Al'bunorm infuziya uchun eritma 20% 200g/l 50 ml

Preparatning savdo nomi

Albunormtm
Ta'sir qiluvchi modda (XPN) albumin

Dori shakli

infuziya uchun eritma 5% va 20%
Bir litr tarkibi
Faol modda plazma oqsillari (96% odam albuminidan kam emas) 50 mg, 200 mg,
Yordamchi moddalar 50 g200 g
Natriy144-160 mmol 144-160 mmol
Kaliy≤ 2,5mmol≤ 10 mmol
N-Atsetil-DL-triptofan3,2-4,8 mmol12,8-19,2 mmol
Kapril kislotasi3,2-4,8 mmol12,8-19,2 mmol
In'ektsiya uchun suv1,0 l gacha1,0 l gacha
Ta'rifi tiniq, deyarli rangsiz yoki sariq, qahrabo yoki ko‘kimtir rangli biroz qovushqoq suyuqlik.

Farmakoterapevtik guruhi

qon plazmasining preparatlari va plazma o‘rnini bosuvchi preparatlar.
ATX kodi V05AA01.

Farmakologik xususiyatlari

Albumin - organizmda qator funktsiyalarni bajaruvchi, plazma o‘rnini bosuvchi qon preparatidir. Uning asosiy vazifasi – qonning kolloidli-onkotik bosimini tutib turish. Albumin eritmalari OITV va gepatit viruslaridan holi bo‘lgan odam qoni, yo‘ldosh plazmasidan unifraktsiyalash yo‘li bilan tayyorlanadi. Albumin eritmasi turli genezli gipoalbuminemiyani to‘g‘rilash (plazma albumini tanqisligini to‘ldiradi), kolloidli-onkotik bosimni buzilgan markaziy va periferik gemodinamikasini (to‘qima suyuqligini qon tomir xavzasiga o‘tishini oshishi hisobiga, arterial bosimni (AB) va aylanayotgan plazma hajmini (APX) tez oshiradi), suv-elektrolit muvozanatini tiklash yuzasidan samarali vositasidir, dori vositalarini yaxshi o‘zlashtirilishiga yordam beradi, dezintaktsion xususiyatlarga ega. Albumin pigmentlarini (bilirubin), yog‘ kislotalarini, ayrim metallarning ionlarini, dori vositalarini bog‘laydi va organizmning ichida tashiydi. Bundan tashqari, Albumin toksinlarni bog‘laydi va ularni faolsizlantiradi.
Odam albumini 5% (50 mg/ml) kontsentratsiyada, qonning normal plazmasiga nasbatan gipoonkotikdir.
20% albuminning har 50 ml vena ichiga yuborilganida bemorda taxminan 200 ml sitrat plazmaga ekvivalent onkotik bosimni oshishini ta'minlaydi. Adekvat gidratlangan sub'ektda vena ichiga qo‘llanganida 20% li 50 ml albuminning onkotik (kolloidli - osmotik) samarasi shundayki, u qon tomiridan tashqari to‘qimalardan qon aylanish tizimiga 15 minut davomida taxminan 150 ml suyuqlikni jalb qiladi, shu bilan aylanayotgan qon hajmini oshiradi, gematokrit va qonning qovushqoqligini pasaytiradi.

Farmakokinetikasi

Albumin - odam qonining oqsil fraktsiyasini tarkibiy qismi bo‘lgan tabiiy oqsildir. Albuminning molekulyar massasi – 69,000 dalton. Odam qonining normal plazmasida oqsillarning taxminan 60% ni albumin tashkil qiladi. Albuminning oqsil molekulasi tarkibiga barcha 20 aminokislotalar kiradi. Albuminning sintezi jigarda sodir bo‘ladi. Odatdagi sharoitlarda albuminning umumiy almashma puli tana vazniga 4-5 g/kg ni tashkil qiladi, undan 40-45% tomir ichida va 55-60% tomirdan tashqarida bo‘ladi. Kapillyarlar o‘tkazuvchanligini oshishi albuminning kinetikasini o‘zgartiradi va og‘ir kuyishlar yoki septik shok kabi holatlarda bu taqsimlanish buziladi. Odatdagi sharoitlarda albuminni o‘rtacha yarim chiqarilish vaqti taxminan 19 kunni tashkil qiladi. Sintez va parchalanish orasidagi muvozanat odatda teskari aloqa printsipi bo‘yicha boshqarilishi hisobiga amalga oshiriladi. Chiqarilishi asosan xujayra ichida lizosomal proteazalar faolligi hisobiga yuz beradi.
Yuborilgan albuminning 10% dan kamrog‘i quyilganidan keyingi birinchi 2 soatda qon tomir havzasidan chiqadi. Quyilishning plazma hajmiga ta'sirida ahamiyatli shaxsiy farqlar bor. Ayrim patsiyentlarda plazma hajmini oshishi birnecha soat davomida saqlanishi mumkin. Biroq kritik holatdagi patsiyentlarda albuminni tomir xavzasidan chiqish tezligini chamalab bo‘lmaydi.

