Preparatning savdo nomi
Liverin®
Ta'sir etuvchi modda (XPN) oksimatrin

Dori shakli
kapsulalar

Tarkibi

Har bir kapsula quyidagilarni saqlaydi
faol modda oksimatrin – 0,1 g;
yordamchi moddalar beta-tsiklodekstrin, natriy laurilsulfati, magniy stearati;
qobig‘ining tarkibi jelatin, titan dioksidi, natriy laurilsulfati, PEG, ko‘k rangli yaltiroq bo‘yovchi, tartrazin.
Ta'rifi korpusi oq rangli, qopqoqchasi och yashil rangli qattiq jelatin kapsulalar. Kapsulaning ichidagisi – oq yoki oqish rangli, hidsiz, achchiq ta'mli granulalar yoki kukun.

Farmakoterapevtik guruhi
gepatoprotektor.
ATX kodi A05VA


Farmakologik xususiyatlari

Oksimatrin – kam uchraydigan tetratsikloxinolizidin alkaloididir. Oksimatrin tulkiquyruq Soforaning faol ingrediyenti bo‘lib, yallig‘lanishga qarshi, antibakterial, allergiyaga qarshi, o‘smalarga qarshi, viruslarga qarshi (V gepatiti virusiga qarshi), fibrozga qarshi ta'sir ko‘rsatadi, yurak ritmini normallashtiradi, immunitet va oq qon tanachalarining darajasini oshiradi, jigarni himoyalaydi, detumestsentsiya va diurezni yaxshilaydi, biologik javob reaktsiyasini oshiradi.

Farmakodinamika
si
Oksimatrin viruslar replikatsiyasi (ko‘payishi) ni ingibitsiya qiladi, jigar hujayralarining parchalanishini kamaytiradi va jigarni fibrozlanishdan himoya qiladi, shuningdek safroni oqib chiqishiga yordam beradi.
Oksimatrin yurak qisqarishlarini boshqaradi, ko‘pchilik sabablar oqibatida rivojlangan aritmiyalarga qarshi ta'sir qiladi, koronar arteriyalarini kengaytiradi, qon oqimini yaxshilaydi va yurak hujayralariga kislorodni yetib kelishini yaxshilaydi, miokarditni chaqiradigan Koksaki virusiga qarshi ta'sir qiladi. Oksimatrin sitoplazmada erkin Sa2+ ionlarining darajasini oshiradi, shuningdek s-AMF (tsiklik adenozinmonofosfat) ni qisqartiradi, shunday qilib, oksimatrin hujayra membranasiga ta'sir qilish va Sa2+ ionlari hamda s-AMF ning darajasini o‘zgartirish orqali immun tizimiga ta'sir ko‘rsatadi.
Oksimatrin o‘sma hujayralarining o‘sishini bevosita ingibitsiya qiladi.
Oksimatrin terining allergik kasalliklari va infektsiyani davolashda qo‘llanadi, uzluksiz ishlab chiqariladigan keratinotsit hujayralarini susaytiradi, o‘ziga xos tangachalarni ishlab chiqarib, psoriaz bo‘lgan sohalarni kamaytiradi.
Oksimatrin IgE antitelani shakllanishiga ta'sir ko‘rsatmaydi, biroq taloqning hujayralariga bevosita ta'sir qiladi. Allergenlar tomonidan ahamiyatli darajada chaqirilgan semiz hujayralarning degranulyatsiyasini ingibitsiya qiladi, shu bilan semiz hujayralarning ko‘chib yurishini pasaytirish orqali gistaminni ajralib chiqishini to‘xtatadi.

Farmakokinetikasi

Ichga qabul qilinganidan so‘ng oksimatrin yengil o‘zlashtiriladigan shakli bo‘lgan matringa aylanadi. Preparat me'dada va ingichka ichakda tez so‘riladi. Preparat qabul qilinganidan so‘ng 4 soatdan keyin me'da va ingichka ichak orqali preparatning 94,7% so‘riladi. Preparat asosan o‘t pufagi, buyraklar, jigar, ichak, suyak ko‘migi, taloqqa taqsimlanadi. Matrin qonda barqaror bo‘lib, u jigarda hosil bo‘lmaydi va siydik hamda ahlat bilan 24 soat davomida o‘zgarmagan holda chiqariladi.


Qo‘llanilishi

• surunkali virusli gepatit V va S;
• jigar fibrozi va sirrozi;
• oddiy psoriazda qo‘llanadi.


