Perindid tab. 2mg/0.625mg №30

Preparatning savdo nomi

Perindid
Ta'sir etuvchi moddalar (XPN) perindopril va indapamid.

Dori shakli

plyonka qobiq bilan qoplangan tabletkalar

Tarkibi

Plyonka qobiq bilan qoplangan 1 tabletka 2 mg + 0,625 mg saqlaydi
faol moddalar perindopril erbumini – 2 mg, indapamid – 0,625 mg;
yordamchi moddalar mikrokristall sellyuloza, laktoza monogidrati, kolloid kremniy dioksida, magniy stearati;
plyonka qobiqning tarkibi jigarrang Vinkout WT–01985 bo‘yovchisi (gipromelloza, makrogol 400, titan dioksidi, talk, makrogol 6000, temir III oksidi bo‘yovchisi), izopropanol*, dixlormetan*.
Plyonka qobiq bilan qoplangan 1 tabletka, 4 mg + 1,25 mg saqlaydi
faol moddalar perindopril erbumini – 4 mg, indapamid – 1,25 mg;
yordamchi moddalar mikrokristall sellyuloza, laktoza monogidrati, kolloid kremniy dioksida, magniy stearati;
plyonka qobiq tarkibi to‘q sariq Vinkout WT-01097 bo‘yovchisi (gipromelloza, makrogol 400, titan dioksidi, talk, makrogol 6000, sariq quyosh shafaqi bo‘yovchisi), izopropanol*, dixlormetan*.
* - organik erituvchilar ishlab chiqarish jarayonida yo‘qotiladi.
Ta'rifi
2 mg + 0,625 mg dozalar uchun qizil-jigarrang, dumaloq, ikki tomoni qavariq, plyonka qobiq bilan qoplangan tabletkalar. Ko‘ndalang kesimida ikki qavat ko‘rinadi. Kesimda tabletka yadrosi oq yoki deyarli oq rangli.
4 mg + 1,25 mg dozalar uchun to‘q sariq, dumalaq, ikki tomoni qabariq, qobiq bilan qoplangan tabletkalar. Ko‘ndalang kesimida ikki qavat ko‘rinadi. Kesimda tabletka yadrosi oq yoki deyarli oq rangli.

Farmakoterapevtik guruhi

majmuaviy gipotenziv vosita (AAF ingibitori + diuretik)
ATX kodi S09VA04.

Farmakologik xususiyatlari

Farmakodinamika

si
Pernidid – majmuaviy preparat gipotenziv, diuretik va tomirlarni kengaytiruvchi ta'sir ko‘rsatadi.
Perindopril angiotenzin–aylantiruvchi fermentning (AAF) ingibitori bo‘lib, uning ta'sir mexanizmi angiotenzin II ning hosil bo‘lishini kamayishiga olib keluvchi AAF faolligini susayishi bilan bog‘liq., angiotenzin II ning tomirlarni toraytiruvchi ta'sirini yo‘qotadi, aldosteronning sekretsiyasini pasaytiradi. Yirik arterial tomirlarning elastikligini tiklanishiga yordam beradi, chap qorinchaning gipertrofiyasini, o‘pka kapillyarlaridagi bosimni kamaytiradi. Miokardning gipertrofiyasini kamaytiradi. Old yuklama va keyingi yuklamani, chap va o‘ng qorinchalarning to‘lish bosimini, umumiy periferik tomirlar qarshiligini (UPTQ) kamaytiradi, yurak qisqarishlari tez-tezligini (YuQTT) o‘rtacha kamaytiradi, mushaklarda regional qon oqimini kuchaytiradi.
Indapamid sulfonamidning hosilalariga kiradi va farmakologik xususiyatlari bo‘yicha tiazid diuretiklarga yaqin. Indapamid buyrak naychalarining kortikal segmentida natriyni so‘rilishini ingibirlaydi, bu siydik bilan natriy va xlor ionlarini chiqarilishini oshiradi, va diurezni kuchayishiga olib keladi, kam darajada kaliy va magniy ionlarini chiqarilishini oshiradi. O‘zining diuretik ta'siriga qo‘shimcha indapamid, arteriolyar va umumiy periferik rezistentlikni pasayishi bilan bog‘liq bo‘lgan tomirli ta'sirga ham ega. Indapamid yaqqol diuretik samaraga ega bo‘lmagan dozalarda antigipertenziv ta'sir ko‘rsatadi. Yuqori dozalarda diurezni oshishiga qaramasdan, arterial bosimni (AB) pasayish darajasiga ta'sir qilmaydi. Indapamid, boshqa tiazid diuretiklar kabi, chap qorinchaning gipertrofiyasini kamaytiradi.
Perindid preparati bemorning yoshi va tanasining holatiga bog‘liq bo‘lmagan va reflektor taxikardiya bilan birga kechmaydigan yaqqol dozaga bog‘liq gipotenziv ta'sir ko‘rsatadi. Lipidlarning (umumiy xolesterin, past zichlikdagi lipoproteinlar (PZLP), juda past zichlikdagi lipoproteinlar (JPZLP), yuqori zichlikdagi lipoproteinlar (YuZLP), triglitseridlar (TG) va uglevodlarning metabolizmiga ta'sir qilmaydi, shu jumladan qandli diabeti bo‘lgan bemorlarda.
Terapevtik dozalarda amalda uglevodlar almashinuviga ta'sir qilmaydi.