Qo‘llanilishi

-gipoproteinemiya va gipoalbuminemiya (plazmada albumin miqdorini 30 g/l dan pasayishi, yoki umumiy oqsilni 50 g/l dan pasayishi), yo‘ldosh to‘qimalarni shishi bilan yoki usiz, onkotik bosimni pasayishi (15 mm sim. ust. past) bilan birga kechuvchi
-shok (gipovolemik, gemorragik, travmatik, operatsion, toksik, yiringli–septik) degidratatsiya va qonning “quyuqlashida” aylanayogan qon xajmini oshirish maqsadida
-nefritlardagi nefrotik sindrom
-og‘ir kuyishlar
-yangi tug‘ilgan chaqaloqlarning gemolitik kasalligi, yangi tug‘ilgan chaqaloqlardagi giperbilirubinemiya-qon quyishni o‘tkazish vaqtida yuz beradi (qondagi erkin bilirubin darajasini kamaytirish maqsadida)
-o‘tkir jigar yetishmovchiligi; jigarning o‘tkir nekrozi (plazmaning onkotik bosimini tutib turish maqsadida ham, va qon plazmasidagi oshiqcha erkin bilirubin miqdorini bog‘lash maqsadida ham)
-astsit (aylanayotgan qonning xajmini tutib turish uchun)
-miya shishi
-sun'iy qon aylanishini ishlatish bilan o‘tkaziladigan operatsiyalar
-davolovchi plazmaferez, gemodializ
-kattalardagi o‘tkir retseptor distress sindromi (volemik zo‘riqishda diuretiklar bilan birga)
-operatsiyadan oldingi gemodelyutsiyani o‘tkazish va autoqon komponentlarini tayyorlash

