Tripliksam tab. 10mg/2.5mg/10mg №30

1.SAVDO NOMI
Tripliksam.
2.DORI SHAKLI
Plyonka qobiq bilan qoplangan tabletkalar, 2,5 mg/0,625 mg/5 mg; 5 mg/1,25 mg/5 mg;
5 mg/1,25 mg/10 mg; 10 mg/2,5 mg/5 mg; 10 mg/2,5 mg/10 mg.
3.TA'SIR ETUVCHI MODDALARNING NOMI
Perindopril arginin, indapamid va amlodipin.
4.TARKIBI
Tripliksamning tarkibi
Ta'sir etuvchi modda – perindopril arginin, indapamid va amlodipin
Plyonka qobiq bilan qoplangan Tripliksam 2,5/0,625/5 mg bir tabletkasi quyidagilarni saqlaydi 1,6975 mg perindopril, bu 2,5 mg perindopril argininga to‘g‘ri keladi, 0,625 mg indapamid va 6,935 mg amlodipin besilati, bu 5 mg amlodipinga to‘g‘ri keladi.
Plyonka qobiq bilan qoplangan Tripliksam 5/1,25/5 mg bir tabletkasi quyidagilarni saqlaydi 3,395 mg perindopril arginin, bu 5 mg perindopril argininga to‘g‘ri keladi, 1,25 mg indapamid va 6,935 mg amlodipin besilati, bu 5 mg amlodipinga to‘g‘ri keladi.
Plyonka qobiq bilan qoplangan Tripliksam 5/1,25/10 mg bir tabletkasi quyidagilarni saqlaydi 3,395 mg perindoprilarginin, bu 5 mg perindopril argininga to‘g‘ri keladi, 1,25 mg indapamid va 13,870 mg amlodipin besilati, bu
10 mg amlodipinga to‘g‘ri keladi.
Plyonka qobiq bilan qoplangan Tripliksam 10/2,5/5 mg bir tabletkasi quyidagilarni saqlaydi 6,790 mg perindopril arginin, bu 10 mg perindopril argininga to‘g‘ri keladi, 2,5 mg indapamid va 6,935 mg amlodipin besilati, bu 5 mg amlodipinga to‘g‘ri keladi.
Plyonka qobiq bilan qoplangan Tripliksam 10/2,5/10 mg bir tabletkasi quyidagilarni saqlaydi 6,790 mg perindopril arginin, bu 10 mg perindopril argininga to‘g‘ri keladi, 2,5 mg indapamid va 13,870 mg amlodipin besilati, bu 10 mg amlodipinga to‘g‘ri keladi.
Boshqa ingrediyentlar
Tabletkaning yadrosi kraxmalning kaltsiy karbonati bilan birikmasi kaltsiy karbonati 90%, oldindan jelatinlangan makkajo‘xori kraxmali 10%, mikrokristall sellyuloza (E460), natriy kroskarmelloza (E468), magniy stearati (E572), suvsiz kolloid kremniy dioksidi, oldindan jelatinlangan kraxmal.
Tabletkaning plyonka qobig‘i glitserin (E422), gipromelloza 6mPaxs (E464), makrogol 6000, magniy stearati (E572), titan dioksidi (E171).
Tripliksamning tashqi ko‘rinishi va o‘ram ichidagisi
Tripliksam tabletkalari, 2,5 mg/0,625 mg/5 mg - oq, uzunchoq, uzunligi 8,5 mm va eni
4,5 mm, bir tomoniga va boshqa tomoniga tasviri gravirovka qilingan plyonka qobiq bilan qoplangan tabletkalar.
Tripliksam tabletkalari, 5 mg/1,25 mg/5 mg - oq, uzunchoq, uzunligi 9,75 mm va eni
5,16 mm, bir tomoniga va boshqa tomoniga tasviri gravirovka qilingan plyonka qobiq bilan qoplangan tabletkalar.
Tripliksam tabletkalari, 5 mg/1,25 mg/10 mg - oq, uzunchoq, uzunligi 10,7 mm va eni
5,66 mm, bir tomoniga va boshqa tomoniga tasviri gravirovka qilingan plyonka qobiq bilan qoplangan tabletkalar.
Tripliksam tabletkalari, 10 mg/2,5 mg/5 mg - oq, uzunchoq, uzunligi 11,5 mm va eni
6,09 mm, bir tomoniga va boshqa tomoniga tasviri tushirilgan plyonka qobiq bilan qoplangan tabletkalar.
Tripliksam tabletkalari, 10 mg/2,5 mg/10 mg - oq, uzunchoq, uzunligi 12,2 mm va eni
6,46 mm, bir tomoniga va boshqa tomoniga tasviri gravirovka qilingan plyonka qobiq bilan qoplangan tabletkalar.
Tabletkalar 30, 60 (30 donadan 2 konteyner), 90 (30 donadan 3 konteyner), 100 va 500 (100 donadan 5 konteyner) dagi qutilarda sotiladi.
Konteynerlarning tiqinida namyutgich bor.
Sotuvda o‘ramlar barcha o‘lchamdagi bo‘lmasligi mumkin.
5. FARMAKOTERAPEVTIK GURUHI
AAF ingibitorlari, kaltsiy kanallarining blokatorlari va diuretiklar.
ATX kodi C09VX01
6. FARMAKOLOGIK XUSUSIYaTLARI
Farmakodinamik xususiyatlari
Tripliksam gipertenziyasi bo‘lgan patsiyentlarda arterial qon bosimni nazorat qilish uchun o‘zaro to‘ldiruvchi uch tamoyil mexanizmlariga ega bo‘lgan gipotenziv komponentlarning qo‘shilmasidan iborat. Perindoprilning arginin tuzi angiotenzinga-aylantiruvchi fermentning (AAF) ingibitoridir, indapamid xlorsulfamidli diuretikdir, amlodipin esa - digidropiridin guruhiga mansub kaltsiy ionlari oqimining ingibitoridir.
Tripliksamning farmakologik xususiyatlari har bir komponentning xususiyatlaridan kelib chiqadi. Bundan tashqari, perindopril va indapamidni birikmasi, bu ikki komponentning gipotenziv ta'sirini qo‘shimcha o‘zaro ta'sirini hosil qiladi.
Ta'sir mexanizmi
Perindopril
Perindopril - angiotenzin I ni qon tomirlarini toraytiruvchi modda bo‘lgan angiotenzin II ga aylanishini chaqiruvchi – angiotenzinga aylantiruvchi ferment (AAF) ingibitoridir. Bundan tashqari, AAF buyrak usti bezi po‘stlog‘idan aldosteronni ajralib chiqishini rag‘batlantiradi va qon tomirlarni kengaytiruvchi birikma bradikininni faol bo‘lmagan geptapeptidlargacha parchalanishini kuchaytiradi.
