Pafesan sprey 2mg/0.5mg №1 mentolli

Preparatning savdo nomi

Pafesan
Ta'sir etuvchi moddalar (XPN) Xlorgeksidin + lidokain

Dori shakli

Tomoq uchun sprey.

Tarkibi

Pafesan (mentolli)
1 ml sprey quyidagilarni saqlaydi
faol moddalar 2 mg xlorgeksidin glyukonati (xlorgeksidin biglyukonati eritmasi shaklida), 0,5 mg lidokain gidroxloridi;
yordamchi moddalar glitserin, suvsiz etanol, sukraloza, limon kislotasi monogidrati, evkalipt moyi, levomentol, tozalangan suv.

Ta'rifi

Pafesan (mentolli) mentol, evkalipt va spirt hidli, shirin ta'mli bir xil, tiniq, rangsiz eritma.

Farmakoterapevtik guruhi

Tomoq kasalliklarini davolash uchun qo‘llanadigan preparatlar. Antiseptiklar.
ATX kodi R02AA20
Farmakologik hususiyatlari

Farmakodinamika

Pafesan preparati mahalliy og‘riqsizlantiruvchi va antibakterial ta'sir ko‘rsatadi. Tomoqda yanada og‘ir kechuvchi bakterial infektsiyalarni rivojlanish ehtimolini pasaytirib, tomoqning yallig‘lanishini kamaytiradi va tomoq ta'sirlanganda va yutganda og‘riqni yengillashtiradi.
Lidokain gidroxloridi amid tipiga taalluqli periferik mahalliy ta'sir qiluvchi anestetikdir. U qo‘llangan joyda nerv impulsining o‘tishini bloklamasdan, yuzaki og‘riq qoldiruvchi ta'sir ko‘rsatadi.
Mahalliy anestetik bo‘lgan lidokain, ushbu guruhdagi boshqa preparatlar kabi ta'sir mexanizmiga ega; nerv impulslarni sezuvchan, harakat va vegetativ nerv tolalari bo‘ylab generatsiyasi va o‘tishini bloklaydi. U bevosita hujayra membranalariga ta'sir ko‘rsatib, natriy ionlarini membranalar orqali nerv tolalariga o‘tishini ingibitsiya qiladi. Og‘riq qoldiruvchi samarasini kuchayib boruvchi tarqalishi tufayli, periferik nervlarda elektrik qo‘zg‘aluvchanlik bo‘sag‘asi oshadi, nerv impulsini o‘tishi sekinlashadi, ta'sir potentsialini yuzaga kelishi susayadi, natijada nerv impulsni butunlay bloklanishiga olib keladi. Umuman olganda, mahalliy anestetiklar yirik miyelinizatsiya bo‘lgan tolalar (taktil sezgi, bosim sezgisi) ga nisbatan mayda miyelinizatsiya bo‘lmagan nerv tolalari (og‘riq sezgisi) va mayda miyelinizatsiya bo‘lgan nerv tolalari (og‘riq sezgisi, harorat sezgisi) ni bloklaydi.
Molekulyar darajada lidokain natriy ionlari kanallarini nofaol holatda o‘ziga xos bloklaydi, lidokain nerv tolasiga yaqin sohaga mahalliy qo‘llanganida, ta'sir potentsialini generatsiyasiga to‘sqinlik qilib, nerv impulsini o‘tishini oldini oladi.
Xlorgeksidin kation antiseptik bo‘lib, har grammusbat, ham grammanfiy mikroorganizmlar (masalan, Micrococcus sp., Staphylococcus sp., Bacillus sp., Clostridium sp,, Corinebacterium sp.) ga antibakterial ta'sir ko‘rsatadi. U shuningdek dermatofitlar va zamburug‘larga nisbatan mikozlarga qarshi ta'sirga ega. Preparat kichik kontsentratsiyalarda bakteriostatik ta'sir qiladi, va yuqori kontsentratsiyalarda bakteritsid ta'sir ko‘rsatadi.
Xlorgeksidin musbat zaryadga ega; shunday qilib, u bakteriyalarning hujayra devoridagi manfiy zaryadlangan sohalariga va hujayradan tashqari strukturalariga so‘riladi. So‘rilishi o‘ziga xos va bakteriyalarning hujayra devoridagi fosfatlarni saqlovchi muvofiq sohalariga joylanadi.
Xlorgeksidin bakteriyalarning sitoplazmatik membranalari bilan bog‘lanadi. U tishlarning manfiy zaryadlangan yuzasiga so‘riladi. Faol moddalarning katta bo‘lmagan miqdori so‘lak bilan me'da-ichak yo‘llari (MIY) tushadi. Xlorgeksidin so‘rilmaydi. Lidokain og‘iz va halqumning shilliq qavati orqali so‘rilishi mumkin. Biroq, uning katta qismi tizimli qon oqimiga tushmasdan, parchalanadi.

