Kavinton tab. 5 mg №50

1. TIBBIY PREPARATNING NOMI
Kavinton® 5 mg li tabletkalari
Kavinton Forte® tabletkalari
2. SIFAT VA MIQDORIY TARKIBI
Kavinton 5 mg li tabletkalari har bir tabletka 5 mg vinpotsetin saqlaydi
Kavinton Forte tabletkalari har bir tabletka 10 mg vinpotsetin saqlaydi
Yordamchi moddalarning to‘liq ro‘yxati 6.1. bo‘limda keltirilgan.
3. DORI ShAKLI
Kavinton 5 mg li tabletkalari oq yoki deyarli oq, yassi, hidsiz, bir tomonida “CAVINTON” gravirovkasi bo‘lgan dumaloq faskali tabletkalar
Kavinton Forte tabletkalari dumaloq, yassi, oq yoki deyarli oq rangli, faskali bir tomonida “10 mg” yozuvi va boshqa tomonida riskasi bo‘lgan tabletkalar.
4. KLINIK XUSUSIYaTLARI
4.1

Qo‘llanilishi

Nevrologiya Serebrovaskulyar patologiyaning turli shakllarini o‘tkazilgan miyada qon aylanishini buzilishidan (insultdan) keyingi holat, vertebrobazilyar yetishmovchilik, qon tomir patologiyasi oqibatidagi dementsiya, serebral ateroskleroz; posttravmatik va gipertonik entsefalopatiyadan keyingi holatni davolash uchun qo‘llaniladi. Serebrovaskulyar patologiyada nevrologik va ruxiy simptomatikasini kamayishiga yordam beradi.
Oftalmologiya xorioideya (ko‘zning tomirli pardasi) va to‘r pardasining surunkali tomirli patologiyasini davolash uchun qo‘llaniladi.
Otorinolaringologiya pertseptiv turdagi qariyalarning karligi, Mener kasalligi, quloqlardagi shovqinni davolash uchun qo‘llaniladi.
4.2.

Qo‘llash usuli va dozalari

Preparatning odatdagi dozalari sutkada 3 marta 5-10 mg ni (sutkada 15-30 mg ni) tashkil qiladi. Tabletkalarni ovqat qabul qilgandan keyin qabul qilish kerak.
Jigar yoki buyrak kasalliklari bo‘lgan patsiyentlar uchun dozani hech qanday o‘ziga xos tanlash talab etilmaydi.
Kavinton va Kavinton Forteni bolalarda qo‘llash mumkin emas (4.3. bo‘limga qarang).
4.3.

Qo‘llash mumkin bo‘lmagan holatlar

Homiladorlik, laktatsiya davri.
Faol moddaga yoki yordamchi moddalardan birontasiga o‘ta yuqori sezuvchanlik.
Preparatni bolalarda qo‘llash (klinik tadqiqotlarning tegishli ma'lumotlarini yo‘qligini nazarda tutib) mumkin emas.
4.4.

