Pulmoksol sirop 15mg/5ml 150ml

Preparatning savdo nomi

Pulmoksol
Ta'sir etuvchi modda (XPN ambroksol (ambroxol)

Dori shakli

sirop

Tarkibi

Har 5 ml sirop quyidagilarni saqlaydi
faol modda 15 mg ambroksol gidroxloridi.
yordamchi moddalari benzoy kislotasi, sorbit (70%), qulupnayli essentsiya, ionsizlangan suv.
Ta'rifi rangsiz, tiniq eritma.

Farmakoterapevtik guruhi

mukolitik vosita.
ATX kodi R05CB06

Farmakologik xususiyatlari

Farmakodinamika

si
Ambroksol gidroxloridi mukolitik va balg‘am ko‘chiruvchi ta'sir ko‘rsatadi. Ambroksol bromgeksinning metaboliti bo‘lib, kuchli balg‘am ko‘chiruvchi ta'sirga ega. Ambroksol gidroxloridi surfaktant hosil bo‘lishini rag‘batlantiradi, kipriksimon epiteliyning faolligini oshiradi. Ambroksol gidroxloridi balg‘am ko‘chiruvchi ta'sir ko‘rsatib, nafas yo‘llarida to‘planib qolgan balg‘amni uni suyulishi va yopishqoqligini kamayishi hisobiga, yo‘tal vaqtida chiqarilishini yengillashtiradi. Bronxial sekretsiyani oshiradi va uning yopishqoqligini kamaytiradi. Mukolitik ta'siri natijasida shilimshiqni yopishqoqligini buzadi, balg‘amni sezilarli darajada yumshatadi, shunday qilib uning chiqarilishini yengillashtiradi.

Farmakokinetikasi

Ambroksol gidroxloridi og‘iz orqali qo‘llanganida tez va to‘liq so‘riladi. Biokiraolishligi taxminan 70%. 1/3 jigar orqali «birinchi» o‘tishda chiqariladi. Och qoringa qabul qilinganida plazmadagi maksimal kontsentratsiyasiga 2,5 soatdan keyin erishiladi. Yarim chiqarilish davri 9-10 soatni tashkil etadi. Terapevtik plazma kontsentratsiyasi 30 ng/ml ni tashkil etadi. Bunday kontsentratsiyagapreparat 30 mg dan kuniga 2 marta qabul qilib erishish mumkin. Qayta qabul qilinganida plazmada to‘planmaydi. Preparatni 90% oqsillar bilan bog‘lanadi. Peroral qabul qilinganidan keyin preparatni 85% metabolitlari ko‘rinishida va 10% o‘zgarmagan holda siydik bilan chiqariladi.

Qo‘llanilishi

PulmoksolTM o‘pkaning surunkali obstruktiv kasalliklari, bronxial astma, bronxoektezlar, o‘tkir va surunkali bronxitlar, laringitlar, sinusitlar, rinitlar, o‘tkazilgan bronx-o‘pka operatsiyalaridan keyingi asoratlarni davolash va oldini olishda qo‘llanadi.

Qo‘llash usuli va dozalari

Agar shifokorning boshqa tavsiyalari bo‘lmasa, PulmoksolTM quyidagi usul bilan buyuriladi
Bolalar
2 yoshgacha 2,5 ml kuniga 2 marta
2-5 yosh 2,5 ml kuniga 3 marta
5-12 yosh 5 ml kuniga 2-3 marta.
Nojo‘ya ta'sirlari
Juda kam hollarda ko‘ngil aynashi, qusish, diareya, holsizlik, bosh og‘rig‘i, teri toshmalari kuzatilishi mumkin.
Noxush samaralar paydo bo‘lganida shifokorga murojaat qiling.

Qo‘llash mumkin bo‘lmagan holatlar

Bromgeksin, ambroksolga yoki preparatni boshqa komponentlariga yuqori sezuvchanlikda qo‘llash mumkin emas.
Dorilarning o‘zaro ta'siri
Kodein va atropinsimon komponentlarni saqlovchi, sekretsiyani kamaytiruvchi yo‘talga qarshi vositalar bilan birga ishlatilmasin.

Maxsus ko‘rsatmalar

Kodein va yo‘talga qarshi boshqa vositalar bilan majmuada qo‘llash tavsiya qilinmaydi, chunki bunda balg‘am va shilimshiqni ajralishi qiyinlashadi. Jigar, buyrak funktsiyasi buzilishlarida, shuningdek peptik yaralarda ehtiyotkorlik bilan buyurish kerak.
Homiladorlik vaqtida va laktatsiya davrida qo‘llanishi
Homiladorlik (V toifasi)
Klinik tadqiqotlarni yetarli emasligini inobatga olib, homiladorlikni I uch oyligida preparatni faqat juda zarur xollarda foyda xavfi nisbati baxolangandan so‘ng buyurish mumkin.
Laktatsiya
Preparat ko‘krak sutiga ajralib chiqadi, biroq terapevtik dozalarda qabul qilingan preparat bolaga salbiy ta'sir ko‘rsatmaydi.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Dozani oshirilib yuborilish hollari kuzatilmagan. Maxsus antidoti yo‘q. Dozani oshirib yuborish simptomlari paydo bo‘lganida bemorlarda sun'iy qusishni chaqirish, me'dani yuvish, simptomatik va samarani bir maromda ushlab turuvchi davolashni buyurish kerak.

Chiqarilish shakli

150 ml pediatrik sirop to‘q shisha flakonda.
1 flakon o‘lchov qopqoqchasi (15 ml 2,5 ml va 5 ml belgili) qo‘llash bo‘yicha yo‘riqnomasi bilan birga karton qutida.

Saqlash sharoiti

250S dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Retseptsiz

Ishlab chiqaruvchi

Drogsan Ilachlari San. ve Tidj. A.Sh.
Turkiya, 06760, Anqara, Chubuk
O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
«ASFARMA SAVDO» MChJ
O‘zbekiston, 100097, Toshkent sh., Chilonzor tumani, S Mavze, 4 A uy.
Tel. (+998 71) 273 70 95;