Asmada tabletkalar 75/15,2mg №100

Preparatning savdo nomi

Asmada
Ta'sir etuvchi moddalar (XPN) atsetilsalitsil kislotasi + magniy gidroksidi

Dori shakli

Plyonka qobiq bilan qoplangan tabletkalar.

Tarkibi

Har bir Asmada 75 mg/15,2 mg plyonka qobiq bilan qoplangan tabletkalar saqlaydi
faol moddalar atsetilsalitsil kislotasi – 75 mg, magniy gidroksidi – 15,2 mg.
yordamchi moddalar mikrokristall sellyuloza, makkajo‘xori kraxmali, suvsiz kolloid kremniy dioksidi, stearin kislotasi.
qobig‘ini tarkibi oq rangli Opadri® YS-1-7040 (gipromelloza, makrogol, titan dioksidi, talk).
Har bir Asmada 150 mg/30,39 mg plyonka qobiq bilan qoplangan tabletkalar saqlaydi
faol moddalar atsetilsalitsil kislotasi – 150 mg, magniy gidroksidi – 30,39 mg.
Yordamchi moddalar mikrokristall sellyuloza, makkajo‘xori kraxmali, suvsiz kolloid kremniy dioksidi, stearin kislotasi.
qobig‘ini tarkibi oq rangli Opadri® YS-1-7040 (gipromelloza, makrogol, titan dioksidi, talk).
Ta'rifi
Asmada 75 mg/15,2 mg yurak shaklli, ikki tomonlama qavariq, oq rangli plyonka qobiq bilan qoplangan tabletkalar.
Asmada 150 mg/30,39 mg oval shaklli, ikki tomonlama qavariq, bir tomonida sindirish uchun riskasi bo‘lgan oq rangli plyonka qobiq bilan qoplangan tabletkalar.

Farmakoterapevtik guruhi

Trombotsitlar agregatsiyasi ingibitorlari majmuada (geparindan tashqari).
ATX kodi B01AC30
Farmakologik hususiyatlari

Farmakodinamika

Asmada antiagregant ta'sirga ega bo‘lgan majmuaviy dori vositasi hisoblanadi.
Ta'sir mexanizmi
Atsetilsalitsil kislotasi (ASK) siklooksigenaza (TSOG-1) ni orqaga qaytmas ingibitsiya qiladi, natijada tromboksan A2 ni sintezi bloklanadi va trombotsitlar agregatsiyasi susayadi. ASK trombotsitlar agregatsiyasini boshqa susaytirish mexanizmlariga ham ega deb hisoblanadi, bu holat turli qon-tomir kasalliklarida uni qo‘llash doirasini kengaytiradi. ASK shuningdek yallig‘lanishga qarshi, analgetik va isitmani tushiruvchi ta'sirlar ham ko‘rsatadi.
Magniy gidroksidi me'da-ichak yo‘llarining shilliq qavatini ASK ning ta'siridan himoya qiladi.

Farmakokinetikasi

ASK me'da-ichak yo‘llaridan deyarli butunlay so‘riladi. ASKni yarim chiqarilish davri taxminan 15 minutni tashkil etadi, chunki fermentlar ishtirokida ASK ichakda, jigarda va qon plazmasida tezda salitsil kislotasiga (SK) gidrolizlanadi. SK ning yarim chiqarilish davri taxminan 3 soatni tashkil etadi, ammo ASK ning katta (3,0 g dan ortiq) dozalari bir vaqtda yuborilganida, fermentlar tizimini to‘yinishi natijasida u ahamiyatli darajada oshadi.
ASK ning biokiraolishligi taxminan 70% ni tashkil etadi, ammo ushbu kattalik ahamiyatli darajada tebranadi, chunki ASK fermentlar ta'siri ostida tizim oldi gidroliziga uchrab (me'da-ichak yo‘llarining shilliq qavati, jigar), SK ga aylanadi. 
SK ning biokiraolishligi 80-100% ni tashkil etadi.
Magniy gidroksidining qo‘llaniladigan dozalari ASKning biokiraolishligiga ta'sir qilmaydi.

