Dyufaston tab. 10mg №14

Preparatning savdo nomi

Dyufaston®
Ta'sir etuvchi modda (XPN) didrogesteron

Dori shakli

plyonka qobiq bilan qoplangan tabletkalar

Tarkibi

1 tabletka quyidagilarni saqlaydi
faol modda 10 mg didrogesteron;
yordamchi moddalar laktoza monogidrati, gipromelloza, makkajo‘xori kraxmali, suvsiz kolloid kremniy dioksidi, magniy stearati.
qobig‘i oq Opadri OY-1-7000 (gipromelloza, polietilenglikol 400, titan dioksidi (E171)).
Ta'rifi dumaloq, ikki tomonlama qavariq, oq rangli, plyonka qobiq bilan qoplangan, chetlari o‘yilgan, bir tomonida riskasi bo‘lgan, riskaning ikkala tomonida “155” gravirovkasi bo‘lgan tabletkalar.
Bo‘lish chizig‘i tabletkani ikkita bir xil dozaga bo‘lish uchun emas, balki faqat tabletkani sindirishni yengillashtirish va yutishga qulay holga keltirish uchun mo‘ljallangan.

Farmakoterapevtik guruhi

siydik-tanosil tizimiga ta'sir etuvchi vositalar va jinsiy gormonlar. Progestagen.
ATX kodi G03DV01

Farmakologik xususiyatlari

Didrogesteron ichga qabul qilinganda faol bo‘lgan, progesteronning sintez yo‘li bilan olingan analogidir. Peroral qabul qilingan didrogesteron endometriyga selektiv ta'sir qilib, uning to‘liq sekretor transformatsiyasini chaqiradi, shu yo‘l bilan estrogenlar tomonidan induktsiya qilingan endometriyning giperplaziyasini va/yoki kartserogenezini rivojlanish xavfini oshishidan saqlaydi. Didrogesteron estrogen, androgen, anabolik va glyukokortikosteroid faollikka ega emas.
Didrogesteron ovulyatsiya jarayonini susaytirmaydi. Buning natijasida Dyufaston® qabul qilayotgan reproduktiv yoshidagi ayollarda ham urug‘lanish imkoni saqlanib qoladi.
Bachadoni bo‘lgan ayollarda postmenopauza davrida estrogenlar bilan o‘rinbosar davolash endometriy giperplaziyasi va endometriy kartsinomasini rivojlanish xavfini oshiradi. Progestagenni qo‘shish qo‘shimcha xavfni oldini oladi.
Klinik samaradorligi va xavfsizligi
Lotus I va Lotus II klinik tadqiqotlari quyidagilarni tasdiqladi
In vitro sharoitida urug‘lantirish texnologiyalari qo‘llanganda lyutein fazani tutib turish uchun peroral didrogesteronni sutkada 30 mg dozada va sutkada 600 mg dozada kapsulalarda qo‘llangan intravaginal mikronlashtirilgan progesteronning samaradorligi, xavfsizligi va o‘zlashtira olinishini qiyoslash uchun ikkita parallel guruhlardagi ikki yoqlama yashirin, ikki tomonlama niqoblangan, randomizatsiyalangan, ko‘p markazli tadqiqot (LOTUS I).
Ekstrakorporal homilador qilishda lyuteinli saqlab turish uchun bir kunda 30 mg peroral didrogesteronning va bir kunda 90 mg Crinone 8 foizli intravaginal progesteron gelining samaradorligi, xavfsizligi va ko‘tara olishlikni solishtiruvchi randomizatsiyalangan ochiq ikki guruhli ko‘p markazli tadqiqot (LOTUS II).
Tadqiqot o‘zining asosiy maqsadiga - homiladorlikning 12 haftasida (homiladorlikning 10 haftasida) homilada yurak urishi nuqtai nazaridan intravaginal mikronizatsiyalangan progesteronga qaraganda peroral didrogesteronning kam bo‘lmagan samaradorligini namoyon etishga erishildi.
Bemorlarning tekshirilayotgan populyatsiyasida homiladorlikning 12 haftasida (homiladorlikning 10 haftasida) homilador bo‘lishning tez-tez uchrab turishi 37,6% va 33,1% (LOTUS I) hamda 36,7% va 34,7% (LOTUS II) tashkil qildi. Ikkita guruh o‘rtasida homilador bo‘lishning tez-tez uchrab turishida farq 4,7 (95% DI, -1,2; 10,6) (LOTUS I) va 2,0 (95% DI, -4,0; 8,0) (LOTUS II) tashkil qildi.
Tadqiqotning birlamchi maqsadiga erishilgan – gestatsiyaning 12-chi haftasida (homiladorlikning 10-chi haftasida) homilada yurak qisqarishlari borligi mezoni bo‘yicha intravaginal mikronlashtirilgan progesteronga nisbatan, peroral didrogesteronning samaradorligi kam emasligi namoyish etilgan. Klinik tadqiqot protokoli (per protocol sample, PPS) talabini bajargan tadqiqot sub'ektlarining tahlilida, gestatsiyaning 12-chi haftasida (10-chi hafta) tasdiqlangan homiladorlikning boshlanish tezligi didrogesteron va mikronlashtirilgan progesteron guruhlarida muvofiq ravishda 37,6% va 33,1% ni tashkil etgan. Guruhlar o‘rtasida homiladorlikning boshlanish tezligidagi farq (95% li II) 4,7 (-1.2, 10.6) ni tashkil etgan.
Tadqiqot qilinayotgan dori vositasining kamida bitta dozasi yuborilgan 1029 ta sub'ektdan (LOTUS I) va 1030 ta sub'ektdan (LOTUS II) xavfsizlikni ishlab chiqishda eng ko‘p ma'lum qilingan TEAE tez-tez uchrab turishi ikkita davolash guruhlari o‘rtasida bir xil bo‘ldi.
Xavfsizlikni baholash uchun tadqiqot sub'ektlarning (tekshirilayotgan preparatning xech bo‘lmaganda bitta dozasini qabul qilgan 1029 nafar tadqiqot sub'ektlari) tahlili, davolash fonidagi, ular to‘g‘risida xabar berilgan nojo‘ya noxush ko‘rinishlarning yuz berish holatlari tezligi ikkala guruhda xam bir xil bo‘lgan.
O‘rganilayotgan patsiyentlar populyatsiyasining xarakteri/davolash uchun va tekshirilayotgan patsiyentlar populyatsiyasi uchun ko‘rsatmalar bois erta abortlar/bola tashlashlar soni, ayniqsa gestatsiyaning 12-chi haftasi (homiladorlikning 10-chi haftasi) gacha kutilgandek bo‘ladi, chunki bu davrda homiladorlikning boshlanish tezligini prognoz qilish qo‘rsatkichi taxminan 35% ni tashkil etadi.
Didrogesteronning yaxshi aniqlangan profilini va tekshirilayotgan populyatsiya / ko‘rsatkichlarni hisobga olib, ikkala LOTUS tadqiqotlarida kuzatilgan xavfsizlik profili kutilgan ma'lumotlarga mos keladi.
Bu tadqiqotda kuzatilgan xavfsizlik profili, didrogesteronning yaxshi o‘rganilgan xavfsizlik profilini hisobga olib, shuningdek o‘rganilayotgan patsiyentlar populyatsiyasi/ davolash uchun ko‘rsatmalarni hisobga olib, kutilganiga muvofiq kelgan.