Bu quyidagilarga
-aldosteronning ajralib chiqishini kamayishiga,
-aldosteron bilan aks bog‘liqlikni yo‘qolishi sababli, plazmadagi renining faolligini oshishiga,
-uzoq muddat qo‘llanganda tuzlar va suvni tutib qolinishi yoki reflektor taxikardiya bilan kechmaydigan asosan mushaklar va buyraklardagi qon tomir xavzasiga yahshiroq ta'siri bilan qon tomirlarning umumiy periferik qarshiligini pasayishiga olib keladi.
Perindoprilning shuningdek renin kontsentratsiyasi past yoki normal bo‘lgan patsiyentlarda ham gipotenziv ta'sir ko‘rsatadi.
Perindoprilning ta'siri uning faol metaboliti perindoprilat bilan bog‘liqdir. Boshqa metabolitlari faol emas.
Perindopril quyidagilar
-ehtimol, prostaglandinlarning metabolizmidagi o‘zgarishlar bilan bog‘liq bo‘lganvenalarga tomirlarni kengaytiruvchi ta'siri yurakkaboshlang‘ich yuklamani pasayishi hisobiga;
-umumiy periferik qarshilikni pasayishi, yurakka keyingi yuklamani pasayishi hisobiga yurak faoliyatini yengillashtiradi.
Yurak yetishmovchiligi bo‘lgan patsiyentlarda o‘tkazilgan tadqiqotlar, quyidagilarni ko‘rsatadi
-yurakning chap va o‘ng qorinchasida to‘lish bosimni pasayishi;
-qon tomirlarning umumiy periferik qarshiligini pasayishi;
-yurakdan otilib chiqayotgan qon hajmini oshishi va yurak indeksini yaxshilanishi;
-mushaklarda regionar qon oqimini kuchayishi yuz berishini ko‘rsatadi.
Jismoniy yuklama bilan o‘tqazilgan sinamalar xam natijalarni yaxshilanganini ko‘rsatdi.
Indapamid
Indapamid bu indol halqasiga ega bo‘lgan, farmakologik jihatdan tiazid diuretiklariga o‘xshash bo‘lgan sulfonamid xosilasidir. Indapamid Genle xalqasining kortikal segmentida natriyni qayta so‘rilishini ingibitsiya qiladi. U natriy va xloridlarni va kamroq darajada kaliy va shuningdek magniyni siydik bilan chiqarilishini kuchaytiradi va shu yo‘l bilan siydik hosil bo‘lishini oshirib, gipotenziv ta'sir ko‘rsatadi.
Amlodipin
Amlodipin yurak–qon tomir silliq mushaklariga membrana orqali kaltsiy ionlarini oqib kelishini ingibitsiya qiluvchi, digidropiridin guruhiga mansub kaltsiy ionlarining oqib kelishini ingibitoridir (sekin kaltsiy kanallarining blokatori yoki kaltsiy ionlarining antagonisti).
Farmakodinamik samaralari
Perindopril/indapamid
Arterial gipertenziyasi bo‘lgan patsiyentlarning yoshidan qat'iy nazar, perindopril va indapamidni qo‘shilishi diastolik va sistolik arterial qon bosimiga ham yotgan holatda, ham turgan holatda dozaga bog‘liq gipotenziv ta'sir ko‘rsatadi. Klinik tadqiqotlar vaqtida perindopril va indapamid majmuasi, xar bir preparat bilan monoterapiyaga nisbatan sinergik xarakterdagi antigipertenziv samarani namoyish qilgan.
Perindopril
Perindopril xar qanday darajadagi arterial gipertenziyada yengil, o‘rtacha va og‘ir darajadagi bo‘lgan gipertenziyada ta'sir ko‘rsatadi. Sistolik va diastolik arterial bosimni pasayishi xam yotgan holatda, xam turgan holatda kuzatiladi.
Maksimal gipotenziv faollik bir martalik doza qabul qilinganidan keyin 4-6 soat o‘tgach kuzatiladi va 24 soat davomida saqlanib qoladi.
Preparat qabul qilinganidan keyin 24 soat o‘tgach, AAF ni faolligini ingibitsiya qilinishining yuqori darajasi taxminan 80% ta'siri saqlanib qolishi aniqlanadi.
Preparat bilan davolab bo‘ladigan patsiyentlarda arterial bosimni normallashishiga bir oydan keyin erishiladi va bu samara taxifilaksiyani rivojlanishisiz saqlanib qoladi.
Davolashni to‘xtatish giperteziyani qaytalanishiga olib kelmaydi.
Perindopril qon tomirlarni kengaytirish xususiyatiga ega va asosiy arterial tomirlarning elastikligini tiklaydi, rezistent arteriyalarda gistomorfometrik o‘zgarishlarni muvofiqlashtiridi va yurak chap qorinchasi gipertrofiyasini kamaytiradi.
Zarurat tug‘ilganida, tiazid diuretikni qo‘shish additiv sinergizmga olib keladi.
AAF ingibitorini tiazid diuretik bilan majmuada buyurilishi, faqat diuretikning o‘zini qabul qilganda yuz beradigan gipokaliyemiya xavfini pasaytiradi.
Indapamid
Indapamid monoterapiyada 24 soat davomida saqlanib turuvchi gipotenziv ta'sir ko‘rsatadi. Bu samara indapamidning siydik haydovchi ta'siri minimal bo‘lgan dozalarda namoyon bo‘ladi.
Uning gipotenziv samarasi arteriyalarning elastikligini yaxshilash, qon tomirlarning umumiy periferik qarshiligini va arteriola qarshiligini pasaytirish xususiyati bilan proportsionaldir.
Indapamid yurakning chap qorinchasi gipertrofiyasini kamaytiradi.
Tiazid va tiazidsimon diuretiklarning dozasi oshirilganda, ularning gipotenziv samarasi platoga (muvozanatli holatga) yetadi, ayni vaqtda noxush samaralari esa yaqqolroq bo‘ladi. Agar davolash samarasiz bo‘lsa, unda dozani oshirish mumkin emas.
Bundan tashqari, arterial gipertenziyasi bo‘lgan patsiyentlarda qisqa, o‘rtacha va uzoq muddat davolashda, indapamid
-lipid almashinuviga, ya'ni triglitseridlar, PZLP xolesterini, YuZLP xolesterini miqdoriga ta'sir qilmaydi;
-uglevodlar metabolizmiga, hatto gipertenziyasi bo‘lgan diabetiklarda ham ta'sir qilmaydi.
Amlodipin
Amlodipinning gipotenziv samarasining mexanizmi qon tomirlarning silliq mushaklariga bevosita bo‘shashtiruvchi ta'siri bilan bog‘liqdir. Amlodipinni stenokardiyani kamaytirishini aniq ta'sir mexanizmi to‘liq aniqlanmagan, lekin u quyidagi ikki ta'sir yordamida umumiy ishemik yuklamani pasaytiradi
Amlodipin periferik arteriolalarni kengaytiradi va, shu bilan, yurak unga qarshi ishlaydigan umumiy periferik qarshilikni (keyingi yuklama) pasaytiradi.