Farmakokinetikasi

Lidokainning anesteziya qiluvchi samarasi mahalliy qo‘llanganida 2-5 minutdan keyin rivojlanadi va 30-45 minut davomida davom etadi. Anesteziya yuzaki bo‘ladi va shilliq osti tuzilmalarga tarqalmaydi. Lidokain gematoentsefalik va yo‘ldosh to‘siqlari orqali o‘tadi va odamning ko‘krak suti bilan ajralib chiqadi. Jigarda birlamchi metabolizmga uchraydi. Birinchi ikkita metaboliti monoetilglitsineksilididi va glitsineksiliditi farmakologik jihatdan faoldir. Modda asosan metabolitlar ko‘rinishida buyraklar orqali ekskretsiya bo‘ladi, 10% esa o‘zgarmagan holda chiqariladi. Lidokainning biologik yarim chiqarilish davri kattalarda 1,5-2 soatni va yangi tug‘ilgan chaqaloqlarda 3 soatni tashkil etadi. Lidokainning metabolitlarini yarim chiqarilish davri 2 soatdan 10 soatgacha bo‘lgan vaqt oralig‘ida o‘zgarib turadi.
Xlorgeksidin shilliq qavati va teri orqali deyarli so‘rilmaydi. Xlorgeksidin so‘lak bilan yutib yuborilishi mumkin, ammo uni MIY orqali so‘rilishi juda past. Xlorgeksidin jigarda ahamiyatsiz darajada metabolizmga uchraydi va asosan ichak orqali safro bilan chiqariladi. Odatda xlorgeksidinning 90% axlat bilan o‘zgarmagan holatda chiqariladi.

Qo‘llanilishi

• og‘iz bo‘shlig‘i va tomoqning shilliq qavatini yallig‘lanishi (stomatitlar, gingivitlar) ni mahalliy davolash;
• og‘iz bo‘shlig‘ining shilliq qavati yallig‘langanida kuzatiladigan og‘riqni bartaraf qilish;
• anginaning simptomlarini (yutganda og‘riq, ta'sirlanish) yengillashtirish uchun qo‘llanadi.

