Analgin in'ektsiya uchun eritma 50% 2ml №10 (Dalkhimfarm)

Preparatning savdo nomi

Analgin.
Ta'sir etuvchi modda (XPN) metamizol natriy.

Dori shakli

vena ichiga va mushak ichiga yuborish uchun eritma.

Tarkibi

Faol modda metamizol natriy (analьgin) – 250 mg yoki 500 mg.
Yordamchi modda in'ektsiya uchun suv – 1 ml gacha.
Ta'rifi tiniq, biroz bo‘yalgan suyuqik.
Farmakoterapevtik guruxi og‘riqni qoldiruvchi nonarkotik vosita.
ATX kodi [N02BB02].

Farmakologik xususiyatlari

Og‘riqni qoldiruvchi nonarkotik vosita, pirazolonning hosilasi, siklooksigenazani noselektiv bloklaydi va araxidon kislotasidan prostaglandinlarning hosil bo‘lishini kamaytiradi.
Goll va Burdax boylamlari bo‘ylab ekstra- va propriotseptiv og‘riq implьslarining o‘tkazilishiga to‘sqinlik qiladi, og‘riq sezuvchanligining talamik markazlarining qo‘zg‘aluvchanlik bo‘sag‘asini oshiradi, issiqni berilishini oshiradi.
Farqli tomoni, suv-tuz almashinuviga (natriy ionlari va suvning tutilishi) va me'da-ichak yo‘llarining shilliq qavatiga kuchsiz ta'sirini belgilovchi, yallig‘lanishga qarshi ta'sirining ahamiyatsiz ifodalanganligidir. Og‘riqni qoldiruvchi, isitmani tushiruvchi va biroz spazmolitik (siydik chiqarish va safro chiqarish yo‘llarining silliq mushaklariga nisbatan) ta'sir ko‘rsatadi.

Farmakokinetikasi

Vena ichiga yuborilganidan keyin yarim chiqarilish davri 14 minutni tashkil qiladi. Taxminan 96% metabolitlari ko‘rinishida siydik bilan chiqariladi. Faol metabolitining plazma oqsillari bilan bog‘lanishi – 50-60%. Jigarda metabolizmga uchraydi, buyraklar orqali chiqariladi. Terapevtik kontsentratsiyalarda ko‘krak sutiga o‘tadi.

Qo‘llanilishi

Infektsion-yallig‘lanish kasalliklaridagi isitmali holatlar.
Kelib chiqishi turlicha bo‘lgan kuchsiz yoki o‘rtacha darajali og‘riq sindromi (bosh og‘rig‘i, migren', tish og‘rig‘i, nevralgiya, mialgiya; dismenoreya; operatsiyadan keyingi og‘riq sindromi; buyrak, o‘t pufak va ichak sanchiqlarida spazmolitik vositalarni buyurish bilan birga).

Qo‘llash usuli va dozalari

Preparat mushak ichiga yoki vena ichiga (kuchli og‘riqlarda) yuboriladi.
Kattalarga Mushak ichiga yoki vena ichiga – 250-500 mg sutkada 3 marta. Maksimal bir martalik doza – 1 g, sutkalik – 2 g ni tashkil qiladi.
Bolalarga 5-10 mg/kg xisobidan sutkada 2-3 marta buyuriladi. 1 yoshgacha bo‘lgan bolalarga, lekin 3 oylikdan katta yoki tana vazni 5 kg dan ortiq, faqat mushak ichiga yuboriladi. Preparatni qo‘llash davomiyligi 3 kundan ko‘p emas.
In'ektsiya uchun yuboriladigan eritma tana xaroratiga ega bo‘lishi kerak. 1 g dan ortiq bo‘lgan dozalarini vena ichiga yuborish kerak. Shokka qarshi davolashni o‘tkazish uchun sharoitlarga ega bo‘lish kerak. Arterial bosimning keskin tushib ketishining eng ko‘proq sababi, in'ektsiyaning haddan ziyod tezligi hisoblanadi, shuning uchun vena ichiga yuborish sekin (minutiga 1 ml dan ko‘p bo‘lmagan tezlikda), patsiyentni “yotgan” holatida, arterial bosim, yurak qisqarishlari soni va nafas sonini nazorati ostida o‘tkazilishi kerak.
Nojo‘ya ta'sirlari
Terapevtik dozalarda preparat odatda yaxshi o‘zlashtiriladi.
Siydik chiqarish tizimi tomonidan buyraklar faoliyatini buzilishi, oliguriya, anuriya, proteinuriya, inerstitsial nefrit, siydikni qizil rangga bo‘yalishi.
Allergik reaktsiyalar eshakemi (shu jumladan kon'yunktivada va burun-xalqumning shilliq qavatlarida), angionevrotik shish, xavfli ekssudativ eritema (Stivens-Djonson sindromi), toksik epidermal nekroliz (Layell sindromi), bronxospastik sindrom, anafilaktik shok.
Qon yaratish a'zolari tomonidan agranulotsitoz,leykopeniya, trombotsitopeniya.
Boshqalar arterial bosimni pasayishi.
Maxalliy reaktsiyalar mushak ichiga yuborilganida yuborilgan joyda infilьtratlar bo‘lishi mumkin.

