Brufen Rapid kaps 400 mg №10

Preparatning savdo nomi

Brufen Rapid
Ta'sir etuvchi modda (XPN) ibuprofen

Dori shakli

yumshoq jelatinli kapsulalar

Tarkibi

1 ta kapsula quyidagilar saqlaydi
faol modda 200 mg va 400 mg ibuprofen;

yordamchi moddalar

to‘ldirgichlar makrogol, gidroksid kaliy, tozalangan suv;
kapsula qobig‘i jelatin, qisman suvsizlantirilgan suyuq sorbitol, izopropil spirti, soya letsitini, o‘rta zanjir triglitseridlari, tozalangan suv.
Ta'rifi
Brufen Rapid 200 mg
Xira-sariq rangli, cho‘zinchoq, 8,5 minim., shaffof to‘ldirgichli tiniq yumshoq jelatinli kapsulalar.
Brufen Rapid 400 mg
Xira-sariq rangli, cho‘zinchoq, 14 minim., shaffof to‘ldirgichli tiniq yumshoq jelatinli kapsulalar.

Farmakoterapevtik guruhi

Nosteroidli yallig‘lanishga va revmatizmgaqarshi preparatlar. Propion kislotasi hosilalari.
ATX kodi M01 AE01.

Farmakologik xususiyatlari

Ibuprofen nosteroidli yallig‘lanishga qarshi preparat (NYaQP) fenilpropion kislotasi hosilasi bo‘lib, u prostaglandinlar sintezini susaytirish orqali o‘z samaradorligini namoyon qilgan.
Odamlarda ibuprofen yallig‘lanish og‘riqlari, shishish va isitmalashni kamaytiradi.
Bundan tashqari, ibuprofen trombotsitlar agregatsiyasini qaytalanuvchan susaytiradi.
Eksperimental ma'lumotlar shundan dalolat beradiki, preparatlar bir vaqtda yuborilganda ibuprofen aspirin (atsetilsalitsil kislotasi) kichik dozalarining trombotsitlar agregatsiyasiga ta'sirini raqobatli susaytirishi mumkin. Ayrim farmakodinamik tadqiqotlarda ibuprofen 400 mg dozada bir marta qabul qilinganda, darhol bo‘shatiladigan (81 mg) aspirin (atsetilsalitsil kislotasi) qabul qilingandan so‘ng 30 daqiqa davomida aspirinning (atsetilsalitsil kislotasining) tromboksan paydo bo‘lishiga yoki trombotsitlar agregatsiyasiga ta'siri pasayishi kuzatilgan. Garchi ushbu ma'lumotlarning klinik vaziyatga ekstrapolyatsiyasi yuzasidan noaniqlik mavjud bo‘lsada, ibuprofenning muntazam uzoq vaqt qabul qilinishi aspirin (atsetilsalitsil kislotasi) kichik dozalarining kardioprotektor ta'sirini kamaytirishi mumkinligi ehtimolini istisno qilib bo‘lmaydi. Ibuprofen muntazam ravishda qo‘llanilmagan holatda klinik ahamiyatli ta'sir etish ehtimoli kam (“Dorilarning o‘zaro ta'siri” bo‘limga qarang).

Farmakokinetikasi

Ibuprofen yuborilgandan so‘ng tez so‘riladi va butun organizm bo‘ylab tez taqsimlanadi. Chiqarilishi tez yuz beradi va butunlay buyraklar orqali amalga oshiriladi.
Och qoringa ichga qabul qilinganidan so‘ng 45 daqiqadan keyin plazmada maksimal kontsentratsiyalariga erishiladi. Ovqatlanish bilan birga qabul qilinganida cho‘qqi darajalar 1-2 soatdan keyin kuzatiladi. Qayd etilgan muddatlar dori shakliga qarab o‘zgarib turishi mumkin.
Ibuprofenning yarim chiqarilish davri taxminan 2 soatni tashkil etadi.
Cheklangan tadqiqotlarda ibuprofen ona sutida juda past kontsentratsiyalarda aniqlangan.

Qo‘llanilishi

Kuchsiz va o‘rtacha darajali og‘riqlarni, shu jumladan revmatik va mushak og‘riqlarini, beldagi og‘riqni, nevralgiyani, migrenni, bosh og‘rig‘ini, tish og‘rig‘ini, dismenoreyani, isitmalashni yengillatish hamda shamollash va gripp simptomlarini yengillatish uchun tavsiya etiladi.

