UROSEPT-HERBAPOL


Preparatning savdo nomi
Urosept-Herbapol
Ta'sir etuvchi moddalar (MNN)
Extractum spissum compositum ex Betulae folio, Petroselini radice, Phaseoli pericarpio
Chamomillae herbae extractum siccum
Vitis idaeae folii extractum siccum
Phaseoli pericarpium
Kalii citras
Natrii citras

Dori shakli
qobiq bilan qoplangan tabletka

Tarkibi

Qobiq bilan qoplangan 1 tabletka quyidagilarni saqlaydi
faol moddalar
- oq qayin barglarining quyuq, murakkab ekstrakti, petrushka ildizi, loviya mevasining old qismi (Extractum spissum compositum (4-71) ex Betulae folio 4,40 q., Petroselini radice 2,66 q., Phaseoli pericarpio 1,00 q., ekstragent – 90% metanol [v/v])86,2 mg
- moychechak o‘tlarining quruq ekstrakti (Chamomillae herbae extractum siccum (7-91), ekstragent suv)............................................................................ 8 mg
- brusnika barglarining quruq ekstrakti (Vitis idaeae folii extractum siccum (3-61), ekstragent suv)...........................................................................26 mg
- loviya mevasining old qismi, kukun (Phaseoli pericarpium)....78 mg
- kaliy sitrati (Kalii citras).......................................................19 mg
- natriy sitrati (Natrii citras)....................................................16 mg
yordamchi moddalar
yadro limon kislota monogidrati, saxaroza, laktoza monogidrati, kartoshka kraxmali, magniy stearati, talk.
qobig‘i saxaroza, talk, purkash bilan quritilgan arabiston kamedi, indigotin Ye 132, Capol® 1295 (asalarining oq mumi Ye 901 va karnaub mumi Ye 903 aralashmasi).

Farmakoterapevtik guruhi
antiseptik va diuretik vosita

Farmakologik hususiyatlari
O‘simliklardan olingan majmuaviy preparat bo‘lib, o‘rtacha siydik haydovchi, yallig‘lanishga qarshi, spazmolitik, antiseptik va diuretik ta'sir ko‘rsatadi.

Farmakokinetikasi

Urosept-HERBAPOL preparatining farmakokinetik tadqiqotlari o‘tkazilmagan, preparatning har bir faol moddalari yuzasidan quyidagi yozma hisobotlar olingan
Vitis idaeae folium – ekstraktda gallon kislotasini mavjudligi arbutinni fermentativ gidrolizi, uni me'da-ichak yo‘llarida so‘rilishini oldini olish mumkinligi, bu siydikda ajralib chiqqan gidroxinonning miqdorini oshishi aniqlangan. Organizmda arbutinni so‘rilishi tez amalga oshadi va shu sababli metabolitlari siydikda aniqlanishi mumkin. Organizmda aylanib yurish jarayonida glikozid shaklidagi arbutindan faol modda hisoblangan gidroxinon ajralib chiqadi. Arbutin metabolizmi mahsulotlarining maksimal kontsentratsiyasi nastoyka qabul qilingandan keyin 4 soat o‘tgach aniqlangan, 24 soatdan keyin esa 70-75% gacha kamaygan. Boshqa tadqiqotlarga ko‘ra, arbutin metabolizmining asosiy mahsuloti bo‘lib gidroxinon glyukuronidi hisoblanadi va dori vositasi qabul qilingandan keyin 2 soat o‘tgach u siydikda aniqlanadi.
Chamomillae anthodium – moychechak yuzasidan esa, radiofaol uglerod [14C] bilan nishonlangan (-)-alfa-bisabololni qo‘llash bilan o‘tkazilgan tadqiqotda sichqonlarga teri orqali yuborilganda siydikda radiofaollikning 82% darajasi aniqlangan. In vivo sharoitdagi tadqiqotlarda 9 nafar sog‘lom ayollarda o‘tkazilgan apigenin va lyuteolinning suv-etanolli eritmalarini teri orqali kirishi barqaror oqimda 10,31 ng/min.sm2 va 6,11 ng/min.sm2 ni tashkil qilgan. Kalamushlarga glikozid-7- apigenin peroral yuborilgandan keyin erkin apigenin siydikda aniqlangan. 225,52 mg% glikozid-7-apigenin; 22,51 mg% apigenin va 15,14 mg%gemiarin saqlovchi 40 ml moychechak gullarining suv-etanolli ekstrakti qabul qilgan shaxslarga peroral yuborilgan. 24 soat davomida flavonlar plazma yoki siydikda aniqlanmagan, ayni vaqtda gemarin plazmada 35 mg/ml va siydikda 0,324 mg miqdorda aniqlangan. Steril sharoitda saqlanayotgan kalamushlarda glikozidli flavonlar hosilalarining gidrolizi kuzatilmagan.


