Preparatning savdo nomi
Latsidoforte

Dori shakli
Kapsulalar

Tarkibi

Har bir kapsula quyidagilarni saqlaydi
faol moddalar probiotik kultura (Lactobacillus helveticus R0052, Lactococcus lactis ssp. lactis R1058, Bifidobacterium longum R0175, Lactobacillus rhamnosus R0011, Bifidobacterium breve R0070, Streptococcus thermophilus R0083, Bifidobacterium bifidum R0071, Lactobacillus casei R0215, Lactobacillus plantarum R1012) kamida 1,5 × 109 KHB, fruktooligosaxaridlar 39 mg, askorbin kislotasi 50 mg, V1 vitamini (tiamin mononitrati) 0,5 mg, V2 vitamini (riboflavin) 0,6 mg, V6 vitamini (piridoksin gidroxloridi) 0,6 mg.
yordamchi moddalar kartoshka kraxmali, magniy stearati; kapsula gipromelloza, titan dioksidi.
Ta'rifi to‘q sariq rangli zarrachalari bo‘lgan fil suyagi rangidan och sariq rangligacha bo‘lgan mayda dispersiyali yoki granulali kukun saqlovchi oq rangli, xira, №1 o‘lchamli o‘simliklardan olinadigan kapsula.

Farmakoterapevtik guruhi
Ovqat hazm qilish tizimiga va metabolizmga ta'sir qiluvchi vositalar. Diareyaga qarshi prepratlar; ichakning infektsion-yallig‘lanish kasalliklarini davolash uchun qo‘llanadigan vositalar. Diareyaga qarshi mikrob preparatlari. Laktobakteriyalar.
ATX kodi A07FA01


Farmakologik xususiyatlari


Farmakodinamika

Latsidoforte – majmuaviy probiotik bo‘lib, uning tarkibiga quyidagi lakto- va bifidobakteriyalar Lactobacillus helveticus, Lactococcus lactis ssp. lactis, Bifidobacterium longum, Lactobacillus rhamnosus, Bifidobacterium breve, Streptococcus thermophilus, Bifidobacterium bifidum, Lactobacillus casei, Lactobacillus plantarum ning shtammlari kiradi. Latsidoforte organizmning funktsiyalarini optimallashtiradi, ichak mikroflorasi muvozanatini yo‘lga soladi va ichak mikroflorasi tarkibini normallashtiradi.
Latsidofortening tarkibiga kiruvchi laktobakteriyalar, uglevodlarni parchalab, sut kislotasini hosil qiladi. Ular tomonidan hosil qilingan kislotali muhit odam organizmi ichak mikroflorasining 85-95% ni tashkil qiluvchi bifidobakteriyalarni rivojlanishiga yordam beradi.
Bifidobakterilar va laktobakteriyalar patogen va shartli-patogen mikroorganizmlarning keng doirasiga qarshi yuqori antagonistik faollikka ega, stafilokokklar, shigellalar, rotaviruslar, protey, enteropatogen ichak tayoqchasi, ayrim achitqisimon zamburug‘larning hayot faolitini susaytiradi, ularni ichak shilliq qavatiga adgeziyasiga to‘sqilik qiladi. Lakto- va bifidobakteriyalar ichakning foydali mikroflorasini rivojlanishi uchun ijobiy sharoitlar yaratadi, ichak mikroflorasining fiziologik muvozanatini quvvatlaydi va regulyatsiya qiladi, me'da-ichak yo‘llarining mikrobiotsinozini normallashishiga yordam beradi. Lakto- va bifidobakteriyalar organizmning nospetsifik rezistentligini oshiradi, immunomodulyator ta'sirga ega.
Latsidoforte preparatining tarkibiga kiruvchi normal mikroflora bakteriyalari ichak devori oldi hazm jarayonlarini faollashtiradi, oqsillar, yog‘lar, uglevodlarni fermentativ parchalanishida, o‘t kislotasi va xolesterinning metabolizm jarayonlarida ishtirok etadi (gipoxolesterinemik ta'sir ko‘rsatadi). Lakto- va bifidobakteriyalar aminokislotalar, pantotenat kislotasi, K vitamini va V guruhi vitaminlarini sintez qiladi, temir, kaltsiy va D vitaminini so‘rilishiga yordam beradi.
Fruktooligosaxaridlar – bu fermentatsiya jarayonlariga uchraydigan tolalardir. Ular hazm bo‘lmaydi, lekin chambar ichakning mikroflorasi tomonidan tezda fermentatsiya qilinib, uchuvchan yog‘ kislotalari sifatida ma'lum bo‘lgan quyi molekulyar yog‘ kislotalarini ajratib chiqaradi. Fermentatsiya jarayonlari tufayli, fruktooligosaxaridlar yo‘g‘on ichakning epitelial hujayralari uchun bevosita ozuqa manbai bo‘lib xizmat qiladi. Ular ovqat hazm qilish yo‘llarini to‘g‘ri ishlashiga isbotlangan ijobiy ta'sir ko‘rsatuvchi maxsus mikroflorani (bifidoflorani va sut kislotasi bakteriyalarini) o‘sishi uchun o‘ziga xos ahamiyatga egadir patogen bakteriyalarni rivojlanishini susaytiradi, ozuqa moddalarini hazm qilinishi va so‘rilishini yaxshilaydi.
Askorbin kislotasi o‘ta kuchli kimyoviy jihatdan qaytariluvchi xususiyatlarga ega, xususan, atrof muhitning toksik moddalarini zararsizlantiruvchi fermentlarni tiklaydi. Kollagenni (qon tomir devorlari, paylar, boylamlar va suyaklarning struktur komponentlaridan birini) sintezi uchun, xolesterinni, yog‘larni hazm qilinishi uchun xizmat qiladigan, shuningdek peristaltikani kuchaytiradigan o‘t kislotalariga aylanishi uchun zarurdir.
V1 vitamini organizmni o‘sishi va rivojlanishiga yordam beruvchi hujayra uchun energetik bo‘lib, aqliy va jismoniy ish qobiliyatini oshiradi, detoksikatsion ta'sir ko‘rsatadi, shuningdek nerv to‘qimasining metabolizmini yaxshilaydi. Tiamin uglevodlar va energiya almashinuvida, ayniqsa nerv va mushak to‘qimalaridagi almashinuvida muhim rol o‘ynaydigan qator fermentlarning kofermentlarini hosil bo‘lishida qatnashadi. Tiaminni yetishmovchiligi beri-beri sindromi (o‘ziga xos polinevrit) va Vernike sindromlarini (polinevrik psixoz) rivojlanishiga olib keladi.
B2 vitamini hujayralarni nafas olish jarayonlari va ko‘rishning o‘ta muhim katalizatori hisoblanadi. Riboflavin oksidlanish-qaytarilish jarayonlarini boshqarib, oqsil, yog‘ va uglevodlar almashinuvida ishtirok etadi, DNK ni shakllanishida muhim ro o‘ynaydi, gemoglobin sintezida qatnashadi, to‘qimalar (shu jumladan teri hujayralarining) regeneratsiya jarayonlariga, hujayralarda trofik buzilishlarni tuzalishiga yordam beradi.
V6 vitamini aqliy va jismoniy ish qobiliyatini oshiradi, qonda glyukozaning darajasini yo‘lga soladi, qalqonsimon bezi, buyrak usti bezlari va jinsiy bezlar ishini normallashtiradi, bosh miya to‘qimalarida moddalar almashinuvini yaxshilaydi. Nerv tizimini mustahkamlaydi, antidepressant hisoblanadi.

