Mezaton amp. in'ektsiya uchun eritma 10mg/ml 1ml №10

Preparatning savdo nomi

Mezaton
Ta'sir etuvchi modda (XPN) fenilefrin gidroxloridi

Dori shakli

in'ektsiya uchun eritma

Tarkibi

1 ml eritma quyidagilarni saqlaydi
faol modda 10 mg fenilefrin gidroxloridi;
yordamchi moddalar glitserin, in'ektsiya uchun suv.
Ta'rifi tiniq, rangsiz suyuqlik.

Farmakoterapevtik guruhi

adrenergik va dopaminergik preparatlar.
ATX kodi S01C A06.

Farmakologik xususiyatlari

Farmakodinamika

si
Mezaton – α1-adrenomimetik, yurakning β-adrenoretseptorlariga biroz ta'sir qiladi. Katexolamin bo‘lib hisoblanmaydi, chunki aromatik yadroda faqat bir gidroksil guruhini saqlaydi. Arteriolalarni torayishini va arterial bosimni oshishi (mumkin bo‘lgan refrektor bradikardiya bilan) chaqiradi. Norepinefrin va epinefrin bilan solishtirilganda, arterial bosimni kamroq darajada keskin oshiradi, ammo davomli ta'sir qiladi, chunki katexol-ο-metiltransferaza ta'siriga kamroq moyil. Qonning minutlik hajmini oshishiga ta'sir ko‘rsatmaydi. Ta'siri yuborilgandan keyin darhol boshlanadi va vena ichiga yuborilganidan keyin 5-20 minut davomida davom etadi. Teri ostiga yuborilganida ta'siri 50 minutgacha davom etadi. Mushak ichiga yuborilganda 1-2 soatgacha davom etadi.

Farmakokinetikasi

Mushak ichiga yuborilganidan keyin tizimli qon oqimiga tez so‘riladi. Qon plazmasi oqsillari bilan bog‘lanishi past. Jigarda deyarli to‘liq metabolizmga uchraydi. Buyraklar orqali metabolitlari holida chiqariladi.

Qo‘llanilishi

Arterial gipotenziya.
Shok (jarohat, toksik).
Vazodilatatorlarning dozasi oshirib yuborilganida yurak yetishmovchiligi.
Mahalliy anesteziya o‘tkazishda vazokonstriktor sifatida qo‘llaniladi.

Qo‘llash usuli va dozalari

Preparat kattalarga vena ichiga, mushak ichiga va teri ostiga qo‘llanadi. Kollapsda preparat vena ichiga yuborilganida bir martalik doza – 1% li eritmaning 0,1-0,3-0,5 ml ni tashkil etadi. Vena ichiga bir martalik doza 5% li glyukoza eritmasi yoki 0,9% li natriy xloridi eritmasining 20 ml da suyultiriladi, sekin oqim bilan yuboriladi. Zarurati bo‘lganida takroran yuboriladi.
Preparatni vena ichiga tomchilab yuborishga ruxsat etiladi, buning uchun 1 ml 1% Mezaton eritmasi 5% li glyukoza eritmasining 250-500 ml da suyultiriladi.
Mushak ichiga va teri ostiga yuborilganida kattalar uchun bir martalik doza 1% li eritmaning 0,3-1 ml ni tashkil qiladi.
Mahalliy anesteziyada 1% li eritma 0,3-0,5 ml dan 10 ml anestetik eritmasiga qo‘shiladi.
Preparatning davomli infuziyasidan keyingi “bekor qilish” sindromini bartaraf qilish uchun (preparatni bekor qilinishiga javoban arterial bosimni takror pasayishi) dozani sekin-asta kamaytirish kerak.
Agar sistolik arterial bosimi 70-80 ml sim. ust. gacha pasaysa, infuziya qayta boshlanadi.
Kattalar uchun mushak ichiga va teri ostiga yuborilganidagi yuqori dozalari bir martalik – 10 mg, sutkalik – 50 mg. Vena ichiga yuborilganidagi yuqori dozalari bir martalik – 5 mg, sutkalik – 25 mg ni tashkil etadi.
Nojo‘ya ta'sirlari
Yurak-qon tomir tizimi tomonidan stenokardiya xurujlari, bradikardiya, arterial bosimni oshishi yoki pasayishi, taxikardiya, yurak qorinchalari aritmiyasi (ayniqsa yuqori dozalarda qo‘llanganida), yurak urishini kuchayishi.
Nerv tizimi tomonidan bosh og‘rig‘i, ta'sirchanlik, harakat bezovtaligi, bosh aylanishi, qo‘rquv hissi, bezovtalik, holsizlik, yuz terisini oqarishi, tremor, tirishishlar, bosh miyaga qon quyilishi.
Ovqat hazm qilish tizimi tomonidan ko‘ngil aynishi.
Nafas tizimi tomonidan dispnoe.
Allergik reaktsiyalar teri toshmalari, qichishish.
Ko‘rish a'zolari tomonidan ko‘zlarda og‘riq, kon'yuktivani qizarishi, qovoqlar tomonidan allergik reaktsiyalar, midriaz.
Siydik-chiqarish tizimi tomonidan siyishni buzilishi, siydikni tutilishi.
Boshqalar ko‘p terlash, gipersalivatsiya, oyoq-qo‘llarda sanchiq va sovuq qotish hissi, oqib kelishlar, giperglikemiya.
Preparat qitiqlovchi ta'sir ko‘rsatadi, yuborish joyida o‘zgarishlar, nekroz bo‘lishi mumkin.

