Preparatning savdo nomi
Semilakt
Ta'sir etuvchi moddalar Spironolakton + furosemid

Dori shakli
Plyonka qobiq bilan qoplangan tabletkalar.

Tarkibi

Plyonka qobiq bilan qoplangan har bir tabletka quyidagilarni saqlaydi
faol moddalar
spironolakton 50 mg yoki 100 mg;
furosemid 20 mg;
yordamchi moddalar laktoza monogidrati, mikrokristall sellyuloza, povidon K25, natriy kraxmalglikolyati, natriy laurilsulьfati, magniy stearati.
qobig‘ini tarkibi oq Opadri 03F180011 (gipromelloza, titan dioksidi, makrogol).
Ta'rifi dumaloq, ikki tomonlama qavariq, oq rangdan deyarli oq ranggacha bo‘lgan plyonka qobiq bilan qoplangan tabletkalar.

Farmakoterapevtik guruhi
Diuretiklar. Yuqori faol diuretiklar va kaliyni tejovchi preparatlar.
ATX kodi C03EB01

Farmakologik hususiyatlari

Farmakodinamika

Semilakt – majmuaviy preparat bo‘lib, uning diuretik va gipotenziv ta'siri spironolakton va furosemidning umumiy hususiyatlari bilan ifodalanadi.
Spironolakton kaliyni tejovchi diuretik, alьdosteronning (buyrak usti bezlari po‘stloq qismining mineralokortikosteroid gormon) ta'siri uzaytirilgan raqobatli ingibitori hisoblanadi. Alьdosteronning retseptorlari bilan bog‘lanib, suv, natriy ionlari va xlorni siydik bilan chiqarilishini kuchaytiradi, kaliy ionlari va mochevinani chiqarilishini kamaytiradi, siydikning kislotaligini pasaytiradi.
Furosemid kuchli ta'sir qiluvchi “xalqali” diuretiklarga kiradi, Genle qovuzlog‘ining yuqori ko‘tariluvchi nayida, shuningdek buyrakning proksimal va distal egri-bugri naychalarida natriy, kaliy, xloridlar va magniyni faol qayta so‘rilishini bloklaydi; suvni ekskretsiyasini oshiradi.

Farmakokinetikasi

Furosemid
Furosemid qisqa ta'sirga ega bo‘lgan diuretik hisoblanadi; diurez odatda 1 soat davomida boshlanadi va 4-6 soat davom etadi.
Spironolakton
Spironolakton, alьdosteronning raqobatli ingibitori bo‘lib, buyrakning distal naychalarida natriyni chiqarilishini kuchaytiradi va kaliyni yo‘qotilishini pasaytiradi. Faol moddaning ta'siri sekin va davomli; maksimal javob reaktsiyasiga odatda 2-3 kun davomida davolashdan keyin erishiladi.


Qo‘llanilishi

Semilakt tarkibida qisqa ta'sir qiluvchi diuretik va alьdosteronning uzoq ta'sir qiluvchi antagonistini saqlaydi. U ikkilamchi giperalьdosteronizm, surunkali yurak yetishmovchiligi, jigar sirrozidagi shish sindromida ko‘rsatilgan.
Preparat bilan davolashni diuretikning odatdagi dozalari bilan monoterapiyaga chidamlilik holatlarida o‘tkazish kerak.
Bunday fiksatsiyalangan majmua har bir komponentini alohida titrlash dori vositasini qo‘llash ehtimoli tasdiqlangan holatlardagina qo‘llanishi mumkin.
Essentsial gipertenziyani davolash uchun preparatni qo‘llanishi yaqqol ifodalangan giperalьdosteronizm bo‘lgan patsiyentlarda cheklangan bo‘lishi kerak. Ushbu patsiyentlar guruhida ham, preparatning har bir komponentini alohida titrlash uni qo‘llash ehtimoli tasdiqlangan holatdan keyingina preparatni qo‘llash tavsiya etiladi.


