Konkor Kor 2,5 tabl №30

Preparatning savdo nomi

Konkor Kor
Ta'sir etuvchi modda (XPN) bisoprolol

Dori shakli

plyonka qobiq bilan qoplangan tabletkalar

Tarkibi

Plyonka qobiq bilan qoplangan 1 tabletka quyidagilarni saqlaydi

faol modda

bisoprolol fumarati – 2,5 mg,
yordamchi moddalar kaltsiy gidrofosfati suvsiz – 134,0 mg; mayda kukunli makkajo‘xori kraxmali – 15,0 mg; kolloid kremniy dioksidi suvsiz – 1,5 mg; mikrokristall sellyuloza – 10,0 mg; krospovidon – 5,5 mg; magniy stearati – 1,5 mg, plyonka qobig‘i gipromelloza 2910/15 – 2,20 mg; makrogol 400 – 0,53 mg; dimetikon 100 – 0,11 mg; titan dioksidi (E171) – 1,22 mg.
Ta'rifi plyonka qobiq bilan qoplangan, ikki tomoni riskali, ikki tomonlama qavariq, yuraksimon shakldagi oq rangli tabletkalar.

Farmakoterapevtik guruhi

antigipertenziv vosita (selektiv beta1 – adrenoblokator).
ATX kodi C07AB07.

Farmakologik xususiyatlari

Farmakodinamika

Ta'sir mexanizmi
Bisoprolol na ichki simpatomimetik, na membranobarqarorlashtiruvchi faollikka ega bo‘lmagan, yuqori selektiv β1-adrenoblokator. Bronxlar, tomirlarning silliq mushaklarida joylashgan β2-adrenoretseptorlarga va fermentlar faolligini hujayra ichida tartibga solishga javob beruvchi β2-retseptorlarga nisbatan kam o‘xshashlikka ega. Bundan shu narsa kelib chiqadiki, bisoprolol nafas yo‘llarining qarshiligiga va β2-bog‘liq metabolizm jarayonlariga ta'sir qilmasligi kerak. Bisoprololning β1-adrenoretseptorlarga selektiv o‘xshashlik davolash diapazoni doirasidan tashqarida ham saqlanadi.
Bisoprolol gipertoniya kasalligi va stenokardiyani davolash uchun asosiy preparatlardan biri bo‘lib hisoblanadi.
Surunkali yurak kasalligi belgilari bo‘lmagan, yurak ishemik kasalligi bo‘lgan patsiyentlarda davolash boshlanganida bisoprolol yurak qisqarishlari tez-tezligini, qon oqimi zarbdor hajmini, minut hajmini, va buning oqibatida miokardning kislorodga bo‘lgan ehtiyojini pasaytiradi. Uzoq vaqt davomida davolashda avvaldan yuqori bo‘lgan tomirlarning umumiy periferik qarshiligi pasayadi.

Farmakokinetikasi

So‘rilishi
Bisoprolol ichga qabul qilinganidan keyin deyarli to‘liq me'da-ichak yo‘llarida so‘riladi. Preparatni biokiraolishligi 90% ni tashkil etadi.
Taqsimlanishi
Taqsimlanish hajmi 3,5 l/kg ni tashkil etadi. Bisoprololni taxminan 30% plazma oqsillari bilan bog‘lanadi.
Biotransformatsiyasi va chiqarilishi
Bisoprolol organizmdan ikkita yo‘l orqali chiqariladi 50% jigarda nofaol metabolitlarga aylanadi, ular keyinchalik buyraklar orqali chiqariladi. Qolgan 50% o‘zgarmas shaklda buyraklar orqali chiqariladi. Umumiy klirens taxminan soatiga 15 l ni tashkil etadi. Plazmada 10-12 soatga teng bo‘lgan yarim chiqarilish davri preparatni sutkada bir marta qabul qilingandan keyin 24 soat davom etuvchi ta'sirni ta'minlaydi.
Proportsionalligi
Bisoprolol kinetikasi proportsional xarakterga ega va yoshga bog‘liq emas.
Patsiyentlarning alohida guruhlari
Preparat buyraklar va jigar orqali bir xil darajada chiqarilishi tufayli, jigar faoliyati buzilgan yoki buyrak yetishmovchiligi bo‘lgan patsiyentlar uchun dozaga tuzatish talab qilinmaydi. Stabil surunkali yurak yetishmovchiligi va jigar yoki buyrak yetishmovchiligi bo‘lgan patsiyentlarda preparat farmakokinetikasi o‘rganilmagan.
Surunkali yurak yetishmovchiligi bo‘lgan patsiyentlarda (NYHA bo‘yicha III funktsional sinfi) plazmada bisoprolol darajasi va yarim chiqarilish davri sog‘lom ko‘ngillilarga nisbatan ko‘proq bo‘ladi. Muvozanat holatida plazmada maksimal kontsentratsiyasi 10 mg sutkalik dozada va 17±5 soatga teng yarim chiqarilish davrida 64±21ng/ml ni tashkil etadi.