Qo‘llash usuli va dozalari

Kattalar va 12 yoshdan oshgan o‘smirlar purkagichning tugmachasi 3 dan 5 martagacha ketma-ket bosiladi; muolaja sutkada 6 dan 10 martagacha takrorlanadi.
2,5 yoshdan oshgan bolalar purkagichning tugmachasi 2 dan 5 martagacha ketma-ket bosiladi; sutkada 3 dan 5 martagacha takrorlanadi.
Qo‘llash bo‘yicha yo‘riqnoma
1.Purkagichning uchligi flakonga perpendikulyar ravishda buraladi.
2.Og‘iz keng ochiladi, purkagich tomoqqa qaratiladi, nafas ushlab turiladi va purkagichning tugmachasi bosiladi.
Agar sprey bir qancha vaqt davomida ishlatilmasa, purkagichning uchligini yuvish tavsiya etiladi, buning uchun quyidagi harakatlarni bajarish kerak
1.Qopqoqli sprey pastga to‘ntariladi va purkagichning uchligi naycha butunlay bo‘shagunicha bosiladi (eritma boshqa purkalib chiqmaydi).
2.Spreyning naychasi flakondan yechiladi va u issiq suvli chashkaga bir necha minutga solinadi.
3.Naycha suvdan olinadi va quritiladi.
4.Spreyning uchligi bloklanishi uchun naycha flakonga shunday o‘rnatilishi kerakki, u pastga qaratilgan bo‘lishi kerak.
Har safar qo‘llanganidan so‘ng, preparat purkagichning uchligidan purkalishini oldini olish uchun naycha yana pastga qaratilishi kerak.
Katta odam uchun maksimal bir martalik doza 1 mg xlorgeksidin (tana vazniga 0,02 mg/kg) va 0,25 mg lidokain (tana vazniga 0,005 mg/kg) ni tashkil etadi.
Xlorgeksidinning maksimal sutkalik dozasi 10 mg, lidokainniki esa – 2,5 mg ni tashkil etadi.
Uchlik har safar bosilganida 0,1 ml eritma purkaladi.
Nojo‘ya ta'sirlari
Nojo‘ya samaralarning uchrash tezligini quyida keltirilgan ko‘rsatkichlari quyidagi tarzda aniqlangan juda kam hollarda (< 1/10000), uchrash tezligi noma'lum (ma'lumotlar yetarli bo‘lmaganligi tufayli, uchrash tezligini aniqlash mumkin emas).
Preparat tavsiya etilgan dozalarga rioya qilingan holda, og‘iz bo‘shlig‘i va halqum sohasiga mahalliy, cheklangan vaqt davomida ishlatilganida ushbu preparat yaxshi o‘zlashtiriladi. Juda kam hollarda o‘ta yuqori sezuvchanlik reaktsiyalari, masalan, terini ta'sirlanishi va toshma toshishi rivojlanishi mumkin, ular lidokain kabi, amid tipidagi anestetiklarga yuqori sezuvchanlikni oqibati hisoblanadi. Juda ham kam hollarda fotosensibilizatsiya reaktsiyasi rivojlanishi mumkin.
Xlorgeksidin uzoq muddat va davomli qo‘llanganida tishlarni jigarrang rangga bo‘yalishi vaqtinchalik, noma'lum uchrash tezligi bilan paydo bo‘lishi mumkin. Biroq, ushbu karashni yo‘qotish mumkin.

Qo‘llash mumkin bo‘lmagan holatlar

• preparatning istalgan komponentiga o‘ta yuqori sezuvchanlik;
• alkogolga qaramlik;
• 2,5 yoshgacha bo‘lgan bolalarga qo‘llash mumkin emas.
Dorilarning o‘zaro ta'siri
Pafesan preparatini qo‘llash vaqtida patsiyentlarga mahalliy ta'sirga ega boshqa antiseptik preparatlarni bir vaqtda ishlatish tavsiya etilmaydi, chunki ular o‘zining samaradorligini yo‘qotadi.
Pafesan xolinesteraza ingibitorlari (ya'ni neostigmin, distigmin, piridostigmin bilan) va miasteniyani davolash uchun qo‘llanadigan boshqa dori preparatlari bilan bir vaqtda qo‘llash tavsiya etilmaydi. 1V tip antiaritmik preparatlar (tokainid) ni qabul qilayotgan patsiyentlarga preparatni ehtiyotkorlik bilan qo‘llash kerak.

