Berodual eritma 20 ml

Preparatning savdo nomi

BERODUAL
Ta'sir etuvchi moddalar (XPN) fenoterol +ipratropiy bromidi

Dori shakli

ingalyatsiya uchun eritma.

Tarkibi

1 ml ingalyatsiya uchun eritma quyidagilarni saqlaydi
faol moddalar 500 mkg (0,5 mg) fenoterol gidrobromidi va 261 mkg (0,261 mg) ipratropiy gidrobromidi, bu 250 mkg (0,25 mg) suvsiz ipratropiy gidrobromidiga to‘g‘ri keladi;
yordamchi moddalar benzalkoniy xloridi, dinatriy edetati, natriy xloridi, xlorid kislotasi, tozalangan suv.
Ta'rifi suspenziyalangan zarrachalarni saqlamaydigan, tiniq, rangsiz yoki deyarli rangsiz suyuqlik. Hidi deyarli sezilmaydi.

Farmakoterapevtik guruhi

Nafas yo‘llarining obstruktiv kasalliklarini davolash uchun vositalar. Ingalyatsion qo‘llash uchun adrenergik va boshqa vositalar.
ATX kodi R03AL01.

Farmakologik xususiyatlari

Farmakodinamika

si
BERODUAL bronxolitik faollikka ega bo‘lgan ikki komponent saqlaydi ipratropiy bromidi (m-xolinoblokator) va fenoterol gidrobromidi (beta-adrenomimetik).
Ipratropiy bromidi - bu antixolinergik (parasimpatolitik) xususiyatlarga ega bo‘lgan to‘rtlamchi ammoniyli birikmadir. Klinika oldi tadqiqotlari, adashgan nervdan ajralib chiqadigan neyromediator - atsetilxolinning samarasiga qarshi ta'sir qilib, u orqali bo‘ladigan reflekslarni tormozlashini ko‘rsatadi. Antixolinergik vositalar kaltsiyning xujayra ichki kontsentratsiyasini oshishini oldini oladi, bu bronxlarning silliq mushaklarining muskarin retseptorlari bilan atsetilxolinning o‘zaro ta'siridan kelib chiqadi. Kaltsiyni ajralib chiqishi IFZ (inozitoltrifosfat) va DAG (diatsilglitserol) lardan tashkil topgan ikkilamchi tashuvchilar tizimi orqali bo‘ladi.
Ipratropiy bromidi ingalyatsiyasidan keyin paydo bo‘ladigan bronxodilatatsiya, - tizimliga taalluqli bo‘lmagan o‘pka uchun lokal va spetsifik samaradir.
Fenoterol gidrobromidi - bevosita ta'sir qiluvchi simpatomimetik, terapevtik dozalarda qabul qilinganida beta2-adrenoretseptorlarning selektiv stimulyatoridir. Beta1-adrenoretseptorlarni rag‘batlantirishi faqat preparat yuqoriroq dozalarda (masalan, tokolitik davolash o‘tkazilganda) yuborilganida yuz beradi. Beta2-adrenoretseptor bilan bog‘lanishi, keyingi sAMF xosil bo‘lishini oshishi bilan rag‘batlantirishi Gs-oqsil orqali adenilattsiklazani faollashtiradi, u o‘z navbatida, proteinkinaza A ni faollashtiradi. Proteinkinaza A silliq mushak xujayralaridagi nishon oqsillarni fosforlaydi. Bu miozinning yengil zanjiri kinazasini fosforlanishiga, fosfoinozinning gidrolizini ingibitsiya qilinishiga va kaltsiyga bog‘liq tez kaltsiy kanallarni ochilishiga olib keladi.
