Trombo ASS tab. 75mg №30

Preparatning savdo nomi

Trombo ASS ®
Ta'sir etuvchi modda (XPN) atsetilsalitsil kislotasi

Dori shakli

Ichakda eruvchan plyonka qobiq bilan qoplangan tabletkalar 50, 75 mg va 100 mg.

Tarkibi

Bir tabletka quyidagilarni saqlaydi
faol modda 50 mg yoki 100 mg atsetilsalitsil kislotasi,
yordamchi moddalar laktoza monogidrati, mikrokristall sellyuloza, kolloid kremniy dioksidi, kartoshka kraxmali,
qobiq tarkibi talk, triatsetin, metilakril kislotasining sopolemeri – etalkrilat (11) 30% dispresiya1.
122,63 mg suspenziya 6,79 mg quruq moddaga to‘g‘ri keladi (50 mg doza uchun).
33,95 mg suspenziya 10,185 mg quruq moddaga to‘g‘ri keladi (100 mg doza uchun).
Ta'rifi dumaloq shaklli, ikki tomoni qavariq, oq rangli qobiq bilan qoplangan tabletkalar.

Farmakoterapevtik guruhi

Analgetiklar. Boshqa analgetiklar-antipiretiklar. Salitsil kislotasi va uning hosilalari. Atsetilsalitsil kislotasi.
Kod ATX N06VA01

Farmakologik xususiyatlari

Farmakodinamika

si
Atsetilsalitsil kislotasi nosteroid yallig‘lanishga qarshi vosita hisoblanadi. Past dozalar buyurilganda (30-300 mg), atsetilsalitsil kislotasining asosiy ta'sir mexanizmi siklooksigenaza fermentining faolsizlantirib, natijada araxidon kislotasidan prostaglandinlar, prostatsiklinlar va tromboksanning sintezi buziladi. Trombotsitlarda tromboksan A2 sintezining qaytmas buzilishi atsetilsalitsil kislotasining antiagregant ta'sirini ta'minlash bilan bog‘liq. Bundan tashqari atsetilsalitsil kislotasi trombotsitlar ajralib chiqish reaktsiyasini bloklaydi, buning natijasida ADF (adenozindifosfat), serotonin, trombotsitlarni faollashtiruvchi omil va boshqalar kabi trombotsitlar agregatsiyasini chaqirish xususiyatiga ega bo‘lgan substantsiyalarning katta miqdori ajralib chiqadi. ASK 30-300 mg dozalar qon tomir devorining shikastlangan endoteliysida tromb hosil bo‘lishi samarasini ingibitsiya qiladi va trombotsitar tromb hosil bo‘lishini oldini oladi. Shunday qilib, atsetisalitsil kislotasining trombotsitlarni yuqori darajadagi agregatsiyasi bilan bog‘liq bo‘lgan kasalliklarning oldini olish va davolashga qaratilgan antitrombotsittar ta'siri namoyon bo‘ladi.
Preparat serebro-vaskulyar kasalliklar, periferik arteriyalar kasalliklarni, yurak ishemik kasalligi (shu jumladan miokard infarkti) va boshqa tomir kasalliklari bo‘lgan patsiyentlarda trombotsitlar faoliyatini yaxshilaydi. Bundan tashqari, atsetilsalitsil kislotasi tromboemboliya ko‘rinishlarini va patsiyentlarda (yurakdagi operatsiyalardan keyingi) restenozlar sonini kamaytiradi.

