Geptral tab 500mg №20

Preparatning savdo nomi

Geptral®
Ta'sir etuvchi modda (XPN) ademetionin

Dori shakli

ichakda eruvchi qobiq bilan qoplangan tabletkalar.

Tarkibi

Har bir 500 mg tabletka quyidagilarni saqlaydi
faol modda 949 mg ademetionin 1,4-butandisulfonatini saqlaydi, bu 500 mg ademetionin kationiga to‘g‘ri keladi.
yordamchi moddalar suvsiz kolloid kremniy dioksidi, natriy kraxmalglikolyati (A turi) magniy stearati, mikrokristallik sellyuloza, metakrilat sopolimerining dispersiyasi, polietilenglikol 6000, talk, simetikon emulsiyasi, polisorbat 80, natriy gidroksidi.
Ta'rifi oqdan sarg‘ish rangacha bo‘lgan plyonka qobiq bilan qoplangan, oval shaklli, yoriqlari, «shapkacha» va shish samarasi bo‘lmagan tabletkalar.

Farmakoterapevtik guruhi

ovqat hazm qilish tizimi va metabolizm jarayonlariga ta'sir etuvchi vositalar.
ATX kodi A16AA02.

Farmakologik xususiyatlari

Farmakodinamika

.
S-adenozil-L-metionin (ademetionin) – organizmning barcha to‘qimalari va suyuq muhitlarida mavjud bo‘lgan tabiiy aminokislotadir. Ademetionin eng avvalo ko‘pchilik transmetilizatsiya reaktsiyalarida koenzim va metil guruhining donori sifatida ta'sir qiladi, bu odam va hayvonlardagi muhim metabolik jarayon bo‘lib hisoblanadi. Ademetioninning metil guruhini o‘tkazilishi (transmetilizatsiya) xujayralarning fosfolipid membranalarini tuzilishida muhim metabolik jarayon hisoblanadi va membranalarning oquvchanligida muhim rol o‘ynaydi.
Ademetionin gematoentsefatik to‘siq orqali o‘tish qobiliyatiga ega. Ademetioninning yuqori kontsentratsiyalari katexolaminlar (dopamin, adrenalin, noradrenalin), indolaminlar (serotonin, melatonin) va gistaminga ta'siri natijasida, bosh miya to‘qimasida juda muhim bo‘lgan transmetilizatsiya jarayonlariga ta'sir qiladi.
Ademetionin fiziologik sulfurirlangan birikmalar (tsistein, taurin, glyutation, koenzim A va boshq.) hosil bo‘lishida va transsulfurizatsiya reaktsiyalarida o‘tmishdosh hisoblanadi. Glyutation kuchli antioksidant, jigar detoksikatsiyasi uchun muhim komponent hisoblanadi. Ademetionin ham alkogolli, ham noalkogolli genezli jigar shikastlanishlari bo‘lgan patsiyentlarda glyutationning miqdorini oshiradi.
Folat kislota va V12 vitamini ademetionning metabolizmi va tiklanishida essentsial ko-nutriyentlar hisoblanadilar.
Jigar ichki xolestazi
Ademetioninni peroral va parenteral qo‘llashning 20 yildan ortiq muddat davomida to‘plangan tajribasi bu preparat – jigar kasalliklari va homiladorlikda, shuningdek jigarning boshqa surunkali kasalliklarida kechuvchi jigar ichki xolestazini davolashning samarali vositasi ekanligini ko‘rsatadi. Jigar ichki xolestazi jigarning surunkali kasalligi va gepatotsellyulyar shikastlanish bilan kechuvchi boshqa kasalliklarning asorati hisoblanadi. Jigar kasalliklarida xolestazga olib keluvchi o‘t kislotalari sintezini boshqarish va klirensi kabi gepatotsitlarning faoliyatini buzilishi kuzatiladi.
