Preparatning savdo nomi
Amizon
Ta'sir qiluvchi modda (XPN) Amizon (enisamum yodid)

Dori shakli
Qobiq bilan qoplangan tabletkalar

Tarkibi

1 tabletka saqlaydi
Faol modda 125 mg (0,125 g) yoki 250 mg (0,25 g) amizon (enisamium yodid).
Yordamchi moddalar laktoza monogidrati, mikrokristallik sellyuloza, povidon, natriy kroskarmelloza, kaltsiy stearati;
Qobig‘i OPADRY II Clear 85F19250 (polietilenglikol, polisorbat 80, polivinil spirti, talk).
Ta'rifi dumaloq shaklli, ikki yoqlama qavariq, sariq yoki sariq-yashil rangli, qobiq bilan qoplangan tabletkalar. Tabletkalarning yuzasida biroz dog‘lar bo‘lishiga yo‘l qo‘yiladi.

Farmakoterapevtik guruhi
tizimli qo‘llash uchun viruslarga qarshi vosita.
ATX kodi J05AX.


Farmakologik xususiyatlari

Amizon - izonikotin kislotasining hosilasi. Gripp virusiga ingibirlovchi ta'sir ko‘rsatadi, interferonogen xususiyatlarga ega, organizmning virusli infektsiyalarga rezistentligini oshiradi, yallig‘lanishga qarshi, isitmani tushiruvchi va og‘riqni qoldiruvchi ta'sirga ega.
Amizonning viruslarga qarshi ta'siri, uni gripp virusining gemagglyutininlariga bevosita ta'siri bilan bog‘liq, buning oqibatida virion keyingi replikatsiya uchun nishon-xujayralarga birikish qobiliyatini yo‘qotadi.
Yallig‘lanishga qarshi ta'siri xujayra lizosomal membranalarni barqarorlashishi, bazofillarning degranulyatsiyasini sekinlashishi, antioksidant ta'siri, prostaglandinlar, siklik nukleotidlar darajasini va yallig‘lanish o‘chog‘ida energiya almashinishini normallashishini natijasi hisoblanadi. Bu vositaning isitmani tushiruvchi ta'siri miyaning termoregulyatsiya markazlariga ta'siri bilan bog‘liq. Preparatning og‘riqni qoldiruvchi ta'siri miya ustunining retikulyar formatsiyasi orqali amalga oshiriladi.
Amizon persistirlovchi immunitetni qon plazmasida endogen interferon darajasini 3-4 marta oshirish, lizotsimni va infektsiyalarning qo‘zg‘atuvchilariga antitelolar titrini oshirish, shuningdek xujayraviy - T-limfotsitlar va maktofaglarning funktsional faolligini rag‘batlantirish hisobiga kuchaytiradi. Ushbu vosita endogen interferonning kuchli induktori hisoblanadi.
Peroral qabul qilinganidan keyin Amizon qonga tez tushadi, uning qondagi maksimal kontsentratsiyasi qabul qilinganidan keyin 2-2,5 soat o‘tgach kuzatiladi. Yarim chiqarilish davri 13,5-14 soatni tashkil qiladi, jigarda metabolizmga uchraydi, lekin to‘qimalardan tez chiqariladi (yarim chiqarilish davri 2-3 soatni tashkil qiladi). Organizmda 90-95% siydik bilan metabolitlari ko‘rinishida chiqariladi.


Qo‘llanilishi

-Kasalliklarni davolash va oldini olish gripp va virusli respirator infektsiyalar; infektsion mononukleoz; qizamiq, suvchechak, parotit infektsiya; fellinoz (mushuk tirnashi kasalligi); A, Ye gepatitlarini nospetsifik ximioprofilaktikasi;
-majmuaviy davolash tarkibida virusli, virusli-bakterial va bakterial pnevmoniya va angina; erizipeloidning teri-bo‘g‘imli shakli; virusli etiologiyali meningit va meningoentsefalit; gerpetik infektsiya; A, Ye gepatitlari; osteoxondroz, umurtqalararo disklarning churralari, artritlar, nevralgiyalardagi og‘riq sindromlari.


