ErFlyuSal Forspiro® 50mkg/250mkg 60 doz

Preparatning savdo nomi

ErFlyuSal®Forspiro®
Ta'sir etuvchi modda (XPN) salmeterol + flutikazon propionati/Salmeterol + fluticasone propionate

Dori shakli

ingalyatsiyalar uchun dozalangan kukun.

Tarkibi

ErFlyuSal Forspiro 50 mkg/250 mkg preparatining bitta dozasi 50 mkg salmeterolni (salmeterol ksinafoati shaklida) va 250 mkg flutikazon propionatni saqlaydi.
ErFlyuSal Forspiro 50 mkg/500 mkg preparatining bitta dozasi soderjit 50 mkg salmeterolni (salmeterol ksinafoati shaklida) va 500 mkg flutikazon propionatni saqlaydi.
yordamchi modda laktoza monogidrati.
Ta'rifi alyuminiyli laminatsiyalangan blisterlar tasmasi bo‘lgan rangli qurilma.

Farmakoterapevtik guruhi

Adrenergik vositalar kortikosteroidlar yoki boshqa dori vositalari bilan kombinatsiyada, bundan antixolinergik dori vositalari mustasno.
ATX kodi R03AK06

Farmakologik xususiyatlari

Farmakodinamika

si
ErFlyuSal Forspiro turli ta'sir mexanizmlariga ega bo‘lgan salmeterol va flutikazon propionatini saqlaydi. Ular quyida bayon qilingan.
Salmeterol
Salmeterol uzoq vaqt (12 soatgacha) ta'sir qiluvchi selektiv β2-agonisti bo‘lib, retseptorning tashqi domeni bilan bog‘lanuvchi uzun yon zanjiriga ega.
Salmeterol qisqa muddatli ta'sirga ega β2-agonistining tavsiya etilgan dozalariga nisbatan uzoqroq (eng kamida 12 soat) kechadigan bronxodilatatsiyani ta'minlaydi (eng kamida 12 soat).
Flutikazon propionati
Flutikazon propionatining ingalyatsiyali glyukokortikoidi tavsiya etilgan dozalarda o‘pkada yallig‘lanishga qarshi ta'sirni namoyon qiladi, bu tizimli glyukokortikoidlar uchun xos bo‘lgan nojo‘ya ta'sirlar rivojlanmagani holda astma xurujlari simptomlarini kamayishiga va tez-tezligini pasayishiga olib keladi.
Bolalarda qo‘llanilishi
Simptomatik bronxial astma bilan kasallangan 158 ta bola ishtirokida o‘tkazilgan SAM101667 tadqiqotida salmeterol/flutikazon propionati kombinatsiyasi flutikazon propionatining ikki baravar dozasiga teng samarali bo‘lgan, bu kasallik simptomlarini nazorat qilishga ham, o‘pka faoliyatiga ham taalluqli bo‘lgan.

Farmakokinetikasi

Salmeterol ksinafoati va flutikazon propionatini birgalikda ingalyatsiyali yuborilganida har bir komponentning farmakokinetikasi mazkur komponentlarni alohida yuborilgandagi farmakokinetikasi bilan bir xil bo‘ladi. Shu sababli har bir komponentning farmakokinetika tavsif ko‘rsatkichlarini alohida ko‘rib chiqish mumkin bo‘ladi.
Salmeterol
Salmeterol o‘pka to‘qimasida mahalliy ta'sir ko‘rsatadi, shu sababli uning plazmadagi miqdori davolash ta'siri bilan korrelyatsiyalanmaydi. Salmetrol farmakokinetikasi haqidagi ma'lumotlar preparatni plazmada miqdorini aniqlashdagi texnik muammolar oqibatida o‘ta chegaralangan davolash dozalarida ingalyatsiya qilinganida plazmada uning kontsentratsiyasi o‘ta past (taxminan 200 pg/ml va undan past) bo‘ladi.
Flutikazon propionati
Ingalyatsiyali flutikazon propionatining mutlaq biokirishaolishi bir marta qo‘llanilganidan keyin sog‘lom insonlarda foydalanilgan ingalyatorga bog‘liq ravishda nominal dozadan 5-11% chegarasida o‘zgarib turadi. Bronxial astmasi yoki o‘pkaning surunkali obstruktiv kasalligi bo‘lgan patsiyentlarda ingalyatsiyali flutikazon propionatining ancha past tizimli ekspozitsiyasi kuzatilgan.
Tizimli so‘rilishi ko‘pincha o‘pka orqali yuz beradi, bunda u avvaliga tezda yuz beradi, so‘ngra sekinlashadi. Dozaning qolgan qismi yutib yuborilishi mumkin. Uning tizimli ta'siri flutikazon propionatining suvda past darajada erishi va tizim oldi metabolizmi oqibatida minimal bo‘ladi; peroral yuborilganida biokirishaolishi 1% dan kamni tashkil etadi. Ingalyatsiyali doza oshib borishi bilan tizimli ekspozitsiyaning chiziqli ortishi kuzatiladi.
Flutikazon propionati plazmada yuqori klirensi(1150 ml/minut) va muvozanat holatida katta taqsimlash hajmi (taxminan 300 l) bilan tavsiflanadi; yakuniy yarim chiqarilishi davri taxminan 8 soatni tashkil etadi.
Plazma oqsillari bilan bog‘lanishi 91% ni tashkil etadi.
Flutikazon propionati qon oqimi tizimidan tezda, eng avvalo R450 sitoxromi tizimining CYP3A4 izofermenti yordamida karbon kislotasining nofaol metabolitiga qadar biotransformatsiyasi vositasida chiqariladi. Najasda shuningdek boshqa identifikatsiya qilinmagan metabolitlar ham aniqlangan.
Flutikazon propionatining buyrak klirensi sezilarli emas. Dozaning 5% dan kamrog‘i siydik bilan, asosan metabolitlar shaklida chiqariladi. Dozaning asosiy qismi metabolitlar ko‘rinishida yoki o‘zgarmagan shaklda me'da-ichak yo‘llari orqali chiqariladi.