Farmakokinetikasi

So‘rilishi
Peroral qabul qilgandan keyin didrogesteron tez so‘riladi. Tmax ga 0,5 va 2,5 soatlar oralig‘ida erishiladi. Didrogesteronning mutloq biokiraolishligi (7,8 mg ni vena ichiga infuziyasiga nisbatan, 20 mg li peroral doza yuborilganda) 28% ni tashkil qiladi.
Quyidagi jadval 10 mg didrogesteronning bir martalik dozasi qabul qilingandan keyin didrogesteronning (D) va 20α digidrodidrogesteronning (DHD) farmakokinetik ko‘rsatkichlarini aks ettiradi
Didrogesteron
DGD
Smax maksimal kontsentratsiya (ng/ml)
2,1
53,0
AUC “kontsentratsiya-vaqt” egri chizig‘i ostidagi maydon (ng*s/ml)
7,7
322,0
Taqsimlanishi
Vena ichiga yuborilganida didrogesteronning barqaror kontsentratsiyasida taqsimlanish hajmi taxminan 1400 ml ni tashkil qilgan. Didrogesteronning va digidrogesteronning (DHD) 90% dan ortig‘i plazma oqsillari bilan bog‘lanadi.
Metabolizmi
Peroral qabul qilingandan keyin didrogesteron tez metabolizmga uchraydi va DHD ga aylanadi. Doza qabul qilinganidan keyin taxminan 1,5 soatdan so‘ng, asosiy faol metaboliti - DHD ning plazmadagi darajasi cho‘qqi kontsentratsiyasiga yetadi. Plazmada DHD ning darajasi, didrogesteronga nisbatan ancha yuqori. DHD va didrogesteronning AUC va Smax nisbatlari muvofiq ravishda 40 va 25 ni tashkil qiladi. Didrogesteron va DHD o‘rtacha yakuniy yarim chiqarilish davri muvofiq ravishda 5 soatdan 7 soatgacha va 14 soatdan 17 soatgacha o‘zgarib turadi. Barcha metabolitlarning umumiy xarakteristikasi - dastlabki modda 4,6-diyen-2-on ning strukturasini saqlab qolinishi va 17α-gidroksillanishining yo‘qligi hisoblanadi. Bu didrogesteronning estrogen va androgen samaralarini yo‘qligini tushuntiradi.
Chiqarilishi
Nishonlangan didrogesteron peroral qabul qilinganidan keyin, dozaning o‘rtacha 63% siydik bilan chiqariladi. Plazmadan umumiy klirensi minutiga 6,4 litrni tashkil qiladi. Didrogesteronni to‘liq chiqarilishi 72 soat davomida yuz beradi, DHD siydik bilan asosan glyukuron kislotasining kon'yugati ko‘rinishida chiqariladi.
Doza va vaqtga bog‘liqligi
Bir martalik va ko‘p martalik dozaning farmakokinetikasi 2,5 dan 10 mg gacha peroral qabul qilish uchun dozalash diopazonida to‘g‘ri proportsional hisoblanadi. Bir martalik va ko‘p martalik dozani kinetik solishtirishda didrogesteron va DHD ning farmakokinetikasi takroriy dozadan keyin o‘zgarmasligini ko‘rsatdi. Davolashning uchinchi kunidan keyin muvozanat holatiga erishiladi.

Qo‘llanilishi

Hayz siklini boshqarish uchun;
endometrioz;
hayz ko‘rish oldi sindromi;
dismenoreya;
lyutein yetishmovchiligi bilan bog‘liq bepushtlik;
yordamchi reproduktiv texnologiyalar (YoRT) ni qo‘llash bilan lyutein fazani yetarli darajada tutib turish;
progesteron yetishmovchiligi oqibatidagi homila tashlash xavfi;
progesteron yetishmovchiligi oqibatidagi odatiy bola tashlashda qo‘llanadi.
Dyufaston® intakt bachadoni bo‘lgan ayollarni estrogenlar bilan davolashga qo‘shimcha ravishda siklik davolash tartibida ishlatilishi mumkin
postmenopauza davrida endometriy giperplaziyasini rivojlanishini oldini olish uchun;
disfunktsional bachadondan qon ketishlarida;
ikkilamchi amenoreyada qo‘llaniladi.