Qo‘llash mumkin bo‘lmagan holatlar

Preparatning komponentlariga o‘ta yuqori sezuvchanlik. Arterial gipertenziyaning hamma turlari, kardioskleroz, galotan yoki siklopropan ishlatilgan narkoz, gipertrofik kardiomiopatiya, feoxromatsitoma, yurak qorinchalarining fibrillyatsiyasi, qon tomirlarining okklyuzion kasalliklari arterial tromboemboliya, arteroskleroz, obliteratsiyalovchi trombangiit (Byurger kasalligi), Reyno kasalligi, sovuq urishda qon tomirlarini spazmlarga moyilligi, diabetik endarteriit, tireotoksikoz, taxiaritmiya, metabolik atsidoz, giperkapniya, gipoksiya, yopiq burchakli glaukoma, aortani boshlanish qismining og‘ir stenozi, o‘tkir miokard infarkti, porfiriya, glyukoza-6-fosfatdegidrogenaza tanqisligi, qandli diabetida qo‘llash mumkin emas. Siydik tutilishini yuqori xavfi mavjud bo‘lgan prostata bezi kasalliklari bo‘lgan patsiyentlar. MAO ingibitorlari bilan bir vaqtda qabul qilish va ularni qabul qilish to‘xtatilganidan keyin 14 kun davomida. Keksa yoshdagi patsiyentlarda qo‘llash mumkin emas.
Dorilarning o‘zaro ta'siri
Diuretiklarning va gipotenziv dori vositalarining gipotenziv samarasini pasaytiradi. Neyroleptiklar, fenotiazin hosilalari preparatning gipertenziv samarasini pasaytiradi. MAO ingibitorlari, oksitotsin, shoxkuya alkaloidlari, tritsiklik antidepressantlar, metilfenidat, adrenomimetiklar Mezatonning pressor samarasini va aritmogenligini kuchaytiradi.
β-adrenoblokatorlar preparatning kardiostimulyatsiya qiluvchi faolligini kamaytiradi. Preparatni rezerpinni avvalgi qabul qilish fonida qo‘llash, adrenergik nerv oxirlarida katexolaminlarning zahirasini kamayishi va adrenomimetiklarga yuqori sezuvchanlik oqibatida gipertonik krizni rivojlanishini chaqirishi mumkin. Ingalyatsion anestetiklar (shu jumladan xloroform, enfluran, galaton, izofluron, metoksifluran) yurak bo‘lmachalari va qorinchalari og‘ir aritmiyalarini paydo bo‘lishi xavfini oshiradi, chunki miokardning simpatomimetiklarga bo‘lgan sezuvchanligini keskin oshiradi. Ergometran, ergotamin, metilergometrin, oksitotsin, doksapram vazokonstriktor samaraning yaqqolligini oshiradi. Nitratlarning antianginal samarasini pasaytiradi, ular o‘z navbatida Mezatonning pressor samarasini pasaytirishi va arterial gipotenziyani (kerakli terapevtik samaraga erishishga qarab bir vaqtda qo‘llashga yo‘l qo‘yiladi) paydo bo‘lish xavfini kamaytirishi mumkin. Tireoid gormonlar preparatning samaradorligini (o‘zaro) va ular bilan bog‘liq bo‘lgan koronar yetishmovchiligining (ayniqsa koronar arterosklerozda) paydo bo‘lishi xavfini oshiradi.
Mezatonni tug‘ruq vaqtida arterial gipotenziyani muvofiqlashtirish uchun tug‘ruq faoliyatini rag‘batlantiruvchi vositalarni (vazopressin, ergometrin, metilergometrin) qo‘llash fonida qo‘llash, tug‘ruq davridan keyingi davrida arterial bosimni turg‘un oshishiga sabab bo‘lishi mumkin.
Nomutanosibligi.
Preparatni boshqa dori vositalari bilan bir idishda aralashtirish maqsadga muvofiq emas.

