Tobratsin ko‘z tomchilari 3mg/ml 10ml

Preparatning savdo nomi

Tobratsin
Ta'sir etuvchi modda (XPN) tobramitsin

Dori shakli

ko‘z tomchilari.

Tarkibi

1 ml preparat quyidagilarni saqlaydi
faol modda tobramitsin – 3,0mg;
yordamchi moddalar borat kislotasi, Tvin 80, natriy sulfati, natriy xloridi, benzalkoniy xloridi, xlorid kislotasi yoki natriy gidroksidi, tozalangan suv.
Ta'rifi rangsizdan och sariq ranggacha bo‘lgan tiniq rangsiz eritma.

Farmakoterapevtik guruhi

Oftalmologiyada qo‘llanadigan vosita. Aminoglikozidlar guruhiga mansub antibiotik.
ATX kodi S01AA12

Farmakologik xususiyatlari

Aminoglikozidlar guruhiga mansub bo‘lgan keng ta'sir doirali antibiotik. Kichik kontsentratsiyalarda bakteriostatik (ribosomalarning 30S-subbirliklarini bloklaydi va oqsillar sintezini buzadi), yuqori dozalarda esa – bakteritsid ta'sir ko‘rsatadi.
Staphylococcus spp. (shu jumladan, Staphylococcus aureus, Staphylococcus epidermidis / koagulaza-manfiy va koagulaza-musbat / shuningdek penitsillinga chidamli shtammlari); Streptococcus spp. (shu jumladan, a-b-gemolitik turlari, ba'zi gemolitik bo‘lmagan turlari, Streptococcus pneumonia) Pseudomonas aeruginosa Escherichia coli, Klebsiella pneumoniae, Serratia spp., Providencia spp., Shigella spp., Citrobacter spp., Enterobacter aerogenes, Proteus mirabilis (indol-manfiy) va Proteus spp. ni indol-musbat turlar, Hemophilius influenzae, Hemophilius aegyptius, Moraxella lacunata, Acinetobacter calcoaceticus (Herellea vaginacola), Neisseria spp. ayrim turlariga (shu jumladan Neisseria gonorrhoeae) larga nisbatan yuqori faollikka ega.

Farmakokinetikasi

Mahalliy qo‘llanganida tizimli absorbtsiyasi past.

Qo‘llanilishi

Ko‘zning Tobratsinga sezgir qo‘zg‘atuvchilar chaqirgan yuzaki bakterial infektsiyalarini davolash uchun qo‘llanadi
• blefarit, kon'yunktivit, keratokon'yunktivit, blefarokon'yunktivit, keratit, endoftalmit, dakriotsistit, meybomit;
• oftalmologiyada jarrohlik operatsiyalaridan keyingi infektsion asoratlarni oldini olish uchun qo‘llanadi.

Qo‘llash usuli va dozalari

Faqat mahalliy qo‘llash uchun mo‘ljallangan.
Og‘ir bo‘lmagan infektsion jarayonda preparat shikastlangan ko‘z (yoki ko‘zlar) ning kon'yunktivasiga 1-2 tomchidan har 4 soatda tomiziladi.
Og‘ir darajadagi o‘tkir infektsion jarayon rivojlanganida preparat har 30-60 minutda tomiziladi.
Yallig‘lanish kamayishi bilan preparatni tomizish (instillyatsiya) chastotasi ham kamaytiriladi

Nojo‘ya ta'sirlari
Allergiya, ko‘z yoshini kuchli oqishi, kon'yunktival shish, ko‘z og‘rig‘i, ko‘zni ta'sirlanishi, keratit, ko‘rishni xiralashishi bo‘lishi mumkin.

Qo‘llash mumkin bo‘lmagan holatlar

Tobramitsinga yoki boshqa aminoglikozidlarga, yoki preparatning biron-bir boshqa komponentiga yuqori sezuvchanlikda qo‘llash mumkin emas.

Dorilarning o‘zaro ta'siri
Tobratsin ko‘z tomchilari aminoglikozidlar guruhiga mansub bo‘lgan tizimli antibiotiklari bilan bir vaqtda buyurilganida, tizimli nojo‘ya samaralar (nefrotoksik, ototoksik ta'siri, minerallar almashinuvini va gemopoezni buzilishi) kuchayishi mumkin.

Maxsus ko‘rsatmalar

Tobratsin preparatini qo‘llash vaqtida kontakt linzalarni taqish tavsiya etilmaydi. Preparatga sezgir bo‘lmagan mikroorganizmlarni rivojlanish xavfi borligi tufayli, uzoq vaqt davomida qo‘llashdan saqlanish kerak.
Homiladorlik va laktatsiyada qo‘llanishi
Kutilgan terapevtik samara nojo‘ya ta'sirlarni potentsial rivojlanish havfidan ustun bo‘lgan holdagina, Tobratsin ko‘z tomchilarini homilador ayollarga va emizadigan onalarga qo‘llash mumkin.
Pediatriyada qo‘llanishi
2 oylikkacha bo‘lgan bolalarda preparatni qo‘llashni xavfsizligi va samaradorligi o‘rganilmagan.
Avtotransportni haydash va mexanizmlarni boshqarish qobiliyatiga ta'siri
Preparat ko‘rishni vaqtinchalik buzilishini chaqirishi mumkin, shuning uchun preparat tomizilganidan (instillyatsiya) so‘ng avtotransportni haydash va mexanizmlarni boshqarish tavsiya etilmaydi.
Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Dozani oshirib yuborilishi

Simptomlari nuqtali keratit, eritema, ko‘z yoshini ko‘p oqishi, qovoqlarni qichishishi va shishi.
Davolash simptomatik davolash o‘tkaziladi.

Chiqarilish shakli

10 ml dan tomchilagich-dozator va qalpoqchasi bo‘lgan oq rangli plastik flakonda. Har bir flakon qo‘llash bo‘yicha yo‘riqnomasi bilan birga karton qutiga joylangan.

Saqlash sharoiti

Quruq va yorug‘likdan himoyalangan joyda, 25°S dan yuqori bo‘lmagan haroratda saqlansin.
Flakon ochilganidan keyin preparat 1 oy davomida ishlatilsin!

Yaroqlilik muddati

2 yil.

Dorixonalardan berish tartibi

Retsept bo‘yicha beriladi.

Ishlab chiqaruvchi

«Amman Pharmaceutical Industries Co. Ltd.», Iordaniya.

O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
«MED-MARKETING» OK,
Toshkent sh., M.Ulug‘bek tumani, TTZ-4 mavzesi, 5 uy 18 xonadon
Tel. (998 71) 264 09 73, www.medmark.uz