlanmagan.
Varfarin
Nebivolol (10 kun davomida sutkada bir marta 10 mg) va varfarin (10 mg bir marta) majmuaviy qo‘llanganda nebivololni va R- yoki S-varfarinni farmakokinetikasi ahamiyatli darajada o‘zgarmagan. Protrombin vaqtining ko‘rsatkichini va xalqaro me'yorlashtirish munosabatni (XMM) profilini baholashga muvofiq, 0 dan 144 soatgacha davrda, varfarin bir matalik 10 mg dozada qabul qilinganidan keyin 12 nafar katta yoshdagi sog‘lom ko‘ngillilarda nebivolol varfarinning antikoagulyant ta'siriga ahamiyatga ega bo‘lgan darajada ta'sir ko‘rsatmagan.
Diuretiklar
Katta yoshdagi sog‘lom ko‘ngillilarda nebivolol (10 kun davomida sutkada 10 mg) va furosemid (40 mg bir marta), gidroxlorotiazid (10 kun davomida sutkada bir marta 25 mg) yoki spironolakton (10 kun davomida sutkada bir marta 25 mg) orasidagi farmakokinetik o‘zaro ta'sir qayd etilmagan.
Ramipril
Nebivolol (sutkada bir marta 10 mg) va ramiprila (sutkada bir marta 5 mg) 10 kun davomida bir vaqtda qo‘llanganida 15 nafar katta yoshdagi sog‘lom ko‘ngillilarda dori vositalari orasidagi farmakokinetik o‘zaro ta'sir aniqlanmagan.
Lozartan
Nebivolol (10 mg bir marta) va lozartan (50 mg bir marta) birgalikda qo‘llanganda 20 nafar katta yoshdagi sog‘lom ko‘ngillilarda dorilarning farmakokinetik o‘zaro ta'siri qayd etilmagan.
Fluoksetin
10 nafar katta yoshdagi sog‘lom ko‘ngillilarda fluoksetina (CYP2D6 ingibitori, sutkada 20 mg 21 kun davomida nebivolol qabul qilingunga qadar) va nebivolol (10 mg bir marta) qo‘llanganida, d-nebivolol uchun Cmax va AUC qiymatlari muvofiq ravishda 3 marta va 8 marta oshgan.
N2-gistamin retseptorlarining antagonistlari
Ranitidin (sutkada ikki marta 150 mg) va nebivolol (5 mg bir marta) birgalikda qo‘llanganda oxirgisining farmakokinetikasi o‘zgarmagan. Simetidin (sutkada ikki marta 400 mg) bilan majmuaviy qo‘llanganda qon plazmasida d-nebivolol kontsentratsiyasi 23 % oshgan.
Faollashtirilgan ko‘mir
Faollashtirilgan ko‘mir (Aktidoza®-Akva, Actidose®-Aqua) bilan qo‘llanganda, nebivalol (10 mg bir marta) qo‘llanganidan keyin u 4, 8, 12, 16, 22, 28, 36 va 48 soatdan keyin takroran qo‘llangan, nebivalol farmakokinetikasi o‘zgarmagan.
Sildenafil
Nebivolol bilan birgalikda qo‘llanganda sildenafil uchun AUC va Cmax qiymatlari muvofiq ravishda 21% va 23% pasaygan, d-nebivololning o‘xshash ko‘rsatkichlari shuningdek bir oz o‘zgargan (20% dan kam) Sildenafil va nebivolol majmuasini hayot uchun zarur bo‘lgan ko‘rsatkichlarga ta'siri (masalan yurak qisqarishlarining soni, AB) dori vositalarining birgalikdagi samaralariga bog‘liq.
Boshqa dori vositalari bilan birgalikda qo‘llanishi
Populyatsion farmakokinetik tahlil natijalari shundan dalolat beradiki, arterial gipertenziyasi bo‘lgan patsiyentlarda qo‘yidagi dori vositalari nebivolol farmakokinetikasiga ta'sir ko‘rsatmaydi atsetaminofen, atsetilsalitsil kislotasi, atorvastatin, ezomeprazol, ibuprofen, natriy levotiroksini, metformin, sildenafil, simvastatin va tokoferol.
Qon plazmasi oqsillari bilan bog‘lanishi
In vitro sharoitida o‘tkazilgan tadqiqotlarda nebivololni odam qoni plazmasi oqsillari bilan bog‘lanish darajasi diazepam, digoksin, difenilgidantoin, enalapril, gidroxlorotiazid, imipramin, indometatsin, propranolol, sulfametazin, tolbutamid va varfarin yuqori kontsentratsiyalarda bo‘lganida o‘zgarmagan. Nebivolol davolash kontsentratsiyalarida quyidagi dori vositalarining oqsillar bilan bog‘lanish darajasiga ahamiyatga ega bo‘lgan ta'sir ko‘rsatmagan diazepam, digoksin, difenilgidantoin, gidroxlorotiazid, imipramin yoki varfarin.
Patsiyentlarning maxsus guruhlari
Jigar kasalliklari bo‘lgan patsiyentlar
O‘rta og‘irlik darajasidagi jigar funktsiyasining buzilishlari bo‘lgan patsiyentlarda (Chayld-Pyu shkalasi bo‘yicha V sinf) d-nebivolol uchun Cmax va AUC qiymatlar muvofiq ravishda 3 marta va 10 marta oshgan, d-nebivolol klirensi esa 86 % pasaygan. Rasmiy tadqiqotlarda jigar funktsiyasining og‘ir buzilishlari bo‘lgan patsiyentlarda nebivolol qo‘llanishi o‘rganilmagan, shuning uchun dori vositasini bunday patsiyentlarda qo‘llash mumkin emas.
Buyraklar kasalliklari bo‘lgan patsiyentlar
5 mg dozada bir marta qabul qilinganidan keyin buyraklar funktsiyasining yengil darajadagi buzilishlari bo‘lgan patsiyentlarda (kreatinin klirensi 50 dan 80 ml/minutgacha; 7 nafar patsiyent) nebivolol klirensi o‘zgarmagan, buyraklar funktsiyasining o‘rta og‘irlik darajadagi buzilishlari bo‘lgan patsiyentlarda (kreatinin klirensi 30 dan 50 ml/minutgacha; 9 nafar patsiyent) u ahamiyatsiz pasaygan va buyraklar funktsiyasining og‘ir buzilishlari bo‘lgan patsiyentlarda (kreatinin klirensi 30 ml/miutdan kam; 5 nafar patsiyent) u 53 % pasaygan. Dializdagi patsiyentlarda dori vositasini qo‘llanishi o‘rganilmagan.

