Rengalin gomeop. tab. №20

Preparatning savdo nomi

Rengalin

Dori shakli

shimish uchun gomeopatik tabletkalar

Tarkibi

1 tabletka quyidagilarni saqlaydi
faol moddalar
bradikininga affin tozalangan antitelalar – 0,006 g,
gistaminga affin tozalangan antitelalar – 0,006 g,
morfinga affin tozalangan antitelalar – 0,006 g;
yordamchi moddalar 0,506 g izomaltat, 0,0275 g mikrokristall sellyuloza, 0,0055 g magniy stearati, 0,005225 g suvsiz limon kislotasi, 0,00275 g kolloid kremniy dioksidi,
0,00275 g natriy siklamati, 0,000275 g natriy saxarini.
*muvofiq ravishda 10012, 10030, 10050 marta suyultirilgan substantsiyaning suvli-spirtli faol aralashmalari ko‘rinishida izomaltatga surtiladi.
Ta'rifi yassi silindrik shaklli, faskali, yassi bir tomonida riskali, butun qirrali; oqdan deyarli oq ranggacha bo‘lgan tabletkalar.
Riskali yassi tomonidan MATERIA MEDICA, boshqa yassi tomonida RENGALIN yozuvi tushirilgan.

Farmakoterapevtik guruhi

yo‘talga qarshi boshqa preparatlar.
ATX kodi R05DB

Farmakologik xususiyatlari

Farmakodinamika

Preparatning komponentlari endogen regulyatorlarni tegishli retseptorlar bilan ligand-retseptor o‘zaro ta'siri faolligini modifikatsiya qilishi eksperimentlarda namoyish etilgan; morfinga antitelalar – opiat retseptorlar bilan; gistaminga antitelalar – N1 gistamin retseptorlari bilan; bradikininga antitelalar – bradikininning V1 retseptorlari bilan; bunda komponentlarni birga qo‘llash yo‘talga qarshi samarani kuchayishiga olib keladi.
Yo‘talga qarshi ta'sirinidan tashqari, majmuaviy preparat uning tarkibiga kiruvchi komponentlar hisobiga yallig‘lanishga qarshi, shishga qarshi, antiallergik, spazmolitik (gistaminga antitelalar, bradikininga antitelalar) va og‘riq qoldiruvchi (morfinga antitelalar) ta'sir ko‘rsatadi.
Rengalin majmuaviy preparati gistaminga-bog‘liq N1-retseptorlar va bradikininga-bog‘liq V2-retseptorlarni modifikatsiya qilish hisobiga uzunchoq miyadagi yo‘tal markazining qo‘zg‘aluvchanligini tanlab pasaytiradi, yo‘tal refleksining markaziy bo‘g‘inlarini tormozlaydi. Talamusdagi og‘riq sezuvchanligi markazlarini susaytirib, bosh miya po‘stlog‘iga og‘riq impulslarini o‘tkazilishini bloklaydi. To‘qima va plazmadagi algogenlar (gistamin, bradikinin, prostaglandin va boshqalar) ning ajralib chiqishini kamaytirish oqibatida periferiyadan og‘riq impulslarini oqimini ingibitsiya qiladi. Narkotik analgetiklardan farq qilib, nafasni susayishi, doriga qaramlikni chaqirmaydi, narkogen va uxlatuvchi ta'sirga ega emas.
Bronxospazmni yengillashtirib, o‘tkir faringit, laringit va bronxitni namoyon bo‘lishini yengillashtiradi. Semiz xujayralarda gistamin va bradikininni sintezini va ajralib chiqishiga ta'siri orqali allergik reaktsiyalarning tizimli va mahalliy simptomlarini bartaraf etadi.

Farmakokinetikasi

Zamonaviy fizik-kimyoviy tahlil usullarining (gaz-suyuqlik xromatografiyasi, yuqori samarali suyuqlik xromotografiyasi, xromato-mass-spektrometriya) sezgirligi Rengalin preparatining faol komponentlarini biologik suyuqliklarda, a'zolar va to‘qimalarda aniqlash imkonini bermaydi, bu farmakokinetikasini texnik jihatdan o‘rganib bo‘lmasligini bildiradi.

Qo‘llanilishi

Yo‘tal va bronxospazm bilan kechuvchi nafas yo‘llarining o‘tkir va surunkali kasalliklari. Gripp va O‘RVI, o‘tkir faringit, laringotraxeit, o‘tkir obstruktiv laringit, surunkali bronxit va yuqori va quyi nafas yo‘llarining infektsion-yallig‘lanish va allergik kasalliklarida balg‘amli va quruq yo‘talda qo‘llanadi.

Qo‘llash usuli va dozalari

Ichga buyuriladi. Bir qabul qilishga 1 tabletka (to‘liq erib ketguncha og‘izda ushlab turish kerak). 1-2 tabletkadan sutkada 3 marta ovqatlanishdan qat'iy nazar qabul qilinadi. Holatning og‘irlik darajasiga qarab birinchi uch kunda qo‘llash tez-tezligi sutkada 4-6 martagacha oshirilishi mumkin.
Nojo‘ya ta'sirlari
Preparatning komponentlariga shaxsiy yuqori sezuvchanlik reaktsiyalari bo‘lishi mumkin.

Qo‘llash mumkin bo‘lmagan holatlar

Preparatning komponentlariga shaxsiy yuqori sezuvchanlikda qo‘llash mumkin emas. Samaradorligi va xavfsizligi bo‘yicha ma'lumotlar yetarli emasligi tufayli, Rengalinni 3 yoshgacha bo‘lgan bolalarda qo‘llash tavsiya etilmaydi.
Dorilarning o‘zaro ta'siri
Boshqa dori vositalari bilan nomutanosiblik holatlari hozirgi vaqtgacha qayd etilmagan.

Maxsus ko‘rsatmalar

Homiladorlik va emizish davrida qo‘llanishi
Homiladorlik va emizish davrida Rengalinni qo‘llashning xavfsizligi o‘rganilmagan. Preparatni qabul qilish zarurati bo‘lganida foyda/xavf nisbatini inobatga olish kerak.
Tibbiyotda qo‘llash uchun dori preparatini transport vositalari, mexanizmlarni boshqarish qobiliyatiga ta'siri
Rengalin transport vositalari va boshqa potentsial xavfli mexanizmlarni boshqarish qobiliyatiga ta'sir ko‘rsatmaydi.
Preperat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

To‘satdan dozani oshirib yuborganda preparatning tarkibiga kiruvchi to‘ldiruvchilar bilan bog‘liq dispeptik ko‘rinishlar kuzatilishi mumkin.

Chiqarilish shakli

Shimish uchun gomeopatik tabletkalar. 10 tabletkadan polivinilxlorid plyonka va alyumin folgali kontur uyali o‘ramda.
1, 2 yoki 5 kontur uyali o‘ramdan davlat va rus tillalaridagi qo‘llash bo‘yicha yo‘riqnomasi bilan karton qutida.

Saqlash sharoiti

Yorug‘likdan himoyalangan joyda, 25°C dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Retseptsiz.
Qayd egish guvohnomasining egasi va Rossiya Federatsiyasi xududida e'tirozlarni qabul qiluvchi tashkilot
«NPF «MATERIA MEDIKA XOLDING» MChJ;
Rossiya, 127473, Moskva sh, 3-chi Samotechniy per., 9 uy.