Qo‘llanilishi

• yuqori havf guruhiga kiruvchi patsiyentlarda (masalan, qandli diabet, giperlipidemiya, arterial gipertenziya, semirish, chekish, keksalik yoshidagi patsiyentlarda), tromboz va o‘tkir yurak yetishmovchiligi kabi yurak-qon tomir kasalliklarini birlamchi oldini olish;
• miokard infarkti va qon-tomirlari trombozini takrorlanishini oldini olish;
• qon-tomirlarda jarrohliq aralashuvlari (aortokoronar shuntlash, teri orqali translyuminal koronar angioplastika) o‘tkazilganidan keyingi tromboemboliyani oldini olish;
• nostabil stenokardiyada qo‘llanadi.

Qo‘llash usuli va dozalari

Qo‘llash usullari
Preparat ichga qabul qilish uchun mo‘ljallangan.
Tabletkalar butunligicha, suv bilan yutiladi. Zarurat bo‘lganida tabletkani teng ikkiga bo‘lish, chaynash yoki oldindan kukun holigacha maydalash mumkin.

Dozalash tartibi

Yuqori havf guruhiga kiruvchi patsiyentlarda (masalan, qandli diabet, giperlipidemiya, arterial gipertenziya, semirish, chekish, keksalik yoshidagi patsiyentlarda), tromboz va o‘tkir yurak yetishmovchiligi kabi yurak-qon tomir kasalliklarini birlamchi oldini olish
Dastlabki sutkada 150 mg ASK saqlovchi Asmada preparatining 1 tabletkasi yoki 75 mg ASK saqlovchi Asmada preparatining 2 tabletkasi qabul qilinadi, so‘ngra 75 ASK saqlovchi Asmada preparati 1 tabletkadan sutkada 1 marta qabul qilinadi.
Miokard infarkti va qon-tomirlari trombozini takrorlanishini oldini olish
75-150 mg ASK saqlovchi Asmada preparatining 1 tabletkasi sutkada 1 marta qabul qilinadi.
Qon-tomirlarda jarrohliq aralashuvlari (aortokoronar shuntlash, teri orqali translyuminal koronar angioplastika) o‘tkazilganidan keyingi tromboemboliyani oldini olish
75-150 mg ASK saqlovchi Asmada preparatining 1 tabletkasi sutkada 1 marta qabul qilinadi.
Nostabil stenokardiya
75-150 mg ASK saqlovchi Asmada preparatining 1 tabletkasi sutkada 1 marta qabul qilinadi.
Nojo‘ya ta'sirlari
Nojo‘ya reaktsiyalarni uchrash tezligini ko‘rsatkichlari quyidagi tarzda aniqlanadi juda tez-tez (≥ 1/10); tez-tez (≥ 1/100, ammo <1/10); tez-tez emas (≥ 1/1000, ammo < 1/100); kam hollarda (≥ 1/10000, ammo < 1/1000); juda kam hollarda (< 1/10000); uchrash tezligi noma'lum (mavjud ma'lumotlar asosida baholash mumkin emas).
Qon va limfa tizimlari tomonidan juda tez-tez – qonuvchanlikni oshishi; kam hollarda – anemiya; juda kam hollarda – gipoprotrombinemiya, trombotsitopeniya, neytropeniya, aplastik anemiya, eozinofiliya, agranulotsitoz.
Immun tizimi tomonidan tez-tez emas – anafilaktik reaktsiyalar.
Nerv tizimi tomonidan tez-tez – bosh og‘rig‘i, uyqusizlik; tez-tez emas – bosh aylanishi, uyquchanlik; kam hollarda – tinnitus, bosh miyaga qon quyilishi.
Nafas tizimi, ko‘krak qafasi va ko‘ks oralig‘i a'zolari tomonidan tez-tez – bronxospazm.
Me'da-ichak yo‘llari tomonidan juda tez-tez – jig‘ildon qaynashi; tez-tez – ko‘ngil aynishi, qusish; tez-tez emas – qorinda og‘riq, me'da o‘n ikki barmoq ichakning shilliq qavati yara kasalligi (shu jumladan kam hollarda perforativ yara), me'da-ichak yo‘llaridan qon ketishi; kam hollarda – “jigar” fermentlarining faolligini oshishi; juda kam hollarda – stomatit, ezofagit, me'da-ichak yo‘llarining yuqori bo‘limlarini eroziv shikastlanishlari, strikturalar, kolit, ta'sirlangan ichak sindromi.
Teri va teri osti to‘qimalari tomonidan tez-tez – allergik reaktsiyalar (eshakemi, angionevrotik shish).
Shubha qilingan nojo‘ya reaktsiyalar xaqida xabarlar
Dori vositasi ro‘yxatdan o‘tkazilgandan keyin shubha qilingan nojo‘ya reaktsiyalar xaqida habarlar muhim hisoblanadilar. Patsiyentda dori vositasiga nisbatan jiddiy nojo‘ya reaktsiya aniqlanganida yoki ushbu bo‘limda ta'riflanmagan yangi nojo‘ya reaktsiya paydo bo‘lganida Milliy farmakologik nazorat tizimiga muvofiq ravishda axborot berishingizni so‘raymiz.

