Ushbu preparatni qabul qilishni boshlashdan oldin bu yo‘riqnomani diqqat bilan to‘liq o‘qib chiqing, chunki u Siz uchun muhim ma'lumot saqlaydi.
-Bu ilova-varaqani saqlab qo‘ying. Sizga uni yana o‘qib chiqish kerak bo‘lishi mumkin.
-Agar Sizda qo‘shimcha savollar paydo bo‘lsa, shifokoringiz yoki farmatsevtga murojaat qiling
-Bu preparat shaxsan Sizga buyurilgan. Uni boshqa shaxslarga bermang. Hatto agar ularda kasallikni shu belgilari bo‘lsa ham, u ularga zarar yetkazishi mumkin.
-Agar Sizda nojo‘ya samaralar rivojlansa, shifokoringiz yoki farmatsevt bilan maslahatlashing. Bu ushbu ilova-varaqada ko‘rsatilmagan nojo‘ya samaralarga ham taalluqli. 4-bo‘limga qarang.

Ushbu ilova-varaqa qanday ma'lumotlarni saqlaydi
1.Prenessa preparati nima va u nima uchun mo‘ljallangan
2.Siz Prenessa preparatini qo‘llashni boshlashdan oldin nimalarni bilishingiz kerak
3.Prenessa preparatini qanday qo‘llash kerak
4.Bo‘lishi mumkin bo‘lgan nojo‘ya samaralari
5.Prenessa preparatini qanday saqlash kekrak
6.O‘ram ichidagisi va boshqa ma'lumot

1.Prenessa preparati nima va u nima uchun mo‘ljallangan
Prenessa preparati angiotenzinga aylantiruvchi ferment (AAF) ingibitorlari deb nomlanuvchi dori preparatlari guruhiga mansub. Prenessa preparati bilan davolash vaqtida qon tomirlari kengayadi, bu (ayniqsa arterial bosimi yuqori bo‘lgan patsiyentlarda) arterial bosimni pasayishi va yurak mushaklari va boshqa a'zolarni qon va kislorod bilan ta'minlanishini oshishiga olib keladi. Shunday qilib, dori preparati yurak yetishmovchiligini davolash va bosh miyada qon aylanishini buzilishi bo‘lgan patsiyentlarda insultni qaytalanishini oldini olishda ham samarali.
Ushbu preparat quyidagi holatlarda qabul qilinadi
-yuqori arterial bosimni (arterial gipertenziya) davolash uchun,
-yurak yetishmovchiligini davolash uchun,
-indapamid bilan majmuada anamnezida bosh miyada qon aylanishini buzilishi bo‘lgan patsiyentlarda insultni oldini olish uchun,
-yurak xurujini o‘tkazgan va/yoki yurakka qon olib keluvchi qon tomirlarni kengaytirish uchun yurakka qon oqib kelishini yaxshilash yuzasidan operatsiya o‘tkazgan patsiyentlarda stabil yurak ishemik kasalligi (yurakka qon oqib kelishi kamaygan yoki bloklangan holat) bo‘lgan patsiyentlarda yurak xuruji kabi yurak tomonidan buzilishlar havfini kamaytirish uchun.

2.Siz Prenessa preparatini qo‘llashni boshlashdan oldin nimalarni bilishingiz kerak
Agar Sizda surunkali kasalliklar, moddalar almashinuvini buzilishi bo‘lsa yoki agar Sizda preparatga yuqori sezuvchanlik bo‘lsa yoki Siz boshqa preparatlarni qabul qilayotgan bo‘lsangiz shifokorga xabar bering.