Qo‘llash usuli va dozalari

Dozalash
Dyufaston® preparati bilan davolashda quyidagi dozalash tartiblari tavsiya etiladi. Dozalarni kasallikning og‘irlik darajasi va patsiyentning davolashga bo‘lgan individualjavobiga qarab tanlash kerak.
Siklni boshqarish
Siklning 11-nchi kunidan 25-nchi kunigacha kuniga 1 tabletkadan qabul qilib, siklni 28 kun davom etishiga erishish imkoniyati mavjud.
Endometrioz
Siklning 5-nchi kunidan 25-nchi kunigacha kuniga 1-3 tabletkadan yoki umumiy sikl
davomida uzluksiz tartibda buyuriladi. 10 mg li bir martalik dozalarni, kun davomida teng taqsimlash kerak. Davolashni eng yuqori dozadan boshlash tavsiya etiladi.
Predmenstrual sindrom
Hayz ko‘rish siklining ikkinchi yarmida keyingi siklning birinchi kunigacha 10 mg dan kuniga 2 marta buyuriladi. Davolash boshlangan kun va davolash kunlarining soni hayz ko‘rish siklining individual davomiyligiga bog‘liq.
Dismenoreya
Siklning 5-nchi kunidan 25-nchi kunigacha kuniga 1-2 tabletkadan buyuriladi. 10 mg li dozalarni, kun davomida teng taqsimlash kerak. Davolashni eng yuqori dozadan boshlash tavsiya etiladi.
Lyuteinyetishmovchiligi oqibatidagi bepushtlik
Siklning 14-nchi kunidan 25-nchi kunigacha kuniga 1 tabletkadan buyuriladi.
Davolashni kamida ketma-ket 6 sikl davomida davom ettirish lozim. Davolashni odatiy bola tashlash uchun ko‘rsatilgan dozalarda, homiladorlikning birinchi oyi davomida ham davom ettirish maqsadga muvofiqdir.
Yordamchi reproduktiv texnologiyalar (YoRT) ni qo‘llash bilan lyutein fazani yetarli darajada tutib turish
Dyufastonning 1 tabletkasi kuniga 3 marta (sutkada 30 mg) buyuriladi. Davolashni ootsitlarni tortib olingan kundan boshlanadi va tasdiqlangan homiladorlikda 10 hafta davomida davom ettiriladi.
Bola tashlash xavfi
Boshlang‘ich doza birdaniga 4 ta tabletka, so‘ngra 1 tabletkadan har 8 soatda buyuriladi. 10 mg li bir martalik dozalarni kun davomida teng taqsimlash kerak. Davolashni eng yuqori dozadan boshlash tavsiya etiladi.
Agar simptomlar saqlansa yoki davolash vaqtida takrorlansa, har 8 soatda 1 tabletkagacha oshirish lozim.
Simptomlar to‘xtaganidan keyin, samarali dozani bir hafta davomida tutib turish lozim; dozani asta-sekin pasaytirish mumkin bo‘ladi. Agar simptomlar takrorlansa, davolashni samarali dozani qo‘llash bilan darhol yangidan boshlash lozim.
Odatiy homila tashlash
Homiladorlikning 20-chi haftasigacha kuniga 1 tabletkadan buyuriladi, keyinchalik doza asta-sekin pasaytirilishi mumkin. Davolashni urug‘lanishdan oldin boshlash afzalroqdir.
Agar bola tashlash xavfi simptomlari davolash vaqtida paydo bo‘lsa, davolashni ushbu buzilishlar uchun muvofiq ko‘rsatmalar bo‘yicha davom ettirish lozim.
Bachadondan disfunktsional qon ketishlari
5-7 kun davomida kuniga 2 tabletkadan qabul qilinganda qon ketish to‘xtaydi. Bir necha kun davomida qon yo‘qotish ancha kamayadi. Davolash tugaganidan keyin bir necha kundan so‘ng bekor qilish oqibatida qon ketishi paydo bo‘ladi, bu haqida patsiyentni ogohlantirish kerak.
Keyinchalik qon ketishlarni paydo bo‘lishini oldini olish uchun siklning 11-nchi kunidan 25-nchi kunigacha kuniga 1 tabletkadan buyuriladi. Zarurati bo‘lganida Dyufaston® ni estrogen bilan majmuada siklning birinchi yarmida 2-3 sikl davomida buyuriladi. Shundan so‘ng patsiyentda sikl normallashganiga ishonch hosil qilish uchun davolashni to‘xtatish mumkin.
Ikkilamchi amenoreya
Endogen yoki ekzogen estrogenlar tomonidan tayyorlangan, endometriyning optimal sekretor transformatsiyasi uchun siklning 11-nchi kunidan 25–nchi kunigacha kuniga 1-2 tabletkadan buyuriladi.
Menopauza davrida endometriy giperplaziyasini rivojlanishini oldini olish
Har bir 28 kunlik sikl vaqtida estrogen bilan davolashda birinchi 14 kun davomida estrogenni alohida, keyingi 14 kun davomida esa estrogen bilan davolashga qo‘shimcha 10 mg didrogesteron 1-2 tabletkadan kuniga 1 marta qabul qilinadi.
10 mg li 2 tabletkadan foydalanishda tabletkalar kun davomida teng taqsimlanishi lozim.
Didrogesteronni qabul qilishda odatda bekor qilish qon ketishi kelib chiqadi.
Postmenopauzada ayollar estrogen/progesteron bilan majmuaviy davolanganida davolashni minimal samarali dozagacha cheklash va terapevtik maqsadlarga erishish uchun qisqa davr davomida qabul qilish, bunda har bir konkret ayol uchun xavfni muntazam ravishda baholash kerak (“