Qo‘llanilishi

AAF ingibitorlariga, diuretiklarga va fakultativ holda yurak glikozidlariga qo‘shimcha ravishda yurak chap qorinchasini qisqarish faoliyatini pasayishi bilan kechuvchi stabil surunkali yurak yetishmovchiligini davolashda qo‘llaniladi (qo‘shimcha ma'lumotni «

Farmakodinamika

si» bo‘limiga qarang).

Qo‘llash usuli va dozalari

Surunkali yurak yetishmovchiligini standart davolash AAF ingibitori (yoki AAF ingibitori ta'sirini o‘zlashtiraolmaganida angiotenzin retseptorlari blokatori), beta-blokatori, diuretiklar va yurak glikozidlaridan (ular zarur bo‘lgan hollarda) iborat majmuani ichiga oladi. Bisoprolol bilan davolash boshlanishi vaqtida patsiyentlar stabil holatda (o‘tkir yurak yetishmovchiligi belgilarisiz) bo‘lishlari kerak.
Davolovchi shifokor mazkur profildagi patsiyentlar bilan ishlash tajribasiga ega bo‘lishi afzalroq hisoblanadi.
Titrlash fazasi vaqtida ham, undan keyin ham yurak yetishmovchiligi belgilarining vaqtincha kuchayishi, bradikardiya, gipotenziya qayd etilishi mumkin.
Dozalash
Titrlash fazasi
Stabil surunkali yurak yetishmovchiligini davolash titrlash fazasini ichiga olishi kerak. Bisoprolol bilan davolash quyida keltirilgan sxemaga muvofiq dozani bosqichma-bosqich ko‘paytirishdan boshlanishi kerak
• 1,25 mg dan 1 hafta davomida sutkada bir marta qo‘llaganida, preparat yaxshi o‘zlashtirilganda dozasi quyidagicha oshiriladi
• 2,5 mg dan keyingi hafta davomida sutkada bir marta qo‘llanganida preparat yaxshi o‘zlashtirilganda dozasi quyidagicha oshiriladi
• 3,5 mg dan keyingi hafta davomida sutkada bir marta qo‘llanganida preparat yaxshi o‘zlashtirilganda dozasi quyidagicha oshiriladi
• 5 mg dan keyingi 4 hafta davomida sutkada bir marta qo‘llanganida preparat yaxshi o‘zlashtirilganda dozasi quyidagicha oshiriladi
• 7,5 mg dankeyingi 4 hafta davomida sutkada bir marta qo‘llanganida preparat yaxshi o‘zlashtirilganda dozasi quyidagicha oshiriladi
• 10 mg dan sutkada bir marta bir maromda saqlab turuvchidavolash uchun.
Maksimal tavsiya etiladigan doza sutkada bir marta 10 mg ni tashkil etadi.
Titrlash fazasi vaqtida hayotiy muhim ko‘rsatkichlar (yurak qisqarishlari tez-tezligi, arterial qon bosimi) va yurak yetishmovchiligini dekompensatsiyasi holatlari yuzasidan doimiy monitoring o‘tkazilishi zarur. Simptomlar davolash boshlanishi paytidan sutka davomida namoyon bo‘lishi mumkin.
Davolashga tuzatish kiritish
Agar maksimal tavsiya etilgan doza ta'sirini yaxshi o‘zlashtira olinmasa, dozani bosqichma-bosqich kamaytirish imkoniyatini ko‘rib chiqish lozim.
Yurak yetishmovchiligi belgilari vaqtincha kuchayganida, bradikardiya, gipotenziya rivojlanganida birgalikda qo‘llanuvchi medikamentlar dozalarini qayta ko‘rib chiqish tavsiya etiladi. Shuningdek dozani vaqtincha kamaytirish yoki bisoprolol qo‘llanilishini to‘liq bekor qilish talab qilinishi mumkin.
Patsiyentning ahvoli yana stabil holatga kelganida davolashni qayta boshlash va/yoki bisoprolol dozasini oshirish imkonini doimo ko‘rib chiqish lozim. Preparat qo‘llanilishini bekor qilish zarurati bo‘lganida dozani bosqichma-bosqich pasaytirish tavsiya etiladi, chunki davolashni birdaniga to‘xtatish patsiyent holatini keskin yomonlashishiga olib kelishi mumkin.
