Grammidin mahalliy qo‘llash uchun dozalangan sprey 0,06mg-1 mg/doza 112 doza dan

Preparatning savdo nomi

Grammidin
Ta'sir etuvchi moddalar (XPN) Gramitsidin C + setilpiridiniy xloridi

Dori shakli

Mahalliy qo‘llash uchun dozalangan sprey

Tarkibi

Preparatning bir dozasi quyidagilarni saqlaydi
faol moddalar gramitsidin S digidroxloridi - 0,0638 mg (gramitsidin S ga qayta hisoblanganda- 0,06 mg), setilpiridiniy xloridi - 0,10 mg;
yordamchi moddalar
etanol 96 % 19,00 mg
sukraloza 0,20 mg
glitserol 33,20 mg
yalpiz aromatizatori 0,82 mg
limon kislotasi monogidrati 0,058 mg
natriy sitrati 0,022 mg
polisorbat 80 0,40 mg
metilparagidroksibenzoati (metilparaben) 0,184 mg
propilparagidroksibenzoati (propilparaben) 0,02 mg
tozalangan suv - 0,2 ml gacha
Ta'rifi o‘ziga xos yalpiz ta'mli, tiniq yoki toblanuvchi rangsiz yoki sarg‘ish rangli eritma

Farmakoterapevtik guruhi

antibiotik+antiseptik vosita
ATX kodi R02AA20

Farmakologik xususiyatlari

Farmakodinamika

Tomoq va og‘iz bo‘shlig‘ining infektsion-yallig‘lanish kasalliklarini davolash uchun majmuaviy preparatdir.
Preparatning tarkibiga mikroblarga qarshi vosita gramitsidin S va antiseptik vosita – setilpiridiniy xloridi kiradi. Gramitsidin S ning ta'sir mexanizmi mikrob hujayrasining sitoplazmatik membranasini o‘tkazuvchanligini oshishi bilan bog‘liq, bu uning barqarorligini izdan chiqaradi va nobud bo‘lishini chaqiradi. Gramitsidin S keng doiradagi grammusbat va grammanfiy mikroorganizmlarga nisbatan antibakterial ta'sir ko‘rsatadi. Setilpiridiniy xloridi antiseptik vositalarga mansub, og‘iz bo‘shlig‘i va tomoqning infektsion kasalliklarini qo‘zg‘atuvchilarini o‘sishini va ko‘payishini bostiradi. Preparat mikroblarga qarshi ta'sir ko‘rsatadi, yallig‘lanishni kamaytiradi, tomoqda noxush hislarni kamaytiradi, yutishni yengillashtiradi.

Farmakokinetikasi

Preparat mahalliy ta'sirga ega. Farmakokinetika bo‘yicha klinik oldi tadqiqotlarining ma'lumotlariga ko‘ra deyarli so‘rilmaydi.

Qo‘llanilishi

Og‘iz bo‘shlig‘i va tomoqning infektsion-yallig‘lanish kasalliklari faringit, tonzillit, parodontit, gingivit, stomatitda qo‘llanadi.

Qo‘llash usuli va dozalari

Og‘iz bo‘shlig‘i va tomoq shilliq qavatiga purkash yo‘li orqali mahalliy qo‘llanadi. Ovqatdan keyin qo‘llanadi.
Kattalar uchun dozalash bir qo‘llaganda 4 purkash, kuniga 3 marta 7 kun davomida.
6 yoshdan 18 yoshgacha bo‘lgan bolalar uchun dozasi bir martada 2 purkashdan kuniga 3 marta 7 kun davomida.
Preparatni bevosita qo‘llagandan keyin 1 soat davomida ovqat va ichimliklarni iste'mol qilishdan saqlanish kerak.
Agar davolagandan keyin yengillashish kuzatilmasa yoki simptomlar og‘irlashsa yoki yangi simptomlar paydo bo‘lsa, shifokor bilan maslahatlashish kerak.
Preparatni faqat yo‘riqnomada ko‘rsatilgan ko‘rsatmalar, qo‘llash usuli va dozalarda qo‘llang.
Nojo‘ya ta'sirlari
Preparatning komponentlariga allergik reaktsiyalar kuzatilishi mumkin.
Agar Sizda yo‘riqnomada ko‘rsatilgan nojo‘ya samaralar kuzatilsa yoki ular chuqurlashsa yoki Siz yo‘riqnomada ko‘rsatilmagan har qanday boshqa nojo‘ya samaralarni sezsangiz, bu haqida shifokorga xabar bering.