Qo‘llash usuli va dozalari

Qisqa vaqt davomida faqat ichga qabul qilish uchun mo‘ljallangan. Simptomlarni nazorat qilish uchun kerakli eng qisqa davr ichida eng samarali kichik dozadan foydalanilgan holda noxush ta'sirlarni minimallashtirish mumkin.
12 yoshdan katta yoshdagi bolalar va o‘smirlar, katta yoshdagi va keksa yoshdagi patsiyentlar
12 yoshdan 18 yoshgacha bo‘lgan bolalar va o‘smirlar uchun agar ushbu dori preparatini 3 kundan ko‘proq vaqt qabul qilish talab etilsa yoki simptomlar yomonlashib borsa, shifokorga murojaat qilish kerak.
18 yosh va undan katta yoshdagi patsiyentlar uchun minimal samarali doza simptomlarni yengillatish uchun kerakli eng qisqa vaqt ichida qabul qilinishi kerak. Agar preparatni 10 kundan ko‘proq vaqt qabul qilish talab etilsa yoki simptomlar yomonlashib borsa yoxud saqlanib qolsa, patsiyent farmatsevtga yoki shifokorga murojaat qilishi kerak.
Zaruriyatga qarab, bir kunda uch martagacha 1 yoki 2 ta kapsula qabul qilinishi kerak. Kapsula ustidan suv ichib yuborilishi kerak.
Eng kamida 4 soat dozalar o‘rtasida tanaffus qilish va 24 soat davomida 1200 mg (6 ta kapsula) dozadan ko‘p qabul qilmaslik kerak.
12 yoshdan kichik yoshdagi bolalarga preparat qo‘llanilishi taqiqlangan.

Maxsus ko‘rsatmalar

Quyidagi muayyan kasalliklar bo‘lgan patsiyentlarga buyurilganida ehtiyotkorlik talab qilinadi
• aseptik meningit yuqori xavfi tufayli tizimli qizil teri, shuningdek biriktiruvchi to‘qimalarning aralash kasalliklari (“Nojo‘ya ta'sirlari” bo‘limiga qarang);
• me'da-ichak yo‘llari buzilishlari va ichaklarning surunkali yallig‘lanish kasalliklari, chunki ushbu holatlar (yarali kolit, Kron kasalligi) zo‘rayishi mumkin (“Nojo‘ya ta'sirlari” bo‘limiga qarang);
• anamnezda gipertoniya va/yoki yurak yetishmovchiligi bo‘lgan patsiyentlar davolanishni boshlashdan oldin ehtiyotkorlikka rioya qilishlari kerak. Shishishlar, gipertoniya va/yoki yurak yetishmovchiligi paydo bo‘lish xavfi mavjud, chunki buyraklar funktsiyalari yomonlashishi va/yoki suyuqlik ushlanib qolishi paydo bo‘lishi mumkin (“Dorilarning o‘zaro ta'siri” bo‘limiga qarang);
• buyrak yetishmovchiligi xavfi mavjud, chunki buyraklar funktsiyalari yomonlashishi mumkin (“

Qo‘llash mumkin bo‘lmagan holatlar

” va “Nojo‘ya ta'sirlari” bo‘limlariga qarang);
• jigar funktsiyalari buzilishida ham ehtiyotkorlikka rioya qilish kerak (“