Qo‘llanilishi

Nebivorld arterial bosimni (AB) pasaytirish maqsadida arterial gipertenziyani davolash uchun qo‘llaniladi. Preparatni alohida o‘zini yoki boshqa gipotenziv dori vositalari bilan majmuada qo‘llash mumkin.
AB pasayganda o‘limga olib keladigan va olib kelmaydigan yurak-qon tomiri asoratlarini, birinchi navbatda insult va miokard infarktini sodir bo‘lish xavfi kamayadi. Bu ustunliklar turli farmakologik sinflardagi, shu jumladan nebivolol taaluqli bo‘lgan sinfdagi gipotenziv dori vositalari qo‘llanishi bo‘yicha nazoratlangan tadqiqotlarda qayd etilgan. Nebivorld bilan davolashda yuqorida ko‘rsatilgan xavfning pasayishi haqida dalolat beruvchi klinik tadqiqotlarning ma'lumotlari mavjud emas.
Oshgan AB nazoratini yurak-qon tomir xavflarini tizimli majmuaviy boshqarilishining tashkiliy qismi sifatida ko‘rib chiqish lozim, zarurat bo‘lganda u o‘z ichiga qondagi lipidlar darajasini nazorat qilishni, qandli diabetni, antitrombotik davolashni, chekishni rad etishni, jismoniy mashqlarni, natriy iste'mol qilishni cheklashni olishi zarur. Ko‘pchilik patsiyentlarda ABni maqsadli ko‘rsatkichlariga erishilishi uchun, bitta doridan ko‘proq bo‘lgan davolashni o‘tkazish talab etiladi. Davolash maqsadiga va AB boshqarilishiga tegishli bo‘lgan yaxshi tavsiyalarga ega bo‘lish uchun chop etilgan muvofiq milliy qo‘llanmalarga qaralsin.
Randomizatsiya qilingan nazoratlangan tadqiqotlarda belgilanganidek, turli farmakologik sinflardagi, turli ta'sir mexanizmlariga ega bo‘lgan ko‘pchilik gipotenziv dori vositalari yurak-qon tomir kasalliklarini rivojlanish va ularga bog‘liq bo‘lgan o‘lim xavfini kamaytiradi; olingan ma'lumotlarga muvofiq, bu holat dori vositasitalarining boshqa farmakologikik xususiyatlariga emas, ABni ahamiyatli darajada bevosita pasayishiga bog‘liq. Yurak-qon tomiri kasalliklari yakuniga tegishli bo‘lgan eng ahamiyatli va eng ko‘p qayd qilinadigan ustunlik bo‘lib insult rivojlanishi xavfini pasayishi bo‘lgan, shuningdek miokard infarkti rivojlanishi va yurak-qon tomir kasalliklarida sodir bo‘ladigan o‘lim xavfini pasayishi muntazam qayd qilingan.
Yurak-qon tomir asoratlarining sodir bo‘lish xavfi sistolik yoki diastolik arterial bosimni (muvofiq ravishda SAB va DAB) oshishida ortadi, bunda AB ko‘rsatkichlari yuqoriroq bo‘lganida, har bir simob ustini millimetriga bo‘lgan mutlaq xavf yuqoriroq darajada ortadi, shuning uchun arterial gipertenziyada ABni hatto o‘rtacha pasayishi ahamiyatga ega bo‘lgan foydani keltirishi mumkin. AB pasayganida turli mutlaq xavflari bo‘lgan turli papulyatsiyalarda nisbiy xavf bir xil darajada pasayadi, shuning uchun, arterial gipertenziya rivojlanishi sababidan qat'iy nazar (masalan, qandli diabeti yoki giperlipidemiyasi bo‘lgan patsiyentlar), xavfi yuqoriroq bo‘lgan guruhdagi patsiyentlarda mutlaqo foyda yuqoriroq. Bunday patsiyentlarda pastroq darajadagi ABga erishish maqsadida tajovuzkorona davolash ustunlik berishi mumkinligini kutish mumkin.
Negroid irqiga mansub bo‘lgan patsiyentlarda ba'zi gipotenziv dori vositalari ABga kamroq ifodalangan ta'sir ko‘rsatadi (monoterapiya sifatida qo‘llanganda), bunda ko‘pchilik gipotenziv dori vositalari qo‘shimcha samaralarga va ko‘rsatmalarga ega va masalan stenokardiyada, yurak yetishmovchiligida yoki buyraklarning diabetik kasalliklarida qo‘llaniladi. Yuqorida ko‘rsatilgan vaziyatlar individual davolashning tanlanishini aniqlashi mumkin.

