Midoptik ko‘z tomchilari 2.5% 10ml №1

Preparatning savdo nomi

Midoptik.
Ta'sir qiluvchi modda (XPN) fenilefrin.

Dori shakli

2,5% li ko‘z tomchilari.

Tarkibi

Faol modda fenilefrin gidroxloridi – 0,25 g;
Yordamchi moddalar borat kislotasi – 0,05 g, natriy metabisulfiti – 0,004 g, dinatriy edetati – 0,0005 g, konservant – benzalkoniy xloridi – 0,001 g, in'ektsiya uchun suv –
10 ml gacha.
Ta'rifi rangsiz yoki sarg‘ish tusli tiniq suyuqlik.

Farmakoterapevtik guruhi

alfa-adrenomimetik, vazokonstriktor vosita.
ATX kodi S01FB01

Farmakologik xususiyatlari

Alfa-adrenergik retseptorlarni rag‘batlantiruvchi, to‘g‘ridan-to‘g‘ri ta'sirga ega sintetik simpatomimetik amindir. Ko‘z qorachig‘i dilatatorining alfa-adrenoretseptorlariga ta'sir qilib, qorachiqni kengaytiradi va akkomodatsiyaga ta'sir qilmaydi; kon'yunktiva arteriolalarining alfa-adrenoretseptorlariga ta'sir qilib, arteriolalarni torayishini chaqiradi. Fenilefrin kipriksimon mushakka biroz ta'sir qilganligi sababli, midriaz sikloplegiyasiz ro‘y beradi. Ochiq burchakli glaukomada miotiklar bilan majmuada ko‘z ichki bosimini pasaytirishi mumkin.
Maksimal midriazga erishish vaqti 15-60 minut.
Ta'sir davomiyligi 1-3 soatni tashkil qiladi.

Farmakokinetikasi

Mahalliy qo‘llanganidan so‘ng fenilefrin tizimli so‘rilishi, simpatomimetik samarani namoyon etishi mumkin.
Preparat mahalliy qo‘llash uchun mo‘ljallangan va uning faolligi qon plazmasidagi faol moddalarning kontsentratsiyasi bilan mos kelmaydi.

Qo‘llanilishi

Intraokulyar jarrohlikda qorachiqni kengaytirish; diagnostik tekshirishlarda oftalmoskopiyani, retinoskopiyani, refraktsiyani o‘tkazish; sinexiyalar bilan asoratlangan uveitlarni davolash; sinexiyalarni oldini olishda qo‘llanadi.

Qo‘llash usuli va dozalari

Midriaz va vazokonstriktsiya qilish maqsadida – 1 tomchidan buyuriladi, zarurat bo‘lganida 1 soatdan keyin takrorlanadi. Sinexiyalar bilan asoratlangan uveitlarni davolashda va sinexiyalarni oldini olishda – 1 tomchidan kuniga ko‘pi bilan 3 marta buyuriladi.
Zarurat bo‘lganida davolash kelasi kuni takrorlanadi.
Jarrohlik aralashuvidan oldin 1 tomchidan operatsiyadan 30-60 minut oldin.
Oftalmoskopiyada 1 tomchidan tekshiruvdan 15-30 minut oldin.
Nojo‘ya ta'sirlari
Mahalliy reaktsiyalar allergik reaktsiyalar (ko‘zni achishishi, sanchiq, kon'yunktiva giperemiyasi), qoshning yuqori sohasida og‘riq, ko‘z yoshini oqishi, fotosezuvchanlik.
Tizimli reaktsiyalar bosh aylanishi, bosh og‘rig‘i, taxikardiya, arterial bosimni oshishi, kuchli terlash, oqarish, xavotirlik.