Maxsus ko‘rsatmalar

Shok holatlarini davolashni boshlashdan oldin yoki davolash vaqtida albatta gipovalemiyani, gipoksiyani, atsidozni va giperkapniyani muvofiqlashtirish kerak.
Preparat bo‘lmachalar fibrillyatsiyasi, kichik qon aylanishi doirasidagi arterial gipertenziya, gipovalemiya, yurak qorinchalari aritmiyasi bo‘lganida ehtiyotkorlik bilan qo‘llanadi.
Davolanish davrida EKG ni, arterial bosimni, qonning minutlik hajmini, oyoq-qo‘llardagi qon aylanishini va in'ektsiya joyini nazorat qilish kerak. Arterial gipertenziyasi bo‘lgan bemorlarda medikamentoz kollaps holida sistolik arterial bosimini odatdagidan 30-40 mm sim. ust. past darajada tutib turish yetarlidir.
Homiladorlik va emizish davrida qo‘llanishi.
Preparatni homiladorlik yoki emizish davrida qo‘llash mumkin emas. Preparatni qo‘llashning zarurati bo‘lganida emizishni to‘xtatish kerak.
Bolalar. Preparat bolalarda qo‘llanmaydi.
Avtotransportni boshqarish yoki boshqa mexanizmlar bilan ishlashda reaktsiya tezligiga ta'sir etish xususiyati
Preparat qo‘llanganida avtotransportni boshqarish va boshqa xavfli mexanizmlar bilan ishlash mumkin emas.
Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Dozani oshirib yuborilishi

Simptomlari yurak qorinchalari ekstrasistoliyasi, qorinchalar taxikardiyasining paroksizmlari, bosh yoki oyoq-qo‘llarda og‘irlik hissi, arterial bosimni haddan ziyod oshishi.
Davolash vena ichiga qisqa ta'sirli α-adrenoblokatorlar (fentolamin) yuboriladi. Yurak ritmini buzilishida β-adrenoblokatorlar (propranolol) yuboriladi.

Chiqarilish shakli

1 ml dan ampulalarda, 10 ampuladan qutida; 5 ampuladan blisterda, 2 blisterdan qutida; 10 ampuladan blisterda, 1 blisterdan qutida.

Saqlash sharoiti

Original o‘ramida, 25oS dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Retsept bo‘yicha.

Ishlab chiqaruvchi

.
«Farmatsevticheskaya kompaniya «Zdorovye» MChJ
Qayd etish guvohnomasi berilgan yuridik shaxsning nomi
«Opitniy zavod «GNTSLS» MChJ
Manzili
Ukraina,61013, Xarkov sh., Shevchenko ko‘ch., 22
(«Farmatsevticheskaya kompaniya «Zdorovye» MChJ)
Ukraina, 61057, Xarkov sh., Vorobyev ko‘ch., 8.
(«Opitniy zavod «GNTSLS» MChJ)