Qo‘llanilishi

ErFlyuSal Forspiro
• uzoq muddat ta'sir qiluvchi β2-agonisti va ingalyatsiyali glyukokortikoid bilan kombinatsiyalangan davolash buyurilgan patsiyentlarda
- «talabga ko‘ra» qisqa muddatli ta'sir qiluvchi β2-agonistidan foydalanilganda ingalyatsiyali glyukokortikoidlar bilan doimiy davolash fonida kasallik yetarlicha nazorat qilinmaydigan patsiyentlarda
yoki
- ingalyatsiyali glyukokortikoid va uzoq muddatli ta'sir qiluvchi β2-agonisti bilan davolash fonida kasallik mos ravishda nazorat qilinadigan patsiyentlarda bronxial astmani doimiy davolash uchun mo‘ljallangan;
• birinchi sekundda jadallashtirilgan nafas chiqarish hajmi (JNChH1) qiymati kerakli kattalikdan < 60% bo‘lgan (bronxodilatatorni ingalyatsiya qilishga qadar) patsiyentlarda va bronxodilatatorlar bilan doimiy davolashga qaramay kasallikning yaqqol simptomlari saqlanib qolgan, anamnezda takroriy qo‘zg‘alishlar bo‘lgan patsiyentlarda o‘pkaning surunkali obstruktiv kasalligida qo‘llab-quvvatlovchi davolash uchun mo‘ljallangan.

