Slezol forte ko'z tomchilari 15ml №1

Preparatning savdo nomi

Slezol Forte
Ta'sir etuvchi moddalar (XPN) Gipromelloza + dekstran

Dori shakli

Ko‘z tomchilari.

Tarkibi

1 ml preparat quyidagilarni saqlaydi
faol moddalar dekstran 70 – 1 mg, gipromelloza – 3 mg.
yordamchi moddalar benzalkoniy xloridi, natriy xloridi, kaliy xloridi, natriy tetraborat, natriy gidroksidi va/yoki xlorid kislotasi, in'ektsiya uchun suv.
Ta'rifi tiniq rangsiz eritma.

Farmakoterapevtik guruhi

Sun'iy ko‘z yoshlari va boshqa indifferent preparatlar.
ATX kodi S01XA20
Farmakologik hususiyatlari

Farmakodinamika

Preparatning tarkibiga kiruvchi dekstran 70 va gipromelloza suvda eruvchan polimer tizim bo‘lib, ko‘z yoshi suyuqligi bilan aralashganida shox pardani namlanishiga yordam beradi. Ko‘z yoshi suyuqligining tabiiy komponentlari bilan o‘zaro ta'sir qilishi hisobiga ushbu tizim ko‘zning shox pardasi yuzasida ko‘z yoshi pardasini hosil qiladi, uning barqarorligi so‘rilishi orqali ushlanib turadi.
Preparat ko‘z yoshi pardasining barqarorligini oshiradi. Polimer tizim shox pardani tabiiy namlovchi rolini bajaradi va eritmaning qovushqoqligi yuqori emasligiga qaramay, ko‘zlarda preparatni ushlanib turish vaqtini uzayishiga yordam beradi. Shox parda yuzasi bilan kontakt burchagi kamayishi (18-21o) hisobiga (normal tuzlanish indeksi = 48-52o) preparat shox pardaning namligini oshiradi. U shuningdek ko‘z yoshi pardasining chidamliligini ham oshiradi. Bu holat ko‘z yoshi pardasini yorilish vaqtini aniqlash yuzasidan o‘tkazilgan ko‘p sonli tadqiqotlarda tasdiqlangan.

Farmakokinetikasi

Dekstran 70 ning farmakokinetikasi to‘g‘risida ma'lumotlar yo‘q.
Gipromelloza katta molekulyar massaga (86000 dalьton) ega, shuning uchun u ko‘zning yuzasi orqali va ovqat hazm qilish yo‘llarida so‘rilmaydi, va shunday ekan tizimli qon oqimiga o‘tmaydi.
Gipromelloza sellyulozaning modifikatsiyalangan shakli bo‘lib, u o‘simliklarning asosiy komponenti hisoblanadi (yog‘ochda va barglarda saqlanadi). Odam organizmida sellyulozani metabolizmida yoki uni parchalanishida ishtirok etishi mumkin bo‘lgan fermentlar mavjud emas. Shu boisdan gipromelloza tizimli qon oqimiga o‘tmaydigan, farmakologik faollikka ega bo‘lmagan va odam organizmida metabolizmga uchramaydigan inert modda hisoblanadi.

Qo‘llanilishi

—quruq ko‘zlar sindromida;
—ko‘z yoshi suyuqligini yetarlicha sekretsiya bo‘lmasligida;
—ko‘z yoshi pardasini beqarorligida qo‘llanadi.