Ademetioninning samaralari jigar ichki xolestazi bilan kechuvchi jigar kasalliklari, shuningdek biliar sirroz, jigarni dori vositalari tomonidan shikastlanishi, virusli gepatit, to‘liq parenteral oziqlantirish, jigarning alkogolli kasalligi va jigarning noalkogolli yog‘li kasalligi bilan bog‘liq xolestazi bo‘lgan patsiyentlarda o‘rganilgan.
Ademetioninning klinik tadqiqotlariga xolestaz va/yoki jigarning surunkali kasalliklari bo‘lgan 2700 nafar patsiyentlar kiritilgan,2000 nafar patsiyentlar bu preparat bilan davolangan. Hozirgi vaqtda muqobil davolash usullarining deyarli yo‘qligi tufayli, bu tadqiqotlarning ko‘pchiligida ademetionin platsebo bilan solishtirilgan. Taxminan 90% holatlarda jigarning surunkali kasalliklari xolestatik komponent bilan kechgan. Qolgan patsiyentlarda jigarning alkogolli kasalligi, o‘tkir va surunkali gepatit yoki homiladorlar xolestazi bo‘lgan. Klinik tadqiqotlarda samaradorlikning ko‘rsatkichi bo‘lib xolestazning asosiy sub'ektiv simptomlari (qichishish, sariqlik, toliqish, umumiy holatni yaxshilanishi), umumiy va bog‘langan bilirubin, ishqoriy fosfataza, o‘t kislotalari tuzi, transaminazalar, γ-glutamiltransferaza kabi xolestaz va jigarni shikastlanishining biokimyoviy markerlaridan foydalanilgan. Jigarning surunkali kasalliklari yoki homiladorlik bilan bog‘liq jigar ichki xolestazida, shuningdek alkogolli shikastlanishda peroral, vena ichiga yoki mushak ichiga qo‘llanilgan ademetioninning samaradorligi namoyish etilgan. Vena ichiga yoki mushak ichiga yuborilgan preparatning terapevtik ta'siri 1-2 xafta davolagandan keyin namoyon bo‘ladi. Ademetioninning peroral shakli samarani bir maromda ushlab turuvchi davolash uchun mo‘ljallangan. Alkogolli sirrozi bo‘lgan 123 nafar erkaklar va ayollar ishtirokida o‘tkazilgan uzoq muddatli, ikki tomonlama yashirin, platsebo-nazoratlangan tadqiqotda ademetioninni sutkada 1200 mg dan 2 yil davomida qo‘llash platseboga nisbatan yashab qolishni yaxshilashi va jigarni ko‘chirib o‘tkazishni samarali kechiktirishi mumkinligi namoyish etgan. Umuman olganda umumiy o‘lim/jigar transplantatsiyalari soni yakunining tez-tezligi platsebo guruhidagi 30% dan ademetionin guruhida 16% gacha pasaygan, lekin bu farqlar statistik ahamiyatli bo‘lmagan. Ademetionin bilan uzoq vaqt davolash umumiy o‘lim/jigar transplantatsiyalari soni ko‘rsatkichini kamaytirgan, ayniqsa kasallikning ertaroq davridagi patsiyentlarda.
Homiladorlardagi jigar ichki xolestazi
Ademetionin bilan davolashning samaradorligi 7 klinik tadqiqotlarda, shu jumladan homiladorlardagi jigar ichki xolestazi bo‘lgan 264 nafar ayollarda baholangan. Ulardan 156 nafari ademetionin, 21 nafari platsebo, 60 nafari ursodezoksixolat kislotasi va 27 nafari ademetioninni ursodezoksixolat kislotasi bilan birga qabul qilganlar. Ademetionin bilan parenteral (vena ichiga, mushak ichiga) yoki ichga (peroral) davolash homiladorlardagi jigar ichki xolestazini davolashda samarali bo‘lgan (qichishish jadalligi va biokimyoviy ko‘rsatkichlarni pasayishi).