Stabil surunkali yurak yetishmovchiligini bisoprolol bilan davolash odatda uzoq davom etadi.
Buyrak yoki jigar faoliyatini buzilishi bo‘lgan patsiyentlar
Hozirgi vaqtda surunkali yurak yetishmovchiligi va bir vaqtda jigar yoki buyrak faoliyatini buzilishi bo‘lgan patsiyentlarda bisoprolol farmakokinetikasi haqida ma'lumot yo‘q. Shu sababli bunday bemorlarda dozani ko‘paytirish o‘ta ehtiyotkorlik bilan amalga oshirilishi kerak.
Keksa yoshdagi patsiyentlar
Dozaga tuzatish kiritish talab qilinmaydi.
Bolalar
Preparatni pediatriyada qo‘llash tajribasi mavjud emas, shu sababli uni bolalarga buyurish tavsiya etilmaydi.
Qo‘llash usuli
Bisoprololni ovqatlanishdan qat'iy nazar ertalab qabul qilish tavsiya etiladi. Tabletkani chaynamasdan suv bilan yutish lozim.
Nojo‘ya ta'sirlari
Quyida keltirilgan nojo‘ya reaktsiyalarning tez-tezligi quyidagi mezonlarga muvofiq aniqlangan
Juda tez-tez ( 1/10)
Tez-tez ( 1/100, < 1/10)
Tez-tez emas ( 1/1000, < 1/100)
Kam hollarda ( 1/10000, < 1/1000)
Juda kam hollarda (< 1/10000)
Tez-tezligi noma'lum (mavjud ma'lumotlar asosida aniqlanishi mumkin emas).
Yurak-qon tomir tizimi tomonidan reaktsiyalari
Juda tez-tez bradikardiya.
Tez-tez yurak yetishmovchiligi belgilarini kuchayishi.
Tez-tez emas atrioventrikulyar o‘tkazuvchanlikni sekinlashishi.
Laboratoriya ko‘rsatkichlarini o‘zgarishi
Kam hollarda jigar fermentlari (AlAT, AsAT) darajasini oshishi, triglitseridlar darajasini oshishi.
Nevrologik buzilishlar
Tez-tez bosh aylanishi, bosh og‘rig‘i.
Kam hollarda hushdan ketish.
Ko‘rish a'zosi tomonidan buzilishlar
Kam hollarda yosh ajralishini kamayishi (ushbu faktni patsiyent kontakt linzalarini taqqan hollarda e'tiborga olish lozim).
Juda kam hollarda kon'yunktivit.
Eshitish a'zosi va muvozanatni buzilishi tomonidan buzilishlar
Kam hollarda eshitish qobiliyatini buzilishi.
Nafas olish tizimi va ko‘krak bo‘shlig‘ining boshqa a'zolari (ko‘ks oralig‘i) tomonidan buzilishlar
Tez-tez emas bronxial astmasi yoki anamnezda O‘SOK bo‘lgan patsiyentlarda bronxospazm.
Kam hollarda allergik rinit.
Me'da-ichak yo‘llari tomonidan buzilishlar
Tez-tez ko‘ngil aynishi, qusish, diareya, qabziyatga shikoyatlar.
Teri va teri osti to‘qimalari tomonidan buzilishlar
Kam hollarda yuqori sezuvchanlik reaktsiyalari (qichishish, giperemiya, toshma).
Juda kam hollarda alopetsiya. Beta-blokatorlar psoriaz rivojlanishini mexanizmini keltirib chiqarishi, mavjud kasallikning zo‘rayishini qo‘zg‘atishi yoki psoriazga o‘xshash toshmalarni keltirib chiqarishi mumkin.
Tayanch-harakatlanish apparati va biriktiruvchi to‘qimalar tomonidan buzilishlar
Tez-tez emas mushak zaifligi, mushak spazmlari.
Tomirlar tomonidan buzilishlar
Tez-tez qo‘l-oyoqlarda sovuqlikni sezish va ularni uvishishi, gipotenziya.
Tez-tez emas ortostatik gipotenziya.
Umumiy holatni buzilishlari
Tez-tez zaiflik, charchoq.
Gepatobiliar tizim tomonidan buzilishlar
Kam hollarda gepatit.
Reproduktiv tizim va ko‘krak bezi tomonidan buzilishlar
Kam hollarda erkaklarda jinsiy faoliyatni buzilishi.
Ruhiy buzilishlar
Tez-tez emas uyquni buzilishi, depressiya.
Kam hollarda dahshatli tushlar, gallyutsinatsiyalar.

