Preparatning savdo nomi
Trixopol
Ta'sir qiluvchi modda (XPN) Metronidazol

Dori shakli
tabletkalar

Tarkibi

1 tabletka quyidagilarni saqlaydi
Faol modda 250 mg metronidazol;
Yordamchi moddalar kartoshka kraxmali, jelatin, suyuq glyukoza, magniy stearati.
Ta'rifi sarg‘ish tusli oq rangli, yorug‘lik ta'sirida sarg‘ayadi, dumaloq, ikki tomonlama yassi, bir tomonida bo‘luvchi riskali tabletkalar.

Farmakoterapevtik guruhi
protozoylarga qarshi vosita
ATX kodi R01AV01


Farmakologik xususiyatlari

Trixopol protozoylarga qarshi va antibakterial ta'sirga ega bo‘lgan 5-nitroimidazol hosilasidir.
Metronidazol Trichomonas vaginalis, Giardia lamblia, Entamoeba histolytica va Balantidium coli ga nisbatan faol.
Shuningdek quyidagi anaerob bakteriyalarga nisbatan ham kuchli bakteritsid ta'sirga ega
• grammanfiy tayoqchalar Bacteroides species, shu jumladan Bacteroides fragilis guruhi (B. fragilis, B. Distasonis, B. Ovatus, B. Thetaiotaomicron, B. Vulgatus), Fusobacterium species,
• grammusbat tayoqchalar Eubacterium, Clostridium,
• grammusbat kokklar Peptococcus species, Peptostreptococcus species.
Metronidazol ko‘pchilik aerob va qisman anaerob bakteriyalarga, zamburug‘larga va viruslarga bakteritsid ta'sir qilmaydi.


Farmakokinetikasi

Metronidazol me'da-ichak yo‘llaridan yengil so‘riladi (kamida 80%).
Preparatni 250 mg, 500 mg yoki 2 g dozada sog‘lom ko‘ngillilarda qabul qilgandan keyin plazmadagi maksimal kontsentratsiyasi 1-3 soat davomida muvofiq ravishda 4,6-6,5 mkg/ml, 11,5-13 mkg/ml va 30-45 mkg/ml ni tashkil qilgan. Ovqat metronidazolning so‘rilish tezligi va qondagi maksimal kontsentratsiyasini pasaytiradi.
Metronidazolning taxminan 20% qondagi oqsillar bilan bog‘lanadi.
Metronidazol organizmning to‘qimalari va suyuqliklarida, shu jumladan, safro, suyak, so‘lak, peritoneal suyuqlik, qin sekreti, urug‘ suyuqligida, orqa miya suyuqligi, bosh miya to‘qimalari va jigarda taqsimlanadi. Shuningdek yo‘ldosh to‘sig‘i orqali o‘tadi va preparatning qon plazmasidagi kontsentratsiyasi bilan bir xil kontsentratsiyada ona sutiga ajraladi.
Jigar va buyraklar faoliyati me'yorida bo‘lgan kattalarda preparatning biologik yarim chiqarilish davri (T0,5) 6-8 soatni tashkil qiladi. Jigar faoliyati buzilgan bemorlarda metronidazolning yarim chiqarilish davri uzayishi mumkin.
Ichga qabul qilingan metronidazolning taxminan 30-60% gidroksillanish, oksidlanish va glyukuron kislotasi bilan kon'yugatsiyasi yo‘li bilan jigarda biotransformatsiyaga uchraydi. Asosiy metaboliti 2-gidroksimetronidazol shuningdek antibakterial va protozoylarga qarshi faollikka ega.
Metronidazol va uning metabolitlarining 60-80% asosan buyraklar orqali chiqariladi. Faqat metronidazol dozasining 6-15% ahlat bilan chiqariladi. Buyrak klirensi 70-100 ml/min tashkil qiladi. Preparatning biotransformatsiya mahsulotlari hisoblangan suvdagi eruvchan bo‘yovchisi mavjudligi sababli, siydik to‘q yoki qizg‘ish-jigarrang rangda bo‘lishi mumkin.
Ko‘p bo‘lmagan tekshiruvlar keksa yoshli patsiyentlarda metronidazolning buyraklar orqali chiqarilishi pasayishini ko‘rsatdi.
Metronidazolni organizmdan gemodializ yo‘li bilan chiqarish mumkin, ammo peritoneal dializ samarasiz.