Maxsus ko‘rsatmalar

” bo‘limiga qarang).
Didrogesteronni birinchi hayzgacha ishlatish haqida ma'lumotlar mavjud emas. 12 yoshdan 18 yoshgacha bo‘lgan o‘smirlar uchun didrogesteronning xavfsizligi va samaradorligi aniqlanmagan.
Qo‘llash usuli
Peroralqo‘llash uchun buyuriladi.
Preparatni yuqoriroq dozalarda buyurilganida preparat kun davomida teng taqsimlanadi.
Nojo‘ya ta'sirlari
Estrogenlarsiz davolash ko‘rsatmalari bo‘yicha klinik tadqiqotlarda didrogesteron qabul qilgan bemorlarda eng ko‘p uchraydigan noxush dori reaktsiyalari vaginal qon ketishi, migren / bosh og‘rig‘i, ko‘ngil aynishi, qayt qilish, qorindagi og‘riq, menstrual sikli buzilishi va og‘riq / ko‘krak og‘rig‘i hisoblanadi.
Estrogenni ishlatmasdan didrogestogenni qo‘llash bilan o‘tkazilgan (n=3483) klinik tadqiqotlarda quyida keltirilgan uchrash tezligi bilan qayd etilgan bo‘lib, ular haqida spontan xabarlar olingan, ARVT doirasida kompaniyaning homiyligida, didrogesterondan (n = 1036)foydalanib davolashning lyuteinli saqlab turish bo‘yicha ikkita interventsion klinik sinovlarida va spontan ma'lumotlarga ko‘ra. Tez-tez takrorlanishlar konservativ yondashishga asoslangan
MedDRA ma'lumotlari bazasiga muvofiq a'zolar sinfi
Juda tez-tez
≥1 / 10
Tez-tez
≥1100, <110
Tez emas
≥11,000, <1100
Kam hollarda
≥110,000, <11,000
Xavfsiz, xavfli va aniqlanmagan o‘smalar, (shu jumladan kistalar va poliplar)
Progesteronga bog‘liq o‘smalarni o‘sishi (masalan meningoma)*
Qon va limfatik tizim tomonidan buzilishlar
Gemolitik anemiya*
Ruhiyat tomonidan buzilishlar
Depressiya
Immun tizimi tomonidan buzilishlar
Yuqori sezuvchanlik
Nerv tizimi tomonidan buzilishlar
Migren/bosh og‘rig‘i
Bosh aylanishi
Uyquchanlik
Me'da-ichak yo‘llari tizimi tomonidan buzilishlar
Ko‘ngil aynishi, Qayt qilish,
Qorindagi og‘riq
Jigar va o‘t chiqarish yo‘llari tomonidan buzilishlar
Jigar funktsiyasini buzilishi (sariqlik, asteniya yoki holsizlik, va qorin sohasida og‘riqlar bilan)
Teri va teri osti to‘qimalari tomonidan buzilishlar
Allergik dermatit (masalan toshma, qichishish, eshakemi)
Angionevrotik shish*
Jinsiy a'zolar va sut bezi tomonidan buzilishlar
Vaginal qon ketishi
Hayz siklini buzi-lishlari (shu jumla-dan metrorragiya, menorragiya, oligo-/amenoreya, dismenoreya va nomuntazam hayz ko‘rish)
Og‘riq/sut bezlari sezgirligini oshishi
Sut bezlarini shishi
Umumiy xarakterdagi buzilishlar va yuborish joyida reaktsiyalar
Shish
Laborator va instrumental ma'lumotlar
Tana vaznini oshishi
* Spontan xabarlardan olingan, lekin klinik tadqiqotlarni o‘tkazish vaqtida qayd etilmagan nohush samaralar, kutilgan uchrash tezligining 95% li ishonchli intervalining yuqori chegarasi 3/x yuqori emasligini nazarda tutib, “kam hollarda” deb tasniflanadi, x=3483 (bu klinik tadqiqotda ishtirok etgan patsiyentlarning umumiy soni).
LOTUS I. Tadqiqoti In vitro sharoitida urug‘lantirish texnologiyalarini qo‘llanganda lyutein fazani yetarli darajada tutib turish uchun peroral didrogesteron va intravaginal mikronlashtirilgan progesteronni qo‘llanishi yuzasidan ikkita parallel guruhlarda o‘tkazilgan ikki yoqlama yashirin, ikki tomonlama niqoblangan, randomizatsiyalangan, qiyosiy tadqiqot (tekshirilayotgan preparatning xech bo‘lmaganda bitta dozasi yuborilgan 1029 nafar tadqiqot sub'ektlari (xavfsizlik bo‘yicha cheklangan kuzatuvlar qatori)).
Davolash fonida noxush reaktsiyalarni yuz berish tezligi ikkala guruhda bir xil bo‘lgan. Qayd etilgan reaktsiyalardan eng ko‘p kuzatilgani (tekshirilayotgan preparat bilan bog‘liqlikdan qat'iy nazar, guruhlardan birida ≥5%) vaginal qon ketishi, ko‘ngil aynishi, muoaja vaqtida og‘riq, bosh og‘rig‘i, qorinda og‘riq va biokimyoviy jihatdan homiladorlik bo‘lgan. Tekshirilayotgan preparat bilan bog‘liq holda yuz bergan yagona noxush ko‘rinishi vaginal qon ketishi bo‘lib, u ikkala guruhda 2% patsiyentda qayd etilgan.
Tekshirilayotgan ko‘rsatmalar xarakteri va o‘rganilayotgan patsiyentlar populyatsiyasiga qarab, erta abortlar/bola tashlashlar soni kutilganidek bo‘lgan; ayniqsa gestatsiyaning 12-chi haftasi (homiladorlikning 10-chi haftasi) gacha kutilgandek bo‘lgan, chunki bu davrda homiladorlikning boshlanish tezligini kutilayotgan qo‘rsatkichi taxminan 35% ni tashkil etadi.
Bu tadqiqotda kuzatilgan xavfsizlik profili, didrogesteronning yaxshi o‘rganilgan xavfsizlik profilini hisobga olib, shuningdek o‘rganilayotgan patsiyentlar populyatsiyasi/ davolash uchun ko‘rsatmalarni hisobga olib, kutilganiga muvofiq kelgan.
Estrogen-progesteron bilan davolash vaqtida yuz berishi mumkin bo‘lgan noxush samaralar quyidagilar (shuningdek “

