Furazolidon tab. 0.05g №10 (Borisovskiy zavod)

Preparatning savdo nomi

Furazolidon
Ta'sir etuvchi modda (XPN) furazolidon (furazolidone)

Dori shakli

tabletkalar

Tarkibi

Bir tabletka quyidagilarni saqlaydi
faol modda furazolidon – 50 mg;
yordamchi moddalar laktoza monogidrati, suvsiz kolloid kremniy dioksidi, kaltsiy stearati, kartoshka kraxmali.
Ta'rifi sariqdan to yashil-sariq rangligacha bo‘lgan, yassitsilindrik, faskali tabletkalar.

Farmakoterapevtik guruhi

mikroblarga qarshi va antiseptik vositalar, kortikosteroidlar bilan majmuasi bundan mustasno.
ATX kodi G01AX06.

Qo‘llanilishi

Dizenteriya, paratif, ovqat toksikoinfektsiyalari, lyamblioz, trixomonadali kolpitlar va boshqa furazolidonga sezgir mikroorganizmlar chaqirgan kasalliklarni davolash uchun buyuriladi.

Qo‘llash usuli va dozalari

Ichga ovqatdan keyin qabul qilinadi. Dizenteriya, paratif, paratifoz xarakterli ovqat toksikoinfektsiyalarida 100-150 mg dan (2-3 tablektalar) (kattalar) sutkada 4 marta 5-10 kun davomida. Preparat 5 yoshdan oshgan bolalarga 25-50 mg dan (½–1 tabletka) kuniga 4 marta buyurilishi mumkin. Davolash davomiyligi infektsiyaning xarakteri va og‘irligiga bog‘liq. Furazolidonni 10 kundan ortiq qo‘llash tavsiya etilmaydi.
Furazolidon bilan diareyani davolashda terapevtik samara davolashning 2-5 kun davomida rivojlanadi. Ba'zi hollarda patsiyentlarga davolashni uzoqroq muddat talab etilishi mumkin.
Agar 7 kun davomida kutilgan klinik javob olinmasa, bu qo‘zg‘atuvchini furazolidonni ta'siriga chidamliligini bildiradi va preparatni qabul qilishni to‘xtatish lozim. Boshqa antibakterial vositalar yoki vismut tuzlari bilan qo‘shimcha davolash mumkin. (“Dorilarning o‘zaro ta'siri” bo‘limiga qarang). Agar furazolidon tavsiya etilgan dozalardan ko‘pyoki besh kundan ortiq buyurilsa, shifokor monoaminlar oksidaza ingibitorlarini to‘planishi bilan bog‘liq bo‘lgan gipertonik krizni rivojlanishi xavfini baholash lozim. Gipertonik krizlarni rivojlanishiga olib keladigan dori vositalari va ovqat mahsulotlari haqida patsiyentlar ma'lumot olishlari lozim.
Lyambliozda kattalarga 100 mg (2 tabletka) dan kuniga 4 marta; bolalarga – sutkada
10 mg/kg hisobida buyuriladi. Sutkalik dozani 3-4 qabullarda buyurish lozim.
Kattalar uchun ichga yuqori dozalar bir martalik - 200 mg, sutkalik – 800 mg.
Nojo‘ya ta'sirlari
Ichga qabul qilinganida furazolidon ko‘ngil aynishi, qusish, ishtahani pasayishini nisbatan tez-tez chaqiradi. Alohida hollarda allergik reaktsiyalar (ekzantemalar va enantemalar) bo‘lishi mumkin. O‘ta yuqori sezuvchanlik reaktsiyasi arterial bosimni pasayishi, eshakemi, tana haroratini oshishi va artralgiya bilan rivojlanishi mumkin. Bu reaktsiyalar preparat bekor qilinganida o‘tib ketadi. Qabul qilish vaqtida ko‘ngil aynishi, qusish, bosh og‘rig‘i, umumiy holsizlik, dozani dozani kamaytirishda yo‘qolishi yoki preparatni bekor qilishda kuzatilishi mumkin.
Furazolidon qabul qilgan shaxslarda alkogolga disulfiramsimon reaktsiya rivojlanishi mumkin teri qoplamlarini qizarishi, tana haroratini ahamiyatsiz oshishi, hansirash, ayrim xollarda ko‘krak qafasida siqilish hissi.
Nojo‘ya reaktsiyalarini kamaytirish uchun preparatni ko‘p miqdordagi suyuqlik bilan ichish va zarurati bo‘lganida dozani kamaytirish; gistaminga qarshi preparatlar, kaltsiy xloridi, V guruhi vitaminlarini buyurish tavsiya qilinadi.
Yaqqol nojo‘ya ko‘rinishlarda preparatni qabul qilish to‘xtatiladi.