Prenessa preparatini qabul qilmang
-agar Sizda perindopril yoki bu preparatning boshqa komponentlariga (6-bo‘limda sanab o‘tilgan) yoki boshqa AAF ingibitorlariga allergiya bo‘lsa;
-agar Sizda AAF bilan avvalgi davolaganda lablar va yuz, bo‘yinni to‘satdan shishi bilan kechuvchi, ehtimol, shuningdek qo‘l va to‘piqni shishi yoki bo‘g‘ilish (angionevrotik shish) bilan kechuvchi o‘ta yuqori sezuvchanlik reaktsiyasi bo‘lgan bo‘lsa;
-agar Sizda nasliy angionevrotik shish yoki noma'lum boshqa sababli angionevrotik shish bo‘lsa;
-agar Siz homilador bo‘lsangiz (“Homiladorlik va emizish davrida qo‘llanishi” bo‘limiga qarang);
-agar Sizda diabet yoki buyrak faoliyatini buzilishi bo‘lsa yoki Siz aliskiren saqlovchi arterial bosimni pasaytiruvchi preparatlarni qabul qilayotgan bo‘lsangiz.
Agar yuqorida ko‘rsatilgan holatlardan birontasi Sizda kuzatilsa shifokor bilan maslahatlashing.
Prenessa tabletkalarini bolalar va o‘smirlarda qo‘llash tavsiya etilmaydi.


Maxsus ko‘rsatmalar

Agar Sizda quyidagi kasalliklardan birontasi bo‘lsa, davolashni boshlashdan oldin shifokorga xabar bering
-aorta stenozi (yurakdan chiqayotgan asosiy qon tomirni torayishi) yoki gipertrofik kardiomiopatiya (yurak mushagi kasalligi) yoki buyrak arteriyasi stenozi (buyrakka kislorodni yetkazilishini ta'minlovchi arteriyani torayishi),
-yurak bilan bog‘liq muammolar,
-jigar bilan bog‘liq muammolar,
-buyrak bilan bog‘liq muammolar yoki Siz dializ olayotgan bo‘lsangiz,
-tizimli qizil yugurik yoki sklerodermiya kabi kollagen kasalliklari,
-qandli diabet,
-gipotoniya,
-agar Siz tuz miqdori cheklangan parhezga rioya qilayotgan bo‘lsangiz yoki kaliy saqlovchi tuz o‘rnini bosuvchilarni ishlatayotgan bo‘lsangiz,
-agar Sizda yaqinda diareya yoki qusish kuzatilgan bo‘lsa yoki Sizda suvsizlanish kuzatilsa,
-agar Siz yuqori arterial bosimni davolash uchun quyidagi preparatlarni qabul qilayotgan bo‘lsangiz
oangiotenzin II retseptorlari blokatorlari (ARB) (shuningdek statinlar deb nomlanuvchi dori preparatlari – masalan, valsartan, telmisartan, irbesartan), xususan agar Sizda diabet fonida buyrak faoliyatini buzilishi bo‘lsa.
oaliskiren.

Shifokoringiz buyrak faoliyati, arterial bosim va qonda elektrolitlar (masalan, kaliy) darajasini ma'lum interval bilan tekshirishi mumkin.
Shuningdek “Prenessa® preparatini qo‘llamang” bo‘limidagi ma'lumotga qarang.
Agar Siz homiladorman deb tahmin qilsangiz (yoki homilador bo‘lib qolishingiz) shifokorga xabar bering. Homiladorlikda Prenessa® preparatini qo‘llash mumkin emas. (“Homiladorlik va emizish” bo‘limiga qarang).
Ushbu dori preparatini qo‘llash vaqtida quruq yo‘tal rivojlanishi mumkin, Agar u paydo bo‘lsa, shifokoringiz bilan maslahatlashing.
Agar davolanish vaqtida allergik reaktsiyalar yoki angionevrotik shish paydo bo‘lsa, preparatni qabul qilishni darhol to‘xtating va shifokor bilan maslahatlashing.
Agar Siz gemodializ yoki qonni tozalashning boshqa usullari (past zichlikdagi lipoproteinlar aferezi) yordamida davolanayotgan bo‘lsangiz yoki ari yoki asalari zahariga o‘ta yuqori sezuvchanlik (sezuvchanlikni pasaytirish) bo‘yicha davolanayotgan bo‘lsangiz, Siz ushbu dori preparatini qabul qilayotganligingiz haqida shifokorga xabar bering, chunki o‘ta yuqori sezuvchanlik reaktsiyalarining yuqori xavfi mavjud.
Ushbu dori preparati bilan davolash vaqtida qonda kaliy darajasi oshishi (giperkaliyemiya) mumkin, ayniqsa buyrak va/yoki yurak yetishmovchiligi bo‘lgan patsiyentlarda.
Agar Sizga jarroxlik aralashuvi rejalashtirilgan bo‘lsa, Siz ushbu dori preparatini qabul qilayotganligingiz haqida shifokorga xabar bering, chunki umumiy anesteziya vaqtida gipotenziyaning yuqori xavfi mavjud.