Qo‘llash mumkin bo‘lmagan holatlar

• ASK ga, preparatning yordamchi moddalariga va boshqa nosteroid yallig‘lanishga qarshi vositalari (NYaQV) ga yuqori sezuvchanlik;
• bosh miyaga qon quyilishi;
• qon ketishiga moyillik (K vitaminini yetishmovchiligi, trombotsitopeniya, gemorragik diatez);
• salitsilatlar va NYaQV ni qabul qilish bilan induktsiyalangan bronxial astma;
• me'da-ichak yo‘llarini eroziv-yarali shikastlanishi (zo‘rayish bosqichida);
• me'da-ichak yo‘llaridan qon ketishi;
• og‘ir buyrak yetishmovchiligi (kreatinin klirensi minutiga 10 ml dan kam);
• homiladorlik (I va III uch oyliklari);
• laktatsiya davri;
• glyukoza-6-fosfatdegidrogenaza tanqisligi;
• metotreksat (haftada 15 mg dan ko‘p) bilan bir vaqtda qo‘llanishi;
• 18 yoshgacha bo‘lgan bolalarda preparatni qo‘llash mumkin emas.
Dorilarning o‘zaro ta'siri
Bir vaqtda qo‘llanganida ASK quyidagi dori vositalarning ta'sirini kuchaytiradi
• metotreksat (metotreksatning buyrak klirensi pasayishi va uni oqsillar bilan bog‘langan joyidan siqib chiqarilishi tufayli);
• geparin va bilvosita antikoagulyantlar (trombotsitlarning funktsiyasini buzilishi va bilvosita antikoagulyantlarni oqsillar bilan bog‘langan joyidan siqib chiqarilishi tufayli);
• trombolitik, antiagregant va antikoagulyant preparatlar (tiklopidin);
• digoksin (uning buyrak ekskretsiyasini pasayishi tufayli);
• peroral gipoglikemik preparatlar (sulfonilmochevina hosilalari) va insulin (yuqori dozalarda ASKning o‘zini gipoglikemik ta'siri va sulfonilmochevina hosilalarini plazma oqsillari bilan bog‘langan joyidan siqib chiqarilishi tufayli);
• valproat kislotasi (uni plazma oqsillari bilan bog‘langan joyidan siqib chiqarilishi tufayli).
ASK ni ibuprofen bilan bir vaqtda qo‘llash ASKning kardioprotektiv samarasini pasayishiga olib keladi.
ASK etanol (alkogol) bilan bir vaqtda qo‘llanganida additiv samarasi kuzatiladi.
ASK siydik kislotasini raqobatli tubulyar eliminatsiyasi tufayli urikozurik vositalar (benzbromaron) ning ta'sirini ingibitsiya qiladi.
Tizimli GKS salitsilatlarning chiqarilishini kuchaytirib, ularning ta'sirini susaytiradilar.
Antatsidlar va kolestiramin preparatni so‘rilishini pasaytiradilar.
Metamizol preparati bilan bir vaqtda qo‘llanganida trombotsitlar agregatsiyasiga ASK ning ta'sirini kamaytirishi mumkin. Shu boisdan kardioprotektiv samaraga erishish maqsadida ASK ning kichik dozalarini qabul qilayotgan patsiyentlarga ehtiyotkorlik bilan buyurish kerak.

