Preparatning savdo nomi
MR Piratsetam
Ta'sir etuvchi modda (XPN) piratsetam

Dori shakli
vena ichiga yuborish uchun eritma

Tarkibi

faol modda piratsetam – 200,0 g.
yordamchi moddalar natriy atsetati (3-suvli natriy sirka kislotasi) – 1,0 g, suyultirilgan sirka kislotasi – rN 5.0-6.0 gacha, in'ektsiya uchun suv – 1 l gacha.
Ta'rifi tiniq, rangsiz yoki biroz sarg‘ish rangli suyuqlik.

Farmakoterapevtik guruhi
nootrop vosita.
ATX kodi N06BX03


Farmakologik xususiyatlari

Faol komponenti gamma-aminomoy kislotasining (GAMK) siklik hosilasi bo‘lgan piratsetamdir.
MR Piratsetam bosh miyaga bevosita ta'sir qilib, ta'lim olishga qobiliyati, xotira, diqqat, kabi kognitiv (ta'lim olish) qobiliyatni shuningdek aqliy ish qobiliyatini yaxshilaydigan, nootrop vosita hisoblanadi. MR Piratsetam, markaziy nerv tizimiga turli yo‘llar bilan ta'sir ko‘rsatadi bosh miyada qo‘zg‘alishni tarqalish tezligini o‘zgartiradi, nerv xujayralarida metabolik jarayonlarni yaxshilaydi, mikrotsirkulyatsiyani yaxshilaydi, qonning reologik ko‘rsatkichlariga ta'sir qiladi, bunda vazodilatatsiya qiluvchi ta'sir ko‘rsatmaydi.
Bosh miya yarim sharlari orasidagi aloqa va neokortikal tuzilmalarda sinaptik o‘tkazuvchanlikni yaxshilaydi, bosh miyada qon aylanishini yaxshilaydi.
MR Piratsetam trombotsitlar agregatsiyasini ingibitsiya qiladi va rigid eritrotsitlarning tashqi membranalarining konfiguratsion xususiyatlarini, shuningdek eritrotsitlarni mikrotsirkulyator oqim tomirlari orqali o‘tishi qobiliyatini tiklaydi. 9,6 g dozada fibrinogen kontsentratsiyasi va Villebrand omilini 30-40% ga kamaytiradi va qon ketish vaqtini uzaytiradi.
MR Piratsetam gipoksiya va intoksikatsiya natijasida bosh miya faoliyatini buzilishlarida protektor va tiklovchi ta'sir ko‘rsatadi.
MR Piratsetam vestibulyar nistagmning yaqqolligi va davomiyligini kamaytiradi.


Farmakokinetikasi

Plazmadan piratsetamning yarim chiqarilish davri 4-5 soatni va orqa miya suyuqligidan 8,5 soatni tashkil etadi, surunkali buyrak yetishmovchiligida (terminal surunkali buyrak yetishmovchiligida – 59 soatgacha) uzayadi.
Jigar yetishmovchiligi piratsetamning farmakokinetikasiga ta'sir qilmaydi.
Gematoentsefalik va yo‘ldosh to‘sig‘i orqali o‘tadi, gemodializda chiqariladi. Hayvonlardagi tadqiqotlarda bosh miya po‘stlog‘i to‘qimalari, bosh miya, asosan peshona, chakka va ensa sohalari, miyacha va bazal yadrolarda tanlab to‘planadi. Plazma oqsillari bilan bog‘lanmaydi, organizmda metabolizmga uchramaydi va kalavalar filtratsiyasi yo‘li bilan o‘zgarmagan holda buyrak orqali chiqariladi. MR Piratsetamning umumiy klirensi minutiga 80-90 ml ni tashkil etadi.


