Pafesan rezorbsiya tabletkalari 5mg / 1mg №20 (mentol ta'mi bilan)

Preparatning savdo nomi

Pafesan
Ta'sir etuvchi moddalar Xlorgeksidin + lidokain

Dori shakli

Shimiladigan tabletkalar.

Tarkibi

Pafesan (limon ta'mli)
Har bir shimiladigan tabletka quyidagilarni saqlaydi
faol moddalar 5 mg xlorgeksidin gidroxloridi, 1 mg lidokain gidroxloridi.
yordamchi moddalar sorbitol, «Limon» aromatizatori, magniy stearati.
Pafesan (mentolli)
Har bir shimiladigan tabletka quyidagilarni saqlaydi
faol moddalar 5 mg xlorgeksidin gidroxloridi, 1 mg lidokain gidroxloridi.
yordamchi moddalar sorьitol, levomentol, magniy stearati.
Ta'rifi
Pafesan limon ta'mli dumaloq, yassi, faskali, limon ta'mli, oq rangdan deyarli oq ranggacha bo‘lgan tabletkalar; dog‘larini bo‘lishiga yo‘l qo‘yiladi.
Pafesan mentolli dumaloq, yassi, faskali, mentol ta'mli, mentol, evkalipt va spirt hidli, shirin ta'mli bir xil, tiniq, rangsiz eritma.

Farmakoterapevtik guruhi

Tomoq kasalliklarini davolash uchun qo‘llanadigan preparatlar. Antiseptiklar.
ATX kodi R02AA20.
Farmakologik hususiyatlari

Farmakodinamika

Pafesan preparati mahalliy og‘riqsizlantiruvchi va antibakterial ta'sir ko‘rsatadi. Tomoqda yanada og‘ir kechuvchi bakterial infektsiyalarni rivojlanish ehtimolini pasaytirib, tomoqning yallig‘lanishini kamaytiradi va tomoq ta'sirlanganida va yutish vaqtidagi og‘riqni yengillashtiradi.
Lidokain gidroxloridi amid tipiga taalluqli periferik mahalliy ta'sir qiluvchi anestetikdir. U qo‘llangan joyda nerv impulьsining o‘tishini bloklamasdan, yuzaki og‘riq qoldiruvchi ta'sir ko‘rsatadi.
Mahalliy anestetik bo‘lgan lidokain, ushbu guruhdagi boshqa preparatlar kabi ta'sir mexanizmiga ega; nerv impulьslarni sezuvchan, harakat va vegetativ nerv tolalari bo‘ylab generatsiyasi va o‘tishini bloklaydi. U bevosita hujayra membranalariga ta'sir ko‘rsatib, natriy ionlarini membranalar orqali nerv tolalariga o‘tishini ingibitsiya qiladi. Og‘riq qoldiruvchi samarasini kuchayib boruvchi tarqalishi tufayli, periferik nervlarda elektrik qo‘zg‘aluvchanlik bo‘sag‘asi oshadi, nerv impulьsini o‘tishi sekinlashadi, ta'sir potentsialini yuzaga kelishi susayadi, natijada nerv impulьsni butunlay bloklanishiga olib keladi. Umuman olganda, mahalliy anestetiklar yirik miyelinizatsiya bo‘lgan tolalar (taktil sezgi, bosim sezgisi) ga nisbatan mayda miyelinizatsiya bo‘lmagan nerv tolalari (og‘riq sezgisi) va mayda miyelinizatsiya bo‘lgan nerv tolalari (og‘riq sezgisi, harorat sezgisi) ni bloklaydi.
Molekulyar darajada lidokain natriy ionlari kanallarini nofaol holatda o‘ziga xos bloklaydi, lidokain nerv tolasiga yaqin sohaga mahalliy qo‘llanganida, ta'sir potentsialini generatsiyasiga to‘sqinlik qilib, nerv impulьsini o‘tishini oldini oladi.
Xlorgeksidin kation antiseptik bo‘lib, har grammusbat, ham grammanfiy mikroorganizmlar (masalan, Micrococcus sp., Staphylococcus sp., Bacillus sp., Clostridium sp,, Corinebacterium sp.) ga antibakterial ta'sir ko‘rsatadi. U shuningdek dermatofitlar va zamburug‘larga nisbatan mikozlarga qarshi ta'sirga ega. Preparat kichik kontsentratsiyalarda bakteriostatik ta'sir qiladi, va yuqori kontsentratsiyalarda bakteritsid ta'sir ko‘rsatadi.
Xlorgeksidin musbat zaryadga ega; shunday qilib, u bakteriyalarning hujayra devoridagi manfiy zaryadlangan sohalariga va hujayradan tashqari strukturalariga so‘riladi. So‘rilishi o‘ziga xos va bakteriyalarning hujayra devoridagi fosfatlarni saqlovchi muvofiq sohalariga joylanadi.
Xlorgeksidin bakteriyalarning sitoplazmatik membranalari bilan bog‘lanadi. U tishlarning manfiy zaryadlangan yuzasiga so‘riladi. Faol moddalarning katta bo‘lmagan miqdori so‘lak bilan me'da-ichak yo‘llari (MIY) ga tushadi. Xlorgeksidin so‘rilmaydi. Lidokain og‘iz va halqumning shilliq qavati orqali so‘rilishi mumkin. Biroq, uning katta qismi tizimli qon oqimiga tushmasdan, parchalanadi.