Qo‘llash usuli va dozalari

Odam albumini kattalar va bolalarga vena ichiga tomchilab va oqim bilan yuboriladi. Qon plazmasidagi albuminning kontsentratsiyasini monitoringini o‘tkazish va gemodinamika ko‘rsatkichlarni nazorat qilish tavsiya etiladi. Quyish tezligini patsiyentlarning holati va ko‘rsatmalarga qarab tanlash kerak. Plazmani vena ichiga quyishda quyish tezligi yuqoriroq bo‘lishi mumkin va u qonni yo‘qotish tezligiga muvofiq bo‘lishi kerak. Albumin vena ichiga tomchilab minutiga 5 ml tezlikda yoki 5% eritma uchun minutiga ko‘pi bilan 50-60 tomchi va 20% eritma uchun minutiga 1-2 ml gacha yoki 40 tomchi tezlikda yuborish kerak. Maksimal yuborish vaqti – 3 soat.
Katta hajmlarda yuborilganida, ishlatish oldidan Albumin xona haroratigacha yoki tana haroratigacha isitilishi kerak.
Qo‘llashga tayyorlash
Qopqog‘idan plyonkani oling. Flakonni ochish oldidan mos keluvchi antiseptikli tampon bilan darhol qopqog‘i ustini arting. 5, 10, 20% albumin eritmasini quyish oldidan shifokor preparat va uni saqlovchi idishni qattiq zarrachalarni borligi va rangi o‘zgarganini tekshirish uchun vizual ko‘rikni o‘tkazishi kerak. Preparat vizual tiniq bo‘lishi va osilmalar va cho‘kma saqlamasligigi kerak.
Preparatning germetikligi va berkitilganligi saqlanganida, butilkada yoriqlar bo‘lmaganida, etiketkasi saqlangan holda, ishlatish uchun yaroqli xisoblanadi. Vizual ko‘rik natijalari va etiketka ma'lumotlari (preparatning nomi, ishlab chiqaruvchi korxona, seriya raqami) kasallik tarixida qayd qilinadi.
Preparatning maksimal bir martalik dozasi albumin eritmasining kontsentratsiyasi, bemorning dastlabki holati va yoshiga bog‘liq. Albunormning 5% eritmasi 200-300 ml dozada yuboriladi, zarurati bo‘lganida 5% eritmaning dozasi 500-800 ml gacha oshirilishi mumkin. 20% Albunorm eritmasisning maksimal bir martalik dozasi 100 ml ga cheklanishi mumkin. Albumin eritmalarini oqim bilan yuborish arterial bosimni tez oshirish uchun turli genezli shoklarda mumkin. Keksalik yoshida kontsentratsiyalangan (20%) eritmalarni qo‘llashdan va 5% li albumin eritmalarini tez yuborishdan saqlanish kerak, chunki bu yurak-qon tomir tizimini ortiqcha zo‘riqishiga olib kelishi mumkin.
Gipovolemiya
Gipovolemik shokni davolash uchun qo‘llanayotgan preparatning hajmi va infuziya tezligi konkret patsiyentning javob reaktsiyasiga moslashtirilgan bo‘lishi kerak. Patsiyentlarning gemodinamik ko‘rsatkichlarinii kuzatish kerak, qon aylanish tizimiga volemik ortiqcha yuklamaga yo‘l qo‘ymaslik maqsadida, odatdagi ehtiyotkorlik choralariga rioya qilish kerak.
Kattalar o‘rtacha boshlang‘ich doza 25 g, 48 soat davomida 250 g gacha yuboriladi. Umumiy doza faol qon ketishi bo‘lmaganida normada kuzatiladigan albumin darajasidan (tana vazniga taxminan 2 g/kg) oshmasligi kerak.
Bolalar shoshilinch hollarda boshlang‘ich doza 25 g, qolgan hollarda doza kattalar uchun dozadan 2-4 marta kam bo‘lishi va albumin eritmasining kontsentratsiyasini hisobi bilan tana vaznini kilogrammiga millilitrlarda xisoblanishi kerak (bolaning tana vazniga