Qo‘llash mumkin bo‘lmagan holatlar

Fenilefrin va sulfitlarga yuqori sezuvchanlik, yuqori qorinchalari fibrillyatsiyasi, angiospazmlarga moyillik, bosh miya qon aylanishini jiddiy buzilishlari, dekompensatsiyalangan yurak yetishmovchiligi, YuIK og‘ir shakllari, feoxromotsitoma, gipertireoz, og‘ir ateroskleroz, yopiq burchakli glaukoma, yangi tug‘ilgan chaqaloqlik davri (tana vazni kichik bo‘lgan bolalar uchun).
Ehtiyotkorlik bilan stenokardiya III-IV funktsional sinfi, qandli diabet, arterial gipertenziya, idiopatik ortostatik arterial gipotenziya, homiladorlik, laktatsiya davri, keksalik yoshi, 12 yoshgacha bo‘lgan bolalar.
Dorilarning o‘zaro ta'siri
Qon tomirlarni toraytiruvchi (pressor) samarasini kuchayishi tritsiklik antidepressantlarni, maprotilin, MAO ingibitorlari, shu jumladan furazolidon, prokarbazin va selegilin bir vaqtda buyurilganida kuzatilishi mumkin.
Guanadrel yoki guanetidin midriatik va pressor samarani kuchayishi, arterial bosimni oshishi va aritmiyalarni rivojlanish xavfini chaqiradi.
Mahalliy anestetik butakain bilan farmatsevtik jihatdan nomutanosib.

Maxsus ko‘rsatmalar

Preparatni qo‘llash davrida avtotransportni boshqarish va diqqatni yuqori jamlash hamda psixomotor reaktsiyalar tezligini talab etuvchi potentsial xavfli faoliyat turlari bilan shug‘ullanishdan saqlanish lozim.
Kontakt linzalarini taqadigan shaxslarga, ularni taqib yurgan vaqtda preparatni tomizish qilish mumkin emas.
Tizimli so‘rilishni kamaytirish uchun eritmani instillyatsiya qilinganidan so‘ng kon'yunktiva qopchasini 2-3 minut bosib turish kerak.
Preparat keksa yoshdagi shaxslarda qo‘llanganida ehtiyotkorlikka rioya qilish kerak, chunki tizimli nojo‘ya ta'sirlari ko‘proq shu yosh toifasida rivojlanadi.
Ko‘z tomchilarini bolalarda va keksa yoshdagi patsiyentlarda takroriy qo‘llash aks samaraga – miozga va midriatik samarani susayishiga olib kelishi mumkin.
Fenilefrinni MAO ingibitorlarini olayotgan yoki uni bundan oldingi 3 hafta davomida olgan patsiyentlarga buyurilganda ehtiyotkorlikka rioya qilish kerak, chunki ular simpatomimetiklarning adrenergik ta'sirlari yaqqolligini kuchaytirishi va yurak qon-tomir tizimi tomonidan bo‘ladigan nojo‘ya ta'sirlarining paydo bo‘lishi xavfini oshirishi mumkin.
Homiladorlik va laktatsiyada qo‘llanilishi
Emizikli onalarga va homiladorlikda ehtiyotkorlik bilan buyurilsin.
Gipotrofiyali bolalarga buyurish tavsiya etilmaydi.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Mahalliy qo‘llanganida odatda tizimli nojo‘ya reaktsiyalar yuz bermaydi, shunday bo‘lsada, keragidan ortiq dozalarda, ayniqsa uzoq vaqt qo‘llanganida, yurak ritmini buzilishi, arterial bosimni oshishi, uyqusizlik, qo‘zg‘alish, oqarish kuzatilishi mumkin.
Spetsifik davolash gipertenziv ta'sirida fentolamin kabi alfa-adrenoblokatorlarni 5-10 mg v/i, zarurat bo‘lganida takroran, yuborish mumkin.

Chiqarilish shakli

10 ml dan polietilen flakon-tomchilagichlarda.
10 flakon-tomchilagich karton blokda.

Saqlash sharoiti

8oS dan 25oS gacha bo‘lgan haroratda.

Yaroqlilik muddati

2 yil. Ochilganidan keyin flakonning ichidagisi bir oy davomida ishlatilsin.

Dorixonalardan berish tartibi

Retsept bo‘yicha.

Ishlab chiqaruvchi

«Likvor» YoAJ, Armeniya, Yerevan
Tel. 37460 378800
E-mail info@liqvor.com