Farmakokinetikasi

Lidokainning anesteziya qiluvchi samarasi mahalliy qo‘llanganida 2-5 minutdan keyin rivojlanadi va 30-45 minut davomida davom etadi. Anesteziya yuzaki bo‘ladi va shilliq osti tuzilmalarga tarqalmaydi.
Lidokain gematoentsefalik va yo‘ldosh to‘siqlari orqali o‘tadi va odamning ko‘krak suti bilan ajralib chiqadi. Jigarda birlamchi metabolizmga uchraydi. Birinchi ikkita metaboliti monoetilglitsinksilidini va glitsinksilidini farmakologik jihatdan faoldir. Modda asosan metabolitlar ko‘rinishida buyraklar orqali ekskretsiya bo‘ladi, 10% esa o‘zgarmagan holda chiqariladi. Lidokainning biologik yarim chiqarilish davri kattalarda 1,5-2 soatni va yangi tug‘ilgan chaqaloqlarda 3 soatni tashkil etadi. Lidokainning metabolitlarini yarim chiqarilish davri 2 soatdan 10 soatgacha bo‘lgan vaqt oralig‘ida o‘zgarib turadi.
Xlorgeksidin shilliq qavati va teri orqali deyarli so‘rilmaydi. Xlorgeksidin so‘lak bilan yutib yuborilishi mumkin, ammo uni MIY orqali so‘rilishi juda past. Xlorgeksidin jigarda ahamiyatsiz darajada metabolizmga uchraydi va asosan ichak orqali safro bilan chiqariladi. Odatda xlorgeksidinning 90% axlat bilan o‘zgarmagan holatda chiqariladi.

Qo‘llanilishi

• og‘iz bo‘shlig‘i va tomoqning yallig‘lanishi (tomoqda og‘riq, qizarishi, ta'sirlanishi) ni mahalliy davolash;
• og‘iz bo‘shlig‘i va tomoqni, isitma bilan kechuvchi bakterial infektsiyalarini (qo‘shimcha davolash bilan birga) davolash uchun qo‘llanadi.