Farmakokinetikasi

Qo‘llanilganida preparat ingichka ichakda so‘riladi, chunki me'da shirasining ta'siriga chidamli qobiqqa ega. Preparatning plazmadagi maksimal darajasi uni qo‘llanganidan keyin 3 soatdan so‘ng kuzatiladi.
Fermentlarning ta'sirida atsetilsalitsil kislotasi (ASK) jigarda va qisman ingichka ichakning shilliq qavatida salitsil kislotasigacha gidrolizga uchraydi. Bundan tashqari salitsil kislotasi jigarda glyukuron kislotasi bilan birikadi. Fenrmentli esterazalar faolligi tufayli atsetilsalitsil kislotasining plazmadagi kontsentratsiyasi tez pasayadi, ayni vaqtda asosiy metaboliti – salitsil kislotasining kontsentratsiyasi esa oshadi va preparat qabul qilgandan so‘ng 4 soatdan keyin maksimumga erishadi.
Atsetisalitsil kislotati va salitsil kislotasining organizm to‘qima va suyuqliklarida taqsimlanishga asosan passiv difuziya orqali amalga oshiriladi, u rN darajasi va kontsentratsiyaga bog‘liq. Shuning uchun salitsilatlar rN darajasi past to‘qimalarda to‘planadi.
Salitsilatlarning taqsimlanishi hajmi dozaga bog‘liq. Past (antitrombotik) dozalarni qabul qilganda, u taxminan 0,2 l/kg ni tashkil etadi; plazma oqsillari bilan yuqori – 89 dan 90% gacha bog‘lanishi sababli asosan hujayra tashqarisida taqsimlanishidan dalolat beradi. Atsetilsalitsil kislotasining qonda yarim parchalanish davri 15 minutdan 20 minutgachani tashkil etadi. Atsetilsalitsil kislotasi to‘liq qayta o‘zgarishga uchraydi va shuning uchun, siydik orqali faqat metabolitlar ko‘rinishida chiqarib yuboriladi. Atsetilsalitsil kislotasining terapevtik dozalari qabul qilinganda, uning birlamchi metaboliti – salitsil kislotasi siydikda asosan glitsinli kon'yugat ko‘rinishida (salitsil-siydik kislotasi – 75%), shuningdek efir va efirli glyukuronidlar ko‘rinishida (5 dan 10% gacha) va erkin salitsil kislotasi sifatida (10%) aniqlanadi.
Siydik rN oshishi, masalan, bikarbonat infuziyasida, salitsilatlarni chiqarib yuborilishini sezilarli darajada (5-10 marta) oshiradi.

Qo‘llanilishi

-stenokardiyasi bo‘lgan patsiyentlarda miokard infarktini birlamchi va ikkilamchi profilaktikasi;
-yurak ishemik kasalligi bo‘lgan bemorlarda miokard infarkti qaytalanishi xavfini pasaytirishi;
-bosh miya qon aylanishining ishemik turidagi buzilishlarini va insultni oldini olish;
-tromboz va emboliyalar oldini olish, shu jumladan ularning paydo bo‘lish xavfi yuqori bo‘lgan patsiyentlarda (yurak va qon-tomirlarda operatsiyalar, aortokoronar shuntlashdan keyin).
-qandli diabetda yurak-qon tomirlar patologiyasini oldini olishda qo‘llanadi.

Qo‘llash usuli va dozalari

Ichakda eruvchan plyonka qobiq bilan qoplangan Trombo ASS tabletkalarini chaynamasdan, ko‘p bo‘lmagan miqdordagi suyuqlik bilan sutkaning bir vaqtida ichga qabul qilinadi. Plenka qobiqning butunligini saqlash uchun, tabletkani bo‘lish tavsiya etilmaydi. Yuqorida keltirilgan ko‘rsatmalarda tavsiya etilgan doza kuniga bir marta 50 mg dan
300 mg gachani tashkil etadi. Keksa patsiyentlarda dozaga tuzatish kiritish talab etilmaydi. Maksimal sutkalik doza 300 mg.
Preparatni kam dozalarda uzoq vaqt qabul qilish tavsiya etiladi. Doza va davolash davomiyligini davolovchi shifokor belgilaydi.
Nojo‘ya ta'sirlari
Tez-tez
-me'da-ichak yo‘llari tomonidan buzilishlar (jig‘ildon qaynashi, ko‘ngil aynishi, qusish, epigastral sohada og‘riq, diareya)
-me'da-ichak yo‘llaridan mikro qon ketishlari
Ba'zida
-me'da-ichak yo‘llaridan qon ketishlar va yaralar (ularning belgilariga qora ahlat va
qon bilan qusish kiradi).
Kam hollarda
-trombotsitopeniya, qon ketishi vaqtining uzayishi, leykopeniya
-yuqori sezuvchanlik reaktsiyalari (bronxospazm, angionevrotik shish, teri ko‘rinishlari, anafilaktik reaktsiyalar, Kvinke shishi, kardiorespirator distress).
-astmatik xurujlar
-me'da-ichak yo‘llar tomonidan buzilishlar (ko‘ngil aynishi, qusish, diareya)
-temir tanqisligi anemiyasiga olib kelishi mumkin bo‘lgan me'da-ichak yashirin qon ketishlari
-xayz ko‘rish siklini uzayishi
-bronxial astma xurujlarini qo‘zg‘atish
-preparatning yuqori dozalari bilan uzoq muddatli davolashda buyrak tomonidan buzilishlar kelib chiqish mumkin (gematuriya, nefropatiya, leykotsituriya, albuminuriya).
Juda kam hollarda
-gipoglikemiya
-podagra xurujlari
-bosh og‘rig‘i, bosh aylanishi, ongni chalkashishi
-eshitish qobiliyatini pasayishi, quloq shang‘illashi
-jigar transaminazalari faolligini oshishi
-bosh miyaga qon quyilishi (ayniqsa nazorat qilinmaydigan arterial gipertenziyasi bo‘lgan patsiyentlarda).

