Preparatning savdo nomi
Neladeks
Ta'sir etuvchi moddalar (XPN) Deksametazon, neomitsin, polimiksin V

Dori shakli
Ko‘z surtmasi, ko‘z/quloq tomchilari

Tarkibi

Ko‘z surtmasi
1 g preparat quyidagilarni saqlaydi
faol moddalar
deksametazon 1,0 mg;
neomitsin (sulfati shaklida) 3,5 mg;
polimiksin V sulfati 6000 XB;
yordamchi moddalar suvsiz lanolin, xlorbutanol, sariq yumshoq parafin.
Ko‘z/quloq tomchilari
1 ml preparat quyidagilarni saqlaydi
faol moddalar
deksametazon 1,0 mg;
neomitsin (sulfati shaklida) 3,5 mg;
polimiksin V sulfati 6000 XB;
yordamchi moddalar gidroksipropilmetiltsellyuloza, benzalkoniy xloridi, dinatriy edetati, natriy xloridi, polisorbat 80, natriy gidroksidi yoki xlorid kislotasi, in'ektsiya uchun suv.
Ta'rifi
Ko‘z surtmasi xidsiz, sarg‘ishdan to sarg‘ish-oq ranggacha bo‘lgan gomogen tiniq surtma.
Ko‘z/qo‘loq tomchilari hidsiz oq mikrodispers suspenziya.
Farmakoterapevtik guruxi Deksametazon mikroblarga qarshi preparatlar bilan majmuada.
ATX kodi S01CA01


Farmakologik xususiyatlari

Antibakterial va yallig‘lanishga qarshi ta'sirga ega bo‘lgan majmuaviy preparat.
Deksametazon – glyukokortikoid vosita (GKV). Mineralokortikoid faollikka ega emas. Yaqqol yallig‘lanishga qarshi, allergiyaga qarshi va desensibilizatsiya qiluvchi ta'sir ko‘rsatadi. Eozinofillar tomonidan yallig‘lanish mediatorlarini chiqarilishini, semiz xujayralarning migratsiyasini susaytirib va kapillyalarning o‘tkazuvchanligini kamaytirib, yallig‘lanish jarayonlarini faol bostiradi.
Neomitsin – aminoglikozidlar guruxi mansub, keng ta'sir doirasiga ega bo‘lgan antibiotik. Mikrob xujayrasida oqsil sintezini izdan chiqarib, bakteritsid ta'sir ko‘rsatadi. Grammusbat va grammanfiy mikroorganizmlarga nisbatan, shu jumladan Staphyloccocus aureus, Streptococcus pneumoniae, Escherichia coli, Proteus spp., Shigella spp. larga nisbatan faol.
Pseudomonas aeruginosa va streptokokklarga nisbatan faolligi kam.
Patogen zamburug‘lar, viruslar, anaerob floraga nisbatan faol emas. Mikroorganizmlarni neomitsinga nisbatan chidamliligi sekin va oz darajada rivojlanadi.
Polimiksin V – polipeptid strukturali antibiotik. Ta'sir mexanizmi mikrob xujayralarining membranalaridagi fosfolipidlari bilan bog‘lanish hususiyatiga bog‘liq, bu ularni destruktsiyasiga olib keladi. Grammanfiy mikroorganizmlarga nisbatan, shu jumladan Escherichia colii, Shigella spp., Enterobacter spp., Klebsiella spp., Hemophilus influenzae, Salmonella spp., Bordetella pertussis larga nisbatan faol. Pseudomonas aeruginosa ga nisbatan faolligi yuqori.
Proteus spp., Neisseria spp., obligat anaeroblar va grammusbat bakteriyalarga nisbatan faol emas.
Polimiksin V ga Vibrio cholerae (eltor kichik turidan tashqari), shuningdek Coccidioides immitis sezgir, biroq asosan zamburug‘lar bu antibiotikka chidamlilik namoyon qiladi.


Qo‘llanilishi

Ko‘zlarning o‘tkir va surunkali bakterial kasalliklari
• blefaritlar;
• kon'yunktivitlar;
• keratitlar;
• iridotsiklitda qo‘llanadi.
Ko‘zning oldingi bo‘limini operatsiyadan keyingi yallig‘lanishini oldini olish uchun qo‘llanadi.
O‘tkir va surunkali tashqi va o‘rta quloq otitlari, eshituv a'zolarida o‘tkazilgan jarrohlik operatsiyalar bilan bog‘liq bo‘lgan infektsion asoratlarda qo‘llanadi.


Qo‘llash usuli va dozalari

Preparatni buyurishdan oldin bemorda kasallikni chaqirgan mikrofloraning unga sezgirligini aniqlash tavsiya qilinadi.
Ko‘z surtmasi kon'yunktivaga (qovoqlarni orqa yuzasi va ko‘z soqqasini oldingi yuzasi orasidagi bo‘shliq) qo‘yiladi.
Infektsiyaning og‘ir shakllarida ko‘z surtmasi sutkada 4-6 marta ishlatiladi; kasallikning simptomlari susaygan sari kabul qilishlar soni qisqartirilishi mumkin.
Infektsiyaning yengil shakllarida preparat odatda sutkada 3-4 marta buyuriladi.
Ko‘z/quloq tomchilari infektsiyaning yengil shakllarida kon'yunktivaga 1-2 tomchidan sutkada 4-6 marta tomiziladi. Infektsiyaning og‘ir shakllarida ko‘z tomchilari xar soatda ishlatilishi mumkin; kasallikning simptomlari susaygan sari qabul qilishlar soni qisqartirilishi mumkin.
Tashqi quloq yo‘lining infektsiyalarida 4 tomchidan sutkada 3-4 marta tomiziladi.
Eshituv a'zolarida o‘tkazilgan jarrohlik operatsiyalar bilan bog‘liq bo‘lgan infektsion asoratlarda, va o‘rta quloq otitlarida 4-10 tomchidan sutkada 3-4 marta tomiziladi.