Qo‘llash usuli va dozalari

Tabletkalar og‘iz bo‘shlig‘ida shimish uchun mo‘ljallangan.
Kattalar uchun dozasi sutkada 6 dan 10 gacha bo‘lgan tabletkani tashkil etadi.
6 yoshdan oshgan bolalar va o‘smirlar uchun dozasi kattalar uchun mo‘ljallangan dozaning yarmini tashkil etadi, ya'ni sutkada 3 dan 5 gacha bo‘lgan tabletkani tashkil etadi.
Preparatni 3-4 kun davomida ishlatish mumkin. Agar patsiyentning ahvoli ko‘rsatilgan vaqt davomida yaxshilanmasa, shifokorga murojaat qilish kerak.
Katta odam uchun maksimal bir martalik doza 5 mg xlorgeksidin (tana vazniga 0,08 mg/kg) va 1 mg lidokain (tana vazniga 0,02 mg/kg) ni tashkil etadi, bu bir tabletkaga to‘g‘ri keladi.
Xlorgeksidinning maksimal sutkalik dozasi 50 mg ni, lidokainniki esa – 10 mg ni tashkil etadi, bu 10 tabletkaga to‘g‘ri keladi.
Nojo‘ya ta'sirlari
Tavsiya etilgan dozalarga amal qilinganida preparat yaxshi o‘zlashtiriladi.
Noxush reaktsiyalarni uchrash tezligini ko‘rsatkichlari quyidagicha aniqlanadi juda tez-tez (≥ 1/10); tez-tez (≥ 1/100, ammo < 1/10); tez-tez emas (≥ 1/1000, ammo < 1/100); kam hollarda (≥ 1/10000, ammo < 1/1000); juda kam hollarda (< 1/10000); uchrash tezligi noma'lum (mavjud ma'lumotlar asosida baholash mumkin emas).
Tez-tez
• terida allergik reaktsiyalar;
• me'da-ichak buzilishlari (ko‘ngil aynishi, qusish, qorin sohasida og‘riq, diareya).
Kam hollarda
• jiddiy allergik reaktsiyalar, anafilaktik shok;
• kontakt dermatit.
Yakka hollarda
• metgemoglobinemiya;
• kechikkan o‘ta yuqori sezuvchanlik reaktsiyalari (kontakt allergiya, yorug‘likka sezuvchanlik reaktsiyalari);
• havotirlinish, qo‘zg‘aluvchanlik, eyforiya hissi;
• uyquchanlik, bosh aylanishi, oriyentatsiyani yo‘qolishi, ongni chalkashishi (shu jumladan nutqni chalkashishi), vertigo, titrash, psixoz, kuchli qo‘zg‘aluvchanlik, paresteziya, uvishishlar, konvulьsiyalar, xushni yo‘qolishi va koma;
• ko‘rishni buzilishi (fokus jarayonini buzilishi va jismlarni ikkilanishi);
• dispnoe, nafas yetishmovchiligi sindromi, nafasni to‘xtashi;
• yutishni qiyinlashishi, og‘iz bo‘shlig‘ida yaralarni hosil bo‘lishi, ta'm bilish hissini buzilishi, tilda achishish hissi;
• lixenoid reaktsiya;
• mushaklarni tirishishi, tremor;
• sovuq qotish yoki qizib ketish hissi;
• holsizlik hissi.
Preparat davomli va uzoq muddat qo‘llanganida tishlar vaqtinchalik jigarrang rangga bo‘yalishi mumkin.
Shubha qilingan noxush reaktsiyalar bo‘yicha xabarlar
Dori vositasi qayd etilgandan keyin shubha qilingan noxush reaktsiyalar bo‘yicha xabarlar muhim hisoblanadilar. Patsiyentda dori vositasiga nisbatan jiddiy noxush reaktsiya aniqlanganida yoki ushbu bo‘limda ta'riflanmagan yangi noxush reaktsiya paydo bo‘lganida, Milliy farmakoogohlik tizimiga muvofiq xabar berishingizni so‘raymiz.

Qo‘llash mumkin bo‘lmagan holatlar

• preparatning istalgan komponentiga ma'lum o‘ta yuqori sezuvchanlik;
• 6 yoshgacha bo‘lgan bolalarga qo‘llash mumkin emas.
Dorilarning o‘zaro ta'siri
Pafesan preparatini qo‘llash vaqtida patsiyentlarga mahalliy ta'sirga ega bo‘lgan boshqa antiseptik preparatlarni bir vaqtda ishlatish tavsiya etilmaydi. Pafesan sprey bundan istisno. Bunday holatda tabletkalarning bir martalik dozasi bir martalik spreyning dozasi bilan almashtiriladi.
Pafesan preparatini xolinesteraza ingibitorlari (ya'ni neostigmin, distigmin, piridostigmin bilan) va miasteniyani davolash uchun qo‘llanadigan boshqa dori preparatlari bilan bir vaqtda qo‘llash tavsiya etilmaydi.
1V tip antiaritmik preparatlar (tokainid) ni qabul qilayotgan patsiyentlarga preparatni ehtiyotkorlik bilan qo‘llash kerak.