Fenoterol bronxlar va qon tomirlarning silliq mushaklari tonusini pasayishini chaqiradi, shuningdek gistamin, metaxolin, sovuq havo allergenlar (zudlik bilan kechuvchi reaktsiya) kabi bronxlarni toraytiruvchi omillarning ta'siri bilan bog‘liq bo‘lgan bronxospazm rivojlanishini oldini oladi. Preparat qabul qilinganidan keyin semiz xujayralardan yallig‘lanish mediatorlarining ajralib chiqarilishi ingibitsiya qilinadi. Bundan tashqari, 0,6 mg fenoterol qabul qilinganidan keyin mukotsiliar tashilishni kuchayishi kuzatiladi.
Peroral yoki, ko‘proq vena ichiga yuborilgandan keyin erishiladigan qon plazmasidagi preparatning yuqoriroq kontsentratsiyalari, bachadonning qisqaruvchanlik qobiliyatini ingibitsiya qiladi.
Preparatning yuqori dozalari qabul qilinganda moddalar almashinuvi darajasida samaralar kuzatiladi lipoliz, glikogenoliz, giperglikemiya va gipokaliyemiya (gipokaliyemiya skelet mushaklari tomonidan K+ yutilishini oshishi bilan bog‘liq bo‘ladi).
Yurak qisqarishlar tez-tezligini oshishi va miokardning qisqaruvchanligini kuchayishi kabi yurak mushagi darajasidagi preparatning beta-adrenergik samaralari, fenoterolning qon tomirlarga ta'siri, yurak beta2-adrenoretseptorlarni rag‘batlantirilishi, preparat terapevtikdan yuqori dozalarda qabul qilinganida esa, beta1-adrenoretseptorlarni rag‘batlantirilishi bilan tushuntiriladi. Boshqa beta-adrenergik vositalarni qo‘llashdagi kabi, QTc intervalini uzayishi haqida xabarlar berilgan. Dozalovchi ingalyator yordamida yuboriladigan fenoterol uchun bu ko‘rinishlar kuchsiz ifodalangan va tavsiya etilgandan yuqori dozalarda kuzatilgan. Lekin nebulayzerlar (ingalyatsiya uchun eritma) yordamida preparat yuborilganidan keyingi tizimli ta'siri, tavsiya etilgan dozalar dozalovchi ingalyator yordamida yuborilganidagiga qaraganda yuqori bo‘lgan. Klinik ahamiyati aniqlanmagan. Beta-adrenomimetiklarning eng ko‘p kuzatiladigan samarasi tremor hisoblanadi. Bronxlarning silliq mushaklariga ta'sirida farqli ravishda, beta-adrenoretseptorlar agonistlarining tizimli samaralari tolerantlik rivojlanishi bilan assotsiatsiyalanadi.
Bu ikki faol moddalar birga qo‘llanganida bronxlarni kengaytiruvchi samaraga, turli farmakologik nishonlarga ta'sir qilish yo‘li bilan erishiladi. Ko‘rsatilgan moddalar bir-birini to‘ldiradi, natijada bronxlar mushaklariga spazmolitik samara kuchayadi, va nafas yo‘llarini torayishi bilan birga kechuvchi bronx-o‘pka kasalliklarida keng terapevtik ta'siri ta'minlanadi. Bir-birini to‘ldiruvchi ta'siri shundayki,kutilgan samaraga erishish uchun beta-adrenomimetikning pastroq dozasi talab qilinadi, bu deyarli nojo‘ya samaralari bo‘lmaganda samarali dozani shaxsiy ravishda tanlash imkoniyatini beradi.