Farmakokinetikasi

Ma'lumotlar mavjud emas.


Qo‘llanilishi

Preparat quyidagi holatlarda ovqat hazm bo‘lishini normallashtirish uchun ichak mikroflorasini tiklash maqsadida qo‘llanadi
• gastroenteritni, dispepsiyani kompleks davolash;
• antibiotiklar va kimyoterapevtik preparatlarni qabul qilish bilan bog‘liq bo‘lgan diareyani oldini olish va davolash;
• ovqatlanish ratsionini o‘zgarishi, safarlar va boshqa sabablar bilan bog‘liq bo‘lgan tranzitor ichak disfunktsiyalarini (ham diareyani, ham qabziyatni) davolash;
• laktozaga tolerantlikni oshishi;
• dermatologik kasalliklarni kompleks davolashda qo‘llanadi.
Preparat surunkali toliqish sindromida umumiy ahvolini yaxshilash maqsadlarida, kasalliklarga organizmning umumiy qarshiligini oshirish maqsadlarida, shuningdek vitaminlarni qo‘shimcha manbai sifatida qo‘llanishi mumkin.
Preparat Clostridium difficile tomonidan chaqirilgan infektsiyalarni oldini olish uchun o‘ziga xos vosita hisoblanadi.

Qo‘llash usuli va dozalar
Latsidoforte ichga, ovqatlanish vaqtida, ko‘p miqdordagi suv bilan qabul qilinadi.
3 yoshgacha bo‘lgan bolalarga va butun kapsulani yuta olmaydigan patsiyentlarga, kapsulani ochish, uning ichidagisini qoshiqqa solish va ko‘p bo‘lmagan miqdordagi suyuqlik bilan aralashtirib, keyin qabul qilish lozim.
Bir yoshdan boshlab bolalarda xususiy ichak mikroflorasini rivojlantirish maqsadida, ushbu toifadagi patsiyentlarda probiotik preparatlarni faqat shifokorning tavsiyasi bo‘yicha qo‘llash mumkin.
1 yoshdan 3 yoshgacha bo‘lgan bolalar 1 kapsuladan kuniga 1-2 marta buyuriladi.
3 yoshdan 12 yoshgacha bo‘lgan bolalar 1 kapsuladan kuniga 3 marta buyuriladi.
Kattalar va 12 yoshdan oshgan o‘smirlar 1-2 kapsuladan kuniga 3 marta buyuriladi.
Davolash davomiyligi disbakterioz holatini rivojlanish sabablari va organizmning individual xususiyatlariga bog‘liq.
Preparat har kuni uzoq muddat qabul qilish uchun mo‘ljallanmagan.