Puls tez-tezligi barqaror qolgani tufayli, yurakning bu ishini yengillashtirilishi miokard tomonidan energiyani sarflashini va kislorodga ehtiyojini pasaytiradi.
Amlodipinning ta'sir mexanizmi shuningdek, ehtimol, asosiy koronar arteriyalar va koronar arteriolalarni, ham normal, ham ishemik soxalarda kengaytirishini o‘z ichiga oladi. Bu kengayish koronar arteriyalarning spazmi (Printsmetall stenokardiyasi yoki variantli stenokardiya) bo‘lgan patsiyentlarda miokardga kislorodni yetkazilishini oshishiga olib keladi.
Arterial gipertenziyasi bo‘lgan patsiyentlarda amlodipinning kuniga bir dozasi, barcha 24 soatlik interval davomida, chalqancha yotgan holda ham, turgan holda ham arterial bosimni klinik axamiyatli pasayishini ta'minlaydi. Ta'sirini sekin boshlanishi sababli, o‘tkir gipotenziya amlodipinni qabul qilinishiga xos emas.
Amlodipin hech qanday nojo‘ya metabolik samaralar va plazma lipidlarining o‘zgarishlarini chaqirmaydi, va astmasi, diabeti va podagrasi bo‘lgan patsiyentlar uchun to‘g‘ri keladi.
Pediatrik populyatsiya
Tripliksamni bolalarga ta'siri xaqida ma'lumotlar yo‘q.
7. FARMAKOKINETIKASI
Farmakokinetik xususiyatlari
Tripliksam
Perindopril/indapamid va amlodipinni majmuada qo‘llangandagi farmakokinetik xususiyatlari ularni alohida qo‘llanganiga nisbatan xususiyatlarini o‘zgartirmaydi.
Perindopril
So‘rilishi va biokiraolishligi
Peroral qabul qilinganda perindoprilni so‘rilishi tez yuz beradi maksimal kontsentratsiyasiga 1 soat davomida erilishiladi (perindopril olddori hisoblanadi va perindoprilat esa - faol metabolitdir). Perindoprilning plazmadagi yarim chiqarilish davri 1 soatni tashkil qiladi. Ovqat qabul qilish perindoprilni perindoprilatga aylanishni pasayishiga olib kelishi tufayli, biokiraolishligi kamayadi, shuning uchun perindopril argininni peroral sutkada bir marta ertalab ovqatdan oldin qabul qilish tavsiya qilinadi.
Taqsimlanishi
Bog‘lanmagan perindoprilatning taqsimlanish xajmi taxminan 0,2 l/kg ni tashkil qiladi. Perindoprilatni plazma oqsillari bilan bog‘lanishi 20% ni tashkil qiladi, asosan AAF bilan bog‘lanadi, lekin preparatning kontsentratsiyasiga bog‘liq.
Metabolizmi
Perindopril olddori hisoblanadi. Perindoprilning qabul qilingan dozasining yigirma yetti foizi faol metaboliti perindoprilat sifatida qon oqimiga yetib boradi. Faol perindoprilatdan tashqari, perindopril beshta nofaol metabolitlarni xosil qiladi. Perindoprilatning plazmadagi cho‘qqi kontsentratsiyasiga preparat qabul qilingandan keyin 3-4 soat o‘tgach erishiladi.
Chiqarilishi
Perindoprilat siydik bilan chiqariladi; uning erkin fraktsiyasini yarim chiqarilishining yakuniy davri taxminan 17 soatni tashkil qiladi, bu 4 kun davomida muvozanat holatiga erishishga imkon beradi.
Proportsionallik/ noto‘g‘ri proportsionallik
Perindoprilning dozasi va uning plazmadagi miqdori orasida to‘g‘ri proportsionallik namoyish qilingan.
Alohida populyatsiyalar
-Keksa odamlar keksa odamlarda, shuningdek yurak va buyrak yetishmovchiligi bo‘lgan patsiyentlarda, perindoprilatning chiqarilishi sekinlashadi.
-Buyrak yetishmovchiligi Buyrak yetishmovchiligi bo‘lgan patsiyentlarda buyrak faoliyatini buzilish darajasi (kreatinin klirensiga) qarab, dozani tashlash tavsiya etiladi.
-Dializ o‘tkazilganda perindoprilning klirensi minutiga 70 ml ni tashkil qiladi.
-Jigar sirrozi bo‘lgan patsiyentlarda jigar sirrozi bo‘lgan patsiyentlarda perindoprilning farmakokinetikasi o‘zgaradi dastlabki molekulaning jigar klirensi ikki marta qisqaradi. Lekin hosil bo‘layotgan perindoprilatning miqdori kamaymaydi, shuning uchun dozaga tuzatish kiritish talab qilinmaydi (4.2 va 4.4 bo‘limlarga qarang).
Indapamid
So‘rilishi
Indapamid me'da-ichak yo‘llaridan tez va to‘liq so‘riladi.
Odam plazmasidagi cho‘qqi kontsentratsiyasiga peroral qabul qilingandan keyin taxminan bir soatdan so‘ng erishiladi.
Taqsimlanishi
Plazma oqsillari bilan bog‘lanishi 79% ni tashkil qiladi.
Metabolizmi va chiqarilishi
Yarim chiqarilish davri 14 soatdan 24 soatgacha (o‘rtacha 18 soat) ni tashkil qiladi. Preparatni takroran qabul qilish uni organizmda to‘planishiga olib kelmaydi.
Asosan siydik bilan (dozani 70%) va ahlat bilan (22%) nofaol metabolitlari shaklida chiqariladi.
Alohida populyatsiyalar
Buyrak yetishmovchiligi bo‘lgan patsiyentlarda farmakokinetikasi o‘zgarmaydi.
Amlodipin
So‘rilishi va biokiraolishligi
Terapevtik dozalar peroral qabul qilinganida amlodipin yaxshi so‘riladi; doza qabul qilinganidan keyin qondagi miqdorining cho‘qqi darajasiga 6-12 soatda erishadi. Baholashlar bo‘yicha, mutloq biokiraolishligi 64-80% ni tashkil qiladi.
Amlodipinning biokiraolishligi ovqat qabul qilishga bog‘liq emas.
Taqsimlanishi
Taqsimlanish xajmi taxminan 21 l/kg ni tashkil qiladi. Laborator tekshirishlar tizimli qon aylanishida bo‘lgan amlodipinning taxminan 97,5% qon plazmasi oqsillari bilan bog‘lanishini ko‘rsatadi.