Maxsus ko‘rsatmalar

” va estrogen preparatlar haqida ma'lumot qismiga qarang)
sut bezi raki, endometriy giperplaziyasi, endometriy kartsinomasi, tuxumdonlar raki;
venoz tromboemboliya;
miokard infarkti, yurak ishemik kasalligi, ishemik insult.

Qo‘llash mumkin bo‘lmagan holatlar

Didrogesteronga yoki preparatning yordamchi komponentlaridan birontasiga ma'lum bo‘lgan o‘ta yuqori sezuvchanlik;
jinsiy gormonlarga bog‘liq bo‘lgan ma'lum yoki gumon qilinayotgan xavfli o‘smalar (masalan, meningioma);
noaniq etiologiyali vaginal qon ketishlarida qo‘llash mumkin emas;
agar abort/bola tashlash diagnostika qilingan bo‘lsa, yordamchi reproduktiv texnologiyalar (YoUT) ni qo‘llanganda lyutein fazani yetarli darajada tutib turish maqsadidagi davolashni to‘xtatish kerak;
didrogesteron kabi progestagenlar bilan majmuada qo‘llanganda estrogenlarni qo‘llash mumkin bo‘lmagan holatlarni, jigarning og‘ir kasalliklarini borligini yoki anamnezda jigarning og‘ir kasalliklari (jigar funktsiyasining laborator ko‘rsatkichlari normallashgunga qadar) bo‘lganini hisobga olish kerak.
Dorilarning o‘zaro ta'siri
In vitro sharoitlarida o‘tkazilgan tadqiqotlarning ma'lumotlari, asosiy metabolizm yo‘li odamning sitozolida aldo-keto reduktaza 1S (AKR 1C) tomonidan katalizga uchraydigan farmakologik jihatdan asosiy metaboliti 20α – digidrodidrogesteron (DGD) ni xosil bo‘lishiga olib kelishini ko‘rsatadi. Navbatdagi metabolik o‘zgarishlar sitoxrom R450 (CYPs) izofermentlar tizimining deyarli faqat CYP3A4 izofermenti tomonidan amalga oshadi, turli axamiyatsiz metabolitlarni hosil bo‘lishiga olib keladi. Asosiy faol metabolit DGD CYP3A4 izofermenti tomonidan metabolik transformatsiya uchun substrat hisoblanadi.
Shunday qilib, tirishishga qarshi vositalar (masalan fenobarbital, fenitoin, karbamazepin), infektsiyaga qarshi preparatlar (masalan rifampitsin, rifabutin, nevirapin, efavirents) va dalachoy (hypericum perforatum) saqlovchi o‘simlik preparatlari kabi ushbu izofermentlarni induktsiya qilish xususiyatiga ega bo‘lgan, ma'lum moddalar bilan bir vaqtda qo‘llanganida didrogesteronning metabolizmi tezlashishi mumkin.
Ritonavir va nelfinavir – sitoxrom fermentining ma'lum bo‘lgan kuchli ingibitorlari hisoblanadi, biroq, haqiqatdan steroid gormonlarni yondosh qo‘llanganda ferment induktsiya qiluvchi ta'sirini namoyon qiladi.
Didrogesteronning metabolizmini klinik kuchayishi davolash samarasini kamayishiga va qon ketish xarakterini o‘zgarishlariga olib kelishi mumkin.
In vitro sharoitdagi tadqiqotlar, didrogesteron va digidrogesteron klinik ahamiyatli kontsentratsiyalarda dori preparatlarini metabolizmida ishtirok etuvchi sitoxrom R450 fermentlarini susaytirmasligi va induktsiya qilmasligini ko‘rsatdi.

