Preparatning savdo nomi
Ambro®
Ta'sir etuvchi modda (XPN) ambroksol

Dori shakli
tabletkalar 30 mg

Tarkibi

Bir tabletka quyidagilarni saqlaydi
Faol modda ambroksol gidroxloridi 30,0 mg,
Yordamchi moddalar laktoza monogidrati, kartoshka kraxmali, suvsiz kolloid kremniy dioksidi (aerosil), kaltsiy stearati.
Ta'rifi oq yoki sarg‘ish tusli oq rangli yassi silindr shaklli tabletkalar. Tabletkaning bir tomonida faska, boshqa tomonida - faska va xoch shaklidagi firma logotipi mavjud.

Farmakoterapevtik guruhi
Shamollash simptomlari va yo‘talni bartaraf etuvchi preparatlar. Balg‘am ko‘chiruvchi preparatlar. Mukolitiklar. Ambroksol.
ATX kodi R05SV06

Farmakologik hususiyatlari

Farmakodinamika
si
Ambroksol ­ mukolitik preparat. Sekretomotor, sekretolitik va balg‘am ko‘chiruvchi ta'sirga ega; bronxlarning shilliq qavatlaridagi bezlarning seroz hujayralarini rag‘batlantiradi, shilliq qavat sekreti miqdorini va alveolalar va bronxlarda yuqori faol moddani (surfaktantni) ajralishini oshiradi; balg‘amning seroz va shilliq komponentlarni buzilgan nisbatini normallashtiradi. Gidrolizlovchi fermentlarni faollashtirib va lizosomalarni Klark hujayralaridan ajralib chiqishini kuchaytirib, balg‘amning qovushqoqligini kamaytiradi. Kiprikchali epiteliyni harakatlanuvchi faolligini oshiradi, uni yopishib qolishini oldini oladi, mukotsiliar transportni oshiradi. Ambroksol yallig‘lanishga qarshi samaraga, shuningdek antioksidant xususiyatlarga ega, mahalliy immunitetni rag‘batlantiradi, balg‘am va bronxial sekretda antibiotiklar kontsentratsiyasini oshiradi.

Farmakokinetikasi

So‘rilishi yuqori va deyarli to‘liq bo‘lib, terapevtik dozaga to‘g‘ridan-to‘g‘ri bog‘liq. Plazmadagi maksimal kontsentratsiyasiga 1­2,5 soat davomida erishiladi. Ichga qabul qilinganidan keyin 30 minut o‘tgach namoyon bo‘ladi va 6­12 soat davom etadi.
O‘pka to‘qimalariga tez katta kontsentratsiyada taqsimlanadi. Qon plazmasi oqsillari bilan bog‘lanishi taxminan 90% ni tashkil qiladi.
Ichga qabul qilingan dozaning taxminan 30% metabolizmdan birinchi o‘tishidayoq eliminatsiya qilinadi. Ambroksol asosan jigarda kon'yugatlarni hosil qilib, metabolizmga uchraydi.
Oxirgiyarim chiqarilish davri 10 soatni tashkil qiladi.
Buyraklar orqali 90% suvda eruvchan metabolitlar shaklida, 5% o‘zgarmagan shaklda chiqariladi.
Yarim chiqarilish davri og‘ir surunkali buyrak yetishmovchiligida oshadi, lekin jigar faoliyatini buzilishlarida o‘zgarmaydi.
Patsiyentlarni jinsi va yoshi ambroksolning farmakokinetikasiga klinik ahamiyatli ta'sir ko‘rsatmaydi va dozaga tuzatish kiritishni talab qilmaydi.

Qo‘llanilishi

-o‘tkir va surunkali bronxit
-pnevmoniya
-o‘pkaning surunkali obstruktiv kasalligi (O‘SOK)
-qiyin balg‘am ko‘chishi bilan kechuvchi bronxial astma
-bronxoektatik kasalligida qo‘llaniladi.


Qo‘llash usuli va dozalari

Ichga, ovqat qabul qilgandan keyin yetarli miqdorda suyuqlik bilan chaynamasdan qabul qilinadi.
Kattalar va 12 yoshdan oshgan bolalarga dastlabki 2­3 sutkada sutkasiga 3 marta 1 tabletka (30 mg) dan, keyin sutkada 2 marta 1tabletkadan buyuriladi.

6 yoshdan 12 yoshgacha bo‘lgan bolalarga
½ tabletkadan (15 mg) kuniga 2­3 marta buyuriladi.

Davolash
davomiyligi kasallik kechishini o‘ziga xosligiga bog‘liq.
Shifokor tavsiyasisiz preparat 4­5 kundan ortiq qabul qilinmasligi kerak.