Qo‘llash mumkin bo‘lmagan holatlar

” va “Nojo‘ya ta'sirlari” bo‘limlariga qarang).
Simptomlarni nazorat qilish uchun eng qisqa davr ichida eng samarali kichik dozadan foydalanilgan holda noxush ta'sirlarni minimallashtirish mumkin (quyida “me'da-ichak yo‘llari va yurak-qon tomir tizimi xavflariga” qarang).
Keksa yoshdagi odamlar noxush reaktsiyalarning jiddiy oqibatlari, ayniqsa, o‘lim bilan yakunlanishi mumkin bo‘lgan me'da-ichak yo‘llaridan qon ketish va perforatsiya yuqori xavfiga moyil bo‘ladilar.
Bronxial astma yoki allergik kasalligi bo‘lgan patsiyentlarda yoki ushbu kasalliklar ularning anamnezida bo‘lgan holatlarda bronxospazm qo‘zg‘atilishi mumkin.
Bir necha NYaQP, shu jumladan siklooksigenaza-2 spetsifik ingibitorlari bir vaqtda qo‘llanilishidan saqlanish kerak (“Dorilarning o‘zaro ta'siri” bo‘limiga qarang).
Yurak-qon tomir va serebrovaskulyar tizimga ta'siri
Klinik tadqiqotlar shundan dalolat beradiki, ibuprofenning ayniqsa yuqori dozalarda (kuniga 2400 mg) qo‘llanilishi arterial trombotik holatlar (masalan, miokard infarkti yoki insulьt) rivojlanish xavfi biroz oshishi bilan bog‘liq bo‘lishi mumkin.
Umuman, epidemiologik tadqiqotlar ibuprofenning past dozada (kuniga ≤1200 mg) qo‘llanilishi arterial trombotik asoratlar rivojlanish xavfi oshishi bilan bog‘liqligini tasdiqlamaydi.
Nazorat qilinmaydigan gipertenziya, turg‘un yurak yetishmovchiligi (NYHA II-III darajali), tashxislangan yurak ishemik kasalligi, periferik arteriyalar kasalliklari va/yoki serebrovaskulyar kasalliklar bo‘lgan patsiyentlar barcha holatlar puxta ko‘rib chiqilgandan keyingina ibuprofen bilan davolanishlari va ibuprofenning yuqori dozalari (kuniga 2400 mg) qo‘llanilishidan saqlanishlari kerak.
Shuningdek, yurak-qon tomir kasalliklari xavf omillari bo‘lgan patsiyentlarni (masalan, gipertenziya, giperlipidemiya, qandli diabet bo‘lgan patsiyentlar, chekuvchi patsiyentlarni) uzoq vaqt davolashni boshlashdan oldin, ayniqsa, agar ibuprofenning yuqori dozalari (kuniga 2400 mg) talab qilinsa, barcha muolajalarni puxta o‘ylab ko‘rish kerak.
Preparat siklooksigenaza/prostaglandin sintezini susaytirishi, ayollarda ovulyatsiyaga ta'sir etgan holda fertillik buzilishini qo‘zg‘atishi mumkinligining ayrim dalil-isbotlari mavjud. Davolash to‘xtatilganda ushbu holat qaytariluvchan hisoblanadi.
Me'da-ichak yo‘llaridan qon ketish, o‘lim bilan yakunlanishi mumkin bo‘lgan yara yoki perforatsiya paydo bo‘lishi davolash davomida har qanday vaqtda barcha NYaQP qabul qilinganida anamnezda me'da-ichak yo‘llari jiddiy kasalliklari (shu jumladan, yarali kolit, Kron kasalligi) mavjud bo‘lgan yoki mavjud bo‘lmagan holda ogohlantiruvchi simptomlarsiz yoki simptomlar bilan kuzatilgan.
Me'da-ichak yo‘llaridan qon ketish, yara yoki perforatsiya paydo bo‘lish xavfi yarali kasallikni boshdan kechirgan patsiyentlar uchun NYaQP dozalari oshirilganida, ayniqsa, qon ketish yoki perforatsiya shaklidagi asoratlarda (“