Qo‘llanilishi

Kattalarda xotirani pasayishi, diqqatni jamlash va faollikni pasayishi, kayfiyatni o‘zgarishi, xulq-atvorni o‘zgarishi, harakatni buzilishi bilan kechuvchi psixoorganik sindromni simptomatik davolash;
-bosh aylanishi (vertigo) va u bilan bog‘liq muvozanatni buzilishini (vazomotor va psixogen bosh aylanishlaridan tashqari) davolash;
-kortikal miokloniya (monoterapiya yoki majmuaviy davolash tarkibida);
-o‘roqsimon-hujayrali vazooklyuzion xurujni bartaraf etishda.
Bolalarda 8 yoshdan boshlab disleksiyani boshqa usullar, shu jumladan logopedik davolash bilan majmuada davolash;
- o‘roqsimon-hujayrali vazooklyuzion xurujni bartaraf etishda qo‘llanadi.


Qo‘llash usuli va dozalari

Vena ichiga yoki mushak ichiga buyuriladi.
Preparatning peroral chiqarilish shakllarini (tabletkalar, kapsulalar, ichga qabul qilish uchun eritma) qo‘llash imkoniyati bo‘lmaganida, masalan, yutishni qiyinlashishi yoki patsiyent xushsiz holatda bo‘lganida piratsetam parenteral yuborish buyuriladi, bunda vena ichiga yuborish afzalroq hisoblanadi.
Sutkalik dozani vena ichiga infuziyasi sutkada 24 soat davomida (masalan, komada yoki og‘ir darajali miokloniyani davolashning erta bosqichida) doimiy tezlikda kateter orqali amalga oshiriladi. Yuborish uchun mo‘ljallangan eritmaning xajmi klinik ko‘rsatmalar va patsiyentning xolatiga bog‘liq holda aniqlanadi.
Vena ichiga yuborish (masalan, o‘roqsimon-hujayrali vazooklyuzion xurujni shoshilinch davolashda) kamida 2 minut davomida amalga oshiriladi, bunda sutkalik doza teng intervallar bilan bir necha yuborishlarga taqsimlanadi.
Agar vena orqali yuborish qiyin bo‘lsa yoki patsiyent qo‘zg‘algan holatda bo‘lsa, preparat mushak ichiga yuboriladi. Ammo, ayniqsa bolalar va tana vazni kamaygan patsiyentlarda mushak ichiga yuborilishi mumkin bo‘lgan preparatning miqdori cheklangan. Bundan tashqari, preparatni mushak ichiga yuborish suyuqlikni katta xajmi sababli og‘riqli bo‘lishi mumkin. Mushak ichiga yuboriladigan eritmaning xajmi 5 ml dan oshmasligi kerak. Preparatni yuborishlar soni uni vena ichiga yuborish yoki peroral qo‘llashga o‘xshash.
Imkoniyati paydo bo‘lganida preparatni peroral qabul qilishga o‘tiladi (preparatni muvofiq chiqarilish shakllarni tibbiyotda qo‘llash bo‘yicha yo‘riqnomalariga qarang).
Davolash davomiyligi kasallik va simptomlar dinamikasiga bog‘liq holda shifokor tomonidan belgilanadi.
Psixoorganik sindromni simptomatik davolash – birinchi hafta davomida sutkada 4,8 g, so‘ngra sutkada 1,2-2,4 g tutib turuvchi dozaga o‘tiladi.
Bosh aylanishi va u bilan bog‘liq muvozanatni buzilishlarini davolash – sutkada 2,4-4,8 g.
Kortikal miokloniyani davolash – sutkada 7,2 g dozadan boshlanadi, har 3-4 kunda dozani sutkada 24 g maksimal dozaga erishguncha sutkada 4,8 g gacha oshiriladi. Davolash butun kasallik davri davomida davom ettiriladi. Har 6 oyda dozani kamaytirish yoki preparatni bekor qilishga harakat qilinadi, bunda doza har 2 kunda sutkada 1,2 g ga asta-sekin kamaytiriladi. Terapevtik samara ahamiyatsiz darajada yoki umuman bo‘lmaganida davolash to‘xtatiladi.
Buyrak faoliyatini buzilishi bo‘lgan bemorlarda dozalash. Piratsetam organizmdan buyrak orqali chiqarilishi sababli, buyrak yetishmovchiligi bo‘lgan bemorlarni davolashda ehtiyotkorlikka rioya qilish va ushbu dozalash sxemasiga muvofiq dozani tanlash kerak