Qo‘llash usuli va dozalari

Semilakt preparati ichga qabul qilinadi. Tabletkalarni butunligicha etish kerak. Preparatni nonushta vaqtida va/yoki tushlik vaqtida, katta miqdordagi suyuqlik (taxminan 1 stakan) bilan qabul qilish afzal. Preparatni kechqurun, ayniqsa davolashning boshida, qabul qilish tavsiya etilmaydi, chunki tungi diurez kuchayishi mumkin.
Kattalar
Semilakt 50/20 mg preparatining tavsiya etiladigan dozasi sutkada 1-4 tabletkani tashkil etadi, Semilakt 100/20 mg preparatining tavsiya etiladigan dozasi sutkada 1-2 tabletkani tashkil etadi.
Bolalar
Preparat bolalar qo‘llash uchun tavsiya etilmaydi.
Keksa patsiyentlar
Furosemid va spironolakton keksa yoshdagi patsiyentlarda sekinroq chiqarilishi mumkin.

Nojo‘ya ta'sirlari
Noxush reaktsiyalarni uchrash tezligini ko‘rsatkichlari quyidagi tarzda aniqlanadi juda tez-tez (≥ 1/10); tez-tez (≥ 1/100, ammo < 1/10); tez-tez emas (≥ 1/1000, ammo < 1/100); kam hollarda (≥ 1/10000, ammo < 1/1000); juda kam hollarda (< 1/10000); uchrash tezligi noma'lum (mavjud ma'lumotlar asosida baholanishi mumkin emas).
Furosemid odatda yaxshi o‘zlashtiriladi.
Qon va limfa tizimlari tomonidan uchrash tezligi noma'lum – suyak ko‘migining funktsiyasini, davolashni bekor qilishni talab etuvchi susayishi, trombotsitopeniya, leykopeniya, agranulotsitoz, aplastik anemiya yoki gemolitik anemiya, eozinofiliya.
Nerv tizimi tomonidan uchrash tezligi noma'lum – uyquchanlik, ataksiya, ongni chalkashishi, bosh og‘rig‘i, paresteziyalar, gepatotsellyulyar yetishmovchiligi bo‘lgan patsiyentlarda jigar entsefalopatiyasi, bosh aylanishi, xushni yo‘qotish, xushni yo‘qolishi (simptomatik gipotenziya oqibatida chaqirilgan).
Buyrak va siydik chiqarish yo‘llari tomonidan uchrash tezligi noma'lum – qon zardobida kalьtsiyning darajasini pasayishi, tetaniya, chala tug‘ilgan chaqaloqlarda nefrokalьtsinoz/ nefrolitiaz. Siydik hosil bo‘lishini kuchayishi siydik chiqarish yo‘llarini obstruktsiyasi bo‘lgan patsiyentlarda shikoyatlarni qo‘zg‘atishi yoki og‘irlashtirishi mumkin; shunday qilib, qovuqni bo‘shashini buzilishlari, prostata bezining giperplaziyasi yoki uretrani torayishi bo‘lgan patsiyentlarda ikkilamchi asoratlarni rivojlanishi bilan kechuvchi siydikni o‘tkir tutilishi rivojlanishi mumkin.
Eshitish va muvozanat a'zolari tomonidan uchrash tezligi noma'lum – eshitishni buzilishi va quloqlarda shovqin, odatda o‘tkinchi, ayniqsa buyrak yetishmovchiligi, gipoproteinemiyasi bo‘lgan patsiyentlarda (masalan, nefrotik sindromda) va/yoki furosemid vena ichiga tez yuborilganida kuzatilishi mumkin; tez-tez emas – karlik, ba'zida qaytuvchan, furosemid peroral yoki vena ichiga yuborilganidan keyin kuzatiladi.
Qon-tomirlari tomonidan uchrash tezligi noma'lum – gipotenziya, yaqqol darajada ifodalanganida diqqatni jamlashni va reaktsiyalarni buzilishi, boshda yengillik yoki og‘irlik hissi, bosh og‘rig‘i, bosh aylanishi, uyquchanlik, holsizlik, ko‘rishni buzilishi, og‘izni qurishi, ortostatik beqarorlik kabi belgilar va simptomlarni chaqirishi mumkin.
Jigar va o‘t chiqarish yo‘llari tomonidan uchrash tezligi noma'lum – jigar ichi xolestazi, jigar transaminazalarining darajalarini oshishi yoki o‘tkir pankreatit.
Teri va teri osti to‘qimalari tomonidan uchrash tezligi noma'lum – davolashni bekor qilishni talab etadigan, teri toshmasi, yorug‘likka sezuvchanlik, vaskulit, isitma yoki interstitsial nefrit kabi allergik reaktsiyalar; qichishish, eshakemi, boshqa ko‘rinishdagi toshmalar yoki bullyoz shikastlanishlar, ko‘p shaklli eritema, bullyoz pemfigoid, Stivens-Djonson sindromi, toksik epidermal nekroliz, eksfoliativ dermatit, purpura, o‘tkir tarqalgan ekzaktematoz pustulyoz va DRESS (dori vositalari ta'siridagi eozonofiliya va tizimli simptomlar bilan kechuvchi toshma).
Metabolizmni va oziqlanishni buzilishlari uchrash tezligi noma'lum – uzoq muddat davolanganda suv-elektrolitlar muvozanatini buzilishi; natriy va xloridlarni va muvofiq ravishda suvni chiqarilishini kuchayishi; boshqa elektrolitlar (xususan, kalьtsiy va magniy) ni chiqarilishini kuchayishi. Preparatning ikkita faol moddalari kaliyni chiqarilishiga qarshi ta'sir ko‘rsatadi. Kaliyning zardobdagi kontsentratsiyasi ayniqsa, davolashni boshlanishida pasayishi (furosemidning yanada ertaroq ta'sir qilishi sababli) mumkin, davolash davom ettirilganida kaliyning kontsentratsiyasi, ayniqsa buyrak yetishmovchiligi bo‘lgan patsiyentlarda (spironolaktonnning kechroq ta'sir qilishi sababli) oshishi mumkin.