Qo‘llash mumkin bo‘lmagan holatlar

-salitsil kislotasi va uning hosilalariga yoki nosteroid og‘riq qoldiruvchi/yallig‘lanishga qarshi vositalar (NYaQV), shuningdek yordamchi moddalarga yuqori sezuvchanlik
-zo‘rayishi bosqichidagi me'da-ichak yo‘llari yara kasalliklari
-gemorragik diatez, trombotsitopniya, gemofiliya
-buyrak yetishmovchiligi va oksaluriya
-yaqqol jigar yetishmovchiligi
-yaqqol, nazorat qilib bo‘lmaydigan yurak yetishmovchiligi
-metotreksatni haftada 15 mg va undan ko‘p dozada birga qabul qilish
-gipoprotrombinemiya
-glyukozo-6-fosfatdegidrogenaza tanqisligi
-homiladorlik va emizish davri
-18 yoshgacha bo‘lgan bolalar
-fruktozani nasliy o‘zgartiraolmaslik, Lapp-laktaza fermenti tanqisligi, glyukoza-galaktoza malabsorbtsiyasida qo‘llash mumkin emas.
Dorilarning o‘zaro ta'siri
Trombo ASS
-antikoagulyantlar va antiagregant preparatlar (masalan, varfarin va kumarinning boshqa xosilalari, geparin, dipiridamol, sulfinpirazon) ta'sirini
-trombotsitlar agregatsiyasining boshqa ingibitorlari, masalan tiklopidin, klopidogrel ta'sirini qon ketishi vaqti uzayishi mumkin
-diabetga qarshi preparatlar ta'sirini sulfonilmochevina hosilalarining gipoglikemik samarasini
-nosteroid yallig‘lanishga qarshi va revmatizmga qarshi vositalarining kutilgan va noxush samaralarini
-metotreksatning kutilgan va noxush samaralarini
-glyukokortikoidlar yoki alkogol bilan bir vaqtda qo‘llanganida me'da-ichakdan qon ketishlari xavfini
-qon plazmada digoksin, barbituratlar va litiy kontsentratsiyasini
-sulfonilamid preparatlar va sulfonilamidlar majmualarini, shu jumladan ko-trimoksazolning ta'sirini
-triyodtironin ta'sirini
-valpro kislotasi ta'sirini kuchaytiradi
Preparat
-aldosteron antagonistlari (spironolakton va kanrenon) ta'sirini
-xalqali diuretiklar (masalan furosemid) ta'sirini
-urikozurik preparatlar (promenetsid, sulfinpirazon) ta'sirini
-AAF ingibitorlari ta'sirini susaytiradi
Tetratsiklinlarni bir vaqtda qabul qilganda so‘rilmaydigan komplekslar paydo bo‘lishi rioya qilish mumkin. Shuning uchun, ushbu preparatlarni qabul qilishda kamida 1-3 soatli intervalga bo‘lishi kerak.
Siklosporin yoki takrolimusni birga qabul qilganda ehtiyotkorlikka rioya qilish kerak.
Trombo ASS ni yuqorida sanab o‘tilgan preparatlar bilan majmuaviy qo‘llash zarurati bo‘lganida ular orasidagi interval kamida 1-3 soatni tashkil etishi lozim.

