Torsid in'ektsiya uchun eritma 5mg/ml 4ml №5 Farmak

Preparatning savdo nomi

Torsid
Ta'sir etuvchi modda (XPN) torasemid (torasemide)

Dori shakli

in'ektsiya uchun eritma.

Tarkibi

1 ml eritma quyidagilarni saqlaydi
Faol modda 100% quruq moddaga qayta hisoblanganda 5 mg torasemid;
Yordamchi moddalar polietilenglikol 400, trometamin, natriy gidroksidi, in'ektsiya uchun suv.
Ta'rifi deyarli mexanik kiritmalarsiz bo‘lgan tiniq rangsiz suyuqlik.

Farmakoterapevtik guruhi

Siydik haydovchi preparatlar. Yuqori faol diuretiklar. ATX kodi S03S A04.

Farmakologik xususiyatlari

Farmakodinamika

si
Torasemid natriy va xlor ionlarini Genle halqasining ko‘tariluvchi qismida renal qayta so‘rilishini tormozlab saluretik kabi ta'sir qiladi.

Farmakokinetikasi

Odamda vena ichiga yuborilganidan keyin diuretik samara tez boshlanadi, bunda maksimal ta'siri birinchi 1-3 soatlarda rivojlanadi va deyarli 12 soat davomida saqlanadi. Torasemidni qo‘llash fonida diurez dozaga bog‘liq harakterga ega. Diurezning oshishi buyraklarning faoliyatini buzilishlarida ham paydo bo‘ladi. Ana shu sifatlari tufayli torasemid shishlarni bartaraf qiladi. Torasemidni qon plazmasi oqsillari bilan bog‘lanishi 99%, M1, M3, va M5 metabolitlarining – muvofiq ravishda 86%, 95% va 97% ni tashkil qiladi. Torasemid va uning metabolitlarining yarim chiqarilish davrining oxirgi vaqti (t1/2) sog‘lom ko‘ngillilarda 3-4 soatni tashkil qiladi, renal klirensi – taxminan minutiga 10 ml. Asosiy metaboliti M5 diuretik samara ko‘rsatmaydi, M1 va M3 ta'sir qiluvchi metabolitlari birga farmakodinamik ta'sirining taxminan 10% ni namoyon qiladi. Buyrak yetishmovchiligida torasemidning umumiy klirensi va yarim chiqarilish davri o‘zgarmaydi, M3 va M5 ning yarim chiqarilish davri uzayadi. Biroq farmakodinamik xarakteristikalari o‘zgarmay qoladi, ta'sirining davomiyligiga buyrak yetishmovchiligining og‘irlik darajasi ta'sir qilmaydi. Jigar faoliyatini buzilishlari yoki yurak yetishmovchiligi bo‘lgan bemorlarda, torasemid va M5 metabolitning yarim chiqarilish davri biroz uzayadi, siydik bilan chiqariladigan moddalarning miqdori, uning sog‘lom odamlardagi miqdoriga amalda to‘liq darajada mos tushadi, shuning uchun torasemid va uning metabolitlari to‘planmaydi.

Qo‘llanilishi

Yurak yetishmovchiligi chaqirgan shishlar va/yoki suyuqlikni yig‘ilishini davolash va oldini olish, vena ichiga yuborib davolashning zaruratida.