Farmakokinetikasi

Perindopril va indapamidning fiksatsiyalangan kombinatsiyasining farmakokinetik ko‘rsatgichlari ular alohida qo‘llangandagi bilan solishtirganda farq qilmaydi.
Perindopril ichga qabul qilinganidan keyin tez me'da-ichak yo‘llaridan so‘riladi. Perindoprilning biokiraolishliga 65-70% ni tashkil qiladi. Ovqat qabul qilish perindoprilni perindoprilatga aylanishini kamaytiradi. Ichga qabul qilinganidan keyin 1 soat o‘tgach maksimal kontsentratsiyasiga erishiladi.
Jigarda faol metaboliti perindoprilatni hosil bo‘lishi bilan metabolizmga uchraydi. Qon zardobida perindoprilatning maksimal kontsentratsiyas 3-4 soat o‘tgach kuzatiladi. Qon plazmasi oqsillari bilan bog‘lanishi dozaga bog‘liq va 30% dan kamroqni tashkil qiladi. Kuniga 1 marta perindopril qabul qilishda, 4 kun davomida turg‘un kontsentratsiyalariga erishiladi. Perindoprilat gematoentsefalik to‘siqdan tashqari, gistogematik to‘siqlar orqali yengil o‘tadi, ahamiyatsiz miqdori yo‘ldosh orqali va ko‘krak sutiga o‘tadi. Buyraklar orqali chiqariladi, perindoprilatning yarimchiqarilish davri taxminan 24 soatni tashkil qiladi. To‘planmaydi. Keksa patsiyentlarda, buyrak va yurak yetishmovchiligi bo‘lgan bemorlarda perindoprilatni chiqarilishi sekinlashgan. Gemodializda (tezligi 70 ml/min – 1,17 ml/sek) va peritoneal dializda yo‘qotiladi.
Indapamid me'da-ichak yo‘llarida tez va amalda to‘liq so‘riladi. Ovqat qabul qilish so‘rilishini biroz sekinlashtiradi, lekin preparatning so‘rilgan miqdoriga ahamiyatli ta'sir ko‘rsatmaydi. Bir marta qabul qilinganidan keyin 1 soat o‘tgach qon plazmasida maksimal kontsentratsiyasiga erishiladi. Takroriy qabul qilishlarda ikki dozalar orasidagi vaqtda qon plazmasida preparatning kontsentratsiyasini tebranishlari tekislashadi. Indapamid qon plazmasi oqsillari bilan 79% ga bog‘lanadi. Yarim chiqarilish davri 14 soatdan 24 soatgacha (o‘rtacha 18 soat) ni tashkil qiladi. To‘planmaydi.
Jigarda metabolizmga uchraydi. Indapamidning 70% buyraklar orqali asosan metabolitlari ko‘rinishida chiqariladi (o‘zgarmagan preparatning fraktsiyasi taxminan 5% ni tashkil qiladi). Taxminan 22% safro bilan nofaol metabolitlari ko‘rinishida chiqariladi. Buyraklar faoliyatining yetishmovchiligi bo‘lgan patsiyentlarda preparatning farmakokinetik parametrlari ahamiyatli o‘zgarmaydi.