Boshqa dori vositalari bilan o‘zaro ta'siri
Agar Siz boshqa preparatlarni qabul qilayotgan bo‘lsangiz, yaqinda qabul qilgan bo‘lsangiz yoki qabul qilishni rejalashtirgan bo‘lsangiz, shifokoringiz yoki farmatsevtga xabar bering.
Bu asosan quyidagilarga taalluqli
-yuqori arterial bosimni davolash va qon tomirlarni kengaytirish uchun dori preparatlari,
-siydik haydovchi vositalar, kaliy preparatlari va kaliy saqlovchi tuz o‘rnini bosuvchi vositalar,
-qandli diabetni davolash uchun dori preparatlari,
-bo‘g‘imlardagi og‘riqni davolash uchun dori preparatlari (nosteroid yallig‘lanishga qarshi dori preparatlari (masalan iburofen), shu jumladan atsetilsalitsil kislotasi),
-depressiya, xavotirlik, shizofreniya va boshqalar kabi ruhiy buzilishlarni davolashda qo‘llanadigan dori preparatlari (masalan, tritsiklik antidepressantlar, neyroleptiklar, litiy) va anestetiklar,
-autoimmun buzilishlarni davolashda yoki a'zolarni ko‘chirib o‘tkazilgan qo‘llanadigan immunodepressantlar (organizmning himoya mexanizmlarni pasaytiruvchi dori preparatlari) (masalan, siklosporin),
-allopurinol (podagrani davolash uchun),
-qon tomirlarni kengaytiruvchi dori preparatlari (vazodilatatorlar, shu jumladan nitratlar),
-geparinlar (qonni suyultirish uchun qo‘llanadigan dori preparatlari),
-prokainamid (yurakni nomuntazam ritmini davolash uchun),
-yo‘tal va shamollashga qarshi ayrim dori vositalariga kiruvchi vositalar (simpatomimetiklar) yoki past arterial bosim, shok, yurak yetishmovchiligi, astma yoki allergiyani davolash uchun qo‘llanadigan noradrenalin yoki adrenalin,
-artritni davolash uchun qo‘llanadigan oltin preparatlari (natriy aurotiomalati).
Shifokor bilan maslahatlashmasdan retseptsiz beriladigan dori preparatlarini qabul qilmang. Bu asosan shamollashni davolash uchun preparatlar, og‘riq qoldiruvchi preparatlar, tuz o‘rnini bosuvchilar yoki kaliy saqlovchi dori preparatlariga taalluqli.
Shifokor boshlang‘ich dozani o‘zgartirishi va/yoki ehtiyotkorlikning boshqa choralarini ko‘rishi mumkin.
-angiotenzin II retseptorlari blokatorlari (ARB) yoki aliskiren qo‘llanilganda (shuningdek “Prenessa® preparatini qo‘llamang” va “
Maxsus ko‘rsatmalar
” bo‘limlaridagi ma'lumotlarga qarang).

Prenessa preparatini ovqat va ichimliklar bilan qabul qilish
Ushbu preparatni yetarli miqdordagi suyuqlik bilan ertalab ovqatdan oldin qabul qiling.

Homiladorlik va emizish davri
Homiladorlik
Agar Siz homiladorman deb taxmin qilsangiz yoki homilador bo‘lishni rejalashtirgan bo‘lsangiz, shifokorga xabar berish kerak. Shifokor Sizga homiladorlikgachayoki Siz homiladorlik haqida bilishingizgacha Prenessa preparati qabul qilishni to‘xtatish va Prenessa preparatini o‘rniga boshqa preparatni qabul qilishni tavsiya etishi mumkin. Homiladorlikda Prenessa preparatini qo‘llash mumkin emas.
Emizish davri
Agar Siz emizsangiz yoki emizishni rejalashtirgan bo‘lsangiz, shifokorga xabar bering. Emizikli onalarga Prenessa preparati tavsiya etilmaydi va agar Siz emizishni xoxlasangiz, ayniqsa agar bolangiz yangi tug‘ilgan chaqaloq bo‘lsa yoki chala tug‘ilgan chaqaloq bo‘lsa, shifokor boshqa davolashni tanlashi mumkin.