Maxsus ko‘rsatmalar

Bachadondan disfunktsional qon ketishi yuzasidan didrogesteron bilan davolashga o‘tishdan oldin, organik sababni inkor etish lozim.
Davolashning birinchi oylari davomida shiddatli qon ketishlari va qon surkalmalari paydo bo‘lishi mumkin. Agar shiddatli qon ketishlari va qon surkalmalari davolash davri davomida yoki davolash to‘xtatilgandan keyin ham davom etsa, xavfli o‘smalarni istisno qilish maqsadida zarurati bo‘lsa, endometriyni biopsiya qilish yo‘li bilan sababni aniqlash lozim.
Agar birinchi marta qo‘llash vaqtida quyidagi simptomlardan biri paydo bo‘lsa yoki yomonlashsa, davolashni to‘xtatish mumkinligini ko‘rib chiqish lozim
haddan tashqari kuchli bosh og‘rig‘i, migren yoki bosh miyaning ishemiyasidan dalolat beruvchi simtomlar;
arterial bosimni ahamiyatli oshishi;
venoz tromboemboliyani ko‘rinishlari.
Odatiy bola tashlash yoki bola tashlash xavfi bo‘lgan hollarda, homilaning hayotiy qobiliyatini aniqlash, shuningdek davolash davomida homiladorlik davom etayotganini va embrion tirikligini nazorat qilib turish zarur.
Kuzatuvni talab qiluvchi holatlar.
Ma'lumki, jinsiy gormonlar quyidagi kam uchraydigan, homiladorlik vaqtida yoki jinsiy gormonlar qo‘llanganida paydo bo‘lishi va yomonlashishi mumkin bo‘lgan xolestatik sariqlik, homiladorlar gerpesi, kuchli qichishish, otoskleroz va porfiriya. holatlariga ta'sir qiladi.
Anamnezida depressiyasi bo‘lgan patsiyentlar qat'iy nazorat ostida bo‘lishlari lozim; agar og‘ir depressiya qaytadan yuz bersa, gidrogesteron bilan davolashni to‘xtatish zarur.
Boshqa holatlar
Galaktozani o‘zlashtiraolmaslik, laktaza yetishmovchiligi yoki glyukoza–galaktozani so‘rilishini buzilishi kabi, kam uchraydigan nasliy holatlari bo‘lgan patsiyentlar, ushbu dori vositasini qabul qilishlari mumkin emas.
“Menopauza davrida endometriy giperplaziyasini rivojlanishini oldini olish” ko‘rsatmasi bo‘yicha Dyufaston® preparatini ishlatishga taalluqli ogohlantirishlar va ehtiyotkorlik choralari.
Estrogen uchun tibbiyotda qo‘llash bo‘yicha yo‘riqnomada ogohlantirishga ham qarang.
Postmenopauzal simptomlarni davolash uchun o‘rinbosar gormonal davolashni (O‘GD), faqat ushbu simptomlar hayot sifatiga salbiy ta'sir ko‘rsatgan holatdagina qo‘llash mumkin. Barcha hollarda o‘rinbosar gormonal terapiyaning foyda va xavfini bir yilda kamida bir marta sinchiklab baholash lozim. O‘rinbosar gormonal davolashni, faqat foyda xavfdan yuqori bo‘lgan holatdagina davom ettirish mumkin.
Tibbiy ko‘riklar/keyingi kuzatuv.
O‘rinbosar gormonal davolashga (O‘GD) kirishishdan yoki tanaffusdan keyin uni qaytadan boshlashdan oldin, to‘liq tibbiy anamnez (shu jumladan oilaviy) ni yig‘ish lozim. Anamnez, qo‘llashga qarshi ko‘rsatmalar va ogohlantirishlarni hisobga olgan holda, ob'ektiv tekshiruvlar (jumladan ginekologik ko‘rik va sut bezlarini ko‘ruvi) o‘tkazilgan bo‘lishi lozim. Davolash vaqtida chastotasi va xarakteri jihatidan patsiyentning shaxsiy xususiyatlariga bog‘liq bo‘lgan muntazam ko‘riklarni o‘tkazib turilishi tavsiya etiladi. Sut bezlaridagi qanday o‘zgarishlari borligi to‘g‘risida o‘zlarining shifokorlariga xabar berishlari lozimligi haqida ayollarni xabardor qilish lozim (quyidagi “Sut bezi raki” paragrafiga qaralsin).
Mammografiya kabi vizualizatsiya usullarni o‘z ichiga olgan sut bezlarini ko‘rigini, aynan shu ayolning holatini e'tiborga olgan holda o‘tkaziladigan skriningni o‘tkazish uchun joriy tavsiyalarga muvofiq bo‘lishi kerak.
Endometriy giperplaziyasi va kartsinoma.
Progesteronlarni qo‘shmasdan estrogenlarni uzoq muddat qo‘llash endometriy giperplaziyasini va bachadoni saqlab qolingan ayollarda endometriy kartsinomasini rivojlanish xavfini oshiradi. Davolash davomiyligi va estrogenning dozasiga qarab ushbu, xavf estrogen qabul qilmayotgan ayollarga nisbatan, 2-12 marta yuqori bo‘lishi mumkin. Estrogen bilan davolash tugaganidan keyin, xavf yana kamida 10 yil davomida saqlanib qoladi. Ushbu qo‘shimcha xavfni, 28 kunlik siklda oyiga kamida 12 kun davomida estrogen bilan davolashni didrogestagen kabi progestagenni qabul qilish bilan birga o‘tkazgan holda oldini olish mumkin.
Davolashning birinchi oylari davomida navbatdan tashqari qon ketishlari va qon surkalmalari yuz berishi mumkin. Agar shiddatli qon ketishlari va qon surkalmalari davolanish davri davomida saqlanib qolsa yoki davolash tugaganidan keyin ham davom etsa, xavfli o‘smani istisno qilish maqsadida zarurati bo‘lsa endometriyni biopsiyasi yo‘li bilan sababini aniqlash kerak.
Sut bezi raki
Barcha mavjud ma'lumotlar, O‘GD sifatida estrogen + progestagen kompleks davolash va ehtimol, O‘GD sifatida faqat estrogen qabul qilayotgan ayollarda sut bezi rakining yuqori xavfi haqida dalolat beradi. Ushbu xavf davolashning davomiyligiga bog‘liq.
Estrogen va progestagen bilan kompleks davolash
Randomizatsiya qilingan platsebo – nazoratli tadqiqot (Women’s Health Initiative Study (WHI)) va epidemiologik tadqiqotlar, 3 yil va undan ortiq vaqt davomida qo‘llangandan keyin sut bezi rakining yuqori xavfi mavjud bo‘lishini isbotladi. Davolash to‘xtatilgandan keyin ushbu qo‘shimcha xavf maksimum 5 yil davomida saqlanadi. O‘rinbosar gormonal davolash ayniqsa estrogen-progestagen bilan kompleks davolash, mammografik tasvirning zichligini oshiradi, bu sut bezi rakini radiologik usullar orqali aniqlashga salbiy ta'sir ko‘rsatishi mumkin.
Tuxumdonlar raki.
Tuxumdonlar raki, sut bezi rakiga nisbatan kamroq uchraydi. Yirik metatahlil natijasida olingan ma'lumotlar estrogen bilan monoterapiya yoki estrogenni O‘GD sifatida progestagen bilan majmuada qo‘llayotgan ayollarda xavfni biroz oshishini ko‘rsatdi, u 5 yil davomida qo‘llanilganida namoyon bo‘ladi va davolash to‘xtatilgandan keyin vaqt o‘tishi bilan kamayadi. Ayrim boshqa tadqiqotlar, shu jumladan WHI tadqiqoti majmuaviy O‘GD ni qo‘llash xuddi shunday yoki biroz pastroq xavf bilan bog‘liq bo‘lishi mumkinligini ko‘rsatdi.