Buyrak yetishmovchiligiKreatinin klirensi (ml/minut)
Dozalash tartibi

Norma>80Odatdagi doza
Yengil50-792-3 qabulda odatdagi dozaning 2/3 qismi
O‘rtacha30-492 qabulda odatdagi dozaning 1/3 qismi
Og‘ir20-30Bir marta odatdagi dozaning 1/6 qismi
So‘nggi bosqich<20qo‘llash mumkin emas

Nojo‘ya ta'sirlari
Markaziy nerv tizimi tomonidan harakatni tormozlanishi, ta'sirchanlik, uyquchanlik, depressiya, asteniya, bosh og‘rig‘i, uyqusizlik, ruhiy qo‘zg‘alish, muvozanatni buzilishi, ataksiya, tutqanoqni kechishini zo‘rayishi, xavotirlik, gallyutsinatsiyalar, ongni chalkashishi.
Ovqat-hazm qilish tizimi tomonidan ko‘ngil aynishi, qusish, diareya, abdominal og‘riq.
Moddalar almashinuvi tomonidan tana vaznini oshishi.
Sezgi a'zolari tomonidan vertigo.
Teri qoplamalari tomonidan dermatit, qichishish, eshakemi.
Allergik reaktsiyalar o‘ta yuqori sezuvchanlik, angionevrotik shish, anafilaktik reaktsiyalar.
Mahalliy reaktsiyalar yuborish joyida og‘riq, tromboflebit.
Boshqalar isitma, arterial bosimni pasayishi.
Agar yo‘riqnomada ko‘rsatilgan har qanday nojo‘ya samara og‘irlashsa, yoki Siz yo‘riqnomada ko‘rsatilmagan har qanday boshqa nojo‘ya samaralarni sezsangiz bu haqida shifokorga xabar bering.


Qo‘llash mumkin bo‘lmagan holatlar

-o‘ta yuqori sezuvchanlik;
-Gentington xoreyasi;
-gemorragik insult;
-og‘ir darajali buyrak yetishmovchiligi (kreatinin klirensi 20 ml/minutdan kam);
-preparatni buyurish vaqtida psixomotor qo‘zg‘alish;
-homiladorlik, emizish davrida qo‘llash mumkin emas.
Ehtiyotkorlik bilan
-gemostazni buzilishi;
-katta xajmli jarroxlik aralashuvlari;
-og‘ir darajali qon ketishi;
-surunkali buyrak yetishmovchigi (kreatinin klirensi minutiga 20-80 ml) da qo‘llash mumkin emas.

Dorilarning o‘zaro ta'siri
Yod saqlovchi qalqonsimon bezi gormonlari bilan bir vaqtda qo‘llashda ongni chalkashishi, ta'sirchanlik va uyquni buzilishi paydo bo‘lishi mumkin.
MR Piratsetam yuqori dozalarada (sutkada 9,6 g) venoz trombozi bo‘lgan patsiyentlarda bilvosita antikoagulyantlarning antikoagulyant samarasini (trombotsitlar agregatsiyasi, fibrinogen miqdori, Villebrand omili, qon va plazmani qovushqoqligini yaqqolroq kamaytirishi tufayli) oshiradi.
Boshqa dori preparatlarining ta'siri ostida piratsetamning farmakodinamikasini o‘zgarishini ehtimoli kam, chunki piratsetamning 90% o‘zgarmagan shaklda buyrak orqali chiqariladi.
MR Piratsetam sitoxrom R450 izofermentlarini susaytirmaydi. Boshqa preparatlar bilan o‘zaro ta'sirining ehtimoli kam.
MR Piratsetam sutkada 20 g dozada preparatni doimiy qabul qiluvchi tutqanog‘i bo‘lgan bemorlarning qon zardobida tutqanoqqa qarshi preparatlarning (karbamazepin, fenitoin, fenobarbital, valproat kislotasi) maksimal kontsentratsiyasi va “kontsentratsiya-vaqt” egri chizig‘i ostidagi maydonni o‘zgartirmagan.
Alkogol bilan birga qabul qilish zardobda piratsetamning kontsentratsiyasiga ta'sir qilmagan; piratsetamni 1,6 g qabul qilishda qon zardobida etanolning kontsentratsiyasi o‘zgarmagan.
Markaziy nerv tizimini rag‘batlantiruvchi dori vositalari bilan bir vaqtda qo‘llashda markaziy nerv tizimini haddan tashqari rag‘batlantirilishi mumkin.
Neyroleptiklar bilan bir vaqtda qo‘llash ekstrapiramid buzilishlarni paydo bo‘lishi xavfini kamaytiradi.