Farmakokinetikasi

Ipratropiy bromidi va fenoterol gidrobromidi majmuasining terapevtik ta'siri nafas yo‘llariga mahalliy ta'siri bilan yuzaga keladi. Shuning uchun bronxodilatatsiyaning farmakodinamikasi ta'sir etuvchi moddalarning farmakokinetikasi bilan bog‘liq emas.
Ingalyatsiyadan keyin dori shakli, ingalyatsiya usuli va ingalyatsiya uchun ishlatilayotgan moslamaga qarab dozaning 10-39% o‘pkalarga cho‘kadi. Dozaning qolgan qismi mundshtukda, og‘iz bo‘shlig‘ida va yuqori nafas yo‘llarida (og‘iz-xalqumda) qoladi. Dozalangan aerozol ingalyatsiyasidan keyin ham dozaning shuncha miqdori nafas yo‘llariga cho‘kadi. Suvli eritma Respimat ingalyatori orqali ingalyatsiya qilinganidan keyin o‘pkalarga kirgan miqdori, dozalangan aerozol ingalyatsiyasi bilan solishtirganda 2 marta yuqori bo‘lgan, bunda Respimat ingalyatori orqali ingalyatsiyada og‘iz-xalqumda ta'sir etuvchi moddaning ancha kam miqdori cho‘kadi. Dozaning o‘pkalarga yetib borgan qismi tez (bir minut davomida) qon aylanish tizimiga tushadi. Og‘iz-xalqumda qolgan ta'sir etuvchi modda, asta-sekin yutiladi va MIY orqali o‘tadi. Shuning uchun tizimli ta'siri o‘pkalar va MIY dan biokiraolishligining natijasi hisoblanadi.
Ikkala ingrediyentlarning majmuadagi farmakokinetikasini, alohida ta'sir etuvchi moddalarning farmakokinetikasidan farq qilishiga guvohlik beruvchi ma'lumotlar yo‘q.
Fenoterol gidrobromidi
Yutilayotgan ulushi asosan, murakkab sulfat birikmalariga metabolizmga uchraydi. Peroral yuborilganida preparatning mutlaq biokiraolishi past (taxminan 1,5%).
Fenoterol vena ichiga yuborilganidan keyin siydikda 24 soat davomida erkin va kon'yugatsiyalangan holatda yuborilgan dozadan muvofiq taxminan 15% va 27% aniqlanadi. Dozalovchi ingalyator yordamida BERODUAL ingalyatsiyasidan keyin dozaning taxminan 1% siydik bilan erkin fenoterol ko‘rinishida 24 soat davomida chiqariladi. Shu ma'lumotga asoslanib, ingalyatsion yuborilganidan keyin fenoterol gidrobromidining tizimli biokiraolishligi taxminan 7% ni tashkil qiladi.
Vena ichiga yuborilganidan keyin fenoterolni qon plazmasida taqsimlanishi uch fazali farmakodinamik modelga muvofiq yuz beradi, yarim chiqarilishning yakuniy bosqichi taxminan 3 soatni tashkil qiladi. Ushbu uch fazali farmakokinetik modelda muvozanat holatida taxmin qilingan taqsimlanish hajmi (Vdss) taxminan 189 l (≈2,7 l/kg) ni tashkil qiladi.
Moddaning taxminan 40% qon plazmasi oqsillari bilan bog‘lanadi. Fenoterol va uning metabolitlari gematoentsefalik to‘siqdan o‘tmaydi. Fenoterolning umumiy klirensi minutiga 1,8 l, buyrak klirensi minutiga 0,27 l ni tashkil qiladi.
Ipratropiy bromidi
Ipratropiyning (dastlabki birikma) to‘planuvchi buyrak ekskretsiyasi (0-24 soat) vena ichiga yuborilgan dozaning 46% ga yaqinlashadi, peroral dozaning 1% dan kamini va dozalovchi ingalyator yordamida yuborilgan BERODUAL dozasining taxminan 3-13% ni tashkil qiladi. Bu ma'lumotlar asosida peroral va ingalyatsion qo‘llashda ipratropiy bromidinning umumiy tizimli biokiraolishligi muvofiq 2% va 7 dan 28% gachani tashkil qiladi. Ipratropiy bromidi dozasining yutilgan qismi ahamiyatli tizimli ta'sir ko‘rsatmaydi.
Ipratropiyning taqsimlanishini xarakterlovchi kinetik ko‘rsatkichlar vena ichiga yuborilganidan keyin preparatning plazmadagi kontsentratsiyalaridan kelib chiqib hisoblangan. Muvozanat holatida taxmin qilingan taqsimlanish hajmi (Vdss) taxminan 176 l (≈2,4 l/kg) ni tashkil qiladi. Preparat minimal (20% dan kam) qon plazmasi oqsillari bilan bog‘lanadi. Sichqonlar va itlarda o‘tkazilgan klinika oldi tadqiqotlar, ipratropiy to‘rtlamchi amin bo‘lib, gematoentsefalik to‘siq orqali o‘tmasligini ko‘rsatgan. Chiqarilishining oxirgi fazasida yarim chiqarilish davri taxminan 1,6 soatni tashkil qiladi.
Ipratropiyning umumiy klirensi minutiga 2,3 l, buyrak klirensi esa minutiga 0,9 l ni tashkil qiladi. Vena ichiga yuborilganidan keyin dozaning taxminan 60% jigarda oksidlanib metabolizmga uchraydi.

Qo‘llanilishi

Nafas yo‘llarining surunkali obstruktiv buzilishlaridagi hansirashni oldini olish va davolash allergik va allergik bo‘lmagan (endogen) bronxial astma, jismoniy zo‘riqish bronxial astmasi, emfizema bilan asoratlangan yoki asoratlanmagan surunkali obstruktiv bronxitda qo‘llanadi.
Davomli davolash muvofiq yallig‘lanishga qarshi davolash bilan birga kechishi kerak.