Maxsus ko‘rsatmalar

va ehtiyotkorlik choralari
Uzaygan QT intervali sindromining borligi va QT intervalning uzayishini chaqiruvchi preparatlarni bir vaqtda qabul qilinganda EKG nazoratini o‘tkazishni tavsiya etiladi.
Laktozani o‘zlashtiraolmaslik hollarida preparat laktoza saqlashini e'tiborga olish lozim 5 mg li har bir Kavinton tabletkasi 140 mg, har bir Kavinton forte (10 mg) tabletkasi 83 mg laktoza saqlaydi.
4.5. Boshqa dori preparatlari bilan o‘zaro ta'siri va o‘zaro ta'sirning boshqa shakllari
Klinik tadqiqotlar jarayonida vinpotsetinni kloranolol, pindolol kabi β-blokatorlar bilan bir vaqtda qo‘llanganda, shuningdek klopamid, glibenklamid, digoksin, atsenokumarol yoki gidroxlortiazid bilan bir vaqtda qo‘llanganda, bu dori preparatlari o‘rtasida xech qanday o‘zaro ta'sirlar aniqlanmagan. Kam hollarda α-metil-dopa va vinpotsetinni bir vaqtda qo‘llanganda ayrim qo‘shimcha samaralar aniqlangan, shuning uchun preparatlarning bunday majmuasini qo‘llash fonida arterial bosimni muntazam nazoratini amalga oshirish lozim.
Garchi klinik tadqiqotlarning ma'lumotlari o‘zaro ta'sirlarni borligini tasdiqlamagan bo‘lsada, vinpotsetinni markaziy nerv tizimiga ta'sir etuvchi preparatlar bir vaqtda qo‘llanganda, shuningdek yondosh aritmiyaga qarshi va antikoagulyant vositalar davolash o‘tkazilganda ehtiyotkorlikka amal qilish tavsiya qilinadi.
4.6. Homiladorlik va emizish
Homiladorlik vaqtida va laktatsiya davrida vinpotsetinni qo‘llash mumkin emas.
Homiladorlik Vinpotsetin yo‘ldosh to‘sig‘i orqali o‘tadi, bunda preparatning yo‘ldosh va homila qonidagi kontsentratsiyasi, homilador ayolning qonidagidan past. Preparatning teratogen yoki embriotoksik ta'sir samarasi aniqlanmagan. Hayvonlarda o‘tkazilgan tadqiqotlarda vinpotsetinning katta dozalarini yuborilishi ayrim hollarda, asosan platsentar qon oqimini kuchayishi natijasida platsentar qon ketishlari va homila tashlashi bilan kechgan.
Laktatsiya Vinpotsetin ko‘krak suti bilan ajralib chiqadi. Nishonlangan vinpotsetinni qo‘llash bilan o‘tkazilgan tadqiqotlarda, ko‘krak sutining radiofaolligi ona qonidagi shunday ko‘rsatkichdan o‘n marta yuqori bo‘lgan. 1 soat davomida sut bilan ajralib chiqadigan preparatning miqdori, preparatning yuborilgan dozasini 0,25 foizini tashkil etadi. Vinpotsetin ona suti bilan chiqarilishi, yangi tug‘ilgan chaqaloqning organizmiga ta'sir samaralari to‘g‘risida ma'lumotlar yo‘qligi tufayli, vinpotsetinni emizish davrida qo‘llash mumkin emas.
4.7. Preparatni transport vositalari va boshqa mexanizmlarni boshqarish qobiliyatiga ta'siri
Mexanizmlarni haydash va boshqarish qobiliyatiga ta'sirini o‘rganish yuzasidan tadqiqotlar o‘tkazilmagan.
4.8. Noxush samaralari