Qo‘llash mumkin bo‘lmagan holatlar

Bisoprololni surunkali yurak yetishmovchiligi bo‘lgan patsiyentlarga quyidagi yondosh holatlar bo‘lganda qo‘llash mumkin emas
• o‘tkir yurak yetishmovchiligida yoki inotroplarni vena ichiga yuborishni talab qiladigan surunkali yurak yetishmovchiligini dekompensatsiya qilish epizodlari davomida;
• kardiogen shok;
• 2 yoki 3 darajadagi atrioventrikulyar blokada;
• sinus tuguni zaifligi sindromi;
• sinus-yurak bo‘lmachasi blokadasi;
• simptomatik bradikardiya;
• simptomatik gipotenziya;
• bronxial astmaning og‘ir shakli;
• periferik arteriyalar okklyuziv kasalliklarining og‘ir shakllarida yoki Reyno sindromining og‘ir shakllari;
• davolanmagan feoxromotsitomada («

Maxsus ko‘rsatmalar

» bo‘limiga qarang);
• metabolik atsidoz;
• bisoprololga yoki «

Tarkibi

» bo‘limida sanab o‘tilgan preparatning har qanday yordamchi moddalariga yuqori sezuvchanlik.
Dorilarning o‘zaro ta'siri
Tavsiya etilmaydigan kombinatsiyalar
Verapamil guruhidagi kaltsiy kanallari blokatorlari va, kam darajada, diltiazem guruhidagi blokatorlari bilan ularni miokard qisqarishiga va atrioventrikulyar o‘tkazuvchanlikka salbiy ta'siri oqibatida birga qo‘llash tavsiya etilmaydi. Verapamilni vena ichiga yuborish beta-blokatorlar bilan davolanayotgan patsiyentlarda yaqqol ifodalangan arterial gipotenziyani va atrioventrikulyar blokadani keltirib chiqarishi mumkin.
I sinf antiaritmik preparatlar (masalan, xinidin, dizopiramid, lidokain, fenitoin, flekainid, propafenon) bilan ularning atrioventrikulyar o‘tkazuvchanlikka salbiy ta'sirni kuchaytirishi va salbiy inotrop ta'sirni kuchayishi oqibatida birga qo‘llash tavsiya etilmaydi.
Klonidin va boshqalar (masalan, metildopa, moksonidin, rilmenidin) kabi markaziy ta'sir etuvchi antigipertenziv preparatlar bilan birga qo‘llash tavsiya etilmaydi. Ushbu preparatlardan foydalangan holda kombinatsiyalangan davolash markaziy simpatik tonusining pasayishi (puls tez-tezligini kamayishi, yurakda qon chiqarib tashlashlarni pasayishi, vazodilatatsiya) tufayli yurak yetishmovchiligini rivojlanishiga olib kelishi mumkin.
Markaziy ta'sir etuvchi gipotenziv preparatlarni qo‘llanilishini birdaniga, ayniqsa beta-blokatorni qabul qilish to‘xtatilishiga qadar bekor qilishreflektorli gipertenziyani rivojlanishi xavfini oshirishi mumkin.
Ehtiyotkorlik bilan qo‘llashni talab qiladigan kombinatsiyalar