Qo‘llash usuli va dozalari

Davolash tibbiy kuzatuv ostida (masalan, statsionar sharoitlarida) o‘tkazilishi kerak. Uy sharoitida davolash faqat shifokor bilan maslahatlashgandan keyin, past dozada tez ta'sir etuvchi beta-agonist yetarlicha samarali bo‘lmagan hollarda mumkin. Shuningdek ingalyatsiyalar uchun eritma patsiyentlarga, ingalyatsiya uchun aerozolni ishlatish mumkin bo‘lmagan yoki yuqoriroq dozalarni qo‘llashning zarurati bo‘lgan hollarda tavsiya etilishi mumkin. Xurujning o‘tkirligiga qarab doza shaxsiy ravishda tanlanishi kerak. Davolash odatda eng kam tavsiya etilgan dozadan boshlanishi va simptomlarning yetarlicha kamayishiga erishilgandan keyin to‘xtatilishi kerak (1 ml 250 mkg ipratropiy bromidi + 500 mkg fenoterol gidrobromidi saqlaydi) (20 tomchi = 1 ml).
Kattalar va 12 yoshdan oshgan bolalar
Bronxial obstruktsiya xurujini davolash uchun, xurujning og‘irligiga qarab, keyingi fiziologik eritma bilan 3-4 ml xajmgacha suyultirish bilan 1 ml (20 tomchi) dan 2,5 ml (50 tomchi) gacha ishlatish tavsiya etiladi.
O‘ta og‘ir xollarda keyingi fiziologik eritma bilan 3-4 ml hajmgacha suyultirish bilan 4,0 ml (80 tomchi) ishlatish mumkin.
Jismoniy zo‘riqish yoki allergen bilan kutilgan kontaktdagi astma xurujini oldini olish uchun, jismoniy zo‘riqish/kontaktdan 10-15 minut oldin, keyingi 2-3 ml fiziologik eritma bilan suyultirish bilan 0,1-0,2 ml (2-4 tomchi) ishlatish tavsiya etiladi.
6-12 yoshli bolalar
Bronxial obstruktsiya xurujini davolash uchun, xurujning og‘irligiga qarab, keyingi fiziologik eritma bilan 3-4 ml hajmgacha suyultirish bilan 0,5 ml (10 tomchi) dan 2,0 ml (40 tomchi) gacha ishlatish tavsiya etiladi.
Jismoniy zo‘riqish yoki allergen bilan kutilgan kontaktdagi astma xurujini oldini olish uchun, jismoniy zo‘riqish/kontaktdan 10-15 minut oldin, keyingi 2-3 ml fiziologik eritma bilan suyultirish bilan 0,1-0,2 ml (2-4 tomchi) ishlatish tavsiya etiladi.
5 yoshgacha bo‘lgan bolalar
Bu yosh guruhida preparatni qo‘llash bo‘yicha ma'lumotlarning cheklanganligini hisobga olib, preparatni qo‘llash faqat shifokor nazorati ostida quyida ta'riflangan dozalarda mumkin 1 kg tana vazniga 0,1 ml (2 tomchi), maksimal 0,5 ml (10 tomchi) gacha, keyingi fiziologik eritmada 3-4 ml hajmgacha suyultirish bilan.
Qo‘llash bo‘yicha yo‘riqnoma
Ingalyatsiyalar uchun eritmani faqat ingalyatsiyalar uchun ishlatish (to‘g‘ri keluvchi nebulayzer bilan) va peroral qo‘llamaslik kerak.
Tavsiya etiladigan doza fiziologik eritma bilan 3-4 ml hajm olingunicha suyultiriladi, nebulayzerga quyiladi va olingan eritma to‘liq ishlatilgunicha ingalyatsiya qilinadi.
Ingalyatsiyalar uchun BERODUAL eritmasini distillangan suv bilan suyultirish mumkin emas.
Eritma har safar bevosita ishlatish oldidan suyultiriladi; ingalyatsiyadan keyin qolgan eritma tashlab yuboriladi.
Suyultirilgan eritmani tayyorlangandan keyin darhol ishlatish kerak.
Ingalyatsiya davomiyligini suyultirilgan eritmaning sarfi bo‘yicha nazorat qilish mumkin.
Ingalyatsiyalar uchun BERODUAL eritmasi sotuvda bo‘lgan turli nebulayzerlarni ishlatish bilan qo‘llanishi mumkin. Yuborilayotgan tizimli doza va o‘pkalar uchun doza qo‘llanayotgan nebulayzerga bog‘liq va BERODUAL N - dozalangan aerozol bilan solishtirganda yuqori bo‘lishi mumkin.
Markazlashtirilgan kislorod tizimi ishlatilganda eritmani oqim tezligi minutiga 6-8 litr bo‘lganda qo‘llagan yaxshi.
Patsiyentlar nebulayzerni qo‘llash va muomala qilish bo‘yicha ishlab chiqaruvchining yo‘riqnomalariga rioya qilishlari kerak.
Nojo‘ya ta'sirlari
Quyida sanab o‘tilgan nojo‘ya ta'sirlaridan ko‘pchiligini BERODUALning antixolinergik va beta-adrenergik xususiyatlariga kiritish mumkin. Ingalyatsion qo‘llanadigan boshqa dori vositalari kabi, BERODUAL mahalliy qo‘zg‘alish simptomlarini chaqirishi mumkin.
Eng ko‘p xabar berilgan nojo‘ya ta'sirlariga quyidagilar kiradi yo‘tal, og‘izni qurishi, bosh og‘rig‘i, tremor, faringit, ko‘ngil aynishi, bosh aylanishi, disfoniya, taxikardiya, yurak urishini xis qilish, qusish, sistolik arterial bosimni oshishi va asabiylik.