Qo‘llash usuli va dozalari

Dozalash
Preparat dozasini patsiyentning individual ehtiyojlaridan kelib chiqqan holda tanlash zarur. Ko‘pchilik patsiyentlar uchun nebivalolning tavsiya etilgan boshlang‘ich dozasi sutkada bir marta 5 mg ni tashkil etadi; dori vositasini monoterapiya holida ham, boshqa preparatlar bilan majmuada ham qo‘llash mumkin. Patsiyentda ABni keyinchalik pasaytirish zarurati bo‘lgan holatlarda, nebivolol dozasini 2 hafta interval bilan 40 mg gacha oshirish mumkin. Dori vositasini qabul qilishlar soni oshirilganda ahamiyatga ega bo‘lgan ustunliklar qayd qilinishining ehtimoli kam.
Patsiyentlarning maxsus guruhlari
Buyraklar funktsiyasining buzilishlari bo‘lgan patsiyentlar
Buyraklar funktsiyasining og‘ir buzilishlari bo‘lgan patsiyentlarda (kreatinin klirensi 30 ml/minutdan kam) nebivalolning tavsiya etilgan boshlang‘ich dozasi sutkada bir marta 2,5 mg ni tashkil etadi; zarurat bo‘lganda dori vositasi dozasini asta-sekin oshirish lozim. Dializdagi patsiyentlarda Nebivorld qo‘llanishi o‘rganilmagan.
Jigar funktsiyasining buzilishlari bo‘lgan patsiyentlar
Jigar funktsiyasining o‘rta og‘irlik darajasidagi buzilishlari bo‘lgan patsiyentlarda nebivalolning tavsiya etilgan boshlang‘ich dozasi sutkada bir marta 2,5 mg ni tashkil etadi; zarurat bo‘lganda dori vositasi dozasini asta-sekin oshirish lozim. Jigar funktsiyasining og‘ir buzilishlari bo‘lgan patsiyentlarda Nebivorld qo‘llanishi o‘rganilmagan, shuning uchun bunday patsiyentlarda preparatni qo‘llash kerak emas.
Keksa yoshdagi patsiyentlar
Keksa yoshdagi patsiyentlarda nebivolol dozasiga tuzatish kiritish talab etilmaydi. CYP2D6 polimorfizmi
CYP2D6 metabolizmga uchrashi sekin amalga oshadigan patsiyentlarda, nebivolol dozasiga tuzatish kiritish talab etilmaydi. Metabolizmi sekin amalga oshadigan shaxslarda dori vositasining klinik samaradorligi va xavfsizlik profili metabolizmi tez amalga oshadigan shaxslarnikiga o‘xshash.
Qo‘llash usuli
Tabletkalar, ovqatlanishdan qat'iy nazar, ichga qabul qilinadi. Nebivorldni muntazam va uzluksiz qabul qilish lozimligi haqida patsiyentlar xabardor bo‘lishlari kerak. Navbatdagi doza o‘tkazib yuborilgan holatda davolash sxemasiga muvofiq tarzda faqat preparatning keyingi dozasini qabul qilish zarur (o‘tkazib yuborilgan qabul qilishni o‘rnini to‘ldirish uchun ikkilangan dozani qabul qilish kerak emas). Nebivorld bilan davolashni to‘xtatish yoki tugatishni faqat shifokor maslahatidan keyin amalga oshirish lozim.
Nojo‘ya ta'sirlari
Nebivolol qo‘llanishining xavfsizligi arterial gipertenziyasi bo‘lgan patsiyentlarda va yurak yetishmovchiligi bo‘lgan patsiyentlarda baholangan, bunda noxush reaktsiyalar profili dori vositasining farmakologik xususiyatlariga va klinik sinovlarda ishtirok etgan patsiyentlar sog‘lig‘ining holatiga muvofiq bo‘lgan. Bunday patsiyentlarda qayd etilgan noxush reaktsiyalar MedDRA bo‘yicha tizimli-a'zoli sinfga muvofiq quyida sanab o‘tilgan.
Umumiy xarakterga ega bo‘lgan, informativ bo‘lmagan, shuningdek dori vositasi qo‘llanishi bilan aniq bog‘liq bo‘lmagan noxush reaktsiyalar inkor qilingan, chunki ularning sodir bo‘lishi davolash o‘tkazilayotgan kasallik bilan bog‘liq bo‘lgan, yoki ular davolash qabul qilayotgan patsiyentlarning umumiy populyatsiyasida juda keng tarqalgan.
Dunyoni turli mamlakatlarida, nebivololni qo‘llanishi bo‘yicha o‘tkazilgan klinik tadqiqotlarda 6545 nafar patsiyent ishtirok etgan, shu jumladan, arterial gipertenziya bo‘yicha dori vositasi bilan davolashni qabul qilgan 5038 nafar patsiyentlar, va boshqa yurak-qon tomiri kasalliklari bo‘yicha dori vositasi bilan davolashni qabul qilgan 1057 nafar patsiyentlar. Nebivolol dozalari 0,5 mg dan 40 mg gacha diapazonda o‘zgargan, patsiyentlar 24 oydan ko‘p bo‘lmagan vaqt davomidagi davolashni qabul qilishgan (1900 nafardan ko‘proq patsiyentlar - kamida 6 oy va taxminan 1300 nafar patsiyentlar – bir yildan ko‘proq).
Arterial gipertenziya
Nebivolol va platseboni taqqoslash bo‘yicha platsebo-nazoratli klinik tadqiqotlarda noxush reaktsiyalar rivojlanishi oqibatida dori vositasini qabul qilgan 2,8% patsiyentlar va platsebo qabul qilgan 2,2% patsiyentlar davolashni to‘xtatishgan. Nebivolol bilan davolashni to‘xtatish eng ko‘proq bosh og‘rig‘i (0,4%), ko‘ngil aynashi (0,2%) va bradikardiya (0,2%) kabi noxush reaktsiyalar bilan bog‘liq bo‘lgan.
