Ingamist in'ektsiya uchun eritma 100 mg / ml 3ml №10

Preparatning savdo nomi

Ingamist
Ta'sir etuvchi modda (XPN) atsetiltsistein

Dori shakli

in'ektsiya uchun eritma

Tarkibi

1 ml eritma quyidagilarni saqlaydi
faol modda 100 mg atsetiltsistein;
yordamchi moddalar dinatriy edetati, natriy gidroksidi, in'ektsiya uchun suv.
Ta'rifi tiniq rangsiz, kuchsiz oltingugurt hidiga ega suyuqlik.
Ampula ochilganidan keyin havo bilan uzoq muddatli kontaktda kuchsiz pushti-binafsha rang tus paydo bo‘lishi mumkin.

Farmakoterapevtik guruhi

mukolitik vosita.
ATX kodi R05CB01.

Farmakologik xususiyatlari

Farmakodinamika

si
Atsetiltsistein balg‘amni suyultiradi. Atsetiltsisteinning strukturasidagi sulfgidril guruhlar balg‘amning nordon mukopolisaxaridlarining disulfid bog‘larini uzilishiga yordam beradi, bu mukoproteidlarini depolyarizatsiyasiga va shilliqni qovushqoqligini kamayishiga olib keladi.
Atsetiltsistein yiringli balg‘am bor bo‘lganida ham o‘z faolligini saqlab qoladi.
Atsetiltsistein nukleofil tiol SH-guruhi borligi tufayli antioksidant ta'sir ko‘rsatadi, vodorodni osongina berib, oksidlovchi radikallarni neytrallaydi.
Atsetiltsisteinning himoyaviy ta'sir mexanizmi uning reaktiv sulfgidril guruhlarini erkin radikallarni bog‘lab olish xususiyatiga asoslangan.
Atsetiltsistein xujayra ichiga oson kiradi, atsetil guruhini yo‘qotib, L-tsisteinga aylanadi, undan xujayra ichidagi glutation sintezlanadi.
Glutation – yuqori reaktiv tripeptid, kuchli antioksidant, endogen va ekzogen erkin radikallarni va toksinlarni qamrab oluvchi sitoprotektordir. Atsetiltsistein xujayralarning oksidlanish-qaytarilish jarayonlarida ishtirok etuvchi xujayra ichidagi glutationni sintezini kuchayishiga yordam beradi va kamayib ketishini oldini oladi.

Farmakokinetikasi

600 atsetiltsisteinni vena ichiga yuborilganda qon plazmasidagi maksimal kontsentratsiyasi 300 mmol/l ni, qondan yarim chiqarilish davri esa – 2 soatni tashkil etadi. Umumiy klirensi – soatiga 0,21 l/kg ni, plato holatidagi taqsimlanish hajmi esa – 0,34 l/kg ni tashkil etadi. Atsetiltsistein xujayralararo bo‘shliqqa o‘tadi, asosan jigarda, buyrakda, o‘pkada, bronxial sekretda taqsimlanadi. Atsetiltsistein va uning metabolitlari asosan buyrak orqali chiqariladi.

Qo‘llanilishi

Nafas a'zolarining balg‘am hosil bo‘lishini kuchayishi bilan kechuvchi o‘tkir va surunkali kasalliklarini davolashda qo‘llaniladi.