Maxsus ko‘rsatmalar

Trombo ASS ni quyidagi holatlarda ehtiyotkorlik bilan buyurish kerak
-NYaQV qo‘llanishga nisbatan anamnezida yuqori sezuvchanlik reaktsiyalari to‘g‘risida ma'lumotlar bo‘lganida
-bronxial astma, pichan isitmasi, burun shilliq qavati shishi, nafas olish a'zolarining surunkali kasalliklarda
-antikoagulyantlar (kumarin hosilalari, geparin quyi dozadagi geparin bilan davolashdan tashqari) bilan yondosh davolashda
-zo‘rayish bosqichida bo‘lmagan me'da-ichak yo‘llarining eroziv-yarali va yallig‘lanishli kasalliklarida
-jigar va buyrak tomonidan funktsional buzilishlar.
Jarrohlik aralashuvlaridan oldin (xatto kichik aralashuvlar, masalan, stomatologik operatsiyadan oldin) patsiyentlar plyonka qobiq bilan qoplangan Trombo ASS tabletkalarini qabul qilayotganligi to‘g‘risidagi shifokorga xabar berishlari kerak va atsetilsalitsil kislotasining antiagregant ta'sirini hisobga olish lozim. Qon ketish vaqti uzayishi mumkin. Boshqa salitsilatlar yoki nosteroid yallig‘lanishga qarshi revmatizmga qarshi vositalarni qo‘shimcha qabul qilishdan saqlanish kerak.
Preparatni yuqori dozada bir necha yil davomida qabul qilganda, buyrak yetishmovchiligi rivojlanishi mumkin. Vaqti-vaqti bilan buyrak faoliyatini nazorat qilish kerak.
Trombolitik davolash buyurilgan patsiyentlarni tashqi yoki ichki qon ketish (masalan, gematomalar) belgilari borligi yuzasidan tekshirish tavsiya etiladi.
Atsetilsalitsil kislota kichik dozalarda siydik kislotasi chaqirilishini pasaytiradi, bu moyilligi bo‘lgan patsiyentlarda podagra xurujlarini chaqrishi mumkin.
Preparat laktoza monogidrati saqlaydi. Kam uchraydigan nasliy galaktozani o‘zlashtiraolmaslik muammolari, Lappa laktozasi tanqisligi yoki glyukoza va galaktoza malbsorbtsiyasi bo‘lgan patsiyentlarga ushbu preparatni qabul qilish tavsiya etilmaydi.
Dori vositasining transport vositalarini yoki potentsial xavfli mexanizmlarni boshqarish qobiliyatiga ta'siri.
Bosh aylanishi, ongni chalkashishi kabi nojo‘ya samaralar kelib chiqishi mumkinligini hisobga olib, transport vositalarini va potentsial xavfli mexanizmlarni boshqarishda ehtiyotkorlikka rioya qilish kerak.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Odatda, nerv tizimi tomonidan kelib chiqadigan uyquchanlik, bosh aylanishi, ongni chalkashishi va ko‘ngil aynishi (salitsil kislota va uning birlashmalari bilan zaharlanish) bilan kechadigan atsetilsalitsil kislotasining surunkali dozani oshirib yuborilishi va o‘tkir zaharlanishni farq qilish kerak.
O‘tkir zaharlanish simptomlari kislota-ishqor muvozanatini og‘ir buzilishlari. Hatto terapevtik dozalarda ham nafas tezlashishi fonida respirator alkaloz rivojlanishi mumkin. U gidrokarbonatlarni buyrak orqali chiqarilishi oshishi bilan kompensatsiyalanadi, shuning uchun qon rN normal ko‘rsatkichlar diapozonida saqlanib turadi. Toksik dozalarda bunday kompensatsiya yetarli bo‘lmaydi, shuning uchun qon rN va gidrokarbonat kontsentratsiyasi pasayadi. Qon rSO2 ko‘rsatkichlari normada qolishi