Аrbidol tab plyonka qobiq bilan qoplangan tabletkalar 50 mg №10

Preparatning savdo nomi

Arbidol®
Ta'sir etuvchi modda (XPN) umifenovir

Dori shakli

plyonka qobiq bilan qoplangan tabletkalar.

Tarkibi

Bir tabletka quyidagilarni saqlaydi
faol modda umifenovir (umifenovir gidroxloridi monogidrati (arbidol) umifenovir gidroxloridiga qayta xisoblaganda) - 50 mg,
yordamchi moddalar
yadro kartoshka kraxmali - 31,860 mg; mikrokristall sellyuloza - 57,926 mg; povidon (povidon K30) - 8,137 mg; kaltsiy stearati - 0,535 mg; kroskarmelloza (natriy kroskarmilloza ) - 1,542 mg,
qobiq gipromelloza (gidroksipropilmetiltsellyuloza) – 4,225 mg; titan dioksidi –
1,207 mg; makrogol (polietilenglikol-4000) – 0,471 mg; polisorbat-80 (tvin-80) –
0,097 mg yoki
Akvarius PraymBAP318008 Oq (Aquarius PrimeBAP318008 White) – 6,000 mg, [Gipromelloza (gidroksipropilmetiltsellyuloza) – 4,225 mg, titan dioksidi – 1,207 mg, makrogol (polietilenglikol-4000) – 0,471 mg, polisorbat-80 (tvin-80) – 0,097 mg]
Ta'rifi oqdan och-sariq tusli oq rangligacha bo‘lgan dumaloq, ikki yoqlama qavariq, plyonka qobiq bilan qoplangan tabletkalar.
Sindirilganida oqdan ko‘kimtir-sarg‘ish yoki och-sariq tusli oq rangli tusga ega.

Farmakoterapevtik guruhi

viruslarga qarshi vosita
ATX kodi J05AX.

Farmakologik xususiyatlari

Farmakodinamika

si
Keng ta'sir doirasiga ega bo‘lgan viruslarga qarshi vosita. A va V grippi viruslarini (Influenzavirus A, B), shu jumladan yuqori patogan kichik turlarini A(H1N1)pdm09 va A(H5N1), shuningdek boshqa viruslarni - og‘ir o‘tkir respirator sindromi (OO‘RS) bilan assotsiatsiyalangan O‘RVI (ORVI) qo‘zg‘atuvchilarini (koronavirus (Coronavirus), rinovirus (Rhinovirus), adenovirus (Adenovirus), respirator-sintsitial virus (Pneumovirus) va paragripp virusini (Paramyxovirus)) spetsifik susaytiradi. Viruslarga qarshi ta'sir mexanizmi bo‘yicha qo‘shilish (fuziya) ingibitorlariga mansub bo‘lib, virus gemagglyutinini bilan o‘zaro ta'sirga kirishadi va virusning lipid qobig‘i va xujayra membranalarini qo‘shilib ketishiga to‘sqinlik qiladi. O‘rtacha immunomodulyator ta'sir ko‘rsatadi, organizmning virusli infektsiyalarga chidamliligini oshiradi. Interferon induktsiyalovchi faollikka ega – sichqonlarda o‘tkazilgan tadqiqotlarda interferonlarning induktsiyasi 16 soatdan keyinoq aniqlangan, interferonlarning yuqori titrlari preparat yuborilganidan so‘ng qonda 48 soatgacha saqlanib qolgan. Immunitetning gumoral va xujayraviy reaktsiyalarini rag‘batlantiradi qonda limfotsitlar sonini, ayniqsa T-xujayralar (CD3) sonini oshiradi, T-supressorlar (CD8) darajasiga ta'sir qilmay, T-xelperlar (CD4) sonini oshiradi, immunoregulyator indeksni normallashtiradi, makrofaglarning fagotsitar faoliyatini rag‘batlantiradi va tabiiy killerlar (NK-xujayralar) sonini oshiradi. Organizmning virusli infektsiyalarga chidamliligini oshiradi.
Virusli infektsiyalarda preparatning terapevtik samaradorligi kasallikni kechishini og‘irligi va davomiyligi va uning asosiy simptomlarini kamayishi, shuningdek virusli infektsiya bilan bog‘liq bo‘lgan asoratlarni rivojlanish tez-tezligini pasayishi hamda surunkali bakterial kasalliklarni zo‘rayishi bilan nomoyon bo‘ladi.
Kam zaharli preparatlarga kiradi (LD50 > 4 g/kg). Tavsiya qilingan dozalarda peroral qo‘llanganida odam organizmiga biron-bir salbiy ta'sir ko‘rsatmaydi.