Dori vositasini qo‘llanishi bilan bog‘liq bo‘lgan noxush reaktsiyalar 1% va undan ko‘proq patsiyentlarda qayd etilgan; ularning uchrash tezligi, kamida, bir guruhdagi nebivalol qabul qilgan patsiyentlarda, xuddi shunday guruhdagi platsebo qabul qilganlarnikidan yuqoriroq bo‘lgan (1597 nafar arterial gipertenziyasi bo‘lgan, monoterapiya holida nebivololni 5 mg, 10 mg yoki 20-40 mg dozalarda qabul qilgan patsiyentlar va 205 nafar platsebo qabul qilgan patsiyentlar ishtirokidagi uchta 12-haftalik platsebo-nazoratlangan klinik tadqiqotlar)
Yurak tomonidan bradikardiya.
Me'da-ichak yo‘llari tomonidan diareya, ko‘ngil aynishi.
Umumiy buzilishlar va yuborilgan joydagi buzilishlar toliqish, ko‘krak qafasidagi og‘riq, periferik shishlar.
Nerv tizimi tomonidanbosh og‘rig‘i, bosh aylanishi.
Ruhiyatning buzilishi uyqusizlik.
Nafas tizimi, ko‘krak qafasi va ko‘ks oralig‘i a'zolari tomonidan nafas siqilishi.
Teri va teri osti to‘qimalari tomonidan toshma.
4300 nafardan ko‘proq patsiyentlar ishtirokidagi nazoratlangan yoki ochiq klinik tadqiqotlarda dori vositasi qo‘llanganda noxush reaktsiyalar, yuqorida keltirilganlaridan tashqari, 1% va undan ko‘proq patsiyentlarda qayd etilgan; ko‘p hollarda nazoratlangan tadqiqotlarda nebivolol qabul qilgan patsiyentlarda ularning paydo bo‘lish tez-tezligini platsebo qabul qilgan patsiyentlarniki bilan solishtirish mumkin (ularga quyidagilar kiradi simptomlari kuchsiz ifodalangan, iformativ bo‘lishi uchun ahamiyatli darajada umumiy bo‘lgan reaktsiyalar va dori vositasi qo‘llanishiga bog‘liqlik ehtimoli kam bo‘lgan reaktsiyalar, chunki ular umumiy populyatsiyada juda tarqalgan)
Umumiy buzilishlar va yuborilgan joydagi buzilishlar asteniya.
Me'da-ichak yo‘llari tomonidanqorinda og‘riq.
Modda almashinuvi va oziqlanish tomonidan giperxolesterinemiya.
Nerv tizimi tomonidan paresteziya.
Laboratoriya tadqiqotlari natijalariga ta'siri
Nazoratlangan tadqiqotlarda arterial gipertenziyasi bo‘lgan patsiyentlarni nebivolol bilan monoterapiya holida davolashda qonda siydik kislotasi, triglitseridlar va mochevina azoti darajalarini oshishi va xolesterin, yuqori zichlikdagi lipoproteinlar va trombotsitlar darajalarini qonda pasayishi qayd qilingan.
Postmarketing davrda olingan ma'lumotlar
Quyida sanab o‘tilgan noxush reaktsiyalar dunyoning turli mamlakatlarda nebivolol qo‘llanganda spontan xabarlardan olingan va boshqa manbalarda ko‘rsatilmagan. Bu noxush reaktsiyalarni ularning og‘irlik darajasini, uchrash tezligini yoki nebivolol bilan davolash orasida sabab-oqibat bog‘liqligini mavjudligi ehtimolini majmuaviy baholash asosida e'tiboga olish kerak (umumiy populyatsiyada juda ham tarqalgan reaktsiyalar ko‘rsatilmagan). Bunday noxush reaktsiyalarning uchrash tezligini aniqlashni yoki nebivolol qo‘llanishi bilan sabab-oqibat bog‘liqligini belgilashni imkoniyati yo‘q, chunki spontan xabarlar soni aniqlanmagan populyatsiyadan olingan. Ularga quyidagilar kiradi jigar funktsiyasining buzilishlari (shu jumladan, qonda aspartataminotransferaza (AST), alaninaminotransferaza (ALT) va bilirubin darajalalarining oshishi), o‘pkalarning o‘tkir shishishi, o‘tkir buyrak yetishmovchiligi, atrioventrikulyar blokada (II va III darajali), bronxospazm, erektil disfunktsiya, o‘ta yuqori sezuvchanlik (shu jumladan, eshakemi, allergik vaskulit va, kam hollarda, angionevrotik shish), arterial gipotenziya, miokard infarkti, qichish, psoriaz, Reyno fenomeni, periferik ishemiya/vaqti- vaqti bilan bo‘ladigan oqsoqlik, uyquchanlik, xushidan ketish, trombotsitopeniya, turli turdagi toshmalar va teri tomonidan buzilishlar, vertigo va qusish.
Gumon qilinayotgan noxush reaktsiyalar haqida xabarlar
Dori vositasi ro‘yxatdan o‘tkazilganidan keyin gumon qilinayotgan nojo‘ya reaktsiyalari haqida xabar berish muhim hisoblanadi. Patsiyentda dori vositasiga jiddiy noxush reaktsiyalar aniqlanganida yoki mazkur bo‘limda ta'riflanmagan yangi noxush reaktsiya paydo bo‘lganida, Milliy farmakonazorat tizimiga muvofiq xabar berishingizni so‘raymiz.