Nojo‘ya ta'sirlarning paydo bo‘lish tez-tezligi quyida ko‘rsatilgan juda tez-tez (≥1/10); tez-tez (≥1/100 dan <1/10 gacha); tez-tez emas (≥1/1000 dan <1/100 gacha); kam hollarda (≥1/10000 dan <1/1000 gacha); juda kam hollarda (<1/10000).
Immun tizimi tomonidan kam hollarda - anafilaktik reaktsiyalar, o‘ta yuqori sezuvchanlik.
Moddalar almashinuvi tomonidan kam hollarda- gipokaliyemiya; juda kam hollarda- qonda glyukoza darajasini oshishi.
Ruhiyatni buzilishi tez-tez emas - asabiylik; kam hollarda - xavotirliqo‘zg‘alish, ruhiy buzilishlar.
Nerv tizimi tomonidan tez-tez emas - bosh og‘rig‘i, tremor, bosh aylanishi; noma'lum - giperreaktivlik.
Ko‘rish a'zosi tomonidan kam hollarda - glaukoma, ko‘z ichki bosimini oshishi, akkomodatsiyani buzilishi, midriaz, ko‘rishni noaniqligi, ko‘zlarda og‘riq, shox pardani shishi, kon'yunktival giperemiya, ko‘ruv oreollari.
Yurak-qon tomir tizimi tomonidan tez-tez emas - taxikardiya yurak urishini his qilish; kam hollarda-aritmiya, bo‘lmachalar fibrillyatsiyasi, supraventrikulyar taxikardiya, miokard ishemiyasi.
Nafas tizimi tomonidan tez-tez - yo‘tal; tez-tez emas - faringit, disfoniya; kam hollarda - bronxospazm, tomoqni ta'sirlanishi, xalqumni shishi, laringospazm, parodoksalbronxospazm, tomoqni quruqligi.
Me'da-ichak yo‘llari tomonidan tez-tez emas - qusish, ko‘ngil aynishi, og‘izni qurishi; kam hollarda- stomatit, glossit, me'da-ichak yo‘llari motorikasini buzilishi, diareya, qabziyat, og‘iz bo‘shlig‘i shilliq qavatini shishi, jig‘ildon qaynashi.
Teri va teri osti to‘qimalari tomonidan kam hollarda - eshakemi, toshma, qichishish, angionevrotik shishi, petexiya, gipergidroz.
Skelet-mushak va biriktiruvchi to‘qima tomonidan kam hollarda - mushak kuchsizligi, mushak spazmlari, mialgiya.
Buyraklar va siydik chiqarish yo‘llari tomonidan kam hollarda - siyishni tutilishi.
Laboratoriya va instrumental ma'lumotlar tomonidan tez-tez emas - sistolik arterial bosimini oshishi; kam hollarda - diastolik arterial bosimni pasayishi.
Qo‘llash mumkin bo‘lmagan xolatlar
BERODUALni fenoterol gidrobromidi va/yoki ipratropiy bromidiga, atropinsimon moddalarga, yoki xar qanday yordamchi moddalarga ma'lum o‘ta yuqori sezuvchanligi bo‘lgan patsiyentlarda qo‘llash mumkin emas.
BERODUALni shuningdek obstruktiv gipertrofik kardiomiopatiyasi va taxikardiyasi bo‘lgan patsiyentlarda qo‘llash mumkin emas.
Dorilarning o‘zaro ta'siri
BERODUALni boshqa antixolinergik preparatlar bilan davomli birga yuborish o‘rganilmagan va shuning uchun tavsiya etilmaydi.
Quyidagi dori vositalari/dori vositalar sinfini bir vaqtda qo‘llash BERODUALning samarasiga ta'sir ko‘rsatishi mumkin.
• Ta'sirini kuchaytiradi va/yoki nojo‘ya reaktsiyalar xavfini oshiradi
boshqa beta-adrenomimetik preparatlar (har qanday qo‘llash usuli);
boshqa antixolinergik preparatlar (har qanday qo‘llash usuli);
ksantin hosilalari (masalan, teofillin);
yallig‘lanishga qarshi vositalar (kortikosteroidlar);
monoaminooksidaza ingibitorlari;
tritsiklik antidepressantlar;
galogenlangan uglevodorodli anestetiklar (masalan, galotan, trixloretilen yoki enfluran), chunki ular yurak-qon tomir tizimiga ta'sirini kuchaytirishi mumkin.
• BERODUALning samaradorligini pasaytiradi
beta-adrenoblokatorlarni bir vaqtda qo‘llash.
• Boshqa bo‘lishi mumkin bo‘lgan reaktsiyalar
Beta2-agonistni qo‘llash chaqirgan gipokaliyemiya, ksantin xosilalari, glyukokortikoidlar va diuretiklarni bir vaqtda qabul qilinganda kuchayishi mumkin.Buni ayniqsa nafas yo‘llarining obstruktiv kasalliklarini og‘ir shakllari bo‘lgan patsiyentlarni davolaganda hisobga olish kerak. Digoksin qabul qilayotgan patsiyentlarda gipokaliyemiya, aritmiyalar paydo bo‘lishi xavfini oshishiga olib kelishi mumkin. Bundan tashqari, gipokaliyemiyani yurak ritmiga salbiy ta'siri gipoksiyani kuchaytirishi mumkin. Bunday hollarda qon zardobida kaliyning darajasini monitoring qilish tavsiya etiladi.
Agar purkalayotgan ipratropiy bromidi alohida yoki beta2-agonisti bilan birga ko‘zga tushsa, glaukomaning o‘tkir xuruji rivojlanishini xavfi oshadi.