Qo‘llash usuli va dozalari

Preparat faqat ingalyatsiyalar uchun mo‘ljallangan.
Patsiyentlar maqbul ta'sirga erishish uchun preparatni hatto klinik simptomlar mavjud bo‘lmaganida ham har kuni qo‘llash zarurligi haqida xabardor qilinishi kerak.
Shifokor ErFlyuSal Forspiro preparati dozasiga maqbul tarzda tuzatish kiritish uchun patsiyentni muntazam ravishda tekshirib borishi kerak. Dozani faqat shifokor tavsiyasiga ko‘ra o‘zgartirish mumkin.
Dozani kasallik simptomlarini nazorat qilishni ta'minlovchi samarali minimal dozagacha titrlash lozim. Agar simptomlarni nazorat qilishga preparatni sutkada ikki marta qo‘llanilganida uning samarali minimal dozasi fonida erishilsa, patsiyentni faqat ingalyatsiyali kortikosteroidni qo‘llashga o‘tkazish keyingi qadam bo‘lishi mumkin.
Uzoq ta'sir qiluvchi β2-agonistlar qo‘llanilishi zarur bo‘lgan patsiyentlarni davolash uchun muqobil sifatida ErFlyuSal Forspiro preparati qo‘llanilishini sutkada bir martagacha, agar shifokorning fikriga ko‘ra ushbu doza kasallikni nazorat qilishni ta'minlash uchun yetarli bo‘lsa, kamaytirish mumkin. Agar patsiyentning anamnezida astmaning tungi xurujlari haqidagi ma'lumotlar bo‘lsa, ErFlyuSal Forspiro preparati dozasini uyqudan oldin qo‘llash lozim, agar simptomlar kunduzi yuzaga kelsa, doza ertalab qo‘llaniladi.
Preparatni patsiyentlarga shunday tarzda buyurish lozimki, bunda flutikazon propionatining dozasi kasallik darajasiga mos kelsin. Shifokorlar bronxial astma bilan kasallangan patsiyentlarni davolashda flutikazon propionati boshqa ingalyatsiyali glyukokortikoidlar sutkalik dozasining yarmiga mos keladigan dozada samarali ekanligini inobatga olishlari kerak. Masalan, 100 mkg flutikazon propionati taxminan 200 mkg beklometazon dipropionatga (xloroftoruglerodni (CFC) saqlaydi) yoki budesonidga ekvivalent bo‘ladi.
Agar patsiyentga tavsiya etilgan dozalardan ortiq bo‘lgan dozalar talab qilinsa, unga β2-agonist va (yoki) glyukokortikoidning tegishli dozalarini buyurish lozim.
Tavsiya etiladigan dozalar
Astma
Kattalarda hamda 12 yosh va undan katta o‘smirlarda
50 mkg salmeterol va 250 mkg flutikazon propionatining bitta ingalyatsiyasi sutkada ikki marta yoki 50 mkg salmeterol va 500 mkg flutikazon propionatining bitta ingalyatsiyasi sutkada ikki marta o‘tkaziladi.
ErFlyuSal Forspiro preparatining qisqa muddatli sinov qo‘llanilishini o‘rtacha darajada og‘irlikdagi persistitsiyalovchi astmasi (har kuni yuzaga keladigan simptomlar, ularni tezda so‘ndirish uchun vositalarni har kuni qo‘llash, havo kelishining o‘rtacha yoki yaqqol ifodalangan buzilishi) bo‘lgan kattalar va o‘smirlarda boshlang‘ich qo‘llab-quvvatlovchi davolash sifatida qarash mumkin bo‘lib, bunda kasallikni nazorat qilishga tezda erishish zarur. Ushbu hollarda bitta ingalyatsiya uchun tavsiya etiladigan boshlang‘ich doza 50 mkg salmeterolni va 100 mkg flutikazon propionatini sutkada ikki marta tashkil etadi.
Astmani nazorat qilishga erishilgach, davolashni qayta ko‘rib chiqish va patsiyentni faqat ingalyatsiyali glyukokortikoidlarni qo‘llashga o‘tkazish imkoniyatini ko‘rib chiqish lozim. Davolash bir bosqich pastga o‘tkazilganda patsiyentni muntazam ravishda tekshiruvdan o‘tkazish muhim.
Kasallik og‘irlik darajasining bitta yoki undan ortiq mezonlari mavjud bo‘lmaganida boshlang‘ich qo‘llab-quvvatlovchi davolash sifatida ingalyatsiyali flutikazon propionati bilan monoterapiyaga nisbatan salmeterol/flutikazon propionatini qo‘llashning yaqqol afzalligi aniqlanmagan. Umuman, ingalyatsiyali glyukokortikoidlar ko‘p patsiyentlar uchun birinchi qatordagi preparat bo‘lib qolmoqda. ErFlyuSal Forspiro yengil astmani davolashning boshlang‘ich bosqichi uchun mo‘ljallanmagan.
O‘SOK
Kattalarda
50 mkg salmeterol va 500 mkg flutikazon propionatining bitta ingalyatsiyasi sutkada ikki marta.
Patsiyentlarning alohida guruhlarida
Keksa yoshdagi patsiyentlarda yoki buyrak faoliyati buzilishi bo‘lgan patsiyentlarda dozaga tuzatish kiritish zarurati yo‘q. Jigar faoliyati buzilishi bo‘lgan patsiyentlarni davolash uchun ErFlyuSal Forspiro preparati qo‘llanilishiga doir ma'lumotlar yo‘q.
Bolalarda
Preparat bolalar va o‘smirlarda qo‘llash uchun mo‘ljallanmagan.
Qo‘llash usuli
Patsiyentlarga Forspiro ingalyatoridan qanday foydalanish kerakligini namoyish qilish lozim. Ingalyatordan to‘g‘ri foydalanilayotganini muntazam ravishda nazorat qilish zarur.
Ingalyator folgadan tayyorlangan yacheykali o‘ramlarda preparatning 60 ta dozasini kukun shaklida saqlaydi. Ingalyator qancha doza qolganligini ko‘rsatuvchi indikator bilan ta'minlangan; hisob 60 dan 0 gacha olib boriladi. Oxirgi 10 ta dozadan foydalanilganida indikatordagi raqamlar qizil rangda bo‘ladi.
Ingalyatordan takroran foydalanish mumkin emas. Iltimos, preparat tugaganida ingalyatorni utilizatsiya qiling va uni yangisiga almashtiring.
Himoya qalpoqchasi
Yon kamerasi
bo‘sh blisterlar foydalanilganidan keyin shu yerda to‘planadi
Dozalar hisoblagichi himoya qalpoqchasini ochib, Siz qurilmadagi dozalar sonini tekshirishingiz mumkin
1. Ingalyatorni tayyorlash
• Himoya qalpoqchasini oching (rasmda yo‘nalishi ko‘rsatilgan) va mundshtukni chiqaring.
• Qurilmada qancha doza qolganligini bilish uchun dozalar indikatorini tekshiring.
• Oq rangli dastakchani Siz preparat dozasini nafas bilan yutishga tayyor bo‘lganingizda itarish lozimligini yodda tuting, aks holda bu preparatning bekorga sovurilishiga olib kelishi mumkin.
• Mundshtuk chekkasini oq dastakcha tomonidan ko‘taring.
•
• Oq dastakcha yordamida mundshtukni imkon qadar to‘liq ko‘taring (ana shu tarzda kukunli navbatdagi blister ochiladi va yuqorida joylashadi).
• Mundshtukni dastlabki joyiga xos bo‘lgan shiqirlatmaga qadar to‘liq qaytaring (dastakcha dastlabki holatini egallaydi). Endi ingalyator foydalanishga tayyor.
2. Ingalyatsiya
• Ingalyatorni og‘izda bir muncha masofada ushlab turgan holda zo‘riqishsiz chuqur nafas oling. Hech qachon ingalyatorga nafas chiqarish mumkin emas, bu dozaning o‘zgarishiga olib kelishi mumkin!
• Himoya qalpoqchasi pastga qaragan holda ingalyatorni ushlab turing.
• Lablaringizni mundshtuk atrofida zich qilib birlashtiring.
• Og‘iz orqali (burun orqali emas) sekin va chuqur nafas olish zarur.