Qo‘llash mumkin bo‘lmagan holatlar

- preparatning faol moddasiga yoki yordamchi moddalarining har biriga bo‘lgan o‘ta yuqori sezuvchanlik;
- og‘ir bradikardiya;
- yurak blokadasi (II daraja va yuqori);
- kardiogen shok;
- dekompensatsiyalangan yurak yetishmovchiligi;
- sinus tugunini kuchsizligi sindromi (doimiy kardiostimulyator mavjud bo‘lmagan hollarda);
- jigar funktsiyasining og‘ir buzilishlari bo‘lgan patsiyentlarda (Chayld-Pyu shkalasi bo‘yicha S sinf) qo‘llash mumkin emas.
Dorilarning o‘zaro ta'siri
CYP2D6 ingibitorlari
Nebivorldni CYP2D6 ingibitorlari (xinidin, propafenon, fluoksetin, paroksetin va boshqalar) bilan bir vaqtda qo‘llaganda ehtiyotkorlikka rioya qilish lozim.
Gipotenziv dori vositalari
Nebivorldni boshqa β-blokatorlar bilan birgalikda qo‘llash kerak emas. Preparat rezerpin yoki guanetidin kabi organizmda katexolaminlar darajasini tushiradigan dori vositalari bilan majmuada qo‘llanganda, patsiyentlarning sinchkovlik bilan kuzatuvini ta'minlash zarur, chunki Nebivorldni β-bloklovchi ta'siri simpatik nerv tizimining faolligini ahamiyatli darajada pasayishini keltirib chiqarishi mumkin. Nebivorld va klonidin bilan davolash qabul qilayotgan patsiyentlarda, klonidin dozasini asta-sekin pasaytirishdan bir necha kun oldin Nebivorld qabul qilishni to‘xtatish kerak.
Yurak glikozidlari
Yurak glikozidlari va β-blokatorlar atrioventrikulyar o‘tkazuvchanlikni va yurak qisqarishlari sonini pasaytiradi. Yuqorida ko‘rsatilgan dori vositalarni bir vaqtda qo‘llanishi bradikardiya sodir bo‘lishi xavfini oshirishi mumkin.
KKB
Nebivorld ba'zi KKB (xususan, fenilalkilamin hosilalari (verapamil) va benzodiazepin hosilalari (diltiazem)) yoki aritmiyaga qarshi vositalar (masalan, dizopiramid) kabi yurak faoliyatini susaytiruvchi, yoki atrioventrikulyar o‘tkazuvchanligini pasaytiruvchi preparatlarning ta'sirini kuchaytirishi mumkin.

