Preparatning savdo nomi
Dropleks, Dropleks
Ta'sir etuvchi moddalar (XPN) Fenazon + Lidokain gidroxloridi,
Phenazone + Lidocaine hydrochloride

Dori shakli
Quloq tomchilari.

Tarkibi

1 ml preparat quyidagilarni saqlaydi
faol moddalar 45,52 mg fenazon, 11,38 mg lidokain gidroxloridi;
yordamchi moddalar natriy tiosulfati, 96% etanol, tozalangan suv, natriy gidroksidi, glitserin.
Ta'rifi tiniq, rangsiz yoki biroz jigarrang-sarg‘ish rangli eritma.

Farmakoterapevtik guruhi
Otologiyada qo‘llanadigan boshqa vositalar. Analgetiklar va anestetiklar.
ATX kodi S02DA30

Farmakologik hususiyatlari

Farmakodinamika

Dropleks – mahalliy qo‘llash uchun majmuaviy preparat. Mahalliy og‘riqsizlantiruvchi va yallig‘lanishga qarshi ta'sir ko‘rsatadi.
Preparatning ta'siri tarkibiga kiruvchi faol komponentlar – fenazon va lidokain gidroxloridi bilan ifodalanadi.
Fenazon – yallig‘lanishga qarshi va og‘riq qoldiruvchi ta'sirlarga ega bo‘lgan pirazol hosilasi.
Lidokain gidroxloridi – amid guruhidagi mahalliy anestetik.

Farmakokinetikasi

Nog‘ora pardaning shikastlanishidan tashqari bo‘lgan holatlarda, mazkur eritmaning tizimli so‘rilmasligi taxmin qilinadi.


Qo‘llanilishi

Nog‘ora parda shikastlanmagan o‘rta otitni mahalliy simptomatik davolash va og‘riq qoldirish uchun, shu jumladan
- o‘tkir ekssudativ o‘rta otit;
- grippdan keyingi asorat sifatidagi o‘rta otit;
- barotravmatik otitda qo‘llanadi;


Qo‘llash usuli va dozalari

Dozalash
Dropleks mahalliy qo‘llaniladi, tashqi eshituv yo‘liga 4 tomchidan kuniga 2-3 marta tomiziladi.
Qo‘llash usuli
Sovuq eritma quloq suprasiga tegishidan saqlanish maqsadida, qo‘llashdan oldin flakonni kaftlarda ilitish kerak.
Dropleksni qo‘llash davomiyligi 10 kundan oshmasligi kerak, shundan so‘ng davolashni qaytadan ko‘rib chiqish talab etiladi.


Nojo‘ya ta'sirlari
Allergiyalar, ta'sirlanish yoki tashqi eshituv yo‘lining giperemiyasi ko‘rinishidagi mahalliy reaktsiyalar paydo bo‘lish xavfi mavjud.
Shubha qilingan noxush reaktsiyalar xaqida xabarlar
Dori vositasi ro‘yxatdan o‘tkazilganidan keyin gumon qilinayotgan nojo‘ya reaktsiyalari haqida xabar berish muhim hisoblanadi. Patsiyentda dori vositasiga jiddiy noxush reaktsiyalar aniqlanganida yoki mazkur bo‘limda ta'riflanmagan yangi noxush reaktsiya paydo bo‘lganida, Milliy farmakonazorat tizimiga muvofiq xabar berishingizni so‘raymiz.


Qo‘llash mumkin bo‘lmagan holatlar

- fenazonga, lidokainga yoki preparatnin yordamchi komponentlaridan biron-biriga bo‘lgan yuqori sezuvchanlik;
- kelib chiqishi shikastlanishga yoki nnfektsiyaga bog‘liq bo‘lgan nog‘ora pardani perforatsiyasida qo‘llash mumkin emas.

Dorilarning o‘zaro ta'siri
Boshqa dori vositalari bilan klinik jihatdan ahamiyatga ega bo‘lgan o‘zaro ta'sir haqidagi ma'lumotlar mavjud emas.


Maxsus ko‘rsatmalar

Preparatni qo‘llashdan oldin nog‘ora pardani butunligiga ishonch hosil qilish zarur.
Nog‘ora parda perforatsiyasi kuzatilganida qo‘llansa, preparat o‘rta quloq a'zolari bilan kontaktga kirishib, asoratlar keltirib chiqarishi mumkin.
Preparat doping-nazoratida musbat sinama berishi mumkin bo‘lgan faol komponent saqlashini sportchilar inobatga olishlari kerak.
Homiladorlik va laktatsiyada qo‘llanishi
Nog‘ora parda shikastlanmagan sharoitda va preparat to‘g‘ri usulda qo‘llanganida fenazon va lidokainni tizimli so‘rilish ehtimoli past.
Zarurati bo‘lganida preparatni homiladorlik davrida yoki emizish davrida qo‘llash mumkin.
Avtotransportni haydash va mexanizmlarni boshqarish qobiliyatiga ta'siri
Dropleks avtomobilni boshqarish va psixomotor reaktsiyalarning yuqori tezligini talab etuvchi ishlarni bajarish qobiliyatiga ta'sir qilmaydi.


Dozani oshirib yuborilishi

Tavsiya etilgan dozalarda qo‘llanganida dozani oshirib yuborilishi kuzatilmagan.


Chiqarilish shakli

Ko‘loq tomchilari 15 ml dan tiqin-tomchilagich va birinchi marta ochish halqasi bilan ta'minlangan buraladigan himoya qopqoqchasi bo‘lgan plastik flakonda.
1 flakon tibbiyotda qo‘llanilishiga doir yo‘riqnomasi bilan birga karton qutida.


Saqlash sharoiti

25°C dan yuqori bo‘lmagan haroratda saqlansin.
Bolalar ololmaydigan joyda saqlansin!
Flakon ochilganidan so‘ng preparatni 28 kun davomida ishlatish mumkin.


Yaroqlilik muddati


Ishlab chiqarilgan
sanadan boshlab 3 yil.

Yaroqlilik muddati
o‘tgach qo‘llanilmasin.


Dorixonalardan berish tartibi

Retseptsiz.