Elektrolitlar muvozanatini simptomatik buzilishlari va metabolik alkaloz elektrolitlar tanqisligini doimiy ravishda kuchayishi shaklida va elektrolitlarni o‘tkir og‘ir yo‘qolishi shaklida rivojlanishi (buyrak funktsiyasi normal bo‘lgan patsiyentlar tomonidan furosemidning yanada yuqori dozalari qo‘llanganida) mumkin. Elektrolitlar muvozanatini buzilishini ogohlantiruvchi belgilari kuchli chanqoqlik, bosh og‘rig‘i, gipotenziya, ongni chalkashishi, mushaklarni tirishishlari, tetaniya, mushaklarni zaifligi, yurak ritmini buzilishlari va me'da-ichak simptomlari bo‘lishi mumkin. Pulьs nomuntazam bo‘lganida, toliqish yoki mushakni zaifligida (masalan, oyoqlardagi mushaklar) giperkaliyemiya bo‘lishi mumkinligiga alohida e'tibor berish kerak. Mavjud bo‘lgan metabolik alkaloz (masalan, jigarni dekompensatsiyalangan sirrozida) furosemid bilan davolanganda og‘irlashi mumkin. Bartter soxta-sindromi furosemid noto‘g‘ri va/yoki uzoq muddat qo‘llanganida rivojlanishi mumkin.
Elektrolitlar muvozanatini buzilishi, ayniqsa yaqqol ifodalangan buzilishi korrektsiya qilinishi kerak.
Diuretik ta'siri, ayniqsa keksa yoshdagi patsiyentlarda gipovolemiya va suvsizlanishga olib kelishi mumkin. Shuningdek gipovolemiya, suvsizlanish yoki giperkaliyemiya fonida bosh aylanishi yoki oyoqlarda tirishishlar rivojlanishi mumkin. Bunday reaktsiyalarni bartaraf qilish uchun suyuqlikni har qanday yo‘qotilishini (masalan, qusish yoki diareya yoki kuchli terlash oqibatidagi) kompensatsiya qilish juda muhim. Suyuqlikni zahirasini kuchli yo‘qolishi tromblarni hosil bo‘lish tendentsiyasi bilan qonni quyilishiga olib kelishi mumkin.
Furosemid bilan davolanganda qon zardobida xolesterin va tiglitseridlarning darajasi oshishi mumkin, bu holat uzoq muddat davolanganda 6 oy davomida normal qiymatlarga qaytadi.
Furosemid qo‘llanganida glyukozani o‘zlashtirilishi pasayishi mumkin. Qandli diabet bilan xastalangan patsiyentlarda metabolik nazoratni yomonlashishiga olib kelishi mumkin; yashirin qandli diabet namoyon bo‘lishi mumkin.
Boshqa diuretiklar qo‘llanganida bo‘lgani kabi, furosemid bilan davolash qon zardobida kreatinin va mochevinaning darajalarini vaqtinchalik oshishiga olib kelishi mumkin. Qon zardobidagi siydik kislotasining darajasi oshishi mumkin va podagra hurujlari rivojlanishi mumkin.
Immun tizimi tomonidan uchrash tezligi noma'lum – og‘ir darajadagi anafilaktik yoki anafilaktoid reaktsiyalar (masalan, shok), tizimli qizil yugurikni zo‘rayishi yoki faollashuvi.
Me'da-ichak yo‘llari tomonidan uchrash tezligi noma'lum – ko‘ngil aynishi, lohaslik yoki me'dani faoliyatini buzilishi (qusish yoki diareya), ammo ular odatda yaqqol ifodalanmagan bo‘ladi va preparatni bekor qilishni talab etmaydi. Sporonolakton me'da-ichakda o‘zlashtirolmaslik va me'da yarasini (ba'zida qon ketishi bilan kechuvchi) chaqirishi mumkin.
Reproduktiv tizimi va sut bezlari tomonidan uchrash tezligi noma'lum – jinsiy gormonlar bilan kimyoviy jihatdan o‘xshash bo‘lganligi tufayli, spironolakton sut bez so‘rg‘ichlarini tegish sezgisini kuchaytirishi mumkin; har ikkala jinsdagi patsiyentlarda dozaga bog‘liq mastodiniya va qaytuvchan ginekomastiya; terida makulopapulyar yoki eritematoz toshma; girsutizm va hayz ko‘rish siklini buzilishi kabi kuchsiz androgen ko‘rinishlar; erkaklarda potentsiyani buzilishi; furosemid bola hayotining birinchi haftalarida qabul qilinganida chala tug‘ilgan chaqaloqlarda arterial qon oqimini bitmaslik havfi kuchayishi mumkin.
Nafas, ko‘krak qafasi va ko‘ks oralig‘i a'zolari tomonidan uchrash tezligi noma'lum – spironolakton ovozni xirillashi va tembrni pasayishi (ayollarda) yoki tembrni oshishi (erkaklarda) kabi ovozni o‘zgarishlarini chaqirishi mumkin. Ovozni o‘zgarishi preparat bekor qilinganidan keyin ham saqlanib turishi mumkin.