Kavinton va Kavinton Forte xavfsiz preparatlar hisoblanadi, bu o‘n minglab patsiyentlar to‘g‘risidagi ma'lumotlarni o‘z ichiga olgan va xatto eng ko‘p yuz beruvchi noxush samaralar xam MedDRA bo‘yicha aniqlanishiga muvofiq «Tez-tez yuz beruvchi noxush samaralar >1/100» toifasiga tushmaganini namoyish etgan xavfsizlikni baholash bo‘yicha tadqiqotlarda tasdiqlangan, ya'ni eng ko‘p yuz berish ehtimoliga ega nojo‘ya samaralar 1% dan kam tez-tezlikda qayd etilgan. Shu sababdan quyidagi jadvalda «Tez-tez yuz beruvchi» tez-tezlik toifasi yo‘q.
Quyidagi noxush reaktsiyalar MedDRA atamalariga muvofiq a'zolarning tizimlari sinflarga bo‘lingan holda va yuz berish tez-tezligi ko‘rsatilgan holda keltirilgan
A'zolar tizimlari sinfi
(MedDRA 12.1)Tez-tez yuz bermaydigan
(≥1/1000 - <1/100)Kam hollarda yuz beruvchi
(≥1/10 000 - <1/1000)juda kam hollarda yuz beruvchi
(<1/10 000)
Qon va limfatik tizim tomonidan buzilishlarLeykopeniya
Trombotsitopeniya Anemiya
Eritrotsitlaragglyutinatsiyasi
Immun tizimi tomonidan buzilishlarO‘ta yuqori sezuvchanlik
Metabolizm va oziqlanishning buzilishlariGiperxolesterin-emiyaIshtahani pasayishi
Anoreksiya
Qandli diabet
Ruhiy buzilishlarUyqusizlik
Uyquni buzilishi
Bezovtalik Eyforiya
Depressiya
Nerv tizimi tomonidan buzilishlar Bosh og‘rig‘i Bosh aylanishi
Disgevziya
Stupor
Gemiparez
Uyquchanlik
AmneziyaTremor
Tirishishlar
Ko‘rish a'zositomonidan buzilishlarKo‘rish nervi so‘rg‘ichini shishi Kon'yunktivagiperemiyasi
Eshitish a'zosi va labirint tomonidan buzilishlarBosh aylanishi
Giperakuziya
Gipoakuziya
Quloqlarni shang‘illashi
Yurak tomonidan buzilishlarMiokard ishemiyasi/infarkti
Zo‘riqish stenokardiyasi Bradikardiya
Taxikardiya
Ekstrasistoliya
Yurakni tez urishiAritmiya
Yurak bo‘lmachalari fibrillyatsiyasi
Qon tomir tizi-mi tomonidan buzilishlarGipotenziya Gipertenziya
Qizib ketish hissi
TromboflebitArterial bosimni o‘zgarishlari
Me'da-ichak yo‘llari tomonidan buzilishlar Qorinda diskomfort
Og‘iz qurishi
Ko‘ngil aynishi Qorinda og‘riq
Qabziyat
Diareya
Dispepsiya
Qusish Disfagiya
Stomatit
Teri va teri osti kletchat-kasi tomonidan buzilishlarEritema
Gipergidroz
Qichishish
Eshakemi
Toshma Dermatit
Umumiy buzilishlar vapreparatni yuborish joyidagi reaktsiyalarAsteniya
Holsizlik
Qizishni his etish
Ko‘krak qafasida diskomfort
Gipotermiya
Laborator va instrumentaltadqiqotlarning natijalariArterial bosimni pasayishi
Arterial bosimni oshishi
Qonda triglitseridlar darajasini oshishi
Elektrokardiogrammada ST segmenti depressiyasi
Eozinofillar sonini pasayishi/oshishi
«Jigar» fermentlari faolligini o‘zgarishi Leykotsitlar sonini oshishi/kamayishi
Eritrotsitlar sonini kamayishi
Protrombin vaqtini qisqarishi
Tana vaznini oshishi
4.9. Dozani oshirib yuborilishi
Dozani oshirib yuborilishi holatlari aniqlanmagan. Adabiyotdan olingan ma'lumotlar asosida vinpotsetinni 60 mg sutkalik dozada uzoq muddat qo‘llanishi xam xavfsiz bo‘lgan. Xatto 360 mg vinpotsetinni bir marta ichga qabul qilish yurak-qon tomir tizimi tomonidan biron-bir klinik ahamiyatli noxush samarani yoki boshqa samarani chaqirmagan.
5. FARMAKOLOGIK XUSUSIYaTLARI
5.1. Farmakodinamik xususiyatlari