Qo‘llash usuli va dozalari

Amizon ichga, ovqatdan keyin, chaynamasdan qabul qilinadi. Maksimal bir martalik doza - 1000 mg, sutkalik - 2000 mg. Kasallikning og‘irligi va etiologiyasiga qarab, tavsiya etilgan davolash kursi - 5 kundan 30 kungachani tashkil qiladi.
Gripp va boshqa respirator infektsiyalar
Davolash. Kattalar va 12 yoshdan oshgan bolalarga 250-500 mg dan sutkada 2-4 marta 5-7 kun davomida buyuriladi; 6 yoshdan 12 yoshgacha bo‘lgan bolalarga 125 mg dan sutkada 2-3 marta
5-7 kun davomida buyuriladi.
Oldini olish. Kattalar va 16 yoshdan oshgan bolalarga - sutkada 250 mg dan 3-5 kun davomida, keyinchalik - 250 mg dan 2-3 sutkada 1 marta 2-3 hafta davomida; 6-12 yoshli bolalarga - 125 mg dan kunora 2-3 hafta davomida; 12 yoshdan 16 yoshgacha bolalarga - 250 mg dan kunora 2-3 hafta davomida buyuriladi.
Meningoentsefalitda kattalarga Amizon 250 mg dan sutkada 3 marta 10 kun davomida buyuriladi.
Qizamiq, qizilcha, suvchechakni davolash uchun kattalar va 16 yoshdan oshgan bolalarga - 500 mg dan sutkada 3 marta; 6-7 yoshli bolalarga - 125 mg dan sutkada 3 marta; 8-12 yoshli bolalarga - 125 mg dan sutkada 4 marta; 13-14 yoshli bolalarga - 250 mg dan sutkada 3 marta; 14-16 yoshli bolalarga - 250 mg dan sutkada 4 marta buyuriladi.
Parotit infektsiyasini davolash uchun kattalar va 14 yoshdan oshgan bolalarga kasallikning o‘rtacha og‘irligida 250 mg dan sutkada 4 marta va og‘ir kechishida 500 mg dan sutkada 3 marta 6-7 kun davomida buyuriladi; 12-14 yoshli bolalarga 250 mg dan sutkada
3-4 marta 6-7 kun davomida buyuriladi.
Parotit infektsiyasini nospetsifik ximioprofilaktikasida kattalarga 250 mg dan sutkada 2 marta 10-14 kun davomida buyuriladi.
O‘rtacha og‘irlikdagi infektsion mononukleozda kattalar va 12 yoshdan oshgan bolalarga - 250 mg Amizon sutkada 3-4 marta va 6 yoshdan 12 yoshgacha bolalarga - 125 mg dan sutkada
3 marta buyuriladi. Og‘ir kechishida birinchi 2-3 kunlari kattalar va 12 yoshdan oshgan bolalarga - sutkada 1500-2000 mg, 6 yoshdan 12 yoshgacha bolalarga - sutkada 1000 mg. Klinik samaraga erishilgandan keyin dozani ikki marta kamaytirish mumkin.
Fellinozni davolash uchun kattalar va 14 yoshdan oshgan bolalarga o‘rtacha og‘irligida 250 mg dan sutkada 3-4 marta va kasallikni og‘ir shaklida 500 mg dan sutkada 3 marta buyuriladi. 6-9 yoshli bolalarga - 125 mg dan sutkada 3 marta; 10-14 yoshli bolalarga - 125 mg dan sutkada 4 marta buyuriladi.
Erizipeloidning teri-bo‘g‘imli shaklida kattalarga - 500 mg dan sutkada 3 marta 7-14 kun davomida buyuriladi.
A, Ye virusli gepatitlar. Majmuaviy davolashda kattalarga - 250 mg dan sutkada 3 marta birinchi 5 kun davomida buyuriladi. Nospetsifik ximioprofilaktika uchun kattalarga - 250 mg dan sutkada 3 marta buyuriladi.
Pnevmoniyalarni majmuaviy davolashda kattalarga - 250 mg dan sutkada 3 marta 10-15 kun davomida buyuriladi.
Anginalarni majmuaviy davolashda kattalarga - 250 mg dan sutkada 3-4 marta 5 kun davomida kasallikni o‘rtacha og‘irligida; kasallikni og‘ir kechishida 500 mg dan sutkada
3-4 marta 7 kun davomida buyuriladi.
Og‘riq sindromlarida kattalarga 250-500 mg dan sutkada 3-4 marta qo‘llanadi.