Digidropiridinlar sinfidagi kaltsiy kanallari blokatorlari (masalan, felodipin yoki amlodipin) bilan bir vaqtda qo‘llash gipotenziya xavfini oshiradi. Shuningdek yurak yetishmovchiligi bo‘lgan patsiyentlarda miokardning qisqarish faoliyatini pasayishi ehtimolini to‘liq istisno etib bo‘lmaydi.
3 sinf antiaritmik preparatlar (masalan, amiodaron) bilan birga qo‘llash atrioventrikulyar o‘tkazuvchanlikka salbiy ta'sirni kuchaytirishi mumkin.
Mahalliy qo‘llash uchun beta-blokatorlar (masalan, glaukomani davolash uchun ko‘z tomchilari) bilan birga qo‘llash bisoprololning tizimli ta'sirini kuchaytirishi mumkin.
Parasimpatomimetiklar bilan bir vaqtda qo‘llash atrioventrikulyar o‘tkazuvchanlikni sekinlashtirishni keltirib chiqarishi va bradikardiya xavfini oshirishi mumkin.
Insulin va qand miqdorini pasaytiruvchi peroral preparatlar bilan birga qo‘llashda gipoglikemik ta'sir kuchayadi. Beta-adrenoretseptorlarni blokada qilish gipoglikemiya simptomlarini yashirishi mumkin.
Anestetiklar bilan birga qo‘llashda reflektorli taxikardiyani ifodalanishi kamayadi va gipotenziya xavfi oshadi (umumiy anesteziyaga taalluqli ma'lumot «

Maxsus ko‘rsatmalar

» bo‘limida keltirilgan).
Digitalis preparatlari bilan birga qo‘llashda yurak qisqarishlari tez-tezligi pasayadi va atrioventrikulyar o‘tkazuvchanlik sekinlashadi.
Nosteroid yallig‘lanishga qarshi preparatlar (NYaQP) bilan birga qo‘llashda gipotenziv ta'sirni ifodalanishi pasayadi.
Beta-agonistlar (izoprenalin, dobutamin va boshqalar) bilan birga qo‘llashda davolash samarasini o‘zaro susayishigaolib kelishi mumkin.
α- va β-adrenoretseptorlarni faollashtiruvchi simpatomimetiklar (adrenalin, noradrenalin) bilan birga qo‘llashda arterial qon bosimi oshishi xavfi va qoldiq α-adrenomimetik faollik hisobiga o‘zgaruvchan cho‘loqlikni namoyon bo‘lishi kuchayishi mumkin. Bunday o‘zaro ta'sirlar noselektiv beta-blokatorlarga ko‘pincha xos bo‘ladi.
Antigipertenziv preparatlar va arterial bosimni pasaytirishga qodir bo‘lgan boshqa dori vositalari (tritsiklik antidepressantlar, barbituratlar, fenotiazinlar) bilan birga qo‘llashda gipotenziyaning xavfi yuqori bo‘ladi.
Boshqa mumkin bo‘lgan kombinatsiyalar
Mefloxin bilan qo‘llanganda bradikardiya rivojlanishi ehtimoli yuqori bo‘ladi.
Monoaminooksidaza (MAO) ingibitorlari (MAO-V ingibitorlaridan tashqari) bilan qo‘llanganda beta-blokatorning gipotenziv ta'siri kuchayadi, biroq gipertonik kriz rivojlanishi xavfi ham mavjud.