Nojo‘ya ta'sirlari
Preparat qo‘llanganida xam deksametazon bilan, xam antibakterial komponentlarbilan, shuningdek ularning birgalikdagi ta'siri bilan chaqirilgan nojo‘ya reaktsiyalar kuzatilishi mumkin.
Allergik reaktsiyalar qovoqlarni qichishishi, shishi, kon'yunktivani qizarishi (odatda, antibiotiklarni ta'siri bilan bog‘liq).
Deksametazonni ta'siri bilan bog‘liq bo‘lgan nojo‘ya reaktsiyalar
-ko‘rish a'zolari tomonidan ko‘z ichki bosimini oshishi keyinchalik glaukomani rivojlanishiga olib kelishi mumkin; orqa subkapsulyar kataraktani hosil bo‘lishi; jaroxatlarni bitishi jarayonini sekinlashishi (shox parda yoki sklerani yupqalashishiga olib keladigan kasalliklarda, GKS maxalliy qo‘llanganida fibroz qavati teshilishi mumkin). Shuning uchun shox parda epiteliysini nuqsoni bilan kechuvchi kasalliklarda Neladeksni qo‘llash tavsiya etilmaydi.

Tarkibi
da GKS saqlovchi preparatlar antibiotiklar bilan majmuada qo‘llanganidan so‘ng, ikkilamchi infektsiyani (shu jumladan zamburug‘li infektsiyani) rivojlanishi kuzatilishi mumkin. Ikkilamchi bakterial infektsiya patsiyent organizmining ximoya reaktsiyasini susayishi oqibatida paydo bo‘lishi mumkin. Ko‘zning o‘tkir yiringli kasalliklarida GKS infektsion jarayonni niqoblashi yoki mavjud bo‘lgan infektsion jarayonni kuchaytirishi mumkin. Steroid preparatlar bilan uzoq muddat davolangandan so‘ng shox pardada bitmaydigan yaralarni paydo bo‘lishi, zamburug‘li invaziyani rivojlanganligidan dalolat berishi mumkin.

Qo‘llash mumkin bo‘lmagan xolatlar
Neladeks preparatini quyidagilarda
• Herpes simplex chaqirgan keratitda (daraxtsimon keratit);
• shox parda va kon'yunktivani virusli kasalliklarida (shu jumladan suvchechak);
• ko‘zlarni mikobakterial infektsiyalarida;
• ko‘zlarni zamburug‘li kasalliklarida;
• preparatning biron bir komponentiga yuqori sezuvchanlikda qo‘llash mumkin emas.
Shox pardadan yot jism asoratsiz olib tashlanganidan so‘ng preparat buyurilmaydi.

Dorilarning o‘zaro tasiri
Neladeks preparatini boshqa dori vositalari bilan o‘zaro ta'siri aniqlanmagan.


Maxsus ko‘rsatmalar

Preparat faqat maxalliy qo‘llash uchun mo‘ljallangan.

Tarkibi
da GKS saqlovchi preparatlar 10 kundan ortiq qo‘llanganida ko‘z ichki bosimini muntazam ravishda o‘lchash kerak.
Neladeks preparati tizimli antibiotiklar – aminoglikozidlar bilan bir vaqtda qo‘llanganida, qon zardobida neomitsinningkontsentratsiyasini nazorat qilish kerak.
Davolanishvaqtida kontakt linzalarni taqish tavsiya etilmaydi.
O‘ramning ichidagisini mikroblar bilan ifloslanishidan saqlanish uchun, tomchilagichning uchini va tubani biron-bir yuzalarga tegishidan saqlanish kerak.
Neladeks ko‘z/quloq tomchilari preparatining flakoni ichidagisini qo‘llashdan oldin chayqatish kerak.
Xomiladorlik va emizish vaqtida qo‘llanishi
Xomiladorlikda preparat, davolashning samaradorligi, xomila uchun kuzatilishi mumkin bo‘lgan havfdan ustun bo‘lgan xollardagina buyurilishi kerak.
Laktatsiya davrida emizishni to‘xtatish masalasini xal qilish kerak.
Pediatriyada qo‘llanishi
Xozirgi vaqtda preparatni bolalarda qo‘llash xavfsizligi va samaradorligi aniqlanmagan.
Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.


Dozani oshirib yuborilishi

Xozirgi vaqtda Neladeks preparatining dozasini oshirib yuborilish xollari xaqida xabar qilinmagan.


Chiqarilish shakli

Neladeks ko‘z surtmasi 5,0 g dan alyumin tubada chiqariladi. 1 alyumin tuba qo‘llash bo‘yicha yo‘riqnomasi bilan birga karton qutida.

Neladeks ko‘z/quloq tomchilari 5 ml dan ximoya xalqasi bilan ta'minlangan, buraladigan ximoya qopqoqchasi va tiqin-tomchilagichi bo‘lgan plastik flakonda chiqariladi. 1 flakon qo‘llash bo‘yicha yo‘riqnomasi bilan birga karton qutida.


Saqlash sharoiti

Neladeks ko‘z surtmasi
30°C dan yuqori bo‘lmagan xaroratda saqlansin.
Tuba ochilganidan so‘ng preparat bir oy davomida ishlatilsin.
Neladeks ko‘z/quloq tomchilari
15-25°C xaroratda saqlansin.
Flakon ochilganidan so‘ng preparat bir oy davomida ishlatilsin.


Yaroqlilik muddati

2 yil.


Dorixonalardan berish tartibi

Retsept bo‘yicha.