Semaks nazal tomchilar 0.1% 2.5ml

Preparatning savdo nomi

Semaks
Ta'sir etuvchi modda (XPN) metionil-glutamil-gistidil-fenilalanil-prolil-glitsil-prolin

Dori shakli

0,1% li nazal tomchilar

Tarkibi

faol modda semaks 100% moddaga qayta hisoblanganida – 1 g;
yordamchi moddalar metilparagidroksibenzoat (Nipagin) – 1 g,tozalangan suv - 1 l gacha.
Ta'rifi rangsiz, tiniq suyuqlik.
Farmakoterapevtik guruh nootrop vosita.
ATX kodi N06BX

Farmakologik xususiyatlari

Semaks 0,1% li nazal tomchilar – original peptid preparat bo‘lib, gormonal faolligini to‘liq yo‘qotgan adrenokortikotrop gormon (AKTG4-10) (metionil-glutamil-gistidil-fenilalanil-prolil-glitsil-prolin) fragmentining analogi hisoblanadi. Barcha aminokislotalar L-shaklda bo‘ladi.

Farmakodinamika

si
Semaks 0,1% li nazal tomchilar markaziy nerv tizimi (MNT) ga original neyrospetsifik ta'sir mexanizmiga ega. Semaks 0,1% li nazal tomchilar kortikotropinning sintetik analogi bo‘lib, nootrop hususiyatlarga ega va gormonal faolligini butunlay yo‘qotgan. Preparat xotirani shakllanishi va ta'lim olish bilan bog‘liq bo‘lgan jarayonlarga ta'sir qiladi. Semaks 0,1% li nazal tomchilar ta'lim olishda va ma'lumotlarni tahlil qilishda e'tiborni kuchaytiradi, neyroxirurgik aralashuvlar, bosh miya jarohatlaridan keyin, serebrovaskulyar kasalliklar, shu jumladan distsirkulyator entsefalopatiya bilan xastalangan patsiyentlarda xotirani yaxshilaydi; gipoksiya, bosh miya ishemiyasi, narkoz va boshqa shikastlaydigan ta'sirlarga organizmni moslashishini yaxshilaydi. Preparat bir marta va uzoq vaqt yuborilganida deyarli zaharli emas. Allergik, embriotoksik, teratogen va mutagen hususiyatlarni namoyon qilmaydi. Mahalliy ta'sirlovchi samaraga ega emas.

Farmakokinetikasi

Burun bo‘shlig‘ining shilliq qavati orqali so‘riladi, bunda faol moddaga qayta hisoblanganida 60-70% gacha qismi o‘zlashtiriladi. Semaks 0,1% li nazal tomchilar a'zolar va to‘qimalarga tez taqsimlanadi, gematoentsefalik to‘siq orqali o‘tadi. Qonga tushganida Semaks 0,1% li nazal tomchilar tez biotransformatsiyaga uchraydi va organizmdan siydik bilan chiqariladi.

Qo‘llanilishi

Bosh miyadagi qon tomirlari shikastlanganida kuzatiladigan intellektual-mnestik buzilishlar, bosh miya jarohatlari, neyroxirurgik operatsiyalar va narkozdan keyingi holat, distsirkulyar entsefalopatiya, bosh miyada qon aylanishini o‘tkinchi buzilishlari (TIA), shuningdek turli genezli nevrotik buzilishlar, shu jumladan ionlashtiruvchi nurlanish, insultdan keyingi tiklanish davrda qo‘llanadi. Ekstremal holatlarda odam organizmining moslashish imkoniyatlarini oshirish uchun, stress holatlarida zo‘riqib ishlagan vaziyatlarda monoton operatorlik faoliyatida ruhiy toliqishni oldini olish uchun qo‘llanadi.
Oftalmologiyada
Semaks ko‘ruv nervini atrofiyasida, yallig‘lanish, toksik-allergik etiologiyali nevritlarda qo‘llanadi.
Pediatriyada
7 yoshdan boshlab bolalarda minimal bosh miya disfunktsiyalarini (shu jumladan – yuqori faollik bilan kechuvchi diqqat yetishmlvchiligi sindromida) davolashda nootrop vosita sifatida qo‘llanadi.