Qo‘llanilishi

Metronidazol kattalar va bolalarda quyidagi holatlarda qo‘llash uchun mo‘ljallangan
• anaerob bakteriyalar Bacteroides, Fusobacterium, Clostridium, Eubacterium, anaerob kokklar bilan va Gardnerella vaginalis, shuningdek sodda hayvonlar Trichomonas, Entamoeba histolytica, Giardia lamblia va Balantidium chaqirgan infektsiyalarni davolash;
• operatsiyadan keyingi anaerob bakteriyalar, shuningdek Bacteroides va Streptococcus turlari chaqirgan infektsiyalar profilaktikasi;
• anaerob bakteriyalar chaqirgan infektsiyalarni (sepsis, bakteriyemiya, peritonit, bosh miya abstsess, o‘pkani yallig‘lanishi, osteomiyelit, tug‘ruqdan keyingi isitma, kichik chanoq sohasidagi abstsess, endometrit, jarroxlik aralashuvlardan keyin operatsion yaralarni yallig‘lanishi) davolash;
• ayol va erkaklarda siydik jinsiy tizimining trixomonadali infektsiyasi;
• bakterial vaginit;
• amyobiaz;
• giardiazis;
• o‘tkir yarali gingivit;
• o‘tkir periodontit;
• oyoq va qo‘llarda trofik yaralar va yotoq yaralar;
• peptik yarani Helicobacter pylori eradikatsiya bilan bir vaqtda majmuaviy davolash.


