Preparatning savdo nomi
Ambroksol
Ta'sir etuvchi modda (XPN) ambroksol

Dori shakli
tabletkalar

Tarkibi

bir tabletka quyidagilarni saqlaydi
faol modda ambroksol gidroxloridi – 30 mg;
yordamchi moddalar sut qandi (laktoza), kartoshka kraxmali, kaltsiy stearati, aerosil (kremniy dioksidi).
Ta'rifi oq - sarg‘ish tusli oq rangli tabletkalar.

Farmakoterapevtik guruhi
balg‘am ko‘chiruvchi vosita
ATX kodi R05CB06


Farmakologik xususiyatlari

Mukolitik va balg‘am ko‘chiruvchi vosita.
Sekretomotor, sekretolitik va balg‘am ko‘chiruvchi ta'sirga ega.
Ambroksol bronxlarni shilliq qavati xilpillovchi epiteliysi kiprikchalarining xarakat faolligini rag‘batlantiradi (mukokinetik yoki sekretomotor ta'siri).
Bronx epiteliysini kiprikchali (tsiliar) hujayralarining spirali bo‘ylab peristaltik qisqarishlar bronxlardan shilliqni chiqaradi (mukotsiliar transport yoki mukotsiliar klirens). Ambroksol mukotsiliar transportni ahamiyatli yaxshilaydi. Ambroksol bronxlarning shilliq qavatlari bezlarining seroz hujayralarini rag‘batlantiradi, balg‘amning shilliq komponentini tarkibini oshiradi va balg‘amning shilliq va seroz komponentlari buzilgan nisbatini normallashtiradi. Gidroliz qiluvchi fermentlarni faollashtirib va Klark hujayralaridan lizosomalarni ajralib chiqishini kuchaytirib, balg‘amning qovushqoqligini va uning adgeziv xususiyatini pasaytiradi (mukolitik yoki sekretolitik ta'siri).
Ambroksol al'veolalar va bronxlarda sirt - faol moddasi (surfaktantni) sintezi va sekretsiyasini oshiradi.
Bu mexanizmlar natijasida balg‘amning qovushqoqligi pasayadi va uning ko‘chishi ahamiyatli yaxshilanadi.
Ichga qabul qilgandan so‘ng ta'siri 30 minutdan keyin boshlanadi va 6-12 soat davom etadi.

Farmakokinetikasi

So‘rilishi – yuqori (yuborishning har qanday yo‘lida), maksimal kontsentratsiyasiga erishish vaqti – 2 soat, plazma oqsillari bilan bog‘lanishi – 80%. Gematoentsefalik to‘siqdan, yo‘ldosh to‘sig‘idan o‘tadi, ko‘krak suti bilan chiqariladi.
Jigarda metabolizmga uchrab, dibromantranil kislotasini va glyukuron kon'yugatlarini hosil qiladi. Yarim chiqarilish davri – 7-12 soat. Buyrak orqali chiqariladi 90% suvda eruvchan metabolitlar ko‘rinishida, 5% o‘zgarmagan holda chiqariladi.
Yarim chiqarilish davri og‘ir surunkali buyrak yetishmovchiligida oshadi, jigar funktsiyasi buzilishida o‘zgarmaydi.


Qo‘llanilishi

Qovushqoq balg‘amni ajralishi bilan kechuvchi, nafas yo‘llarining o‘tkir va surunkali kasalliklari
- o‘tkir va surunkali bronxit;
- pnevmoniya;
- o‘pkaning surunkali obstruktiv kasalligi;
- balg‘am ko‘chishini qiyinlashishi bilan kechuvchi bronxial astma;
- bronxoektatik kasalligida qo‘llanadi.


Qo‘llash usuli va dozalari

Preparat ichga, ovqatdan keyin ko‘p miqdordagi suyuqlik bilan qabul qilinadi.
Kattalar va 12 yoshdan katta bolalar – 1 tabletka (30 mg) dan sutkada 3 marta buyuriladi.
Zarurat bo‘lganida terapevtik samarani kuchaytirish uchun 2 tabletka (60 mg) dan sutkada 2 marta buyurish mumkin.
Kasallikni og‘ir hollarida dozani davolash kursi davomida kamaytirilmaydi.
12 yoshdan kichik bolalarga sirop shaklida buyuriladi.
Preparatni shifokor maslahatisiz 5 kundan ortiq qabul qilish tavsiya etilmaydi.

Nojo‘ya ta'sirlari
Allergik reaktsiyalar teri toshmasi, eshakemi, angionevrotik shish, alohida hollarda – allergik kontakt dermatit, anafilaktik shok.
Kam hollarda – umumiy holsizlik, bosh og‘rig‘i, diareya, dizuriya, ekzantema, rinoreya, qabziyat.
Yuqori dozalarda uzoq vaqt qo‘llanganda – gastralgiya, ko‘ngil aynishi, qusish kuzatiladi.


Qo‘llash mumkin bo‘lmagan holatlar

O‘ta yuqori sezuvchanlik, homiladorlik (I uch oylik), 12 yoshgacha bo‘lgan bolalar (12 yoshdan kichik bolalarga sirop shaklida buyuriladi) qo‘llash mumkin emas.
Laktozani o‘zlashtiraolmaslikda (glyukoza/galaktozani so‘rilishini buzilishi sindromida yoki saxaroza/izomal'toza yetishmovchiligida) preparat tarkibiga laktoza kirishini e'tiborga olish kerak.
Jigar yetishmovchiligi, buyrak yetishmovchiligi, me'da va o‘n ikki barmoq ichak yara kasalligi, homiladorlik (II-III uch oylik), laktatsiya davrida ehtiyotkorlik bilan qo‘llash kerak.

Dorilarning o‘zaro ta'siri
Yo‘talga qarshi dori vositalar bilan birga qo‘llanganida, yo‘talni kamayishi oqibatida balg‘amni ajralib chiqishini qiyinlashishiga olib keladi.
Amoksitsillin, sefuroksim, eritromitsin va doksitsiklinning bronxial sekretiga o‘tishini oshiradi.


Maxsus ko‘rsatmalar

Balg‘am ajralishini qiyinlashtiruvchi yo‘talga qarshi dori vositalari bilan majmuada qo‘llash mumkin emas.


Dozani oshirib yuborilishi

Simptomlari ko‘ngil aynishi, qusish, diareya, dispepsiya.
Davolash qusishni chaqirish, preparatni qabul qilgandan so‘ng ilk 1-2 soatlarda me'dani yuvish; yog‘ saqlovchi mahsulotlarni qabul qilish.


Chiqarilish shakli

30 mg dan tabletkalar 10 donadan kontur uyasiz o‘ramda, kontur uyali o‘ramlar tibbiyotda qo‘llanilishiga doir yo‘riqnomasi bilan birga.


Saqlash sharoiti

Yorug‘likdan himoyalangan joyda, 25°S dan yuqori bo‘lmagan haroratda saqlansin.
Bolalar ololmaydigan joyda saqlansin.


Yaroqlilik muddati

3 yil.

Yaroqlilik muddati
o‘tgach qo‘llanilmasin.


Dorixonalardan berish tartibi

Retseptsiz.


Ishlab chiqaruvchi

“RADIKS” MChJ

O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
"RADIKS" MChJ,
O‘zbekiston Respublikasi, 100054, Toshkent sh. Lutfiy ko‘ch., 50
Tel. (+99871) 273-43-98, faks (+99871) 273-80-58.