Nojo‘ya ta'sirlari
Nojo‘ya samaralari aniqlanmagan. Ovqat hazm bo‘lishini buzilishlari rivojlanganida yoki 3 kun davomida ijobiy dinamika kuzatilmaganida Latsidoforteni qabul qilishni to‘xtatish va shifokor bilan maslahatlashish kerak.
Shubha qilingan nojo‘ya reaktsiyalar xaqida xabarlar
Dori vositasi ro‘yxatdan o‘tkazilgandan keyin shubha qilingan nojo‘ya reaktsiyalar xaqida habarlar muhim hisoblanadilar. Patsiyentda dori vositasiga nisbatan jiddiy nojo‘ya reaktsiya aniqlanganida yoki ushbu bo‘limda ta'riflanmagan yangi nojo‘ya reaktsiya paydo bo‘lganida Milliy farmakologik nazorat tizimiga muvofiq ravishda axborot berishingizni so‘raymiz.


Qo‘llash mumkin bo‘lmagan holatlar

• preparatning faol moddalariga yoki yordamchi moddalaridan birortasiga yuqori sezuvchanlikda;
• sigir suti oqsiliga va soyaga allergiya tasdiqlanganida;
• laktaza (Lapp turi) yoki saxaraza-izomaltaza tanqisligi;
• galaktozani o‘zlashtirolmaslik bilan bog‘liq bo‘lgan nasliy muammolar, fruktozani o‘zlashtirolmaslik bilan bog‘liq bo‘lgan buzilishlar, glyukoza-galaktoza malabsorbtsiyasi;
• yarali kolitda preparatni qo‘llash mumkin emas.

Dorilarning o‘zaro ta'siri
Dori vositalari bilan o‘zaro ta'siri kuzatilganida yuzaga keladigan nojo‘ya reaktsiyalar to‘g‘risida ma'lumotlar yo‘q.


Maxsus ko‘rsatmalar

Quyidagi guruh patsiyentlari uchun probiotik terapiya faqat shifokor kuzatuvi ostida o‘tkaziladi
• immun tizimi buzilgan yoki susaygan patsiyentlar, ayniqsa OITS kechki bosqichlari bo‘lgan patsiyentlar yoki allotransplantantlari bo‘lgan patsiyentlar, shuningdek ximioterapiya qabul qilayotgan patsiyentlar;
• endo- yoki miokarditi bo‘lgan patsiyentlar;
• yo‘g‘on ichakda yoki og‘iz bo‘shlig‘ida va tishlarda operatsiya o‘tkazgan patsiyentlar;
• me'da osti bezi funktsiyasini o‘tkir buzilishi bo‘lgan patsiyentlar, shu jumladan insulinga qaram diabetiklar. Probiotiklar qandni o‘zlashtirish jarayonini yaxshilash va shu yo‘l bilan patsiyentlarda insulin oqibatidagi shokni chaqirish xususiyatiga ega. Probiotiklar qabul qilinganda qondagi glyukozaning darajasi har doim o‘lchab turilishi va insulinning dozasi muvofiq ravishda kamaytirilishi lozim.
• kalta ichak sindromi bo‘lgan, D-laktik atsidozidan aziyat chekuvchi bolalar. Shtammlar tomonidan D-laktatni ishlab chiqarilishini oldini olish uchun choralar ko‘rish kerak.
• qon aralash diareyadan aziyat chekuvchi patsiyentlar.
Yuqorida keltirilgan barcha holatlarda probiotiklarning ijobiy ta'siri kuzatilishi mumkin bo‘lgan xavfdan ustun turadi.
Homiladorlik va laktatsiya davrida qo‘llanishi
Preparatni homilador va emizikli ayollarda, faqat davolovchi shifokor bilan maslahatlashgandan keyingina qo‘llash mumkin.
Avtotransportni haydash va mexanizmlarni boshqarish qobiliyatiga ta'siri
Latsidoforte avtomobilni va boshqa mexanizmlarni boshqarish qobiliyatiga ta'sir qilmaydi.


Dozani oshirib yuborilishi

Dozani oshirib yuborilish holatlari to‘g‘risida xabar berilmagan.


Chiqarilish shakli

Kapsulalar. 10 kapsuladan blisterda. 1 yoki 2 blisterdan tibbiyotda qo‘llanilishiga doir yo‘riqnomasi bilan birga karton qutida.

Saqlash sharoitlari
25°C dan yuqori bo‘lmagan hroratda saqlansin.
Bolalar ololmaydigan joyda saqlansin!


Yaroqlilik muddati


Ishlab chiqarilgan
sanadan boshlab 3 yil.
Bolalar ololmaydigan joyda saqlansin!


Dorixonalardan berish tartibi

Retseptsiz.