Maxsus ko‘rsatmalar

Hansirash (nafasni qiyinlashishi) kutilmaganda tez yomonlashgan holda, kechiktirmasdan shifokorga murojaat qilish kerak.
BERODUAL boshqa ingalyatsion preparatlar kabi, paradoksal bronxospazm chaqirishi, u hayotga xavf tug‘dirishi mumkin. Parodoksal bronxospazm rivojlangan holda BERODUAL qo‘llashni darhol to‘xtatish va muqobil davolashga o‘tish kerak.
BERODUAL faqat xavf/foyda nisbati sinchiklab baholanganidan keyin, ayniqsa tavsiya etilgandan yuqori dozalarda ishlatilganida, quyidagi kasalliklarda qo‘llanishi kerak noadekvat gipoglikemik nazoratli qandli diabet, yaqinda o‘tkazilgan miokard infarkti, miokardit, yurak yoki qon tomirlarning og‘ir kechuvchi organik kasalliklari (xususan, taxikardiya bo‘lganida), gipertireoz, feoxromatsitoma.
Simpatomimetik vositalarni, shu jumladan BERODUAL ni ham qo‘llaganda, yurak-qon tomir tizimi tomonidan samaralar paydo bo‘lishi mumkin. Postmarketing tadqiqotlarda va chop etilgan adabiyotlarda beta-agonistlarni qabul qilishda miokard ishemiyasi rivojlanishini kam xollari aniqlangan. BERODUAL qabul qilayotgan yurakning yondosh jiddiy kasalliklari (masalan, yurak ishemik kasalligi, aritmiyalari yoki yaqqol yurak yetishmovchiligi) bo‘lgan patsiyentlar, ko‘krak qafasida og‘riq sindromi yoki yurak kasalligining yomonlashishiga ishora qiluvchi boshqa simptomlari paydo bo‘lganda shifokorga murojaat qilishlari kerakligi xaqida ogohlantirilgan bo‘lishlari kerak. Xansirash va ko‘krak qafasida og‘riq kabi simptomlarga alohida e'tibor berish kerak, chunki ular o‘pka tomonidan ham, yurak tomonidan ham bo‘lishlari mumkin.
BERODUAL boshqa antixolinergik preparatlar kabi, yopiq burchakli glaukomaga moyilli, siydik chiqarish yo‘llarining obstruktsiyasi (masalan, prostata bezining giperplaziyasi yoki qovuq bo‘yning obstruktsiyasi), buyrak yetishmovchiligi, jigar yetishmovchiligi bo‘lgan patsiyentlarda ehtiyotkorlik bilan qo‘llanishi kerak.
Ingalyatsion ipratropiy bromidi yoki ipratropiy bromidi beta2-adrenoretseptorlar agonistlari bilan birga ko‘zlarga tushganida rivojlangan ko‘rish a'zosi tomonidan asoratlar (masalan, midriaz, ko‘z ichki bosimini oshishi va qo‘zlarda og‘riq) haqida alohida xabarlar berilgan.
Diqqat! Patsiyentlar BERODUAL ingalyatsion eritmasini to‘g‘ri qo‘llash bo‘yicha ma'lumot olgan bo‘lishlari kerak. Preparatni ko‘zga tushishini oldini olish uchun ehtiyotkorlikka rioya qilish kerak.
O‘tkir yopiq burchakli glaukomaning simptomlari ko‘zlarda og‘riq yoki diskomfort, ko‘rishni xiralashishi, ko‘zlar oldida oreol, rangli dog‘lar paydo bo‘lishi, kon'yunktiva qon tomirlarining in'ektsiyasi va shox parda shishi oqibatida ko‘zlarni qizarishi bo‘lishi mumkin.
Bu simptomlardan har qandayi paydo bo‘lganida, darhol mutaxassis bilan maslahatlashish kerak va miotik vositalarni qo‘llash ko‘rsatilgan.
Anamnezida mukovistsidozi bo‘lgan patsiyentlarda, ingalyatsion antixolinergik vositalar bilan davolashda me'da-ichak yo‘llari motorikasini buzilishi mumkin. Bu samara qaytuvchan va davolash to‘xtatilganidan keyin yo‘qoladi.
Preparatni uzoq muddatli qo‘llash
• Bronxial astmasi bo‘lgan patsiyentlarda BERODUAL faqat zaruratga qarab qo‘llanishi kerak. O‘pkaning surunkali obstruktiv kasalligini yengil shakli bo‘lgan patsiyentlarda “talab bo‘yicha” simptomatik davolash, preparatni muntazam qo‘llashdan afzalroq bo‘lishi mumkin.
• Steroidlar bilan davolashga javob beruvchi bronxial astma yoki o‘pkalarning surunkali obstruktiv kasalligi bo‘lgan patsiyentlarda, nafas yo‘llaridagi yallig‘lanish jarayonini va kasallikni kechishini nazorat qilish uchun yallig‘lanishga qarshi davolashni o‘tkazish yoki kuchaytirish lozimligini yodda tutish kerak.
Bronxial astmasi bo‘lgan patsiyentlarda bronxial obstruktsiyani yo‘qotish uchun BERODUAL kabi beta2-adrenomimetiklarni saqlovchi preparatlarni oshib boruvchi dozalarda muntazam ishlatish, kasallikni kechishini nazorat qilinmaydigan yomonlashishini chaqirishi mumkin.