• Havo uchun kirish teshigini yopmaslik lozim (pastdagi suratga qarang).
• Mundshtukni og‘izdan chiqarib oling, nafasingizni 5-10 sekundga yoki Sizda noqulaylik keltirib chiqarmaydigan vaqtga ushlab turing.
• Sekin-asta nafas chiqaring (ammo ingalyatorga emas!).
• Mundshtukni himoya qalpoqchasi bilan berkiting.
• Ingalyatsiyadan keyin ingalyatsiya vaqtida og‘ish bo‘shlig‘ining shilliq qavatiga tushgan aerozolni yutmaslikka harakat qilgan holda og‘zingizni suv bilan chaying. Bu og‘iz bo‘shlig‘i zamburug‘li infektsiyasining va ovoz bo‘g‘ilishining oldini olishga yordam beradi.
3. Ishlatilgan blisterli tasmani chiqarib tashlash
• Yonboshdagi kamerani unda blisterli tasma paydo bo‘lishi uchun aylantiring. Qora tilimlari bo‘lgan blisterli tasma hech qachon dori preparatini saqlamaydi.
• Yonboshdagi kamerada uchtadan ortiq blisterni qoldirmaslik lozim, chunki ular ingalyatorni shikast yetkazishi mumkin.
• Yonboshdagi kameradan blisterli tasmani quyida rasmda ko‘rsatilganidek chiqarib tashlang.
• Yonboshdagi kamera eshikchasini oching. Blisterli tasmani cho‘zib tortish yoki siltab tortish mumkin emas.
• Blisterli tasmani «bo‘lakchalari» bo‘yicha rasmda ko‘rsatilganidek uzib oling.
• Yonboshdagi kamera eshikchasini yoping va ishlatilgan o‘ramni tashlab yuboring.
• Bir nechta ingalyatsiyadan keyin qora tilimchaning qolgan qismi chiqadi.
Ingalyatorni tozalash
Zarurat bo‘lganida mundshtukni quruq toza mato bilan arting.
Ingalyatorni tozalash uchun uni qismlarga ajratish kerak emas.
Ingalyatorni tozalash uchun suvdan va nam salfetkalardan foydalanish kerak emas.
Hech qachon mundshtukka yoki ingalyatorning boshqa qismlariga to‘g‘nog‘ichlar yoki boshqa o‘tkir predmetlarni qo‘ymang.
Nojo‘ya ta'sirlari
ErFlyuSal Forspiro salmeterol va flutikazon propionatini saqlaganligi tufayli, uning qo‘llanilishi komponentlarning har biri uchun xos bo‘lgan nomaqbul reaktsiyalar rivojlanishiga olib kelishi mumkin. Ularning bir vaqtda qo‘llanilishi qo‘shimcha nomaqbul reaktsiyalarni keltirib chiqarishi haqida ma'lumotlar yo‘q.
Salmeterol/flutikazon propionati qo‘llanilganida qayd etilgan nomaqbul reaktsiyalar a'zolar tizimlari sinfiga va ularning rivojlanishi tez-tezligiga muvofiq ravishda quyida keltirilgan.
Nomaqbul reaktsiyalarning yuzaga kelishi tez-tezligi quyidagi tarzda aniqlangan juda tez-tez (≥ 1/10), tez-tez (≥ 1/100, 1/10), tez-tez emas (≥ 1/1000, 1/100), kam hollarda (≥ 1/10 000, 1/1000), juda kam hollarda (1/10 000), tez-tezligi noma'lum (mavjud ma'lumotlar bo‘yicha yuzaga kelish tez-tezligini aniqlash imkoniyati mavjud emas).
Infektsiyalar va invaziyalar
Tez-tez og‘iz bo‘shlig‘i va bo‘g‘iz kandidozi, pnevmoniya (O‘SOK bo‘lgan patsiyentlarda), bronxit;
Kam hollarda qizilo‘ngach kandidozi.
Immun tizimi tomonidan buzilishlar
Quyidagi holatlar namoyon bo‘lgan holda yuqori sezuvchanlik reaktsiyalari
Tez-tez emas terida yuqori sezuvchanlik reaktsiyalari, respirator simptomlar (dispnoe);
Kam hollarda angionevrotik shish (ko‘proq yuzda va og‘iz-bo‘g‘izda), nafas olishning buzilishi (bronxospazm), anafilaktik reaktsiyalar, jumladan anafilaktik shok.
Endokrin tizimi tomonidan buzilishlar
Kam hollarda Kushing sindromi, kushingsifat tashqi ko‘rinish, buyrak usti bezlari faoliyatini so‘ndirilishi, bolalar va o‘smirlarda o‘sishning to‘xtatb qolishi, suyak to‘qimasi mineral zichligining pasayishi.
Modda almashinuvi va ovqatlanish tomonidan buzilishlar
Tez-tez gipokaliyemiya; tez-tez emas giperglikemiya.
Ruhiy buzilishlar
Tez-tez emas xavotirlilik, uyquning buzilishi; kam hollarda xulq-atvorning buzilishi, jumladan yuqori darajada psixomotor faollik va jizzakilik (ko‘proq bolalarda); tez-tezligi noma'lum depressiya, tajovuzkorlik (ko‘proq bolalarda).
Nerv tizimi tomonidan buzilishlar
Juda tez-tez bosh og‘rig‘i; tez-tez emas tremor.
Ko‘rish a'zosi tomonidan buzilishlar
Tez-tez emas katarakta; kam hollarda glaukoma.
Yurak-tomir tizimi tomonidan buzilishlar
Tez-tez emas yurakning kuchli urishi, taxikardiya, yurak oldi bo‘lmalarining fibrillyatsiyasi, stenokardiya;
Kam hollarda aritmiya (jumladan supraventrikulyar taxikardiya va ekstrasistollar).
Nafas olish tizimi, ko‘krak qafasi a'zolari va ko‘ks oralig‘i tomonidan buzilishlar
Juda tez-tez nazofaringit; tez-tez tomoqning qichishishi, ovoz bo‘g‘ilishi/disfoniya, sinusit;
Kam hollarda paradoksal bronxospazm.
Teri va teri osti to‘qimalari tomonidan buzilishlar
Tez-tez lat yeyish.
Skelet-mushak va biriktiruvchi to‘qimalar tomonidan buzilishlar
Tez-tez mushak tirishishlari, travmatik sinishlar, artralgiya, mialgiya.
Ayrim nomaqbul reaktsiyalarning ta'rifi
β2-agonistlar bilan davolashda tremor, yurakning kuchli urishi va bosh og‘rig‘i kabi nojo‘ya farmakologik ta'sirlar haqida xabar berilgan, biroq ular tranzitor bo‘ladi va davolash davom ettirilganida susayib boradi.
Boshqa ingalyatsiyali preparatlarni qo‘llashdagi kabi ingalyatsiyadan bevosita keyin hushtaksimon nafas olish kuchayishi va hansirash bilan paradoksal bronxospazm kuzatilishi mumkin. Paradoksal bronxospazm qisqa ta'sirdagi bronxodilatatorlar bilan davolanadi va u darhol buyurilishi kerak. ErFlyuSal Forspiro preparati qo‘llanilishini darhol to‘xtatish, patsiyentni tekshirish va zarurat bo‘lganida boshqa davolashni buyurish zarur.
Preparat tarkibida flutikazon propionati mavjudligi munosabati bilan ayrim patsiyentlarda ovozning bo‘g‘ilishi va og‘iz bo‘shlig‘i hamda bo‘g‘izda va kam hollarda qizilo‘ngachda kandidoz (oqarish) yuzaga kelishi mumkin. Ovozning bo‘g‘ilishi va og‘iz bo‘shlig‘i hamda bo‘g‘izda kandidoz tez-tezligini preparat ingalyatsiya qilinganidan keyin og‘izni suv bilan chayish va (yoki) tish cho‘tkasi bilan tishlarni yuvish yo‘li orqali kamaytirish mumkin. Og‘iz va bo‘g‘izdagi simptomatik kandidozni ErFlyuSal Forspiro preparati bilan davolashni davom ettirgan holda zamburug‘ga qarshi mahalliy preparatlar bilan davolash mumkin.
Bolalarda qo‘llanilishi
Ehtimol yuz berishi mumkin bo‘lgan tizimli ta'sirlar Kushing sindromini, kushingsifat tashqi ko‘rinishni, buyrak usti bezlari faoliyati so‘ndirilishini, bolalr va o‘smirlarda o‘sishni to‘xtab qolishini o‘z ichiga oladi. Bolalarda shuningdek tashvishlilik, uyqu va xulq-atvorning buzilishi, jumladan yuqori faollik va jizzakilik kuzatilishi mumkin.