Metabolizmi
Amlodipin jigarda nofaol metabolitlarigacha jadal metabolizmga uchraydi; dastlabki birikmaning10% va 60% metabolitlar siydik bilan chiqariladi.
Chiqarilishi
Plazmadan yarim chiqarilishining yakuniy davri taxminan 35-50 soatni tashkil qiladi va kuniga bir dozani qabul qilishga muvofiq keladi.
Alohida populyatsiyalar
-Keksa patsiyentlar tomonidan qabul qilinishi amlodipinni plazmada cho‘qqi kontsentratsiyaga erishish davri keksa patsiyentlarda ham, yosh patsiyentlarda ham bir xil. Keksa patsiyentlarda qonni amlodipindan tozalanishi pasayish tendentsiyasiga ega, bu AUC ni oshishiga va yarim chiqarilish davrini uzayishiga olib keladi. Dimlangan yurak yetishmovchiligi bo‘lgan patsiyentlarda AUC ni oshishi va yarim chiqarilish davrini uzayishi patsiyentlarning tekshirilayotgan yosh guruhi uchun kutilayotganga to‘g‘ri kelgan.
-Jigar yetishmovchiligi bo‘lgan patsiyentlar tomonidan qabul qilinishi jigar yetishmovchiligi bo‘lgan patsiyentlarga amlodipinni buyurish bo‘yicha klinik ma'lumotlar soni yetarli emas. Jigar yetishmovchiligi bo‘lgan patsiyentlarda amlodipinning klirensi pasaygan, bu yarim chiqarilish davrini oshishiga va AUC ni taxminan 40-60% ga oshishiga olib keladi.
8. QO‘LLANILIShI
Tripliksam uch faol komponentlarning perindopril, indapamid va amlodipin majmuasidir. U yuqori arterial bosimni (gipertenziyani) davolash uchun qo‘llanadigan gipotenziv dori vositasidir.
Perindopril/indapamidning majmuasi fiksatsiyalangan doza sifatida va amlodipinni alohida tabletkalar ko‘rinishida qabul qilayotgan patsiyentlar, buning o‘rniga bir Tripliksamning tabletkasini qabul qilishlari mumkin, u bu uch faol ingrediyentni analogik kontsentratsiyalarda saqlaydi.
Har bir faol komponentlari arterial bosimni pasaytiradi, va ular birga arterial bosimni nazorat qiladi
-Perindopril angiotenzinga-aylantiruvchi ferment (AAF) ingibitorlari deb nomlanuvchi dori vositalari sinfiga kiradi. U qon tomirlarni kengaytirish orqali ta'sir ko‘rsatadi, shuning uchun yurak uchun ular bo‘ylab qonni yuborishi yengillashadi.
-Indapamid siydik xaydovchi vositadir (sulfamidni indol xalqali hosilalari deb nomlanuvchi dori vositalari sinfiga kiradi). Diuretiklar buyrak ishlab chiqaradigan siydik miqdorini oshiradi. Lekin indapamid boshqa siydik haydovchi vositalardan, ishlab chiqariladigan siydik miqdorini faqat biroz oshirishi bilan farq qiladi.
-Amlodipin kaltsiy kanallarining blokatoridir (digidropirimidinlar deb nomlanuvchi dori vositalari sinfiga kiradi). U qon tomirlarini bo‘shashtirish yo‘li bilan ta'sir qiladi, buning natijasida qon ularda erkinroq oqadi.
9. QO‘LLASh USULI VA DOZALARI
Ushbu preparatni qabul qilishda doimo shifokorning yoki farmatsevtning ko‘rsatmalariga qat'iy rioya qiling.
Agar Siz nimagadirshubhalansangiz, albatta shifokorga yoki farmatsevtga murojaat qiling.
Tabletkani ertalab ovqatdan oldin bir stakan suv bilan qabul qilgan afzal. Shifokoringiz Siz uchun to‘g‘ri keladigan doza xaqida qaror qabul qiladi. Odatda doza kuniga bir marta bitta tabletkaga teng.
Agar Siz Tripliksamni qabul qilishni unutgan bo‘lsangiz
Bu preparatni har kuni qabul qilish muhimdir, chunki muntazam davolash samaraliroq hisoblanadi. Shunday bo‘lsada, agar Siz Tripliksamning dozasini qabul qilishni unutgan bo‘lsangiz, keyingi dozani odatdagi vaqtda qabul qiling. Qabul qilishni unutgan dozani o‘rnini to‘ldirish uchun keyingi dozani ikki barobarga oshirmang.
Agar Siz Tripliksamni qabul qilishni to‘xtatsangiz
Gipotenziv davolash odatda butun umr davom etishi tufayli, preparatni qabul qilishni to‘xtatishdan oldin, Siz shifokor bilan maslaxatlashingiz kerak.
Agar Sizda ushbu dori vositasini qo‘llash bo‘yicha qo‘shimcha savollar tug‘ilgan bo‘lsa, shifokor, farmatsevt yoki xamshira bilan maslahatlashing.
10. NOJO‘Ya TAЪSIRI
Har qanday boshqa dori vositalari kabi, ushbu dori vositasi ham, garchi har bir patsiyentda bo‘lmasada, nojo‘ya samaralarni chaqirishi mumkin.
Agar Sizda quyidagi nojo‘ya samaralardan birontasi paydo bo‘lsa, dori vositasini qabul qilishni darhol to‘xtating va shifokoringizga boring
-to‘satdan xushtaksimon nafas, ko‘krakda og‘riq, hansirash va nafasni qiyinlashishi (tarqalmagan nojo‘ya samara, 100 patsiyentdan maksimum 1 nafarida paydo bo‘lishi mumkin);
-qovoqlar, yuz yoki lablarning shishi (tarqalmagan nojo‘ya samara, 100 patsiyentdan maksimum 1 nafarida paydo bo‘lishi mumkin);
-og‘iz bo‘shlig‘i, til va tomoqni shishi, bu nafasni jiddiy qiyinlashishini chaqiradi (tarqalmagan nojo‘ya samara, 100 patsiyentdan maksimum 1 nafarida paydo bo‘lishi mumkin);
-o‘tkir teri reaktsiyalari, shu jumladan kuchli teri toshmasi, eshakemi, butun tana terisini qizarishi, kuchli qichishish, po‘rsildoqlarni hosil bo‘lishi, terini kepaklanishi va shishi, shilliq qavatlarni yallig‘lanishi (Stivens-Djonson sindromi) yoki boshqa allergik reaktsiyalar (juda kam hollarda uchraydigan nojo‘ya samara, 10 000 patsiyentdan maksimum 1 nafarida paydo bo‘lishi mumkin);
-kuchli bosh aylanishi yoki xushdan ketish (tarqalgan nojo‘ya samara, 10 patsiyentdan maksimum bittasida paydo bo‘lishi mumkin);
-infarkt (juda kam hollarda uchraydigan nojo‘ya samara, 10 000 patsiyentdan maksimum 1 nafarida paydo bo‘lishi mumkin), yoki hayotga xavf soluvchi ritmni buzilishi (tez-tezligi noma'lum);
-o‘zini xis qilishni kuchli yomonlashishi bilan kechuvchi o‘tkir qorin va belda og‘riqlarni chaqirishi mumkin me'da osti bezining yallig‘lanishi (juda kam hollarda uchraydigan nojo‘ya samarasi, 10 000 patsiyentdan maksimum bittasida paydo bo‘lishi mumkin).