Qo‘llanilishi

Urosept-HERBAPOL yengil siydik haydovchi ta'sirga ega an'anaviy qo‘llanadigan dori preparati hisoblanadi. Siydik chiqarish tizimining infektsiyalarida va siydik tosh kasalligida yordamchi vosita sifatida qo‘llanadi.
Keltirilgan ko‘rsatmalar bo‘yicha preparatning samaradorligi faqat uzoq muddat qo‘llash va tajriba bilan tasdiqlanadi.


Qo‘llash usuli va dozalari

Qobiq bilan qoplangan 2 tabletkadan kuniga 3 marta bir stakan suv bilan ichga qabul qilinadi yoki shifokorning individual tavsiyalari bo‘yicha qabul qilinadi.
Preparatni shifokor nazorati ostida uzoq vaqt davomida, shuningdek boshqa preparatlar bilan majmuada qo‘llash mumkin.

Nojo‘ya ta'sirlari
Har qanday preparat kabi, Urosept-HERBAPOL ham nojo‘ya ta'sirlar chaqirishi mumkin. Hozirgi vaqtgacha preparatning nojo‘ya ta'sirlari aniqlanmagan.
Preparatning tarkibida potentsial fotosensibilizatsiyalovchi ta'sirga ega petrushka ildizining ekstrakti borligi sababli, terisining rangi och bo‘lgan shaxslar uzoq vaqt quyosh nurida bo‘lganlarida terida o‘zgarishlarning paydo bo‘lishini biroz ehtimoli bor.


Qo‘llash mumkin bo‘lmagan holatlar

Urosept-HERBAPOL preparatini murakkabgullilar oilasiga kiruvchi (Asteraceae, ilgari Compositae) o‘simliklarga yoki preparatning biron-bir komponentiga nisbatan yuqori sezuvchanlik bo‘lganida qo‘llash mumkin emas.
Yurak va buyrak yetishmovchiligi chaqirgan shishlarda preparatni qo‘llash mumkin emas.

Dorilarning o‘zaro ta'siri
So‘nggi vaqtlarda qabul qilinayotgan va hatto retseptsiz beriladigan barcha dori preparatlari haqida shifokorga xabar berish lozim.
Hozirgi vaqtgacha boshqa dori vositalari bilan o‘zaro ta'siri aniqlanmagan.


Maxsus ko‘rsatmalar

Ayrim guruh patsiyentlarida preparatni qo‘llashda alohida ehtiyotkorlikka rioya qilish.
Qo‘llashning havfsizligini tasdiqlovchi ma'lumotlarning yo‘qligi sababli preparatni 12 yoshgacha bo‘lgan bolalarga qo‘llash tavsiya qilinmaydi.
Boshqalar
Agar simptomlar kuchaysa yoki o‘tib ketmasa, shifokorga murojaat qilish lozim.
Homiladorlik
Qo‘llashning xavfsizligini tasdiqlovchi ma'lumotlarning yo‘qligi sababli, preparatni homiladorlik davrida qo‘llash tavsiya qilinmaydi.
Emizish davri
Qo‘llashning xavfsizligini tasdiqlovchi ma'lumotlarning yo‘qligi sababli, preparatni emizish davrida qo‘llash tavsiya qilinmaydi.
Avtotransportni boshqarish va mexanik qurilmalarga xizmat ko‘rsatish
Dori preparatini qo‘llash avtotransportni boshqarish va mexanik qurilmalarga xizmat ko‘rsatish qobiliyatiga ta'sir qilmaydi.


Dozani oshirib yuborilishi

Preparatning dozasini oshirib yuborilish hollari no ma'lum emas.
Preparatni buyurilgan dozaga nisbatan yuqori dozada qabul qilganda va bezovta qiluvchi simptomlar paydo bo‘lganda, shifokor yoki farmatsevtga murojaat qilish lozim.


Chiqarilish shakli

Qobiq bilan qoplangan tabletka
15 tabletkadan 2 yoki 4 blister karton qutida.


Saqlash sharoiti

Saqlaganda qobig‘i to‘q rangga bo‘yalishi mumkin, bu preparatning terapevtik hususiyatlariga ta'sir qilmaydi.
25°S dan yuqori bo‘lmagan haroratda saqlansin.
Preparatni bolalar sezmaydigan va ololmaydigan joyda saqlash lozim.
Urosept-HERBAPOL preparatini o‘ramida ko‘rsatilgan yaroqlilik muddati o‘tgandan so‘ng qo‘llash mumkin emas.


Yaroqlilik muddati

3 yil.


Dorixonalardan berish tartibi

Retseptsiz.


Ishlab chiqaruvchi
ning nomi va manzili
“Gerbapol” A.J. Poznan dorivor o‘simliklar zavodi
Polsha, Poznan 61-896, Tovarov ko‘chasi, 47-51
telefon +48 61 886 18 00, faks +48 61 853 60 58.