Septolete Total limon va buzina ta'mli pastilkalari №16

Septolete total pastilkalari
3 mg + 1 mg
Benzidamin gidroxloridi + setilpiridiniy xloridi
Ushbu preparatni qo‘llashni boshlashdan avval ilova-varaqani hammasini diqqat bilan o‘qib chiqing, chunki u Siz uchun muhim ma'lumot saqlaydi.
Preparatni doimo ushbu annotatsiyada ko‘rsatilgandek yoxud sizga shifokor yoki farmatsevt qanday aytgan bo‘lsa, shunday qo‘llash kerak.
-Ushbu ilova-varaqani saqlab qo‘ying. U Sizga yana kerak bo‘lib qolishi mumkin.
-Qo‘shimcha ma'lumot yoxud maslahat olish uchun farmatsevtga murojaat qiling.
-Agar Sizda nojo‘ya samaralar rivojlansa, shifokor yoki farmatsevt bilan maslahatlashing. Bu shuningdek ushbu annotatsiyada ko‘rsatilmagan nojo‘ya samaralarga ham taalluqlidir. 4 bo‘limga qarang.
-Preparatni 3 kun qo‘llagandan keyin, agar Sizning holatingiz yaxshilanmasa yoxud yomonlashsa, Siz shifokorga murojaat qilishingiz lozim.
Ushbu annotatsiyada qanday ma'lumot saqlanadi.
1.Septolete total o‘zi nima va u nima uchun mo‘ljallangan
2.Septolete totalni qo‘llashdan avval Siz nimalarni bilishingiz kerak
3.Septolete totalni qanday qo‘llash kerak
4.Bo‘lishi mumkin bo‘lgan nojo‘ya samaralar
5.Septolete totalni qanday saqlash kerak
6.O‘ram ichidagi modda va boshqa ma'lumotlar
1. Septolete total nima o‘zi va u nima uchun mo‘ljallangan.
Septolete total pastilkalari og‘iz bo‘shlig‘ida mahalliy qo‘llash uchun yallig‘lanishga qarshi, og‘riq qoldiruvchi va antiseptik dori preparati hisoblanadi. Septolete total og‘iz bo‘shlig‘i va tomoqni dezinfektsiya qiladi va og‘riq, qizarish va faoliyatni buzilishi kabi tomoqni yallig‘lanish belgilarini kamaytiradi.
Septolete total yallig‘lanishga qarshi og‘riq qoldiruvchi va antiseptik davolash sifatida quyidagilarda
-tomoq, og‘iz bo‘shlig‘i va milklarni ta'sirlanishi.
-gingivitda, faringitda va laringitda ishlatiladi
Agar preparatni 3 kun qo‘llagandan keyin Sizning holatingiz yaxshilanmasa yoxud yomonlashsa, Siz shifokorga murojaat qilishingiz kerak.
2. Septolete total ni qo‘llashdan avval Siz nimalarni bilishingiz kerak.
Septolete total ni quyidagi hollarda qo‘llamang
-agar Sizda benzidamin gidroxloridiga, setilpiridiniy xloridiga yoki ushbu preparatning boshqa komponentlariga allergiya bo‘lsa, qabul qilmang (6-bo‘limga qarang).
-ushbu dori preparatini 6 yoshgacha bo‘lgan bolalarda qo‘llamaslik kerak, chunki ushbu dori shakli mazkur yosh guruhida qo‘llash uchun yaroqli hisoblanmaydi.