Qo‘llash mumkin bo‘lmagan holatlar

O‘ta yuqori sezuvchanlik, qon yaratilishini susayishi (agranulotsitoz, sitostatik yoki infektsion neytropeniya), jigar va/yoki buyrak yetishmovchiligi, glyukoza-6-fosfatdegidrogenaza tanqisligi bilan bog‘liq bo‘lgan nasliy gemolitik anemiya; bronxial astma, burun va burunoldi bo‘shliqlarining qaytalanuvchi polipozi va atsetilsalitsil kislotasi yoki boshqa nosteroid yallig‘lanishga qarshi preparatlarni o‘zlashtiraolmaslikning (shu jumladan anamnezdagi) to‘liq yoki to‘liq bo‘lmagan birgalikda kelishi; anemiya, leykopeniya.
Ehtiyotkorlik bilan
Hayotini birinchi uch oyligi yoki tana vazni 5 kg dan kam bolalar, buyrak kasalliklari (piyelonefrit, glomerulonefrit – shu jumladan anamnezdagi), alkogolizm.
Sistolik arterial bosimi 100 mm sim ust. past yoki qon aylanishi beqaror (masalan, miokard infarkti, ko‘p sonli travmalar, boshlanayotgan shok fonidagi) patsiyentlarga vena ichiga yuborish.
Dorilarning o‘zaro ta'siri
Farmatsevtik nomutanosiblikning rivojlanishini yuqori extimoli tufayli, bir shpritsda boshqa dori vositalari bilan aralashtirish mumkin emas.
Etanolning ta'sirini kuchaytiradi.
Metamizol natriy bilan davolsh vaqtida rentgenokontrast dori vositalari, kolloidli qon o‘rnini bosuvchilar va penitsillin qo‘llanmasligi kerak.
Siklosporin bir vaqtda qo‘llanganida qonda oxirgisining kontsentratsiyasi pasayadi.
Metamizol natriy peroral gipoglikemik dori vositalarini, bilvosita antikoagulyantlarni, glyukokortikoilarni va indometatsinni plazma oqsillari bilan bog‘idan siqib chiqarib, ularning faolligini oshiradi.
Fenilbutazon, barbituratlar va jigar mikrosomal fermentlarining boshqa induktorlari bir vaqtda buyurilganida, metamizol natriyning samaradorligini kamaytiradilar.
Boshqa narkotik analgetiklar, tritsiklik antidepressantlar, kontratseptiv gormonal dori vositalari va allopurinol bilan bir vaqtda qo‘llash, ularning toksikligini oshishiga olib kelishi mumkin.
Sedativ va anksiolitik dori vositalari (trankvilizatorlar) metamizol natriyning og‘riq qoldiruvchi ta'sirini kuchaytiradi.
Tiamazol va sitostatiklar leykopeniyani rivojlanish xavfini oshiradi.
Kodein, N2-gistamin retseptorlarining blokatorlari va propranolol preparatni samarasini (faolsizlanishini sekinlashtiradi) kuchaytiradilar.
Miyelotoksik dori vositalari preparatning gematotoksikligining ko‘rinishlarini kuchaytiradi.