Qo‘llash usuli va dozalari

Semaks, plastmassa tiqin-pipetka bilan berkitilgan flakon yordamida intranazal qo‘llanadi.
Pipetkaning uchi 1-rasmda ko‘rsatilgan joyidan ehtiyotkorlik bilan kesiladi.
Qalpoqchasi pipetkani zich berkitishi kerak – 2-rasm.
Flakonni pastga qaratib, barmoq bilan uning tubini yengil taqillating, shunda suyuqlik pipetkaning butun bo‘shlig‘ini to‘ldirishi uchun biroz kuting – 3-rasm.
Qalpoqchani yeching, pipetkaning keng qismini yengil siqing va kerakli miqdordagi preparatni burun yo‘liga (shilliq pardaga) tomizing – 4-rasm.
Preparatni 2-rasmda ko‘rsatilganidek qalpoqchasi zich berkitilgan holda saqlash kerak.
Standart eritmaning bir tomchisida 50 mkg faol modda saqlanadi. Har bir burun yo‘liga pipetka yordamida preparatning 2-3 tomchidan ko‘p bo‘lmagan miqdori tomiziladi. Dozani oshirish zaruriyati bo‘lganda 10-15 minutlik intervallar bilan dozasi bir necha marta tomiziladi.
Bosh miyadagi qon tomirlar shikastlangandagi intellektual-mnestik buzilishlarda, distsirkulyar entsefalopatiyada, bosh miya qonda qon aylanishini o‘tkinchi buzilishlarida bir martalik doza 200-2000 mkg (tana vazniga 3-30 mkg/kg hisobidan) ni tashkil qiladi.
Sutkalik dozasi 800-8000 mkg (tana vazniga 7-70 mkg/kg hisobidan) ni tashkil etadi.
Preparat har bir burun yo‘liga 2-3 tomchidan kuniga 4 marta 10-14 kun mobaynida tomiziladi, zarurat bo‘lganida davolash kursi takrorlanadi.
Bosh miya jarohatlari, neyroxirurgik operatsiyalar va narkozdan keyin bir martalik doza 1400-3500 mkg ni tashkil qiladi, kuniga 3 marta 3-5 kun davomida tomiziladi. Zarurat bo‘lganida davolash kursi 14 kungacha uzaytiriladi.
Odam organizmining moslashish imkoniyatlarini oshirish uchun va ruhiy toliqishni oldini olish uchun preparat har bir burun yo‘liga 2-3 tomchidan kuniga 2-3 marta kunning birinchi yarmida 3-5 kun davomida tomiziladi. Sutkalik dozasi 400-900 mkg ni tashkil etadi. Zarurat bo‘lganida davolash kursi takrorlanadi.
Ko‘ruv nervini kasalliklarida preparat har bir burun yo‘liga 2-3 tomchidankuniga 2-3 marta tomiziladi. Sutkalik dozasi 600-900 mkg ni tashkil etadi. Davolash kursi 7-10 kunni tashkil etadi. Bundan tashqari, preparat endonazal elektroforez yo‘li bilan ham yuborilishi mumkin. Preparat anod orqali yuboriladi. Tok kuchi 1 mA, ta'sir davomiyligi 8-12-15 minutni tashkil etadi.
Sutkalik dozasi 400-600 mkg. Davolash kursi 7-10 kunni tashkil etadi.
Pediatriyada
7 yoshdan boshlab bolalarga. Minimal bosh miya disfunktsiyalarida har bir burun yo‘liga 1-2 tomchidan (tana vazniga 5-6 mkg/kg hisobidan) kuniga 2 marta (ertalab va kunduzi) buyuriladi. Sutkalik dozasi 200-400 mkg ni tashkil etadi. Davolash kursi 30 kunni tashkil etadi.
Nojo‘ya ta'sirlari
Uzoq muddat qo‘llanganida burunning shilliq qavati biroz ta'sirlanishi mumkin.

Qo‘llash mumkin bo‘lmagan holatlar

Preparatning komponentlariga yuqori sezuvchanlikda qo‘llash mumkin emas. 7 yoshgacha bo‘lgan bolalarda qo‘llash mumkin emas. Homiladorlikda va laktatsiya davrida, o‘tkir ruhiy holatlarda, anamnezida xavotirlik, tirishishlar bilan kechuvchi buzilishlarda qo‘llash mumkin emas.
Oftalmologiya va neyroxirurgiya amaliyotida 18 yoshgacha bo‘lgan bolalarga qo‘llash mumkin emas. Klinik tadqiqotlar o‘tkazilmagan.
Dorilarning o‘zaro ta'siri
Farmatsevtik ta'siri. Preparatni kimyoviy tuzilishidan kelib chiqqan holda kimyoviy jihatdan nomutanosib kombinatsiyalarni qo‘llash mumkin emas preparat tez parchalanadi va me'da-ichak yo‘llariga tushmaydi.
Farmakokinetik ta'siri. Preparatni kimyoviy tuzilishi (geptapeptid - adrenokortikotrop gormonini sintetik analogi bo‘lib, gormonal faolligini butunlay yo‘qotgan), tez so‘rilishi va qonga tushish tezligi, shuningdek intranazal yuborish usulini hisobga olib, boshqa preparatlar Semaks 0,1% li nazal tomchilarning farmakokinetik ko‘rsatkichlariga ta'sir qilmaydi deb taxmin qilinadi.
Semaks 0,1% li nazal (intranazal) tomchilarni yuborish usulini hisobga olib, mahalliy qon-tomirlarni toraytiruvchi ta'sirga ega bo‘lgan intranazal yuboriladigan vositalarni qo‘llash maqsadga muvofiq emas.

Maxsus ko‘rsatmalar

Homiladorlikda va laktatsiya davrida qo‘llanishi
Homiladorlik va laktatsiya davrida qo‘llash mumkin emas. Klinik tadqiqotlar o‘tkazilmagan.
Preparat bolalar ololmaydigan joyda saqlansin va o‘ramida ko‘rsatilgan yaroqlilik muddati tugaganidan so‘ng ishlatilmasin.

Dozani oshirib yuborilishi

.
Hozirgi vaqtga qadar, preparatning hatto bir martalik dozasi ahamiyatli darajada oshirilganda ham preparatning dozasini oshirib yuborilish hollarini aniqlash imkoni bo‘lmagan.

Chiqarilish shakli

3 ml dan plastmassa probka-pipetka bilan berkitilgan flakonda. Har bir flakon qo‘llash bo‘yicha yo‘riqnomasi bilan birga karton qutiga qadoqlanadi.

Saqlash sharoiti

Yorug‘likdan himoyalangan joyda, +10°S dan yuqori bo‘lmagan haroratda saqlansin.
Muzlashiga yo‘l qo‘yilmasin.

Yaroqlilik muddati

2 yil.

Dorixonalardan berish tartibi

Retsept bo‘yicha.

Ishlab chiqaruvchi

ning nomi va manzili
«Innovatsionnыy nauchno-proizvodstvennыy sentr «PEPTOGEN» YOAJ
Rossiya, 123182, Moskva, akad. Kurchatov maydoni, 2 uy,
Tel./faks 8-499-196-48-61