Qo‘llash mumkin bo‘lmagan holatlar

- gramitsidin S, setilpiridiniy xloridi yoki preparatning boshqa komponentlariga yuqori sezuvchanlik;
- homiladorlik (I uchoylik);
- laktatsiya davri;
- 6 yoshgacha bo‘lgan bolalarda qo‘llash mumkin emas.
Ehtiyotkorlik bilan
Homiladorlik davri (II-III uchoylik) extiyotkorlik bilan qo‘llanadi.
Dorilarning o‘zaro ta'siri
Hozirgi vaqtda boshqa dori vositalari bilan klinik ahamiyatli o‘zaro ta'siri holatlari ta'riflanmagan.

Maxsus ko‘rsatmalar

Preparatni og‘iz bo‘shlig‘ida ochiq yaralar bo‘lganida qo‘llash mumkin emas, chunki setilpiridiniy xloridi yaralarni bitishini sekinlashtiradi.
Preparat etanol saqlaydi. Preparatning maksimal bir martalik dozasida etanolning miqdori 0,08 g gachani tashkil qiladi.
Homiladorlik va laktatsiya davrida qo‘llanishi
Agar Siz homilador bo‘lsangiz yoki homiladorman deb taxmin qilsangiz yoki homiladorlikni rejalashtirgan bo‘lsangiz, preparatni qo‘llashdan oldin shifokor bilan maslahatlashing. Homiladorlikda preparatni qo‘llash yuzasidan adekvat nazoratlangan tadqiqotlari o‘tkazilmagan. Preparatni homiladorlikning I uch oyligida qo‘llash mumkin emas. Preparatni homiladorlikning II-III uch oyligida, agar ona uchun potentsial foyda homila uchun kuzatilishi mumkin bo‘lgan xavfdan ustun bo‘lgandagina qo‘llash mumkin.
Preparatning komponentlarini ko‘krak sutiga kirishi haqida ma'lumotlar yo‘q. Preparatni laktatsiya davrida qo‘llash zarurati bo‘lganida emizishni to‘xtatish kerak.
Transport vositalari, mexanizmlarni boshqarish qobiliyatiga ta'siri
Preparat alohida diqqatni va tezkor reaktsiyalarni talab etuvchi potentsial xavfli faoliyat turlari (avtomobil va boshqa transport vositalarini boshqarish, harakatlanuvchi mexanizmlar bilan ishlash, dispetcher va operator ishi va boshqalar) ni bajarish qobiliyatiga ta'sir ko‘rsatmaydi.

Dozani oshirib yuborilishi

Simptomlari preparatni tavsiya etilgan dozadan yuqori dozalarda qo‘llash me'da-ichak yo‘llari tomonidan buzilishlar ko‘ngil aynishi, qusish, diareya chaqirishi mumkin.
Davolash preparatni qo‘llashni to‘xtatish va shifokorga murojaat etish kerak.

Chiqarilish shakli

Mahalliy qo‘llash uchun dozalangan sprey 0,06 mg + 0,1 mg/doza.
112 dozadan pompa va buklanuvchi kanyulyali bosuvchi moslamali, plastik bilan qoplangan alyumin yoki shisha flakonlarda.
1 flakondan tibbiyotda qo‘llanilishiga doir yo‘riqnomasi bilan karton qutida.

Saqlash sharoiti

Original o‘ramida, 25°C dan yuqori bo‘lmagan haroratda saqlansin.
Bolalar ololmaydigan joyda saqlansin.

Yaroqlilik muddati

2 yil.

Yaroqlilik muddati

o‘tgach ishlatilmasin

Dorixonalardan berish tartibi

Retseptsiz.