Maxsus ko‘rsatmalar

Septolete totalni qo‘llashdan avval shifokoringiz yoki farmatsevt bilan maslahatlashing.
Septolete totalni 7 kundan ortiq vaqt davomida qo‘llamang. Agar 3 kundan keyin simptomlar yomonlashsa yoxud o‘tib ketmasa, agar isitma kabi simptomlar rivojlansa, shifokor bilan maslahatlashing.
Mahalliy qo‘llash uchun preparatlarni, ayniqsa uzoq vaqt davomida qo‘llash sensibilizatsiyani rivojlanishga olib kelishi mumkin, bunday hollarda davolashni bekor qilish kerak.
Septolete totalni tish pastalarida saqlanadigan anion birikmalar bilan birga qo‘llash mumkin emas, shuning uchun preparatni bevosita tishlarni tozalashdan oldin yoki keyin qo‘llash tavsiya qilinmaydi.
Bolalar va o‘smirlarda qo‘llanilishi
Septolete totalni 6 yoshgacha bo‘lgan bolalarda qo‘llash mumkin emas, chunki pastilkalar ushbu yosh guruhida qo‘llash uchun to‘g‘ri kelmaydi.
Boshqa dori vositalari va Septolete total
Agar Siz boshqa dori preparatlarini qabul qilayotgan bo‘lsangiz, yaqinda qabul qilishni rejlashtirayotgan bo‘lsangiz, shifokoringizga yoki farmatsevtga habar qiling.
Boshqa antiseptiklarni Septolete total bilan bir vaqtda ishlatmang.
Septolete totalni ovqat, ichimliklar va alkogol bilan birga qabul qilish
Septolete totalni sut bilan birga qabul qilmang, chunki sut uning samaradorligini pasaytiradi.
Septolete totalni ovqatdan oldin yoki ovqat vaqtida qabul qilmang. Septolete totalni qabul qilgandan keyin kamida bir soat davomida ovqatlanmang va hech narsa ichmang.
Homiladorlik va emizish
Agar Siz homilador bo‘lsangiz yoxud emizsangiz, homiladorman deb taxmin qilayotgan bo‘lsangiz yoki homiladorlikni rejalashtirayotgan bo‘lsangiz, ushbu dori preparatini qabul qilishdan avval shifokor yoki farmatsevt bilan maslahatlashing.
Septolete totalni homiladorlik vaqtida qo‘llash tavsiya qilinmaydi.
Siz emizish to‘g‘risidagi masalani shifokor bilan muhokama qilishingiz lozim va u Sizga emizishni to‘xtatish yoki Septolete total bilan davolashni to‘xtatish kerakligini hal qiladi.
Transport vositalarini boshqarish va mexanizmlari bilan ishlash
Septolete total transport vositalarini boshqarishga va mexanizmlar bilan ishlashga ta'sir ko‘rsatmaydi.
Septolete total izomalt (E953) saqlaydi
Agar Sizning shifokoringiz sizda ayrim qandlarni o‘zlashtira olmaslik mavjudligini aytgan bo‘lsa, ushbu dori preparatini qo‘llashdan avval shifokor bilan maslahatlashing.
3. Septolete totalni qanday qo‘llash kerak
Preparatni doimo ushbu annotatsiyada ko‘rsatilgandek yoki Sizga shifokor yoki farmatsevt aytganidek qo‘llash kerak. Agar Sizda shubha paydo bo‘lsa, shifokoringiz yoki farmatsevt bilan maslahatlashing.
Kattalar va 12 yoshdan katta bolalar
Tavsiya qilingan doza sutkada 3-4 pastilkani tashkil etadi. Pastilkalarni har 3-6 soatda asta-sekin shimish lozim.
6 yoshdan 12 yoshgacha bo‘lgan bolalar
Tavsiya qilingan doza sutkada 3 pastilkani tashkil etadi. Pastilkalarni har 3-6 soatda asta-sekin shimish lozim.
6 yoshdan kichik bolalar
Septolete totalni 6 yoshdan kichik bolalarda qo‘llash mumkin emas.
Ko‘rsatilgan dozani oshirmang.
Septolete totalni ovqatdan oldin yoki ovqat vaqtida qabul qilmang.
Septolete totalni qabul qilgandan keyin kamida bir soat davomida ovqatlanmang va hech narsa ichmang.
Samaraga erishish uchun preparatni bevosita tishlarni tozalashdan oldin yoki keyin qo‘llash tavsiya qilinmaydi.
Davolash davomiyligi
Ushbu dori preparatini 7 kundan ortiq qo‘llamang. Agar 3 kundan keyin simptomlar yomonlashsa yoxud o‘tib ketmasa yoki agar isitma kabi sipmtomlar rivojlansa, shifokor bilan maslahatlashing.
Kasallik qayta avj olganda yoki agar Siz uning xarakteristikasida biron-bir o‘zgarishlarni sezsangiz shifokor bilan maslahatlashing.
Agar Siz Septolete totalni keragidan ortiq qabul qilgan bo‘lsangiz
Ushbu dori preparatini tasodifan haddan ziyod dozasini yutib yuborgan hollarda, darhol shifokorga yoki yaqinda joylashgan shifoxonaga murojaat qiling.
Septolete total dozalarini o‘tkazib yuborsangiz
O‘tkazib yuborilgan dozani o‘rnini to‘ldirish uchun ikki barobar dozani qabul qilmang.
Agar Sizda ushbu dori preparatini qo‘llanishi to‘g‘risida qo‘shimcha savollar paydo bo‘lsa, shifokoringiz yoki farmatsevt bilan maslahatlashing.
4. Bo‘lishi mumkin bo‘lgan nojo‘ya samaralari
Hamma dori vositalari singari xos ushbu preparat ham, garchi ular hammada yuz bermasada, nojo‘ya samaralar chaqirishi mumkin.
Kam hollarda (1000 odamdan 1 nafarida yuz berishi mumkin)
-o‘ta yuqori sezuvchanlik reaktsiyasi,
-eshakemi, terini quyosh nuriga reaktivligini oshishi (fotosezuvchanlik)
-o‘pkada nafas yo‘llarini to‘satdan nazorat qilinmaydigan torayishi (bronxospazm)
Juda kam hollarda (10000 odamdan 1 nafarida yuz berishi mumkin;
-og‘iz bo‘shlig‘ini mahalliy ta'sirlanishi, og‘iz bo‘shlig‘ida yengil achishish hissi.
Noma'lum (ma'lum ma'lumotlar asosida tez –tezligini aniqlash mumkin emas);
-og‘iz bo‘shlig‘i shilliq qavatini achishishi, og‘iz bo‘shlig‘i shilliq qavatini sezuvchanligini yo‘qolishi (anesteziya).
Odatda ushbu nojo‘ya holatlar vaqtinchadir. Ular paydo bo‘lganida shifokorga yoki farmatsevtga murojaat qilish tavsiya qilinadi.
Ushbu annotatsiyada keltirilgan yo‘riqnomaga rioya qilib, Siz nojo‘ya samaralarni rivojlanish xavfini kamaytirasiz.
5. Septolete totalni qanday saqlash kerak.
Bolalar ololmaydigan joyda saqlansin.
30°C yuqori bo‘lmagan haroratda, yorug‘likdan himoyalangan joyda saqlansin.
Ushbu preparatni o‘ramida ko‘rsatilgan yaroqlilik muddati tugaganidan keyin qo‘llamang.