Maxsus ko‘rsatmalar

Gemostazni buzilishi bo‘lgan patsiyentlarga, katta xajmli jarroxlik operatsiyalari vaqtida yoki og‘ir darajali qon ketishi simptomlari bo‘lgan bemorlarga piratsetamni ehtiyotkorlik bilan buyurish kerak.
Kortikal miokloniyani davolashda davolashni to‘satdan to‘xtatishdan saqlanish kerak, chunki bu xurujlarni qaytalanishini chaqirishi mumkin.
O‘roqsimon-hujayrali anemiyada venookklyuzion xurujni bartaraf etishda 160 mg/kg dan kam doza yoki preparatni muntazam qabul qilmaslik, xurujni qaytalanishini chaqirishi mumkin.
Keksa yoshdagi patsiyentlarda uzoq muddatli davolashda buyrak faoliyati ko‘rsatkichlarini muntazam nazorat qilish tavsiya etiladi, zarurati bo‘lganida dozaga kreatinin klirensiga bog‘liq holda tuzatish kiritiladi.
Gemodializ uchun apparatlarning filtrlovchi membranalari orqali o‘tadi.
Davolash davrida transport vositalarini boshqarish va diqqatni yuqori jamlash va psixomotor reaktsiyalarning tezligini talab qiluvchi boshqa potentsial xavfli faoliyat turlari bilan shug‘ullanishda ehtiyotkorlikka rioya qilish kerak.
Homiladorlik va emizish davrida qo‘llanishi
Piratsetam yo‘ldosh to‘sig‘i orqali o‘tadi va ona sutiga kiradi. Yangi tug‘ilgan chaqaloqlarda preparatning kontsentratsiyasi uning ona qonidagi kontsentratsiyasining 70-90% ga yetadi. Homiladorlik vaqtida preparatni qo‘llash mumkin emas.
Davolash davrida emizishni to‘xtatish kerak.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.


Dozani oshirib yuborilishi

Simptomlari abdominal og‘riq, qon aralash diareya.
Davolash gemodializni o‘z ichiga olishi mumkin bo‘lgan (samaradorligi 50-60%) simptomatik davolash. Spetsifik antidoti yo‘q.


Chiqarilish shakli

5 ml va 10 ml dan neytral shisha ampulalarda.
10 ampula polivinilxlorid plyonka yoki folgasiz kontur uyali o‘ramda.


Saqlash sharoiti

Quruq, yorug‘likdan himoyalangan joyda, 25ºS dan yuqori bo‘lmagan haroratda saqlansin.


Yaroqlilik muddati

2 yil.





Dorixonalardan berish tartibi

Retsept bo‘yicha.


Ishlab chiqaruvchi

«MERRYMED FARM» MChJ
O‘zbekiston Respublikasi, Namangan viloyati, Namangan tumani, Bog‘ishamol KFY, Sherbuloq ko‘chasi, 1 uy. Tel (0369) 224-67-22