Nojo‘ya samaralari quyidagilarni o‘z ichiga olishi mumkin (tez-tezligini pasayishi tartibida)
-Tarqalgan nojo‘ya samaralar (10 patsiyentdan maksimum 1 nafarida paydo bo‘lishi mumkin) bosh og‘rig‘i, bosh aylanishi, pulsni his qilish (o‘zini yurak urishini his qilish), giperemiya; vertigo, sanchiq hissi, ko‘rishni buzilishlari, tinnitus (quloqlarda shovqin), arterial bosmni pasayishi tufayli bosh aylanishi, yo‘tal, hansirash, me'da-ichak yo‘llari tomonidan buzilishlari (ko‘ngil aynishi, qusish, qorin soxasida og‘riq, ta'mni o‘zgarishi, ovqat hazm bo‘lishini buzilishi yoki ovqat hazm bo‘lishini qiyinlashishi, diareya, qabziyat), allergik reaktsiyalar (teri toshmasi, qichishish kabi), spazmlar, charchoqlik hissi, uyquchanlik, boldir - tovon bo‘g‘imini shishi.
-Tarqalmagan nojo‘ya samaralar (100 patsiyentdan maksimum 1 nafarida paydo bo‘lishi mumkin) kayfiyatni o‘zgarishlari, bezovtalik, depressiya, uyquni buzilishi, qaltirash, eshakemi, xushdan ketish, og‘riq sezuvchanlikni buzilishi, rinit (burunni bitishi yoki tumov), ich kelishi ritmini o‘zgarishi, sochlarni to‘kilishi, purpura (terida pushti toshma), terini rangsizlanishi, terini qichishishi, terlash, ko‘krakda og‘riq, bo‘g‘im yoki mushak og‘rig‘i, belda og‘riq, og‘riq, lohaslik xissi, buyrak kasalliklari, siyishni buzilishi, tunda siyishga ehtiyojni oshishi; siyishlar sonini oshishi, erektsiyaga erishish qobiliyatini yo‘qolishi, qizish yoki yuqori harorat, diskomfort va erkaklarda sut bezlarini kattalashishi, vaznni kamayishi yoki oshishi, ayrim leykotsitlar sonini oshishi, qonda kaliy miqdorini yuqori darajasi, gipoglikemiya (qonda qandning miqdorini juda qamligi), qonda natriy miqdorini pasayishi darajasi, ko‘zlarda ikkilanish, yurakni tez urishi, vaskulit (qon tomirlarini yallig‘lanishi), quyosh nurlari yoki A spektr sun'iy ultrabinafsha nurlarning ta'siridan keyin yorug‘likka sezuvchanlik reaktsiyalari (terining tashqi ko‘rinishini o‘zgarishi), terida po‘rsildoqlarni hosil bo‘lishi, kaftlar, to‘piqlar va tovonlarni shishi, qonda kreatinin va siydikda mochevina miqdorini oshishi, yiqilish, og‘izni qurishi.
-Kam uchraydigan nojo‘ya samaralar (1000 patsiyentdan maksimum 1 nafarida paydo bo‘lishi mumkin)
-ongni chalkashishi, laboratoriya ko‘rsatkichlarini o‘zgarishi jigar fermentlarining yuqori darajasi, zardobda bilirubinining darajasini oshishi.
-Juda kam uchraydigan nojo‘ya samaralar (10000 patsiyentdan maksimum 1 da paydo bo‘lishi mumkin) leykotsitlar, trombotsitlar sonini kamayishi (bu ko‘karishlarni jadalroq xosil bo‘lishiga va burundan qon ketishiga olib keladi), anemiya (eritrotsitlar miqdorini kamayishi), yurak-qon tomir buzilishlari (nomuntazam yurak urishi, stenokardiya (yurak qon oqimidagi muammolar tufayli va jismoniy zo‘riqishlarda paydo bo‘ladigan ko‘krakda, jag‘da va belda og‘riqlar,), eozinofil pnevmoniya (kam uchraydigan o‘pkani yallig‘lanishini), milklarni shishi, o‘tkir teri reaktsiyalari, shu jumladan kuchli teri toshmasi, butun tana terisini qizarishi, kuchli qichishish, po‘rsildoqlarni hosil bo‘lishi, terini kepaklanishi va shishi, ko‘p shaklli eritema (ko‘pincha yuz, qo‘llar yoki oyoqlarda qizil qichishuvchi dog‘lardan boshlanadigan teri toshmasi), qon ketishi, milklarni og‘rishi yoki shishi, jigar faoliyatini buzilishi, jigarni yallig‘lanishi (gepatit), buyrak o‘tkir kasalliklari, terini sarg‘ayishi (sariqlik), qorinni dam bo‘lishi (gastrit), nevritlar, kuchsizlikka, sanchilish yoki uvishish xissiga olib kelishi mumkin, mushakni kuchli zo‘riqishi, giperglikemiya (qonda qand darajasini haddan tashqari oshishi), qonda kaltsiy miqdorini yuqori darajasi, ehtimol arterial bosimni haddan tashqari pastligi oqibatida insult.
-Noma'lum (bor bo‘lgan ma'lumotlar asosida tez-tezligini baholash mumkin emas)
-jigar entsefalopatiyasi (jigar kasalligi chaqirgan, bosh miya faoliyatini buzilishi). Anomal EKG, qonda kaliyning darajasini pastligi, agar Sizda tizimli qizil yugurik (kollagen kasallikning turi) bo‘lsa, u zo‘rayishi mumkin.
-Uzoqni ko‘raolmaslik (miopiya), ko‘rishni noaniqligi.
-Quyidagi nojo‘ya samaralar to‘g‘risida habarlar berilgan harakatlarni buzilishi mushak katiqligi, tremor va/yoki haraktlarni buzilishi.
Laboratoriya ko‘rsatkichlarini (qon tahlili) o‘zgarishi kuzatilishi mumkin. Shifokoringiz, Sizning holatingizni tekshirish uchun, ehtimol, qoningizni taxlilini o‘tkazishi mumkin.
Nojo‘ya samaralari haqida xabar berish
Agar Sizda biron-bir nojo‘ya samaralar paydo bo‘lsa, shifokorga, farmatsevtga yoki xamshiraga murojaat qiling.