2002 yilda AQShda tadqiqotlar va tibbiy xizmat ko‘rsatish sifatini baxolash Agentligi tomonidan o‘tkazilgan klinik tadqiqotlarning meta-taxlil natijalari, ademetionin depressiv holatlar, homiladorlar xolestazidagi va jigar ichki xolestazidagi qichishishni davolashda platseboga nisbatan samarali ekanligini ko‘rsatdi. Ademetionin homiladorlar xolestazidagi va jigar ichki xolestazidagi zardobda bilirubin darajasini pasaytirishda platsebo nisbatan samarali hisoblanadi. Ademetionin bilan davolash depressiyani standart davolash bilan ekvivalent bo‘lgan.
Surunkali jigar kasalliklarida toluquvchanlikningpasayishi
Bir qator tadqiqotlarda surunkali jigar kasalligiga ega bemorlarda charchoqni davolashda ademetionin samaradorligi tasdiqlangan. Ademetionin ketma-ket bir necha tadqiqotlarda surunkali jigar kasalligida ushbu simptom pasayishini namoyish etgan. Toliquvchanlikka ega sub'ektlar orasida birlashtirilgan tahlil ademetionin bilan davolashning nafaqat toliquvchanlikka, balki bir qator boshqa simptomlarga, ya'ni depressiya, sariqlik, lohaslik va qichimaga ham ta'sirini ko‘rsatdi. Jigar alkogol kasalligiga ega bemorlarda ademetionin bilan davolash tushkun kayfiyatni sezilarli yaxshilagan, bu holat toliquvchanlikka ega bemorlar orasida ham qayd etilgan.
Bundan tashqari, toliquvchanlikka ega sub'ektlarda jigar alkogol kasalligi yoki jigar noalkogol kasalligi sharoitida ademetionin bilan davolashda sariqlik, lohaslik va qichima sezilarli kamaygan.
Jigarning dori preparatlari bilan shikastlanishini oldini olish va davolash
Klinik ma'lumotlar shundan dalolat beradiki, ademetionin turli sabablar bilan bog‘liq jigarning dori preparatlari (masalan, virusga qarshi preparatlar, immunodepressantlar, saraton kasalligiga qarshi terapiya) bilan shikastlanishini profilaktika qilish uchun ham, davolash uchun ham samaralidir. Ademetioninning namoyish etilgan himoyaviy ta'sirlari uning jigar detoksikatsiyasidagi faol ishtiroki bilan bog‘liq bo‘lishi mumkin.
Depressiya
Depressiyani davolash uchun ademetionin ichga yoki parenteral qo‘llanilgan. Depressiv buzilishlarda ademetioninning samaradorligi haqidagi bir necha umumlashtirilgan maqolalardagi keltirilgan ma'lumotlar va klinik tadqiqotlarning meta-tahlili ademetionin sutkada 200-1600 mg dozada depressiyaning turli tiplari (monopolyar, endogen, nevrotik, distimik buzilishlar) bo‘lgan patsiyentlarda yaqqol antidepressiv faollikni namoyon qilishini ko‘rsatadi. Bir nechta ikki tomonmala yashirin tadqiqotlar depressiv buzilishlarni davolashda platseboga nisbatan samaraliroq va tritsiklik antidepressantlarning samarasidan kam emasligini ko‘rsatgan. Antidepressiv ta'siri tez (davolashning 5-7 kuni davomida) boshlanadi. Preparat antixolinergik samaraga ega emas.