Qo‘llash mumkin bo‘lmagan holatlar

• furosemidga, spironolaktonga, sulьfonamidlarga yoki ularning hosilalariga yoki preparatning yordamchi moddalaridan birortasiga o‘ta yuqori sezuvchanlik;
• buyrak funktsiyasini buzilishi va kreatinin klirensini 30 ml/min/1,73 m2 dan past bo‘lishi;
• anuriya yoki anuriya bilan kechuvchi, furosemid bilan davolashga javob reaktsiyasini ko‘rsatmaydigan buyrak yetishmovchiligi;
• nefrotoksik yoki gepatotoksik moddalar bilan zaharlanganda kuzatiladigan buyrak yetishmovchiligi/jigar komasi oqibatidagi buyrak yetishmovchiligi;
• giperkaliyemiya;
• og‘ir gipokaliyemiya;
• og‘ir giponatriyemiya;
• Addison kasalligi;
• homiladorlik;
• laktatsiya davrida qo‘llash mumkin emas.

Dorilarning o‘zaro ta'siri
Semilakt preparati ovqat bilan qabul qilinganida spironolaktonni so‘rilishi oshadi. Bunday o‘zaro ta'sirning klinik ahamiyati noma'lum.
Yurak glikozidlari, diuretiklar, antigipertenziv vositalar yoki gipotenziv hususiyatlarga ega bo‘lgan boshqa preparatlar bilan bir vaqtda qabul qilinganida ushbu preparatlarning dozalariga tuzatish kiritish talab etilishi mumkin, chunki Semilakt preparati bilan bir vaqtda qo‘llanganida arterial bosimni yanada yaqqolroq pasayishini kutish kerak. Furosemidga angiotenzinga aylantiruvchi fermentning (AAF) ingibitorlari yoki angiotenzin II retseptorlarining antagonistlari qo‘shilganida yoki ularning dozalari oshirilganida arterial bosimni jiddiy pasayishi va buyrak funktsiyasini yomonlashishi kuzatilishi mumkin. AAF ingibitorlari / angiotenzin II retseptorlarining antagonistlari bilan davolashni boshlashdan oldin yoki ularning dozalarini oshirishdan oldin Semilakt 3 kundan kam bo‘lmagan vaqtda pasaytirish yoki qo‘llashni to‘xtatish kerak.
Semilakt preparati kaliy tuzlari, kaliyni chiqarilishini pasaytiruvchi preparatlar, nosteroid yallig‘lanishga qarshi vositalar yoki AAF ingibitorlari bilan birga qo‘llanganida qon zardobida kaliyning kontsentratsiyasi oshishi va giperkaliyemiya rivojlanishi mumkin.
Nefrotoksik preparatlarning toksik samaralari furosemid kabi kuchli diuretiklar bilan bir vaqtda qo‘llanganida kuchayishi mumkin.
Semilakt va sukralьfatni kamida 2 haftalik interval bilan qo‘llash kerak, chunki sukralьfat furosemidni ichakdan so‘rilishini pasaytiradi va uning samarasini susaytiradi.
Boshqa diuretiklar bilan bo‘lgani kabi, qon zardobidagi litiyning darajasi litiy preparatlari Semilakt bilan bir vaqtda qo‘llanganida oshishi mumkin, bu litiyning toksikligini oshishiga, jumladan kardiotoksik va neyrotoksik samaralarni rivojlanish havfini oshishiga olib keladi. Litiyning darajasini nazorat qilish, zarurat bo‘lganida uning dozasiga tuzatish kiritish tavsiya etilgan.
Risperidonni furosemid yoki boshqa kuchli diuretiklar bilan bir vaqtda majmuaviy davolash yoki bir vaqtda davolash masalasini hal qilishdan oldin ehtiyotkorlikka rioya qilish va havf hamda foyda nisbatini baholash kerak.
Furosemidning yuqori dozalari tireoid gormonlarni tashuvchi-oqsillar bilan bog‘lanishini ingibitsiya qilishi va shu orqali erkin tireoid gormonlarning darajasini vaqtinchalik oshishiga olib kelishiga, so‘ngra esa ularning umumiy darajasini pasayishiga olib kelishi mumkin. Tireoid gormonlarning darajasi nazorat qilinishi kerak.