Maxsus ko‘rsatmalar

Stabil surunkali yurak yetishmovchiligini bisoprolol bilan davolashni maxsus titrlash fazasidan boshlash lozim.
Xususan, yurak ishemik kasalligi bo‘lgan patsiyentlarda, agar aniq ko‘rsatmalar bo‘lmasa, davolashni birdaniga to‘xtatish mumkin emas, chunki bu yurak holatining vaqtincha yomonlashishiga olib kelishi mumkin.
Bisoprolol bilan davolashni boshlanishi va to‘xtatilishi muntazam monitoring olib borishni talab qiladi.
Hozirgi vaqtda quyidagi kasalliklari va patologik holatlari bo‘lgan patsiyentlarda surunkali yurak yetishmovchiligini davolash tajribasi yo‘q
• insulinga bog‘liq qandli diabet (I tipdagi diabet);
• yaqqol ifodalangan buyrak yetishmovchiligi;
• yaqqol ifodalangan jigar yetishmovchiligi;
• restriktiv kardiomiopatiya;
• yurakning tug‘ma nuqsonlari;
• yurakning gemodinamik ahamiyatli orttirilgan klapan nuqsonlari;
• avvalgi 3 oy ichida miokard infarkti.
Bisoprololni quyidagi vaziyatlarda ehtiyotkorlik bilan qo‘llash lozim
• bronxospazm (bronxial astma yoki o‘pkaning surunkali obstruktiv kasalligida);
• qonda glyukoza darajasi keskin o‘zgarishlari bilan kechadigan qandli diabet. Gipoglikemiya simptomlari yashirin bo‘lishi mumkin;
• qat'iy ochlik;
• odatdagi desensibilizatsiyalovchi davolash. Boshqa beta-blokatorlar singari bisoprolol allergenlarga sezuvchanlikni oshirishi va anafilaksiya namoyon bo‘lishini kuchaytirishi mumkin. Adrenalin bunday hollarda har doim ham kerakli samaraga olib kelmaydi;
• 1-darajali atrioventrikulyar blokada;
• Printsmetal stenokardiyasi;
• periferik arteriyalarning okklyuzion kasalliklari. Simptomlar, ayniqsa davolash boshlanishida, zo‘rayishi mumkin;
• umumiy anesteziya.
Umumiy anesteziya holatida bo‘lgan patsiyentlarda beta-blokatorlar narkozga kiritish, intubatsiya vaqtida va operatsiyadan keyingi davrda aritmiya va miokard ishemiyasi xavfini pasaytiradi. Hozirgi vaqtda berilayotgan tavsiyalarga ko‘ra beta-blokatorlar bilan davolashni perioperatsiya davrida davom ettirish lozim. Agar patsiyent beta-blokatorlarni qabul qilayotgan bo‘lsa, anesteziolog bundan xabardor bo‘lishi kerak, chunki bu boshqa dori preparatlari bilan potentsial xavfli o‘zaro ta'sirlariga, bradiaritmiyaga, reflektorli taxikardiyaning va qon yo‘qotilishini kompensatsiya qilishga qaratilgan boshqa simptomatik reaktsiyalarning kuchsizlanishiga olib kelishi mumkin. Agar operatsiyadan oldin beta-blokator qo‘llanilishini bekor qilish zarur bo‘lsa, u holda buni anesteziya o‘tkazilishiga qadar 48 soat oldin preparat qo‘llanilishini to‘liq bekor qilgan holda dozani bosqichma-bosqich kamaytirish yo‘li bilan amalga oshirish lozim.
Umuman olganda bisoprololni kaltsiy kanallari blokatorlari, I sinf antiaritmik preparatlari yoki markaziy ta'sir etuvchi gipotenziv preparatlari bilan birgalikda buyurilishi tavsiya etilmaydi. Aniq ma'lumotlar «Dorilarning o‘zaro ta'siri» bo‘limida keltirilgan.