Farmakokinetikasi

Tez so‘riladi va barcha a'zolar hamda to‘qimalar bo‘ylab taqsimlanadi. 50 mg dozada qabul qilinganida qon plazmasidagi maksimal kontsentratsiyasiga 1,2 soat o‘tgach, 100 mg dozada – 1,5 soat o‘tshach erishiladi. Jigarda metabolizmga uchraydi. Yarim chiqarilish davri 17-21 soatga teng. Taxminan 40% o‘zgarmagan xolda, asosan safro bilan (38,9%) va juda oz miqdorda (0,12%) buyrak orqali chiqariladi. Birinchi sutka davomida yuborilgan dozaning 90% chiqariladi.

Qo‘llanilishi

Kattalar va bolalarda quyidagilarni profilaktika va davolashda qo‘llanadi
-A va V grippi, O‘RVI, og‘ir o‘tkir reapirator sindromi (OO‘RS) (shu jumladan bronxit, pnevmoniya bilan asoratlangan);
-ikkilamchi immun tanqisligi holatlarida.
3 yoshdan katta bolalarda rotavirus etiologiyali o‘tkir ichak infektsiyalarini majmuaviy davolash uchun qo‘llaniladi.
Surunkali bronxit, pnevmoniya va qaytalanuvchi gerpetik infektsiyani kompleks davolashda qo‘llaniladi.
Operatsiyadan keyingi infektsion asoratlarni oldini olish uchun qo‘llaniladi.

Qo‘llash usuli va dozalari

Ichga, ovqat qabul qilishdan oldin buyuriladi. Bir martalik doza 3 yoshdan 6 yoshgacha bo‘lgan bolalarga – 50 mg, 6 yoshdan 12 yoshgacha – 100 mg (2 tabletka), 12 yoshdan oshgan bolalar va kattalarga – 200 mg (4 tabletka).
Bolalar va kattalarda gripp va boshqa O‘RVI nospetsifik profilaktikasi va davolash uchun
Gripp va boshqa O‘RVI nospetsifik profilaktikasi
Gripp va boshqa O‘RVI epidemiyasi davrida nospetsifik profilaktika uchun
3 yoshdan 6 yoshgacha bo‘lgan bolalarga - 50 mg, 6 yoshdan 12 yoshgacha – 100 mg, 12 yoshdan oshgan bolalar va kattalarga – 200 mg haftada ikki marta 3 hafta davomida buyuriladi.
Gripp va boshqa O‘RVI bemorlar bilan bevosita muloqatda
3 yoshdan 6 yoshgacha bo‘lgan bolalarga - 50 mg, 6 yoshdan 12 yoshgacha – 100 mg, 12 yoshdan oshgan bolalar va kattalar – 200 mg kuniga 1 marta 10-14 kun davomida buyuriladi.
Gripp va boshqa O‘RVI ni davolash uchun
-asoratsiz kechishida 3 yoshdan 6 yoshgacha bo‘lgan bolalarga - 50 mg, 6 yoshdan 12 yoshgacha – 100 mg, 12 yoshdan oshgan bolalar va kattalar – 200 mg sutkada 4 marta (har 6 soatda) 5 sutka davomida buyuriladi.
-asoratlar (bronxit, pnevmoniya va boshq.) rivojlanganida 3 yoshdan 6 yoshgacha bo‘lgan bolalarga - 50 mg, 6 yoshdan 12 yoshgacha – 100 mg, 12 yoshdan oshgan bolalar va kattalarga – 200 mg sutkada 4 marta (har 6 soatda) 5 kun davomida, so‘ngra bir martalik doza haftada 1 marta 4 hafta davomida buyuriladi.
3 yoshdan oshgan bolalarda rotavirus etiologiyali o‘tkir ichak infektsiyalarini kompleks davolash
-3 yoshdan 6 yoshgacha - 50 mg, 6 yoshdan 12 yoshgacha – 100 mg, 12 yoshdan katta bolalarga –
200 mg sutkada 4 marta (xar 6 soatda) 5 kun davomida buyuriladi.
Og‘ir o‘tkir respirator sindrom (OO‘RS) ni nospetsifik profilaktikasi va davolash uchun
-OO‘RS ni nospetsifik profilaktikasi oldini olish uchun (bemor bilan muloqatda) kattalar va 12 yoshdan katta bolalarga 200 mg dan kuniga bir marta buyuriladi. 6 yoshdan 12 yoshgacha bo‘lgan bolalarga 100 mg dan kuniga bir marta (ovqatdan olin) 12-14 kun davomida buyuriladi.
-OO‘RS ni davolash uchun
-12 yoshdan katta bolalar va kattalarga – 200 mg kuniga 2 marta 8-10 sutka davomida buyuriladi.
Surunkali bronxit, gerpetik infektsiyani kompleks davolashda
-3 yoshdan 6 yoshgacha bo‘lgan bolalarga - 50 mg, 6 yoshdan 12 yoshgacha – 100 mg, 12 yoshdan katta bolalar va kattalarga – 200 mg sutkada 4 marta (har 6 soatda) 5-7 kun davomida, so‘ngra bir martalik doza xaftada 2 marta 4 hafta davomida buyuriladi.
Operatsiyalardan keyingi asoratlarni oldini olish uchun
-3 yoshdan 6 yoshgacha bo‘lgan bolalarga - 50 mg, 6 yoshdan 12 yoshgacha – 100 mg, 12 yoshdan katta bolalar va kattalarga – 200 mg operatsiyadan 2 sutka oldin, so‘ngra operatsiyadan keyingi 2-5-nchi kunlarda buyuriladi.
Nojo‘ya ta'sirlari
Kam hollarda – allergik reaktsiyalar.