Qo‘llash usuli va dozalari

Preparat vena ichiga, sekin yuboriladi. Boshlang‘ich bir martalik doza sutkada 10 mg (2 ml Torsid preparati) ni tashkil qiladi. Klinik samaraning yetishmovchiligida doza 20 mg gacha oshirilishi mumkin (4 ml Torsid preparati). Agarda istalgan klinik samaraga erishilmasa, doza sutkada 40 mg gacha (8 ml Torsid preparati) oshiriladi, ammo u 3 sutkadan ortiq qo‘llanmaydi.
O‘pkani o‘tkir shishi. Boshlang‘ich doza 20 mg ni tashkil qiladi. Klinik manzaraga qarab bunday dozani har 30 minutda yuborish mumkin, ammo sutkada 100 mg Torsiddan ko‘p emas. Keyingi davolashlar uchun peroral qabulga erta o‘tish tavsiya qilinadi. Preparatni vena ichiga 7 sutkadan ko‘p qo‘llamash mumkin emas. Maksimal sutkalik doza 100 mg dan oshmasligi kerak.
Jigar yetishmovchiligi bo‘lgan patsiyentlar. Bu toifa bemorlarni davolash ehtiyotkorlik bilan o‘tkazilishi kerak, chunki torasemidning qon plazmasidagi kontsentratsiyasini oshishi mumkin.
Keksa yoshli patsiyentlar. Bu toifa bemorlarni davolash dozani maxsus tanlashni talab qilmaydi. Ammo keksa yoshli patsiyentlarni va yosh patsiyentlarni davolashni solishtirish bo‘yicha adekvat tekshirishlar yo‘q.
In'ektsiya uchun eritma vena ichiga sekin yuboriladi.
Arteriya ichiga yubormang!
Nojo‘ya ta'sirlari
Yurak-qon tomir tizimi tomonidan. Suv va elektrolit muvozanatini buzilishlari (gipovolemiya, gipokaliyemiya, giponatriyemiya); yakka hollarda – metabolik alkalozni kuchayishi; arterial gipotenziya, ongni chalkashishi, trombozlar, yurak ritmini buzilishlari, stenokardiya, o‘tkir miokard infarkti, sinkopeni rivojlanishi bilan birga kechuvchi kardial va serebral ishemiyalar kuzatilishi mumkin.
Nerv tizimi tomonidan. Ba'zida, ayniqsa davolashning boshida bosh og‘rig‘i, bosh aylanishi, kuchli toliqish, mushaklarni tirishishi kuzatilishi mumkin.
Ovqat hazm qilish tizimi tomonidan qabziyat, ishtahani yo‘qolishi, ko‘ngil aynishi, qusish, qorin og‘rig‘i, ich ketishi; jigarning ayrim fermentlarini (gammaglutamiltranspeptidaza) darajasini oshishi kuzatilishi mumkin.
Siydik chiqarish tizimi tomonidan. Siydik chiqarilishini buzilishlari bo‘lgan patsiyentlarda siydikni jadal chiqarilishi, uni tutilishi va qovuqni haddan tashqari kengayishiga olib kelishi mumkin. Kam qonda kreatinin va mochevinani oshishi kuzatiladi.
Moddalar almashinuvi. Ba'zida qonda siydik kislotasi, glyukoza, lipidlar (triglitseridlar, xolesterin) darajasi oshadi.
Qon tizimi tomonidan. Kam – trombotsitlar, eritrotsitlar va/yoki leykotsitlar sonini kamayishi.
Immun tizimi tomonidan. Kam - qichishish, ekzantemalar, fotosezuvchanlik; ayrim hollarda vena ichiga yuborilganidan keyin shoshilinch yordamni talab qiluvchi yuqori sezuvchanlikning o‘tkir reaktsiyalari rivojlanishi mumkin; ba'zida og‘ir teri reaktsiyalari bo‘lishi mumkin.
Boshqalar. Kam og‘izni qurishi, paresteziyalar uchraydi; alohida hollarda – ko‘rishni buzilishi. Yakka hollarda - quloqlarda shovqin, eshitishni pasayishi.