Garchand kardioselektiv (beta1) beta-blokatorlar noselektivlariga nisbatan o‘pka faoliyatiga kam darajada ta'sir ko‘rsatsa-da, barcha boshqa beta-blokatorlar singari, agar ularni qo‘llash uchun ishonarli klinik asoslar bo‘lmasa, ular nafas yo‘llarining obstruktiv kasalligi bo‘lgan patsiyentlarga buyurilishi kerak emas. Bunday asoslar mavjud bo‘lganida, Emkonkor CHF preparatini ehtiyotkorlik bilan qo‘llash mumkin. Nafas yo‘llarining obstruktiv kasalliklari bo‘lgan patsiyentlarda bisoprolol bilan davolash eng past bo‘lgan dozadan foydalanishdan boshlanishi kerak. Shuningdek yangi paydo bo‘lgan simptomlarni (masalan, hansirash, yo‘tal, zo‘riqishlarni o‘zlatiraolmaslik) sinchkov nazorat olib borilishi kerak. Bronxial astmada yoki obstruktsiya simptomlari bo‘lgan o‘pkaning boshqa surunkali obstruktiv kasalligida bronxodilyatatorlar bilan bir vaqtda davolash buyurilishi kerak. Gohida bronxial astmali bemorlarda preparatni qabul qilish fonida havo yo‘llari tonusi oshishi tufayli β2-agonistlarga ehtiyoj oshishi mumkin.
Faol fazada bo‘lgan psoriazli yoki o‘tmishda ushbu kasallik epizodlari bo‘lgan patsiyentlarda beta-blokatorlar faqat, agar davolashdan keladigan foyda ehtimol qilinadigan salbiy oqibatlardan ustun bo‘lsa, buyurilishi lozim.
Feoxromotsitomali patsiyentlar bisoprololni faqat alfa-adrenoblokator buyurilganidan keyin qabul qilishlari mumkin.
Bisoprolol tireotoksikoz simptomlarini yashirishga qodir.
Homiladorlik va laktatsiya davrida qo‘llanilishi
Preparatni homiladorlik davrida qabul qilish
Bisoprololning farmakologik ta'sirlari homiladorlikni kechishiga, homilani va/yoki yangi tug‘ilgan chaqaloqni rivojlanishiga salbiy ta'sir ko‘rsatishi mumkin. Umuman, beta-blokatorlar yo‘ldoshda qon oqimini pasaytiradi, bu homilani ona qornida rivojlanishini kechikishiga, homilani nobud bo‘lishiga, bola tashlashga yoki muddatidan ilgari tug‘ruqqa olib kelishi mumkin. Homilada va yangi tug‘ilgan chaqaloqda gipoglikemiya va bradikardiya kabi nojo‘ya reaktsiyalar qayd etilishi mumkin. Agar beta-blokatorlar bilan davolash zarur bo‘lsa, u holda β1-selektiv preparatlardan foydalanish afzalroq bo‘ladi.
Bisoprololni homiladorlik davrida aniq ko‘rsatmalarsiz buyurish kerak emas. Bisoprolol bilan davolash zarur bo‘lganida, bachadon-yo‘ldosh qon oqimini va homilani rivojlanishini doimiy monitoringini olib borish majburiy shart hisoblanadi. Preparatning homiladorlikni kechishiga yoki homilaga salbiy ta'siri belgilari aniqlanganida davolashning muqobil variantlarini ko‘rib chiqish lozim. Onasi bisoprololni qabul qilgan yangi tug‘ilgan chaqaloqlarni sinchkovlik bilan nazorat qilish lozim. Gipoglikemiya va bradikardiya simptomlari, odatda, hayotning dastlabki uch kunida kuzatiladi.
Emizish
Hozirgi vaqtda bisoprolol ona sutiga singib o‘tishga qodirligi hali noma'lum. Shu sababli, preparat bilan davolash vaqtida emizish tavsiya etilmaydi.
Avtomobilni boshqarish va murakkab mexanizmlar bilan ishlash qobiliyatiga ta'siri
Yurak ishemik kasalligi bo‘lgan patsiyentlar ishtirokida o‘tkazilgan tadqiqotda transport vositalarini boshqarish samaradorligiga bisoprololni salbiy ta'siri fakti aniqlanmagan. Biroq, preparatga nisbatan reaktsiyalar xilma-xilligini e'tiborga olgan holda transport vositalarini boshqarish yoki boshqa mexanizmlar bilan ishlash qobiliyati buzilishi mumkin. Bunga ayniqsa davolash boshlanishida, boshqa preparatga o‘tish vaqtida, shuningdek bisoprololni qabul qilish fonida spirtli ichimliklar iste'mol qilinganida e'tibor qaratish lozim.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Simptomlari