Maxsus ko‘rsatmalar

Tana haroratini oshishi bilan kechuvchi bakterial infektsiyalarda Pafesan preparati qo‘shimcha dori vositasi sifatida qo‘llanadi.
Preparat tarkibida mentol saqlaydi, shuning uchun uni anamnezida mushak spazmlariga ega bo‘lgan kichik yoshdagi bolalarga ehtiyotkorlik bilan buyurish kerak.
Pafesan tarkibida glitserin saqlaydi. Yuqori dozalarda glitserin bosh og‘rig‘i, ovqat hazm bo‘lishini buzilishini chaqirishi mumkin.
Preparat tarkibida etanol saqlaydi. Jigar kasalliklari va tutqanoq bilan xastalangan patsiyentlarda ushbu faktni e'tiborga olish kerak.
O‘ta yuqori sezuvchanlik reaktsiyalariga moyilligi bo‘lgan patsiyentlarga Pafesan preparatini ehtiyotkorlik bilan qo‘llash kerak.
Patsiyentlar ushbu dori vositasini uzluksiz ravishda yoki juda tez-tez qo‘llashlari mumkin emas. Uni yallig‘lanish oqibatida yuzaga kelgan tomoqdagi og‘riq yoki ta'sirlanish kamaygungacha qo‘llash tavsiya etiladi.
Agar patsiyentning ahvoli preparat 3-4 kun davomida qo‘llanganidan so‘ng yaxshilanmasa, boshqa davolash usulini buyurish kerak.
Preparatni ko‘zlar atrofiga purkashdan saqlanish kerak.
Preparat purkalganidan so‘ng patsiyentlar ovqatlanishlari, suyuqlik ichishlari yoki tishlarini yuvishlari mumkin emas.
Homiladorlik va laktatsiyada qo‘llanishi
Homiladorlik va laktatsiya davrida preparatni qo‘llash mumkin, ammo qo‘llash bo‘yicha yo‘riqnomasiga muvofiq va qisqa vaqt davomida qo‘llash lozim.
Pediatriyada qo‘llanishi
Preparatni 2,5 yoshgacha bo‘lgan bolalarga qo‘llash mumkin emas.
Avtotransportni haydash va mexanizmlarni boshqarish qobiliyatiga ta'siri
Avtomobil yoki potentsial havfli mexanizmlarni boshqarish qobiliyatiga ta'sirini o‘rganish o‘tkazilmagan.
Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Dozani oshirib yuborilishi

Ortiqcha dozalari (sutkada bir flakondan ortiq sprey) yuborilganidan so‘ng yutishni buzilishi (yutish refleksini nazorat qilinishini susayishi) yuz berishi mumkin.
Katta odam uchun lidokainning toksik dozasi 0,5 g va undan yuqori qiymatni tashkil etadi (bu bir qancha flakonlarga to‘g‘ri keladi).
Simptomlari tizimli intoksikatsiya, bu markaziy nerv tizimi va yurak qon-tomir tizimiga ta'sirining natijasi hisoblanadi.
Tizimli intoksikatsiyada markaziy nerv tizimi va yurak-qon tomir tizimining faoliyatini buzilishlari (asabiylik, esnash, qo‘zg‘aluvchanlik, quloqlarni shang‘illashi, nistagm, mushaklar tremori, tirishillari, depressiya, nafas faoliyatini susayishi), yurak-qon tomir tizimi tomonidan buzilishlari (miokardning tonusini yo‘qolishi, periferik vazodilatatsiya, gipotoniya, aritmiya) rivojlanishi mumkin.
Davolash dozani oshirib yuborilish simptomlari paydo bo‘lganida davolashni zudlik bilan to‘xtatish kerak. Qusishni chaqirish va me'dani yuvish kerak. Yanada og‘irroq holatlarda nafas faoliyati va qon aylanish faoliyatini tutib turish uchun patsiyentni gospitalizatsiya qilish kerak.

Chiqarilish shakli

Tomoq uchun sprey 30 ml dan mexanik purkagichi bo‘lgan sariq rangli shisha flakonda.
1 flakon qo‘llash bo‘yicha yo‘riqnomasi bilan birga karton qutiga joylangan.

Saqlash sharoiti

25°C dan yuqori bo‘lmagan haroratda saqlansin.

Yaroqlilik muddati

5 yil.

Dorixonalardan berish tartibi

Retsept bo‘yicha.