Qo‘llash mumkin bo‘lmagan holatlar

Preparat tarkibiga kiruvchi har qanday faol yoki yordamchi moddasiga nisbatan yuqori sezuvchanlikda (allergiyada) qo‘llash mumkin emas.
Dorilarning o‘zaro ta'siri
Beta-adrenoblokatorlar salmetrolga nisbatan kuchsizlantiruvchi yoki hatto antagonistik ta'sir ko‘rsatishi mumkin. Bronxospazm rivojlanishi xavfi tufayli, selektiv va noselektiv beta-blokatorlarni qo‘llashdan voz kechish lozim, ular o‘ta zarur bo‘lgan hollar bundan mustasno.
β2-agonistlar bilan davolashda yaqqol ifodalangan gipokaliyemiya rivojlanishi mumkin. O‘tkir og‘ir bronxial astmada alohida ehtiyotkorlikka rioya qilish lozim, chunki bunday ta'sir ksantin hosilalari, steroidlar va diuretiklarni bir vaqtda qabul qilish bilan kuchayishi mumkin.
Boshqa beta-adrenergik preparatlarni bir vaqtda qabul qilinishi potentsial additiv ta'sirni kuchaytirishi mumkin.
Flutikazon propionati
Odatdagi vaziyatlarda flutikazon propionati ingalyatsiyasi jigar orqali birinchi bor o‘tishida jadal metabolizmi hamda ichak va jigarda R450 sitoxromi tizimining CYP3A4 izofermenti ta'siri ostida yuqori tizimli klirensi oqibatida plazmada uning past kontsentratsiyalari bilan kechadi. Shu sababli flutikazon propionatining boshqa preparatlar bilan klinik jihatdan ahamiyatli o‘zaro ta'siri ehtimoli kam.
Flutikazon propionatini intranazal holda qabul qilgan sog‘lom ko‘ngillilar ishtirokida o‘tkazilgan dorilarning o‘zaro ta'siriga oid tadqiqot shuni ko‘rsatdiki, ritonavir (CYP3A4 izofermentining juda kuchli ingibitori) sutkada ikki marta 100 mg dozada plazmada flutikazon propionatining kontsentratsiyasini yuz martalab oshirishi mumkin, buning oqibatida zardobdagi kortizol kontsentratsiyalari sezilarli darajada pasayadi. Ingalyatsiyali flutikazon propionatining xuddi shunday o‘zaro ta'siri haqidagi axborot mavjud emas, biroq plazmada flutikazon propionati kontsentratsiyasining sezilarli darajada oshishi ehtimoli mavjud. CYP3A ingibitorlarini, shu jumladan kobitsistatni saqlovchi preparatlarni bir vaqtda qo‘llanilishi tizimli nojo‘ya ta'sirlar xavfini oshirishi mumkin, deb hisoblashga asos bor. Ushbu preparatlarni bir vaqtda qo‘llanilishidan tiyilish lozim, patsiyent uchun potentsial foyda glyukokortikoidlarning tizimli nojo‘ya ta'sirlari xavfidan ortiq bo‘lgan hollar bundan mustasno; ushbu holatda glyukokortikoidning nojo‘ya ta'sirlarini aniqlash maqsadida patsiyentlarning holatini kuzatish zarur.
Sog‘lom ko‘ngillilar ishtirokida o‘tkazilgan kichik tadqiqot davomida CYP3A ning kuchsizroq ingibitori bo‘lgan ketokonazol flutikazon propionati ekspozitsiyasini bir marta ingalyatsiyadan keyin 150% ga oshirganligi aniqlangan. Flutikazon propionati bilan monoterapiyaga nisbatan plazmada kortizol kontsentratsiyasi pasaygan. CYP3A ning boshqa kuchli ingibitorlari (masalan, itrakonazol) va CYP3A ning o‘rtacha ingibitorlari (masalan, eritromitsin) bilan bir vaqtda qo‘llanilishi shuningdek flutikazon propionati ekspozitsiyasini oshishiga va tizimli nojo‘ya ta'sirlar xavfiga olib kelishi kutiladi. Ushbu preparatlar bir vaqtda buyurilganida ehtiyotkorlikka rioya qilish va imkon qadar ularni uzoq vaqt qo‘llanilishidan tiyilish tavsiya etiladi.
Salmeterol
CYP3A4 ning kuchli ingibitorlari
O‘n beshta sog‘lom ko‘ngillilar tomonidan yetti kun davomida ketokonazolni (sutkada bir marta ichga 400 mg) va salmetrolni (sutkada ikki marta ingalyatsiyali 50 mkg) birgalikda qo‘llanilishi plazmada salmetrol ekspozitsiyasini sezilarli ravishda oshishiga (Cmax 1,4 marta va AUC 15 marta oshishiga) olib kelgan. Bu salmeterol yoki ketokonazol bilan monoterapiyaga nisbatan salmetrolning boshqa tizimli ta'sirlari ortishiga (masalan, QTs intervali uzayishi va yurakning kuchli urishiga) olib kelishi mumkin. Arterial bosimga, yurak qisqarishlari tez-tezligiga, qonda glyukoza va kaliy darajasiga klinik jihatdan ahamiyatli ta'siri kuzatilmagan. Ketokonazol bilan birgalikda buyurilishi salmetrolning yarim chiqarilishi davri oshishiga yoki takroran dozalanganida salmetrolning kumulyatsiyasiga olib kelmagan. ErFlyuSal Forspiro preparatini ketokonazol bilan birgalikda qo‘llashdan tiyilish lozim, qo‘llashdan keladigan foyda salmetrolning tizimli nojo‘ya ta'sirlari rivojlanishining potentsial yuqori xavfidan ortiq bo‘lgan hollar bundan mustasno. CYP3A4 nig boshqa kuchli ingibitorlari (itrakonazol, telitromitsin, ritonavir) bilan o‘zaro ta'sirning bunday xavfi ehtimoli mavjud.
CYP3A4 ning o‘rtacha ingibitorlari
O‘n beshta sog‘lom ko‘ngillilar tomonidan olti kun davomida eritromitsinni (sutkada uch marta ichga 500 mg) va salmetrolni (sutkada ikki marta ingalyatsiyali 50 mkg) birgalikda qo‘llanilishi salmetrol ekspozitsiyasining uncha katta bo‘lmagan, ammo statistika jihatdan ishonchli bo‘lmagan oshishiga (Cmax 1,4 marta va AUC 1,2 marta oshishiga) olib kelgan. Eritromitsin bilan birgalikda qo‘llanilishi jiddiy nojo‘ya ta'sirlar rivojlanishiga olib kelmagan.