Qo‘llash usuli va dozalari

Mahalliy qo‘llanishi
Ingalyatsion yuborish kattalarga 1 ampuladan sutkada 1-2 marta shifokorning ko‘rsatmasiga ko‘ra 5-10 kun davomida, bolalarga 6 yoshdan boshlab - 1 ampulagacha sutkada 1-2 marta shifokorning ko‘rsatmasiga ko‘ra 5-10 kun davomida buyuriladi.
Endobronxial yuborish kattalar va bolalarga 6 yoshdan boshlab - 1 ampulagacha sutkada 1-2 marta yuboriladi.
Tizimli qo‘llanishi
Mushak ichiga yuborish
Kattalarga – 300 mg li 1 ampuladan sutkada 1-2 marta, mushak ichiga chuqur yuborish buyuriladi.
Vena ichiga yuborish
Dori vositasi 0,9% li natriy xloridi eritmasida yoki 5% li glyukoza eritmasida eritib, vena ichiga tomchilab yuboriladi.
Kattalarga – 300 mg li 1 ampuladan sutkada 1-2 marta buyuriladi.
Bolalar.
Vena ichiga va mushak ichiga yuborish uchun preparat bolalarda qo‘llanmaydi (asosan peroral dori shakllari qo‘llaniladi).
Mahalliy qo‘llash uchun dori vositasini bolalarga 6 yoshdan boshlab qo‘llash kerak.
Nojo‘ya ta'sirlari
Mahalliy qo‘llanganda quyidagi reaktsiyalar yuz berishi mumkin
immun tizimi tomonidan o‘ta yuqori sezuvchanlik reaktsiyalari;
nafas a'zolari tizimi tomonidan bronxospazm, rinoreya;
ovqat hazm qilish tizimi tomonidan stomatit, qusish, ko‘ngil aynishi;
teri qoplamalari tomonidan eshakemi, toshma, qichishish.
Parenteral qo‘llanganda quyidagi reaktsiyalar yuz berishi mumkin
immun tizimi tomonidan anafilaktik shok, anafilaktik reaktsiyalar, anafilaktoid reaktsiyalar, o‘ta yuqori sezuvchanlik;
yurak-qon tomir tizimi tomonidan taxikardiya, arterial bosimni pasayishi
nafas a'zolari tizimi tomonidan bronxospazm, dispnoe;
ovqat hazm qilish tizimi tomonidan qusish, ko‘ngil aynishi, qorinda og‘riq, diareya, dispepsiya, jig‘ildon qaynashi;
teri qoplamalari tomonidan angionevrotik shish, eshakemi, giperemiya, yuborish joyida achishish, toshma, qichishish, yakka hollarda Stivens-Djonson sindromi va Layell sindromi rivojlanishi mumkin;
boshqalar yuzni shishi, bosh og‘rig‘i, quloqlarni shang‘illashi, gemorragiyalar, gipertermiya, anemiya, protrombin vaqtini oshishi.

Qo‘llash mumkin bo‘lmagan holatlar

Atsetiltsisteinga yoki preparatning boshqa komponentlariga yuqori sezuvchanlik, zo‘rayish bosqichidagi me'da va o‘n ikki barmoq ichak yara kasalligi, qon tupurish, o‘pkadan qon ketishida qo‘llash mumkin emas.
Dorilarning o‘zaro ta'siri
Atsetiltsisteinni yo‘talga qarshi vositalar bilan bir vaqtda qo‘llanishi, yo‘tal refleksini susayishi natijasida balg‘amni dimlanishini kuchaytirishi mumkin.
Atsetiltsistein va nitroglitserinni bir vaqtda qabul qilinishi, nitroglitserinning qon tomirlarni kengaytiruvchi ta'sirini kuchayishiga olib kelishi mumkin. Patsiyentlarni arterial bosimni pasayishi va bosh og‘rig‘ini paydo bo‘lishi mumkinligi to‘g‘risida ogohlantirish kerak.
Antibiotiklar va atsetiltsisteinni bir shpritsda qo‘llash tavsiya qilinmaydi antibiotiklarning faolligi pasayishi mumkin.
Xelat strukturalarni hosil qilish xususiyati tufayli, atsetiltsistein oltin, kaltsiy, temir kabi metallarning tuzlarini biokiraolishligini pasaytirishi mumkin. Shuning uchun bu preparatlarni xar xil vaqtlarda qo‘llash tavsiya etiladi.
Laboratoriya ko‘rsatkichlari.
Atsetiltsisteinni qo‘llanishi salitsilatlarni kolorimetrik usul bilan miqdoriy aniqlash natijalarini va siydikda ketonlarni aniqlash natijalarini o‘zgartirishi mumkin.
Nomutanosibligi.
Ingamist eritmasi rezina va metall yuzalar bilan kontaktda bo‘lmasligi lozim.