Nojo‘ya ta'sirlari
Allergik reaktsiyalar o‘ta yuqori sezuvchanlik reaktsiyalari, shu jumladan teri toshmalari, eshakemi, angionevrotik shish, qichishish.
Ovqat hazm qilish tizimi tomonidan og‘izda quruqlik va achchiq ta'm hissi, og‘iz bo‘shlig‘i shilliq qavatini shishi, gipersalivatsiya, tilni sariq rangga bo‘yalishi, ko‘ngil aynishi, qusish, jig‘ildon qaynashi, qorin og‘rig‘i, o‘ng qovurg‘a ostida og‘irlik, diareya, qorinni dam bo‘lishi
Nafas tizimi tomonidan hansirash, tomoqni ta'sirlanishi.
Postregistratsion davrda yakka hollarda quyidagi nojo‘ya reaktsiyalar aniqlangan bosh og‘rig‘i, bosh aylanishi, kuchsizlik, arterial bosimni o‘zgarib turishi.


Qo‘llash mumkin bo‘lmagan holatlar

Yod preparatlari va preparatning boshqa komponentlariga yuqori sezuvchanlik. Allergenning tabiatidan qatiy nazar, anamnezdagi allergik reaktsiyalar. Jigar va buyraklarning og‘ir organik shikastlanishlari. Homiladorlik I uchoyligi, 6 yoshgacha bo‘lgan bolalar (ushbu shakli uchun)

Dorilarning o‘zaro ta'siri
Amizon antibakterial va immunomodulyator vositalarning ta'sirini kuchaytiradi. Ushbu preparatni askorbin kislotasi va boshqa vitaminlar bilan majmuasi maqsadga muvofiq hisoblanadi. Shuningdek Amizonni rekombinant interferonni ishlatish bilan bir vaqtda buyurish mumkin.


Maxsus ko‘rsatmalar

Qalqonsimon bezi kasalliklari bo‘lgan patsiyentlarda, ayniqsa gipertireozda preparatni ehtiyotkorlik bilan buyurish kerak.
Preparat laktoza saqlaydi, shuning uchun galaktozani o‘zlashtiraolmaslikni, laktaza yetishmovchiligini yoki glyukoza-galaktozani kam so‘rilish sindromini kam uchraydigan nasliy shakllari bo‘lgan patsiyentlarda preparatni qo‘llash mumkin emas.
Homiladorlik yoki emizish davrida qo‘llanishi. Preparatni homiladorlikning I uch oyligida qo‘llash mumkin emas. Homiladorlikni II va III uch oyliklarida faqat shifokor ko‘rsatmasi bo‘yicha qo‘llash mumkin. Emizikli ayollarda qo‘llash bo‘yicha ma'lumotlar yo‘q.
Bolalar. Preparat bu dori shaklida 6 yoshgacha bo‘lgan bolalarni davolash uchun qo‘llanmaydi.
Avtotransportni boshqarish yoki mexanizmlar bilan ishlashda reaktsiya tezligiga ta'sir qilish qobiliyati. Amizon preparatini qabul qilish avtotransportni boshqarish yoki boshqa mexanizmlar bilan ishlash qobiliyatiga ta'sir qilmaydi.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.


Dozani oshirib yuborilishi

Amizonning dozasini oshirib yuborilish hollari haqida xabar berilmagan. Doza oshirib yuborilganida nojo‘ya reaktsiyalarining ko‘rinishlarini kuchayishi mumkin shilliq qavatlarni jigarrang rangga bo‘yalishi, qusish, qorin og‘rig‘i va diareya. Shishlar, eritema, xusnbuzarsimon va bullez toshmalar, isitma rivojlanishi mumkin.
Davolash me'dani yuvish, simptomatik davolash.


Chiqarilish shakli

10 yoki 20 tabletkadan blisterda. 1 blisterdan qutida.


Saqlash sharoiti

Yorug‘likdan himoyalangan joyda, 25°C dan yuqori bo‘lmagan haroratda saqlansin.


Yaroqlilik muddati

3 yil.


Dorixonalardan berish tartibi

Retseptsiz.