Qo‘llanilishi

Arterial gipertenziya (majmuaviy davolash ko‘rsatilgan patsiyentlarda).

Qo‘llash usuli va dozalari

Ichga, 1 tabletkadan sutkada bir marta, nonushtagacha ertalabki soatlarda, yetarli miqdor-
dagi suyuqlik bilan birga qabul qilish avzalroq.
Buyrak yetishmovchiligi (kreatinin klirensi minutiga 30 ml va ko‘proq) bo‘lgan patsiyentlarda dozaga tuzatish kiritish talab qilinmaydi.
Nojo‘ya ta'sirlari
Yurak-qon tomir tizimi tomonidan tez-tez emas – AB ni yaqqol pasayishi (shu jumladan ortostatik gipotenziya), EKG da o‘zgarishlar (gipokaliyemiya), aritmiya, yurak urishi.
Markaziy nerv tizimi tomonidan tez-tez emas - bosh og‘rig‘i, bosh aylanishi, asabiylik, asteniya, kayfiyatning beqarorligi, uyquni buzilishi.
Ovqat hazm qilish tizimi tomonidan tez-tez – og‘izni qurishi, qabziyat yoki diareya, dispepsiya, ko‘ngil aynishi, qorin og‘rig‘i, ta'mni buzilishi, anoreksiya; juda kam – jigar entsefalopatiyasi, pankreatit rivojlanishi mumkin.
Siydik-jinsiy tizimi tomonidan tez-tez infektsiyalar, nikturiya, poliuriya.
Allergik reaktsiyalar terini qichishishi, dog‘li-papulyoz toshma, eshakemi, gemorragik vaskulit; juda kam – angionevrotik shish (Kvinke shishi).
Nafas tizimi tomonidan tez-tez – quruq yo‘tal, faringit, rinit, sinusit.
Qon yaratish tizimi tomonidan giperkreatininemiya, proteinuriya, giperkaltsiyemiya, giperurikemiya, gipoxloremiya, giponatriyemiya, giperglikemiya; juda kam – trombotsitemiya, neytropeniya, leykopeniya, agranulotsitoz, aplastik va gemolitik anemiya (gemodializ yoki peritoneal dializda bo‘lgan patsiyentlar).
Tayanch-harakat apparati tomonidan tirishishlar, parasteziyalar.
Boshqalar tizimli qizil yugurik zo‘rayishi mumkin.