Maxsus ko‘rsatmalar

Davolashni to‘satdan to‘xtatilishi
Yurak ishemik kasalligi bo‘lgan patsiyentlarda Nebivorld bilan davolashni to‘satdan to‘xtatish kerak emas. β-blokator bilan davolash to‘satdan bekor qilinganida, koronar arteriyalarning kasalliklari bo‘lgan patsiyentlarda stenokardiyaning og‘ir zo‘rayishi, miokard infarkti va qorincha aritmiyalari qayd etilganligi haqida xabar berilgan.
Miokard infarkti va qorincha aritmiyalari avval sodir bo‘lgan stenokardiyani zo‘rayishi fonida ham, yoki u bo‘lmaganda ham rivojlanishi mumkin. Koronar arteriyalarning kasalliklarini belgilari aniq ifodalanmagan patsiyentlarda Nebivorld bilan davolashni to‘xtatishda yoki tugatishda ehtiyotkorlikka rioya qilish lozim. Boshqa β-blokatorlar kabi, Nebivorld bilan davolashni bekor qilish rejalashtirilganida patsiyentlarning sinchkov monitoringini o‘tkazish va ularga jismoniy faollikni minimal darajaga keltirishlari kerakligi haqida tavsiya berish zarur. Agar bunday imkoniyat bo‘lsa, nebivolol dozasini asta-sekin 1-2 hafta davomida pasaytirish lozim. Stenokardiya simptomlarini zo‘rayishi yoki o‘tkir koronar yetishmovchiligini rivojlanishi hollarida dori vositasi bilan davolashni, hech bo‘lmaganda kamida vaqtinchalik, zudlik bilan davom ettirish lozim.
Stenokardiya va o‘tkir miokard infarkti
Preparatni stenakordiyasi bo‘lgan yoki yaqinda miokard infarkti o‘tkazgan patsiyentlarda qo‘llanishi o‘rganilmagan.
Bronxospastik kasalliklar
Qoida bo‘yicha, β-blokatorlarni bronxospastik kasalliklari bo‘lgan patsiyentlarda qo‘llash kerak emas.
Anesteziya va keng ko‘lamdagi operatsiya aralashuvlari
β-blokatorlar qabul qilinishi to‘xtatilganidan keyin miokard infarkti va ko‘krak qafasida og‘riq rivojlanishining xavfi oshishi tufayli, β-blokatorlar bilan oldindan davolashni qabul qilayotgan patsiyentlarda, qoida bo‘yicha, perioperatsion davrda ham davolashni davom ettirish lozim. Nebivorld perioperatsion davrda qo‘llanganda, operatsiya aralashuvini o‘tkazishda efir, siklopropan va trixloretilen kabi miokard funktsiyasini susaytiruvchi dori vositalarini qo‘llash bilan, anesteziologik ko‘mak olgan patsiyentlar holatini sinchkovlik bilan nazorat qilish zarur. Agar β-blokatorlar bilan davolash keng ko‘lamdagi operatsiya aralashuvlari o‘tkazilgunigacha to‘xtatilsa, yurakning adrenergik stimullarga javob qaytarish reaktsiyasi xususiyati buzilishi tufayli, umumiy anesteziyani va operatsiya aralashuvlarini o‘tkazishdagi xavf oshishi mumkin.
Nebivorldning β-adrenoretseptorlarni bloklash bilan bog‘liq bo‘lgan samaralari β-agonistlar qo‘llanganda bartaraf etilishi mumkin, masalan dobutamin yoki izoproterenol. Shunday bo‘lsa-da, patsiyentlarda uzoq vaqt davr mobaynida og‘ir arterial gipotenziya qayd etilishi mumkin; undan tashqari β-blokatorlar qo‘llanishi fonida defibrillyatsiyani va yurak ritmini ushlab turishni o‘tkazish bilan bog‘liq bo‘lgan qiyinchiliklar hollari haqida xabar berilgan.
Qandli diabet va gipoglikemiya
β-blokatorlar gipoglikemiyaning ba'zi belgilarini, xususan taxikardiyani yashirishi mumkin. Selektiv bo‘lmagan β-blokatorlar insulin qo‘llanishi bilan bog‘liq bo‘lgan gipoglikemiyani kuchaytirishi mumkin va qon zardobida glyukoza darajasi normal qiymatlarga erishilishiga olib keladigan vaqti oralig‘ini uzaytirishi mumkin. Nebivololni bunday ta'sirga ega ekanligi, yoki yo‘qligi noma'lum. Nebivorld va insulin bilan yoki peroral gipoglikemik vositalar bilan majmuaviy davolash qabul qilayotgan, spontan gipoglikemiyaga moyilligi bo‘lgan patsiyentlar, va qandli diabeti bo‘lgan patsiyentlar, yuqorida ko‘rsatilgan xavfning rivojlanishi haqida ogohlantirilgan bo‘lishlari zarur.
Tireotoksikoz
β-blokatorlar gipertireozni klinik belgilarini, xususan taxikardiyani yashirishi mumkin. β-blokatorlarni qabul qilinishi to‘satdan to‘xtatilganda gipertireozni simptomlari kuchayishi mumkin yoki tireotoksik kriz rivojlanishi mumkin.
Periferik qon-tomirlarning kasalliklari
Periferik qon-tomirlarning kasalliklari bo‘lgan patsiyentlarda β-blokatorlar qo‘llanganda arterial yetishmovchilik simptomlarini rivojlanishi yoki kuchayishi mumkin.
Digidropiridin hosilalari guruhiga tegishli bo‘lmagan kaltsiy kanallarining blokatorlari (KKB)
β-blokatorlarni va KKB (masalan, verapamil, diltiazem) yaqqol ifodalangan salbiy inotrop va xronotrop samaralari tufayli, ular birgalikda qo‘llanganida patsiyentlarda AB va elektrokardiogrammani ko‘rsatkichlarining monitoringini o‘tkazish zarur.
CYP2D6 ingibitorlari bilan majmuaviy qo‘llanilishi
CYP2D6 ingibitsiya qilinganida qon plazmasida nebivolol kontsentratsiyasi oshadi, buning natijasida dori vositasining dozasini kamaytirish zarurati paydo bo‘lishi mumkin.
Buyraklar funktsiyasining buzilishlari
Buyraklar funktsiyasining og‘ir buzilishlari bo‘lgan patsiyentlarda nebivololning buyrak klirensi pasayadi. Nebivorldni dializdagi patsiyentlarda qo‘llanishi o‘rganilmagan.
Jigar funktsiyasining buzilishlari
Jigar funktsiyasining o‘rta og‘irlik darajasidagi buzilishlari bo‘lgan patsiyentlarda nebivololni metabolizmga uchrashi pasayadi. Jigar funktsiyasining og‘ir buzilishlari bo‘lgan patsiyentlarda Nebivorld qo‘llanishi o‘rganilmagan.
Anafilaktik reaktsiyalar rivojlanishining xavfi
β-blokatorlar bilan davolash fonida anamnezida turli allergenlarga og‘ir anafilaktik reaktsiyalar qayd etilgan patsiyentlar allergenlarga, ular qaytadan tasodifan ta'sir ko‘rsatganlarida yoki ular diagnostik yoki davolash maqsadida qo‘llanganida, ko‘proq sezgir bo‘lishlari mumkin. Bunday patsintlar allergik reaktsiyalarni bartaraf qilish uchun epinefrin bilan odatdagi dozalarda davolashga javob bermasliklari mumkin.