Qo‘llash usuli va dozalari

Dozalash tartibi

Zaruratga qarab shikastlangan ko‘zning (ko‘zlarning) kon'yunktivasiga eritma 1-2 tomchidan tomiziladi.
Eritmani instillyatsiyasidan keyin tizimli so‘rilishini kamaytirish maqsadida qovoqlarni yumish va ko‘zning ichki burchagidagi ko‘z yoshi qopchasini barmoq bilan 2 minut davomida bosish tavsiya etiladi.
Qo‘llash usuli
Preparat oftalьmologiyada faqat mahalliy qo‘llash uchun mo‘ljallangan.
Himoya qalpoqchasi yechilgandan keyin preparatni tomizishdan avval flakondan himoya xalqasini olib tashlang.
Flakonning ichidagisi va tomchilarni mikroorganizmlar bilan kontaminatsiyasini oldini olish uchun tomchilagichning uchligini ko‘zlar bilan va atrofdagi to‘qimalar bilan, shuningdek boshqa yuzalar bilan kontaktda bo‘lishidan saqlanish kerak.
Preparat qo‘llanganidan so‘ng flakonni yaxshilab yopish lozim.
Nojo‘ya ta'sirlari
Havfsizlik profilini qisqacha ta'rifi
Klinik tadqiqotlarda ko‘rish o‘tkirligini buzilishi kabi nojo‘ya reaktsiya eng ko‘p kuzatilgan.
Klinik tadqiqotlarda qayd etilgan va postmarketing davrda spontan xabarlarda kuzatilgan nojo‘ya reaktsiyalar quyida MedDRA bo‘yicha a'zolar tizimlari - a'zolar sinflariga muvofiq sanab o‘tilgan. Nojo‘ya reaktsiyalarni uchrash tezligini ko‘rsatkichlari quyidagi tarzda aniqlanadi juda tez-tez (≥ 1/10); tez-tez (≥ 1/100, ammo <1/10); tez-tez emas (≥ 1/1000, ammo < 1/100); kam hollarda (≥ 1/10000, ammo < 1/1000); juda kam hollarda (< 1/10000); uchrash tezligi noma'lum (mavjud ma'lumotlar asosida baholash mumkin emas). Har bir uchrash tezligi guruhlarida nojo‘ya reaktsiyalar og‘irligini kamayish tartibida taqdim etilgan.
Immun tizimi tomonidan uchrash tezligi noma'lum – yuqori sezuvchanlik reaktsiyalari.
Nerv tizimi tomonidan tez-tez emas – bosh og‘rig‘i.
Ko‘rish a'zolari tomonidan juda tez-tez – ko‘rish o‘tkirligini buzilishi; tez-tez – ko‘zlarni quruqligi (doimiy avj olib turuvchi), qo‘voqlar tomonidan kuzatilgan buzilishlar, ko‘zlarda anomal hislar, ko‘zlarda yod jism hissi, ko‘zlarda diskomfort hissi; tez-tez emas – fotofobiya, ko‘zlarni gipesteziyasi, ko‘zlarni qichishishi, ko‘zlarni ta'sirlanishi, ko‘zlarni giperemiyasi; uchrash tezligi noma'lum – qovoqlarni giperemiyasi, ko‘zlarni shishi, ko‘zlarda og‘riq, ko‘zlardan ajralma ajralishi, qovoqlarning chetlarida qatqaloq hosil bo‘lishi, ko‘z yoshi oqishini kuchayishi.
Umumiy buzilishlar va yuborilgan joydagi buzilishlar tez-tez emas – diskomfort hissi.
Shubha qilingan nojo‘ya reaktsiyalar xaqida xabarlar
Dori vositasi ro‘yxatdan o‘tkazilgandan keyin shubha qilingan nojo‘ya reaktsiyalar xaqida habarlar muhim hisoblanadilar. Patsiyentda dori vositasiga nisbatan jiddiy nojo‘ya reaktsiya aniqlanganida yoki ushbu bo‘limda ta'riflanmagan yangi nojo‘ya reaktsiya paydo bo‘lganida Milliy farmakologik nazorat tizimiga muvofiq ravishda axborot berishingizni so‘raymiz.

Qo‘llash mumkin bo‘lmagan holatlar

Preparatning faol moddalariga yoki yordamchi moddalaridan birortasiga yuqori sezuvchanlikda preparatni qo‘llash mumkin emas.
Dorilarning o‘zaro ta'siri
Dorilarning o‘zaro ta'sirini o‘rganish yuzasidan tadqiqotlar o‘tkazilmagan.
Preparatni boshqa oftalьmologik vositalar bilan birga qo‘llash zarurati tug‘ilganida, instillyatsiyalar o‘rtasidagi oraliq kamida 5 minutni tashkil etishi kerak. Ko‘z surtmalari oxirgi navbatda qo‘llanishi lozim.