Qo‘llash mumkin bo‘lmagan holatlar

• preparatning har qanday komponentiga yuqori sezuvchanlik;
• perindoprilga yoki boshqa AAF ingibitorlariga yuqori sezuvchanlik;
• anamnezdagi angionevrotik shish (nasliy, ideopatik yoki AAF ingibitorlarini qabul qilish oqibatidagi angionevrotik shish;
• gipoglikemiya;
• yaqqol buyrak yetishmovchiligi ( kreatinin klirensi 30 ml/ min dan kam);
• yaqqol jigar yetishmovchiligi (shu jumladan entsefalopatiya bilan);
• QT intervalini uzaytiruvchi preparatlar bilan bir vaqtda qabul qilish;
• homiladorlik va laktatsiya davri;
• 18 yoshgacha bo‘lganlar (samaradorligi va xavfsizligi aniqlanmagan).
Ehtiyotkorlik bilan buyrak arteriyalarining ikki tomonlama stenozi yoki yakka buyrak arteriyasining stenozi, buyrak yetishmovchiligi (kreatiinin klirensi minutiga 30 ml dan kam), qo‘shiluvchi to‘qimaning tizimli kasalliklari (shu jumladan tizimli qizil yugurik, sklerodermiya), immunodepressantlar bilan davolash (neytropeniya, agranulotsitoz rivojlanishining xavfi), suyak ko‘migida qon hosil bo‘lishining susaymshi. Aylanayotgan qon hajmini pasayishi (diuretiklarni qabul qilish, tuzsiz parhez, qusish, diareya, gemodializ), stenokardiya, serebrovaskulyar kasalliklar, renovaskulyar gipertenziya, qandli diabet, yaqqol yurak yetishmovchiligi, giperurikemiya (ayniqsa podagra va uratli nefrolitiaz bilan birga kechuvchi), kaliy tejovchi diuretiklarni, kaliy va litiy preparatlarini qabul qilish, AB ni beqarorligi, keksalik yoshi, yuqori oqimli membranalarni ishlatish bilan gemodializ o‘tkazish yoki desensibilizatsiya, buyrak ko‘chirib o‘tkazilganidan keyingi xolat, aorta klapanining stenozi/gipertrofik kardiomiopatiya, laktaza yetishmovchiligini mavjudligi, galaktozemiya yoki glyukoza/galaktozani kam so‘rilish sindromi.
Dorilarning o‘zaro ta'siri
Bir vaqtda qo‘llanganida litiy va indapamid preparatlari qon plazmasida litiy kontsentratsiyasini sinchikov nazorati va dozasini to‘g‘rilash kerak, tuzsiz parhezda bo‘lgani kabi, dozani oshirib yuborish simptomlari bilan qon plazmasida litiyning kontsentratsiyasini oshishi mumkin (litiyning siydik bilan chiqarilishini pasayishi).
Perindid quyidagi preparatlar bilan bir vaqtda qo‘llanganida
• astemizol, bepridin, eritromitsin (vena ichiga yuborishda), galofantrin, pentamidin, sultopril, terfenadin va vankomitsin, IA sinfi antiaritmik vositalar (xinidin, gidroxinidin, dizopiramid, amiodaron, bretilium, sotalal) bilan – yurak ritmini “piruet” tur buzilishlari paydo bo‘lishining ehtimoli oshadi. Xavf omillari gipokaliyemiya, bradikardiya, va ilgarigi QT intervalini uzayishi hisoblanadi.
• nosteroid yallig‘lanishga qarshi vositalar (tizimli buyurilganida), salitsilatlarning yuqori dozalari bilan – suvsizlangan patsiyentlarda o‘tkir buyrak yetishmovchiligining xavfi paydo bo‘ladi (glomerulyar filtratsiyaning tezligini pasayishi); suyuqlikni yo‘qotilishi o‘rnini to‘ldirish va davolashning boshida buyraklar faoliyatini nazorat qilish kerak;
• amfoteritsin V (vena ichiga); glyuko- va mineralokortikoidlar (tizimli qo‘llanganida), tetrakozaktid, ichakning motorikasini rag‘batlantiruvchi surgi vositalari, yurak glikozidlari bilan – gipoglikemiya xavfi oshadi (additiv samara); qon plazmasida kaliy darajasini, EKG ni nazorat qilish kerak, zarurati bo‘lganida – muvofiq davolashni buyurish;
• baklofen bilan – antigipertenziv samaraning kuchayishi;
• siklosporin bilan – aylanib yuruvchi siklosporinning o‘zgarmagan kontsentratsiyasida qon plazmasida kreatinin kontsentratsiyasini oshishi;
• tritsiklik antidepressantlar, neyroleptiklar bilan – indapamidning antigipertenziv samarasi kuchayadi va ortostatik gipotenziyani rivojlanish xavfi oshadi (additiv samara);
• antigipertenziv vositalar bilan – arterial gipotenziyani rivojlanish xavfi oshadi;
• yod saqlovchi kontrast vositalar bilan (yuqori dozalarda) – organizmni suvsizlanishi va o‘tkir buyrak yetishmovchiligi xavfini oshishi; yod saqlovchi kontrast vositalarni qo‘llashdan oldin bemorlarda yo‘qotilgan suyuqlikning o‘rnini to‘ldirish kerak;
• kaltsiy tuzlari bilan – kaltsiy ionlarini siydik bilan chiqarilishini pasayishi oqibatida qon plazmasida ularning kontsentratsiyasini oshishi;
• kaliy tejovchi diuretiklar bilan (amilorid, spirinolakton, triamteren) – gipokaliyemiya yoki giperkaliyemiyani rivojlanish xavfi, ayniqsa qandli diabeti bo‘lgan bemorlarda va buyraklar faoliyatini buzilishlari bo‘lgan patsiyentlarda;
• gipoglikemik dori vositalari (insulin, sulfonamidlar) bilan – qandli diabeti bo‘lgan bemorlarda AAF ingibitorlari gipoglikemik samarani kuchaytirishi mumkin.
• og‘riqni qoldiruvchi vositalar bilan – AAF ingibitorlarining antigipertenziv samarasini kuchayishi;
• allopurinol, sitostatiklar yoki immunodepressantlar, tizimli buyuriladigan kortikosteroidlar, yoki prokainamid bilan – leykopeniyani rivojlanish xavfi.