Qo‘llash usuli va dozalari

Liverin ichga 2 kapsuladan (0,2 oksimatringa ekvivalent) kuniga uch marta qabul qilinadi. Zarurat bo‘lganida sutkalik dozani kuniga uch marta 3 kapsulagacha (0,3 g oksimatringa ekvivalent) oshirish mumkin.
Surunkali virusli gepatit V va S, davolash kursi 24 haftani, jigar fibrozi va sirrozini davolash kursi 52 haftani tashkil etadi.
Oddiy psoriazda davolash kursi 1 oyni tashkil etadi.
To‘liq davolash kursi tugaganidan so‘ng patsiyentning holatini nazorat qilish va davolashni davom ettirish zaruriyatini hal qilish maqsadida mutaxassis ko‘ruvidan o‘tish kerak.

Nojo‘ya ta'sirlari
Liverin kapsulalar odatda yaxshi o‘zlashtiriladi. Noxush reaktsiyalarni rivojlanish tez-tezligi past. Ko‘ngil aynishi, qusish, og‘izda achchiqlik hissi, diareya, qorinning yuqori qismida diskomfort va og‘riq bo‘lishi mumkin. Kam hollarda teri toshmasi, ko‘krakda siqilish va qizib ketish rivojlanadi, ular qo‘shimcha davolashsiz o‘tib ketadi.


Qo‘llash mumkin bo‘lmagan holatlar

Liverin kapsulalarni oksimatrin va preparatning boshqa komponentlariga o‘ta yuqori sezuvchanligi bo‘lgan patsiyentlarga qo‘llash mumkin emas.

Dorilarning o‘zaro ta'siri
Liverin, IFN alfa-2b va ribavirinni birga qo‘llash preparatlarning ta'sirini o‘zaro kuchaytiradi va nojo‘ya samaralarni rivojlanish tezligini pasaytiradi (viruslarga qarshi ta'sirini kuchaytiradi, nekrozni kamaytiradi va gepatotsitlarni tiklanishini rag‘batlantiradi, yallig‘lanishni pasaytiradi, immunitetni boshqaradi).


Maxsus ko‘rsatmalar

Yaqqol ifodalangan buyrak yetishmovchiligi bo‘lgan patsiyentlarga preparatni qo‘llash tavsiya etilmaydi.
Jigar yetishmovchiligi bo‘lgan patsiyentlarga Liverin kapsulalarni ehtiyotkorlik bilan qo‘llash kerak.
Homiladorlik va laktatsiya davri
Liverin kapsulalarni homiladorlik vaqtida qo‘llash tavsiya etilmaydi. Liverin kapsulalarni ayollarga laktatsiya davrida ehtiyotkorlik bilan qo‘llash kerak.
Bolalar
Bolalarda muvofiq qat'iy nazoratli klinik tadqiqotlar o‘tkazilmagan.
Keksa yoshdagi patsiyentlar
Dozasiga muvofiq ravishda tuzatish kiritish kerak.
Dori vositasini avtotransport va potentsial havfli mexanizmlarni boshqarish qobiliyatiga ta'sir qilish hususiyati
Aniqlanmagan.
Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.


Dozani oshirib yuborilishi

Liverin kapsulalar yuqori dozalarda qabul qilinganida o‘ziga xos fizikaviy belgilar va klinik simptomlar rivojlanmagan, ovqat hazm qilish yo‘llari faoliyatini biroz buzilishi me'da diskomfort, ko‘ngil aynishi, qusish, qabziyat bo‘lishi mumkin. Liverin kapsulalarni yuqori dozalari bilan davolanayotgan patsiyentlar sinchkov kuzatuvda bo‘lishlari kerak.


Chiqarilish shakli

12 kapsuladan kontur uyali o‘ramda.
2 kontur uyali o‘ram davlat va rus tillaridagi qo‘llash bo‘yicha yo‘riqnomalar bilan birga karton qutiga joylanadi.


Saqlash sharoiti

Quruq, yorug‘likdan himoyalangan joyda, 20oS dan yuqori bo‘lmagan haroratda saqlansin.


Yaroqlilik muddati

2 yil.

Berish tartibi
Retsept buyicha


Ishlab chiqaruvchi

Chia Tai Tianqing Pharmaceutical Group Co., Ltd., XXR
Manzili Jiangsu provintsiyasi, Lianyungang shahri,
Haizhou iqtisodiy rivojlanish zonasi, Yuzhou South ko‘ch., 369.

O‘rta Osiyodagi rasmiy distribyutor
«Mu Lin Sen» MChJ,
Toshkent sh., O‘zbekiston Respublikasi, Durmon yo‘li ko‘ch., 31-A
http//mulinsen.ru