Maxsus ko‘rsatmalar

ErFlyuSal Forspiro astmaning o‘tkir simptomlarini bartaraf qilishga mo‘ljallanmagan, chunki bunday hollarda tezda va qisqa muddatga ta'sir qiluvchi ingalyatsiyali bronxodilatatorni qo‘llash lozim. Patsiyentlarni ular har doim astma xurujini so‘ndirish preparatini qo‘l ostida saqlab turishi uchun xabardor qilish kerak.
Kasallik zo‘raygan vaqtda yoxud astma holati sezilarli ravishda rivojlanganda yoki o‘tkir yomonlashganida ErFlyuSal Forspiro preparati bilan davolashni boshlamaslik kerak.
Patsiyentlarni davolashni davom ettirish zarurligi haqida xabardor qilish lozim, ammo agar ErFlyuSal Forspiro preparatidan foydalanish boshlanganidan keyin nomaqbul reaktsiyalar yuzaga kelgan bo‘lsa, astma simptomlarini mos ravishda nazorat qilishga erishilmayotgan bo‘lsa, shifokorga maslahatlahatlashish uchun murojaat qilish kerak.
Astma simptomlarini yengillashtirish uchun preparat (qisqa muddatga ta'sir qiluvchi bronxodilatatorlar) qo‘llanilishiga ehtiyojning ortishi yoki bunday preparat qo‘llanilishiga nisbatan past javob reaktsiyasi astma nazorati yomonlashgani haqida dalolat beradi. Ushbu holatda patsiyentni shifokor ko‘rigidan o‘tkazish zarur.
Astma nazoratining to‘satdan va rivojlanib boruvchi yomonlashuvi hayot uchun xavfli bo‘lishi mumkin, ushbu holatda patsiyentga shoshilinch tibbiy yordam zarur. Glyukokortikoidlar dozasini oshirish haqidagi masalani ko‘rib chiqish lozim.
Astma simptomlarini nazorat qilishga erishilganidan keyin ErFlyuSal Forspiro preparati dozasini bosqichma-bosqich pasaytirish zaruratini ko‘rib chiqish mumkin. Doza pasaytirilganida patsiyentni muntazam ravishda tekshiruvdan o‘tkazish muhim. ErFlyuSal Forspiro preparatining samarali minimal dozasini buyurish lozim.
O‘SOK zo‘rayganida odatda tizimli glyukokortikoidlar bilan davolash buyuriladi, shu sababli patsiyentlar ErFlyuSal Forspiro preparati qo‘llanilishi vaqtida simptomlar yomonlashgan taqdirda shifokorga murojaat qilish zarurligi haqida bilishlari kerak.
Astmasi bo‘lgan patsiyentlar kasallik zo‘rayib borishi xavfi tufayli, ErFlyuSal Forspiro preparati bilan davolashni keskin to‘xtatmasliklari kerak. Preparat dozasini shifokor nazorati ostida bosqichma-bosqich pasaytirish lozim. O‘SOK bo‘lgan patsiyentlarda preparat qo‘llanilishini bekor qilish dekompensatsiya simptomlari bilan kechishi mumkin va shifokor kuzatuvini talab qiladi.
Glyukokortikoidlarni saqlovchi barcha ingalyatsiyali dori preparatlari kabi ErFlyuSal Forspiro preparatini faol yoki latent shaklidagi o‘pka sili (tuberkulyozi) bo‘lgan patsiyentlarga, shuningdek nafas yo‘llarining zamburug‘li, virusli yoki boshqa infektsiyalari bo‘lgan patsiyentlarga ehtiyotkorlik bilan buyurish lozim. Davolashga ko‘rsatmalar mavjud bo‘lganida tegishli davolashni kechiktirmay buyurish lozim.
ErFlyuSal Forspiro kam hollarda yuqori davolash dozalarida yurak ritmi buzilishini, masalan, supraventrikulyar taxikardiya, ekstrasistoliya yoki yurak oldi bo‘lmalari fibrillyatsiyasini va qon zardobida kaliy darajasining yengil tranzitor pasayishini keltirib chiqarishi mumkin. ErFlyuSal Forspiro preparatini og‘ir yurak-tomir kasalliklari yoki yurak ritmi buzilishlari bo‘lgan patsiyentlarda, qandli diabeti bo‘lgan, tireotoksikozli, tuzatish kiritish mumkin bo‘lmagan gipokaliyemiyali patsiyentlarda yoki qon zardobida kaliy darajasi past bo‘lishiga moyil bo‘lgan patsiyentlarda ehtiyotkorlik bilan qo‘llash lozim.
Kam hollarda qonda glyukoza darajasi oshishi haqida xabar berilgan bo‘lib, buni anamnezda qandli diabeti bo‘lgan patsiyentlarga preparatni buyurishda nazarda tutish lozim.
Boshqa ingalyatsiyali preparatlarni qo‘llashdagi kabi ingalyatsiyadan bevosita keyin hushtaksimon nafas olish kuchaygan holda va hansirash bilan paradoksal bronxospazm kuzatilishi mumkin. Paradoksal bronxospazm qisqa muddatli ta'sir qiluvchi bronxodilatatorlar bilan davolanadi va ular darhol buyurilishi kerak. ErFlyuSal Forspiro preparati qo‘llanilishi darhol to‘xtatilishi, patsiyent tekshirilishi va zarurat bo‘lganida muqobil davolash buyurilishi zarur.
β2-agonistlari bilan davolashda tremor, yurakning kuchli urishi va bosh og‘rig‘i kabi nojo‘ya farmakologik ta'sirlar haqida xabar berilgan, biroq ular tranzitor bo‘ladi va davolash davom ettirilishi chog‘ida kuchsizlanib boradi.
Ingalyatsiyali glyukokortikoidlar, ayniqsa, yuqori dozalarda uzoq vaqt davomida qo‘llanilganida tizimli ta'sirlar yuzaga ke lishi mumkin. Ularning yuzaga kelishi ehtimoli peroral glyukokortikoidlar qo‘llanilganidagiga nisbatan kamroq bo‘ladi. Ehtimol qilingan tizimli ta'sirlar Kushing sindromini, kushingsifat tashqi ko‘rinishni, buyrak usti bezlari faoliyatining so‘ndirilishini, suyaklar minerallashuvini pasayishini, kataraktani, glaukomani va kamroq qator psixologik va xulq o‘zgarishiga oid holatlar namoyon bo‘lishini, jumladan psixomotor yuqori faollikni, uyqu buzilishini, tashvish chekish, depressiya yoki tajovuzkorlikni (ayniqsa bolalarda) o‘z ichiga oladi (bolalar va o‘smirlarda ingalyatsiyali kortikosteroidlarning tizimli ta'sirlari haqidagi axborot quyida «Bolalar» kichik bo‘limida keltirilgan). Shu sababli patsiyentni muntazam ravishda tekshirib borish va ingalyatsiyali glyukokortikoid dozasini astmani nazorat qilishni ta'minlovchi samarali minimal dozaga qadar pasaytirish muhim.
Patsiyentlarni ingalyatsiyali glyukokortikoidlarning yuqori dozalari bilan uzoq vaqt davolash buyrak usti bezlari faoliyati so‘ndirilishini va o‘tkir adrenal krizni keltirib chiqarishi mumkin. Flutikazon propionati 500–1000 mkg dozalarda qo‘llanilganida buyrak usti bezlari faoliyati so‘ndirilishining va o‘tkir adrenal krizning juda kam uchraydigan hollari bayon qilingan. Shikastlanish, jarrohlik operatsiyasi, infektsiya yoki dozaning keskin pasayishi o‘tkir adrenal kriz rivojlanishi triggeri bo‘lishi mumkin. Ushbu holatning simptomlari odatda aniq emas va anoreksiya, qorinda og‘riq, vazn yo‘qotilishi, charchoq, bosh og‘rig‘i, ko‘ngil aynishi, qusish, arterial gipotenziya, ong buzilishlari, gipokaliyemiya va tirishishlarni o‘z ichiga olishi mumkin. Rejali jarrohlik operatsiyalar o‘tkazilganida yoki stress vaziyatlarida tizimli glyukokortikoidlar qo‘shimcha qo‘llanilishini nazarda tutish lozim.