Qo‘llash mumkin bo‘lmagan holatlar

.
-Ta'sir qiluvchi moddaga, yordamchi moddalarga va sulfanilmochevinaning boshqa preparatlariga yuqori sezuvchanlik.
-Arterial gipotenziya (AB 90 mm sim. ust. dan past).
-Anuriya bilan kechuvchi buyrak yetishmovchiligi.
-Jigar faoliyatini og‘ir buzilishlari (prekoma, koma).
-Suv-elektrolit muvozanatini buzilishlari (gipovolemiya, giponatriyemiya, gipokaliyemiya).
-Siydik chiqarilishini yaqqol buzilishlari (masalan, prostata bezining gipertrofiyasi natijasidagi).
-Podagra.
-Yuqori darajali yurak o‘tkazuvchanligini buzilishlari sinoaurikulyar blokada, II yoki III darajali atrioventrikulyar blokada.
-Kislota-ishqor muvozanatining patologik o‘zgarishlari.
-Qon manzarasini patologik o‘zgarishlari (buyrak yetishmovchiligi bo‘lmagan patsiyentlardagi trombotsitopeniya yoki anemiya).
-Nefrotoksik moddalar chaqirgan buyraklar faoliyatini buzilishlari.
-Homiladorlik va emizish davri.
Dorilarning o‘zaro ta'siri
Litiy preparatlari, aminoglikozidlar yoki sefalosporinlar bilan bir vaqtda davolash mumkin emas. Torasemid boshqa antigipertenziv preparatlarni, xususan angiotenzin-aylantiruvchi ferment ingibitorlarining (AAFI) ta'sirini kuchaytiradi. Agarda AAFI torasemid bilan davolash vaqtida qo‘shimcha yoki u tugaganidan keyin darhol qo‘llansa, u holda arterial bosimni haddan ziyod pasayishi mumkin. Torasemid bilan angishvonagul preparatlari bir vaqtda qo‘llanganida torasemid chaqirgan kaliy tanqisligi, ikkala preparatning nojo‘ya ta'sirlarini kuchayishiga olib kelishi mumkin. Torasemid diabetga qarshi vositalarning ta'sirini pasaytirishi mumkin.
Probenetsid va nosteroid yallig‘lanishga qarshi vositalar torasemidning diuretik va gipotenziv ta'sirini susaytiradi. Salitsilatlarning yuqori dozalari bilan davolanishda torasemid ularning markaziy nerv tizimiga zaharli ta'sirini kuchaytirishi mumkin. Torasemid, ayniqsa katta dozalarda, aminoglikozidlar guruhi antibiotiklarining va sitotoksik ta'sir qiluvchi platinaning hosilalarini oto- va nefrotoksik ta'sirini kuchaytirishi mumkin. Torasemid teofillin, shuningdek kuraresimon miorelaksantlarning ta'sirini kuchaytiradi. Surgi vositalari, shuningdek mineralo- va glyukokortikoidlar, Torasemid bilan bog‘liq kaliyning yo‘qotilishini kuchaytirishi mumkin. Torasemid va litiy preparatlari bir vaqtda qo‘llanganida, qonda litiyning kontsentratsiyasini oshishi va shu bilan birga litiyning ta'sirini va uning nojo‘ya ta'sirlarini kuchayishi mumkin. Torasemid katexolaminlarning tomirlarni toraytiruvchi ta'sirini susaytiradi. Amiodaron, amfoteritsin V va antikoagulyantlar bilan o‘zaro ta'siri bo‘yicha ma'lumotlar yo‘q.