mumkin. Tashqi belgilar metabolik atsidoz klinik ko‘rinishlarini ko‘rsatadi. Haqiqatda esa, bu ko‘rinishlar respirator va metabolik atsidoz barovar birga rivojlanishi natijasidir, uning sabablariga toksik dozalar keltirib chiqargan nafas olish buzilishlari, uglevodlar almashinuvi buzilishi va qisman buyrak ekskretsiyasi pasayishi sababli kislotalar to‘planishi (sulfat va fosfat kislotasi, shuningdek, sut, atsetilsirka kislotasi va boshqalar) kiradi. Bundan tashqari, elektrolit muvozanat buziladi va ko‘p miqdorda kaliy yo‘qotish kelib chiqadi.
Simptomlari
Yengil va o‘rta darajadagi zaharlanish (200-400 mkg/ml) kislota-ishqor muvozanatini buzilishlari, elektrolit muvozanat buzilishi mumkin (masalan kaliy yo‘qotilishi), gipoglikemiya, terida toshmalar, me'da-ichakdan qon ketishi, giperventilyatsiya, quloqda shovqin, ko‘ngil aynishi, qusish, ko‘rish va eshitishni buzilishlari, bosh og‘rig‘i, bosh aylanishi va ongni chakashishi.
Og‘ir zaharlanish (400 mkg/ml dan ko‘p) alahsirash holati, tremor, hansirash, ko‘p terlash, eksikoz, gipertermiya va koma rivojlanishi mumkin.
O‘limga olib keluvchi zaharlanishlar o‘lim odatda nafas olishni to‘xtashi natijasida kelib chiqadi.
Davolash atsetilsalitsil kislotasi bilan zaharlanganda davolashni tanlash zaharliligining og‘irligi, bosqichiga va klinik simptomlariga asoslangan. Davolash sifatida faol modda so‘rilishini kamaytiradigan, suv va elektrolit muvozanatini nazorat qiladigan, shuningdek termoregulyatsiyani va nafas olishni normallashtiradigan odatdagi choralar amalga oshiriladi. Birinchi navbatda chiqarib yuborishga yordam beradigan va kislota-ishqor va elektrolit muvozanatini normallashtiradigan choralarga ahamiyat qaratiladi. Bikarbonat va kaliy xloridi eritmalarini vena ichiga yuborishdan tashqari diuretiklar ham buyurilishi mumkin. Salitsilatlar ionizatsiya darajasini oshirish va kanalchalar rebsorbtsiyasini kamaytirish uchun siydik ishqoriy bo‘lishi kerak.
Qon rN, rSO2 ko‘rsatkichlari, gidrokarbonat, kaliy darajalarini va boshqalarni nazorat qilish tavsiya etiladi. Og‘ir holatlarda jadal davolash (jadallashtirilgan ishqoriy, diurez, gemodializ) talab qilinishi mumkin, tirishishlarda diazepam qabul qilish kerak.

Chiqarilish shakli

10 tabletkadan polivinilxlorid plyonka va bosma laklangan alyumin folgali konturli uyali o‘ramga joylanadi.
3 kontur uyali o‘ram (10 tabletkadan) yoki 5 kontur uyali o‘ram (20 tabletkadan) davlat va rus tilidagi tibbiyotda qo‘llash bo‘yicha yo‘riqnomasi bilan karton joylanadi.

Saqlash sharoiti

Quruq, yorug‘likdan himoyalangan joyda, 25oS dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Retseptsiz.

Ishlab chiqaruvchi

G.L.Pharma GmbH,
Industriestrasse 1, A-8502 Lannach, Avstriya
Qayd etish guvohnomasining egasi
“VALEANT” MChJ, Rossiya
Mahsulot sifati bo‘yicha e'tirozlarni qabul qiluvchi tashkilot manzili
“VALEANT” MChJ, Rossiya
115162, Moskva, Shabolovka ko‘ch., 31 uy, 5 qur.
Telefon/faks +7 495 510 28 79
Elektron manzili Office.RU@valeant.com