Ingalyatsiyali flutikazon propionati bilan davolashning afzalliklari peroral steroidlarga ehtiyojni minimallashtirishi kerak, biroq ilgari peroral steroidlarni qabul qilgan patsiyentlarda uzoq vaqt davomida buyrak usti bezlari faoliyati zaxiralari kamayib ketishi xavfi saqlanib qoladi. Shu sababli bunday patsiyentlarni o‘ta ehtiyotkorlik bilan davolash va ularda buyrak usti bezlari po‘stlog‘i faoliyatini muntazam ravishda nazorat qilish lozim.
O‘tmishda shoshilinch davolash sifatida glyukokortikoidlarning yuqori dozalarini qabul qilgan patsiyentlar shuningdek ushbu xavfga duchor bo‘lishi mumkin. Shoshilinch va rejali vaziyatlarda stressni keltirib chiqaradigan buyrak usti bezlari faoliyatining qoldiq buzilishi ehtimolini doimo e'tiborga olish va glyukokortikoidlar bilan tegishli davolash buyurilishini inobatga olish lozim. Buyrak usti bezlari faoliyati buzilishi darajasiga bog‘liq holda rejali operatsiyalarni o‘tkazishdan oldin mutaxassis maslahati talab qilinishi mumkin.
Ritonavir plazmada flutikazon propionati kontsentratsiyasining keskin oshishini keltirib chiqarishi mumkin. Shu sababli flutikazon propionati va ritonavirni bir vaqtda qo‘llanilishidan tiyilish lozim, patsiyent uchun potentsial foyda glyukokortikoidlarning tizimli nojo‘ya ta'sirlari xavfidan ortiq bo‘lgan hollar bundan mustasno.
Flutikazon propionatini CYP3A ning boshqa kuchli ingibitorlari bilan birgalikda qo‘llanilganida shuningdek tizimli nojo‘ya ta'sirlar rivojlanishining yuqori xavfi mavjud.
Ingalyatsiyali kortikosteroidlarni qabul qilgan, O‘SOK bo‘lgan patsiyentlarda pnevmoniyalar, shu jumladan kasalxonaga yotqazishni talab qilgan pnevmoniyalar tez-tez kuzatilgan. Steroidlar dozasi oshirilganida pnevmoniya rivojlanishining yuqori xavfi haqidagi ma'lumotlar mavjud. Davolovchi shifokor O‘SOK bo‘lgan patsiyentlarda pnevmoniya rivojlanishi ehtimolini yodda tutishi kerak, chunki mazkur infektsiya patologiyasining klinik belgilari ko‘pincha O‘SOK zo‘rayishi bilan mos keladi. O‘SOK bo‘lgan patsiyentlarda pnevmoniyaning rivojlanishi xavfi omillari chekish, keksa yosh, tana vaznining past indeksi (TVI) va O‘SOKning og‘ir kechishini o‘z ichiga oladi.
SMART yirik tadqiqot (Astmani davolash uchun salmetrol qo‘llanilishiga oil ko‘p markazli tadqiqot) ma'lumotlariga ko‘ra, nafas yo‘llarining jiddiy kasalliklari rivojlanishi xavfi va u bilan bog‘liq bo‘lgan o‘lim holati platseboga nisbatan salmetrol bilan davolanganda afroamerikaliklarda sezilarli ravishda yuqori bo‘lgan. Bu farmakogenetik yoki boshqa omillardan kelib chiqqanligi noma'lum. Shu sababli kelib chiqishi afrikalik yoki afrokariblik bo‘lgan qora tanli patsiyentlarga davolashni davom ettirish tavsiya qilinishi lozim, ammo astma yetarli darajada nazorat qilinmaganida yoki ErFlyuSal Forspiro preparati qo‘llanilishi fonida ahvol yomonlashganida ular shifokor bilan maslahatlashishlari zarur.
Tizimli ketokonazolning bir vaqtda qo‘llanilishi salmetrolning tizimli ekspozitsiyasini sezilarli oshiradi. Bu tizimli ta'sirlar (masalan, QT intervalining uzayishi va yurakning kuchli urishi) tez-tezligi ortishiga olib kelishi mumkin. Agar salmetrol qo‘llanilishidan keladigan foyda tizimli nojo‘ya ta'sirlarning potentsial xavfidan ortiq bo‘lmasa, ketokonazol yoki CYP3A4 ning boshqa kuchli ingibitorlari bir vaqtda qo‘llanilishidan tiyilish lozim.
Bolalarda
Flutikazon propionatining yuqori dozalarini (odatda sutkada ≥1000 mkg) qabul qilayotgan 16 yoshdan kichik bo‘lgan bolalar va o‘smirlar tizimli nojo‘ya ta'sirlar rivojlanishining alohida xavfiga, xususan uzoq vaqt davomida yuqori dozalar qo‘llanilganida duchor bo‘ladilar. Ehtimol qilingan tizimli ta'sirlar Kushing sindromini, kushingsifat tashqi ko‘rinishni, buyrak usti bezlari faoliyatining so‘ndirilishini, bolalar va o‘smirlarda o‘tkir adrenal krizni va o‘sishning to‘xtab qolishini, kamroq qator psixologik va xulq o‘zgarishiga oid holatlar namoyon bo‘lishini, jumladan psixomotor yuqori faollikni, uyqu buzilishini, tashvish chekish, depressiya yoki tajovuzkorlikni o‘z ichiga oladi.
Bolani (o‘smirni) pulmonolog tomonidan ko‘zdan kechirilishi nazarda tutilishi lozim.
Uzoq vaqt davomida ingalyatsiyali glyukokortikoidlar bilan davolangan bolalarda o‘sishni muntazam ravishda nazorat qilib borish tavsiya etiladi. Ingalyatsiyali glyukokortikoid dozasi astma simptomlarini nazorat qilishni ta'minlovchi samarali minimal dozaga qadar pasaytirilishi kerak.
ErFlyuSal Forspiro bitta blisterda laktozani 12,18 mg (50 mkg/250 mkg doza uchun) yoki 11,93 mg (50 mkg/500 mkg doza uchun) miqdorda saqlaydi.
Homiladorlik va laktatsiya davrida
Odamda fertillik haqida ma'lumotlar yo‘q.
Homiladorlarda qo‘llash bo‘yicha ma'lumotlarning ko‘p sonli emasligi (300–1000 ta tug‘ruq jarayoni) salmeterol va flutikazon propionatida rivojlanish nuqsonlarini keltirib chiqaruvchi toksiklik va homila (yangi tug‘ilgan chaqaloq) uchun toksiklik mavjud emasligini ko‘rsatadi. Hayvonlarda o‘tkazilgan tajribalarda β2-agonistlar va glyukokortikoidlarning reproduktiv toksikligi aniqlangan.
Homiladorlik davrida mazkur preparatni faqat ona uchun kutiladigan foyda homila uchun potentsial xavfdan ortiq bo‘lgan hollarda buyurish maqsadga muvofiq.
Homiladorlarni davolash uchun flutikazon propionatining astma simptomlarini mos ravishda nazorat qilishga imkon beruvchi samarali eng kam dozalari buyuriladi.
Salmeterol, flutikazon propionati va (yoki) ularning metabolitlari ona sutiga singib o‘tishi noma'lum. Salmeterol va flutikazon propionati, shuningdek ularning metabolitlari kalamushlarda ona sutiga ajralib chiqishi haqida ma'lumotlar mavjud.
Ona suti bilan emizilayotgan bola uchun xavfni istisno qilib bo‘lmaydi. Ona uchun davolashdan kutiladigan foydani hamda bola uchun ona suti bilan emizishdan keladigan foydani chamalagan holda yo ona suti bilan emizishni yoxud ErFlyuSal Forspiro preparati bilan davolashni to‘xtatish haqida qaror qabul qilish zarur.
Transport vositalarini boshqarish va mexanizmlar bilan ishlash qobiliyatiga ta'siri
Preparat transport vositalarini boshqarish va mexanizmlar bilan ishlash qobiliyatiga ta'sir ko‘rsatmaydi yoki sezilarli bo‘lmagan ta'sir ko‘rsatadi.
Preparat bolalar ololmaydigan joyda saqlansin va yaroqlilik muddati o‘tganidan keyin ishlatilmasin.