Qo‘llash usuli va dozalari

Odatda quyidagi dozalash buyuriladi
Anaerob bakteriyalar chaqirgan operatsiyadan keyingi infektsiyalar profilaktikasi
12 yoshdan kichik bolalar dozani sutkada tana vazniga 20-30 mg/kg hisobidan, bir marta operatsiyadan 1-2 soat oldin buyuriladi.
Kattalar va 12 yoshdan katta bolalar davolash boshida 1 gr dan (250 mg dan 4 ta tabletka) bir marta, so‘ngra250 mg dan 1 ta tabletkadan sutkada 3 marta, ovqatlanish vaqtida yoki ovqatdan keyin, patsiyentni operatsiyaga tayyorlanish davridan oldin buyuriladi.
Anaerob bakteriyalar chaqirgan infektsiya.
Metronidazolni yagona preparat sifatida yoki bakteriyalarga qarshi boshqa vositalar bilan majmuada qo‘llaniladi. Odatda davolash kursi 7 kundan oshmaydi.
Gestatsion yoshi 40 haftadan kichik bo‘lgan yangi tug‘ilgan chaqaloqlarda, metronidazolni to‘planishi xayotining birinchi haftasida namoyon bo‘lishi mumkin, shuning uchun qo‘llashdan bir necha kun o‘tgandan keyin metronidazolni zardobdagi kontsentratsiyasini tekshirish kerak.
8 haftalikkacha bo‘lgan emizikli bolalar dozalash sutkada bir marta 15 mg/kg yoki ikki marta 7,5 mg/kg xisobidan dozada xar 12 soatdan keyin buyuriladi.
8 haftalikdan 12 yoshgacha bo‘lgan bolalar
Odatdagi sutkalik doza sutkada 20-30 mg/kg ni bir marta yoki xar 8 soatda 7,5 mg/kg ni tashkil qiladi. Sutkalik dozani infektsiyani og‘irligiga bog‘liq holda 40 mg/kg gacha, oshirish mumkin. Davolashning davomiyligi ko‘pincha taxminan 7 kunni tashkil qiladi.
Kattalar va 12 yoshdan oshgan bolalar 250 mg 1–2 tabletkadan sutkada 3 marta ovqatlanish vaqtida yoki ovqatdan keyin buyuriladi.
Trixomoniaz
10 yoshdan kichik bolalar doza ichga 40 mg/kg hisobida, bir marta yoki 15–30 mg/kg hisobida sutkada 2-3 qabulga 7 kun davomida, 2000 mg dozani oshirmasdan buyuriladi.
Ayollarga 250 mg dan (1 ta tabletka 250 mg) sutkada 2 marta ertalab va kechqurun 10 kun davomida ovqatlanish vaqtida yoki 750 mg dan ertalab va 1250 mg dan kechqurun 2 kun davomida buyuriladi. Shuningdek 2 g dan metronidazolni bir marta buyuriladi.
Erkaklarga 250 mg dan (1 ta tabletka 250 mg) sutkada 2 marta ertalab va kechqurun 10 kun davomida ovqatlanish vaqtida yoki 750 mg dan ertalab va 1250 mg dan kechqurun 2 kun davomida buyuriladi. Shuningdek 2000 mg dan metronidazolni bir marta buyuriladi.
Izoh jinsiy sheriklarni bir vaqtda davolash kerak.
Bakterial vaginit
O‘smirlar 400 mg dan sutkada 2 marta, 5-7 kun davomida yoki 2000 mg sutkada bir martalik dozada buyuriladi.
Kattalar 500 mg dan (250 mg dan 2 ta tabletka) ertalab va kechqurun, 7 kun davomida yoki metronidazol 2 gr 1 marta buyurish kerak.
Amyobiaz
1 yoshdan 3 yoshgacha bo‘lgan bolalar 100-200 mg sutkada 3 marta, 5-10 kun davomida.
3 yoshdan 7 yoshgacha bo‘lgan bolalar 100-200 mg sutkada 4 marta, 5-10 kun davomida.
7 yoshdan 10 yoshgacha bo‘lgan bolalar 200-400 mg sutkada 3 marta, 5-10 kun davomida.
Kattalar va 10 yoshdan katta bolalar 400-800 mg sutkada 3 marta, 5-10 kun davomida buyuriladi.
1 kg tana vazniga milligramm doza
Bolalarga 35-50 mg/kg sutkada 3 qabulga 5 dan 10 kungacha davomida, sutkada 2400 mg dozadan oshmasligi kerak.
Kattalarga 750 mg dan (250 mg dan 3 ta tabletka) sutkada 3 marta, 5-10 kun davomida.
Giardiazis (lyamblioz)
1 yoshdan 3 yoshgacha bo‘lgan bolalarga bir marta, sutkada 500 mg dan 3 kun davomida.
3 yoshdan 7 yoshgacha bo‘lgan bolalarga bir marta, sutkada 600 mg - 800 mg dan, 3 kun davomida.
7 yoshdan 10 yoshgacha bo‘lgan bolalarga bir marta, sutkada 1000 mg dan 3 kun davomida.
Kattalar va 10 yoshdan katta bolalarga sutkada bir marta 2000 mg, 3 kun davomida yoki sutkada 3 marta 400 mg dan 3 kun davomida, yoki 500 mg dan sutkada 2 marta 7-10 kun davomida buyuriladi.
1 kg tana vazniga milligramm doza
Sutkada 15-40 mg/kg 2-3 teng qabulda.
Helicobacter pylori eradikatsiyasi
Helicobacter pylori eradikatsiyasi uchun boshqa preparatlar bilan majmuada metronidazolni kamida 7 kun davomida qo‘llash kerak.
Bolalar va o‘smirlar
Majmuaviy davolash sifatida, sutkada 20 mg/kg dan 500 mg sutkada 2 martadan oshirmasdan 7-14 kun davomida qo‘llaniladi. Davolashni boshlashdan oldin davolash bo‘yicha mavjud talablar bilan tanishish kerak.
Kattalar 500 mg dan (250 mg dan 2 ta tabletka) sutkada 2-3 qabulda 7-14 kun davomida buyuriladi.
O‘tkir yarali gingivit
Bolalarga doza tana vazniga 35-50 mg/kg xisobida sutkada 3 qabul, 3 kun davomida buyuriladi.
Kattalar 250 mg dan sutkada 2 marta 3 kun davomida buyuriladi.
O‘tkir periodontit
Emizikli bolalar va tana vazni 10 kg dan kam bo‘lgan bolalarga proportsional kam dozalar buyuriladi.
Kattalar 250 mg dan sutkada 2 marta 3-7 kun davomida buyuriladi.
Keksa yoshdagi patsiyentlar preparatni ehtiyotkorlik bilan buyurish kerak, ayniqsa yuqori dozalarni qo‘llaganda.
Oyoq va qo‘llarda va trofik yaralar, yotoq yaralar.
Kattalar 500 mg dan sutkada 2 marta 7 kun davomida buyuriladi.
Jigar yetishmovchiligi bo‘lgan patsiyentlarda qo‘llanilishi
Metronidazol asosan jigarda oksidlanish yo‘li bilan biotransformatsiyaga uchraydi. Jigar yetishmovchiligining og‘ir shakli bo‘lgan patsiyentlarda metronidazolbiotransformatsiyaga sekin uchraydi, bu organizmda metronidazolni va uning metabolitlarini to‘planishiga olib keladi. Jigar entsefalopatiyasi bo‘lgan patsiyentlarda preparat ahamiyatli darajada to‘planishi mumkin, metronidazolning qon plazmasidagi yuqori kontsentratsiyalari esa entsefalopatiya chaqirishi mumkin. Bir marta buyurish mumkin bo‘lgan sutkalik dozani 1/3 gacha kamaytirish kerak.
Buyrak yetishmovchiligi bo‘lgan patsiyentlarda qo‘llanilishi
Buyrak yetishmovchiligida metronidazolning biologik yarim chiqarilish davri o‘zgarmaydi. Bunday hollarda preparatning dozasini pasaytirish talab etilmaydi. Gemodializdagi patsiyentlarda metronidazol va uning metabolitlari 8 soat davomida chiqariladi. Dializdan keyin patsiyentga metronidazolni qayta buyurish kerak. Fraktsion peritoneal dializdagi yoki uzluksiz dializdagi patsiyentlarda dozani modifikatsiyalash zarurati yo‘q.
Keksa yoshdagi patsiyentlarda qo‘llanilishi
Keksa yoshdagi patsiyentlarda preparatni ehtiyotkorlik bilan qo‘llash kerak, ayniqsa yuqori dozalarda qabul qilganda.