Venoz tromboemboliya
O‘rinbosar gormonal davolash venoz tromboemboliyani (VTE), ya'ni chuqur venalari trombozi yoki o‘pka emboliyasini, kelib chiqish xavfini 1,3–3 marta oshishi bilan bog‘liqdir. Ushbu hodisani yuz berish ehtimoli o‘rinbosar davolashning keyingi yillarga nisbatan, birinchi yilida ko‘proqdir.
Aniqlangan trombofiliyasi bo‘lgan patsiyentlar VTE paydo bo‘lishini yuqori xavfi guruhida bo‘ladi, bunda O‘GD ushbu xavfni qo‘shimcha ravishda oshirishi mumkin. Shu sababli ushbu patsiyentlarga O‘GD ni buyurish mumkin emas.
VTE paydo bo‘lishi umum qabul qilingan xavf omillari - estrogenlarni qo‘llanishi keksalik yoshi, yirik operativ aralashuvlari, uzoq muddatli immobilizatsiya, semizlik (BMI > 30 kg/m2), homiladorlik / tug‘ruqdan keyingi davr, tizimli qizil yugurik (SLE) va rak. VTE ni ro‘y berishida venalarni varikoz kengayishida mumkin bo‘lgan roli to‘g‘risida bir to‘xtamga kelinmagan.
Operatsiyadan keyin barcha patsiyentlar uchun xirurgik aralashuvlardan keyin VTE ni oldini olish uchun choralarni qo‘llashni ko‘rib chiqish lozim. Agar rejali operativ aralashuvlardan keyin davomli immobilizatsiya rejalashtirilgan bo‘lsa, operatsiyadan 4–6 hafta oldin O‘GD ni qo‘llashni to‘xtatish tavsiya etiladi. Davolashni ayollarning mobilligi to‘liq tiklangandan keyingina boshlash mumkin.
Shaxsiy anamnezida venoz tromboemboliyasi bo‘lmagan ayollarga, biroq qarindoshlarining anamnezida yoshligida birinchi darajali trombozi bo‘lganida, uning chegaralarini mulohaza qilgandan keyin, skriningni qo‘llashni tavsiya qilish mumkin (trombofilik anomaliyaning faqat ayrim miqdorigina skrining yordamida aniqlanishi mumkin). Agar oila a'zolarida trombofilik siljish trombozga olib kelganligi aniqlangan bo‘lsa yoki jiddiy anomaliyalarga (masalan antitrombin, S oqsili yoki S oqsili tanqisligi yoki buzilishlarning birga bo‘lishiga) olib kelsa, O‘GD larni qo‘llash mumkin emas. Antikoagulyant terapiyani qabul qilayotgan ayollar uchun, O‘GD ni buyurishdan kutilayotgan foyda va xavfini sinchkov baxolash lozim.
Agar VTE, davolash boshlangandan keyin rivojlansa, preparatni qabul qilishni to‘xtatish lozim. Tromboemboliya simptomlari (masalan, oyoqlarning og‘riqli shishi, ko‘krakda to‘satdan og‘riq, nafas yetishmovchiligi) paydo bo‘lganida darxol shifokorga murojaat qilish zarurligi haqida patsiyentlarni xabardor qilish kerak.
Yurak ishemik kasalligi (YuIK)
Randomizatsiyalangan, nazoratli tadqiqotlarda estrogen–progesteron kompleks davolashni yoki faqat estrogen bilan o‘rinbosar gormonal davolashni qabul qilayotgan, yurak ishemik kasalligi bo‘lgan yoki bo‘lmagan ayollarda miokard infarktidan himoya qilinishi to‘g‘risida dalillar aniqlanmagan.
Estrogen va progestagen bilan kompleks davolash
O‘GD ni estrogen va progestagen bilan majmuada qo‘llanganda yurak ishemik kasalligini yuz berishini nisbiy xavfi biroz oshadi. Yurak ishemik kasalligini ro‘y berishining asosiy mutloq xavfi yoshga ahamiyatli darajada bog‘liqligi tufayli, ayollarda menopauza boshlanishidan oldin estrogen–progesteronni qo‘llash natijasida yurak ishemik kasalligini qo‘shimcha ro‘y berish holatlari soni juda ham kam, lekin yosh o‘tishi bilan bu ko‘rsatkich oshib boradi.
Ishemik insult.
Majmuaviy o‘rinbosar gormonal davolashni yoki faqat estrogen bilan o‘rinbosar gormonal davolashni qo‘llash, ishemik insultni kelib chiqish xavfini 1,5 baravar oshishiga olib keladi. Nisbiy xavf yosh yoki menopauza boshlangunicha o‘tgan vaqtga qarab o‘zgarmaydi. Biroq, SVA ning asosiy xavfi ahamiyatli darajada yoshga bog‘liq bo‘lganligi tufayli, mutloq xavf yosh o‘tgani sayin oshadi.
Homiladorlik va laktatsiya davri
Homiladorlik
10 milliondan ortiq homilador ayollar didrogesteronni qabul qilingani taxmin qilinadi. Hozirgi kunga kelib, homiladorlik vaqtida didrogesteronning zararli ta'siri xaqida ma'lumotlar yo‘q. Adabiyotda ayrim progesteronlarni qo‘llash, gipospadiyalarni kelib chiqish xavfini oshishiga olib kelishi mumkinligi aniqlangan tadqiqot natijalari ta'riflanadi. Biroq, hozirgi vaqtgacha boshqa tadqiqotlarda aniq tasdiq olinmaganligi tufayli, progesteronlarni gipospadiyani yuz berishiga ta'siri yuzasidan yakuniy xulosaga kelish mumkin emas.
Homiladorlikning birinchi bosqichida didrogesteron bilan davolangan cheklangan sondagi ayollar qatnashgan klinik tadqiqotlar xavfni oshishini ko‘rsatmadi. Hozirgi paytda boshqa epidemiologik ma'lumotlar yo‘q.
Klinika oldi tadqiqotlarda embrio–fetal va postnatal rivojlanishga bo‘lgan qayd etilgan samaralar, farmakologik yo‘nalishiga mos kelgan. Noxush samaralar faqat odam uchun maksimal ekspozitsiyadan ancha yuqori ekspozitsiya hollaridagina yuz bergan. Didrogesteronni homiladorlik vaqtida, agar buning uchun aniq ko‘rsatmalar mavjud bo‘lsagina qo‘llash mumkin.
Laktatsiya
Didrogesteron ko‘krak sutiga o‘tishi noma'lum. Didrogesteronni ko‘krak sutiga chiqarilishi to‘g‘risidagi masala o‘rganilmagan. Boshqa progesteronlarni qo‘llash tajribasi, progesteronlar va ularning metabolitlari oz miqdorda ko‘krak sutiga o‘tishini ko‘rsatadi. Bola uchun xavfning bor yoki yo‘qligi noma'lum. Shuning uchun emizish vaqtida didrogesteronni qo‘llash mumkin emas.
Fertillik
Didrogesteronni terapevtik dozalarda fertillikka ta'siri haqidagi ma'lumotlar mavjud emas.
Avtotransportni boshqarish yoki boshqa mexanizmlar bilan ishlash qobiliyatiga ta'siri
Didrogesteron avtomobilni boshqarish va turli mexanizmlar bilan ishlash qobiliyatiga biroz ta'sir ko‘rsatadi.
Kam hollarda, asosan qabul qilgandan keyin birinchi soatlarda, yengil uyquchanlik va/yoki bosh aylanishini chaqirishi mumkin. Shunday qilib, transport vositasini boshqarishda va turli mexanizmlarni ishlatishda ehtiyotkorlikka rioya qilish lozim.