Feoxromotsitoma
Feoxromotsitoma aniqlangan yoki faraz qilinayotgan patsiyentlarda biron-bir β-blokator qo‘llashdan oldin α-blokatorni qo‘llash lozim.
Bolalar
Nebivorld qo‘llanishining xavfsizligi va samaradorligi bolalarda aniqlanmagan. Organizm rivojlanishiga nisbatan toksik ta'siri va fertillikka uzoq muddatli salbiy potentsial ta'siri haqida yetarli ma'lumotlar bo‘lmagani tufayli, 18 yoshgacha bo‘lgan bolalarda preparatni qo‘llanishi bo‘yicha klinik tadqiqotlar o‘tkazilmagan.
Keksa yoshdagi patsiyentlar
Amerika qo‘shma shtatlarida (AQSh) platsebo-nazoratlangan klinik tadqiqotlarda arterial gipertenziyasi bo‘lgan, nebivolol bilan davolashni qabul qilgan 2800 nafar patsiyentdan 478 nafari 65 yoshda va undan katta bo‘lgan. Keksa yoshdagi va ulardan yoshroq patsiyentlar o‘rtasida dori vositasining samaradorligi yoki noxush reaktsiyalar profili bo‘yicha hech qanday farqlar aniqlanmagan.
Platsebo-nazoratlangan tadqiqotlarda, platsebo qabul qilgan patsiyentlar bilan taqqoslanganda, yoshi 70 yoshdan katta, surunkali yurak yetishmovchiligi bo‘lgan, nebivololni sutkada maksimal 10 mg dozada o‘rtacha 20 oy davomida qabul qilgan patsiyentlarda (1067 nafar patsiyentlar) yurak yetishmovchiligining simptomlarini kuchayishi qayd etilmagan. Shunday bo‘lsa-da, yurak yetishmovchiligining simptomlari kuchayganida Nebivorldni to‘xtatish to‘g‘risidagi savolni ko‘rib chiqish lozim.
Yurak yetishmovchiligi
Nebivorld bilan davolashni qabul qilayotgan patsiyentlar nafas olish qiyinlashishi yoki tana og‘irligining ortishi, nafas siqilishining og‘irlashishi yoki yaqqol namoyon bo‘lgan bradikardiya kabi yurak yetishmovchiligining belgilari yoki simptomlari zo‘rayganida shifokorga murojaat qilishlari haqida ogohlantirilishlari kerak.
Yordamchi moddalar
Nebivorld laktozani saqlaydi, shuning uchun galaktozani o‘zlashtiraolmaslik, laktaza yetishmovchiligi yoki glyukoza-galaktozani malabsorbtsiyasi bilan xarakterlanadigan, kam uchraydigan irsiy kasalliklari bo‘lgan patsiyentlar dori preparatini qabul qilmasliklari kerak.
Nebivorld bir tabletkada 1 mmoldan kam natriyni (23 mg) saqlaydi, ya'ni deyarli “natriyni saqlamaydi”.
Homiladorlik va laktatsiyada qo‘llanilishi
Homiladorlik
Hozirgi vaqtda Nebivorldni homilador ayollarda qo‘llanishi haqidagi ma'lumotlar preparatni qo‘llanishi bilan bog‘liq bo‘lgan homiladorlikning salbiy yakuni xavfini darajasini belgilash uchun yetarli emas. Homiladorlik vaqtida ona uchun ham, homila uchun ham, arterial gipertenziyaning yetarli bo‘lmagan nazorati bilan bog‘liq bo‘lgan xavflar mavjud.
β-blokatorlar homiladorlikning uchinchi trimestrida qo‘llanganda arterial gipotenziya, bradikardiya, gipoglikemiya va yangi tug‘ilgan chaqaloq nafasining susayishi rivojlanishining xavfi oshishi mumkin (quyiga qaralsin). Kalamushlarda o‘tkazilgan tadqiqotlarda, gestatsiya davrida (homilaning organogenez davri) nebivolol taxminan odam uchun tavsiya etilgan maksimal dozaga (OTEMD) ekvivalent bo‘lgan dozada kalamushlarga peroral yuborilganda, dori vositasini embriofetal va perinatal o‘lim ko‘rsatkichlarini oshirishi aniqlangan.
Nebivolol bilan davolashni qabul qilayotgan homilador ayollar populyatsiyasida, eng ahamiyatli bo‘lgan tug‘ma nuqsonlar rivojlanishining va o‘z-o‘zidan sodir bo‘ladigan bola tashlashning sodir bo‘lishinig hisoblab chiqilgan yakuniy xavfi noma'lum
AQShda klinik tasdiqlangan homiladorlikda eng ahamiyatli bo‘lgan tug‘ma nuqsonlar rivojlanishining va o‘z-o‘zidan sodir bo‘ladigan bola tashlashning sodir bo‘lishinig hisoblab chiqilgan yakuniy xavfi muvofiq ravishda 2-4% va 15-20% tashkil etadi.
Kasallik bilan bog‘liq bo‘lgan ona va/yoki embrion/homila uchun xavf
Homiladorlik davridagi arterial gipertenziyada ona uchun preeklampsiya, gestatsiyadagi qandli diabet, vaqtidan ilgari tug‘ish va tug‘ishdagi asoratlar (masalan, ona qornini yorib bolani olish zarurati va tug‘ishdan keyingi qon ketish) sodir bo‘lish xavflari oshadi. Homiladorlik davridagi arterial gipertenziyada homila uchun ona qorni ichida rivojlanishning kechikishi va ona qorni ichidagi o‘lim xavflari oshadi. Arterial gipertenziyasi bo‘lgan homilador ayollarda sinchkov monitoringni va tegishli bo‘lgan davolashni o‘tkazish zarur.
Homila/yangi tug‘ilgan chaqaloqdagi noxush reaktsiyalar.
Homiladorlikning uchinchi trimestrida arterial gipertenziya tufayli β-blokatorlar bilan davolashni qabul qilgan onalarning yangi tug‘ilgan chaqaloqlarida arterial gipotenziya, bradikardiya, gipoglikemiya va nafasning susayishining rivojlanishini xavfi oshishi mumkin. Bunday vaziyatlarda yuqorida ko‘rsatilgan noxush reaktsiyalarni aniqlash va zarurat bo‘lganida tegishli davolashni o‘tkazish maqsadida, yangi tug‘ilgan chaqaloqlarni sinchkov kuzatuvini ta'minlash zarur.
Laktatsiya
Odamda nebivololni ko‘rak suti bilan chiqarilishi noma'lum; dori vositasini ko‘krak suti bilan oziqlanayotgan bolaga, yoki sut ishlab chiqarilishiga bo‘lgan ta'siri haqidagi ma'lumotlar mavjud emas. Nebivolol kalamushlarning ko‘krak sutida topilgan. Laktatsiya davrida β-blokatorlar qo‘llanganida, ko‘krak suti bilan oziqlanayotgan bolada potentsial og‘ir noxush reaktsiyalar, ayniqsa bradikardiya rivojlanishi mumkinligi sababli, Nebivorldni emizish davridagi ayollarda qo‘llash tavsiya etilmaydi.
Avtotransportni haydash va mexanizmlarni boshqarish qobiliyatiga ta'siri
Avtotransport va mexanizmlarni boshqarish yoki diqqatni yuqori darajada jamlashni talab etadigan boshqa turdagi faoliyatni bajarishidan oldin, patsiyent dori preparatiga bo‘lgan o‘zining reaktsiyasini bilishi kerak.