3 mg/kg dan ko‘p emas). Agar xujayradan tashqari degidratatsiya bo‘lsa, unda albumindan keyin tuzli eritma quyiladi. Agar 5% li Albunorm aylanayotgan qon hajmini ozroq tanqisligida (10-15%) afzal bo‘lsa, tuzli eritmani yuborishdan keyin quyiluvchi 20% li Albunorm AQX yaqqol pasayishida (20% ko‘proq), aylanayotgan oqsil tanqisligida, torpid shokda va transfuzion terapiya noilojlikdan kechikib boshlangan vaziyatlarda ahamiyatli terapevtik afzallikka egadir. Sirrozi bo‘lgan patsiyentlarda astsistik suyuqlikni yo‘qotish, yurak-tomir tizimini o‘zgarishlari va xatto gipovolemik shokni rivojlanishi bilan kechishi mumkin, bu vaziyatlarda albuminni quyish aylanayotgan hajmini tutib turish uchun kerak.
Kuyishlarni davolash
Kuyishli shikastlanishlardan keyin (odatda 24 soatdan ko‘proq vaqt o‘tganidan keyin quyilayotgan albuminning miqdori va plazmaning osmotik kolloid bosimini yuz berayotgan oshishi orasida aniq muvofiqlik mavjud. Maqsad plazmaning 20 ml simob ustuniga teng bo‘lgan onkotik bosimi (oqsilning 5,2 g/l umumiy kontsentratsiyasiga ekvivalent) bilan plazmadagi albumining 2,5±0,5 g/l kontsentratsiyasini tutib turish qobiliyati bo‘lishi kerak.
Davolash davomiyligi oqsilni kuygan sohalar va siydik bilan yo‘qotilishi belgilaydi. Bundan tashqari, aminokislotalar bilan zondli yoki parenteral oziqlantirishni boshlash kerak, chunki albuminni uzoq muddatli qo‘llashni ovqatlanish manbai deb hisoblamaslik kerak.
Katta kuyilarni transfuzion davolashni optimal tartibi (kolloid va tuzli eritmalarni buyurish) aniqlanmagan. Odatda termik shikastlanishdan keyingi birinchi 24 soatda, interstitsial (xujayra tashqasidagi) suyuqlikni kamaygan hajmini tiklash uchun tuzli eritmalarning katta xajmlari quyiladi. 24 soat o‘tgach Albunormni plazmaning kolloidli onkotik bosimini tutib turish maqsadida qo‘llash mumkin.
To‘qimalarning shishi bilan yoki usiz gipoproteinemiya
Agar gipoproteinemiyaga olib kelgan asosiy patologiyani to‘g‘rilash mumkin bo‘lsa, albuminni qo‘llashni toza simptomatik yoki tutib turuvchi hisoblash kerak. Kattalar uchun albuminning odatdagi sutkalik dozasi 50 dan 75 g gachani (0,5-1 g/kg) va bolalar uchun 25 g ni tashkil qiladi. Albumin yo‘qotishda davom etayotgan kuchli gipoproteinemiyasi bo‘lgan patsiyentlarga, katta miqdorlari talab qilinishi mumkin. Gipoproteinemiyali patsiyentlarda odatda qonning hajmi taxminan normalligi tufayli, albuminni infuziya tezligi minutiga 2 ml dan oshmasligi kerak, chunki tezroq infuziya qon aylanishini buzilishini va o‘pka shishini chaqirishi mumkin.
Katta xirurgik operatsiyalar davomida patsiyentlar qon xavzasida aylanayotgan albuminning yarmidan ko‘pini yo‘qotishlari mumkin, bu shish sindromining rivojlanishi yoki usiz onkotik bosimni pasayishi bilan birga kechadi. Bunday vaziyat shuningdek jadal davolash bo‘limlarining bemorlaridagi sepsisda kuzatiladi. Bunday hollarda albuminni qo‘llash to‘g‘ridan-to‘g‘ri ko‘rsatilgan.
Kattalarning o‘tkir respirator distress sindromi (KRDS)
KRDS o‘pkalarning interstitsial shishi bilan bog‘liq bo‘lgan kislorodning yetkazib berilishini yetishmovchiligi bilan ifodalanadi, va shokning va o‘tkir ko‘p qon yo‘qotishning, shuningdek bosh miya jarohatining asorati hisoblanadi. Agar bunda bir vaqtda gipoproteinemiya va volemik oshiqcha yuklanishga ishora qiluvchi klinik belgilar bo‘lsa, unda albuminni diuretiklar bilan birga buyurish jadal infuzion davolashning juda muhim bo‘g‘ini hisoblanadi.