Transport vositalarini boshqarish va mexanizmlarni boshqarish
Ayrim hollarda patsiyentning transport vositalarini boshqarish va mexanizmlar bilan ishlash qobiliyatini pasaytiruvchi gipotenziya yoki bosh aylanishi rivojlanishi mumkin.

Prenessa preparati laktoza saqlaydi
Agar shifokoringiz Sizda ayrim qandlarni o‘zlashtiraolmaslik borligi haqida aytgan bo‘lsa, ushbu dori preparatini qo‘llashdan oldin shifokor bilan maslahatlashing.

3.Prenessa preparati qanday qabul qilinadi
Preparatni har doim shifokor yoki farmatsevt ko‘rsatmasi bo‘yicha qo‘llang. Agar Sizda shubha paydo bo‘lsa, shifokoringiz yoki farmatsevt bilan maslahatlashing.
Gipertenziyani davolash uchun odatdagi doza sutkada bir marta 4 mg ni tashkil qiladi. Ushbu dozani sutkada bir marta 8 mg perindoprilgacha oshirish mumkin.
Agar Siz 65 yosh yoki undan katta bo‘lsangiz, odatdagi boshlang‘ich doza sutkada bir marta 2 mg ni tashkil qiladi. Bir oydan keyin uni sutkada 4 mg gacha oshirish mumkin, so‘ngra zarurati bo‘lganida sutkada bir marta 8 mg gacha oshirish mumkin.
Yurak yetishmovchiligini davolash uchun odatdagi doza sutkada bir marta 2 mg ni tashkil qiladi. Ushbu dozani sutkada bir marta 8 mg perindoprilgacha oshirish mumkin, so‘ngra zarurati bo‘lganida sutkada bir marta 8 mg gacha oshirish mumkin.
Insultni qaytalanishini oldini olish uchun boshlang‘ich doza birinchi ikki hafta davomida 2 mg perindopril (2 mg li bir tabletka yoki 4 mg li yarim tabletka) ni tashkil etadi. Keyingi ikki hafta davomida dori preparatini indapamid bilan majmuaviy qo‘llashdan oldin dozani 4 mg (4 mg bir tabletka) gacha oshirish kerak.
Yurak tomonidan buzilishlar xavfini kamaytirish uchun boshlang‘ich doza sutkada bir marta 4 mg ni tashkil qiladi. Ikki haftadan keyin uni sutkada 8 mg gacha oshirish mumkin, bu ushbu ko‘rsatma bo‘yicha qo‘llash uchun tavsiya etilgan maksimal doza hisoblanadi.
Agar Siz 65 yosh yoki undan katta bo‘lsangiz, odatdagi boshlang‘ich doza sutkada bir marta 2 mg ni tashkil qiladi. Bir haftadan keyin sutkada bir marta 4 mg gacha oshirish mumkin, yana bir haftadan keyin – sutkada bir marta 8 mg gacha oshirish mumkin.
Tabletkani yetarli miqdordagi suyuqlik bilan ertalab ovqatdan keyin qabul qiling.
Davolash jarayonida davolashning samaradorligi va Sizning ehtiyojingizga qarab shifokor dozaga tuzatish kiritadi.
Buyrak faoliyatini buzilishi bo‘lgan patsiyentlar, vazorenal gipertenziyasi bo‘lgan patsiyentlar, gemodializ olayotgan patsiyentlar, avval diuretiklarni qabul qilgan patsiyentlar va keksa yoshdagi patsiyentlar uchun doza shifokor tomonidan tanlanadi.
Davolash davomiyligi shifokor tomonidan shaxsiy ravishda tanlanishi kerak.
Agar Siz Prenessa preparatining samarasi haddan tashqari kuchli yoki haddan tashqari kuchsizligini his qilsangiz, shifokoringiz yoki farmatsevt bilan maslahatlashing.