Qo‘llash mumkin bo‘lmagan holatlar

Preparatga yuqori sezuvchanlik, 3 yoshgacha bo‘lgan bolalarda qo‘llash mumkin emas.
Dorilarning o‘zaro ta'siri
Boshqa dori vositalari bilan birga buyurilganida salbiy samaralar aniqlangan emas.

Maxsus ko‘rsatmalar

Preparatni homiladorlarda qo‘llash bo‘yicha ma'lumotlar yetarli bo‘lmaganligi tufayli, Arbidol®ni homiladorlikda faqat ona uchun uni qo‘llanishidan kutiladigan foyda homila uchun potentsial xavfdan usutn bo‘lgandagina buyurish mumkin. Arbidol®ni qo‘llash zarurati tug‘ilganida emizishni to‘xtatish kerak.
Agar preparatning navbatdagi dozasini qabul qilish o‘tkazib yuborilgan bo‘lsa, unda birinchi imkoniyat tug‘ilgandayoq, vaqt intervalini hisobga olmay va dozani ikki barobar oshirmay, preparatni qabul qilish kursini boshlangan sxema bo‘yicha davom ettirish kerak.
Agar gripp va boshqa O‘RVI ni Arbidol® preparati bilan davolashda davolash boshlangandan keyin 3 kun davomida davolash samarasi aniqlanmasa, shifokorga murojaat qilish lozim.
Homiladorlikda va emizish davrida qo‘llanilishi
Hayvonlarda o‘tkazilgan tadqiqotlarda homiladorlikni kechishiga, embrion va homilani rivojlanishiga, tug‘ruq faoliyati va postnatal rivojlanishga zararli ta'sirlari aniqlanmagan. Preparatni homiladorlarda qo‘llash bo‘yicha ma'lumotlar yetarli bo‘lmaganligi tufayli, Arbidol® ni homiladorlikda faqat ona uchun uni qo‘llanishidan kutiladigan foyda homila uchun potentsial xavfdan usutn bo‘lgandagina buyurish mumkin. Arbidol® preparatining faol moddasi yoki uning metabolitlarini laktatsiya davrida ayollarda ko‘krak sutiga kirish-kirmasligi noma'lum. Arbidol® ni qo‘llash zarurati tug‘ilganida emizishni to‘xtatish kerak.
Transport vositalari va mexanizmlarni boshqarish qobiliyatiga ta'siri
Markaziy neyrotrop faollik nomoyon qilmaydi va tibbiyot amaliyotida turli kasb egalari, shu jumladan yuqori diqqatni va xarakatlar koordinatsiyasini talab qiluvchi (transport xaydovchilari, operatorlar va boshq.) kasbga ega shaxslarda qo‘llanishi mumkin.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Aniqlanmagan.

Chiqarilish shakli

Plyonka qobiq bilan qoplangan tabletkalar 50 mg. 10 tabletkadan kontur uyali o‘ramda.
1 yoki 2 kontur uyali o‘ramlar qo‘llash bo‘yicha yo‘riqnomasi bilan birga karton qutida.

Yaroqlilik muddati

3 yil.

Saqlash sharoiti

25ºS dan yuqori bo‘lmagan haroratda.

Dorixonalardan berish tartibi

Retseptsiz.

Ishlab chiqaruvchi

/iste'molchilarning e'tirozlarni qabul qiluvchi korxonaning nomi va manzili
«Farmstandart-Tomskximfarm» OAJ, 634009, Rossiya, Tomsk sh., Lenin pr., 211,
Tel./faks (3822) 40-28-56.
www.pharmstd.ru
www.arbidol.ru