Ayrim nosteroid yallig‘lanishga qarshi vositalar (masalan, indometatsin, atsetilsalitsil kislotasi) Semilakt preparatining ta'sirini susaytirishi va gipovolemiya yoki suvsizlanish bo‘lganida o‘tkir buyrak yetishmovchiligini chaqirishi mumkin.
Semilakt salitsilatlarning toksikligini kuchaytirishi mumkin.
Semilakt boshqa preparatlar (masalan, diabetga qarshi vositalar va pressor aminlar) ning samaralarini susaytirishi, ba'zida esa ayrim vositalar (masalan, salitsilatlar, teofillin, kuraresimon miorelaksantlar) ning samaralarini kuchaytirishi mumkin.
Semilakt aminoglikozidlar va boshqa ototoksik vositalarning ototoksikligini kuchaytirishi mumkin. Bu holat qaytmas o‘zgarishlarga olib kelishi mumkinligi tufayli, bu preparatlarni Semilakt preparati bilan faqat keskin tibbiy asoslar bo‘lganidagina qo‘llash kerak.
Sisplatin va furosemid bir vaqtda qo‘llanganida ototoksik samaralarni rivojlanish havfi mavjud. Bundan tashqari, sisplatinning nefrotoksikligi, agar furosemid yanada yuqori dozalarda (masalan, buyrak funktsiyasi normal bo‘lgan patsiyentlarda 40 mg) qo‘llanilsa, shuningdek agar u sisplatin bilan davolashda jadallashtirilgan diurezni ta'minlash uchun suyuqlik muvozanati musbat bo‘lganida qo‘llanilsa, oshishi mumkin.
Spironolakton digoksinning darajasini oshirishi mumkin. Elektrolitlar muvozanatini ayrim buzilishlari (masalan, gipokaliyemiya, gipomagniyemiya) ma'lum preparatlar (masalan, angishvonagul preparatlari va QT oralig‘ini uzaytiradigan preparatlar) ning toksikligini kuchaytirishi mumkin.
Fenitoin bilan bir vaqtda qo‘llanganida Semilakt preparatining samarasi pasayishi mumkin.
Karbamazepin yoki aminoglutetimni bir vaqtda qo‘llash giponatriyemiyani rivojlanish havfini oshirishi mumkin.
Bir vaqtda qo‘llanadigan kortikosteroidlar natriyni ushlanib qolishini chaqirishi mumkin.
Spironolakton ham, karbenoksolon ham boshqa moddalarning ta'sirini izdan chiqarishi mumkin. Bunday holatda qizilmiya katta miqdorlarda karbenoksolonga o‘xshash ta'sir qiladi. Kortikosteroidlar, karbenoksolon, β2-simpatomimetiklar katta dozalarda, shuningdek surgi vositalari, reboksetin va amfoteritsin uzoq muddat qo‘llanganida gipokaliyemiyani rivojlanish havfini oshirishi mumkin.
Probenetsid, metotreksat va furosemid kabi buyrak naychalari sekretsiyasiga ahamiyatli darajada uchraydigan boshqa vositalar, Semilakt preparatining samarasini pasaytirishi mumkin. Aksincha, furosemid ushbu preparatlarni buyrak orqali chiqarilishini pasaytirishi mumkin. Yuqori dozalari bilan davolanganda (xususan, ham furosemid, ham boshqa preparatlar bilan davolanganda) qon zardobida moddalarning darajasini va furosemidning va bir vaqtda qo‘llanadigan vositalarning noxush reaktsiyalarini rivojlanish havfi oshishi mumkin.
Buyrak funktsiyasini buzilishi furosemid va ma'lum sefalosporinlarning yuqori dozalari qabul qilayotgan patsiyentlarda rivojlanishi mumkin.
Siklosporin va furosemidni bir vaqtda qo‘llanishi podagrik artritni rivojlanish havfini oshiradi.
Semilakt preparatini kolestiramin bilan bir vaqtda qabul qilayotgan patsiyentlarda giperxloremik metabolik atsidoz fonida giperkaliyemiya rivojlanishi mumkin.
Trimetoprim/sulьfametoksazol (ko-trimoksazol) va spironolaktonni bir vaqtda qo‘llash klinik jihatdan ahamiyatli giperkaliyemiyaga olib kelishi mumkin.