Maxsus ko‘rsatmalar

Preparat in'ektsiya yo‘l orqali yuborish yoki ichga qabul qilish uchun mo‘ljallanmagan.
Eritma xiralashganida yoki rangi o‘zgarganida preparatni ishlatish mumkin emas.
Preparat 3 kun davomida qo‘llangan holatlarda patsiyentning ahvoli yaxshilanmasa yoki kechish og‘irligi kuchaysa, shuningdek bosh og‘rig‘i, ko‘zlarda og‘riq, ko‘rish funktsiyasini buzilishi, ko‘zlarni ta'sirlanishi yoki barqaror qizarishi rivojlanganida preparatni qo‘llashni to‘xtatish va shifokor bilan maslahatlashish kerak.
Yordamchi moddalar
Slezol Forte preparati ayniqsa quruq ko‘zlar sindromi yoki ko‘zning shox pardasini shikastlanishlari bo‘lgan patsiyentlarda ko‘zlarni ta'sirlantirishi mumkin bo‘lgan benzalkoniy xloridi konservantini saqlaydi. Preparat ishlatilganidan so‘ng g‘ayrioddiy hissiyotlar, ko‘zlarda sanchiq yoki og‘riq rivojlanganida shifokorga murojaat qilish kerak.
Benzalkoniy xloridi yumshoq kontakt linzalar tomonidan so‘rilishi va kontakt linzalarning rangini o‘zgartirishi mumkin. Preparatni tomizishdan avval kontakt linzalarni yechib turish va ularni taqishdan oldin, instillyatsiyadan so‘ng kamida 15 minut davomida kutib turish lozim.
Fertillik, homiladorlik va laktatsiya davrida qo‘llanishi
Homiladorlik
Ayollarda homiladorlik davrida preparatni qo‘llash yuzasidan muvofiq ma'lumotlar mavjud emas. Preparatning tarkibiga kiruvchi moddalar farmakologik faollikka ega emas, va odatda toksik va qitiqlovchi ta'sirlarga ega bo‘lmagan moddalar sifatida tasniflanadi, shuning uchun preparat ayollarda homiladorlik davrida ishlatilganida nojo‘ya reaktsiyalarni rivojlanishi kutilmaydi.
Ayollarda homiladorlik davrida Slezol Forte preparatini qo‘llash mumkin.
Laktatsiya
Preparatning tarkibiga kiruvchi moddalarni ko‘krak sutiga o‘tishi noma'lum. Ayollarda emizish davrida preparatni qo‘llash yuzasidan muvofiq ma'umotlar mavjud emas. Preparatning tarkibiga kiruvchi moddalar farmakologik faollikka ega emas, va odatda toksik va qitiqlovchi ta'sirlarga ega bo‘lmagan moddalar sifatida tasniflanadi, shuning uchun preparat ayollarda emizish davrida ishlatilganida nojo‘ya reaktsiyalarni rivojlanishi kutilmaydi.
Ayollarda emizish davrida Slezol Forte preparatini qo‘llash mumkin emas.
Fertillik
Fertillikka preparatning ta'siri yuzasidan muvofiq ma'lumotlar mavjud emas. Preparatning tarkibiga kiruvchi moddalar farmakologik faollikka ega emas, va odatda toksik va qitiqlovchi ta'sirlarga ega bo‘lmagan moddalar sifatida tasniflanadi, shuning uchun preparatni fertillikka ta'sir ko‘rsatishi kutilmaydi.
Avtotransportni haydash va mexanizmlarni boshqarish qobiliyatiga ta'siri
Preparat avtotransportni haydash va mexanizmlarni boshqarish qobiliyatiga ta'sir ko‘rsatmaydi yoki ahamiyatsiz ta'sir ko‘rsatadi. Har qanday ko‘z tomchilari qo‘llanganida bo‘lgani kabi, preparat ham qo‘llanganida ko‘rish o‘tkirligini buzilishi yoki avtotransportni haydash va mexanizmlarni boshqarish qobiliyatiga salbiy ta'sir ko‘rsatishi mumkin bo‘lgan boshqa ko‘rish funktsiyasini buzilishlari rivojlanishi mumkin; bunday holatlarda ko‘rish faoliyati butunlay tiklanmaguniga qadar avtotransportni haydash va mexanizmlarni boshqarish mumkin emas.

Dozani oshirib yuborilishi

Preparatning dozasini oshirib yuborilish holatlari xaqida xabar berilmagan.
Preparat mahalliy qo‘llanganida dozasi oshirib yuborilganida ko‘zlarni (ko‘zni) iliq suv bilan yuvish kerak.

Chiqarilish shakli

Ko‘z tomchilari 15 ml dan polietilen flakonlarda tiqin-tomchilagich yopilgan va himoya xalqasi bilan ta'minlangan buraladigan himoya qalpoqchasi bilan mahkamlangan.
1 flakon tibbiyotda qo‘llanilishiga doir yo‘riqnomasi bilan birga karton qutiga joylangan.

Saqlash sharoiti

25°C dan yuqori bo‘lmagan xaroratda saqlansin.
Bolalar ololmaydigan joyda saqlansin!
Muzlatilmasin.
Flakon ochilganidan so‘ng preparat 28 kun davomida ishlatilsin.

Yaroqlilik muddati

Ishlab chiqarilgan

sanadan boshlab 3 yil.

Yaroqlilik muddati

tugaganidan so‘ng qo‘llanilmasin.

Dorixonalardan berish tartibi

Retseptsiz beriladi.