Dozani oshirib yuborilishi

Nebivolol dozasini oshirib yuborilish hollari dunyoning turli mamlakatlarida klinik tadqiqotlarda va postmarketing davrda qayd etilgan.

Dozani oshirib yuborilishi

bilan bog‘liq bo‘lgan belgi va simptomlar sifatida eng ko‘p bradikardiya va arterial gipotenziya qayd qilingan; ahamiyatga ega bo‘lgan boshqa noxush reaktsiyalarga quyidagilar kiradi yurak yetishmovchiligi, bosh aylanishi, gipoglikemiya, toliqish va qusish. Shuningdek, β-blokatorlar dozasini oshirib yuborilishi bilan bog‘liq bo‘lgan bronxospazm va yurak blokadasi kabi noxush reaktsiyalar qayd etilishi mumkin.
Nebivololni, ma'lum bo‘lgan, ichga qabul qilingan eng katta dozasi 500 mg ni tashkil etgan (100 mg dan bir nechta atsetilsalitsil kislotasi bilan birga o‘z joniga suiqasd qilishga urinishda). Patsiyentda quyidagi noxush reaktsiyalar qayd etilgan gipergidroz, teri qoplamalarining rangparligi, ongni susayishi, gipokineziya, arterial gipotenziya, sinusli bradikardiya, gipoglikemiya, gipokaliyemiya, nafasning susayishi va qusish. Patsiyent sog‘aygan.
Nebivolol qon plazmasi oqsillari bilan yuqori darajadagi bog‘lanishga ega, shuning uchun gemodializ muolajasini o‘tkazishda dori vositasi klirensini oshishi kuzatilmaydi.
Nebivorld dozasi oshirib yuborilgan hollarda tutib turuvchi va spetsifik simptomatik davolashni o‘tkazish zarur. Nebivololni kutilgan farmakologik samaralariga va boshqa β-blokatorlar dozasi oshirb yuborilishiga tegishli bo‘lgan tavsiyalarga muvofiq, shuningdek klinik vaziyatga muvofiq, quyidagi davolashni o‘tkazish, shu jumladan preparat qo‘llanishini to‘xtatish lozim.
Bradikardiya
Atropinni vena ichiga yuborish; davolashga bo‘lgan javob yetarli bo‘lmaganida ehtiyotkorlik bilan izoproterenolni yoki ijobiy xronotrop samaraga ega bo‘lgan boshqa dori vositasini qo‘llash mumkin. Ba'zi hollarda transtorakal yoki transvenoz elektrokardiostimulyatsiyani o‘tkazish zarurati paydo bo‘lishi mumkin.
Arterial gipotenziya
Suyuqliklar va vazopressor dori vositalarini vena ichiga yuborish; glyukagonni vena ichiga yuborilishi o‘zini oqlashi mumkin.
Yurak blokadasi (II-III darajali)
Monitoring o‘tkazish va infuziya ko‘rinishidagi izoproterenolni yuborish; ba'zi hollarda transtorakal yoki transvenoz elektrokardiostimulyatsiyani o‘tkazish zarurati paydo bo‘lishi mumkin.
Dimlangan yurak yetishmovchiligi
Boshlang‘ich bosqichida yurak glikozidlari va diuretiklarni yuborish; ba'zi hollarda inotrop va qon tomirini kengaytiruvchi dori vositalarini qo‘llash haqidagi savolni ko‘rib chiqish lozim.
Bronxospazm
Qisqa muddatli ta'sirga ega β2-agonistlar va/yoki aminofillin kabi bronxni kengaytiruvchi dori vositalarini qo‘llash.
Gipoglikemiya
Glyukozani vena ichiga yuborish; glyukozani vena ichiga ko‘p marta yuborish yoki glyukagonni qo‘llash zarurati paydo bo‘lishi mumkin.
Tutib turuvchi davolashni patsiyentni holati barqaror bo‘lgunga qadar o‘tkazish lozim. Past dozalarda qabul qilinganida nebivololni yarim chiqarilish davri 12-19 soatni tashkil etadi.

Chiqarilish shakli

Tabletkalar.
14 tabletka blisterda.
2 yoki 6 blister tibbiyotda qo‘llanilishiga doir yo‘riqnomasi bilan birga karton qutida.

Saqlash sharoiti

25°C dan yuqori bo‘lmagan haroratda saqlansin.
Bolalar ololmaydigan joyda saqlansin!

Yaroqlilik muddati

Ishlab chiqarilgan

sanadan boshlab 3 yil

Yaroqlilik muddati

o‘tgach qo‘llanilmasin.

Dorixonalardan berish tartibi

Retsept bo‘yicha.