Agar Siz Prenessa preparatini keragidan ortiq miqdorda qabul qilgan bo‘lsangiz
Agar Siz dori preparatining keragidan ortiq dozasini qabul qilgan bo‘lsangiz, darhol shifokorga yoki farmatsevtga murojaat eting.
Dozani oshirib yuborilganda eng ko‘p uchraydigan samarasi bo‘lib arterial bosimni haddan tashqari pasayishi (gipotenziya) hisoblanadi. Agar arterial bosim ahamiyatli darajada pasaysa, boshni pastga tushirilgan va oyoqlarni yuqoriga ko‘tarilgan holatda yotish yordam berishi mumkin.

Prenessa preparatining dozasini o‘tkazib yuborish
O‘tkazib yuborilgan dozaning o‘rnini to‘ldirish uchun ikki marta dozani qabul qilish mumkin emas.
Dori preparatini sutkada bir marta, har kuni, kunning bir vaqtda qabul qiling.

Agar Siz Prenessa preparatini qabul qilishni to‘xtatsangiz
Arterial bosimni oshishini davolash to‘xtatilganda vaqt o‘tishi bilan yana oshishi mumkin va bu arterial bosimni oshishi chaqirgan asoratlar, ayniqsa yurakda, bosh miyada va buyraklarda asoratlarni xavfini oshirishi mumkin. Yurak yetishmovchiligi bo‘lgan patsiyentning holati gospitalizatsiya talab qilinadigan holatgacha yomonlashishi mumkin.
Agar Sizda ushbu preparatni qo‘llash bo‘yicha qo‘shimcha savollar paydo bo‘lsa, shifokoringiz yoki farmatsevt bilan maslahatlashing.

4.Bo‘lishi mumkin bo‘lgan nojo‘ya samaralar
Barcha dori vositalari kabi ushbu preparat ham, garchi hammada ham uchramasa ham nojo‘ya samaralar chaqirishi mumkin.
Agar Sizda quyidagilar kuzatilsa, shifokorga xabar bering
-bosh og‘rig‘i, toliqish, bosh aylanishi (vertigo), kayfiyatni va/yoki uyquni o‘zgarishi, og‘izni qurishi, ishtahani buzilishi,
-bosh aylanishi, quloqlarda shang‘illash, ko‘rishni buzilishi, terida sanchish hissi, tirishishlar,
-me'da-ichak yo‘llari tomonidan buzilishlar, ta'mni buzilishi, quruq yo‘tal,
-arterial bosimni pasayishi, yurak urishini tezlashishi,
-toshma, qichishish.
Agar yuqorida ko‘rsatilgan samaralar uzoq vaqt davomida saqlansa, shifokorga murojaat eting.
Agar Siz nafas olish yoki yutishni qiyinlashishini chaqiruvchi yuz, lab, til va/yoki tomoqni shishini sezsangiz, Prenessa® preparatini qo‘llashni to‘xtating va shifokor bilan maslahatlashing.
Tez-tez (10 tadan 1 ta odamda paydo bo‘lishi mumkin)
-bosh og‘rig‘i, bosh aylanishi, vertigo, sanchish hissi (paresteziya),
-ko‘rishni buzilishi,
-quloqda shang‘illash (tinnitus),
-qon bosimni pasayishi tufayli bosh aylanishi,
-yo‘tal, nafas olishni qiyinlashishi (hansirash),
-ko‘ngil aynishi, qusish, qorinda og‘riq, ta'mni bilishni o‘zgarishi, ovqat hazm bo‘lishni buzilishi (dispepsiya), diareya, qabziyat,
-toshma, qichishish,
-mushak spazmlari,
-holsizlik (asteniya).
Tez-tez emas (100 tadan 1 tadan kamroq odamda paydo bo‘lishi mumkin)
-kayfiyat va uyquni buzilishi,
-ko‘krak qafasida qisilish hissi, xirillashlar va hansirash (bronxospazm),
-og‘izni qurishi,
-xirillashlar, yuz, til yoki tomoqni shishi, kuchli qichishish yoki og‘ir teri toshmasi kabi simptomlar (angionevrotik shish),
-buyrak bilan bog‘liq muammolar,
-erkaklarda jinsiy faoliyatini buzilishi (impotentsiya),
-terlash.
Kam hollarda (1000 tadan 1 ta odamda paydo bo‘lishi mumkin)
-me'da osti bezini yallig‘lanishi (pankreatit),
-qonda jigar fermentlari faolligini oshishi va bilirubin darajasini oshishi.
Juda kam hollarda (10000 tadan 1 ta odamda paydo bo‘lishi mumkin)
-qon tomonidan buzilishlar,
-ongni chalkashishi,
-yurak ritmini buzilishi (aritmiya), ko‘krakda og‘riq (stenokardiya),
-yurak xuruji yoki insult (arterial bosimni pasayishi oqibatida),
-burunni bitishi yoki tumov (rinit), pnevmoniyaning kam uchraydigan turi (eozinofil pnevmoniya),
-jigarni yallig‘lanishi (gepatit),
-terini qizarishining turli shakllari (ko‘p shaklli eritema),
-o‘tkir buyrak yetishmovchiligi.
Noma'lum (mavjud ma'lumotlar asosida tez-tezligini baholab bo‘lmaydi)
-diabeti bo‘lgan patsiyentlarda qonda glyukozaning darajasini pasayishi (gipoglikemiya),
-qon tomirlarni yallig‘lanishi (vaskulit),
-qonda mochevina darajasini oshishi, qon plazmasida kreatinin darajasini oshishi, qonda kaliy darajasini oshishi.
Agar Sizda nojo‘ya samaralar rivojlansa, shifokor yoki farmatsevt bilan maslahatlashing.

