Prospan ichga qabul qilish uchun tomchilar 20ml

Preparatning savdo nomi

Prospan®
Ta'sir etuvchi modda (XPN) pechak barglarining quruq ekstrakti

Dori shakli

ichga qabul qilish uchun tomchilar
1ml preparat quyidagilarni saqlaydi
faol modda pechak barglarining quruq ekstrakti (5-7, 51) - 0,02 g
yordamchi moddalar tozalangan suv, natriy saxarinati, 96% etanol, arpabodiyon moyi, ukrop moyi, yalpiz moyi.
Ta'rifi To‘q-jigarrang rangli spirt va ukrop hidli suyuqlik. Saqlash jarayonida biroz xiralashishi va cho‘kma hosil bo‘lishi mumkin.

Farmakoterapevtik guruhi

o‘simliklardan olingan balg‘am ko‘chiruvchi vosita.
ATX kodi R05CA

Farmakologik xususiyatlari

O‘simliklardan olinadigan yo‘talga qarshi preparat. Balg‘am ko‘chiruvchi, mukolitik va spazmolitik ta'sirga ega.
Balg‘amning qovushqoqligini kamaytiradi va uning ko‘chishiga yordam beradi.

Qo‘llanilishi

Preparat yuqori nafas yo‘llari va o‘pkaning yo‘tal va qiyin ajraladigan balg‘amni ajralishi bilan kechuvchi yallig‘lanish kasalliklarini davolashda, balg‘amni ko‘chiruvchi vosita sifatida qo‘llaniladi.

Qo‘llash usuli va dozalari

Ichga qo‘llanadi.
Kattalar va 10 yoshdan katta bolalarga 24 tomchidan kuniga 3 marta (kuniga 50,4 mg pechak barglarining quruq ekstrakti), 4-10 yosh bolalarga kuniga 3 marta 16 tomchidan (kuniga 33,6 mg pechak barglarining quruq ekstrakti) va 1-4 yosh bolalarga kuniga 3 marta 12 tomchidan (kuniga 25,2 mg pechak barglarining quruq ekstrakti) buyuriladi.
Tomchilarni ovqat qabul qilishdan oldin qabul qilish lozim. Kichik bolalarga tomchilarni oz miqdordagi suv bilan berish tavsiya qilinadi.
Davolash kursi kasallikni kechishi og‘irligiga qarab belgilanadi, minimal davolash kursi 1 haftani tashkil qilishi kerak.
Terapevtik samarani mustahkamlash uchun kasallik belgilari yo‘qolganidan keyin, davolashni yana 2 – 3 kun davomida davom ettirish tavsiya qilinadi.
Bemorning xolati yaxshilanmasa shifokorga murojaat qilish kerak.
Nojo‘ya ta'sirlari
Pechak saqlovchi vositasini qabul qilgandan keyin juda kam hollarda xansirash, shish, terini qizarishi yoki qichishish kabi allergik reaktsiyalar bo‘lishi mumkin. Ushbu yo‘riqnomada ta'riflanmagan nojo‘ya samaralar paydo bo‘lganda preparatni qabul qilishni bekor qilish va bu xaqida shifokorga xabar berish kerak.

Qo‘llash mumkin bo‘lmagan holatlar

Preparatning komponentlariga yuqori sezuvchanlik, bolalar (1 yoshgacha), alkogolizm va alkogol saqlovchi preparatlarni qabul qilish mumkin bo‘lmagan boshqa holatlarda qo‘llash mumkin emas.
Dorilarning o‘zaro ta'siri
Boshqa dori vositalari bilan o‘zaro ta'siri ma'lum emas.

Maxsus ko‘rsatmalar

Preparat 47 hajm % alkogol saqlaydi.
Qand, konservantlar va bo‘yovchi moddalarni saqlamaydi. Saqlash jarayonida suyuqlikni biroz xiralashishi, unda cho‘kma hosil bo‘lishi va ta'mi ahamiyatsiz o‘zgarishi mumkin, bu preparatning terapevtik samarasiga ta'sir qilmaydi.
Homiladorlik va emizish vaqtida qo‘llanishi
Preparatni homiladorlik va emizish davrida qo‘llashning mumkinligini aniqlash maqsadida tekshirishlar o‘tkazilmaganligi tufayli, preparatni faqat shifokor bilan oldindan maslahatlashib qo‘llash mumkin.
Avtotransportni boshqarish yoki boshqa mexanizmlar bilan ishlash reaktsiya tezligi qobiliyatiga ta'siri
Ta'sir qilmaydi.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Kundalik buyurilgan dozadan ahamiyatli yuqori (3 martadan ortiq) dozani qabul qilish ko‘ngil aynishi, qusish va diareyani chaqirishi mumkin. Bunday hollarda patsiyent shifokorga murojaat qilishi kerak.

Chiqarilish shakli

20 ml dan tiqin – tomchilagich va buraladigan qopqoq bilan ta'minlangan to‘q shisha flakonlarda. Har bir flakon qo‘llash bo‘yicha yo‘riqnomasi bilan karton qutiga joylangan.

Saqlash sharoiti

+25˚S yuqori bo‘lmagan haroratda saqlansin.

Yaroqlilik muddati

4 yil.

Dorixonalardan berish tartibi

Retseptsiz.

Ishlab chiqaruvchi

Engelgard Artsnaymittel GmbX & Ko KG.,
Xertsbergshtrasse, 3, D – 61138 Niderdorfelbden, Germaniya
O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
Uzbekiston, 100041, Toshkent sh., M.Ulugbek tumani, Navnixol ko‘ch., 86
Tel. +99871 230 91 93
email intopharm@zoho.com