Preparatning savdo nomi
Medotilin
Ta'sir etuvchi modda (XPN) xolin alfostserati

Dori shakli
Kapsulalar

Tarkibi

Har bir kapsula quyidagilarni saqlaydi
faol modda 400 mg xolin alfostserati (L-alfa-glitserofosforilxolin shakli (85% moyli eritma)).
yordamchi moddalar glitserin, tozalangan suv;
kapsula jelatin, qisman degidratatsiyalangan suyuq sorbitol, titan dioksidi, natriy etilparagidroksibenzoati, natriy propilparagidroksibenzoati, temir (II)-oksidi.
Ta'rifi ichida qovushqoq, rangsiz, tiniq eritma saqlovchi, oval shaklli, tiniq bo‘lmagan, jigarrang-sariq rangli qattiq jelatin kapsulalar.

Farmakoterapevtik guruhi
Nerv tizimiga ta'sir etuvchi boshqa vositalar. Parasimpatomimetiklar.
ATX kodi N07AX02

Farmakologik hususiyatlari

Farmakodinamika

Medotilin – markaziy nerv tizimi (MNT) dagi asosan xolin retseptorlariga ta'sir qiluvchi xolinomimetik, neyrometabolik stimulyatorlar guruhiga kiradi, neyroprotektor ta'sir ko‘rsatadi.
Ta'sir mexanizmi organizmga tushganida xolin alfostserat fermentlar ta'sirida xolin va glitserofosfatga parchalanishiga asoslangan. Xolin nerv qo‘zg‘aluvchanligining asosiy mediatorlaridan biri – atsetilxolin sintezida ishtiroq etadi, glitserofosfat esa neyronning membranasidagi fosfolipidlarni o‘tmishdoshi hisoblanadi.
Medotilin xolinergik neyronlarda nerv impulslarini o‘tishini yaxshilaydi, neyronal membranalarning plastikligini va retseptorlarning funktsiyasini yaxshilaydi, bosh miyada qon oqimini faollashtiradi, MNT va retikulyar formatsiyaning metabolizmini rag‘batlantiradi. Involyutsion yoki nasliy-degenerativ psixoorganik sindromi bo‘lgan patsiyentlarda bilish va xulq-atvor reaktsiyalarga ijobiy ta'sir qiladi, diqqatni jamlash, eslab qolish va qayta ishlashni yaxshilaydi. Kayfiyatni yaxshilaydi, emotsional beqarorlik, ta'sirchanlik va apatiyalarni bartaraf qilishga yordam beradi. Aqliy faoliyatni faollashtiradi.

Farmakokinetikasi

Ichga qabul qilinganida so‘rilishi 88% ni tashkil etadi, gematoentsefalik to‘siq orqali oson o‘tadi, asosan miyada (qon plazmasidagi kontsentratsiyasining 45%), shuningdek jigar va o‘pkada to‘planadi. Chiqarilishi asosan o‘pkalar orqali uglerod dioksidi (85%) shaklida, qolgan qismi buyrak va ichak orqali amalga oshiriladi.


Qo‘llanilishi

• ishemik va gemorragik insult, bosh miya jarohatlaridan keyingi tiklanish davrida;
• degenerativ va involyutsion psixoorganik sindromlar va xotirani buzilishlari, ongni chalkashishi, dezoriyentatsiya, motivatsiya, tashabbuskorlik va diqqatni jamlash qobiliyatini pasayishi bilan xarakterlanadigan xotira funktsiyasini birlamchi va ikkilamchi buzilishlari kabi serebrovaskulyar yetishmovchilikning oqibatlari;
• emotsional va xulq-atvor doirasidagi o‘zgarishlar emotsional labillik, yuqori ta'sirchanlik, qiziqishni pasayishi;
• qarilikdagi psevdomelanxoliya;
• multiinfarkt dementsiyada qo‘llanadi.


Qo‘llash usuli va dozalari

Medotilin ichga ovqatdan oldin 1 kapsuladan sutkada 3 marta qabul qilinadi. Davolash davomiyligi 3-6 oyni tashkil etishi mumkin.
Davolash kursining davomiyligi shifokor tomonidan terapevtik samaraga erishilgan kasallikning hususiyatlari va dori vositasini o‘zlashtirilishini hisobga olgan holda aniqlanadi.

Nojo‘ya ta'sirlari
Allergik reaktsiyalar, ko‘ngil aynishi (dofaminergik jarayonlarni rag‘batlanishi natijasida) bo‘lishi mumkin. Odatda, preparat uzoq muddat qo‘llanganida yaxshi o‘zlashtiriladi.
Dori vositasi qayd etilgandan keyin shubha qilingan noxush reaktsiyalar haqidagi xabarlar muhim hisoblanadilar. Patsiyentda dori vositasiga nisbatan jiddiy noxush reaktsiya aniqlanganida yoki ushbu bo‘limda ta'riflanmagan yangi noxush reaktsiya paydo bo‘lganida Milliy farmakoogohlik tizimiga muvofiq xabar berishingizni so‘raymiz.


Qo‘llash mumkin bo‘lmagan holatlar

• preparatning komponentlariga o‘ta yuqori sezuvchanlik;
• homiladorlik;
• laktatsiya davrida qo‘llash mumkin emas.

Dorilarning o‘zaro ta'siri
Medotilinni boshqa dori vositalari bilan o‘zaro ta'siri ta'riflanmagan.


Maxsus ko‘rsatmalar

Preparat qabul qilinganidan so‘ng ko‘ngil aynishi rivojlanganida dozani kamaytirish kerak.
Homiladorlik va laktatsiya davrida qo‘llanishi
Homiladorlikda preparatni qo‘llash mumkin emas. Davolanish vaqtida emizishni to‘xtatish kerak.
Pediatriyada qo‘llanishi
Bolalarda Medotilinni qo‘llash tajribasi yo‘q.
Avtotransportni haydash va mexanizmlarni boshqarish qobiliyatiga ta'siri
Medotilin avtomobilni boshqarish va potentsial havfli faoliyat turlarini bajarish qobiliyatiga ta'sir qilmaydi.


Dozani oshirib yuborilishi

Dozasi oshirib yuborilganida, ko‘ngil aynishi kuzatiladi, preparatning dozasi kamaytrilganidan yoki davolash to‘xtatilganidan keyin o‘tib ketadi.


Chiqarilish shakli

Kapsulalar. 14 kapsuladan blisterda. 1 yoki 2 blister tibbiyotda qo‘llanishiga doir yo‘riqnomasi bilan birga karton qutiga joylangan.


Saqlash sharoiti

25°C dan yuqori bo‘lmagan haroratda saqlansin.
Bolalar ololmaydigan joyda saqlansin!


Yaroqlilik muddati


Ishlab chiqarilgan
sanadan boshlab 3 yil.

Yaroqlilik muddati
tugaganidan so‘ng qo‘llanilmasin.


Dorixonalardan berish tartibi

Retsept bo‘yicha beriladi.