Qo‘llash mumkin bo‘lmagan holatlar

O‘ta yuqori sezuvchanlik, surunkali buyrak yetishmovchiligining terminal bosqichi, glyukozo-6-fosfatdegidrogenaza tanqisligi, homiladorlik, laktatsiya davri, 5 yoshgacha bo‘lgan bolalar. Siydik chiqarish yo‘llarining infektsiyalarida buyurilmasin.
Ehtiyotkorlik choralari
Nevritlarni oldini olish uchun uzoq muddat qo‘llanganida V guruhi vitaminlari qabulini qo‘shish kerak.
Dorilarning o‘zaro ta'siri
Aminoglikozidlar va tetratsiklinlar furazolidonni mikroblarga qarshi xususiyatini kuchaytiradi.
Organizmni alkogolga sensibilizatsiyalaydi.
Xloramfenikol va ristomitsin fonida furazolidon qon yaratishni susaytirishini oshiradi.

Maxsus ko‘rsatmalar

Surunkali buyrak yetishmovchiligida, nerv tizimining kasalliklarida ehtiyotkorlik bilan buyuriladi.
Furazolidon monoaminooksidaza ingibitori ekanligini hisobga olish kerak; u qo‘llanganida monoaminooksidaza ingibitorlari ishlatilganidagi kabi ehtiyotkorlik choralariga rioya qilinishi kerak.
Furazolidon organizmni alkogolning ta'siriga sensibilizatsiya qilish qobiliyatiga ega va boshqa vositalarning samaradorligi yetarlicha bo‘lmaganida yoki ularni qo‘llash mumkin bo‘lmagan holatlar bo‘lganida, alkogolizmni davolash uchun ishlatiladi. Furazolidon qabul qilgandan keyin (10-12 kun davomida) odatda alkogolli ichimlikka salbiy shartli reflektor reaktsiya hosil bo‘ladi. Furazolidon fonida alkogol qabul qilish yuz va bo‘yin sohasida qizish hissi, butun tanada achishish, ensa sohasida og‘irlik chaqiradi, bundan tashqari puls tezlashadi, arterial bosim pasayadi.
Avtomobilni haydash va harakatlanuvchi mexanizmlar bilan ishlash qobiliyatiga ta'siri furazolidon terapevtik dozalarda avtomobilni haydash va harakatlanuvchi mexanizmlar bilan ishlash qobiliyatiga ta'sir qilmaydi.
Preparat bolalar ololmaydigan joyda saqlansin va o‘ramda ko‘rsatilgan yaroqlilik muddati o‘tganidan so‘ng ishlatilmasin.

Dozani oshirib yuborilishi

Simptomlari o‘tkir toksik gepatit, gematotoksiklik, neyrotoksiklik (polinevrit).
Davolash preparatni bekor qilish, ko‘p miqdorda suyuqlik qabul qilish, simptomatik davolash, antigistamin dori vositalari, V guruhi vitaminlari.

Chiqarilish shakli

Kontur uyasiz o‘ramda №10x1;
Kontur uyali o‘ramda №10x1, №10x2, №10x5

Saqlash sharoiti

Namlikdan va yorug‘likdan himoyalangan joyda, 25oS dan yuqori bo‘lgan haroratda saqlansin.

Yaroqlilik muddati

3 yil.

Dorixonalardan berish tartibi

Retsept bo‘yicha.

Ishlab chiqaruvchi

«Borisovskiy zavod meditsinskix preparatov» ochiq aktsionerlik jamiyati,
Belarus Respublikasi, Minsk vil., Borisov sh., Chapayev ko‘ch. 64,
tel/faks +375 (177) 735612, 731156.