Dozalash tartibi

DIQQAT! Tabletkalarni bolalarda qo‘llash qulay bo‘lishi uchun maydalash mumkin.
Preparatni ovqat qabul qilishga bog‘liq bo‘lmagan holda qo‘llash mumkin.

Nojo‘ya ta'sirlari
Quyida noxush samaralar tizim va a'zolarning tasnifiga asosan keltirilgan.
Reaktsiyalarning rivojlanish tez-tezligi quyidagicha aniqlanadi juda tez-tez (≥ 1/10); tez-tez (≥1/100 dan <1/10 gacha); tez-tez emas (≥1/1000 dan <1/100 gacha); kam (≥1/10000 dan <1/1000 gacha); juda kam (<1/10 000), tez-tezligi noma'lum (mavjud ma'lumotlar asosida aniqlab bo‘lmaydi).
Noxush samaralarning tez-tezligi, turi va jadalligini bolalarda namoyon bo‘lishi xuddi kattalardagi kabi.
Ko‘p hollarda noxush samaralar ko‘ngil aynishi, qusish, diareya, qorinda diskomfort xissi, og‘izda metall ta'mi, tilning karash bilan qoplanishi.
Bundan tashqari, preparatni qo‘llanganda kutilishi mumkin
Qon yaratish tizimi va limfatik tizimi tomonidan buzilishlar
O‘rtacha, tranzitor leykopeniya va trombotsitopeniya;
Juda kam neytropeniya, agranulotsitoz va pantsitopeniya ko‘pincha preparat bekor qilingandan keyin o‘tib ketadi. Suyak ko‘migi aplaziyasining bir holati ta'riflangan.
Immun tizimi tomonidan buzilishlar
Yuqori sezuvchanlik reaktsiyalari eshakemi, qichishish, angionevrotik shish;
Kam anafilaksiya, ko‘p shaklli eritema.
Nerv tizimi tomonidan buzilishlar
Uvishish, chumoli o‘rmalashi hissi, paresteziyalar bilan namoyon bo‘luvchi, ko‘p hollarda preparat bekor qilinganidan keyin yoki doza kamaytirilganidan keyin o‘tib ketuvchi periferik nevropatiya; tutqanoqsimon huruj, bosh aylanishi, dezoriyentatsiya, asabiylik, depressiya, xolsizlik, uyquchanlik, uyqusizlik, bosh og‘rig‘i, xushdan ketish, entsefalopatiya, miyacha sindromi (masalan ataksiya, duduqlanish, xarakat koordinatsiyasini buzilishi, nistagm, tremor) va ruxiy buzilishlar, gallyutsinatsiyalar va sitofobiya juda kam paydo bo‘lgan.
Ko‘rish a'zolari tomonidan buzilishlar
Ko‘rishni buzilishi; shu jumladan diplopiya yoki uzoqni ko‘rmaslik.
Eshitish a'zolari va vestibulyar apparat tomonidan buzilishlar
Quloqlarda shovqin, karlik.
Me'da-ichak yo‘llari tomonidan buzilishlar
Og‘iz qurishi, og‘iz bo‘shlig‘ining shilliq qavatini yallig‘lanishi, preparat bekor qilinganidan keyin me'da osti bezining to‘liq tiklanishi bilan yakunlanadigan o‘tkir pankreatit.
Jigar va o‘t yo‘llari tomonidan buzilishlar
Juda kam jigarning funktsional sinamalari natijasida o‘zgarishlar, preparat bekor qilingandan keyin o‘tib ketuvchi xolestatik gepatit va sariqlik.
Teri va teri osti kletchatkasi tomonidan buzilishlar
Terida o‘zgarishlar (toshmalar), qichishish.
Suyak-mushak tizimi va biriktiruvchi to‘qima tomonidan buzilishlar
Mialgiya, artralgiya.
Buyrak va siydik chiqarish yo‘llari tomonidan buzilishlar
Metronidazolning biotransformatsiyasi natijasida paydo bo‘lgan suvda eruvchi bo‘yovchilar tomonidan chaqirilgan siydik rangini to‘qlashishi.
Ko‘krak bezlari va reproduktiv tizimi tomonidan buzilishlar
Qinda og‘riq va achitqisimon infektsiyalar.

