Eritromitsin ko‘z surtmasi 1% 10 g. Dentafill

Preparatning savdo nomi

Eritromitsin
Ta'sir etuvchi modda (XPN) Eritromitsin

Dori shakli

Ko‘z surtmasi.

Tarkibi

Faol modda Eritromitsin– 1.0 g.
Yordamchi moddalar suvsiz lanolin, natriy disulьfit (natriy metabisulьfiti), tibbiyot vazelini.
Ta'rifi Och-sariqdan to jigarrangroq-sariq ranggacha bo‘lgan surtma.

Farmakoterapevtik guruhi

Antibiotik makrolid.
ATX kodi J01FA01

Farmakologik xususiyatlari

Eritromitsin – Streptomyces erythreus tomonidan ishlab chiqariladigan makrolidlar guruhi antibiotikidir. Preparat bakteriostatik ta'sir qiladi. Eritromitsin grammusbat va grammanfiy mikroorganizmlar (Streptococcus, Staphylococcus ning turli xillari, N. Gonorrhoeae, N. meningitidis) larga, shu jumladan boshqa antibiotiklarga chidamli shtammlariga antibakterial ta'sir ko‘rsatadi. Preparat shuningdek Clostridium spp., Corynebacterium diphtheriae, Haemophilus influenzae, Mycoplasma pneumoniae, Actinomyces israelii, Listeria monocytogenes, xlamidiylarga nisbatan faol..

Farmakokinetikasi

Mahalliy qo‘llanganida tizimli so‘rilishi past.

Qo‘llanilishi

Eritromitsin mahalliy, ko‘z kasalliklarida (blefaritda, bakterial kon'yunktivitda, traxomada, bakterial keratitda), shuningdek terining yiringli shikastlanishlarida, infektsiyalangan yaralarda, yotoq yaralarida, 2 – 3 darajali kuyishlarda qo‘llanadi.
Qo‘llash usuli va dozasi
Surtma pastki qovoqning ichiga kuniga 3 marta qo‘yiladi, traxomani davolashda esa kuniga 4 – 5 marta. Davolashning davomiyligi kasallikning shakli va og‘irligiga bog‘liq bo‘ladi, lekin 14 kundan oshmasligi kerak. Traxomada davolashni follikulalarni ochish bilan qo‘shib olib borish kerak. Yallig‘lanish jarayoni susayganida preparat kuniga 2 – 3 marta qo‘llaniladi. Traxomani davolash kursining davomiyligi 3 oydan oshmasligi kerak.
Nojo‘ya ta'sirlari
Allergik reaktsiyalar va ta'sirlovchi samarasi (qizarish, qichishish) rivojlanishi mumkin. Uzoq vaqt qo‘llanganida eritromitsinga chidamli mikroorganizmlar tomonidan chaqirilgan ikkilamchi infektsiya rivojlanishi mumkin.

Qo‘llash mumkin bo‘lmagan holatlar

Preparatning komponentlariga o‘ta yuqori sezuvchanlik, jigar faoliyatining og‘ir buzilishlari.
Preparatni homiladorlik, emizish davrida va bolalarda qo‘llash bo‘yicha yetarli tajriba yo‘q. Bolalarda, homiladorlarda va emizikli onalarda davolash uchun qo‘llash, agarda kutiladigan davolash samarasi, bo‘lishi mumkin bo‘lgan nojo‘ya samaralarining rivojlanishi xavfidan ustun bo‘lganida, davolovchi shifokor ko‘rsatmasiga ko‘ra mumkin.
Dorilarning o‘zaro ta'siri
Linkomitsin, klindamitsin va xloramfenikol bilan nomutanosib (antagonizm).
Beta-laktam antibiotiklari (penitsillinlar, sefalosporinlar, karbopenemlar) ning bakteritsid ta'sirini pasaytiradi.
Eritromitsinning sirtga qo‘llash uchun shakllari terining haddan tashqari ta'sirlanishiga olib keluvchi abraziv moddalar, shuningdek terining qipiqlanishini chaqiruvchi vositalar bilan bir vaqtda qo‘llanganida kumulyativ ta'sirlovchi yoki qurituvchi samara yuz berishi mumkin.

Maxsus ko‘rsatmalar

Har qanday boshqa sirtga qo‘llash uchun husnbuzarga qarshi vositani ishlatishdan oldin kamida 1 soat o‘tishi kerak.
Agarda 3 – 4 hafta davomida husnbuzarning holati yaxshilanmasa, shifokor bilan maslahatlashish kerak (to‘liq terapevtik samaraga erishish uchun 2 – 3oy talab etilishi mumkin).
Yangi tug‘ilgan chaqaloqlarining oftalьmiyasini oldini olishda eritromitsinning ko‘z surtmasini ko‘zdan yuvib tashlash mumkin emas.
Onalarida klinik yaqqol gonoreya bo‘lgan bolalarda, eritromitsin oftalьmologik vosita sifatida parenteral qo‘llash uchun penitsillinning suvli eritmasi bilan bir vaqtda qo‘llanadi.

Dozani oshirib yuborilishi

Preparatning dozasini oshirib yuborilishi bo‘yicha ma'lumotlar yo‘q. Ammo nojo‘ya ta'sirlarining belgilarini kuchayishi mumkin.

Chiqarilish shakli

1% li surtma. 5 g yoki 10 g dan tubalarda. Har bir tuba tibbiyotda qo‘llanilishiga doir yo‘riqnoma bilan birga karton qutiga joylangan.

Saqlash sharoiti

Salqin, yorug‘likdan himoyalangan joyda, 20°C dan yuqori bo‘lmagan haroratda saqlansin.
Preparatbolalar ololmaydigan joyda saqlansin.

Yaroqlilik muddati

3 yil.

Yaroqlilik muddati

o‘tgach qo‘llanilmasin.

Dorixonalardan berish tartibi

Retsept bo‘yicha.

Ishlab chiqaruvchi

O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
“DENTAFILL PLYUS” MChJ 100102, O‘zbekiston Respublikasi, Toshkent sh., Yangihayot tumani, Marg‘ib ko‘chaci, 1-uy. Tel./Faks (+998 71) 231-78-00 www.dentafill.uz