Qo‘llash mumkin bo‘lmagan holatlar

” bo‘limiga qarang) va keksa yoshda kuchayadi. Bunday patsiyentlar davolanishni eng kichik dozadan boshlashlari kerak. Anamnezda me'da-ichak yo‘llari toksikligiga ega patsiyentlar, ayniqsa keksa yoshdagi patsiyentlar, ayniqsa, davolashning dastlabki bosqichlarida qorin bo‘shlig‘i tomonidan (birinchi navbatda, me'da-ichak yo‘llaridan qon ketishda) barcha g‘ayrioddiy simptomlar to‘g‘risida ma'lum qilishlari kerak.
Oshqozon toksikligi yoki qon ketishlar rivojlanish xavfini oshirishi mumkin bo‘lgan birga qo‘llaniladigan kortikosteroidlar yoki antikoagulyantlar, masalan varfarin, serotoninni qayta qamrab oluvchi selektiv ingibitorlar yoki aspirin kabi antiagregant preparatlar qabul qilayotgan patsiyentlarga nisbatan ehtiyotkorlik namoyish qilinishi kerak (“Dorilarning o‘zaro ta'siri” bo‘limiga qarang).
Ibuprofenni qabul qilish vaqtida patsiyentlarda me'da-ichak yo‘llaridan qon ketish yoki yarali kasalliklar rivojlanganida davolash darhol bekor qilinishi kerak.
Dermatologik reaktsiyalar
Juda kam hollarda uchraydigan jiddiy teri reaktsiyalari (ulardan ayrimlari – o‘lim bilan yakunlangan), shu jumladan eksfoliativ dermatit, Stivens-Djonson sindromi va NYaQP qo‘llanilishi bilan bog‘liq toksikli epidermal nekroliz to‘g‘risidagi ma'lum qilingan (“Nojo‘ya ta'sirlari”bo‘limga qarang). Ehtimol, patsiyentlar ko‘p jihatdan bunday reaktsiyalar xavfiga davolashning erta bosqichlarida moyil bo‘ladilar; aksariyat holatlarda bunday reaktsiyalar davolashning birinchi oyi davomida paydo bo‘lgan. Teri toshmalari, shilliq qavat shikastlanishi yoki o‘ta yuqori sezuvchanlikning har qanday boshqa alomatlari birinchi paydo bo‘lgan holatning o‘zida ibuprofen qabul qilishni to‘xtatish kerak.
Fruktozaga chidamsizlik kabi kam uchraydigan irsiy kasalliklari bo‘lgan patsiyentlar ushbu preparatni qabul qilmasliklari kerak, chunki ushbu preparatda saxaroza saqlanadi.
12 yoshdan 18 yoshgacha bo‘lgan bolalar va o‘smirlarda suvsizlanish holatlarida buyraklar funktsiyalari buzilish xavfi mavjud bo‘ladi.
Simptomlar paydo bo‘lgan holatdagi ko‘rsatmalar
12-18 yosh bolalar uchun agar simptomlar yomonlashsa, 3 kundan ko‘proq vaqt davomida saqlanib qolsa yoki yangi simptomlar paydo bo‘lsa shifokorga murojaat qiling.
Katta yoshdagi patsiyentlar uchun agar simptomlar yomonlashsa, 10 kundan ko‘proq vaqt davomida saqlanib qolsa yoki yangi simptomlar paydo bo‘lsa farmatsevtga yoki shifokorga murojaat qiling.
Ushbu preparatni qabul qilishdan oldin ilova qilinayotgan varaqni o‘qib chiqing.
Preparatni qabul qilmang, agar
• Sizda qachondir oshqozon yarasi, perforatsiyasi yoki qon ketish yuz bergan bo‘lsa;
• Sizda ibuprofenga (yoki ushbu preparatning boshqa tarkibiy moddalariga), aspirin yoki shunga o‘xshash boshqa og‘riqsizlantiruvchi preparatlarga allergiya bo‘lsa;
• Siz 75 mg dan yuqori sutkalik dozada boshqa og‘riqsizlantiruvchi NYaQP yoki aspirin qabul qilayotgan bo‘lsangiz;
• Siz homiladorlikning uchinchi uch oyligida bo‘lsangiz.
Preparatni qabul qilishdan oldin farmatsevt yoki shifokor bilan maslahatlashing, agar
• Sizda astma, diabet, yuqori darajali xolesterin, yuqori qon bosimi bo‘lsa, insulьtni boshdan kechirgan bo‘lsangiz, yurak, jigar, buyraklar yoki ichaklar bilan bog‘liq muammolar bo‘lsa;
• Siz cheksangiz;
• Siz homilador bo‘lsangiz.
Homiladorlik va laktatsiya davrida qo‘llanilishi, fertillik
Homiladorlik
Garchi hayvonlarda o‘tkazilgan tajribalar teratogen ta'sirni namoyon qilmagan bo‘lsada, agar buning imkoni bo‘lsa, homiladorlikning birinchi 6 oyi davomida ibuprofen qo‘llanilishidan saqlanish kerak.
Homiladorlikning ІІІ uch oyligida ibuprofen qo‘llanilishi mumkin emas, chunki turg‘un o‘pka gipertenziyasi bilan homilaning arterial oqimi vaqtidan oldin berkilib qolish xavfi mavjud. Onada ham, bolada ham qon ketishlarga yuqori moyillik holatida tug‘ishlar boshlanishi keyinga qoldirilishi, tug‘ishlar davomiyligi esa uzaytirilishi mumkin (“