Farmakokinetikasi

Surilishi.
Vena ichiga yuborilganidan keyin odamda ademetioninning farmakokinetik profili to‘qimalarda tez taqsimlanishi va taxminan 1,5 soatlik yarim chiqarilish davrili klirensi bilan bieksponentsial hisoblanadi. Mushak ichiga yuborilganida so‘rilishi – 96% tashkil qiladi, maksimal plazmadagi kontsentratsiyasiga qo‘llanganidan keyin 45 minut o‘tgach erishiladi. Ademetioninning ichakda eruvchi tabletkalari (400-1000 mg) ichga qabul qilinganidan keyin erishiladigan maksimal plazmadagi kontsentratsiyasi dozaga bog‘liq bo‘ladi va 3-5 soatdan keyin 0,5-1 mg/l ni tashkil qiladi. Agar ademetionin ovqatlanish oralig‘ida qo‘llansa, peroral qo‘llangandan keyin biokiraolishligi oshadi. Plazmadagi kontsentratsiyasi dastlabki qiymatlarigacha 24 soat davomida kamayadi. Och qoringa qabul qilinganda preparatning biokiraolishligi oshadi.
Taqsimlanishi.
Taqsimlanish hajmi ademetioninning 100 mg va 500 mg dozalari uchun muvofiq 0,41 va 0,44 l/kg ni tashkil qiladi. Qon zardobi oqsillari bilan bog‘lanishi ahamiyatsiz va ≤5% ni tashkil qiladi.
Metabolizmi.
Ademetioninning metabolizmi siklik hisoblanadi va ademetionin sikli deb nomlanadi. Bu siklning birinchi bosqichida ademetioninga qaram metilaza ademetioninni S-adenozilgomotsistein ishlab chiqarish uchun substrat sifatida ishlatadi, keyinchalik u S-adenozil-gomotsisteingidralaza yordamida gomotsistein va adenozingacha gidrolizlanadi. Gomotsistein, o‘z navbatida 5-metiltetragidrofolatdan metil guruhini o‘tkazilishi yo‘li bilan metioningacha qayta transformatsiyaga uchraydi. Oxir oqibatda, metionin siklni tugatib, ademetioninga qayta o‘zgarishi mumkin.
Chiqarilishi.
Radiofaol belgi bilan nishonlangan moddaning klirensini tekshirishlarida, radiofaol nishonlangan (metil14S) ademetioninni og‘iz orqali qo‘llashda sog‘lom ko‘ngillilarda radiofaol moddaning siydik bilan chiqarilishi 48 soatdan keyin 15,5±3,5% ni va axlat bilan chiqarilishi 72 soatdan 23,5±3,5% ni tashkil qilgan, bunda turg‘un pullarda moddaning taxminan 60% inkorporirlangan holda qolgan.

Qo‘llanilishi

-tsirrozi oldi va sirroz holatlarida jigar ichki xolestazi;
- homiladorlardagi jigar ichki xolestazi;
- depressiv sindromlar;
- surunkali jigar kasalliklari bilan bog‘liq toliquvchanlik;
- jigarning dori preparatlari bilan shikastlanishinioldini olish va davolashda (JDPSh) ko‘llaniladi.

Qo‘llash usuli va dozalari

Davolash preparatni parenteral yuborishdan, keyinchalik preparatni tabletka shaklida qo‘llash yoki bir yo‘la tabletkani qo‘llashdan boshlanadi. Tabletkalarning sutkalik dozasini 2-3 qabulga taqsimlash mumkin.
Ademetionin tabletkalarini chaynamasdan butunligicha yutish kerak.
Faol moddani yaxshi so‘rilishi va maksimal terpevtik samaraga erishish uchun ademetionin tabletkalarini ovqat bilan qabul qilmaslik kerak.
Ademetionin tabletkalarini ichga qabul qilishdan bevosita oldin blisterdan chiqarish kerak. Agar tabletkaning rangi oqdan sarg‘ish tusli oq rangdan farq qilsa (alyumin folganing germetik emasligi tufayli), preparatni qo‘llash tavsiya etilmaydi.
Depressiya
Boshlang‘ich davolash
Vena ichiga yoki mushak ichiga yuborish tavsiya qilingan doza vena ichiga yoki mushak ichiga sutkada tana vazniga 5-12 mg/kg ni tashkil qiladi. Odatdagi boshlang‘ich doza vena ichiga yoki mushak ichiga sutkada 400-500 mg ni tashkil qiladi, umumiy sutkalik doza1000 mg dan oshmasligi kerak. Davolashda 15-20 kunni tashkil qiladi.
Og‘iz orqali tavsiya qilingan doza sutkada tana vazniga 10-25 mg/kg ni tashkil qiladi. Odatdagi boshlang‘ich doza sutkada 400-800 mg ni tashkil qiladi, umumiy sutkalik doza 1600 mg dan oshmasligi kerak.

Samarani bir maromda ushlab turuvchi davolash

Og‘iz orqali (ichga) sutkada 500-1600 mg tashkil qiladi.
Jigar ichidagi xolestaz/surunkali jigar kasalliklari fonidatoliquvchanlik
Boshlang‘ich davolash
Vena ichiga yoki mushak ichiga tavsiya qilingan doza vena ichiga yoki mushak ichiga sutkada tana vazniga 5-12 mg/kg ni tashkil qiladi. Odatdagi boshlang‘ich doza vena ichiga yoki mushak ichiga sutkada 400-500 mg ni tashkil qiladi, umumiy sutkalik doza 2 xafta davomida 1000 mg dan oshmasligi kerak.
Peroral tavsiya qilingan doza sutkada tana vazniga 10-25 mg/kg ni tashkil qiladi. Odatdagi boshlang‘ich doza sutkada 400-800 mg ni tashkil qiladi, umumiy sutkalik doza 1600 mg dan oshmasligi kerak.