Maxsus ko‘rsatmalar

Preparatni faqat shifokorning ko‘rsatmasi bo‘yicha qo‘llash kerak.
ASK bronxospazm, shuningdek bronxial astma hurujlari va boshqa yuqori sezuvchanlik reaktsiyalarini chaqirishi mumkin. Havf omillari bo‘lib anamnezida bronxial astmani mavjud bo‘lishi, pichan isitmasi, burun polipozi, nafas tizimining surunkali kasalliklari, shuningdek boshqa preparatlarga allergik reaktsiyalarni (masalan, teri reaktsiyalari, terini qichishishi, eshakemi) mavjud bo‘lishi hisoblanadi.
ASK jarrohlik aralashuvlari vaqtida va undan keyin turli jadallikdagi qon ketishlarini chaqirishi mumkin. Rejalashtirilgan jarrohlik aralashuvidan bir necha kun oldin ASK ning kichik dozalarini qabul qilayotgan patsiyentlarda ishemik asoratlarni rivojlanish havfiga nisbatan qon ketishini rivojlanish havfi baholanishi kerak. Qon ketishini rivojlanish havfi yuqori bo‘lganida ASK qabul qilishni to‘xtatish kerak. ASK antikoagulyantlar, trombolitiklar va antitrombotsitar preparatlar bilan bir vaqtda qo‘llanganida qon ketishini rivojlanish havfi oshadi.
ASK kichik dozalarda qo‘llanganida moyilligi bo‘lgan patsiyentlarda (siydik kislotasini ekskretsiyasi past bo‘lgan patsiyentlarda) podagra rivojlanishi mumkin.
ASKni metotreksat bilan majmuaviy qo‘llash qon yaratish a'zolari tomonidan nojo‘ya reaktsiyalarni rivojlanish tezligini oshishi bilan kechadi.
ASK ning yuqori dozalari gipoglikemik samara ko‘rsatadi, preparat qandli diabet bilan xastalangan, peroral gipoglikemik vositalar va insulin qabul qilayotgan patsiyentlarga buyurilganida buni inobatga olish kerak.
Tizimli glyukokortikosteroidlar (GKS) va salitsilatlar bir vaqtda qo‘llanganida qonda salitsilatlarning kontsentratsiyasini kamayishi kuzatiladi, ayni vaqtda tizimli GKS ni qo‘llashni to‘xtatish salitsilatlarning dozasini oshirib yuborilishiga olib kelishi mumkin.
Yurak-qon tomir kasalliklarini rivojlanish havfi yuqori bo‘lgan patsiyentlarda ASKni ibuprofen bilan birga qo‘llash tavsiya etilmaydi ibuprofen bilan bir vaqtda qo‘llanganida 300 mg gacha bo‘lgan dozalarda ASK ning antiagregant ta'sirini kamayishi kuzatiladi, bu holat ASKning kardioprotektor samarasini pasayishiga olib keladi.
ASKning dozasini tavsiya etilgan terapevtik dozadan oshirish me'da-ichak yo‘llaridan qon ketishini rivojlanish havfi bilan bog‘liq bo‘ladi.
ASKning kichik dozalari antiagregant davolash sifatida uzoq muddat qo‘llanganida me'da-ichak yo‘llaridan qon ketishi havfi borligi tufayli, keksa yoshdagi patsiyentlarda ehtiyotkorlikka rioya qilish kerak.
ASK alkogol bilan bir vaqtda qo‘llanganida me'da-ichak yo‘llarining shilliq qavatini yuqori shikastlanish havfi va qon ketishini uzayish havfi mavjud.
Preparat podagra bilan xastalangan, giperurikemiyasi bo‘lgan patsiyentlarda qo‘llanganida, anamnezida me'da-ichak yo‘llarini yarali shikastlanishi yoki me'da-ichak yo‘llaridan qon ketishi kuzatilganida, buyrak va/yoki jigar yetishmovchiligi, bronxial astma, pichan isitmasi, burun polipozi bo‘lganida, allergik holatlarda, homiladorlikning II uch oyligida qo‘llanganida ayniqsa ehtiyotkorlikka rioya qilish kerak.
Homiladorlikda va laktatsiya davrida qo‘llanishi
Homiladorlik
Homiladorlikning I uch oyligida salitsilatlarni yuqori dozalarda qo‘llanishi homilada rivojlanish nuqsonlarini uchrash tezligini oshishi bilan assotsiatsiyalanadi. Homiladorlikning I uch oyligida preparatni qo‘llash mumkin emas.
Homiladorlikning II uch oyligida salitsilatlarni kutiladigan foyda va kuzatilishi mumkin havflar nisbati yaxshilab baholangandan keyingina buyurish kerak.
Homiladorlikning oxirgi uch oyligida salitsilatlar yuqori dozalarda (sutkada 300 mg dan yuqori) tug‘ruq faoliyatini tormozlanishini, homilada arterial qon oqimini muddatidan avval yopilishini, onada va homilada qon oqishini oshishini chaqiradi, bevosita tug‘ruqdan oldin buyurish esa, ayniqsa chala tug‘ilgan bolalarda, bosh miyaga qon quyilishini chaqirishi mumkin. Homiladorlikning III uch oyligida preparatni qo‘llash mumkin emas.
Laktatsiya
Emizish davrida preparatni qo‘llash mumkinligi yoki mumkin emasligini aniqlash uchun mavjud klinik ma'lumotlar yetarli emas. Emizish davrida ASKni qo‘llashdan avval ko‘krak yoshidagi bolalar uchun potentsial havfga nisbatan preparat bilan davolashdan kutiladigan potentsial foydani baholash kerak.
Avtotransportni haydash va mexanizmlarni boshqarish qobiliyatiga ta'siri
ASK preparatlari bilan davolanish vaqtida avtotransportni haydashda va diqqatni yuqori darajada jamlash va psixomotor reaktsiyalar tezligini talab etuvchi potentsial havfli faoliyat turlari bilan shug‘ullanishda ehtiyotkorlikka rioya qilish kerak.