Maxsus ko‘rsatmalar

Bronxial astmasi bo‘lgan patsiyentlar Ingamist bilan davolash davrida shifokor nazorati ostida bo‘lishlari kerak. Bronxospazm rivojlangan hollarda, atsetiltsisteinni qabul qilishni darhol to‘xtatish kerak.
Anamnezida me'da yoki o‘n ikki barmoq ichak yara kasalligi bo‘lgan patsiyentlar, ayniqsa me'da shilliq qavatini ta'sirlovchi boshqa dori vositalarni yondosh qabul qilayotgan hollarda Ingamistni ehtiyotkorlik bilan qo‘llashlari kerak.
Atsetiltsisteinni, asosan davolashni boshida qabul qilish, bronxial bezlarning sekretini suyultirishi va uning hajmini oshirishi mumkin. Agar patsiyent balg‘amni samarali tarzda yo‘talib tashlay olmasa, postural drenaj qilish va bronx ichidagi balg‘amni aspiratsiya qilish kerak.
Vena ichiga preparatni shifokorning qat'iy kuzatuvi ostida yuborish lozim. Atsetiltsisteinni vena ichiga yuborilganda nojo‘ya ta'sirlar, agar dori vositasi xaddan tashqari tez yoki katta dozalarda yuborilsa, ko‘proq yuz berishi mumkin. Shuning uchun “

Qo‘llash usuli va dozalari

” bo‘limida keltirilgan ko‘rsatmalarni aniq bajarish lozim.
Dori vositasi bir ampulada 43 mg (1,9 mmol) natriy saqlaydi. Buni nazorat qilingan natriyli parhezdagi patsiyentlar hisobga olishlari lozim.
Ingamist eritmasi rezina va metall yuzalar bilan kontaktda bo‘lmasligi lozim.
Eritmadagi kuchsiz oltingugurt hidi faol moddaning o‘ziga xos hidi hisoblanadi.
Vena ichiga yuborilganda ampulani bevosita dori vositasini qo‘llash oldidan ochish lozim. Sirtga (mahalliy) qo‘llanganda ampula ichidagi modda qisman ishlatilishi mumkin qolgan eritma (yaxshi saqlash sharoitlarida) 24 soat davomida faqat sirtga ishlatilishi mumkin; qolgan eritmani in'ektsiya uchun qo‘llash man etiladi.
Homiladorlik yoki emizish davrida qo‘llanishi.
Atsetiltsisteinni homiladorlik yoki emizish davrida, agar ona uchun taxmin qilinayotgan foyda, homila yoki bola uchun potentsial xavfdan ustun bo‘lgan hollardagina va bevosita shifokorning kuzatuvi ostida qo‘llash mumkin.
Avtotransportni yoki boshqa mexanizmlarni boshqarishda reaktsiya tezligiga ta'sir qilish xususiyati.
Reaktsiya tezligiga ta'sir qilishini tasdiqlovchi ma'lumotlar yo‘q.
Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Dozani oshirib yuborilishi

Vena ichiga yuborilganda
Simptomlari
Dozani oshirib yuborish simptomlari og‘ir darajaga ega bo‘lgan nojo‘ya reaktsiyalarning simptomlariga o‘xshash bo‘ladi.
Davolash
Davolash preparatni yuborishni darhol to‘xtatishni va simptomatik davolashnio‘tkazishni talab etadi. Spetsifik antidoti yo‘q. Dializni o‘tkazish samarali hisoblanadi.
Mahalliy qo‘llanganda
Simptomlari
Preparatning yuqori dozalari bronx-o‘pka sekretini katta miqdorda ajralib chiqishini chaqirishi mumkin, bu nafas yo‘llarining obstruktsiyasiga olib keladi.
Davolash
Traxeobronxiaz daraxtdan shilliqni mexanik tarzda olib tashlash kerak.

Chiqarilish shakli

3 ml dan to‘q shisha ampulalarda; 5 ampuladan kontur uyali o‘ramda; 2 kontur uyali o‘ramdan qutida.

Saqlash sharoiti

Original o‘ramida, 30°S dan yuqori bo‘lmagan haroratda saqlansin.

Yaroqlilik muddati

2 yil.

Dorixonalardan berish tartibi

Retsept bo‘yicha.

Ishlab chiqaruvchi

“Yuriya-Farm” OAJ

Ishlab chiqaruvchi

ning manzili va u faoliyat ko‘rsatadigan manzil
Ukraina, 18030, Cherkass sh., Verbovetskiy ko‘ch., 108. Tel. +38 (044) 281-01-01.