Maxsus ko‘rsatmalar

Preparat tarkibida sorbitol saqlaydi, ya'ni uchun diabet bilan xastalangan patsiyentlarga qo‘llash mumkin, ammo fruktozani nasliy o‘zlashtirolmasligi bo‘lgan shaxslarga qo‘llash tavsiya etilmaydi.
Isitma bilan kechuvchi bakterial infektsiyalarda, qo‘shimcha davolash buyurish kerak.
Surunkali yurak yetishmovchiligi bilan xastalangan, 1V sinf antiaritmik vositalarni qabul qilayotgan patsiyentlarga preparat buyurilganida, lidokainning toksik samarasini kuchayish havfi borligi sababli, ehtiyotkorlikka rioya qilish kerak. O‘ta yuqori sezuvchanlik reaktsiyalariga moyilligi bo‘lgan patsiyentlarga preparatni ehtiyotkorlik bilan qo‘llash kerak.
Tirishishlarga moyilligi bo‘lgan bolalarga mentolli Pafesan buyurilganida ehtiyotkorlikka rioya qilish kerak, chunki preparat tarkibida levomentol saqlaydi.
Preparatni uzluksiz 3-4 kun davomida yoki juda tez-tez qo‘llash mumkin emas.
Homiladorlik va laktatsiyada qo‘llanishi
Homiladorlik va laktatsiya davrida preparatni qo‘llash mumkin, ammo qo‘llash bo‘yicha yo‘riqnomasiga muvofiq va qisqa vaqt davomida qo‘llash lozim.
Pediatriyada qo‘llanishi
Preparatni 6 yoshgacha bo‘lgan bolalarga qo‘llash mumkin emas.
Avtotransportni haydash va mexanizmlarni boshqarish qobiliyatiga ta'siri
Avtomobilь yoki potentsial havfli mexanizmlarni boshqarish qobiliyatiga ta'sirini o‘rganish yuzasidan tadqiqotlar o‘tkazilmagan.

Dozani oshirib yuborilishi

Simptomlari tizimli intoksikatsiya, markaziy nerv va yurak-qon tomir tizimlariga ta'sirining natijasi hisoblanadi.
Tizimli intoksikatsiyada quyidagilar markaziy nerv tizimining funktsiyasini buzilishi (asabiylik, esnash, qo‘zg‘aluvchanlik, quloqlarda shovqin, nistagm, mushaklar tremori, tirishishlar, depressiya, nafas faoliyatini susayishi), yurak-qon tomir tizimi tomonidan buzilishlari (miokardning tonusini yo‘qolishi, periferik vazodilatatsiya, gipotoniya, aritmiya) rivojlanishi mumkin.
Davolash dozani oshirib yuborilish simptomlari paydo bo‘lganida davolashni zudlik bilan to‘xtatish kerak. Qusishni chaqirish va me'dani yuvish kerak. Yanada og‘irroq holatlarda nafas faoliyati va qon aylanish faoliyatini tutib turish uchun patsiyentni gospitalizatsiya qilish kerak.

Chiqarilish shakli

Shimiladigan tabletkalar. 10 tabletkadan blisterda.
2 blisterdan tibbiyotda qo‘llanishi doir yo‘riqnomasi bilan birga karton qutiga joylanadi.

Saqlash sharoiti

25°С dan yuqori bo‘lmagan haroratda saqlansin.
Bolalar ololmaydigan joyda saqlansin.

Yaroqlilik muddati

Ishlab chiqarilgan

sanadan boshlab 3 yil.

Yaroqlilik muddati

tugaganidan so‘ng qo‘llanilmasin.

Dorixonalardan berish tartibi

Retseptsiz.