Farmakoterapevtik guruhi

Psixostimulyatorlar va nootrop vositalar
ATX kodi N06B X18
Vinpotsetin bosh miyada metabolizmga ijobiy ta'sir ko‘rsatuvchi va uni qon bilan ta'minlanishini yaxshilovchi, shuningdek qonning reologik xususiyatlarini yaxshilovchi kompleks ta'sirga ega bo‘lgan birikmadir.
Vinpotsetin neyroprotektiv samaralarni namoyon etadi preparat rag‘batlantiruvchi aminokislotalar tomonidan chaqirilgan sitotoksik reaktsiyalarning zararli ta'sirini susaytiradi. Preparat potentsialga bog‘liq Na+- va Ca2+-kanallarini, shuningdek NMDA va AMPA retseptorlarini ingibitsiya qiladi. Preparat adenozinning neyroprotektiv samarasini kuchaytiradi.
Vinpotsetin serebral metabolizmni rag‘batlantiradi preparat bosh miya to‘qimasi tomonidan glyukoza va O2 qamrab olinishini va bu moddalarni istemol qilinishini kuchaytiradi. Preparat bosh miyani gipoksiyaga chidamliligini oshiradi; bosh miya uchun juda zarur energiya manbai bo‘lgan – glyukozani – gematoentsefalik to‘siq orqali transportini oshiradi; glyukoza metabolizmini energetik jihatdan tejamli, aerob yo‘lga o‘tkazadi; Sa2+/kalmodulinga bog‘liq ferment sGMF-fosfodiesteraza (FDE) ni tanlab ingibitsiya qiladi; bosh miyada sAMF va sGMF miqdorini oshiradi. Preparat ATF kontsentratsiyasini va ATF/AMF nisbatini oshiradi; bosh miyada noradrenalin va serotonin almanishuvini kuchaytiradi; yuqoriga ko‘tariluvchi noradrenergik tizimni rag‘batlantiradi; antioksidant faollikka ega; yuqorida sanab o‘tilgan barcha ta'sirlari natijasida vinpotsetin serebroprotektiv ta'sir ko‘rsatadi.
Vinpotsetin bosh miyada mikrotsirkulyatsiyani yaxshilaydi preparat trombotsitlar agregatsiyasini ingibitsiya qiladi; qonning patologik oshgan qovushqoqligini pasaytiradi; eritrotsitlarning deformatsion xususiyatini oshiradi va adenozinni qamrab olinishini ingibitsiya qiladi; O2 ni eritrotsitlarga yaqinligini kamaytirish yo‘li bilan to‘qimalarga O2 ni tashilishini yaxshilaydi.
Vinpotsetin bosh miyada qon oqimini selektiv oshiradi preparat yurakdan otilib chiqayotgan qonning serebral fraktsiyasini oshiradi; tizimli qon aylanishining ko‘rsatkichlariga (arterial bosim, yurakdan otilib chiqayotgan qon hajmi, pulsning tez-tezligi, umumiy periferik qon tomir qarshiligiga) ta'sir ko‘rsatmay, bosh miyada qon tomir qarshiligini pasaytiradi; preparat «o‘g‘irlash samarasini» chaqirmaydi. Bundan tashqari, preparatning fonida perfuziyasi past ishemik shikastlangan (lekin hali nekrozga uchramagan) sohalariga qonni kelishi yaxshilanadi («o‘g‘irlash samarasiga teskari ta'sir»).
5.2.