Qo‘llash mumkin bo‘lmagan holatlar

” bo‘limiga qarang).
Laktatsiya davri
Cheklangan tadqiqotlarda ibuprofen ona sutida juda past kontsentratsiyalarda aniqlangan, shu tufayli uning emizikli bolaga noxush ta'sir etish ehtimoli kam.
Ayollar fertilligi yuzasidan ma'lumotlar olish uchun “

Maxsus ko‘rsatmalar

” bo‘limiga qarang.
Avtotransport vositasini boshqarish yoki boshqa mexanizmlar bilan ishlash qobiliyatiga ta'siri
Preparat tavsiya etiladigan dozalarda va davolash davomiyligida avtomobilni boshqarish va mexanizmlar bilan ishlash qobiliyatiga ta'sir etmaydi.
Dozaning oshirib yuborilishi
Bolalarda 400 mg/kg dan ko‘proq doza qabul qilinishi quyida qayd etilgan simptomlarni paydo qilishi mumkin. Katta yoshdagi patsiyentlarda dozaga reaktsiyalar kamroq ifodalangan. Doza oshirib yuborilgan holatda yarim chiqarilish davri 1,5–3 soatni tashkil etadi.
Simptomlari
Klinik ahamiyatli miqdorda NYaQP qabul qilgan aksariyat patsiyentlarda ko‘ngil aynishi, qayt qilish, epigastriyada og‘riqlar yoki diareya (kamroq) rivojlanadi. Quloqdagi shovqin, bosh og‘rishi va me'da-ichak yo‘llaridan qon ketishlar ham kuzatilishi mumkin. Jiddiyroq yuqumli kasallanishlarda markaziy nerv tizimiga toksik ta'sir kuzatilib, u bosh aylanishi, bosh og‘rishi, nafas yetishmovchiligi, nafas siqilishi, seruyqulik shaklida, ba'zan qattiq hayajonlanish va dezoriyentatsiya yoki og‘ir darajali behushlik holati shaklida namoyon bo‘ladi. Ba'zida patsiyentlarda tomir tortishishlar rivojlanadi. Jiddiyroq yuqumli kasallanishlarda, ehtimol, qon quyulishni aylantiruvchi omillar harakatiga ta'siri tufayli gipotenziya, giperkaliyemiya va metabolik atsidoz paydo bo‘lishi, shuningdek protrombin vaqti/xalqaro me'yorlashtirilgan nisbat oshishi mumkin. O‘tkir buyrak yetishmovchiligi va jigar shikastlanishi paydo bo‘lishi mumkin. Astma bo‘lgan patsiyentlarda astma zo‘rayishi mumkin.
Davolash
Nafas yo‘llari o‘tkazuvchanligi ta'minlanishini hamda yurak va muhim ko‘rsatkichlar monitoringini o‘z ichiga oladigan barqaror holatgacha simptomatik va quvvatlovchi davolash talab qilinadi. Agar patsiyent preparatning potentsial toksik miqdorini qabul qilgandan so‘ng 1 soat davomida yordam uchun murojaat qilgan bo‘lsa, aktivlashtirilgan ko‘mir qabul qilish imkoniyati ko‘rib chiqilishi kerak. Tez-tez va uzoq vaqtli tomir tortishishlarida vena ichiga diazepam yoki lorazepam bilan davolash buyurilishi kerak. Astmada bronxodilatatorlar qo‘llanilishi kerak.
Ishlab chiqarilish shakli
Blisterda 10 tadan kapsula. 1 tadan blister tibbiyotda qo‘llanilishiga doir yo‘riqnomasi bilan birga kartondan tayyorlangan qutiga joylashtiriladi.

Saqlash sharoiti

30°C dan yuqori bo‘lmagan haroratda saqlansin.
Bolalar ololmaydigan joyda saqlansin.

Yaroqlilik muddati

3 yil.

Yaroqlilik muddati

tugagandan so‘ng qo‘llanilmasin.
Dorixonalardan berilish tartibi
Retseptsiz beriladi.

Ishlab chiqaruvchi

Jeltek Prayvet Limited/ Geltec Private Limited
Joylashgan manzili
SR № 24, 26/3, 27/2 Yadavanaxalli Attibele, Bangalor-Xosur Roud, Bangalor, Karnataka, 562107, Hindiston/Sr № 24, 26/3, 27/2 Yadavanahalli, Attibele, Bangalore-Hosur Road, Bangalore, Karnataka 562107, India.