Medotilin in'ektsiya uchun eritma 1000mg/4ml №3

Preparatning savdo nomi

Medotilin
Ta'sir etuvchi modda (XPN) xolin alfostserati

Dori shakli

In'ektsiya uchun eritma

Tarkibi

1 ampula quyidagilarni saqlaydi
faol modda xolin alfostserati (xolin alfostserati gidrati shaklida) – 1000 mg;
yordamchi moddalar in'ektsiya uchun suv.
Ta'rifi tiniq, rangsiz yoki och sariq rangli eritma.

Farmakoterapevtik guruhi

Nerv tizimiga ta'sir etuvchi boshqa vositalar. Markaziy ta'sirga ega xolinomimetiklar.
ATX kodi N07AX02
Farmakologik hususiyatlari
Medotilin – asosan markaziy nerv tizimi (MNT) ga ta'sir etuvchi markaziy xolinomimetik bo‘lib, tarkibida 40,5% metabolik himoyalangan xolin saqlaydi. Xolin alfostserati organizmda bosh miyadagi fermentlar ta'sirida xolinga va glitserofosfatgacha biotransformatsiyaga uchraydigan alfostseratga parchalanadi. Xolin atsetilxolinni sintezida ishtirok etib, nerv impulslarini o‘tkazadi va bosh miyaning faoliyatini yaxshilaydi, shuningdek glitserofosfat neyronlarning membranalaridagi fosfaditilxolinni o‘tmishdoshi hisoblanadi.
Medotilin bosh miya travmatik shikastlanganida bosh miyada qon oqimini yaxshilaydi, metabolik jarayonlarni kuchaytiradi, bosh miyadagi retikulyar formatsiyaning tuzilishini faollashtiradi va ongni tiklaydi. Neyronlarning membranalarini fosfolipid tarkibini o‘zgarishi va xolinergik faollikni o‘zgarishi kabi involyutsion psixoorganik sindromning omillariga profilaktik va muvofiqlashtiruvchi ta'sir ko‘rsatadi.

Farmakokinetikasi

Medotilin gematoentsefalik to‘siq orqali oson o‘tadi, asosan bosh miyada (qon plazmasidagi kontsentratsiyasining 45%), shuningdek jigarda va o‘pkada to‘planadi. Organizmdan chiqarilishi, asosan uglerod dioksidi shaklida o‘pkalar orqali (85%) amalga oshadi, qolgan qismi buyraklar va ichak orqali chiqariladi.

Qo‘llanilishi

• asosan bosh miyaning ustunini shikastlanishi bilan kechuvchi bosh miya jarohatlarini o‘tkir davri (shu jumladan, ongni buzilishi, koma holati);
• bosh miyada qon aylanishi ishemik tipda (o‘tkir va tiklanish davri) va gemorragik tipda (tiklanish davri) buzilishi;
• degenerativ hamda involyutsion psixoorganik sindromlar va xotirani buzilishi, ongni chalkashishi, dezoriyentatsiya, motivatsiya, tashabbuskorlik va diqqatni jamlash qobiliyatini pasayishi bilan xarakterlanadigan, fikrlash faoliyatini birlamchi hamda ikkilamchi buzilishlari kabi serebrovaskulyar yetishmovchilikni oqibatlari;
• emotsional va xulq-atvorni o‘zgarishlari emotsional labillik, yuqori ta'sirchanlik, qiziqishni yo‘qolishi; qarilik psevdomelanxoliya;
• multiinfarkt dementsiyada qo‘llanadi.

Qo‘llash usuli va dozalari

Preparat mushak ichiga va vena ichiga yuborish uchun mo‘ljallangan.
O‘tkir holatlarda mushak ichiga sutkada 1 g (1 ampula) dozada yoki vena ichiga – sutkada 1 g dan 3 g gacha buyuriladi.
Vena ichiga yuborilganida 1 ampulaning ichidagisi (4 ml) 50 ml fiziologik eritmada suyultiriladi; infuziya tezligi minutiga 60-80 tomchini tashkil etadi. Davolashning davomiyligi odatda 10 kunni tashkil etadi, ammo zarurat bo‘lganida davolashni ijobiy dinamika paydo bo‘lgunicha davom ettirish mumkin.
Nojo‘ya ta'sirlari
Ko‘ngil aynishi (dofaminergik jarayonlarni rag‘batlanishi natijasida), allergik reaktsiyalar bo‘lishi mumkin.
Uzoq muddat qo‘llanganida, odatda preparat yaxshi o‘zlashtriladi.

Qo‘llash mumkin bo‘lmagan holatlar

• preparatning komponentlariga o‘ta yuqori sezuvchanlik;
• homiladorlik va laktatsiya davrida qo‘llash mumkin emas.
Dorilarning o‘zaro ta'siri
Medotilin preparatini boshqa dori vositalari bilan o‘zaro ta'siri ta'riflanmagan.

Maxsus ko‘rsatmalar

Homiladorlik va laktatsiya davrida qo‘llanishi
Preparatni homiladorlikda qo‘llash mumkin emas. Davolanish vaqtida emizishni to‘xtatish kerak.
Pediatriyada qo‘llanishi
Bolalarda Medotilinni qo‘llash tajribasi mavjud emas.
Avtotransportni haydash va mexanizmlarni boshqarish qobiliyatiga ta'siri
Medotilin patsiyentning avtomobilni boshqarish va potentsial havfli faoliyat turlarini bajarish qobiliyatiga ta'sir qilmaydi.
Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Dozani oshirib yuborilishi

Dozasi oshirib yuborilganida preparatning dozasi kamaytirilganidan yoki davolash to‘xtatilganidan so‘ng o‘tkinchi ko‘ngil aynishi kuzatiladi.

Chiqarilish shakli

In'ektsiya uchun eritma.
4 ml dan 3 rangsiz shisha ampula kontur uyali o‘ramda.
1 kontur uyali o‘ram qo‘llash bo‘yicha yo‘riqnomasi bilan birga karton qutiga joylangan.

Saqlash sharoiti

Yorug‘likdan himoyalangan joyda, 25°C dan yuqori bo‘lmagan haroratda saqlansin.

Yaroqlilik muddati

4 yil.

Dorixonalardan berish tartibi

Retsept bo‘yicha beriladi.