Maxsus ko‘rsatmalar

5 yoshgacha bo‘lgan bolalar va sitostatik dori vositalarini olayotgan patsiyentlarni davolashda, metamizol natriyni qabul qilish faqat shifokorning kuzatuvi ostida o‘tkazilishi kerak.
O‘zlashtiraolmaslik juda kam uchraydi, lekin preparat vena ichiga yuborilganidan keyin anafilaktik shokni rivojlanish xavfi nisbatan yuqori. Atopik bronxial astmasi va pollinozlari bo‘lgan bemorlarda allergik reaktsiyalarni rivojlanishining yuqori xavfi bor.
Metamizol natriyni qabul qilish fonida agranulotsitoz rivojlanishi mumkin, shuning uchun haroratni oshishi, etni uvishishi, tomoq og‘riqlari, yutishni qiyinlashishi, stomatit aniqlanganida, shuningdek vaginit yoki proktitni ko‘rinishlari rivojlanganida, darxol preparatni bekor qilish kerak. Preparat davomli (bir haftadan ko‘proq) qo‘llanganida periferik qon manzarasini va jigarning funktsional holatini nazorat qilish kerak.
Qorindagi o‘tkir og‘riqlarni yo‘qotish uchun ishlatishga yo‘l qo‘yilmaydi (sababi aniqlanmagunicha).
Mushak ichiga yuborish uchun uzun ignani ishlatish kerak.
Metabolitini chiqarilishi hisobiga siydik qizil rangga bo‘yalishi mumkin.
Homiladorlik va emizish davrida qo‘llanish
Homiladorlikning I va III oyliklarida preparatni qo‘llash mumkin emas.
Homiladorlikning II uch oyligida faqat ona uchun taxmin qilinayotgan foyda, homila uchun potentsial xavfdan yuqori bo‘lgan hollarda qo‘llash mumkin.
Preparat bilan davolash davrida emizishni to‘xtatish kerak.
Transport vositalarini va diqqatni yuqori jamlashni talab qiluvchi mexanizmlarni boshqarish qobiliyatiga ta'siri
Dori preparatining nojo‘ya ta'sirlarini hisobga olib, davolanish davrida transport vositalarini boshqarish va yuqori diqqatni va psixomotor reaktsiyalar tezligini talab qiluvchi boshqa potentsial xavfli faoliyat turlari bilan shug‘ullanishda ehtiyotkorlikka rioya qilish lozim.
Preparat bolalar olaolmaydigan joyda saqlansin va yaroqlilik muddati o‘tgach ishlatilmasin.

Dozani oshirib yuborilishi

Simptomlari ko‘ngil aynishi, qusish, gastralgiya, oliguriya, gipotermiya, arterial bosimni pasayishi, taxikardiya, hansirash, quloqlarda shovqin, uyquchanlik, alahsirash, ongni buzilishi, o‘tkir agranulotsitoz, gemorragik sindrom, o‘tkir buyrak va/yoki jigar yetishmovchiligi, tirishishlar, nafas mushaklarining falaji.
Davolash me'dani yuvish, tuzli surgilar, faollashtirilgan ko‘mir; jadallashtirilgan diurez, gemodializ o‘tkazish, tirishish sindromi rivojlanganida – diazepam va tez ta'sir qiluvchi barbituratlarni yuborish.

Chiqarilish shakli

Vena ichiga va mushak ichiga yuborish uchun eritma 250 mg/ml, 500 mg/ml.
1 ml, 2 ml yoki 10 ml dan neytral shisha ampulalarda. 10 ampuladan qo‘llash bo‘yicha yo‘riqnomasi va ampulalarni ochish uchun pichoq yoki ampula skarifikatori bilan birga karton qutiga joylanadi.
5 ampuladan (1 ml va 2 ml uchun) polivinilxlorid plenka kontur uyali o‘ramda. 2 kontur uyali o‘ram qo‘llash bo‘yicha yo‘riqnomasi va ampulalarni ochish uchun pichoq yoki ampula skarifikatori bilan birga karton qutiga joylanadi.
Sindirish nuqtasi yoki xalqasi bo‘lgan ampulalar ishlatilganida, ampulalarni ochish uchun pichoq yoki ampula skarifikatorini joylamaslikka yo‘l qo‘yiladi.

Saqlash sharoiti

Yorug‘likdan himoyalangan joyda, 5 dan 25ºCgacha bo‘lgan xaroratda.

Yaroqlilik muddati

3 yil.

Dorixonalardan berish tartibi

Retsept bo‘yicha.

Ishlab chiqaruvchi

ning nomi va manzili va dori preparatini ishlab chiqarish joyining manzili/e'tirozlarni qabul qiluvchi tashkilot.
«DAL'XIMFARM» OAJ, 680001, Rossiya Federatsiyasi, Xabarovsk o‘lkasi, Xabarovsk sh., Tashkentskaya ko‘ch., 22, tel/faks (4212) 53-91-86.