Qo‘llash mumkin bo‘lmagan xolatlar
• Ta'sir etuvchi moddaga yoki biron-bir yordamchi moddaga yuqori sezuvchanlik;
• 5-nitroimidazolning boshqa hosilalariga yuqori sezuvchanlik;
• Homiladorlikning birinchi uch oyligida qo‘llash mumkin emas.

Dorilarning o‘zaro ta'siri
• Metronidazol antikoagulyantlar, kumarin xosilalari bilan birga qabul qilinganida protrombin vaqtini uzaytiradi. Shuning uchun ushbu preparatlarning dozasini muvofiq o‘zgartirish kerak.
• Jigarning mikrosomal tizimini faollashtiruvchi preparatlar, masalan fenitoin va fenobarbital, metronidazolni chiqarilishini tezlashtiradi, bu uning qon zardobidagi kontsentratsiyasini pasayishiga olib keladi, jigarning fermentativ tizimini pasaytiruvchi preparatlar (masalan simetidin) esa metronidazolni yarim chiqarilish davrini uzaytirishi mumkin.
• Metronidazol qonda litiy kontsentratsiyasini oshiradi va uni toksik ta'sirini kuchaytiradi. Agar bu preparatlarni bir vaqtda qo‘llash zarurati bo‘lsa, davolash davrida qon zardobida kreatinin kontsentratsiyasini nazorat qilish kerak.
• Metronidazol terfenadin va astemizol bilan o‘zaro ta'sirida qon aylanish tizimi tomonidan noxush ta'sirlar chaqirishi mumkin (EKG da QT intervalini uzayishi, aritmiya).
• Metronidazol alkogolning toksik ta'sirini kuchaytiradi. Preparat bilan davolanish davrida spirtli ichimliklarni qabul qilish issiqlik xissi, terlash, bosh og‘rig‘i, ko‘ngil aynishi, qusish, epigastriy sohasida og‘riq kabilar noxush reaktsiyalar chaqirishi mumkin.
• Metronidazol va disulfiraminni bir vaqtda qabul qilish ba'zida o‘tkir psixoz va dezoriyentatsiyani chaqirishi mumkin. Metronidazol bilan davolanishni disulfiram bilan davolash yakunlangandan keyin 2 xafta o‘tgach boshlash mumkin.
• Metronidazol bilan bisulfan qo‘llanganda dorilarning o‘zaro ta'siri paydo bo‘lishi mumkin.
• Metronidazol sitoxrom R450 3A4 (CYP 3A4) ingibitori xisoblanadi va shu sababli, bu enzim ishtirokida metabolizmga uchraydigan preparatlarning biotransformatsiyasini sekinlashtirishi mumkin.
• Metronidazol 5-ftoruratsil klirensini kamaytiradi, shuning uchun uning toksikligi oshirishi mumkin.