5.Prenessa preparatini qanday saqlash kerak
Ushbu preparatni bolalar ololmaydigan joyda saqlash kerak.
Namlikdan himoyalangan joyda, 30°C dan yuqori bo‘lmagan haroratda saqlansin.

O‘ramida ko‘rsatilgan yaroqlilik muddati o‘tgach preparat ishlatilmasin.
Yaroqlilik muddati
ko‘rsatilgan oyning oxirgi kuniga to‘g‘ri keladi.
Dori preparatlarini kanalizatsiya yoki maishiy chiqindilar bilan tashlab yuborish mumkin emas. Siz boshqa qo‘llamaydigan dori preparatlarini qanday utilizatsiya qilishingiz haqida farmatsevtdan so‘rang. Bunday choralar atrof-muhitni himoya qilishga yordam beradi.

6.O‘ram ichidagisi va boshqa ma'lumot
Prenessa preparatining tarkibi
-Ta'sir etuvchi modda perindopril erbumini. Har bir tabletka 2 mg perindopril erbumini yoki 4 mg perindopril erbumini yoki 8 mg perindopril erbumini saqlaydi.
-Yordamchi moddalar kaltsiy xloridi geksagidrati, laktoza monogidrati, krospovidon, mikrokristall sellyuloza, suvsiz kolloid kremniy dioksidi, magniy stearati.

Prenessa preparati qanday ko‘rinishga ega va o‘ram ichidagisi
2 mg li tabletkalar dumaloq shaklli, ikki tomonlama biroz qavariq, oqdan deyarli oq rangligacha, qirralari kesilgan tabletkalar.
4 mg li tabletkalar oval shaklli, ikki tomonlama biroz qavariq, oqdan deyarli oq rangligacha, qirralari kesilgan, bir tomonida o‘yiqchasi bo‘lgan tabletkalar.
8 mg li tabletkalar dumaloqshaklli, ikki tomonlama biroz qavariq, oqdan deyarli oq rangligacha, qirralari kesilgan, bir tomonida o‘yiqchasi bo‘lgan tabletkalar.
10 tabletkadan blisterda. 3, 6 yoki 9 blisterlar ilova-varaqa (qo‘llash bo‘yicha yo‘riqnoma) bilan karton qutiga joylanadi.
30 tabletkadan blisterda. 1, 2 yoki 3 blisterlar ilova-varaqa (qo‘llash bo‘yicha yo‘riqnoma) bilan karton qutiga joylanadi.




Dorixonalardan berish tartibi

Shifokor retsepti bo‘yicha beriladi.

Qayd etish guvohnomasining egasi
KRKA, d.d., Novo mesto, Shmaryeshka sesta 6, 8501 Novo mesto, Sloveniya