Maxsus ko‘rsatmalar

Spironolakton ovozni o‘zgartirishi mumkin. Preparat buyurilganida, ishlash uchun ovoz juda muhim bo‘lgan patsiyentlar (masalan, aktyorlar, qo‘shiqchilar, o‘qituvchilar) da ushbu ko‘rinishga alohida e'tibor berish kerak.
Diurezni monitoringini ta'minlash kerak. Siydik chiqarish yo‘llarining qisman obstruktsiyasi bo‘lgan patsiyentlar, masalan, prostata bezi gipertrofiyasi yoki siyishni buzilishi bo‘lgan patsiyentlarda siydikni o‘tkir tutilishi havfi yuqori bo‘ladi. Ularni sinchiklab kuzatish tavsiya etilgan.
Davolashni boshlashdan oldin gipotenziya yoki gipovolemiyani korrektsiya qilish uchun choralarni ko‘rish kerak.
Davolanish vaqtida quyidagi patsiyentlar guruhini sinchiklab kuzatish kerak
—gipotenziyasi bo‘lgan patsiyentlar;
—arterial bosimni ahamiyatli darajada pasayish havfi bo‘lgan patsiyentlar;
—yashirin diabetning ko‘rinishlari bo‘lishi mumkin bo‘lgan patsiyentlar, va diabet bilan xastalangan, insulinga bo‘lgan ehtiyoj oshishi mumkin bo‘lgan patsiyentlar;
—podagra bilan xastalangan patsiyentlar;
—jigar sirrozi bilan xastalangan patsiyentlar buyrak funktsiyasi buzilganida;
—gipoproteinemiyasi bo‘lgan patsiyentlar, masalan, nefrotoksik sindrom oqibatida chaqirilgan gipoproteinemiya (furosemidning samarasi susayadi, uning ototoksikligi esa kuchayadi). Dozasini ehtiyotkorlik bilan titrlash kerak.
—furosemidni qabul qilayotgan patsiyentlarda, ayniqsa keksa yoshdagi patsiyentlarda; gipotenziyani chaqirishi mumkin bo‘lgan preparatlarni qabul qilayotgan patsiyentlarda; gipotenziyani chaqirishi mumkin bo‘lgan boshqa holatlari mavjud bo‘lgan patsiyentlarda bosh aylanishi, xushdan ketish yoki xushni yo‘qolishiga olib keluvchi simptomatik gipotenziya rivojlanishi mumkin.
Qon zardobida kaliyning darajasi oshganida preparatni qo‘llashdan saqlanish kerak. Triamteren, amilorid, kaliyli qo‘shimchalar yoki nosteroid yallig‘lanishga qarshi vositalarni bir vaqtda qo‘llash tavsiya etilmagan, chunki giperkaliyemiyaga olib kelishi mumkin.
Elektrolitlar tanqisligi bo‘lgan patsiyentlarda ehtiyotkorlikka rioya qilish kerak. Odatda, qon zardobida natriy, kaliy, kreatinin va glyukozaning darajalarini muntazam nazorat qilish tavsiya etiladi; elektrolitlar muvozanatini buzilish havfi yuqori bo‘lgan patsiyentlarni va suyuqlik qo‘shimcha ahamiyatli darajada yo‘qotilganida ayniqsa sinchiklab nazorat qilish kerak. gipovolemiya yoki suvsizlanish, shuningdek elektrolitlar va kislota-ishqor muvozanatini ahamiyatli buzilishlari korrektsiya qilinishi kerak. Buning uchun preparatni qo‘llashni vaqtinchalik to‘xtatish talab etilishi mumkin.
Buyrak funktsiyasini buzilishi va kreatinin klirensi 60 ml/min/1,73 m2 dan past bo‘lgan patsiyentlarda, shuningdek Semilakt preparati kaliyning darajasini oshirishi mumkin bo‘lgan boshqa preparatlar bilan birga qabul qilinganida qon zardobida kaliyning darajasini muntazam nazorat qilish kerak.
Radiokontrast nefropatiyani rivojlanish havfi yuqori bo‘lgan patsiyentlarda furosemidni radiokontrast nefropatiyani oldini olish chorasi sifatida diurezni ta'minlash uchun qo‘llash tavsiya etilmaydi.