Samarani bir maromda ushlab turuvchi davolash

Peroral (ichga) sutkada 500-1600 mg tashkil qiladi.
Davolash davomiyligi kasallikning og‘irligiga va kechishiga bog‘liq va shifokor tomonidan shaxsiy ravishda belgilanadi.
Keksa yoshdagi patsiyentlar.
Mavjud klinik tajriba asosda keksa yoshli patsiyentlar va yoshroq patsiyentlar orasida davolashga reaktsiyalarda farqlar aniqlanmagan. Keksa yoshdagi patsiyentlarni davolashni, jigar, buyrak yoki yurak faoliyatini pasayishi, yondosh patologik holatlarning mavjudligini va boshqa dori vositalarini qo‘llashni hisobga olib, eng kam tavsiya qilingan dozalardan boshlash tavsiya qilinadi.
Nojo‘ya ta'sirlari
Klinik tadqiqotlar davomida 2000 dan ortiq patsiyentlar ademetionin qabul qilgan. Ko‘proq uchradigan nojo‘ya ta'sirlar quyidagilari bo‘lgan bosh og‘riq, ko‘ngil aynishi va diareya. Ademetioninni klinik tadqiqotlarida (n=1922) va qayd etilgandan keyingi davrda kuzatiladigan noxo‘sh ta'sirlar (“spontan” habarlar), a'zolarni shikastlanishiga, a'zolar tizimiga va uchrash tez-tezligiga muvofiq quyida sanab o‘tilgan. Noxo‘sh hollat uchrash tez-tezligi quyidagi tarzda aniqlanadi juda tez-tez (≥1/10), tez-tez (≥1/100, <1/10), tez-tez emas (≥11000, <1/100), kam hollarda (≥1/10000, <1/1000), juda kam hollarda (<1/10000).
MedDRA bo‘yicha a'zolar tizimi sinfi
Uchrashishni
tez-tezligi
Nojo‘ya ta'sirlar
Me'da-ichak yo‘llari tomonidan buzilishlar
Tez-tez
qorin og‘rig‘i, diareya, ko‘ngil aynishi
Tez-tez emas
og‘izni qurishi, dispepsiya, meteorizm, me'da-ichak og‘rig‘i, me'da-ichakdan qon ketishi, me'da-ichak tomonidan buzilishlar, qusish, ezofagit
Kam hollarda
Qorinni dam bo‘lishi
Umumiy buzilishlar va yuborish joyi
Tez-tez
asteniya
Tez-tez emas
shish, gipertermiya
Kam hollarda
lohaslik
Immun tizimi tomonidan buzilishlar
Tez-tez emas
o‘ta yuqori sezuvchanlik, anafilaktoid reaktsiyalar yoki anafilaktik reaktsiyalar (masalan, teri qoplamalarining giperemiyasi, harsizlash, bronxospazm, belda og‘riq, ko‘krak qafasida diskomfort, arterial bosimning (gipotenziya, gipertenziya) yoki pulsning tez-tezligini (taxikardiya, bradikardiya) o‘zgarishi*.
Infektsion va parazitar kasalliklar
Tez-tez emas
siydik chiqarish yo‘llarining infektsiyalari.
Tayanch-harakat tizimi va biriktiruvchi to‘qima tomonidan buzilishlar
Tez-tez emas
artralgiya, mushak tirishishlari.
Nerv tizimi tomonidan buzilishlar
Tez-tez
bosh og‘rig‘i
Tez-tez emas
bosh aylanishi, paresteziyalar
Ruxiy buzilishlar
Tez-tez
xavotirlik, uyqusizlik
Tez-tez emas
ajitatsiya, ongni chalkashishi
Nafas tizimi, ko‘krak qafasi va ko‘ks oralig‘i a'zolari tomonidan buzilishlar
Tez-tez emas
hiqildoqni shishi*
Teri va teri osti kletchatkasi tomonidan buzilishlar
Tez-tez
qichishish
Tez-tez emas
gipergidroz, angionevrotik shish, teri allergik reaktsiyalari (masalan, toshma, qichishish, eshakemi, eritema).*
Qon tomir buzilishlari
Tez-tez emas
“qon oqib kelishlari”, gipotenziya, flebit.
* Klinik tadqiqotlar vaqtida kuzatilmagan, lekin “spontan” xabarlardan kelib tushgan nojo‘ya reaktsiyalar, uchrash tez-tezligi bo‘yicha, reaktsiyalarning kutilayotgan tez-tezligi uchun 95% li ishonch intervalining yuqori chegarasi 3/X dan (bu yerda X=1922 klinik tadqiqotlardagi ko‘ngillilarning umumiy soni)yuqori bo‘lmaganini nazarda tutib, “tez-tez uchramaydigan” toifasiga tasniflangan.