Maxsus ko‘rsatmalar

• Metronidazolni markaziy nerv tizimi kasalliklari bo‘lgan patsiyentlarda ehtiyotkorlik bilan qo‘llash kerak.
• Davolash davrida nevrologik buzilishlar kuzatilgan patsiyentlarda (uvishishlar, chumoli o‘rmalashi hissi yoki tutqanoq) faqat agar qo‘llashdan foyda bo‘lishi mumkin bo‘lgan xavfdan ustun bo‘lsagina preparatni qabul qilish mumkin.
• Preparatni og‘ir jigar yetishmovchiligi va jigar entsefalopatiyasi bo‘lgan patsiyentlarda ehtiyotkorlik bilan qo‘llash kerak.
• Metronidazolni kortikosteroidlar bilan davolangan va shishlarga moyilligi bo‘lgan patsiyentlarda ehtiyotkorlik bilan qo‘llash kerak.
• Metronidazol bilan davolashdan oldin va davolashdan keyin qon manzarasini o‘zgarishlari kuzatilgan patsiyentlarda metronidazolni qayta qo‘llash zarurati bo‘lganida shifokor kuzatuvchi ostida bo‘lishlari kerak. Davolanish vaqtida qon manzarasini nazorat qilish kerak. Agar preparat 10 kundan ortiq qo‘llansa, bunday nazorat majburiy xisoblanadi.
• Metronidazol qo‘llanilganidan keyin og‘iz bo‘shlig‘i, qin va me'da-ichak yo‘llari kandidozi rivojlanishi mumkin, bu muvofiq davoni talab qiladi.
• Metronidazol bilan davolanish vaqtida va davolash yakunlangandan kamida bir kun davomida spirtli ichimliklarni qabul qilish mumkin emas, chunki nojo‘ya reaktsiyalar rivojlanish xavfi mavjud (“Dorilarning o‘zaro ta'siri” qarang).
• Metronidazol ayrim laborator tekshiruvlarning ko‘rsatkichlarini o‘zgartirishi mumkin. (ALT, AST, laktatdegidrogenaza, triglitseridlar, glyukoza).
• Preparatda glyukoza saqlanishini inobatga olib, glyukoza-galaktoza malabsorbtsiya sindromi bo‘lgan patsiyentlar ushbu dori vositasini qabul qilishlari mumkin emas.
Homiladorlik
Metronidazolni homiladorlarda qo‘llanilishini yaxshi nazoratlangan tekshiruvlar keltirilmagan. Metronidazol yo‘ldosh to‘sig‘i orqali o‘tadi.
Metronidazolni homiladorlikning birinchi uch oyligida qo‘llash mumkin emas. Homiladorlikning ikkinchi va uchinchi uch oyligida faqat homilador ayolga preparatni qo‘llashdan potentsial foyda homilaga noxush ta'sir qilish xavfidan ustun bo‘lgan holdagina qo‘llash mumkin.
Emizish
Metronidazol preparatning qon plazmasidagi darajasi bilan solishtirarli kontsentratsiyaga erishib, ko‘krak suti bilan ajraladi. Emizish davrida preparatni qo‘llash mumkin emas. Agar davolash zarur bo‘lsa – emizishni to‘xtatish kerak.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.


Dozani oshirib yuborilishi

Yakka hollarda metronidazolni har ikkinchi kuni, 5-7 kun davomida 6-10,4 g ichga qabul qilganda, neyrotoksik simptomlar tutqanoq holatlarini va periferik nevropatiya kuzatilgan.
Metronidazolni 15 g bir martalik dozasini qabul qilgandan keyin ko‘ngil aynishi, qusish va koordinatsiyani buzilishi aniqlangan.

Dozani oshirib yuborilishi
ni davolash
Zaharlanish holatlarida simptomatik va tutib turuvchi davolashni boshlash kerak.


Chiqarilish shakli

Trixopol tabletkalari 20 donadan Al/PVX plyonka blisterlarga joylangan (10 tabletkadan 2 blister) va litografik karton o‘ramga joylangan.


Saqlash sharoiti

Quruq, yorug‘likdan himoyalangan joyda, 25°S dan yuqori bo‘lmagan haroratda saqlansin.


Yaroqlilik muddati

3 yil.



Dorixonalardan berish tartibi

Retsept bo‘yicha.


Ishlab chiqaruvchi
ning nomi va manzili
Farmatsevticheskiy zavod «POLFARMA» AJ
Pelplinska ko‘ch. 19
83-200 Starogard Gdanski
POLSHA