Spironolakton va giperkaliyemiyaga olib keladigan preparatlarni bir vaqtda qabul qilish og‘ir giperkaliyemiyaga olib kelishi mumkin.
Tizimli qizil yugurikni zo‘rayish yoki faollashish ehtimoli mavjud.
Galaktozani o‘zlashtirolmaslik, Lapp laktaza yetishmovchiligi yoki glyukoza-galaktoza malьabsorbtsiyasi kabi kam uchraydigan nasliy muammolari bo‘lgan patsiyentlarga ushbu preparatni qo‘llash mumkin emas.
Risperidon bilan bir vaqtda qo‘llash
Dementsiya bilan xastalangan keksa yoshdagi patsiyentlarda risperidonni qo‘llash bilan o‘tkazilgan platsebo-nazoratli tadqiqotlarda faqat risperidon bilan monoterapiya olgan patsiyentlar guruhiga (3,1%, o‘rtacha 84 yosh, diapazon 70-96 yosh) yoki furosemid bilan monoterapiya olgan patsiyentlar guruhiga (4,1%; o‘rtacha 80 yosh, diapazon 67-90 yosh) nisbatan furosemid va risperidon bilan davolangan guruhda (7,3%; o‘rtacha 89 yosh, diapazon 75-97 yosh) o‘limni oshishi kuzatilgan. Risperidonni boshqa diuretiklar (asosan tiazid diuretiklarni kichik dozalarda qo‘llash) bir vaqtda qo‘llash bunday natijalarni bermagan.
O‘limning sababini aniq qonuniyatlarini va ushbu ko‘rinishni tushuntiruvchi patofiziologik mexanizm aniqlanmagan. Shunday bo‘lsa-da, ehtiyotkorlikka rioya qilish va davolashga qaror qilishdan oldin bunday majmuani qo‘llashdan yoki boshqa kuchli diuretiklar bilan bir vaqtda davolashdan kutiladigan foyda va havf nisbatini baholash kerak. Boshqa diuretiklarni risperidon bilan bir vaqtda qabul qilayotgan patsiyentlar o‘rtasida o‘lim havfini oshishi kuzatilmagan. Davolash usulidan qat'iy nazar suvsizlanish o‘lim havfini umumiy omili hisoblanadi; dementsiya bo‘lgan keksa yoshdagi patsiyentlarda suvsizlanish kuzatilishidan saqlanish kerak.
Homiladorlikda va laktatsiya davrida qo‘llanishi
Homiladorlik
Umuman olganda hayvonlarda o‘tkazilgan eksperimentlarning natijalarida furosemidni homiladorlikka havfli ta'siri aniqlanmagan. Preparat homiladorlikning uchinchi uch oyligida qo‘llanganida uning havfsizligi yuzasidan klinik dalillar mavjud. Furosemid yo‘ldosh to‘sig‘i orqali o‘tadi.
Spironolakton va uning metabolitlari yo‘ldosh to‘sig‘i orqali o‘tishlari mumkin. Hayvonlarda o‘tkazilgan tadqiqotlarda erkak jinsidagi naslda genitaliyni feminizatsiya bo‘lishi aniqlanmagan. Odamda yangi tug‘ilgan o‘g‘il bolalarda ikki xil tashqi jinsiy a'zolarni rivojlanish havfi bo‘lgan antiandrogen samaralari kuzatilgan.
Agar asosli tibbiy ko‘rsatmalar bo‘lmasa, homiladorlikda Semilakt preparatini qo‘llash mumkin emas. Homiladorlik vaqtida davolash homilani o‘sishini monitoring qilishni talab etadi.
Laktatsiya
Furosemid ko‘krak sutiga o‘tadi va laktatsiyani susaytirishi mumkin. Spironolaktonning metaboliti, kanrenon ko‘krak sutida aniqlanadi, shuning uchun laktatsiya davrida preparatni qabul qilish mumkin emas.
Pediatriyada qo‘llanishi
Preparat bolalarda qo‘llash uchun tavsiya etilmaydi.
Avtotransportni haydash va mexanizmlarni boshqarish qobiliyatiga ta'siri
Avtotransportni haydashda va mexanizmlarni boshqarishda sanab o‘tilgan noxush reaktsiyalar bo‘lishi mumkinligini e'tiborga olish kerak. Bu ayniqsa davolashning boshlanishida juda muhim.