Nojo‘ya ta'siri
Kam
­ xolsizlik, bosh og‘rig‘i
­ gastralgiyalar, ko‘ngil aynishi, qusish, diareya
­ og‘iz va nafas yo‘llarini qurishi, rinoreya
­ allergik reaktsiyalar (teri toshmasi, qichishish, eshakemi, angionevrotik shish, anafilaktik reaktsiyalar)
Juda kam
­ nafasni buzilishi


Qo‘llash mumkin bo‘lmagan holatlar

­ ambroksol va/yoki preparatning boshqa komponentlariga yuqori sezuvchanlik
­ me'da va o‘n ikki barmoq ichak yara kasalligi
­ homiladorlikning I uch oyligida qo‘llash mumkin emas.

Dorilarning o‘zaro ta'siri
Ambro® ni yo‘talga qarshi ta'sirga ega bo‘lgan dori vositalari (masalan, kodein saqlovchi) bilan bir vaqtda qo‘llash tavsiya qilinmaydi. Ambro® ni antibiotiklar bilan bir vaqtda qo‘llash antibiotiklarni (amoksitsillin, sefuroksim, eritromitsin, doksitsiklin va boshqalar) o‘pka yo‘llariga o‘tishini yaxshilaydi, bu davolash muddatini qisqartirishi mumkin.


Maxsus ko‘rsatmalar

Jigar yoki buyrak faoliyatini buzilishlarida, bronxlarning motor disfunktsiyasida yoki ko‘p miqdorda sekret ajralib chiqishida (shilliqni to‘planishi havfi tufayli) ehtiyotkorlik bilan buyurish kerak. Og‘ir jigar va buyrak yetishmovchiligida preparatning dozasini kamaytirish yoki qabul qilishlar orasidagi vaqt oraliqlarini uzaytirish kerak.
Pediatriyada qo‘llanilishi
Ushbu dori shaklini 6 yoshdan kichik bolalar qabul qilishi tavsiya qilinmaydi.
Yordamchi moddalar
Preparatni kam uchraydigan nasliy galaktoza o‘zlashtiraolmasligi, laktaza (Lapp turi) yetishmovchiligi yoki glyukoza­galaktoza malabsorbtsiya sindromi bo‘lgan patsiyentlar qabul qilishi tavsiya qilinmaydi.
Homiladorlik va laktatsiya davri
Homiladorlikning I uch oyligida tavsiya qilinmaydi. Homiladorlikning II va III uch oyligida va laktatsiya davrida preparatni agar davolashdan kutilayotgan samara homila/bola uchun potentsial havfdan ustun bo‘lsagina qo‘llash mumkin.
Ambro® ko‘krak sutiga o‘tadi, biroq, terapevtik dozada u bolaga salbiy ta'sir qilmaydi.
Dori vositasini transport vositasini yoki potentsial havfli mexanizmlarni boshqarish qobiliyatiga ta'sir qilishining o‘ziga xosligi
Ta'sir qilmaydi.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.


Dozani oshirib yuborilishi

Simptomlari ko‘ngil aynishi, qusish, diareya, dispepsiya.

Davolash
preparat qabul qilinganidan keyin dastlabki 1­2 soatda me'dani yuvish,simptomatik terapiya.


Chiqarilish shakli
va o‘rami
10 tabletkadan polivinilxlorid plenka va alyumin folgali kontur uyali o‘ramda.
2 kontur uyali o‘ram davlat va rus tilidagi, tasdiqlangan tibbiyotda qo‘llash bo‘yicha yo‘riqnomasi bilan birga karton qutili iste'molchi taraga joylangan.


Saqlash sharoiti

Quruq, yorug‘likdan himoyalangan joyda, 30°S dan yuqori bo‘lmagan haroratda saqlansin.


Yaroqlilik muddati

3 yil.


Dorixonalardan berish tartibi

Retseptsiz.


Ishlab chiqaruvchi

“Ximfarm” AJ, Qozog‘iston
Shimkent sh., Rashidov ko‘ch., 81, t/f 560882

Qayd qilingan guvohnoma egasi
“Ximfarm” AJ, Qozog‘iston

Qozog‘iston Respublikasi xududida iste'molchilardan maxsulot (tovar) sifati bo‘yicha shikoyatlarni qabul qiluvchi tashkilot manzili
“Ximfarm” AJ, Shimkent sh., QOZOG‘ISTON
Rashidov ko‘ch., 81, t/f 560882
Telefon raqami 7252 (561342)
Faks raqami 7252 (561342)
Elektron pochta manzili standart@santo.kz