Bu ushbu ilova-varaqada sanab o‘tilmagan har qanday nojo‘ya samaralarga taalluqlidir. Nojo‘ya samaralari xaqida xabar berib, Siz ushbu preparatning xavfsizligi bo‘yicha ma'lumotlarni yig‘ilishiga yordam berasiz.
11. QO‘LLASh MUMKIN BO‘LMAGAN XOLATLAR
Tripliksamni qabul qilmang
-agar Sizda perindoprilga yoki har qanday boshqa AAF ning boshqa ingibitorlariga, indapamidga yoki xar qanday boshqa sulfonamidlarga, amlodipinga yoki har qanday boshqa digidropiridinlarga yoki ushbu preparatning har qanday boshqa ingrediyentiga (4-bo‘limda keltirilgan) allergiya bo‘lsa;
-agar ilgari boshqa AAF ingibitorlarin qabul qilganda yoki boshqa vaziyatlarda Sizda yoki sizning qarindoshlaringizdan birida xushtaksimon nafas, yuz yoki tilni shishi, kuchli qichishish yoki kuplab teri toshmasi yoki angionevrotik shish kuzatilgan bo‘lsa;
-agar Sizda jigarning og‘ir kasalligi yoki jigar entsefalopatiyasi (jigar kasalligi chaqirgan bosh miya faoliyatini buzilishi) deb nomlanuvchi xolat bo‘lsa;
-agar Sizda davolanmagan dekompensatsiyalangan yurak yetishmovchiligiga (tuzlarni jiddiy tutilib qolishi, nafasni qiyinlashuvi) shubxa bo‘lsa;
-agar Siz hayotga xavfli pulsning buzilishini (ikki tomonlama yo‘nalgan qorinchalartaxikardiyasi) chaqirish qobiliyatiga ega bo‘lgan antiaritmik bo‘lmagan dorilarni qabul qilayotgan bo‘lsangiz;
-agar Sizda yurakning aortal klapanini torayishi (aortal stenoz) yoki kardiogen shok bo‘lsa (yurak organizmga yetarli miqdorda qon yetkazib beraolmaydigan xolat);
-agar Sizda yurak xuruji bo‘lgandan keyin yurak yetishmovchiligi bo‘lsa;
-agar Sizda arterial bosim juda past bo‘lsa (gipotenziya);
-agar Sizda qonda kaliyning miqdori past bo‘lsa;
-agar Sizda o‘tkir buyrak kasalliklari bo‘lsa;
-agar Siz gemodializ o‘tayotgan bo‘lsangiz;
-agar Sizda buyrak faoliyatini o‘rtacha buzilishi bo‘lsa (10 mg/2,5 mg/5 mg va 10 mg/2,5 mg/10 mg saqlovchi Tripliksam dozalari uchun);
-agar Siz homilador bo‘lsangiz va xomiladorlikning muddati 3 oydan ortiq bo‘lsa (shuningdek Tripliksamni homiladorlikning ilk bosqichlarida qabul qilishdan saqlanish kerak – Homiladorlik xaqida bo‘limiga qarang);
-agar Siz emizayotgan bo‘lsangiz;
-agar Sizda qandli diabet yoki buyrak faoliyatini buzilishi bo‘lsa va Siz aliskiren saqlovchi preparatlar bilan davolanayotgan bo‘lsangiz.
12. BOShQA PREPARATLAR BILAN O‘ZARO TAЪSIRI
Agar Siz har qanday boshqa dori vositalarini qabul qilayotgan, yaqinda qabul qilgan yoki qabul qilmoqchi bo‘lsangiz, bu haqida shifokorga yoki farmatsevtga xabar bering.
Agar Sizda qandli diabet yoki buyrak kasalliklari bo‘lsa, aliksirenni qabul qilmang (yuqori arterial bosimni davolash uchun qo‘llanadi).
Tripliksamni quyidagi preparatlaribilan birga qabul qilishdan saqlanish kerak
-litiy (maniya, maniakal-depressiv psixoz va qaytalanuvchi depressiyalar kabi ruhiy buzilishlarni davolash uchun qo‘llanadi);
-kaliyni tejovchi dori vositalari (masalan, triamteren, amilorid), kaliyli qo‘shimchalar yoki kaliy saqlovchi tuz o‘rnini bosuvchilar bilan;
-dantrolen (infuziya), anesteziya vaqtida xavfli gipertermiyani davolash uchun qo‘llanadi (sitmptomlariga juda yuqori harorat va mushaklarning rigidligi kiradi);
-estramustin (rakni davolash uchun qo‘llanadi);
-yuqori arterial bosimni davolash uchun qo‘llaniladigan boshqa preparatlari angiotenzinga-aylantiruvchi ferment ingibitori va angiotenzin retseptorlarining blokatorlari.
Tripliksam bilan davolashning samaradorligiga boshqa dori vositalari ta'sir qilishi mumkin. Shifokoringiz dozani o‘zgartirish va/yoki boshqa ehtiyotkorlik choralarini ko‘rish mumkin. Agar Siz quyidagi preparatlaridan biron-birini qabul qilayotgan bo‘lsangiz, shifokoringizni albatta xabardor qiling, chunki ularni qabul qilganda maxsus ehtiyotkorlikka rioya qilish kerak
-yuqori arterial bosimni davolash uchun boshqa dori vositalar, shu jumladan aliskiren siydik haydovchi preparatlar (siydik miqdorini oshiruvchi preparatlar);
-yurak yetishmovchiligini davolash uchun qo‘llanaladigan kaliyni tejovchi dori vositalar eplerenon va spirinolakton sutkada 12,5 mg dan to 50 mg gacha;
-anesteziyalovchi preparatlar;
-yod saqlovchi kontrast modda;
-bepridil (stenokardiyani davolash uchun qo‘llanadi);
-moksifloksatsin, sparfloksatsin (antibiotiklar infektsion kasalliklarni davolash uchun preparatlar);
-metadon (narkotik qaramlikni davolash uchun qo‘llanadi);
-dofetilid, ibutilid, bretiliy, sizaprid, prokainamid, xinidin, gidroxinidin, dizopiramid, amiodaron, sotalol (yurak aritmiyalarning davolash uchun);
-verapamil, diltiazem (yurak kasalliklarini davolash uchun dori vositalar);
-digoksin va boshqa yurak glikozidlari (yurak kasalliklarini davolash uchun dori vositalari);
-infektsiyalarni davolash uchun ayrim antibiotiklar (rifampitsin, eritromitsin, klaritromitsin) kabi;
-itrakonazol, ketokonazol, amfoteritsin V (zamburug‘larga qarshi vositalar) in'ektsiya orqali yuborilganda;
-allopurinol (podagrani davolash uchun);
-mizolastin, terfenadin yoki astemizol (pichan isitmasi yoki allergiyani davolash uchun antigistamin preparatlar);