Dozani oshirib yuborilishi

Dozani o‘tkir yoki surunkali oshirib yuborilishining klinik manzarasi asosan elektrolitlar va suyuqlikni yo‘qotilish darajasiga va oqibatlariga haddan tashqari diurez oqibatidagi gipovolemiya, suvsizlanish, qonni quyilishi, yurak aritmiyalariga bog‘liq. Bunday buzilishlarning simptomlari og‘ir gipotenziya (shokkacha zo‘rayib boruvchi), o‘tkir buyrak yetishmovchiligi, tromboz, alahlash holatlari, periferik falaj, apatiya va ongni chalkashishini o‘z ichiga oladi.
Furosemid uchun maxsus antidot ma'lum emas. Agar preparat qabul qilinganidan so‘ng ko‘p bo‘lmagan vaqt o‘tgan bo‘lsa, birinchi tibbiy yordam sifatida me'dani yuvish va patsiyentga faollashtirilgan ko‘mir buyurish kerak.
Davolash suyuqlikni o‘rnini to‘ldirish va elektrolitlar muvozanatini buzilishini bartaraf qilishga qaratilgan bo‘lishi kerak. Ayrim hollarda statsionar sharoitlarida jadal davolash bo‘limida kuzatish va davolash ko‘rsatilgan.


Chiqarilish shakli

Plyonka qobiq bilan qoplangan tabletkalar. 10 tabletka blisterda.
1, 2 yoki 3 blister tibbiyotda qo‘llanishiga doir yo‘riqnomasi bilan birga karton qutiga joylangan.


Saqlash sharoiti

25°C dan yuqori bo‘lmagan haroratda saqlansin.
Bolalar ololmaydigan joyda saqlansin!


Yaroqlilik muddati


Ishlab chiqarilgan
sanadan boshlab 3 yil.

Yaroqlilik muddati
tugaganidan so‘ng qo‘llanilmasin.


Dorixonalardan berish tartibi

Retsept bo‘yicha.