Qo‘llash mumkin bo‘lmagan holatlar

Metionin sikliga va/yoki gomotsistinuriyani va/yoki gipergomotsisteinuriyani chaqiruvchi (masalan, sistationin betasintazaning yetishmovchiligi, V12 vitaminining metabolizmini nuqsoni) genetik nuqsonlar.
Preparatning har qanday komponentiga yuqori sezuvchanlikda qo‘llash mumkin emas.
Dorilarning o‘zaro ta'siri
Klomipraminni qabul qilish fonida ademetioninni qo‘llagan patsiyentda serotoninli sindrom rivojlanishi haqida xabar berilgan. Garchi bunday holda ademetioninning roli nazariy yo‘l qo‘yilsada, ademetioninni serotoninni qayta qamrab olinishining selektiv ingibitorlari, tritsiklik antidepressantlar (klomipramin kabi), triptofan saqlovchi preparatlar va o‘simlik vositalari bilan bir vaqtda ehtiyotkorlik bilan qo‘llash kerak.

Maxsus ko‘rsatmalar

V12 vitamini va folat kislotasining yetishmovchiligi ademetioninning kontsentratsiyasini kamayishiga olib kelishi mumkinligi tufayli, xavf guruhi patsiyentlarda (anemiya, jigar kasalliklari, homiladorlik yoki boshqa kasalliklar yoki vegetarianlik kabi ovqatlanish tarzi tufayli vitamin yetishmovchiligini rivojlanishi mumkinligi) bu moddalarning plazmadagi darajalarini tekshirish uchun muntazam qonning tahlilini o‘tkazish kerak. Agar yetishmovchilik aniqlansa, oldin yoki ademetioninni qo‘llash vaqtida V12 vitamini va/yoki folat kislotasi bilan davolash tavsiya qilinadi. Ko‘rsatilgan tekshirishlarni o‘tkazishning imkoniyati bo‘lmagan holda xavf guruhi patsiyentlarida V12 vitamini va/yoki folat kislotasini, bu dori vositalarining tibbiyotda qo‘llash bo‘yicha yo‘riqnomalariga muvofiq qo‘llash tavsiya qilinadi («