Aorto-koronar shuntlash
Zamonaviy sun'iy qon aylanish apparatlari (QAA) to‘ldirish uchun nisbatan katta bo‘lmagan hajmlarni talab qiladi. Patsiyentlarda albumin va kristalloidlarni ishlatish bilan erishiladigan operatsiyadan oldingi gemodilyutsiyani xavfsizligi ko‘rsatilgan. Gematokrit va plazma albuminining darajasini xavfsiz pasayish chegarasi aniqlanmagan, biroq albumin va kristalloidlarni QAA ni to‘ldirish uchun gematokritni 20% darajasiga va plazma albumining kontsentratsiyasini 2,5 g/l ga erishilgunicha ishlatish umumiy qabul qilingan amaliyotlar.
O‘tkir jigar yetishmovchiligi
Jigar faoliyatini koma rivojlanishi (jigar entsefalopatiyasi) yoki usiz yo‘qotishning tez-tez bo‘lmagan vaziyatlarida, albuminni qo‘llash onkotik bosimni tutib turish va plazma bilirubinini bog‘lash maqsadiga ega.
Yangi tug‘ilgan chaqaloqlarning gemolitik kasalligi
Albumin yangi tug‘ilgan chaqaloqlarni davolashda plazma quyishda ishlatilganida, sariqlik va gemoliz bilan bog‘liq bo‘lgan asoratlar xavfini kamaytirish uchun erkin bilirubinni bog‘lash maqsadida buyurilishi mumkin. Tana vazniga 1 g/kg doza almashtirish transfuziya muolajasini boshlashdan taxminan bir soat oldin buyuriladi. Bolalarda oldindan gipervolemiya mavjudligida ehtiyotkorlikka rioya qilish kerak.
Oqsillarga boy suyuqliklarni yo‘qotish
Jigar sirrozi, yurak yetishmovchiligi, peritonit, shuningdek ekssudativ plevrit oqibatidagi astsit ko‘pincha yo‘qotishni talab qiladi. Bunda uchinchi bo‘shliqqa yo‘qotiladigan oqsilning, shu jumladan albuminning kattaligi, hajmi to‘ldirishga yoki onkotik bosimni tutib turishga qaratilgan davolashni talab qilishi mumkin, bu Albunormning infuziyasi yordamida mumkin.
Eritrotsitlarni qayta suspenziyalanishi
Katta hajmdagi eritilgan yuvilgan eritrotsitlarni quyish haddan ziyod gipoproteinemiyani rivojlanishi bilan birga kechishi mumkin. Buni oldini olish maqsadida albuminni bevosita eritilgan yuvilgan eritrotsitlarni transfuziyasi oldidan ishlatish mumkin.
O‘tkir nefroz
Siklofosfan yoki steroidlar bilan davolashga javob bo‘lmaganida yoki steroidlar bilan davolash vaqtida shish sindromi yomonlashganida, diurez va qon plazmasida kaliy kontsentratsiyasini nazorati ostida 7-10 kun davomida har kuni 100 ml 20% albuminni va diuretiklarni qo‘shib buyurishni qo‘llash mumkin. Bundan keyin steroidlarni takroriy buyurish samarali bo‘lishi mumkin.
Gemodializ
Surunkali buyrak yetishmovchiligida standart gemodializni o‘tkazish protokolining majmuaviy qismi emas, biroq bu patsiyentlarda shok yoki gipotoniya rivojlanganida u ko‘rsatilishi mumkin. Odatda bunday vaziyatlarda 100 ml 20% albumin quyiladi. Bunday bemorlarda ko‘pincha kuzatiladigan bolemiya oshiqcha yuklamadan saqlanish kerak (xuddi shuning uchun ular tuzli eritmalarning katta xajmlarini ko‘tara olmaydilar).
Miya shishi
Miya shishini davolash uchun albumining giperonkotik 20% eritmasi ishlatiladi.
Nojo‘ya ta'sirlari
Kam (>1/10000<1/1000)
-anafilaktik reaktsiya
-gipotoniya
Juda kam (<1/10000)
-eshakemi, angionevrotik shish, eritematoz toshma, anafilaktik shok
-ongni chalkashishi holati, bosh og‘rig‘i
-taxikardiya, bradikardiya, gipertoniya
-hansirash
-ko‘ngil aynishi
-isitma, qaltirash, ko‘p terlash, terining giperemiyasi