Dozani oshirib yuborilishi

Dozani o‘rtacha darajada oshirib yuborilishi
Simptomlari ko‘ngil aynishi, qusish, tinnitus, eshitishni yomonlashishi, bosh aylanishi, ongni chalkashishi kuzatilishi mumkin.
Davolash me'dani yuvish, faollashtirilgan ko‘mir qabul qilish; simptomatik davolash o‘tkaziladi.
Dozani og‘ir darajada oshirib yuborilishi
Simptomlari isitma, giperventilyatsiya, ketoatsidoz, respirator alkaloz, koma, yurak-qon tomir va nafas yetishmovchiligi, yaqqol ifodalangan gipoglikemiya.
Davolash shoshilinch davolash o‘tkazish (me'dani yuvish, kislota-ishqor muvozanatini aniqlash, ishqoriy va jadallashtirilgan ishqoriy diurez, gemodializ, eritmalarni yuborish, faollashtirilgan ko‘mir yuborish, simptomatik davolash o‘tkazish) uchun zudlik bilan iqtisoslashtirilgan bo‘limga gospitalizatsiya qilish kerak. Ishqoriy diurez rN qiymati 7,5-8 bo‘lgunigacha o‘tkaziladi. Jadallashtirilgan ishqoriy diurez, qon plazmasida salitsilatlarning kontsentratsiyasi kattalarda 500 mg/l (3,6 mmol/l) va bolalarda 300 mg/l (2,2 mmol/l) dan ortiq qiymatni tashkil etganida o‘tkazish kerak.

Chiqarilish shakli

Plyonka qobiq bilan qoplangan tabletkalar.
20 tabletkadan blisterda. 2 yoki 5 blister tibbiyotda qo‘llanilishiga doir yo‘riqnomasi bilan birga karton qutiga joylangan.
30 yoki 100 tabletka bolalardan himoya qilish tizimi bilan ta'minlangan buraladigan himoya qopqoqli plastik flakonlarda. 1 flakon tibbiyotda qo‘llanilishiga doir yo‘riqnomasi bilan birga karton qutiga joylangan.
Saqlash sharoitlari
Namlik va yorug‘likdan himoyalangan joyda, 25 °C dan yuqori bo‘lmagan xaroratda saqlansin.
Bolalar ololmaydigan joyda saqlansin!

Yaroqlilik muddati

Ishlab chiqarilgan

sanadan boshlab 3 yil.

Yaroqlilik muddati

tugaganidan so‘ng qo‘llanilmasin.

Dorixonalardan berish tartibi

Retseptsiz.