-turli holatlarni, shu jumladan og‘ir astma va revmatoid artritni davolash uchun qo‘llaniladigan kortikosteroidlar, shuningdek nosteroid yallig‘lanishga qarshi vositalar (masalan, ibuprofen) yoki salitsilatlarning yuqori dozalari (masalan, atsetilsalitsil kislotasi);
-autoimmun buzilishlarni yoki a'zolar ko‘chirib o‘tkazish operatsiyalaridan keyin ko‘chib ketishni oldini olish uchun qo‘llanadigan immunodepressantlar (masalan, siklosporin, takrolimus);
-tetrakozaktid (Kron kasalligini davolash uchun);
-oltin xloridining natriyli tuzi, ayniqsa, vena ichiga yuborilganda (revmatoid artrit davolash uchun qo‘llanadi);
-galofantrin (bezgakning ayrim turlarini davolash uchun qo‘llanadi);
-baklofen (ko‘p sonli skleroz kabi kasalliklarda mushaklar rigidligini davolash uchun qo‘llanadi);
-insulin va metformin kabi qandli diabetni davolash uchun dori vositalar;
-kaltsiy, shu jumladan kaltsiyli qo‘shimchalar;
-surgi vositalari (masalan, sano);
-rakni davolash uchun preparatlar;
-vinkamin (keksa patsiyentlarda kognitiv buzilishlarni, shu jumladan xotirani yo‘qotilishini simptomatik davolash uchun qo‘llanadi);
-depressiya, xavotirlik, shizofreniya kabi ruhiy buzilishlarni davolash uchun preparatlar (masalan, tritsiklik antidepressantlar, antipsixotik preparatlar, imipraminga o‘xshash antidepressantlar, neyroleptiklar);
-pentamidin (pnevmoniyalar ayrim turlarini davolash uchun qo‘llanadi);
-ritonavir, indinavir, nelfinavir (OITV davolash uchun qo‘llanadigan proteaza ingibitorlari deb nomlanuvchi preparatlar);
-teshik dalachoy (oddiy dalachoy);
-trimetoprim (infektsiyalarni davolash uchun);
-geparin (qonni ivuchanligini kamaytiruvchi preparat);
-past arterial bosim, shok xolatlar yoki astmani davolash uchun preparatlar (masalan, efedrin, noradrenalin yoki adrenalin);
-nitroglitserin va boshqa nitratlar, yoki arterial bosimni qo‘shimcha pasaytiruvchi boshqa qon tomirlarni kengaytiruvchi vositalar.
13. MAXSUS KO‘RSATMALAR
Ogohlantirishlar va ehtiyotkorlik choralari
Tripliksamni qabul qilishni boshlashdan oldin, shifokor, farmatsevt yoki xamshira bilan maslahatlashing
-agar Sizda gipertrofik kardiomiopatiya (yurak mushagining kasalligi) yoki buyrak arteriyasining stenozi (buyrakka qon keltiruvchi arteriyani torayishi) bo‘lsa;
-agar Sizda yurak yetishmovchiligi yoki yurak bilan bog‘liq har qanday muammolar bo‘lsa;
-agar Sizda yuqori arterial bosim (gipertonik kriz) bo‘lsa;
-agar Sizda jigar funktsiyasini buzilishi bo‘lsa;
-agar Sizda tizimli qizil yugirik yoki sklerodermiya kabi kollagenoz-tomir kasalliklari bo‘lsa;
-agar Sizla qon tomirlarning aterosklerozi bo‘lsa (qon tomirlarni devorini qallinlashishi);
-agar Sizga qalqonsimon bezi oldi bezlari funktsiyasini tekshirish uchun taxlil o‘tish kerak bo‘lsa;
-agar Sizda podagra bo‘lsa;
-agar Sizda qandli diabet bo‘lsa;
-agar Siz tuz cheklangan parhezda bo‘lsangiz yoki kaliy saqlovchi tuz o‘rnini bosuvchilarni ishlatsangiz (qonda kaliyning muvozanatlangan darajasi juda muhim);
-agar Siz litiy yoki kaliy tejovchi diuretiklarni (spirinolakton, triamteren) qabul qilayotgan bo‘lsangiz, chunki ularni Tripliksam bilan qo‘llashdan saqlanish kerak (“Boshqa preparatlar bilan birga qabul qilish” bo‘limiga qarang);
-agar Siz keksa odam bo‘lsangizva Sizning dozangizni oshirish kerak bo‘lsa;
-agar Sizda yorug‘likka sezuvchanlik reaktsiyasi paydo bo‘lgan bo‘lsa;
-agar Siz qora tanli odam bo‘lsangiz, Sizda angioedema paydo bo‘lishining extimoli yuqoriroq (yuz, lablar, og‘iz bo‘shlig‘i, til yoki tomoqni shishi, bu yutish va nafas olishda muammolar chaqirishi mumkin) va arterial bosimning pasayish samaradorligi pastroq bo‘lishi mumkin;
-agar Siz yuqori gidravlik o‘tkazuvchanligi bo‘lgan membranalarni ishlatish bilan gemodializ o‘tsangiz;
-agar Sizda buyrak kasalliklari bo‘lsa;
-agar Sizda qonda kislota darajasi yuqori bo‘lsa, bu nafas tez-tezligini oshishiga olib kelishi mumkin;
-agar Sizda bosh miyada qon aylanishining yetishmovchiligi bo‘lsa (bosh miyada qon bosimini pastligi);
-agar Sizda yuz, lablar, og‘iz bo‘shlig‘i, til va tomoq shishsa, bu yutish va nafasda qiyinchiliklarga olib kelishi mumkin (angionevrotik shish), bu davolashning har qanday vaqtida yuz berishi mumkin, darhol davolashni to‘xtating va shifokorga murojaat qiling.
-agar Siz gipertenziyani davolash uchun quyida sanab o‘tilgan preparatlardan birontasini qabul qilayotgan bo‘lsangiz
-“angiotenzin II retseptorlari blokatorlar” (ARB) (sartan nomi bilan ma'lum – masalan valsartan, telmisartan, irbesartan), xususan agar Sizda diabet bilan bog‘liq buyrak bilan muammolar bo‘lsa.
-aliskiren
Shifokor aniq bir vaqt oralig‘ida Sizda buyrak funktsiyasi, arterial bosim va elektrolitlar miqdorini (masalan kaliy) tekshirishi mumkin.
Shuningdek “Tripliksamni qo‘llamang” bo‘limidagi ma'lumotlarga ham qarang.
Shifokoringiz natriy yoki kaliyni past darajasini, yoki kaltsiyni yuqori darajasini tekshirish uchun, Sizga qon tahlilini buyurishi mumkin.