Maxsus ko‘rsatmalar

Preparatni bir haftadan ortiq qo‘llash mumkin emas. Keyingi davolanish uchun Torsid preparatining tabletka shakli tavsiya qilinadi. Davomli davolashlarda elektrolit muvozanatini, xususan qon zardobida kaliyni muntazam nazorat qilish kerak. Glyukoza, siydik kislotasi, kreatinin va lipidlar darajasini, shuningdek qon manzarasini (eritrotsitlar, leykotsitlar, trombotsitlar) nazorat qilish kerak. Alohida hollarda bemorlar qonida glyukoza darajasini oshishi yashirin yoki manifest qandli diabet bilan bog‘liq bo‘lishi mumkinligini istisno qilish mumkin emas, shuning uchun bunday bemorlarda qonda qand miqdorini sinchiklab nazorat qilish kerak. Tizimli qizil yugurikli bemorlarda preparatni qo‘llash bo‘yicha ma'lumotlar yo‘q. Operativ aralashuvlarga zarurat bo‘lganida anesteziologni Trosid qo‘llanganligi to‘g‘risida ogohlantirish kerak.
Torasemid qabul qilinganidan keyin ototoksiklikning ko‘inishlari (quloqlarda shovqin va eshitishni yo‘qotish) kuzatilgan, ular qaytuvchi xarakterga ega bo‘lgan, ammo preparatni qo‘llash bilan to‘g‘ridan-to‘g‘ri bog‘liqligi aniqlanmagan.
Qo‘llashning yetarli klinik tajribasi yo‘qligi sababli torasemidni quyida sanab o‘tilgan kasalliklarda va holatlarda buyurish mumkin emas
podagra, aritmiyalar, masalan, sinoatrial blokada, II va III darajali atrioventrikulyar blokada, kislota-ishqor metabolizmini patologik o‘zgarishlari, litiy preparatlari, aminoglikozidlar yoki sefalosporinlarni qo‘llash bilan yo‘ldosh davolash; qon manzarasini patologik o‘zgarishlari, masalan, buyrak yetishmovchiligi bo‘lmagan bemorlardagi trombotsitopeniya yoki anemiya.; nefrotoksik moddalar chaqirgan buyraklar faoliyatini buzilishlari.
Homiladorlik yoki emizish davrida qo‘llanishi. Preparatni homiladorlik vaqtida qo‘llashning tajribasi yo‘q, shuning uchun uni homiladorlik vaqtida qo‘llash tavsiya qilinmaydi.
Torasemid bilan davolash davrida emizishni to‘xtatish kerak, chunki preparatni ko‘krak sutiga tushishi noma'lum.
Bolalar. Preparatni bolalarni davolash uchun qo‘llashning samaradorligi va xavfsizligiga nisbatan klinik ma'lumotlar yo‘q, shuning uchun preparatni bu yosh toifasiga buyurish tavsiya qilinmaydi..
Avtotransportni boshqarish yoki boshqa mexanizmlar bilan ishlashda reaktsiya tezligiga ta'sir qilish qobiliyati. Torsid bilan davolash vaqtida, ayniqsa davolashning boshida, avtotransportni yoki boshqa mexanizmlarni boshqarish tavsiya qilinmaydi.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Tipik simptomatikasi noma'lum.

Dozani oshirib yuborilishi

kuchli diurez, shu jumladan suv va elektrolitlarning haddan tashqari yo‘qotish xavfi, uyquchanlik, amentiv sindrom (xushni yo‘qotish shakli), simptomatik arterial gipotenziya, yurak-qon tomir yetishmovchiligi va ovqat hazm qilish yo‘llarini buzilishlarini chaqirishi mumkin.

Dozani oshirib yuborilishi

ni davolash. Maxsus antidoti noma'lum. Intoksikatsiya belgilari odatda doza kamaytirilganida va/yoki dori preparati bekor qilinganida, shuningdek suyuqlik va elektrolitlar muvofiq to‘ldirilganida yo‘qoladi (nazoratni o‘tkazish zarur!). Torasemid gemodializ yordamida qondan chiqarilmaydi. Gipovolemiya holida davolash suyuqlik hajmini to‘ldirish. Yurak-qon tomir yetishmovchiligini davolash bemorni o‘tqizish va zarurati bo‘lganida simptomatik davolashni o‘tkazish. Anafilaktik shok (kechiktirib bo‘lmaydigan tadbirlar). Teri reaktsiyalari (masalan, eshakemi yoki terini qizarishi kabi), bemorning qo‘zg‘algan holati, bosh og‘rig‘i, terlash, ko‘ngil aynishi, sianoz birinchi marta paydo bo‘lganida venaning kateterizatsiyasi o‘tkaziladi bemor gorizontal holatda yotqiziladi, havoni erkin kelishi ta'minlanadi, kislorod buyuriladi. Zarurati bo‘lganida epinefrin, hajmni to‘ldiruvchi eritmalar, glyukokortikoid gormonlar yuboriladi.

Chiqarilish shakli

2 ml yoki 4 ml dan ampulada. 5 ampuladan qutiga joylangan.

Saqlash sharoiti

Quruq, yorug‘likdan himoyalangan joyda, 25oS dan yuqori bo‘lmagan haroratda saqlansin. Muzlatilmasin.

Yaroqlilik muddati

2 yil.

Dorixonalardan berish tartibi

Retsept bo‘yicha.

Ishlab chiqaruvchi

«Farmak» OAJ.
Buyurtmachi (qayd qilish guvohnomasi egasi)
«Farmak» OAJ.

Ishlab chiqaruvchi

ning manzili
“Farmak” OAJ Ukraina, 04080, Kiyev sh., Frunze ko‘ch., 63.
Buyurtmachining manzili
Ukraina, 04080, Kiyev sh., Frunze ko‘ch., 63