Bronxial obstruktsiya kuchaygan holda beta2-adrenomimetiklar, shu jumladan BERODUAL dozasini uzoq vaqt davomida tavsiya etilgandan ko‘pga oshirish nafaqat oqlanmagan, balki xavfli ham. Kasallikni kechishini hayot uchun xavfli yomonlashishini oldini olish uchun, patsiyentni davolash rejasini qayta ko‘rib chiqish va ingalyatsion kortikosteroidlar bilan adekvat yallig‘lanishga qarshi davolash yoki yallig‘lanishga qarshi davolash dozalarini boshqarish masalasini ko‘rish kerak.
Adekvat yallig‘lanishga qarshi davolashsiz uzoq vaqt davomida ingalyatsion beta2-adrenomimetiklarni yuqori va juda yuqori dozalarda qo‘llaganda, bronxial astmaning jiddiy asoratlarini, shu jumladan fatal, xavfini oshishi qayd etilgan. Sabab-oqibat aloqasi aniqlanmagan. Ehtimol, yallig‘lanishga qarshi davolashning noadekvatligi hayotiy muhim ahamiyatga ega bo‘lishi mumkin.
Boshqa simpatomimetik bronxodilatatorlarni BERODUAL bilan bir vaqtda faqat tibbiy kuzatuv ostida buyurish mumkin.
Beta2-agonistlarning yuqori dozalari qo‘llanganda potentsial og‘ir gipokaliyemiya paydo bo‘lishi mumkin. Kaliyning dastlabki past darajasida qonda uning kontsentratsiyasini monitoringini o‘tkazish tavsiya etiladi.
Qonda glyukozaning darajasini oshishi mumkin. Shuning uchun, qandli diabeti bo‘lgan patsiyentlar qonida glyukozaning darajasini nazorat qilish tavsiya etiladi.
BERODUAL qo‘llangandan keyin kam hollarda darhol tur o‘ta yuqori sezuvchanlik reaktsiyalari paydo bo‘lishi mumkin eshakemi, angionevrotik shishi, toshma, bronxospazm; og‘iz-xalqumni shishi va allergik reaktsiyalar.
Preparat konservant benzalkoniy xloridi va stabilizator dinatriy ededati digidrati saqlaydi. Ingalyatsiya vaqtida bu komponentlar nafas yo‘llarining giperreaktivligi bo‘lgan sezuvchan patsiyentlarda bronxospazm chaqirishi mumkin.
BERODUALNI qo‘llash doping testlarida ijobiy natijalarga olib kelishi mumkin.
Homiladorlik va laktatsiya
Homiladorlik
Klinika oldi tadqiqotlarning ma'lumotlari, preparatni odamda qo‘llashning bor bo‘lgan tajribasi bilan birga, fenoterol yoki ipratropiyni homiladorlik vaqtida biron-bir nojo‘ya samaralari aniqlanmagan. Shunga qaramasdan, homiladorlik vaqtida preparatlarni ishlatish bilan bog‘liq bo‘lgan odatdagi ehtiyotkorlik choralariga rioya qilish kerak.
Fenoterolni bachadonning qisqaruvchanlik qobiliyatiga susaytiruvchi ta'sir ko‘rsatish xususiyatini e'tiborga olish kerak. Beta2-adrenomimetiklarni homiladorlikning oxirida yoki yuqori dozalarda ishlatish, yangi tug‘ilgan chaqaloqlarga salbiy ta'sir ko‘rsatishi mumkin (tremor, taxikardiya, qonda glyukoza darajasini o‘zgarishi, gipokaliyemiya).
Emizish davri
Klinika oldi tadqiqotda fenoterolni ko‘krak suti bilan chiqishini ko‘rsatadi. Ipratropiy bromidini ko‘krak suti bilan chiqishini tasdiqlovchi ma'lumotlar olinmagan. Ingalyatsion yuborilganidan keyin ko‘krak sutida ipratropiyni chaqaloqqa ta'sir ko‘rsatish qobiliyatiga ega bo‘lgan kontsentratsiyalarda paydo bo‘lishini ehtimoli kam. BERODUAL ayollarda emizish davrida qo‘llanganda ehtiyotkorlikka rioya qilish kerak.
Fertillik
Ipratropiy bromidi va fenoterol gidrobromidi majmuasini fertillikka ta'siri bo‘yicha klinik ma'lumotlar yo‘q. Alohida ipratropiy bromidi va fenoterol gidrobromidi bilan o‘tkazilgan klinika oldi tadqiqotlar, fertillikka salbiy ta'sirini namoyish qilmagan.
Avtomobilni va mexanizmlarni boshqarish qobiliyatiga ta'siri
Dori vositasini avtomobilni va mexanizmlarni boshqarish qobiliyatiga ta'sirining tekshirishlari o‘tkazilmagan. Lekin BERODUAL bilan davolash vaqtida bosh aylanishi, tremor, akkomodatsiyani buzilishi, midriaz va ko‘rishning noaniqligi kabi nojo‘ya ta'sirlari bo‘lishi mumkinligi haqida patsiyentlar ogoxlantirilgan bo‘lishlari kerak.
Shuning uchun avtomobilni va mexanizmlarni boshqarish vaqtida ehtiyotkorlikka rioya qilish kerak. Patsiyentlarda yuqorida ko‘rsatilgan nojo‘ya ta'siri paydo bo‘lganida, ular avtomobilni va mexanizmlarni boshqarish kabi potentsial xavfli faoliyat turlaridan saqlanishlari kerak.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Simptomlari