Agar Siz homiladorman deb o‘ylasangiz (yoki xomiladorlikni rejalashtirayotgan bo‘lsangiz) shifokorni xabardor qiling. Homiladorlikni erta bosqichida Tripliksam qabul qilish mumkin emas. Ushbu preparatni homiladorlikning 3-oyidan boshlab qabul qilish mumkin emas, chunki bu bolaga jiddiy zarar keltirishi mumkin (“Homiladorlik va emizish” bo‘limiga qarang).
Tripliksamni qabul qilishda Siz shifokorga yoki tibbiyot xodimiga albatta quyidagilar xaqida xabar berishingiz kerak
-agar Sizga anesteziya va/yoki jarroxlik operatsiya qilinadigan bo‘lsa;
-agar Sizda yaqinda diareya, qusish yoki organizm suvsizlanishi kuzatilgan bo‘lsa;
-agar Siz dializ yoki PZLP aferezini o‘tayotgan bo‘lsangiz (apparat yordamida qondan xolesterinni chiqarish);
-agar Siz asalari yoki arilarni chaqishiga bo‘lgan allergiya samaralarini kamaytirish uchun desensibilizatsiya davolash o‘tishni zarurligida;
-agar Siz tibbiy tekshiruvdan o‘tayotgan bo‘lsangiz, uning uchun yod saqlovchi kontrast moddani (ichki a'zolar, masalan, buyraklar yoki me'dani rentgen nurlari yordamida tekshirishga imkon beradigan moddalar) yuborish talab qilinsa.
Bolalar va o‘smirlar
Tripliksamni bolalar va o‘smirlarga buyurish mumkin emas.
Tripliksamni ovqat va ichimlik bilan qo‘shilishi
Tripliksamni qabul qilishda greypfrut sharbatini ichish yoki greypfrutni iste'mol qilish man etiladi. Bu greypfrut va greypfrut sharbati qonda amlodipinning faol ingrediyent kontsentratsiyasini oshishiga olib kelishi mumkin, bu Tripliksamning samarasini kutilmagan kuchayishini chaqirishi mumkinligi tufayli arterial bosimni pasayib ketishiga olib keladi.
Homiladorlik va emizish
Agar Siz homilador bo‘lsangiz yoki emizsangiz, ehtimol homiladorman deb o‘ylasangiz, yoki homiladorlikni rejalashtirayotgan bo‘lsangiz, ushbu preparatni qabul qilishdan oldin shifokor yoki farmatsevt bilan maslahatlashing.
Homiladorlik
Agar Siz homiladorman deb o‘ylasangiz (yoki xomiladorlikni rejalashtirayotgan bo‘lsangiz) shifokorga xabar berish kerak.
Odatda bunday vaziyatda shifokor Siz homilador bo‘lishingizdan oldin yoki Siz homiladorligingizni bilganingiz zaxoti, Tripliksamni qabul qilishni to‘xtatishni tavsiya etadi, va Sizga Tripliksam o‘rniga boshqa preparatni qabul qilishni tavsiya etadi. Tripliksam homiladorlikning ilk muddatlarda bosqichida tavsiya etilmaydi. Ushbu preparatni homiladorlikning muddati 3 oydan ortiq bo‘lsa, uni qabul qilish mumkin emas, chunki homiladorlikning 3 oyligidan keyin uni qabul qilish bolaga jiddiy zarar qilishi mumkin.
Emizish
Agar Siz emizsangiz yoki emizishni boshlamoqchi bo‘lsangiz, darhol bu xaqida shifokorga xabar bering. Tripliksam emizikli ayollar uchun tavsiya etilmagan; agar Siz emizmoqchi bo‘lsangiz, ayniqsa Sizning bolangiz endigina tug‘ilgan bo‘lsa yoki chala tug‘ilgan bo‘lsa, shifokoringiz Siz uchun boshqa davolashni tanlashi mumkin.
Avtotransport haydash va mexanizmlarni boshqarish qobiliyati
Tripliksam avtotransportni haydash yoki mexanizmlarni boshqarish qobiliyatiga ta'sir qilishi mumkin. Agar tabletkadan Siz yomon bo‘lsangiz, preparat bosh aylanishni, toliqishni yoki bosh og‘rig‘ini keltirib chaqirsa, avtotransportni yoki mexanizmlarni boshqarmang va zudlik bilan shifokoringizga murojat qiling.
14. DOZANI OShIRIB YuBORILIShI
Tabletkalarning juda katta miqdorini qabul qilish arterial bosimni keskin va xatto xavfli kuchli pasayib ketishiga olib kelishi mumkin, bu ko‘ngil aynishi, qusish, spazmlar, bosh aylanishi, uyquchanlik, ongni chalkashishi, oliguriya (siydikni kam chiqarilishi), anuriya (siydikni ishlab chiqarilishini yoki o‘tishini yo‘qligi) chaqirishi mumkin. Siz bosh aylanishi, hushdan ketish oldi xolati yoki kuchsizlik xis qilishingiz mumkin. Arterial bosimni haddan ziyod pasayib ketishida shok xolati yuz berishi mumkin. Sizning teringiz sovuq va yopishqoq bo‘lishi mumkin va Siz xushingizni yo‘qotishingiz mumkin. Tripliksam tabletkalarining juda katta miqdori qabul qilgan xolda, darxol tibbiy yordamga murojaat qiling.
15. SAQLASh BO‘YIChA TAVSIYaLAR
Ushbu preparatni bolalar ko‘rmaydigan va ololmaydigan joyda saqlansin.
Ushbu preparatni karton qutida yoki o‘ramida ko‘rsatilgan yaroqlilik muddati o‘tganidan keyin qabul qilinmasin.

Yaroqlilik muddati

qo‘rsatilganda ko‘rsatilgan oyning oxirgi kuni nazarda tutiladi.
Ushbu preparatni 30°C dan yuqori haroratda saqlanmang.
O‘ramda plyonka qobiq bilan qoplangan 30 tabletka holida, o‘ram ochilganidan keyin yaroqlilik muddati 30 kunga teng.
O‘ramda plyonka qobiq bilan qoplangan 100 tabletka xolida, o‘ram ochilganidan keyin yaroqlilik muddati 100 kunga teng.
Har qanday dori vositalarini oqar suvlarga yoki maishiy chiqindilarga tashlamang. Sizga boshqa bo‘lmagan dorilardan qanday holi bo‘lishni farmatsevtdan so‘rang. Bu choralar atrof-muhitni ximoyalashga qaratilgan.
16. YaROQLILIK MUDDATI
24 oy.
17. SOTISh TARTIBI
Tibbiy preparat shifokor retsepti bo‘yicha beriladi.
18. IShLAB ChIQARUVChINING NOMI VA MANZILI
Qayd etish guvohnomasining egasi
Les Laboratories Servier / Le Laboratuar Servye
50, rue Carnot
92284 Suresnes cedex
France - Frantsiya