Farmakokinetikasi

So‘rilishi Vinpotsetin tez so‘riladi; plazmadagi maksimal kontsentratsiyasiga peroral qo‘llangandan keyin bir soatdan so‘ng erishiladi. Vinpotsetinni so‘rilishining asosiy joyi me'da-ichak yo‘llarining proksimal bo‘limlari hisoblanadi. Ichak devori orqali o‘tish vaqtida birikma metabolizmga uchramaydi.
Taqsimlanishi preparatni kalamushlarga peroral yuborilib o‘tkazilgan tadqiqotlarda radioaktiv izotop bilan nishonlangan vinpotsetin eng yuqori kontsentratsiyalarda jigarda va me'da-ichak yo‘llarida aniqlangan. To‘qimalardagi maksimal kontsentratsiyasini preparat qo‘llangandan keyin 2-4 soatdan so‘ng aniqlash mumkin bo‘lgan. Bosh miyada radioaktiv nishonning kontsentratsiyasi qondagi kontsentratsiyasidan yuqori bo‘lmagan.
Odam organizmida qon oqsillari bilan bog‘lanishi 66% ni tashkil qiladi. vinpotsetinning mutloq biokiraolishligi peroral qabul qilinganda 7% ni tashkil etadi. Taqsimlanish hajmi 246,7±88,5 l ga teng, bu moddani to‘qimalarda yaxshi bog‘lanishini ko‘rsatadi. Vinpotsetinning plazmadagi klirens ko‘rsatkichi (66,7 l/soat) jigardagi uning ko‘rsatkichi (50 l/soat) dan ortiq, bu birikmaning jigardan
tashqaridagi metabolizmidan dalolat beradi.
Chiqarilishi Preparatni 5 va 10 mg dozalarda ko‘p marta qo‘llanganda vinpotsetin to‘g‘ri chiziqli kinetikani namoyish etadi; plazmadagi muvozanatli kontsentratsiyalari muvofiq ravishda 1,2±0,27 ng/ml va 2,1±0,33 ng/ml ni tashkil etadi. Odamda yarim chiqarilish davri 4,83±1,29 soatni tashkil etadi. Radioaktiv nishonlangan birikmani qo‘llab o‘tkazilgan tadqiqotlarda, chiqarilishining asosiy yo‘li buyrak va ichak orqali 6040% nisbatda amalga oshirilishi aniqlangan. Radioaktiv nishonning katta miqdori kalamushlar va itlarda safroda aniqlangan, lekin jiddiy enterogepatik sirkulyatsiyasi aniqlanmagan. Apovinkamin kislotasi buyrak orqali oddiy buyrak kalavalari filtratsiyasi yo‘li bilan chiqariladi, bu moddaning yarim chiqarilish davri vinpotsetinning dozasi va qo‘llash usuliga qarab o‘zgaradi.
Metabolizmi vinpotsetinning asosiy metaboliti apovinkamin kislotasi (AVK) bo‘lib, u odamlarda 25-30% hosil bo‘ladi. Peroral qo‘llangandan keyin AVK ning egri chiziq ostidagi maydoni («plazmadagi kontsentratsiyasi-vaqt» AUC) ko‘rsatkichi, preparatnivena ichiga yuborilgandan keyingi xuddi shunday ko‘rsatkichga nisbatan 2 marta yuqori bo‘lgan, bu AVK ni, vinpotsetinni tizim oldi metabolizmi jarayonida hosil bo‘lishini ko‘rsatadi. Boshqa aniqlangan metabolitlari gidroksivinpotsetin, gidroksi-AVK, digidroksi-AVK-glitsinati va ularning glyukuronidlar va/yoki sulfatlar bilan kon'yugatlari hisoblanadi. Har qanday o‘rganilgan organizmlarda o‘zgarmagan holda chiqariladigan vinpotsetinning miqdori, preparatning qabul qilingan dozasini faqat bir necha foizini tashkil qilgan.
Vinpotsetinning muhim va ahamiyatli xususiyati - jigar yoki buyrak kasalliklari bo‘lgan patsiyentlarda preparatning metabolizmi va kumulyatsiyasini (to‘planishini) yo‘qligini nazarda tutib, preparatning dozasini maxsus tanlash zaruratini yo‘qligidir.
O‘ziga xos holatlarda farmakokinetik xususiyatlarni o‘zgarishi (masalan, ma'lum bir yosh guruhida, yondosh kasalliklar bo‘lganida) Vinpotsetin dori preparatlarning kinetikasini o‘zgarishlari – so‘rilishini pasayishi, boshqacha taqsimlanishi va metabolizm, chiqarilishini susayishi kuzatiladigan asosan keksa yoshdagi patsiyentlarni davolash uchun qo‘llanilishi tufayli – preparatning kinetikasini baholash bo‘yicha tadqiqotlarni aynan shu yosh guruhida, ayniqsa uzoq muddat davomida qo‘llanganda o‘tkazish lozim. Bunday tadqiqotlarning natijalari keksa odamlarda vinpotsetinning kinetikasi yosh patsiyentlardagi vinpotsetinning kinetikasidan jiddiy farq qilmasligini, bundan tashqari, kumulyatsiyasi yo‘qligini namoyish etdi. Jigar yoki buyrak faoliyatini buzilishida preparatning odatdagi dozalarini qo‘llash mumkin, chunki vinpotsetin bunday patsiyentlarning organizmida to‘planmaydi, bu preparatni uzoq muddat davomida qabul qilish imkonini beradi.