Farmakologik xususiyatlari

. Metabolizmi» ga qarang).
Ademetionin bipolyar buzilishlari bo‘lgan patsiyentlarda qo‘llash uchun tavsiya qilinmaydi. Ademetionin bilan davolashda depressiyadan gipomaniya yoki maniyaga o‘tish hollari bo‘lgan patsiyentlar haqida xabarlar bo‘lgan.
Depressiyani davolash uchun ademetioninning qo‘llashni samaradorligi qisqa muddatli klinik sinovlarda (3-6 hafta) namoyish qilingan. Depressiyani davolash uchun 6 haftadan ko‘proq davomiylikdagi ademetioninni qo‘llashning samaradorligi noma'lum. Patsiyentlarni, agar ademetionin bilan davolash vaqtida ularning kasalliklarini (depressiyani) simptomlari o‘tmasa yoki yomonlashsa, shifokorni xabardor qilishlari kerakligi haqida ogohlantirish kerak. Depressiyasi bo‘lgan patsiyentlar odatda o‘z joniga qasd qilish yoki boshqa jiddiy harakatlarni sodir qilish bo‘yicha yuqori xavf guruhida bo‘ladilar, shuning uchun davolashning samaradorligini nazorati maqsadida ademetionin bilan davolash vaqtida sinchkov kuzatuv va doimiy psixiatrik yordamga muxtoj bo‘ladilar.
Ademetionin qabul qilgan patsiyentlarda xavotirlik tuyg‘usini qisqa muddatli paydo bo‘lishi yoki kuchayishi haqida xabarlar bo‘lgan. Ko‘pchilik hollarda davolashni to‘xtatishning zarurati bo‘lmagan. Ayrim hollarda doza kamaytirilganidan yoki davolash to‘xtatilganidan keyin xavotirlik tuyg‘usi yo‘qolgan.
Gomotsisteinning immunologik tahlilga ta'siri.
Ademetionin gomotsisteinning immunologik tahliliga ta'sir qiladi, uning natijalari ademetionin qabul qilayotgan patsiyentlarda qon plazmasida gomotsisteinning noto‘g‘ri yuqori darajasini ko‘rsatishi mumkin. Shuning uchun bunday patsiyentlarda qon plazmasida gomotsisteinning darajasini aniqlashning noimmunologik usullarini qo‘llash tavsiya qilinadi.
Homiladorlik yoki laktatsiya davrida qo‘llanishi
Klinik tadqiqotlar jarayonida ademetionin qabul qilayotgan ayollarda homiladorliknting so‘ngi uch oyligida nojo‘ya reaktsiyalar kuzatilmagan.
Ademetioninni homiladorlikning I uch oyligida faqat shifokor tomonidan sinchiklab baholangandan keyin kutilayotgan samara ona uchun foyda/homila uchun xavfidan ustun bo‘lsagina qo‘llanilishi mumkin.
Emizikli davrida ademetionin qabul qilish faqat, go‘dak uchun xavfidan ustun bo‘lsagina qo‘llanilishi mumkin.
Bolalar.
Ademetioninni bolalarda qo‘llashning xavfsizligi va samaradorligi aniqlanmagan.
Avtotransportni boshqarish yoki boshqa mexanizmlar bilan ishlashda reaktsiya tezligiga ta'sir qilish qobiliyati.
Ayrim patsiyentlarda ademetionin bilan davolashda bosh aylanishi paydo bo‘lishi mumkin. Bunday hollarda ko‘rsatilgan faoliyat turlarida reaktsiya tezligiga ta'sir qilishi mumkin bo‘lgan simptomlar to‘liq yo‘q bo‘lmagunigacha, transport vositalarini boshqarish yoki boshqa mexanizmlar bilan ishlash mumkin emas.

Dozani oshirib yuborilishi

Ademetionin dozasini oshirib yuborilishi hollari haqida kam xabar berilgan. Doza oshirib yuborilganida patsiyentni kuzatish va zarurati bo‘lganida simptomatik davolashni qo‘llash tavsiya qilinadi.

Chiqarilish shakli

10 tabletkadan blisterda. 2 blisterdan karton qutida tibbiyotda qo‘llanilishiga doir yo‘riqnomasi bilan birga.

Saqlash sharoiti

25oS dan yuqori bo‘lmagan haroratda saqlansin.
Preparatni bolalar ololmaydigan joyda saqlansin.

Yaroqlilik muddati

3 yil.

Yaroqlilik muddati

o‘tgach ishlatmasin.

Dorixonalardan berish tartibi

Retsept bo‘yicha.

Ishlab chiqaruvchi

.
Abbvi S.r.l., Italiya / AbbVie S.r.l., Italy.
Manzili
S.R. 148 Pontina KM 52, SNS – Kampoverde di Aprilia (lok. Aprilia) – 04011 Aprilia (LT), Italiya / S.R. 148 Pontina KM 52, SNC – Campoverde di Aprilia (loc. Aprilia) – 04011 Aprilia (LT), Italy.
O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
“Abbott Laboratories GmbH.” ning O‘zbekiston Respublikasidagi vakolatxonasi
Toshkent sh., 100015, Oybek ko‘ch., 38a uy yoki telefon bo‘yicha O‘zbekistonda +998712900550 (sutkadavomida).