Dozani oshirib yuborilishi

Salmeterol/flutikazon propionatining klinik tadqiqotlari davomida dozani oshirib yuborilishi haqidagi ma'lumotlar olinmagan; alohida holda har bir komponent dozasini oshirib yuborilishi haqidagi ma'lumotlar quyida keltirilgan.
Bosh aylanishi, sistolik arterial bosimning oshishi, tremor, bosh og‘rig‘i va taxikardiya salmeterol dozasini oshirib yuborilishi belgilari va simptomlari bo‘lib hisoblanadi. Agar ErFlyuSal Forspiro preparati bilan davolashni preparat tarkibiga kiruvchi β2-agonisti dozasini oshirib yuborilishi sababli to‘xtatilishi zarur bo‘lsa, patsiyentga tegishli o‘rnini bosuvchi stereoid davolash buyurilishi masalasini ko‘rib chiqish lozim. Shuningdek gipokaliyemiya yuzaga kelishi mumkin, shu sababli zardobda kaliy darajasi nazorat qilinishi va uning o‘rnini to‘ldirish masalasi ko‘rib chiqilishi lozim.
Ingalyatsiyali flutikazon propionati bilan dozani o‘tkir oshirib yuborilishi
Flutikazon propionatini tavsiya etilganidan ortiq dozalarda ingalyatsiya qilish buyrak usti bezlari faoliyatini vaqtincha so‘ndirilishini keltirib chiqarishi mumkin. Odatda bu biror-bir tezkor choralar ko‘rilishini talab qilmaydi, chunki ko‘pchilik hollarda buyrak usti bezlarining normal faoliyati bir necha kun ichida qayta tiklanadi, plazmada kortizol miqdori tahlillari bu haqida dalolat beradi.
Ingalyatsiyali flutikazon propionati bilan dozani surunkali oshirib yuborilishi
Buyrak usti bezlarining zaxira imkoniyatlarini nazorat qilish lozim. Tizimli kortikosteroidlarni qo‘llash kerak bo‘lishi mumkin. Holat barqarorlashganida ingalyatsiyali kortikosteroid bilan davolashni tavsiya etilgan dozada davom ettirish lozim (buyrak usti bezlari faoliyati so‘ndirilishi xavfi haqida «

Maxsus ko‘rsatmalar

va ehtiyotkorlik choralari» bo‘limiga qarang). Flutikazon propionati dozasi o‘tkir oshirib yuborilganida ham, surunkali oshirib yuborilganida ham, ErFlyuSal Forspiro preparatini qo‘llanilishi astma simptomlarini nazorat qilish uchun zarur bo‘lgan dozalarda davom ettirilishi mumkin.

Chiqarilish shakli

OPA/alyuminiy/PVX shakl beruvchi plyonkadan va germetizatsiyalovchi alyuminiyli folgadan tayyorlangan laminatsiyalangan uyali o‘ramlarda kukunli aralashmaning 60 ta dozasini saqlaydigan plastik ingalyatsiya qurilmasi.

Saqlash sharoiti

25°C dan yuqori bo‘lmagan haroratda saqlang.

Yaroqlilik muddati

2 yil.

O‘rami

da ko‘rsatilgan yaroqlilik muddati tugaganidan keyin foydalanilmasin.

Dorixonalardan berish tartibi

Retsept bilan beriladi.
Ro‘yxatdan o‘tkazilgan guvohnomasining egasi
Sandoz Farmasyutikalz d.d., Verovshkova 57, 1000 Lyublyana, Sloveniya.

Ishlab chiqaruvchi

AEROFARM GmbX, Fransua-Mitteran-Alleye 1, 07407 Rudolshtadt, Germaniya.
Dori vositalarini sifati bo‘yicha e'tirozlar (takliflar) ni qabul qiluvchi tashkilot nomi va manzili
“Sandoz Farmasyutikals d.d.” vakolatxonasi
100015, Toshkent sh., Oybek ko‘ch., 24 uy.