Dozani oshirib yuborilishi

Simptomlari
Didrogesteron – juda kam toksiklikka ega moddadir. Ko‘ngil aynishi, qusish, uyquchanlik va bosh aylanishi dozani oshirib yuborilganda nazariy jihatdan yuz berishi mumkin bo‘lgan simptomlar hisoblanadi. Didrogesteronning dozasini oshirib yuborishi hollari zararli ta'sirga olib kelishi xaqidagi ma'lumotlar mavjud emas (odam tomonidan qabul qilingan maksimal sutkalik doza 360 mg ni tashkil etgan).
Davolash
Maxsus davolash talab qilinmaydi. Doza oshirib yuborilgan hollarda simptomatik davolash mumkinligini ko‘rib chiqish lozim.

Chiqarilish shakli

20 yoki 14 tabletka alyumin folga va PVX plyonka blisterda. 1 blisterdan tibbiyotda qo‘llanilishiga doir yo‘riqnomasi bilan birga karton qutida.

Saqlash sharoiti

Original o‘ramida, 30°S dan yuqori bo‘lmagan haroratda saqlansin.
Bolalar ololmaydigan joyda saqlansin.

Yaroqlilik muddati

5 yil.

Yaroqlilik muddati

o‘tgach qo‘llanilmasin.

Dorixonalardan berish tartibi

Retsept bo‘yicha.

Ishlab chiqaruvchi

Ebbott Biolodjikalz B.V., Niderlandiya/Abbott Biologicals B.V., The Netherlands.
Manzili
Veyerveg 12, 8121 AA Olst, Niderlandiya/Veerweg 12,8121 AA Olst, The Netherlands.
O‘zbekiston Respublikasi hududida dori vositalarining sifati bo‘yicha e'tirozlar (takliflar) ni qabul qiluvchi tashkilotning nomi va manzili
“Abbott Laboratories GmbH” ning O‘zbekiston Respublikasidagi vakolatxonasi
Toshkent sh., 100015, Oybek ko‘ch., 38a uy yoki telefon bo‘yicha O‘zbekistonda +998781290550 (sutka davomida); Ukrainada +380444986080 (sutka davomida)