5.3. Preparatning xavfsizligi bo‘yicha klinika oldi ma'lumotlari
Klinika oldi tadqiqotlarining ma'lumotlari preparatning farmakologik xavfsizligini, ko‘p marta qo‘llangandagi toksikligini, genotoksikligini, kantserogen potentsiali va reproduktiv tizimga toksik ta'sirini baholash yuzasidan standart tadqiqotlarning natijalari bo‘yicha odam organizmiga shikastlovchi ta'sirini yo‘qligini ko‘rsatdi.
Toksikologiya
O‘tkir toksiklik Preparatning o‘tkir toksikligini o‘rganish yuzasidan tadqiqotlar sichqonlar, kalamushlar va itlarda o‘tkazilgan. Itlarda peroral o‘rtacha letal dozani (LD50) aniqlashning iloji bo‘lmagan, chunki preparatni tana vazniga 400 mg/kg dozada yuborilgandan keyin hayvonlarda qusish kuzatilgan.
Nimo‘tkir toksiklik Kalamushlarda 14 kun davomida vena ichiga yuborilganda preparatni tana vazniga 8 mg/kg dozada qo‘llash fonida, itlarda esa, preparatni tana vazniga 5 mg/kg dozada 14 kun davomida vena ichiga yuborish fonida toksiklikning xech qanday simptomlari kuzatilmagan. Preparatni yuqoriroq dozalarda yuborilganda so‘lak oqishi, yurak qisqarishlari sonini oshishi va nafasni tezlashishi kuzatilgan. Kalamushlar preparatni xatto tana vazniga 25 mg/kg dozada qo‘llash fonida xam juda yaxshi o‘zlashtirishi aniqlangan.
Surunkali toksiklik Bir yildan ortiq vaqt davomidagi ta'sirida surunkali toksiklikni baholash bo‘yicha tadqiqotlar jarayonida na klinik ma'lumotlar, na laborator tekshirish natijalari patologik siljishlarni aniqlamadi.
Reproduktiv faoliyatga ta'sirini baholash yuzasidan tadqiqotlar Bu tadqiqotlarning natijalariga muvofiq vinpotsetin erkak va urg‘ochi hayvonlarning fertilligiga ta'sir qilmagan. Shuningdek teratogen yoki embriotoksik samaralar ham aniqlanmagan. Ayrim hollarda vinpotsetinning yuqori dozalari qo‘llangan vaqtda asosan yo‘ldoshda qon oqimini oshishi natijasida platsentar qon ketishi va homila tashlash aniqlangan. Homilador urg‘ochi hayvonlarda vinpotsetinning samarasi preparatni vena ichiga yuborilganda ko‘proq darajada namoyon bo‘lgan. Peri- va postnatal toksiklikni baholash yuzasidan tadqiqotlarda keyingi avlodga hech qanday toksik samaralar aniqlanmagan.
6. FARMATSEVTIK MA'LUMOTLAR
6.1. Yordamchi moddalarning ro‘yhati
Magniy stearati; suvsiz kolloid kremniy dioksidi; talk; makkajo‘xori kraxmali; laktoza monogidrati.
6.2. Nomutanosiblik
-
6.3.

Yaroqlilik muddati

5 yil.
6.4. Saqlash
Yorug‘likdan himoyalangan joyda, +15oS dan +30oS gacha haroratda saqlansin.
6.5.

Chiqarilish shakli

va o‘rami
Kavinton 5 mg li tabletkalari 50 tabletka PVX/alyuminiy blisterlarda karton qutida.
Kavinton Forte tabletkalari 30 yoki 90 tabletka rangsiz, tiniq PVX/alyuminiy blisterlarda karton qutida.
6.6. Qo‘llash va utilizatsiya bo‘yicha maxsus ko‘rsatmalar

Maxsus ko‘rsatmalar

yo‘q. Har qanday ishlatilgan preparat yoki ishlatilmagan preparatning o‘rami mahalliy normativ talablarga muvofiq utilizatsiya qilinishi kerak.
Izoh
Berish II guruh
Tibbiy preparat shifokor retsepti bo‘yicha beriladi. (V)
7.QAYD ETISH GUVOHNOMASINING EGASI
«Gedeon Rixter» OAJ (Gedeon Richter Plc.)
H-1103 Budapesht (H-1103 Budapest
Dyomryoi ko‘ch., 19-21Gyömrői út 19-21.
VengriyaHungary)