Doza oshirib yuborilganida (masalan, 7,5 mg o‘rniga 15 mg ga teng sutkalik dozani qabul qilish natajasida) 3 darajali atrioventrikulyar blokada rivojlanishi, bradikardiya va bosh aylanishi hollari qayd etilgan. Beta-blokatorlar dozasi oshirib yuborilganida kutilishi mumkin bo‘lgan eng ko‘p uchraydigan simptomlar bradikardiya, arterial bosimni pasayishi, bronxospazm, o‘tkir yurak yetishmovchiligi va gipoglikemiya. Hozirgi vaqtda gipertoniya va/yoki yurak ishemik kasalligi bo‘lgan patsiyentlarda dozani (maksimal doza 2000 mg) oshirib yuborilishining bir nechta hollari ma'lum. Mazkur patsiyentlarda bradikardiya va gipotenziya xarakterli simptomlar bo‘lgan. Barcha patsiyentlar sog‘liq uchun biror-bir oqibatlarsiz intoksikatsiyani kechirgan. Bisoprololning yuqori bir martalik dozalariga sezuvchanlikda sezilarli darajada individual farqlar mavjud bo‘lib, yurak yetishmovchiligi bo‘lgan patsiyentlar ehtimol yuqoriroq sezuvchanlikka ega. Shu sababli bunday bemorlarni davolashni qo‘llash usuli va dozalari bo‘limida keltirilgan sxemaga muvofiq dozani bosqichma-bosqich oshirish yo‘li bilan boshlash zarur.
Davolash
Doza oshirib yuborilganida eng avvalo preparatni qabul qilish to‘xtatilishi va bir maromda saqlab turuvchi simptomatik davolashni ta'minlash zarur. O‘ta kam sonli ma'lumotlardan kelib chiqqan holda bisoprololni plazmadan dializ yordamida deyarli chiqarish mumkin bo‘lmaydi. Preparatning ma'lum farmakologik ta'sirlarini va boshqa beta-blokatorlar uchun tavsiyalarni inobatga olgan holda klinik ko‘rsatmalar mavjud bo‘lganida dozani oshirib yuborilishini davolashning quyidagi umumiy choralari tavsiya etilgan.
Bradikardiya atropinni vena ichiga yuboriladi. Agar ta'sir yetarlicha bo‘lmasa, izoprenalinni yoki ijobiy xronotrop ta'sirga ega boshqa agentni ehtiyotkorlik bilan yuborish mumkin. Ayrim hollarda vena orqali vaqtincha kateterli kardiostimulyatsiya talab qilinishi mumkin.
Gipotenziya plazmani o‘rnini bosuvchi eritmalarni vena ichiga yuborish va vazopressorlarni buyurish amalga oshiriladi. Shuningdek glyukagonni vena ichiga yuborish samarali bo‘lishi mumkin.
Atrioventrikulyar (AV) blokadada (II va III darajali) patsiyentlar doimiy kuzatuv ostida bo‘lishi va vena ichiga izoprenalinni olishlari kerak. Zarurat bo‘lganida vaqtincha ritmni boshqaruvchiimplantatsiya qilish lozim.
Surunkali yurak yetishmovchiligi zo‘rayishi diuretiklar, ijobiy inotrop ta'sirga ega preparatlarni, shuningdek vazodilyatatorlarni vena ichiga yuboriladi.
Bronxospazm izoprenalin, β2-agonistlar va/yoki aminofillin kabi bronxodilyatatorlarni buyuriladi.
Gipoglikemiya glyukozani vena ichiga yuboriladi.

Chiqarilish shakli

Plyonka qobiq bilan qoplangan 2,5 mg li tabletkalar.
30 tabletkadan alyuminiyli folga va PVX dan tayyorlangan blisterda; 1 blister qo‘llash bo‘yicha yo‘riqnoma bilan birga karton qutiga joylangan.
Saqlash sharoitlari
25°C dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Retsept bo‘yicha

Ishlab chiqaruvchi

Merk KGaA, Germaniya
Frankfurter Shtrasse 250, 64293 Darmshtadt, Germaniya.
Merck KGaA, Germany
Frankfurter Strasse 250, 64293 Darmastadt, Germany.