Maxsus ko‘rsatmalar

Perindidni qo‘llash arterial bosimni keskin pasayishini chaqirishi mumkin, ayniqsa preparatni birinchi qabul qilishda va davolashning birinchi 2 haftasi davomida. Arterial gipotenziyani rivojlanish xavfi aylanayotgan qon hajmini pasayishi, og‘ir yurak yetishmovchiligi bo‘lgan patsiyentlarda, dastlabki past AB da, buyraklar arteriyasining stenozida yoki yakka buyrak arteriyasining stenozida, shishlar va astsit bilan birga kechuvchi jigar sirrozida yuqori.
Perindid preparatini qabul qilishda qon plazmasidagi elektrolitlar (kaliy, natriy, magniy), glyukoza, siydik kislotasi va kreatininning kontsentratsiyasini muntazam nazorat qilish kerak. Xirurgik davolanish oldidan (12 soat oldin) preparat qabul qilishni to‘xtatish kerak. Sportchilar tomonidan qo‘llangan holda bilish kerak “doping nazorat” o‘tkazish vaqtida soxtamusbat reaktsiyalar bo‘lishi mumkin.
Homiladorlik va laktatsiya davrida qo‘llanishi
Pernididni homiladorlik davrida qabul qilish tavsiya qilinmaydi. Preparatni qo‘llash homilaning rivojlanishini kechikishi xavfi bilan fetoplatsentar ishemiyaning sababi bo‘lishi mumkin.
Perindidni emizish davrida qo‘llash tavsiya qilinmaydi (indapamid qo‘krak sutiga o‘tadi).
Avtotransportni boshqarish va mexanizmlar bilan ishlash qobiliyatiga ta'siri
Arterial bosimni o‘zgarishi bilan bog‘liq bo‘lgan shaxsiy reaktsiyalar kuzatilishi mumkin, ayniqsa davolashning boshida yoki boshqa antigipertenziv vosita qo‘shilganida. Buning natijasida avtomobilni boshqarish va yuqori diqqatni talab qiluvchi mexanizmlar bilan ishlash qobiliyati pasayishi mumkin.
Preparat bolalar ololmaydigan joyda saqlansin va o‘ramida ko‘rsatilgan yaroqlilik muddati o‘tgach ishlatilmasin.

Dozani oshirib yuborilishi

Simptomlari AB ni yaqqol oshishi, ko‘ngil aynishi, qusish, tirishishlar, bosh aylanishi, poliuriya yoki oliguriya, anuriya, bradikardiya,suv–elektrolit balansini buzilishi.
Davolash me'dani yuvish va/yoki faollashtirilgan ko‘mirni buyurish. Arterial bosim ahamiyatli pasayganida, bemorning boshini past qilib gorizontal holatga keltirish kerak. Tibbiyot muassasasida o‘tkaziladigan keyingi tadbirlar, suv-elektrolit balansini tiklashga qaratilgan bo‘lishi kerak, simptomatik davolash. Spetsifik antidoti yo‘q.

Chiqarilish shakli

Plyonka qobiq bilan qoplangan tabletkalar, 2 mg + 0,625 mg va 4 mg + 1,25 mg.
10 yoki 14 tabletkadan alyumin folga yoki alyumin folga va PVX plyonka blisterda.
1, 2, 3 blisterdan qo‘llash bo‘yicha yo‘riqnomasi bilan birga karton qutiga joylanadi.

Saqlash sharoiti

Quruq, yorug‘likdan himoyalangan joyda, 25oS dan yuqori bo‘lmagan haroratda.

Yaroqlilik muddati

3 yil.

Dorixonalardan berish tartibi

Retsept bo‘yicha.

Ishlab chiqaruvchi

/iste'molchilardan e'tirozlarni qabul qiluvchi tashkilot
“Edj Farma Prayvet Limited”
166, Atlanta Bilding,
209 Nariman Poynt,
Mumbay 400 021, Hindiston
RF dagi vakolatxonasi
“Edj Farma Prayvet Limited”
ma'suliyati cheklangan kompaniya vakolatxonasi
Moskva, Obruchev ko‘ch., 4 uy, 3 korp., of. 158-160
Tel (495) 9364145, faks 7750407