Qo‘llash mumkin bo‘lmagan holatlar

-albuminni shaxsiy o‘zlashtiraolmaslik (shu jumladan anamnezdagi o‘ta yuqori sezuvchanlik).
-og‘ir anemiya
-gipovolemiya
-II–III darajali surunkali yurak yetishmovchiligi
-o‘pka shishi
-tromboz
-arterial gipertenziya
-davom etayotgan ichki qon ketishi
-gemorragik diatez
-renal va postrenal anuriya
-qizilo‘ngach venalarining varikoz kengayishi
Dorilarning o‘zaro ta'siri
Odam albuminining boshqa dori mahsulotlari bilan spetsifik o‘zaro ta'siri noma'lum.

Maxsus ko‘rsatmalar

Odam albumini eritmasini boshqa dori mahsulotlari, yangi qon va eritrotsitar massa, oqsil gidrolizatlari, aminokislotalarning eritmalari va spirt saqlovchi eritmalar bilan aralashtirish mumkin emas. Albumin eritmalarini in'ektsiya uchun suv bilan suyultirish mumkin emas, chunki bu retsipiyentlarda gemoliz chaqirishi mumkin.
Albunorm eritmalarini, agar ular muzlatilgan bo‘lsa yoki ular loyqalangan bo‘lsa qo‘llash mumkin emas. To‘liq ishlatilmagan flakonlarni qayta ishlatish mumkin emas. Yorilgan, oldindan ochilgan yoki shikastlangan flakonlarni bakterial zararlanishi mumkinligi tufayli qo‘llash mumkin emas.
Alohida, oldin sensibilizatsiyalangan bemorlarda turli og‘irlik darajasidagi allergik reaktsiyalar paydo bo‘lishi mumkin. Reaktsiyalar va asoratlar paydo bo‘lishi mumkinligi xavf guruhiga taalluqli bemorlarda istisno qilinmaydi, ya'ni anamnezida oqsil preparatlari va boshqa plazma o‘rnini bosuvchilarni, dori vositalarini, zardoblar, vaktsinalarni vena ichiga quyishlarni o‘zlashtiraolmasligina ko‘rsatmaga ega bo‘lganlarda inkor etib bo‘lmaydi. Reaktsiyalar yoki asoratlar paydo bo‘lgan holda, darhol albumin preparatini quyishni to‘xtatish va ignani venadan chiqarmay, antigistamin, kardiotonik vositalar, glyukokortikoidlar, vazopressor preparatlarni yuborish kerak (ko‘rsatmalar bo‘lganida). Shok holida, amaldagi tibbiy standartlarga muvofiq shokka qarshi davolashni boshlash kerak.
Albumin yuborilganida patsiyentlarning elektrolit statusini nazorat qilish va elektrolit balansini yoki tutib turish uchun muvofiq choralarni ko‘rish, degidratatsiyada esa oldindan regidratatsion davolashni o‘tkazish kerak.
Nisbatan katta hajmlarning o‘rnini qoplash zarurati tug‘ilganda, qon ivishini va gematokritni nazorat qilish talab etiladi. Qonning boshqa komponentlarini (ivish omillari, elektrolitlar, trombotsitlar va eritrotsitlar) muvofiq almashtirishni ta'minlash kerak.
Odam qoni va plazmasidan olingan preparatlarni qo‘llashda infektsion kasalliklar bilan zararlanish ehtimolini to‘liq inkor qilib bo‘lmaydi. Infektsion agentlarning transmissiyasi xavfini pasaytirish uchun donorlar va olingan preparatlar sinchiklab tekshiriladi. Ishlab chiqarishda faqat donor plazmasining antigen-negativ namunalari ishlatiladi.
Albuminni qo‘llash asoslanmagan holatlar
Surunkali nefrozda quyilayotgan albumin eritmasi, buyrak to‘qimasining asosiy shikastlanishiga ta'sir ko‘rsatishga ulgurmasdan buyraklar orqali tez chiqariladi. Kamdan-kam albumin o‘tkir nefrozda qo‘llanadi. Surunkali jigar sirrozi, ichakda so‘rilishni buzilishi, surunkali pankreatit yoki ochlik oqibatida tana vaznini tanqisligi bo‘lgan bemorlarda albumin infuziyalarini oqsilli ozuqlanish manbai sifatida qo‘llash oqlanmagan.
Pediatriyada qo‘llanishi
Bolalarda plazmaning fiziologik xajmi yoshga bog‘liqligini xisobga olish kerak.
Homiladorlik va laktatsiya davri
Albuminni odamda homiladorlikda ishlatishning xavfsizligi nazoratli klinik tadqiqotlarda aniqlanmagan. Biroq albuminni klinik qo‘llash tajribasi homiladorlikni kechishiga, homilaga yoki yangi tug‘ilgan chaqaloqqa zararli ta'sirini kutishga asos bermaydi.
Dori vositasini transport vositalarini yoki potentsial xavfli mexanizmlarni boshqarish qobiliyatiga ta'sirining o‘ziga xosligi
Preparat faqat statsionar sharoitlarda qo‘llanishi tufayli ma'lumotlar yo‘q.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Simptomlari juda yuqori doza va quyish tezligi yuqori bo‘lganida gipovolemiya va yurak-qon tomir tizimini ortiqcha yuklanishining bosh og‘rig‘i, hansirash, bo‘yintiriq venalarini to‘lib ketishi, arterial bosimni oshishi, markaziy venoz bosimni oshishi kabi belgilari paydo bo‘ladi, o‘pka shishi kuzatilishi mumkin.
Davolash preparatni quyishni darhol to‘xtatish va patsiyentning gemodinamikasining xarakteristikasini sinchiklab nazorat qilish kerak. Simptomatik davolash o‘tkaziladi.

Chiqarilish shakli

100 ml, 250 ml va 500 ml dan (5% eritma) va 50 ml yoki 100 ml dan (20% eritma) preparat germetik berkitilgan, alyumin qopqoq bilan yopilgan II tur shisha flakonda.
1 flakondan davlat va rus tillaridagi qo‘llash bo‘yicha yo‘riqnomasi bilan birga karton qutiga joylangan.

Saqlash sharoiti

2°S dan 25°S gacha haroratda, yorug‘likdan himoyalangan joyda saqlansin. Muzlatilmasin.

Yaroqlilik muddati

3 yil.

Dorixonalardan berish tartibi

Retsept bo‘yicha.

Ishlab chiqaruvchi

Ostapharma Pharmazeutika Produktionsges.m.b.H.
Oberlaaer Strasse 235; A-1100 Vienna, Austria, Avstriya
Qozog‘iston Respublikasi xududida mahsulotning (tovarning) sifati bo‘yicha iste'molchilarning e'tirozlarini qabul qiluvchi tashkilotning manzili
050051 Olma-ota sh., Do‘stlik pr. 180, of.42
“Oktafarm AG” vakolatxonasi
El. pochta Safaris@list.ru/ tel 279-43-18; mob. 8-7107442873”