Dozani oshirib yuborilishi

ning darajasiga qarab, beta2-adrenomimetiklar uchun tipik bo‘lgan quyidagi nojo‘ya samaralari paydo bo‘lishi mumkin yuzga qonni oqib kelishi hissi, alahsirash, bosh og‘rig‘i, taxikardiya, yurak urishini hissi, aritmiya, xatto shokkacha bo‘lgan arterial gipotenziya, arterial bosimni oshishi, bezovtalik, ko‘krak qafasida og‘riq, qo‘zg‘alish, ekstrasistolalar va yaqqol tremor paydo bo‘lishi mumkin, ayniqsa barmoqlarda, lekin butun tanada ham bo‘lishi mumkin.
Giperglikemiya rivojlanishi mumkin.
Me'da-ichak yo‘llari tomonidan mumkin bo‘lgan ko‘rinishlar ko‘ngil aynishi va qusishni o‘z ichiga oladi, ayniqsa peroral doza oshirib yuborilganida.
BERODUAL uchun ko‘rsatmalar bo‘yicha tasdiqlangan, tavsiya etiladigandan yuqori dozalarda fenoterol qo‘llanganida metabolik atsidoz, shuningdek gipokaliyemiya rivojlanish hollari qayd etilgan.
Ipratropiy bromidi dozasini oshirib yuborilishining simptomlari (og‘izni qurishi, akkomodatsiyani buzilishi kabi) odatda ingalyatsion ipratropiyning past tizimli biokiraolishligi tufayli kuchsiz ifodalangan.
Davolash
BERODUAL bilan davolash to‘xtatilishi kerak. Qondagi kislota-asos muvozanati va elektrolitlar ko‘rsatgichlarini nazorat qilish kerak.
Sedativ, trankvilizatorlarni yuborish ko‘rsatilgan; og‘ir hollarda gospitalizatsiyani o‘z ichiga oluvchi jadal tutib turuvchi davolash talab qilinishi mumkin.
Fenoterolning antidoti sifatida beta-adrenoblokatorlarni ishlatish mumkin (afzalrog‘i beta1-adrenoblokatorlar); lekin bronxial o‘tkazuvchanlikni yomonlashish ehtimolini hisobga olish kerak, bu halokatli bo‘lishi mumkin bo‘lgan yaqqol bronxospazmni qo‘zg‘atishi xavfi tufayli, bronxial astmasi va O‘SOK bo‘lgan patsiyentlarda preparatning dozasini sinchiklab tanlashni talab qiladi.

Chiqarilish shakli

Ingalyatsiya uchun eritma 0,5 mg + 0,25 mg/ml.
20 ml dan polietilen tomchilagichli va birinchi ochish nazoratli buraluvchi polipropilen qopqoqli to‘q shisha flakonda. Flakon qo‘llash bo‘yicha yo‘riqnomasi bilan karton qutiga joylanadi.

Saqlash sharoiti

30oS dan yuqori bo‘lmagan haroratda, muzlatilmasin.

Yaroqlilik muddati

5 yil.

Dorixonalardan berish tartibi

Shifokor retsepti bo‘yicha.

Ishlab chiqaruvchi

Beringer Ingelxaym Farma GmbX va Ko. KG, Germaniya.
Institut de Angeli S.R.L., Italiyada ishlab chiqarilgan.
BR dagi agentlik
Minsk sh, V.Xorujey ko‘ch., 22-1402.
Tel. (+375 17) 283 16 33, faks (+375 17) 283 16 40.
O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
O‘zbekiston Respublikasi, Toshkent sh., Yashnaobod tumani, 22 Aviasozlar shaxarchasi, 8 uy, 38 kv. Tel 90 318 77 02