Yaroqlilik muddati

ko‘rsatilgan oyning oxirgi kuniga to‘g‘ri keladi.
Dori preparatlarini kanalizatsiyaga yoki maishiy chiqindilar bilan tashlab yuborish mumkin emas. Siz boshqa qo‘llanmaydigan dori preparatlarini qanday yo‘q qilish to‘g‘risida farmatsevtdan so‘rang. Ushbu choralar atrof-muhitni himoya qilishga yordam beradi.
6. O‘ram ichidagi modda va boshqa ma'lumotlar
Septolete total nima saqlaydi
-Ta'sir etuvchi moddalar benzidamin gidroxloridi va setilpiridiniy xloridi.
1 pastilka 3 mg benzidamin gidroxloridi va 1 mg setilpiradiniy xloridi saqlaydi.
-Yordamchi moddalar evkalipt moyi, levomentol, suvsiz limon kislotasi (E330), sukraloza (E955), izomalt (M tipi) (E953), FCF brilliant moviy bo‘yovchisi (E133).
Septolete total qanday ko‘rinishga ega va o‘ram ichidagi modda
Och moviy ranglidan moviy rangligacha bo‘lgan, chetlari kesilgan dumaloq pastilkalar. Oq qatlam, bir tekis bo‘yalmasligiga, karamel massasida havo pufakchalari bo‘lishiga va chetlari biroz notekis bo‘lishiga yo‘l qo‘yiladi
8 pastilkadan blisterda. 1, 2, 3 yoki 4 blisterdan qo‘llash bo‘yicha yo‘riqnomasi bilan birga karton qutiga joylanadi.

Dorixonalardan berish tartibi

Retseptsiz beriladi.

Ishlab chiqaruvchi

KRKA, d.d., Novo mesto, Shmaryeshka sesta 6, 8501 Novo mesto, Sloveniya